4	GEN 1:4	Ma yam bururam mɛ, mu nùn wɛ̃re. Saa yera u mu wunana ka yam wɔ̃kuru.
10	GEN 1:10	Ma u tem ɡbebum mɛ soka tem, ma u maa nim sube nin baatere soka nim wɔ̃ku. Ma n nùn wɛ̃re.
12	GEN 1:12	Tem mu ɡãa dabinu kpia, ka yaka bwese bweseka si su binu marumɔ, ka dãa binuɡii bwese bweseka ni nu bweseru mɔ nin marum sɔɔ. Ma n nùn wɛ̃re.
18	GEN 1:18	kpa nu n sãa sɔ̃ɔ sɔɔ ka wɔ̃kurun sunɔ, kpa nu n yam bururam ka yam wɔ̃kuru wunanɛ. Ma n nùn wɛ̃re.
21	GEN 1:21	Yera u swɛ̃ɛ bɛkɛ taka kua ka yɛɛ kpuro yi yi sĩimɔ yi yiba nim mɛ sɔɔ bwese bweseka. U maa ɡunɔsu kua bwese bweseka. Ma n nùn wɛ̃re.
25	GEN 1:25	U ɡbeeku yɛɛ kua bwese bweseka ka kpaaku yɛɛ ka yɛɛ yi yi ra kabiri. Ma n nùn wɛ̃re.
27	GEN 1:27	Ye u ɡerua mɛ, ma u tɔnu taka kua u ka nùn weenɛ mam mam. U bu kuawa durɔ ka kurɔ.
31	GEN 1:31	Yera u mɛɛra kpuro ye u kua, ma n nùn wɛ̃re ɡem ɡem. Saa ye u yeba mɔ̀, sɔ̃ɔ sɔɔ ka wɔ̃kuru n swĩina ma n kua tɔ̃ru nɔɔba tiase.
38	GEN 2:7	Yen biruwa Yinni Gusunɔ u tɔnu mɔma ka tem u nùn wãarun wom wɛ̃sie win wɛ̃rɔ, ma tɔnu kua waso.
47	GEN 2:16	Ma u nùn wooda yeni wɛ̃ u nɛɛ, kaa kpĩ a ɡbaa ten dãnu kpuron binu di.
49	GEN 2:18	Ka tema Yinni Gusunɔ u ɡbeeku yɛɛ kpuro kua ka ɡunɔsu kpuro, ma u ka ye kpuro na tɔnu win mi, u ka wa mɛ u koo ye yĩsiru kɛ̃. Ma tɔnu wi, u yaa sabenu kpuro ka ɡunɔsu ka ɡbeeku yɛɛ kpuro yĩsa kã. Yĩsi te tɔnu wi, u maa yaa baayere kã teya ba ka ye sokumɔ. Adama ye kpuro sɔɔ, sari ye ya ka nùn weenɛ ye ya koo nùn somi. Yen sɔ̃na Yinni Gusunɔ u nɛɛ, n ǹ wã tɔnu u n wãa wi turo. Kon nùn ɡoo kua u n sãa nɡe wi, wi u koo nùn somi.
53	GEN 2:22	Ma u tɔn kurɔ taka kua ka tɔn durɔn kuku te, te u wuna. Ma u ka nùn na tɔn durɔ win mi.
54	GEN 2:23	Yera durɔ wi, u nɛɛ, wee tɛ̃, wini u wasi mɔ nɡe nɛɡii mam mam. Ba koo nùn sokuwa tɔn kurɔ, domi tɔn durɔn min diya u yara.
57	GEN 3:1	N deema waa ya bwisi bo ɡbeeku yɛɛ kpuro sɔɔ yi Yinni Gusunɔ u taka kua. Yera ya na kurɔ win mi, ya nùn bikia ya nɛɛ, ka ɡem Gusunɔ u nɛɛ, i ku ɡbaa tenin dãa binu kpuro di?
62	GEN 3:6	Ma kurɔ wi, u wa dãa te, ta ka dii dobu weenɛ ta waabu wã, ta koo maa kpĩ tu nùn ko bwisiɡii. Ma u ten bii ni sɔra u di. U maa win durɔ wɛ̃ ka wi ba wãasinɛ, ma wi, u maa di.
