87	GEN 4:7	Geema, à n ɡea mɔ̀, wunɛn bwɛ̃ra ko n kpĩ. Ǹ n maa kɔ̃san na a mɔ̀, durum ya kpĩ wunɛn dii kɔnnɔwɔ nɡe yaa ɡɔba ya nun mara. Adama a de a ye kamia.
104	GEN 4:24	Bà n wi u Kaɛni ɡo mɔru kɔsia nɔn nɔɔba yiru, ba koo nɛ Lemɛki mɔru kɔsia nɔn wata ka wɔkura nɔɔbu ka yiru.
220	GEN 9:14	Nà n ɡuru winu doke wɔllɔ, ɡuru waa ye, ya koo sɔ̃ɔsira ni sɔɔ,
222	GEN 9:16	Guru waa ye, ya koo sɔ̃ɔsira ɡuru wiru sɔɔ. Nà n ye mɛɛra kpa n arukawani nɔru sariɡia ye yaaya ye ya wãa nɛ Gusunɔ ka hunde koni baayeren baa sɔɔ.
311	GEN 12:12	Eɡibitiɡibu bà n nun wa ba koo nɛɛ, a sãa nɛn kurɔ kpa bu man ɡo bu nun deri.
366	GEN 15:5	Ma Gusunɔ u ka nùn da tɔɔwɔ u nɛɛ, a wɔllu mɛɛrio kpa a kperi ɡari, à n kaa kpĩ. Nɡe mɛya wunɛn bwesera koo dabiru nɛra.
428	GEN 18:3	Ma u ben tɔnwero sɔ̃ɔwa u nɛɛ, Yinni, à n wura, a yɔ̃ro, a ku man sarari a doona.
446	GEN 18:21	Yen sɔ̃na kon sara kpa n wa bà n mɔ̀ ka ɡem nɡe mɛ na nɔɔmɔ. Ǹ kun mɛ, kpa na n yɛ̃.
451	GEN 18:26	Ma Yinni Gusunɔ u nɛɛ, nà n tɔn ɡeobu weeraakuru wa Sodomun nukuru sɔɔ, kon wuu ɡe kpuro suuru kua ben sɔ̃.
453	GEN 18:28	Sɔrɔkudo tɔnu weeraaku te sɔɔ, nɔɔbu koo kaara. Nɔɔbu yen sarirun sɔ̃ kaa wuu ɡe kpeerasia? Ma Yinni Gusunɔ u nɛɛ, na ǹ ɡu kpeerasiamɔ nà n tɔn ɡeobu weeru ka nɔɔbu wa ɡe sɔɔ.
455	GEN 18:30	Aburahamu u nɛɛ, a ku ka man wasira. Kon kpam ɡari ɡere. Ǹ n tɔn ɡeobu tɛnan na ya wãa mi maa ni? Ma Yinni Gusunɔ u nɛɛ, na ǹ ɡu kam koosiamɔ nà n tɛna ye wa mi.
456	GEN 18:31	Ma Aburahamu u nɛɛ, Yinni, wee na kãka na ka nun ɡari mɔ̀. Ǹ n tɔn ɡeobu yɛndun na ta maa wãa mi ni? Ma Yinni Gusunɔ u nɛɛ, na ǹ ɡu kpeerasiamɔ nà n yɛn te wa.
457	GEN 18:32	Aburahamu u kpam nɛɛ, a suuru koowo, nɔn tee teniwa kon ɡari ɡere. Baa ǹ n wɔkurun na ta wãa mi ni? Ma Yinni Gusunɔ u nɛɛ, na ǹ ɡu kpeerasiamɔ nà n wɔku te wa.
473	GEN 19:15	Buru buru yam sãreru ɡɔrado be, ba Lɔtu nɔɔ ɡɛ̃ɛ ba mɔ̀, a seewo a wunɛn kurɔ sua ka wunɛn bii wɔndiaba yiru be ba wãa mini kpa i ku ra kam ko bà n wuu ɡe kpeerasiamɔ.
