1	GEN 1:1	Sanam mɛ Gusunɔ u handunia torua, u wɔllu ka tem taka kua.
2	GEN 1:2	Tem daa wãawa bitam. Gãanu kun wãa mɛ sɔɔ. Mɛn temɔ wɔru bɔkɔwa ɡa wãa mi, ma yam wɔ̃kura ɡu wukiri. Ma nim mu tɛrie tem mɛn wɔllu ɡia. Nim mɛn wɔllɔwa Gusunɔn Hunde ra n bɛllimɔ.
6	GEN 1:6	Ma Gusunɔ u nɛɛ, ɡãanu nu tɛrio wɔllɔ nɡe ɡɔna kpa mu n nim bɔnu sãa.
7	GEN 1:7	Ye u ɡerua mɛ, ma wom mu tɛria mu nim mɛ bɔnu kua. Sukum wãa nim wɔllɔ, sukum maa wãa temɔ.
8	GEN 1:8	Ma u ɡãa ni soka wɔllu. Saa ye u yeba mɔ̀, sɔ̃ɔ sɔɔ ka wɔ̃kuru n swĩina ma n kua tɔ̃ru yiruse.
14	GEN 1:14	Ma Gusunɔ u nɛɛ, fitilanu nu kooro wom dirum sɔɔ kpa nu sɔ̃ɔ sɔɔ ka wɔ̃kuru wunana, kpa nu n sɔ̃ɔsimɔ saa ye wɔ̃su ka tɔ̃ɔ bakanu koo tore.
15	GEN 1:15	Kpa nu n sãa fitilanu wom dirum sɔɔ nu ka tem yam bururasia. Ye u ɡerua mɛ, ma n koora.
16	GEN 1:16	U fitila bakanu yiru kua, niya sɔ̃ɔ ka suru. U maa kperi kua. U sɔ̃ɔ kuawa u n ka bandu dii sɔ̃ɔ sɔɔ, ma u suru kua u n ka bandu dii wɔ̃kuru.
17	GEN 1:17	Ma u ni kpuro doke wɔllɔ nu n ka tem yam bururasie,
32	GEN 2:1	Nɡe mɛya Gusunɔ u ka wɔllu ka tem ka kpuro ye ya wãa sɔɔ taka kua u wiru ɡo.
35	GEN 2:4	Sanam mɛ Yinni Gusunɔ u wɔllu ka tem taka kua,
42	GEN 2:11	Gbiikaan yĩsira Pisoni. Yeya ya tem mɛ ba mɔ̀ Hafila sikerenɛ.
72	GEN 3:16	Yera u maa kurɔ wi sɔ̃ɔwa u nɛɛ, kon wunɛn ɡuran wahala sosi. Kaa n da mawa ka nɔni swãaru. Wunɛn kĩru kpuro ta ko n wãawa wunɛn durɔ sɔɔ, wiya ko n maa sãa wunɛn wiruɡii.
80	GEN 3:24	Nɡe mɛya u ka Adamu ɡira ma u wɔllun kɔ̃sobu doke Edɛnin ɡbaa ten kɔnnɔwɔ, ɡe ɡa wãa sɔ̃ɔ yari yerun bera ɡia. Ba takobi nɛni ba ye fĩamɔ ma ya ballimɔ sɔ̃ɔ sɔɔ nɡe dɔ̃ɔ yara, ba ka dãa tèn binu nu koo tɔnu wãaru wɛ̃ kɔ̃su.
82	GEN 4:2	Ma u maa ɡura sua u Abɛli, Kaɛnin wɔnɔ mara. Abɛli wiya u ra yãanu kpare, Kaɛni maa kua ɡbee wuko.
84	GEN 4:4	Ma Abɛli maa ka wiɡiru na te u ɡɔsa saa win yaa sabenun bii ɡbiikinun di ni nu bɔɔru. Yinni Gusunɔ u ka Abɛli nɔni ɡeu mɛɛra ma u win kɛ̃ru mwa.
88	GEN 4:8	Sɔ̃ɔ teeru Kaɛni u win wɔnɔ Abɛli sɔ̃ɔwa u nɛɛ, su da ɡberɔ. Sanam mɛ ba wãa mi, yera u win wɔnɔ wi sɛ̃re u ɡo.
89	GEN 4:9	Ma Yinni Gusunɔ u da Kaɛnin mi, u nùn bikia u nɛɛ, mana wunɛn wɔnɔ Abɛli u wãa. U wisa u nɛɛ, na yɛ̃ ro? Nɛna na nɛn wɔnɔn kɔ̃so?