64	GEN 3:8	Ye ba Yinni Gusunɔn nɔɔ nua u bɔsu ɡbaa te sɔɔ yoka, yera ba da ba nùn kukue ɡbaa ten dãnun suunu sɔɔ.
78	GEN 3:22	Ma Yinni Gusunɔ u nɛɛ, wee tɔnu wi, u kua nɡe mɛ na sãa, u ɡea ka kɔ̃sa ɡia. Tɛ̃ na ǹ kon de u dãa bii ni nu koo nùn wãaru wɛ̃ sɔri u di u n ka wãa ka baadommaɔ.
79	GEN 3:23	Yera u nùn ɡira Edɛnin ɡbaa ten min di u da u tem wuku mɛ u ka nùn mɔma.
89	GEN 4:9	Ma Yinni Gusunɔ u da Kaɛnin mi, u nùn bikia u nɛɛ, mana wunɛn wɔnɔ Abɛli u wãa. U wisa u nɛɛ, na yɛ̃ ro? Nɛna na nɛn wɔnɔn kɔ̃so?
95	GEN 4:15	Adama Yinni Gusunɔ u nùn sɔ̃ɔwa u nɛɛ, aawo, n ǹ mɛ. Goo ù n nun ɡo, kon yɛ̃ro mɔru kɔsiawa tia tian nɔn nɔɔba yiru. Ma u Kaɛni yĩreru koosi, wi u nùn wa u ku ka nùn ɡon sɔ̃.
105	GEN 4:25	Adamu ka win kurɔ Efa ba mɛnna kpam, ma Efa u ɡura sua u bii tɔn durɔ mara u nùn yĩsiru kã Sɛti. U nɛɛ, domi Yinni Gusunɔ u kpam man bii tɔn durɔ kã u kua Abɛlin kɔsire, wi Kaɛni u ɡo.
106	GEN 4:26	Sɛtin tii, u bii tɔn durɔ mara ma u nùn yĩsiru kã Enɔsi. Sanam mɛ sɔɔra tɔmba Yinni Gusunɔ sãaru torua.
109	GEN 5:3	Ye Adamu u kua wɔ̃ɔ wunaa teeru ka wɔkuru (130) u bii tɔn durɔ mara wi u ka nùn weenɛ mam mam. Ma u nùn yĩsiru kã Sɛti.
130	GEN 5:24	U ka Gusunɔ swĩina, yen biru u doona wɔllɔ, domi Gusunɔ u nùn suawa wasiru.
135	GEN 5:29	Ma u nùn yĩsiru kã Nɔwɛ, u nɛɛ, winiwa koo sun somi bɛsɛn wasiraru ka bɛsɛn sɔm sɛ̃sɔɡia sɔɔ ye sa mɔ̀ yèn sɔ̃ Yinni Gusunɔ u tem bɔ̃rusi.
144	GEN 6:6	Ma win ɡɔ̃ru ɡa sankira yèn sɔ̃ u tɔmbu taka kua handuniaɔ. Ya nùn dua too sere win nukurɔ.
160	GEN 6:22	Ma Nɔwɛ u kua kpuro ye Gusunɔ u nùn yiire.
165	GEN 7:5	Ma Nɔwɛ u kua kpuro ye Yinni Gusunɔ u nùn yiire.
169	GEN 7:9	yen baayere ya dua kpakoro te sɔɔ yiru yiru dwaa ka nia ka Nɔwɛ sannu nɡe mɛ Gusunɔ u nùn sɔ̃ɔwa.
175	GEN 7:15	Hunde koni baayere kpuro ɡesi, ya duawa ka Nɔwɛ sannu ɡoo ɡe sɔɔ yiru yiru dwaa ka nia, nɡe mɛ Gusunɔ u Nɔwɛ sɔ̃ɔwa. Ma Yinni Gusunɔ u nùn kɛnusi.
185	GEN 8:1	Adama Gusunɔ kun Nɔwɛ duari ka ɡbeeku yɛɛ kpuro ka yaa sabe ni kpuro yi yi ka nùn wãa kpakoro te sɔɔ. Ma u dera woo ɡa kua tem sɔɔ ma nim mɛ, mu kaaram torua.