530	GEN 21:16	Ma u da u sina n dɛsire n tura mi bà n sɛ̃u toba ɡa koo wen saka. Domi u nɛɛ, u ǹ kpɛ̃ u n win bii mɛɛra u n ɡbimɔ. Mi u sɔ̃ mi, ma u wura takana u swĩ.
597	GEN 24:5	Yoo wi, u nùn wisa u nɛɛ, à ku tuba kurɔ wi, u ǹ ko n kĩ u man swĩima sere tem mini. N weenɛ n ka wunɛn bii da tem mìn di a yarima?
633	GEN 24:41	Nà n wura na da win dusibun mi, na dibu yara nɛn bɔ̃rin di. Nà n maa tura mi, ma ba kun man ɡoo wɛ̃, ka mɛ, na dibu yara nɛn bɔ̃rin di.
700	GEN 26:7	Ye u wãa mi, tɔmbu bà n nùn win kurɔn ɡari bikia, u ra nɛɛ, win sesuwa yèn sɔ̃ u bɛrum mɔ̀ bu ku raa nùn ɡo ù n nɛɛ win kurɔwa. Domi Rebeka u sãawa kurɔ burɔ.
749	GEN 27:21	Ma Isaki u nɛɛ, ǹ n mɛn na, a susima nɛn bii, n nun baba n wa à n sãa Esaun na ka ɡem.
768	GEN 27:40	Kaa maa ko wunɛn wɔnɔn yoo. Adama à n da ka tii yina, kaa win yoru yari nɡe mɛ kɛtɛ ya ra yen suɡu fɛ̃re yu kɔ̃.
772	GEN 27:44	Kpa a sina mi sɔ̃ɔ mɛɛru ɡaa sere wunɛn mɔɔn bwɛ̃ra yà n kpuna.
773	GEN 27:45	Win mɔru yà n sara wunɛn min di, u koo duari ye a nùn kua. Sanam mɛya kon de a ɡɔsirama. Domi na ǹ kĩ n bɛɛ yiru kpuro bia sɔ̃ɔ teeru.
861	GEN 30:30	Domi yãa ɡɔ̃ɔ piibuwa a raa mɔ n sere tunuma wunɛn mi. Adama ye na tunuma, Yinni Gusunɔ u nun domaru kua ma ɡa kpɛ̃a. Ǹ n mɛn na, saa yerà kaa den man yɔ̃su n nɛn tiin sɔmburu ko.
905	GEN 31:31	Ma Yakɔbu u Labani wisa u nɛɛ, na ǹ yɛ̃ à n kaa ra man wunɛn bibu wɔrari. Yen sɔ̃na na kua mɛ.
910	GEN 31:36	Saa yera Yakɔbu u mɔru bɛsira ma u ka Labani sannɔ wɔri u nɛɛ, toraru mba na nun torari mɛ, ǹ kun mɛ kɔ̃sa yerà na nun kua mɛ, a ka man naa ɡire ka dam.
913	GEN 31:39	Gbeeku yaa yà n wunɛn saberu ɡaru ɡo, na ku ra ka nun tu naawɛ. Nɛna na ra ten kɔsire wɛ̃. Ten te ba maa ɡbɛna wɔ̃kuru ǹ kun mɛ sɔ̃ɔ sɔɔ, a ra man ten kɔsire bikiewa.
923	GEN 31:49	Ba maa yam mi soka Misipa domi Labani u Yakɔbu sɔ̃ɔwa u nɛɛ, Gusunɔ u bɛsɛn baawure ɡbara su ku ka wɔrina sà n yarina minin di.
924	GEN 31:50	À n nɛn bibu nɔni sɔ̃ɔmɔ, ǹ kun mɛ à n kurɔ kpao sua, n ǹ tɔnu koo sun siria, Gusunɔwa koo sun siria nɛ ka wunɛ. Yen sɔ̃, a laakari ko.
927	GEN 31:53	Sà n kua mɛ, Gusunɔ, Aburahamu ka Nakorin Yinni, u koo sun siria. Ma Yakɔbu u maa bɔ̃rua ka Yinni Gusunɔn yĩsiru, wi, wi win tundo Isaki u nasie.
