34	GEN 2:3	Ma u nɔɔba yiruse te yi nɛnɛm win sɔ̃, u tu domaru kua yèn sɔ̃ te sɔɔra u wɛ̃ra ye u kpuro taka kua u kpa.
40	GEN 2:9	Ma u dãa bwese bweseka kpiisia te sɔɔ, ni nu waabu wã ka ni nu dim do, ka sere dãa tèn binu nu koo tɔnu wãaru wɛ̃, ka maa tèn binu nu koo tɔnu ɡea ka kɔ̃sa ɡiasia. Dãnu yiru ye, nu wãawa ɡbaa ten suunu sɔɔ.
48	GEN 2:17	Adama dãa tèn binu nu koo tɔnu ɡea ka kɔ̃sa ɡiasia, a ku ra ten binu di, domi dɔma te a nu di, kaa ɡbiwa.
70	GEN 3:14	Yinni Gusunɔ u waa ye sɔ̃ɔwa u nɛɛ, yèn sɔ̃ a kua mɛ, a kua bɔ̃rura n yɛɛ kpuro kere. Wunɛn nukura kaa n da ka kabiri. Tema kaa n da di sere ka wunɛn wãarun nɔrɔ.
73	GEN 3:17	U maa durɔ wi sɔ̃ɔwa u nɛɛ, yèn sɔ̃ a wunɛn kurɔn ɡari wura, ma a dãa ten binu di te na nɛɛ, a ku di, na tem bɔ̃rusi wunɛn sɔ̃. Sãkunu ka awĩiya mu koo nun kpiiya, wunɛn wãaru kpuro sɔɔ, nɔwiawa kaa n da ko kpa a wɛnya a sere wunɛn dĩanu wa ɡberɔ. Yen biru kaa ɡbi kpa bu nun sike temɔ, domi tema na ka nun kua. Kaa maa wura a ko tem mɛ.
80	GEN 3:24	Nɡe mɛya u ka Adamu ɡira ma u wɔllun kɔ̃sobu doke Edɛnin ɡbaa ten kɔnnɔwɔ, ɡe ɡa wãa sɔ̃ɔ yari yerun bera ɡia. Ba takobi nɛni ba ye fĩamɔ ma ya ballimɔ sɔ̃ɔ sɔɔ nɡe dɔ̃ɔ yara, ba ka dãa tèn binu nu koo tɔnu wãaru wɛ̃ kɔ̃su.
103	GEN 4:23	Yera Lemɛki u win kurɔbu sɔ̃ɔwa u nɛɛ, i man swaa dakio, bɛɛ nɛn kurɔbu, Ada ka Sila. Na tɔnu ɡo bɛɛn sɔ̃ yèn sɔ̃ u man mɛɛra kua.
135	GEN 5:29	Ma u nùn yĩsiru kã Nɔwɛ, u nɛɛ, winiwa koo sun somi bɛsɛn wasiraru ka bɛsɛn sɔm sɛ̃sɔɡia sɔɔ ye sa mɔ̀ yèn sɔ̃ Yinni Gusunɔ u tem bɔ̃rusi.
144	GEN 6:6	Ma win ɡɔ̃ru ɡa sankira yèn sɔ̃ u tɔmbu taka kua handuniaɔ. Ya nùn dua too sere win nukurɔ.
145	GEN 6:7	Ma u nɛɛ, wi, u koo kpuro kpeerasiawa handunia sɔɔn di, saa tɔnun min di n ka ɡirari yɛɛyɔ yi yi ra sĩ ka yi yi ra kabiri ka ɡunɔsu. Domi win nukura sankira yèn sɔ̃ u yeba kpuro taka kua.
193	GEN 8:9	Adama totobɛrɛ te, ta ǹ ayeru wa mi ta koo sura. Ma ta wura win mi, kpakoro te sɔɔ, yèn sɔ̃ nim ɡina tie tem sɔɔ kpuro. Ma Nɔwɛ u nɔmu dɛmia u tu mwa u doke kpakororu sɔɔ.
229	GEN 9:23	Yera ba na ba kumbooro sua ba sɔndi ben senɔ ba ka birum birum sĩa ba ben tundon tereru wukiri. Ba ǹ tu wa yèn sɔ̃ ba ben wuswaa sĩiyɛ.
