6	GEN 1:6	Ma Gusunɔ u nɛɛ, ɡãanu nu tɛrio wɔllɔ nɡe ɡɔna kpa mu n nim bɔnu sãa.
9	GEN 1:9	Ma Gusunɔ u nɛɛ, nim mɛ mu wãa wom dirum temɔ mu subenu koowo kpa tem ɡbebum mu tera. Ye u ɡerua mɛ, ma n koora.
11	GEN 1:11	Yera u nɛɛ, tem mu ɡãa dabinu kpiiyo, ka yaka si su ko n binu marumɔ ka dãa binuɡii bwese bweseka ni nu nin bweseru mɔ nin marum sɔɔ. Ye u ɡerua mɛ, ma n koora.
12	GEN 1:12	Tem mu ɡãa dabinu kpia, ka yaka bwese bweseka si su binu marumɔ, ka dãa binuɡii bwese bweseka ni nu bweseru mɔ nin marum sɔɔ. Ma n nùn wɛ̃re.
14	GEN 1:14	Ma Gusunɔ u nɛɛ, fitilanu nu kooro wom dirum sɔɔ kpa nu sɔ̃ɔ sɔɔ ka wɔ̃kuru wunana, kpa nu n sɔ̃ɔsimɔ saa ye wɔ̃su ka tɔ̃ɔ bakanu koo tore.
15	GEN 1:15	Kpa nu n sãa fitilanu wom dirum sɔɔ nu ka tem yam bururasia. Ye u ɡerua mɛ, ma n koora.
16	GEN 1:16	U fitila bakanu yiru kua, niya sɔ̃ɔ ka suru. U maa kperi kua. U sɔ̃ɔ kuawa u n ka bandu dii sɔ̃ɔ sɔɔ, ma u suru kua u n ka bandu dii wɔ̃kuru.
17	GEN 1:17	Ma u ni kpuro doke wɔllɔ nu n ka tem yam bururasie,
18	GEN 1:18	kpa nu n sãa sɔ̃ɔ sɔɔ ka wɔ̃kurun sunɔ, kpa nu n yam bururam ka yam wɔ̃kuru wunanɛ. Ma n nùn wɛ̃re.
20	GEN 1:20	Ma Gusunɔ u nɛɛ, nim mu de hunde koniba dabi dabinu nu koora mɛ sɔɔ, kpa ɡunɔsu su n yɔ̃ɔmɔ wom dirum sɔɔ.
21	GEN 1:21	Yera u swɛ̃ɛ bɛkɛ taka kua ka yɛɛ kpuro yi yi sĩimɔ yi yiba nim mɛ sɔɔ bwese bweseka. U maa ɡunɔsu kua bwese bweseka. Ma n nùn wɛ̃re.
22	GEN 1:22	Yen biru u yi domaru kua u nɛɛ, yi kɔwaro yi dabia yi yibu nim wɔ̃kun nim sɔɔ kpa ɡunɔsu su dabia handunia sɔɔ.
24	GEN 1:24	Ma Gusunɔ u nɛɛ, yɛɛ bwese bweseka yi maruro tem sɔɔ. Yiya kpaaku yɛɛ ka ɡbeeku yɛɛ ka yɛɛ yi yi ra kabiri, yi kpuro bwese bweseka. Ye u ɡerua mɛ, ma n koora.
25	GEN 1:25	U ɡbeeku yɛɛ kua bwese bweseka ka kpaaku yɛɛ ka yɛɛ yi yi ra kabiri. Ma n nùn wɛ̃re.
26	GEN 1:26	Yen biru Gusunɔ u nɛɛ, kon tɔnu taka ko u n sãa nɛn weenasii mam mam, kpa u n sãa ye na taka kua kpuron wiruɡii. Yeya tem kpuro ka swɛ̃ɛ ka ɡunɔsu ka kpaaku yɛɛ ka yɛɛ yi yi ra kabiri temɔ kpuro.