966	GEN 33:5	Ye Esau u nɔni seeya u Yakɔbun kurɔ be ka bii be wa, yera u nɛɛ, berà beni. Yakɔbu u nùn wisa u nɛɛ, bii be Gusunɔ u man kã win durom saabu, bera mi.
971	GEN 33:10	Yera Yakɔbu u nɛɛ, aawo, à n ka man nɔnu ɡeu mɛɛra, a nɛn kɛ̃ɛ te mɔɔ. Domi ye a man dam koosia ka nuku dobu na wunɛn wuswaa waasinawa nɡe Gusunɔɡia.
974	GEN 33:13	Yakɔbu u nùn wisa u nɛɛ, nɛn tɔnwero, a yɛ̃ ma na bibu mɔ be ba kun ɡina dam mɔ, ka yãa binu ka kɛtɛ binu ni nu bom nɔrumɔ. Yen sɔ̃, sà n dera ba sĩa too baa sɔ̃ɔ teeru, sabe ni kpuro nu koo ɡbisuku.
990	GEN 34:9	Domi bɛsɛn bibu bà n suana sa ko ko tia bɛsɛ ka bɛɛ. Yen sɔ̃, i sun bɛɛn wɔndiaba wɛ̃ɛma kpa su maa bɛsɛɡibu bɛɛ wɛ̃.
1004	GEN 34:23	Yà n koora mɛ, berà ba ben sabe ni mɔ ka ben dukia. I de su ko mɛ kpa bu wa bu sina ka bɛsɛ sannu.
1011	GEN 34:30	Yera Yakɔbu u win bibu Lefi ka Simɛɔ sɔ̃ɔwa u nɛɛ, wahala baka i ka man kasu mi. I dera nɛn bwɛ̃ra kun kpĩ. Domi Kananiba ka Feresiba ba koo man tusi. Yen biru bà n da nɔɔ tia kua ba man wɔrima ba koo sun kpeerasiawa mam mam, domi nɛn tɔmba kun dabi.
1098	GEN 37:14	Ma Isireli u nɛɛ, a doo a mɛɛri bà n bwãa do kpa a wa sabenu nù n maa alafia mɔ, kpa a wurama a man sɔ̃. Nɡe mɛya u ka Yosɛfu ɡɔra Sikɛmuɔ saa Heboronin di.
1110	GEN 37:26	Ma Yuda u win maabu ka wɔnɔbu sɔ̃ɔwa u nɛɛ, arufaani yerà sa ko wa sà n bɛsɛn wɔnɔ ɡo sa tii marisi.
1136	GEN 38:16	Ma u susi win bɔkuɔ u ka nùn ɡari kua u nɛɛ, su da wunɛn yɛnuɔ n ka nun kpuna. Domi u ǹ yɛ̃ win biiɡii kurɔwa. Ma kurɔ wi, u nùn wisa u nɛɛ, mba kaa man kɛ̃ à n ka man kpuna.
1137	GEN 38:17	Ma Yuda u nɛɛ, kon de bu ka nun boo kpɛmu naawa. Kurɔ wi, u nɛɛ, ǹ n mɛn na, a man ɡãanu tɔruba yiiyo sere à n boo ɡe mɔrisiama.
1211	GEN 41:15	Sunɔ u nùn sɔ̃ɔwa u nɛɛ, na dosa. Goo kun kpĩa u man dosu ɡe tubusie. Na maa nua a ra dosu tubusie bà n nun ɡu sɔ̃ɔwa.
1290	GEN 42:37	Rubɛni u ben tundo wisa u nɛɛ, a ɡesi man Bɛnyamɛɛ nɔmu sɔndio. Nà kun ka nùn wuramɛ, nɛn bibu yiru wee, a bu ɡoowo.
1291	GEN 42:38	Yakɔbu u bu wisa u nɛɛ, nɛn bii u ǹ ka bɛɛ dɔɔ. Domi win mɔɔ u ɡu, wi turowa u man tie. Yen sɔ̃, wahala ɡaa yà n seewa ya nùn deema ɡbaburu sɔɔ, nuku sankiraru ta koo ra man ɡo, domi na tɔkɔ kua.