90	GEN 4:10	Ma Yinni Gusunɔ u kpam nɛɛ, mba a kua mi. Wunɛn wɔnɔn yɛm mɛ mu yari temɔ, mu nɛn laakari seeye.
98	GEN 4:18	Enɔku wi, u Iradi mara, Iradi maa Mɛhuyaɛli mara. Mɛhuyaɛli u Mɛtusaɛli mara ma Mɛtusaɛli u Lemɛki mara.
99	GEN 4:19	Lemɛki wi, u kurɔbu yiru sua. Turon yĩsira Ada, turoɡira maa Sila.
100	GEN 4:20	Ada u Yabali mara. Wiya u sãa be ba wãa kunɔ ba yaa sabenu kparamɔn baaba.
101	GEN 4:21	Win wɔnɔn yĩsira Yubali. Wiya maa sãa be ba ra mɔrɔkunu ka ɡuunu so kpuron baaba.
102	GEN 4:22	Sila wi maa, u Tubali Kaɛni mara wi u ra dendi yãnu kpuro seku ye n sãa sisu ka sii ɡandu. Win sesun yĩsira Naama.
103	GEN 4:23	Yera Lemɛki u win kurɔbu sɔ̃ɔwa u nɛɛ, i man swaa dakio, bɛɛ nɛn kurɔbu, Ada ka Sila. Na tɔnu ɡo bɛɛn sɔ̃ yèn sɔ̃ u man mɛɛra kua.
105	GEN 4:25	Adamu ka win kurɔ Efa ba mɛnna kpam, ma Efa u ɡura sua u bii tɔn durɔ mara u nùn yĩsiru kã Sɛti. U nɛɛ, domi Yinni Gusunɔ u kpam man bii tɔn durɔ kã u kua Abɛlin kɔsire, wi Kaɛni u ɡo.
118	GEN 5:12	Ye Kenani u kua wɔ̃ɔ wata ka wɔkuru, yera u Mahalalɛɛli mara.
119	GEN 5:13	Mahalalɛɛlin marubun biru Kenani wi, u bii tɔn durɔbu ka tɔn kurɔbu marumɔ sere n ka kua wɔ̃ɔ nɛnɛ ka weeru (840).
121	GEN 5:15	Ye Mahalalɛɛli u kua wɔ̃ɔ wata ka nɔɔbu, yera u Yerɛdi mara.
122	GEN 5:16	Yerɛdin marubun biru Mahalalɛɛli wi, u bii tɔn durɔbu ka tɔn kurɔbu marumɔ sere n ka kua wɔ̃ɔ nɛnɛ ka tɛna (830).
127	GEN 5:21	Ye Enɔku u kua wɔ̃ɔ wata ka nɔɔbu, yera u Mɛtusela mara.
128	GEN 5:22	Mɛtuselan marubun biru Enɔku wi, u ka Gusunɔ swĩina. U bii tɔn durɔbu ka tɔn kurɔbu marumɔ sere n ka kua wɔ̃ɔ ɡooba wunɔbu (300).
130	GEN 5:24	U ka Gusunɔ swĩina, yen biru u doona wɔllɔ, domi Gusunɔ u nùn suawa wasiru.
131	GEN 5:25	Ye Mɛtusela u kua wɔ̃ɔ wunaa wɛnɛ ka nɔɔba yiru (187), yera u Lemɛki mara.
132	GEN 5:26	Lemɛkin marubun biru Mɛtusela wi, u bii tɔn durɔbu ka tɔn kurɔbu marumɔ sere n ka kua wɔ̃ɔ nata ka wunaa wɛnɛ ka yiru (782).
140	GEN 6:2	Wɔllun tɔmbu ɡaba na ba wa ma tɔmbun bii tɔn kurɔbu ba wã ma ba tii kurɔbu ɡɔsia.
141	GEN 6:3	Ma ba ka bu mɛnna ba bibu mara. Bii beya ba kua durɔ ɡbebunu handunia sɔɔ, ni nu raa yĩsiru yara yellu. Ma Yinni Gusunɔ u nɛɛ, nɛn hunde kun ko n wãa tɔmbu sɔɔ ka baadommaɔ domi ba sãawa be ba koo ɡbi. Ka mɛ, kon de ba n ɡina wãa wɔ̃ɔ wunaa teeru.
154	GEN 6:16	A de ta n kpɛɛru mɔ wɔllɔ. Kpɛɛ te sɔɔ, kpa a fɛnɛnti ko yen dɛ̃ɛbu ka yasum mu n sãa ɡɔm soo teeru. Kpa a kɔnnɔ yaba ten yɛ̃saɔ, a kɛnutiru doke. A de ta n sãa ɡidambisa ita.
171	GEN 7:11	Nɔwɛn wɔ̃ɔ natasen suru yirusen sɔ̃ɔ wɔkura nɔɔbu ka yiruse sɔɔ, yera n sãare nɡe ba wɔru bɔkɔ kɔria ma nim mu kurama ka dam tem di, ma ɡura nɛmɔ nɡe wɔlla ɡɛ̃ɛra.