28	GEN 1:28	Ma u bu domaru kua u nɛɛ, i maruro i dabia i handunia yibu ya n sãa bɛɛɡia kpa i n yɛɛ kpuro nɔma sikerenɛ. Yiya swɛ̃ɛ ka ɡunɔsu ka yɛɛ yi yi sĩimɔ temɔ kpuro.
29	GEN 1:29	U maa nɛɛ, wee ye i ko n da di. Yeya yakɔ bweseru baatere tem sɔɔ kpuro te ta ra binu ma, ka dãa binuɡiru baatere te ta ten bweseru mɔ ten marum sɔɔ.
30	GEN 1:30	Ma u maa handunian yɛɛ kpuro yi yi hunde mɔ yi sĩimɔ temɔ ka ɡunɔsu kpuro sɔ̃ɔwa u nɛɛ, na bɛɛ yakɔ beku baaɡere wɛ̃ i n da di. Ye u ɡerua mɛ, ma n koora.
31	GEN 1:31	Yera u mɛɛra kpuro ye u kua, ma n nùn wɛ̃re ɡem ɡem. Saa ye u yeba mɔ̀, sɔ̃ɔ sɔɔ ka wɔ̃kuru n swĩina ma n kua tɔ̃ru nɔɔba tiase.
32	GEN 2:1	Nɡe mɛya Gusunɔ u ka wɔllu ka tem ka kpuro ye ya wãa sɔɔ taka kua u wiru ɡo.
33	GEN 2:2	Tɔ̃ru nɔɔba tiase sɔɔra u win sɔma ye u kua kpuro wiru ɡo ma u wɛ̃ra tɔ̃ru nɔɔba yiruse.
34	GEN 2:3	Ma u nɔɔba yiruse te yi nɛnɛm win sɔ̃, u tu domaru kua yèn sɔ̃ te sɔɔra u wɛ̃ra ye u kpuro taka kua u kpa.
36	GEN 2:5	dãru ɡara kun ɡina kpia tem sɔɔ, yakasu ɡasu kun maa kpia domi Yinni Gusunɔ kun ɡina ɡura nɛɛsie sanam mɛ. Tɔnu maa sari wi u koo tem mɛ wuku.
37	GEN 2:6	Adama kakoru ɡaru ta ra se tem di tu tem mɛ nikererasia kpuro.
40	GEN 2:9	Ma u dãa bwese bweseka kpiisia te sɔɔ, ni nu waabu wã ka ni nu dim do, ka sere dãa tèn binu nu koo tɔnu wãaru wɛ̃, ka maa tèn binu nu koo tɔnu ɡea ka kɔ̃sa ɡiasia. Dãnu yiru ye, nu wãawa ɡbaa ten suunu sɔɔ.
43	GEN 2:12	Tem mɛ sɔɔra wura ɡea wãa. Turare nubu duroruɡia maa wãa mi, ka kpee ɡobiɡinu.
46	GEN 2:15	Ye Yinni Gusunɔ u ɡbaa te sɔɔru kua u kpa Edɛniɔ, yera u tɔnu wi sua u doke sɔɔ u ka tu wuku kpa u n tu kɔ̃su.
47	GEN 2:16	Ma u nùn wooda yeni wɛ̃ u nɛɛ, kaa kpĩ a ɡbaa ten dãnu kpuron binu di.
49	GEN 2:18	Ka tema Yinni Gusunɔ u ɡbeeku yɛɛ kpuro kua ka ɡunɔsu kpuro, ma u ka ye kpuro na tɔnu win mi, u ka wa mɛ u koo ye yĩsiru kɛ̃. Ma tɔnu wi, u yaa sabenu kpuro ka ɡunɔsu ka ɡbeeku yɛɛ kpuro yĩsa kã. Yĩsi te tɔnu wi, u maa yaa baayere kã teya ba ka ye sokumɔ. Adama ye kpuro sɔɔ, sari ye ya ka nùn weenɛ ye ya koo nùn somi. Yen sɔ̃na Yinni Gusunɔ u nɛɛ, n ǹ wã tɔnu u n wãa wi turo. Kon nùn ɡoo kua u n sãa nɡe wi, wi u koo nùn somi.