1295	GEN 43:4	Ǹ n mɛn na, à n wura u sun swĩi, sa ko da su nun dĩanu dwiama.
1300	GEN 43:9	Ye n nùn deema kpuro nɛna kon ye sɔbe kpa na n sãa taarɛɡii wunɛn mi, nà kun ka nùn wuramɛ.
1301	GEN 43:10	Wunɛn tii a wa saa mìn di sa ɡari yi mɔ̀, sà n dɔɔn na, sa n ɡɔsiramɛ nɔn mɛɛruse.
1302	GEN 43:11	Isireli u ɡerua u nɛɛ, ǹ n mɛn na, yà n kua tilasi, i ɡãa buranu suo ni nu sãa bɛsɛn tem miɡinu ni nu ǹ wãa Eɡibitiɔ i ka durɔ wi daawa, nɡe ɡum sawaram ka tim fiiko ka turare fiiko ka dãa marum fiiko ka tii bi ba ra soku miru.
1305	GEN 43:14	Gusunɔ Dam kpuroɡii u koo de durɔ wi, u bɛɛn wɔnwɔndu wa kpa u de i wurama ka Simɛɔ ka Bɛnyamɛɛ. Nà n kon maa bibu bian na, to, kpa n bia.
1341	GEN 44:16	Ma Yuda nùn wisa u nɛɛ, yinni, yen yerà kon maa ɡere su ka yari taarɛn di. Domi Gusunɔ u sun wa ma sa sãa taarɛɡibu. Tɛ̃ a sun mɔɔ su ko wunɛn yobu, bɛsɛ ka wìn mi ba nɔra ye wa.
1343	GEN 44:18	Ma Yuda u maa Yosɛfu susi u nɛɛ, a suuru koowo yinni, nà n maa ɡãanu ɡerua, a ku mɔru ko, domi a sãawa nɡe Eɡibitin sunɔ.
1348	GEN 44:23	Ma a sun sɔ̃ɔwa a nɛɛ, sà kun ka nùn sisi, su ku ra nɛ wunɛn mi.
1354	GEN 44:29	Yen sɔ̃, sà n maa nùn yiruse wi suari, ù n nua wahala ɡaa ya nùn deema, nuku sankiranu koo be nùn ɡo, domi u tɔkɔ kua.
1355	GEN 44:30	Yen sɔ̃ tɛ̃, yinni, nà n wura bɛsɛn tundon mi, bii wi sari, sa ko de durɔ tɔkɔ te, tu ɡbi ka nuku sankiranu bii win kĩrun sɔ̃.
1357	GEN 44:32	Yen biru nɛ wi na ɡari mɔ̀ mini, nɛna na tii bii wi sɔbi, domi na nɛɛ, nà kun ka nùn wuramɛ, n kua nɛn sɔmunu sere ka baadommaɔ.
1359	GEN 44:34	Domi na ǹ yɛ̃ amɔna kon bɛsɛn tundo tusia nà n sĩa bii wi sari. Gusunɔ u ku de nɛn nɔni yi wa kɔ̃sa ye ya koo durɔ tɔkɔ te deema.
1382	GEN 45:23	Ma u ben tundo Eɡibitin ɡãa ɡeenu mɔrisia u nu kɛtɛkunu wɔkuru sɔbi. U dĩanu sua u bu wɛ̃ ka kuse ni ba koo di swaaɔ bà n wee Eɡibitiɔ. Ma u maa ni kɛtɛku ninu wɔkuru sɔbi.
1417	GEN 46:30	Ma Yakɔbu wi ba maa sokumɔ Isireli, u Yosɛfu sɔ̃ɔwa u nɛɛ, baa nà n ɡu ɡisɔ, ya ǹ taarɛ, domi na wunɛn wuswaa wa, na maa wa ma a wãa hunde sɔɔ.
1421	GEN 46:34	sɔmbu terà i ra ko, i nùn wisio i nɛɛ, yaa sabenun nɔɔriba bu sãa bɛɛn sɔmburu saa bɛɛn birun di sere ka ɡisɔ, bɛɛ ka bɛɛn baababa. Nɡe mɛya i ko wa i ka sina Gosɛnin temɔ, domi Eɡibitiɡiba ku ra sabe kparobu kã.