260	GEN 10:25	Ma Heberu u bii tɔn durɔbu yiru mara. Turowa ba sokumɔ Pelɛɡi, yèn sɔ̃ win waati sɔɔra duniaɡiba tem bɔnu kua. Win wɔnɔn yĩsira maa Yokutani.
270	GEN 11:3	Yera ba ɡeruna ba nɛɛ, too, i de su biriki mura su ye wɔ̃ yu ɡbera. Ma ba ka biriki ye bana kua yèn sɔ̃ ba ǹ kpenu mɔ. Ma ba kɔntaa kua ben simaa.
271	GEN 11:4	Ba kpam nɛɛ, i de su wuu swĩi kpa su ɡidambisa bani yèn wii kpiira koo wɔllu ɡirari, kpa su yĩsiru yari kpa su ku yarina handunia kpuro sɔɔ.
364	GEN 15:3	Yèn sɔ̃ a ǹ man bii kã, nɛn yoo Ɛliesɛɛ wi ba mara nɛn yɛnuɔ wiya koo nɛn tubi di.
471	GEN 19:13	Domi sa ko wuu ɡe kpeerasia tɛ̃ yèn sɔ̃ tɔmbun weeweenu kpɛ̃a ni ba Gusunɔ koosimɔ ɡen tɔmbun daa kɔ̃san sɔ̃. Yen sɔ̃na u sun ɡɔrima su ka ɡu kam koosia.
479	GEN 19:21	Ma ɡɔrado wi, u nɛɛ, kon kpam nun durom kua. Wuu ɡèn ɡari a mɔ̀ mi, na ǹ ɡu kpeerasiamɔ.
526	GEN 21:12	Adama Gusunɔ u Aburahamu sɔ̃ɔwa u nɛɛ, a ku ɡari yi ɡɔburu wa wunɛn yoo wi ka win biin sɔ̃. A Saaraa kuo ye u nun bikia kpuro. Domi Isakin min diya bwese baka tèn nɔɔ mwɛɛru na nun kua ta koo yari.
545	GEN 21:31	Yen sɔ̃na ba yam mi soka Beri Seba domi miya ba arukawani bɔkua ka bɔ̃ri. Yĩsi ten tubusiana dɔkɔ yèn nuurɔ ba bɔ̃rua.
561	GEN 22:13	Yera Aburahamu u nɔni seeya u sĩira u yãa kinɛru wa tèn kɔba tɔ̃ki tɛ̃ke ta yɔ̃. Ma u da u tu mwa u ka yãku dɔ̃ɔ mwaararuɡii te kua win biin ayerɔ.
564	GEN 22:16	yèn sɔ̃ a kua mɛ, ma a ǹ ka man wunɛn bii teere te yinari, nɛ, Yinni Gusunɔ na bɔ̃rumɔ ka nɛn tiin yĩsiru
566	GEN 22:18	Bwesenu kpuro handunia sɔɔ nu koo domaru wa saa wunɛn bweserun min di, yèn sɔ̃ a nɛn ɡari mɛm nɔɔwa.
580	GEN 23:8	U nɛɛ, ì n kĩ n nɛn kurɔ sike kpa na kun win ɡoru mɛɛra, i Eforoni Sokaan bii sɔ̃ɔwɔ yèn bukata na mɔ,
595	GEN 24:3	kpa a bɔ̃re ka Yinni Gusunɔn yĩsiru wi u sãa wɔllu ka tem Yinni, ma a ǹ kaa nɛn bii kurɔ sua Kananin bii wɔndiaba sɔɔ bèn suunu sɔɔ sa wãa mini.
605	GEN 24:13	Wee na wãa dɔkɔ yèn bɔkuɔ mi wuu ɡen wɔndiaba ba koo yarima bu nim takiri.
629	GEN 24:37	U maa man bɔ̃rusia sanam mɛ u nɛɛ, n ku ra win bii wi kurɔ sua Kananin wɔndiaba sɔɔ, bèn temɔ u wãa mi.
640	GEN 24:48	Yera na Yinni Gusunɔ kpuna wi u sãa nɛn yinni Aburahamun Yinni. Ma na nùn siara yèn sɔ̃ u man kpara ka bɔrɔkiniru n ka na n nɛn yinnin wɔnɔn debubu win bii sua.
693	GEN 25:34	Saa yera Yakɔbu u pɛ̃ɛ ka aɡbaara yè sɔɔ u swii doke sua u Esau wɛ̃. Esau u di u nɔra ma u wiɡiru doona. Nɡe mɛya n kua u ka win yerumaru ɡɛma.