52	GEN 2:21	Yera Yinni Gusunɔ u tɔnu wi dom mɔn bakaru kpɛ̃ɛ u dweeya. Ma u win yɛ̃san kuku teeru wuna ma u yɛ̃sa ye kɔrua ka yaa baasi.
55	GEN 2:24	Yen sɔ̃na durɔ u koo win tundo ka win mɛro deri kpa wi ka win kurɔ ba n maninɛ, kpa be yiru kpuro bu ko wasi tee.
57	GEN 3:1	N deema waa ya bwisi bo ɡbeeku yɛɛ kpuro sɔɔ yi Yinni Gusunɔ u taka kua. Yera ya na kurɔ win mi, ya nùn bikia ya nɛɛ, ka ɡem Gusunɔ u nɛɛ, i ku ɡbaa tenin dãa binu kpuro di?
60	GEN 3:4	Yera waa ye, ya kurɔ wi wisa ya nɛɛ, i ǹ ɡbimɔ pai!
61	GEN 3:5	Domi Gusunɔ u yɛ̃ dɔma te i ten binu di, bɛɛn nɔni koo wukiarawa kpa i n sãa nɡe win tii, i n ɡea ka kɔ̃sa yɛ̃.
62	GEN 3:6	Ma kurɔ wi, u wa dãa te, ta ka dii dobu weenɛ ta waabu wã, ta koo maa kpĩ tu nùn ko bwisiɡii. Ma u ten bii ni sɔra u di. U maa win durɔ wɛ̃ ka wi ba wãasinɛ, ma wi, u maa di.
63	GEN 3:7	Yera be yiru kpuron nɔni wukiara ba ɡia ma terera ba wãa. Ma ba da ba dãa te ba mɔ̀ fiɡien wuru bakasu bura ba swɛɛna ba ka tii ɡandi.
70	GEN 3:14	Yinni Gusunɔ u waa ye sɔ̃ɔwa u nɛɛ, yèn sɔ̃ a kua mɛ, a kua bɔ̃rura n yɛɛ kpuro kere. Wunɛn nukura kaa n da ka kabiri. Tema kaa n da di sere ka wunɛn wãarun nɔrɔ.
72	GEN 3:16	Yera u maa kurɔ wi sɔ̃ɔwa u nɛɛ, kon wunɛn ɡuran wahala sosi. Kaa n da mawa ka nɔni swãaru. Wunɛn kĩru kpuro ta ko n wãawa wunɛn durɔ sɔɔ, wiya ko n maa sãa wunɛn wiruɡii.
73	GEN 3:17	U maa durɔ wi sɔ̃ɔwa u nɛɛ, yèn sɔ̃ a wunɛn kurɔn ɡari wura, ma a dãa ten binu di te na nɛɛ, a ku di, na tem bɔ̃rusi wunɛn sɔ̃. Sãkunu ka awĩiya mu koo nun kpiiya, wunɛn wãaru kpuro sɔɔ, nɔwiawa kaa n da ko kpa a wɛnya a sere wunɛn dĩanu wa ɡberɔ. Yen biru kaa ɡbi kpa bu nun sike temɔ, domi tema na ka nun kua. Kaa maa wura a ko tem mɛ.
76	GEN 3:20	Ma Adamu u win kurɔ yĩsiru kã Efa, domi wiya u sãa tɔmbu kpuron mɛro.
82	GEN 4:2	Ma u maa ɡura sua u Abɛli, Kaɛnin wɔnɔ mara. Abɛli wiya u ra yãanu kpare, Kaɛni maa kua ɡbee wuko.
87	GEN 4:7	Geema, à n ɡea mɔ̀, wunɛn bwɛ̃ra ko n kpĩ. Ǹ n maa kɔ̃san na a mɔ̀, durum ya kpĩ wunɛn dii kɔnnɔwɔ nɡe yaa ɡɔba ya nun mara. Adama a de a ye kamia.