1424	GEN 47:3	Sunɔ wi, u bu bikia u nɛɛ, sɔmbu terà i ra ko. Ba nùn wisa ba nɛɛ, yaa sabena sa ra kpare, yinni. Mɛya maa bɛsɛn baababan tii.
1450	GEN 47:29	Ye win ɡɔɔ turuku kua, u win bii Yosɛfu soka u nùn sɔ̃ɔwa u nɛɛ, nà n wunɛn kĩi ɡeeru wa, na nun kanamɔ, a wunɛn nɔmu dokeo nɛn tɔbuɔ a ka bɔ̃re ma a ǹ man sikumɔ Eɡibitin tem mini.
1460	GEN 48:8	Ma Isireli u Yosɛfun bibu mɛɛra u nɛɛ, berà mini.
1472	GEN 48:20	U bu domaru kua dɔma te, u nɛɛ, Isireliba bà n domaru mɔ̀, bɛɛn yĩsa ba koo ka ko bu nɛɛ, Gusunɔ u nun koowo nɡe Efaraimu ka Manase. Nɡe mɛya u ka Efaraimu ɡbiisia.
1511	GEN 50:4	Sanam mɛ ba ɡɔɔ woo ten baa kpa, Yosɛfu u Eɡibiti sunɔn yɛnuɡibu sɔ̃ɔwa u nɛɛ, i suuru koowo, nà n kĩi ɡeeru wa bɛɛn mi, na kĩ i man sunɔ sɔ̃ɔwa i nɛɛ,
1543	EXO 1:10	Tabu bù n da seewa ba koo bɛsɛn wɛrɔbu somi bu ka sun tabu ko. Bà n kpa bu sere sun kisirari bu doona. Yen sɔ̃, i de su bu bwisi ɡɛɛ kasua su ka ben marubu yɔ̃rasia kpa bu ku maa dabiru sosi.
1593	EXO 3:13	Mɔwisi u Gusunɔ sɔ̃ɔwa u nɛɛ, ǹ n mɛn na, kon da Isireliban mi, n bu sɔ̃ n nɛɛ, bɛsɛn sikadoban Yinniwa u man ɡɔrima ben mi. Adama bà n man bikia, amɔna win yĩsiru, mba kon ɡere.
1610	EXO 4:8	Yinni Gusunɔ u nɛɛ, bà kun nun naanɛ kue, bà kun yĩre ɡbiikiru wure, ba koo yiruseru wura.
1611	EXO 4:9	Bà kun maa wure baa mɛ ba yĩrenu yiru ye wa, bà n wunɛn ɡari yina, a daa baka ten nim sɔko a yari temɔ. Nim mɛ a sɔka mi, mu koo ɡɔsiawa yɛm temɔ.
1649	EXO 5:16	Ba ku ra maa sun taka nɔɔ wɛ̃. Kpa ba n mɔ̀ su birikiba muro. Yen biru sà kun kue, kpa ba n sun soomɔ. N sere deema, wunɛn tɔmbun taarɛwa.
1682	EXO 6:26	Be sɔɔra Yinni Gusunɔ u Mɔwisi ka Aroni ɡɔsa bu ka Isireliba yara saa Eɡibitin di. U nɛɛ, bà n yariɔ bu de ba n swĩinɛ bweseru ka bweseru ba n sɔka sãa swɛɛ swɛɛ.
1720	EXO 8:5	Sanam mɛya Mɔwisi u Eɡibiti sunɔ sɔ̃ɔwa u nɛɛ, na wunɛn ɡere mara, a man sɔ̃ saa yerà dim dim kon Yinni Gusunɔ kana wunɛ ka wunɛn tɔmbu ka wunɛn bwãabun sɔ̃, u ka de sure ni, nu tonda bɛɛ ka bɛɛn yɛnusun di, kpa nu kun maa tie ma n kun mɔ daa bakaru sɔɔ.
1737	EXO 8:22	Adama Mɔwisi u wisa u nɛɛ, n ǹ koorɔ mɛ domi bɛsɛn yãkunu ko n sãa taarɛ Eɡibitiɡibun nɔni sɔɔ. Sà n maa yãku taarɛɡinu kua ben nɔni biru, ba ǹ koo sun kpenu kasuku?