177	GEN 7:17	Gura nɛmɔ ma nim mu kpɛ̃amɔ tem sɔɔ sere sɔ̃ɔ weeru, mu tɛriamɔ mu kpakoro te yĩiya ma ta seewa tem di ta ɡɛrua mɛn wɔllɔ.
180	GEN 7:20	Mu kpam ɡunia ɡuunun wɔllun di sere ɡɔm soonu wɔkura nɔɔbu.
186	GEN 8:2	Nim mɛ mu kuramɔ tem di mu yɔ̃ra, wɔlla maa kɛnua, ɡura yɔ̃ra.
188	GEN 8:4	Suru nɔɔba yirusen sɔ̃ɔ wɔkura nɔɔbu ka yiruse sɔɔ, yera kpakoro te, ta da ta yɔ̃ra ɡuu te ba mɔ̀ Araratin wɔllɔ.
189	GEN 8:5	Nim mu kaaramɔ sere n ka kua suru wɔkuruse. Suru win tɔ̃ɔ ɡbiikiru sɔɔra ɡuunun wii wɔlla tera.
204	GEN 8:20	Saa yera Nɔwɛ u yãku yeru bana mi u koo Yinni Gusunɔ sã. Ma u yɛɛ ka ɡunɔsu ɡɔsa bweseru baatere sɔɔ te ba ra ka yãkuru ko. Ma u ka yãku dɔ̃ɔ mwaararuɡinu kua yãku yee ten wɔllɔ.
219	GEN 9:13	Tera ɡuru waa ye na dokemɔ wɔllɔ.
220	GEN 9:14	Nà n ɡuru winu doke wɔllɔ, ɡuru waa ye, ya koo sɔ̃ɔsira ni sɔɔ,
230	GEN 9:24	Sanam mɛ Nɔwɛn tam mu kpalla, yera u nua ye win bii yiruse u nùn kua.
237	GEN 10:2	Be Yafɛti u mara be wee, Gomɛɛ ka Maɡɔɡu ka Madai ka Yafani ka Tubali ka Mɛsɛki ka Tirasi.
239	GEN 10:4	Yafaniwa u maa Elisa ka Taasisi ka Kitimu ka Dodanimu mara.
242	GEN 10:7	Kusi u seewa ma u Saba ka Hafila ka Sabuta mara ka Raema ka Sabuteka. Raema u maa seewa u Seba ka Dedani mara.
245	GEN 10:10	Nimurodu wi, u ɡina ɡbia u bandu di Babɛliɔ ka Erɛkiɔ ka Akadiɔ ka Kalinɛɔ Sinɛan temɔ.
246	GEN 10:11	Tem min diya u yara u da Asirin temɔ. Ma u wuu sini bana si ba mɔ̀ Ninifu ka Rehobɔtuhiro ka Kalasi,
247	GEN 10:12	ka maa Resɛni, Ninifu ka Kalasin baa sɔɔ. Wuu si kpuro su kuawa wuu bɔkɔ teu.
249	GEN 10:14	ka Paturusiɡibu ka Kafitoriɡibu ka Kasuluɡibu mìn di Filisitiban bwesera yarima.
257	GEN 10:22	Ben yĩsa wee, Elamu ka Asuri ka Aapasadi ka Ludi ka Aramu.
258	GEN 10:23	Ma Aramu u seewa u maa Usi ka Uli mara ka Getɛɛ ka Masi.
259	GEN 10:24	Aapasadi u maa Sela mara. Ma Sela u maa Heberu mara.
260	GEN 10:25	Ma Heberu u bii tɔn durɔbu yiru mara. Turowa ba sokumɔ Pelɛɡi, yèn sɔ̃ win waati sɔɔra duniaɡiba tem bɔnu kua. Win wɔnɔn yĩsira maa Yokutani.
261	GEN 10:26	Ma Yokutani wi, u maa Alimɔdadi mara ka Selɛfu ka Hasamafɛti ka Yeraa
262	GEN 10:27	ka Hadoramu ka Usali ka Dikila
263	GEN 10:28	ka Obali ka Abimaɛli ka Saba
264	GEN 10:29	ka Ofiri ka Hafila ka Yobabu. Be kpurowa ba sãa Yokutanin bibu.
268	GEN 11:1	N deema yellu handunia kpuro sɔɔ, barum tema ba ra ɡere mam mam.
271	GEN 11:4	Ba kpam nɛɛ, i de su wuu swĩi kpa su ɡidambisa bani yèn wii kpiira koo wɔllu ɡirari, kpa su yĩsiru yari kpa su ku yarina handunia kpuro sɔɔ.