700	GEN 26:7	Ye u wãa mi, tɔmbu bà n nùn win kurɔn ɡari bikia, u ra nɛɛ, win sesuwa yèn sɔ̃ u bɛrum mɔ̀ bu ku raa nùn ɡo ù n nɛɛ win kurɔwa. Domi Rebeka u sãawa kurɔ burɔ.
705	GEN 26:12	Yeniba kpuron biru Isaki u ɡberu kua tem mi. Ma win dĩanu ɡea kua wɔ̃ɔ ɡe sɔɔ. Nu kuawa ye u duuran nɔn wunɔbu (100) yèn sɔ̃ Yinni Gusunɔ u nùn domaru kua.
751	GEN 27:23	U ǹ nùn tuba yèn sɔ̃ win nɔma sansu mɔ nɡe Esauɡia. Adama ye u kĩ u nùn domaru kua,
811	GEN 29:15	Yen biru Labani u Yakɔbu sɔ̃ɔwa u nɛɛ, kaa man sɔmburu kua kam yèn sɔ̃ a sãa nɛn dusi? A man sɔ̃ɔwɔ nyen na kaa man mwaari.
816	GEN 29:20	Yera n dera Yakɔbu u sɔmburu kua wɔ̃ɔ nɔɔba yiru Labanin mi. Ma n nùn kua nɡe sɔ̃ɔ yiru yèn sɔ̃ u Rasɛli kĩ.
849	GEN 30:18	Yera u nɛɛ, Gusunɔ u man nɛn are wɛ̃, yèn sɔ̃ na dera nɛn durɔ u nɛn yoo sua kurɔ. Ma u bii wi yĩsiru kã Isakari.
851	GEN 30:20	Ma u nɛɛ, Gusunɔ u man kɛ̃ɛ ɡeeru kã. Tɛ̃ nɛn durɔ u koo man tii ɡawe u man bɛɛrɛ doke yèn sɔ̃ na nùn bii tɔn durɔbu nɔɔba tia marua. Ma u bii wi yĩsiru kã Sabuloni.
857	GEN 30:26	Kpa a de n ka nɛn kurɔbu ka nɛn bibu da bèn sɔ̃ na nun sãwa. A maa yɛ̃ kɔ mɛ̀n nɔɔ na nun sɔmburu kua.
904	GEN 31:30	Wee a doonɔ wunɛn baaban yɛnuɔ ɡèn bɛkɛ a ra n mɔ̀, a ǹ maa wee mini. Adama mban sɔ̃na a nɛn bũu kpɛɛru ɡbɛna.
957	GEN 32:29	Durɔ wi, u maa nɛɛ, ba ǹ maa nun sokumɔ Yakɔbu. Isireliwa ba koo nun soku yèn sɔ̃ a ka Gusunɔ ɡabirina ka maa tɔnu, ma a kamia.
961	GEN 32:33	Yen sɔ̃na sere ka ɡisɔ Isireliba ba ku ra yaan sĩiru tem te ta ka ɡãaru sɔrinɛ, yèn sɔ̃ sĩiru miya Gusunɔ u Yakɔbu so u ka kua ɡãaruɡii.
972	GEN 33:11	Ǹ n mɛn na, a nɛn kɛ̃ɛ te mɔɔ. Domi Gusunɔ u man durom kua u man wɛ̃ kpuro yèn bukata na mɔ. Ma u Esau suuru kana ɡem ɡem u sere kɛ̃ɛ te mwa.
994	GEN 34:13	Adama yèn sɔ̃ Sikɛmu u Dina sanka, yen sɔ̃na Yakɔbun bii be, ba wi ka win tundo Hamɔri wisa ka bwisi ba nɛɛ,
1008	GEN 34:27	Ma Yakɔbun bii be ba tie ba da ba wuu ɡe wɔri ba ɡen yãnu ɡurama yèn sɔ̃ ba ben sesu sanka.
1087	GEN 37:3	N deema Yakɔbu wi ba maa mɔ̀ Isireli u Yosɛfu kĩ n win bii be ba tie kpuro kere, yèn sɔ̃ tɔkɔru sɔɔra u nùn mara. Ma u nùn tako nɔni bwese bwesekaɡia kua.