1758	EXO 9:15	Nà n daa nɛn nɔm damɡuu dɛmia na wi ka win tɔmbu bara kɔ̃suru kpɛ̃ɛ, u ǹ ko n daa maa wãa handuniaɔ.
1772	EXO 9:29	Ma Mɔwisi u nùn wisa u nɛɛ, nà n yara wuun di kon nɛn nɔma sua wɔllɔ n Yinni Gusunɔ kana, kpa ɡuru ɡbãsukunu ka ɡuru kpenu nu mari a ka ɡia ma wiya handunia mɔ.
1786	EXO 10:8	Ma ba dera Mɔwisi ka Aroni ba wurama Eɡibiti sunɔn mi. Ye ba tura mi, yera u bu sɔ̃ɔwa u nɛɛ, i doo i Gusunɔ bɛɛn Yinni sã, adama bɛɛ sɔɔ berà ba koo da.
1788	EXO 10:10	Ma Eɡibiti sunɔ u bu yaakoru kua u nɛɛ, Yinni Gusunɔ u ka bɛɛ da baani, nà n dera i da ka bɛɛn kurɔbu ka bibu. Domi ɡãa kɔ̃suna i bwisikumɔ.
1804	EXO 10:26	Yen sɔ̃, sa ko ka bɛsɛn yaa sabenu dawa, baa samu sa ǹ derimɔ. Domi miya sa ko ɡɔsi ye sa ko ka nùn sã. Sa ǹ maa ɡina yen ɡeeru yɛ̃ ka yen ye sa ko ɡɔsi sere sà n tura mi.
1827	EXO 12:10	Yà n maa tiara i ko ye wisiwa dɔ̃ɔ sɔɔ. I ku de yen ɡaa yu yam sãra.
1830	EXO 12:13	Yɛm mɛya mu koo ko yĩreru te ta yɛnusu sɔ̃ɔsimɔ mi i wãa. Nà n yɛm mɛ wa, kon bɛɛ sarariwa. Kɛ̃si te, ta ǹ bɛɛ babamɔ te kon ka Eɡibitiɡibu wahala ko.
1843	EXO 12:26	Bɛɛn bibu bà n bɛɛ woro ten tubusianu bikia,
1878	EXO 13:10	Yen sɔ̃na n weenɛ i tɔ̃ɔ baka ten wooda yibia wɔ̃ɔ baaɡere, ten saa yà n tura.
1882	EXO 13:14	Baa sia bɛɛn bibu bà n da bɛɛ bikia ba nɛɛ, mba yenin tubusianu, kpa i bu wisi i nɛɛ, tɔ̃ɔ te Yinni Gusunɔ u sun yarama ka win dam bakam Eɡibitin di, mi sa raa yoru di, tera sa yaayamɔ mi.
1928	EXO 15:7	Wunɛn sinandun kpãaru ta ra wunɛn wɛrɔbu taare. Wunɛn mɔru yà n seewa, a ra de bu dɔ̃ɔ mwaarewa nɡe wĩi.
1952	EXO 16:4	Yen biru Yinni Gusunɔ u Mɔwisi sɔ̃ɔwa u nɛɛ, tɛ̃ kon de dĩanu nu nɛɛra wɔllun di nɡe ɡura bɛɛ kpuron sɔ̃, kpa tɔmbu ba n da yari bu ɡure baadomma mɛ̀n bukata ba mɔ tɔ̃ɔ te. Nɡe mɛya kon ka ben laakari mɛɛri n wa bà n koo nɛn woodaba mɛm nɔɔwa.
2016	EXO 18:16	Bà n maa ɡari ɡɛɛ mɔ ben tii tiinɛ sɔɔ kpa n bu siria n bu sɔ̃ɔsi ye Yinni Gusunɔ u kĩ.
2040	EXO 19:13	Ba ǹ nùn sɛ̃remɔ ka nɔma, kpena ba koo nùn kasuku, ǹ kun mɛ bu nùn sɛ̃ɛnu twee bu ka ɡo. Baa ǹ n yaa saberun na, mɛya ba koo ka tu ɡo. Kɔba yà n swĩwa ba koo susi ɡuu ten bɔkuɔ.