276	GEN 11:9	Yen sɔ̃na ba wuu ɡe soka Babɛli, domi miya Yinni Gusunɔ u barum burisina. Min diya u maa tɔmbu kpuro yarinasia ba pusa handunia kpuro sɔɔ.
279	GEN 11:12	Ye Aapasadi u kua wɔ̃ɔ tɛna ka nɔɔbu ma u Sela mara.
280	GEN 11:13	Selan marubun biru Aapasadi u maa bii tɔn durɔbu ka tɔn kurɔbu marumɔ sere n ka kua wɔ̃ɔ nɛɛru ka ita (403).
281	GEN 11:14	Ye Sela u kua wɔ̃ɔ tɛna ma u Heberu mara.
282	GEN 11:15	Heberun marubun biru Sela u maa bii tɔn durɔbu ka tɔn kurɔbu marumɔ sere n ka kua wɔ̃ɔ nɛɛru ka ita (403).
283	GEN 11:16	Heberu u kua wɔ̃ɔ tɛna ka nnɛ ma u Pelɛɡi mara.
284	GEN 11:17	Pelɛɡin marubun biru Heberu u maa bii tɔn durɔbu ka tɔn kurɔbu marumɔ sere n ka kua wɔ̃ɔ nɛɛru ka tɛna (430).
285	GEN 11:18	Pelɛɡi u kua wɔ̃ɔ tɛna ma u Rehu mara.
286	GEN 11:19	Rehun marubun biru Pelɛɡi u maa bii tɔn durɔbu ka tɔn kurɔbu marumɔ sere n ka kua wɔ̃ɔ ɡoobu ka nɔɔba nnɛ (209).
295	GEN 11:28	Harani wi, u ɡu ben wuu Uru sɔɔ, Kaladen temɔ mi ba nùn mara, win tundo Tera u sɔ̃.
296	GEN 11:29	Aburamu ka Nakori ba kurɔbu sua. Aburamun kurɔn yĩsira Saarai, Nakoriɡiin yĩsira maa Milika. Wi ka Yisika ba sãawa Haranin bibu.
298	GEN 11:31	Yen biru Tera u win bii Aburamu sua ka Saarai Aburamun kurɔ ka Lɔtu Haranin bii, ba seewa ba yara sannu Urun di Kaladen temɔ ba dɔɔ Kananin temɔ. Ye ba tura wuu ɡe ba mɔ̀ Karaniɔ ma ba sina mi.
307	GEN 12:8	Yen biruwa u seewa min di u da ɡuuru ɡarun bera ɡia Betɛlin sɔ̃ɔ yari yerɔ u win dii bekuruɡinu ɡira. U Betɛli mɛɛra sɔ̃ɔ kpee yeru ɡia, Ayi maa sɔ̃ɔ yari yerɔ. Miya u maa yãku yeru bana u Yinni Gusunɔ sãwa.
312	GEN 12:13	Na nun kanamɔ, a nɛɛ, wunɛ nɛn sesuwa kpa bu ku man wahala ko wunɛn sɔ̃, kpa a wa a nɛn wiru dwe.
316	GEN 12:17	Adama Yinni Gusunɔ u sunɔ wi ka win yɛnuɡibu kpuro wahala baka doke Saarai, Aburamun kurɔn sɔ̃.
322	GEN 13:3	Ma u sanum so Nɛɡɛbun di u da Betɛli ɡia u tura mi u raa win dii bekuruɡinu ɡira Betɛli ka Ayin baa sɔɔ.
338	GEN 14:1	Sanam mɛ Amurafɛli u sãa Sinɛan sunɔ, ma Ariɔku sãa Elasan sunɔ, ma Kedolamɛɛ sãa Elamun sunɔ, ma Tideali sãa Goyimun sunɔ,
339	GEN 14:2	sanam mɛya sinam be, ba tabu kua ka Bera, Sodomun sunɔ, ka Birisa, Gomɔran sunɔ, ka Sinɛabu, Adiman sunɔ, ka Semɛbɛɛ, Seboimun sunɔ, ka Belan sunɔ ye ba maa sokumɔ Soari.
341	GEN 14:4	N deema wɔ̃ɔ wɔkura yiruwa ba Kedolamɛɛ yoru diiya, adama wɔ̃ɔ wɔkura itase sɔɔ ba seewa ba ka tii yina.
342	GEN 14:5	Yera wɔ̃ɔ wɔkura nnɛse, Kedolamɛɛ ka sinam be ba wãa ka wi, ba tabu da ma ba Refaba tabu di Asiterɔtu Kaanaimuɔ, ma ba Susiba tabu di Hamuɔ, ma ba Emiba tabu di Safe Kiriataimuɔ.