1125	GEN 38:5	Ye u Onani sarasia, u kpam wure u ɡura sua u bii tɔn durɔ mara, ma ba nùn yĩsiru kã Sela. Saa yè sɔɔ kurɔ wi, u Sela mara, Yuda u ǹ wãa mi. U da u wãawa Kisibuɔ.
1135	GEN 38:15	Ye Yuda u sarɔ u nùn wa u sɔ̃ mi, ma u nùn ɡarisi kurɔ tanɔ yèn sɔ̃ u win wuswaa sɔnditia wukiri.
1159	GEN 39:9	U ǹ man dam kere yɛnu ɡe sɔɔ, u ǹ maa man ɡãanu yinari ma n kun mɔ wunɛ tɔna yèn sɔ̃ a sãa win kurɔ. Yera kon ɡãa ninin bweseru ko kpa n Gusunɔ torari?
1223	GEN 41:27	Nɛɛ nɔɔba yiru yi yi woore yi ǹ waabu wã mi, yi yi yara yiɔnɔn biruɔ, ka doo wii sakosu nɔɔba yiru si su ɡbere sɔ̃ɔ ka woon sɔ̃ mi, nu sãawa wɔ̃ɔ nɔɔba yiru yè sɔɔ ɡɔ̃ɔra ko n wãa.
1323	GEN 43:32	Ma u sina nɛnɛm, win maabu ka wɔnɔ maa nɛnɛm, Eɡibitiɡii be ba ra maa ka nùn di, be maa nɛnɛm. Domi Eɡibitiɡibu ba ku ra kã bu ka Heberuba di sannu yèn sɔ̃ ba bu ɡarisi disiɡibu.
1365	GEN 45:6	Wee, ɡɔ̃ɔ ten wɔ̃ɔ yirusewa sa dɔɔ mini. N maa tie wɔ̃ɔ nɔɔbu yè sɔɔ ɡoo kun kpɛ̃ u duure u sere ɡɛ̃.
1370	GEN 45:11	Yèn bukata u mɔ kpuro kon nùn wɛ̃, domi ɡɔ̃ɔra maa tie wɔ̃ɔ nɔɔbu. Ù n wãa nɛn bɔkuɔ, ɡɔ̃ɔ te, ta ǹ maa bu ɡoomɔ ka win yɛnuɡibu ka win ye u mɔ kpuro.
1425	GEN 47:4	Ba maa nɛɛ, sa nawa su ka sina tem mi, domi yaka bekusu sari si bɛsɛn yaa sabenu koo di, yèn sɔ̃ ɡɔ̃ɔ te, ta Kananin tem nɛni. Yen sɔ̃na sa nun kanamɔ a de su sina Gosɛnin temɔ.
1459	GEN 48:7	Na yeni mɔ̀wa yèn sɔ̃ na wunɛn mɛro Rasɛli kĩ. Ye sa wee Padanin di u man ɡbiiriwa swaaɔ Kananin temɔ ye n tie fiiko su ka Efarata du. Miya na nùn sika. Efarata yera ba mɔ̀ Bɛtelehɛmu.
1481	GEN 49:7	Bɛɛn mɔru yu ko bɔ̃rura yèn sɔ̃ ya sãa ɡbanaɡia. Mɛya maa ka bɛɛn nuku ɡbisibu yèn sɔ̃ bu ǹ wɔnwɔndu mɔ. I ko n yarinɛwa bɛɛn tem kpuro sɔɔ.
1498	GEN 49:24	Adama wunɛn tɛnda kun wurure yèn sɔ̃ nɛn Yinni, Gusunɔ Dam kpuroɡii, u wunɛn nɔma dam kãa. Wi, wi u Isireliba kpare, u bu ɡanua nɡe kpee bakaru,
1553	EXO 1:20	Ma Gusunɔ u marusio be durom kua u ben tii bibu kã yèn sɔ̃ ba nùn nasie. Mɛya maa Heberu be, ba dabiamɔ ba dam sosimɔ.
1583	EXO 3:3	Ma u nɛɛ, kon ɡɛra n kãsi baka te wawa, kpa n wa yèn sɔ̃ awĩi yi, yi ǹ dɔ̃ɔ mwaaramɔ.
1703	EXO 7:17	Yèn sɔ̃ u nɛɛ, u ǹ man yɛ̃, yen sɔ̃na na nɛɛ, amɛniwa u koo ka man ɡia, nɛ wi na ra n wãa. A daa ten nim soowo ka dɛka ye a nɛni mi, kpa n nim mɛ ɡɔsia yɛm.