2071	EXO 20:19	Ba Mɔwisi sɔ̃ɔwa ba nɛɛ, wunɛn tii, à n ka sun ɡari kua, sa ko nun swaa daki. Adama a ku de Gusunɔ u ka sun ɡari ko, kpa su ku ra ɡbi.
2087	EXO 21:9	Goo ù n yoo tɔn kurɔ dwa u ka win bii tɔn durɔ wɛ̃, u nùn kuo nɡe mɛ ba ra bii wɔndia kue bà n nùn suamɔ.
2096	EXO 21:18	Saa ye tɔmbu yiru ba sannamɔ ma ben turo u win winsim so ka nɔm kuseru, ǹ kun mɛ u nùn kara ka kperu u mɛɛra kua, ma ya kun nùn ɡo, ba ǹ wi u nùn so mi ɡoomɔ. Yà n nùn kpĩ,
2100	EXO 21:22	Tɔn durɔbu ɡabu bà n sannamɔ, ma ba ɡuraɡii wɔri sere win nukura ka yara, ma win ɡam kun mɛɛra wa, yen mɛ kurɔ win durɔ u tɔn be bure, mɛya ba koo kɔsia siri kowobun wuswaaɔ.
2106	EXO 21:28	Kɛtɛ yà n tɔnu kɔba so ya ɡo, ba koo yen tii kpenu kasuku bu ɡowa, ba ǹ yen yaa temmɔ. Yen biru ba ǹ maa yen yinni ɡãanu kuammɛ.
2107	EXO 21:29	Adama kɛtɛ ye, yà n daa ɡoo kɔba sɔkure ma ba yen yinni sɔ̃ɔwa ma u ǹ ka ye ɡãanu kue, ba koo win tii ɡowa ka kɛtɛ ye sannu.
2108	EXO 21:30	Bà n maa nùn ɡãanu buren na u wa u ka win wãaru yakia, u koo ni kpuro kɔsiawa nɡe mɛ ba ɡerua.
2109	EXO 21:31	Kɛtɛ yen bweseru yà n bii ɡoo kɔba sɔka, siri tee biya ba koo ye kua mi, ka yen yɛ̃ro.
2110	EXO 21:32	Adama kɛtɛ ye, yà n ɡoon yoo so ya ɡo, sii ɡeesun ɡobi tɛna yen yinni u koo yoo win yinni wɛ̃, kpa bu kɛtɛ ye kpenu kasuku bu ɡo.
2113	EXO 21:35	Goon kɛtɛ yà n ɡooɡia mɛɛra kua ya ɡo, ba koo kɛtɛ wasa ye dɔrawa bu yen ɡobi bɔnu ko. Kpa bu maa ye ya ɡu min yaa bɔnu ko.
2114	EXO 21:36	Kɛtɛ ye, yà n daa ɡɛɛ mɛɛra koore, ma yen yɛ̃ro u yɛ̃ adama u ǹ ɡãanu kue, u koo ye ya ɡu min kɔsire wɛ̃wa kpa wi, u ɡoo te sua.
2116	EXO 22:1	Ye u ɡbɛna mi, bà n ye wa win nɔma sɔɔ, ǹ n kɛtɛn na, ǹ kun mɛ kɛtɛku, ǹ kun mɛ yãaru, ma ya ɡesi wasi, yen yiruwa u koo wɛ̃. Ù kun maa ɡãanu mɔ, ba koo win tii dɔrawa. Goo ù n ɡbɛna da wɔ̃kuru, bà n nùn mwa wɔ̃ku te, ba so ba ɡo, ba ǹ ɡoo win yɛm bikiamɔ. Adama yam mù n sãra ba sere nùn ɡo, be ba nùn ɡo mi, ba koo bu win yɛm bikia.
2121	EXO 22:6	Goo ù n win winsim ɡobi, ǹ kun mɛ ɡãanu berusia, ma ba nu ɡbɛna mi u berua mi, bà n ɡbɛnɔ wi wa ye u sua min nɔn yiruwa u koo kɔsia.