90	GEN 4:10	Ma Yinni Gusunɔ u kpam nɛɛ, mba a kua mi. Wunɛn wɔnɔn yɛm mɛ mu yari temɔ, mu nɛn laakari seeye.
92	GEN 4:12	À n tem mɛ wuka, mu ǹ maa nun dĩanu kuammɛ sãa sãa. Kaa n sãawa kpiko ka yaayaare kowo handunia sɔɔ.
94	GEN 4:14	A man ɡire ɡisɔ tem mɛn di. Na dɔɔ na n kukua mi n toma wunɛn min di, kpa na n sãa kpiko na n yaayaare mɔ̀ handunia sɔɔ. Wi u man wa kpuro, kpa u man ɡo.
100	GEN 4:20	Ada u Yabali mara. Wiya u sãa be ba wãa kunɔ ba yaa sabenu kparamɔn baaba.
101	GEN 4:21	Win wɔnɔn yĩsira Yubali. Wiya maa sãa be ba ra mɔrɔkunu ka ɡuunu so kpuron baaba.
102	GEN 4:22	Sila wi maa, u Tubali Kaɛni mara wi u ra dendi yãnu kpuro seku ye n sãa sisu ka sii ɡandu. Win sesun yĩsira Naama.
105	GEN 4:25	Adamu ka win kurɔ Efa ba mɛnna kpam, ma Efa u ɡura sua u bii tɔn durɔ mara u nùn yĩsiru kã Sɛti. U nɛɛ, domi Yinni Gusunɔ u kpam man bii tɔn durɔ kã u kua Abɛlin kɔsire, wi Kaɛni u ɡo.
111	GEN 5:5	U kuawa wɔ̃ɔ nɛnɛ ka wunaa teeru ka wɔkuru (930) ma u kpuna u ɡu.
114	GEN 5:8	U kuawa wɔ̃ɔ nɛnɛ ka wunɔbu ka wɔkura yiru (912) ma u kpuna u ɡu.
117	GEN 5:11	U kuawa wɔ̃ɔ nɛnɛ ka wunɔbu ka nɔɔbu (905) ma u kpuna u ɡu.
120	GEN 5:14	U kuawa wɔ̃ɔ nɛnɛ ka wunɔbu ka wɔkuru (910) ma u kpuna u ɡu.
123	GEN 5:17	U kuawa wɔ̃ɔ nɛnɛ ka wɛnɛ ka wɔkura nɔɔbu (895) ma u kpuna u ɡu.
126	GEN 5:20	U kuawa wɔ̃ɔ nɛnɛ ka wunaa wata ka yiru (962) ma u kpuna u ɡu.
133	GEN 5:27	U kuawa wɔ̃ɔ nɛnɛ ka wunaa wata ka nɔɔba nnɛ (969) ma u kpuna u ɡu.
137	GEN 5:31	U kuawa wɔ̃ɔ nata ka wunaa wata ka wɔkura nɔɔbu ka yiru (777) ma u kpuna u ɡu.
143	GEN 6:5	Domi u wa tɔmbun daa kɔ̃sa kpɛ̃a handunia sɔɔ. Ben ɡɔ̃run bwisikunu nu ra n wãawa kɔ̃sa sɔɔ baadomma.
145	GEN 6:7	Ma u nɛɛ, wi, u koo kpuro kpeerasiawa handunia sɔɔn di, saa tɔnun min di n ka ɡirari yɛɛyɔ yi yi ra sĩ ka yi yi ra kabiri ka ɡunɔsu. Domi win nukura sankira yèn sɔ̃ u yeba kpuro taka kua.
149	GEN 6:11	Saa ye sɔɔ, handunian kɔ̃sa kpɛ̃a Gusunɔn wuswaaɔ ma ya ɡɔba banda.
150	GEN 6:12	Yera u handunia mɛɛrima u wa yen kɔ̃sa kpɛ̃a domi hunde koni baayere ya yen daa sanka.
151	GEN 6:13	Ma u Nɔwɛ sɔ̃ɔwa u nɛɛ, na ɡɔ̃ru doke n hunde koniba kpuro kpeerasia, domi ba dera handunian ɡɔba banda. Kon bu kpeerasia, be ka tem sannu.