1711	EXO 7:25	Ma daa ten nim mɛ, mu ɡɔsire yɛm n ka kua sɔ̃ɔ nɔɔba yiru saa dɔma tèn di Yinni Gusunɔ u dera ba mu so.
1774	EXO 9:31	Saa ye ɡura ye, ya na, wɛ̃su ka ɔɔsu kam kua yèn sɔ̃ ɔɔsu ya nɔɔ kusia, wɛ̃su maa wɛ̃su sãa.
1775	EXO 9:32	Adama alikama ya ǹ kam kue yèn sɔ̃ ya ǹ sanam mɛ kpã.
1847	EXO 12:30	Eɡibiti sunɔ ka win bwãabu ka tɔn be ba tie Eɡibiti ye sɔɔ kpuro, ba seewa wɔ̃kuru ba wuri bɛkɛ kua domi yɛnu ɡaɡu sari ɡèn mi tɔn tia tia kun ɡu.
1871	EXO 13:3	Mɔwisi u Isireliba sɔ̃ɔwa u nɛɛ, i n da tɔ̃ɔ te yaaye tè sɔɔ Gusunɔ u bɛɛ yarama ka win dam bakam saa Eɡibitin di, mi i yoru di. Yen sɔ̃, ì n tɔ̃ɔ ten yaa dibu dimɔ, i ku ra pɛ̃ɛ ye ba seeyatia doke di.
1949	EXO 16:1	Ma Isireliban wuu te kpuro ta seewa Elimun di ta da ɡbaburɔ te ba mɔ̀ Sini te ta wãa Elimu ka Sinain baa sɔɔ. Saa dɔma tèn di ba doona Eɡibitin di, ba kuawa suru tia ka sɔ̃ɔ wɔkura nɔɔbu ba sere tura mi.
1955	EXO 16:7	Domi u koo bɛɛ yaa wɛ̃ i tem yèn sɔ̃ u nua i nùn wɔkisimɔ. I n yɛ̃ ma wiya i wɔkisimɔ, n ǹ mɔ bɛsɛ. Sia bururu u koo maa bɛɛ dĩanu wɛ̃ i di i debu, kpa i win yiiko wa.
1957	EXO 16:9	Ma Mɔwisi u Aroni sɔ̃ɔwa u nɛɛ, a Isireliban wuuru kpuro sɔ̃ɔwɔ a nɛɛ, bu susima Yinni Gusunɔ mi, yèn sɔ̃ u ben wɔkinu nua.
1989	EXO 17:5	Yinni Gusunɔ u nùn sɔ̃ɔwa u nɛɛ, i saro i da i n tɔn be ɡbiiye wunɛ ka ben ɡuro ɡurobu sannu, kpa a n wunɛn dɛka ye nɛni yè a ka daa ten nim so.
2000	EXO 17:16	U nɛɛ, yèn sɔ̃ Amalɛkiba ba Yinni Gusunɔ seesi, yen sɔ̃na u koo ka bu tabu ko sere ka baadommaɔ.
2002	EXO 18:2	Ma u seewa u da Mɔwisin mi ka Mɔwisin kurɔ Sefora ka win bibu yiru be u raa deri wi, Yetoron mi. N deema, ye Mɔwisi u bii be mara, u turo yĩsiru kã Gɛɛsɔmu yèn sɔ̃ u wãa tem tukumɔ u ka nùn mara.
2004	EXO 18:4	Ma u yiruse yĩsiru kã Ɛliesɛɛ yèn sɔ̃ Gusunɔ win baaban Yinniwa u nùn somi u nùn wɔra Eɡibiti sunɔn nɔmun di.
2103	EXO 21:25	Ǹ n maa dɔ̃ɔn na ba nùn mɛni, ba koo maa be dɔ̃ɔ mɛniwa. Mɛɛra yèn bweseru ba nùn kua ɡesi, yen bwesera ba koo maa bu ko.
2154	EXO 23:9	I ku wi u sɔru dimɔ bɛɛn suunu sɔɔ nɔni sɔ̃. Domi bɛɛn tii i yɛ̃ nɡe mɛ u bwisikumɔ, yèn sɔ̃ i raa sɔru di Eɡibitiɔ.
2166	EXO 23:21	Yen sɔ̃, i de i n tii sɛ kpa i nùn mɛm nɔɔwa, kpa i ku nùn nuki sanku. Domi u ǹ da bɛɛ suuru kuammɛ ì n tora, yèn sɔ̃ nɛn yiiko ya wãa wi sɔɔ.
2269	EXO 26:33	Kpa a beku kare te bwɛ̃ te ta ko n dii sɔɔ ɡe ɡa dɛɛre ɡem ɡem ka adɛrɔ ɡe ɡa dɛɛre bɔnu sãa. À n beku kare te bwɛ̃ a kpa, ten sɔɔwɔwa kaa ka kpakoro te da a yi tè sɔɔ woodan kpee bɛsi yiru ye, ya wãa. Kpa a kpakoro te wukiritia dokea dii te ta dɛɛre ɡem ɡem sɔɔ mi.
2289	EXO 27:16	Kara yen kɔnnɔn tii sɔɔ, kaa beku kɛnutiru doke, tèn yasum ko n sãa ɡɔm soonu yɛndu. Wɛ̃ɛ damɡiiya kaa ka tu ko kpa a tu buraru kua ka wɛ̃ɛ wunɔmɡii ka yi ba wɔ̃kua ka bura ka maa ɡaadura. Kpa a maa tu ɡaba kua ka dãa bɛsi sinumɡii nnɛ yi yi yɔ̃ratii mɔ.
2323	EXO 28:29	Saa ye Aroni u duɔ kuu bekuruɡii ten mi, u ko n bɔɔ bara ye dokewa win tororɔ yè sɔɔ ba Isireliban bwese kɛri wɔkura yiru yen yĩsa yorua, kpa nɛ, Yinni Gusunɔ na n ka bɛɛ yaaye baadomma.
2325	EXO 28:31	Yinni Gusunɔ u kpam Mɔwisi sɔ̃ɔwa u nɛɛ, yabe tèn wɔllɔ yãku kowo u koo yabe tarakpe ɡe sɔndi, kaa tu kowa ka beku ɡaaduraɡiru.
2343	EXO 29:6	Kpa a maa dawani sua a doke win wirɔ, kpa a wuran batani ye sua yè sɔɔ ba yorua, wini sãawa Yinni Gusunɔɡii, a doke win dawani yen wuswaaɔ.
2355	EXO 29:18	À n kua mɛ a kpa, kpa a ye kpuro dɔ̃ɔ sɔ̃re yãku yee ten wɔllɔ. Ya ko n sãawa yãku dɔ̃ɔ mwaararuɡiru tèn nubura koo nɛ, Yinni Gusunɔ dore.
2360	EXO 29:23	Kpa a maa pɛ̃ɛ tia sua ye ba ǹ seeyatia doke, ka kira wɔ̃ɔra teeru ka kira teeru tèn som ba ka ɡum burina, saa birerun di te ta yii sãa yerɔ.
2384	EXO 30:1	Yinni Gusunɔ u kpam Mɔwisi sɔ̃ɔwa u nɛɛ, kaa kpakororu ɡaru ko tèn wɔllɔ ba ko n da turare dɔ̃ɔ doke. Kaa tu kowa ka akasian dãa.
2410	EXO 30:27	ka tabulu ye, ka yen dendi yãnu, ka dabu ɡe, ka ɡen dendi yãnu, ka sere kpakoro tèn wɔllɔ ba ra turare dɔ̃ɔ doke,
2411	EXO 30:28	ka yãku yee tèn mi ba ko n da yãku dɔ̃ɔ mwaararuɡinu ko, ka ten dendi yãnu, ka boo ɡe, ka ɡen sɔwaritia.
2429	EXO 31:8	ka tabulu ye, ka yen dendi yãnu, ka dabu wuraɡuu ɡe, ka ɡen dendi yãnu, ka kpakoro tèn wɔllɔ ba ko n da turare dɔ̃ɔ doke,
2454	EXO 32:15	Saa yera Mɔwisi u sarama ɡuu ten wɔllun di u woodan kpee bɛsi yiru ye nɛni yèn beri yiru yiru kpuro ba yorua.
2471	EXO 32:32	Na nun kanamɔ a bu suuru kuo. À kun maa suuru mɔ̀, a nɛn yĩsiru wunɔ tire te sɔɔn di, tèn mi a wunɛn tɔmbun yĩsa yorua.