152	GEN 6:14	Adama wunɛ Nɔwɛ, a tii kpakoro bakaru kuo ka dãa damɡia, ta n dii sɔsu mɔ, kpa a tu dãa fĩifĩinu tɛɛni ten sɔɔwɔ ka tɔɔwɔ.
153	GEN 6:15	Amɛniwa kaa tu koosina. A de ten dɛ̃ɛbu bu n sãa ɡɔm soonu ɡooba wunɔbu (300) kpa ten yasum mu n sãa ɡɔm soonu weeraakuru, kpa ten ɡunum mu n sãa ɡɔm soonu tɛna.
154	GEN 6:16	A de ta n kpɛɛru mɔ wɔllɔ. Kpɛɛ te sɔɔ, kpa a fɛnɛnti ko yen dɛ̃ɛbu ka yasum mu n sãa ɡɔm soo teeru. Kpa a kɔnnɔ yaba ten yɛ̃saɔ, a kɛnutiru doke. A de ta n sãa ɡidambisa ita.
155	GEN 6:17	Wee, kon de nim yibu bakaru tu na tem sɔɔ, tu hunde koni baayere kpeerasia handunia sɔɔ. Ye ya wãa tem sɔɔ kpuro ya koo ɡbiwa.
156	GEN 6:18	Adama wuna kon wure n ka nɛn arukawani bɔke. Kaa du kpakoro te sɔɔ, wunɛ ka wunɛn kurɔ ka wunɛn bibu ka ben kurɔbu sannu.
157	GEN 6:19	Hunde koni baayere, yen yiruwa kaa maa duusia dwaa ka nia kpakoro te sɔɔ ka wunɛ sannu.
158	GEN 6:20	Gunɔsu ka yɛɛ yi yi ra kabiri, ye kpuron bwese bweseka sɔɔ, yiru yiruwa ya koo na wunɛn mi, a ka ye faaba ko.
159	GEN 6:21	A maa dĩa ni ba ra di kpuro mɛnnɔ a yi kpa nu ko wunɛ ka yɛɛ yin dĩanu.
160	GEN 6:22	Ma Nɔwɛ u kua kpuro ye Gusunɔ u nùn yiire.
161	GEN 7:1	Yen biruwa Yinni Gusunɔ u Nɔwɛ sɔ̃ɔwa u nɛɛ, wuna na wa a man mɛm nɔɔwammɛ saa yenin tɔmbu sɔɔ. Yen sɔ̃, i duo kpakoro te sɔɔ, wunɛ ka wunɛn yɛnuɡibu kpuro.
162	GEN 7:2	Kpa a ka yɛɛ yi kaa ka yãkuru ko du yiru yirun wasi nɔɔba yiru dwaa ka nia, ka maa yɛɛ yi yi tien yiru yiru dwaa ka nia,
164	GEN 7:4	Domi sɔ̃ɔ nɔɔba yirun biru kon de ɡura yu nɛ sɔ̃ɔ sɔɔ weeru ka wɔ̃kuru weeru kpa n hunde koni baayere kam koosia ye na taka kua.
165	GEN 7:5	Ma Nɔwɛ u kua kpuro ye Yinni Gusunɔ u nùn yiire.
167	GEN 7:7	Ma u dua kpakoro te sɔɔ ka win kurɔ ka win bibu ka ben kurɔbu bu ka wa bu nim yibu baka te suuri.
168	GEN 7:8	Yɛɛ yi ba koo ka yãkuru ko ka yi yi tie ka ɡunɔsu ka yɛɛ kpuro yi yi kabirimɔ temɔ,
169	GEN 7:9	yen baayere ya dua kpakoro te sɔɔ yiru yiru dwaa ka nia ka Nɔwɛ sannu nɡe mɛ Gusunɔ u nùn sɔ̃ɔwa.
173	GEN 7:13	Tɔ̃ɔ te sɔɔra Nɔwɛ dua kpakoro te sɔɔ, wi ka win kurɔ ka win bibu ita be, Sɛmu ka Kamu ka Yafɛti, ka maa ben kurɔbu ita,