2473	EXO 32:34	Yen sɔ̃, a doo a tɔn be kpara i da sere yam mi na nun sɔ̃ɔwa. Wee nɛn ɡɔrado u ko n nun ɡbiiye mi. Adama saa ya sisi yè sɔɔ kon tɔn be nɔma doke n bu sɛɛyasia ben durum sɔ̃.
2474	EXO 32:35	Yen biru u tɔn be baranu kpɛ̃ɛ yèn sɔ̃ ba dera Aroni u bu naa buu ɡe kua.
2507	EXO 34:10	Ma Yinni Gusunɔ u nɛɛ, wee, na ka bɛɛ arukawani bɔkumɔ. Kon sɔm maamaakiɡia ko wunɛn tɔn be kpuron wuswaaɔ, yèn bweseru ɡoo kun koore tem ɡam. Tɔn be kpuro bèn suunu sɔɔ i wãa, ba koo nɛ, Yinni Gusunɔn sɔmburu wa. Domi ɡãa nanumɡina kon bɛɛ kua.
2519	EXO 34:22	I n da ɡɛ̃ɛbun tɔ̃ɔ bakaru ko sanam mɛ i alikama yè ya ɡbia ya ye ɡɛ̃ɛbu torua, kpa i Kunun tɔ̃ɔ bakaru ko sanam mɛ i bɛɛn dãa binu sɔrimɔ, wɔ̃ɔ ɡà n kpeeyɔ.
2547	EXO 35:15	ka kpakoro tèn wɔllɔ ba ko n da turare dɔ̃ɔ doke, ka sere ten dãa pɔɔsi yi ba ko n da ka tu sue, ka ɡum mɛ ba ko n da kpuro tãre bu ka sɔ̃ɔsi ma Gusunɔ u ye ɡɔsa nɛnɛm ka turare ye ba ko n da dɔ̃ɔ doke, ka beku kɛnutii te ba koo doke kuu ten kɔnnɔwɔ,
2630	EXO 37:25	Yen biru ba maa kpakororu kua tèn wɔllɔ ba ko n da turare dɔ̃ɔ doke. Ten dɛ̃ɛbu bu sãawa ɡɔm soo teeru. Ten yasum maa ɡɔm soo teeru. Ten ɡoonu nnɛ ye, ya nɛwa. Ten ɡunum maa ɡɔm soonu yiru. Ma ba dera ten ɡoo ɡɔmkinu nnɛn dãa ya nɔɔ yara nɡe kãanu.
2655	EXO 38:21	Mɔwisi u Lefiba sɔ̃ɔwa bu sisun dooru ko si kuu bekuruɡii te, ta di, tè sɔɔ ba koo Yinni Gusunɔn woodan kpakoro te doke. Itamaa, Aroni yãku kowon biiwa u sãa ben wiruɡii.
2687	EXO 39:22	Yabe tèn wɔllɔ ba yabe tarakpe ɡe sɔndi, ba tu wesawa ka wɛ̃ɛ ɡaaduraɡii.
2703	EXO 39:38	ka kpakoro wuraɡiru tèn wɔllɔ ba ko n da turare dɔ̃ɔ doke, ka ɡum mɛ ba ko n da kpuro tãre bu ka sɔ̃ɔsi ma Gusunɔ u ye ɡɔsa nɛnɛm, ka turare nubu duroruɡia ye ka kuu ten kɔnnɔn beku kɛnutiru,
2713	EXO 40:5	Kaa maa de bu kpakoro wuraɡiru tèn mi ba ko n da turare dɔ̃ɔ doke yi woodan kpakororun deedeeru. Kpa a maa beku kɛnutiru doke kuu ten kɔnnɔwɔ.
2743	EXO 40:35	Mɔwisi u ǹ maa kpĩa u kuu te du yèn sɔ̃ ɡuru wii wuro te, ta yɔ̃ ten wɔllɔ ma Yinni Gusunɔn yiikon ɡirima ye, ya yiba te sɔɔ.
2747	LEV 1:1	Yinni Gusunɔ u Mɔwisi soka saa win kuu bekuruɡii tèn mi ba ra nùn sãn di.
2759	LEV 1:13	U koo yen bɔsɔ yãnu ka yen wɔbunu sua u teawa, kpa yãku kowo u ye kpuro sua u dɔ̃ɔ doke, yu dɔ̃ɔ mwaara mam mam. Ya ko n sãawa yãku dɔ̃ɔ mwaararuɡiru tèn nubura koo nɛ, Yinni Gusunɔ dore.