192	GEN 8:8	Yen biru u totobɛrɛru yɔ̃su u ka wa nim mù n kaara temɔ.
227	GEN 9:21	Sɔ̃ɔ teeru u nin tam nɔra ya nùn ɡoomɔ, ma u da win kurɔ u kpuna tereru.
230	GEN 9:24	Sanam mɛ Nɔwɛn tam mu kpalla, yera u nua ye win bii yiruse u nùn kua.
295	GEN 11:28	Harani wi, u ɡu ben wuu Uru sɔɔ, Kaladen temɔ mi ba nùn mara, win tundo Tera u sɔ̃.
303	GEN 12:4	Yera Aburamu u swaa wɔri nɡe mɛ Yinni Gusunɔ u nùn sɔ̃ɔwa ma ba da sannu ka Lɔtu. Sanam mɛ ba yara Haranin di, Aburamu u mɔwa wɔ̃ɔ wata ka wɔkura nɔɔbu.
306	GEN 12:7	Sɔ̃ɔ teeru yera Yinni Gusunɔ u Aburamu kure u nɛɛ, wunɛn bibun bwesera kon tem mɛ wɛ̃. Ma u yãku yeru bana u ka Yinni Gusunɔ sã wi u nùn kure mi.
314	GEN 12:15	Eɡibiti sunɔn bwãaba nùn wa ma ba na ba sunɔ kurɔ win buram ɡari saaria, ma sunɔ u dera ba ka nùn na win mi.
315	GEN 12:16	Ma u Aburamu ɡea kua ɡem ɡem kurɔ win sɔ̃. U nùn yãanu kã ka nɛɛ ka kɛtɛkunu ka kɛtɛku mɛrobu ka yooyoosu ka yoo tɔn durɔbu ka tɔn kurɔbu.
318	GEN 12:19	Ma a nɛɛ, wunɛn sesuwa, a dera na nùn sua kurɔ. Tɛ̃ wunɛn kurɔ wee, a nùn suo a ka doona.
354	GEN 14:17	Ye Aburamu u Kedolamɛɛ ka sinam be ba wãa ka wi tabu diima u wee, Sodomun sunɔ u nùn sennɔ da Safen wɔwaɔ ye ba maa sokumɔ sunɔn wɔwa.
363	GEN 15:2	Aburamu nùn wisa u nɛɛ, Yinni Gusunɔ, mba kaa maa man wɛ̃. Wee na ɡɔɔ dɔɔ bii sari kpa Ɛliesɛɛ Damasiɡii u ko nɛn tubi dio.
366	GEN 15:5	Ma Gusunɔ u ka nùn da tɔɔwɔ u nɛɛ, a wɔllu mɛɛrio kpa a kperi ɡari, à n kaa kpĩ. Nɡe mɛya wunɛn bwesera koo dabiru nɛra.
367	GEN 15:6	Ma Aburamu u Yinni Gusunɔ naanɛ kua. Yen sɔ̃na Gusunɔ u nùn ɡarisi ɡemɡii.
368	GEN 15:7	Ma u kpam nùn sɔ̃ɔwa u nɛɛ, nɛna na Yinni Gusunɔ, nɛ wi na nun yarama saa Urun di Kaladen temɔ kpa n ka nun tem mɛni wɛ̃.
373	GEN 15:12	Ye sɔ̃ɔ duɔ, dom mɔn bakara Aburamu wɔri ma bɛrum nùn mwa yam wɔ̃ku te sɔɔ.
374	GEN 15:13	Yera Yinni Gusunɔ u nùn sɔ̃ɔwa u nɛɛ, a n yɛ̃ ma wunɛn bibun bwesera ta koo tem tukumɔ sina mi ba koo bu yoru diisia kpa bu bu nɔni sɔ̃ sere wɔ̃ɔ nɛɛru (400).
388	GEN 16:6	Aburamu u Saarai wisa u nɛɛ, wuna a wunɛn yoo mɔ, a ka nùn koowo nɡe mɛ a kĩ. Saa yera u Aɡaa nɔni mɛni ma Aɡaa u duka sua win min di.
389	GEN 16:7	Yinni Gusunɔn ɡɔrado u nùn wa ɡbaburɔ bwia ɡaan bɔkuɔ Surin swaaɔ.
391	GEN 16:9	Ma ɡɔrado wi, u nùn sɔ̃ɔwa u nɛɛ, a ɡɔsiro wunɛn yinnin mi, kpa a nùn wiru kpĩiya.
393	GEN 16:11	Wee a ɡura mɔ, kaa bii tɔn durɔ ma kpa a nùn yĩsiru kɛ̃ Isimɛɛli. Domi Yinni Gusunɔ u wunɛn nɔɔ nua nɔni swãa te sɔɔ.
394	GEN 16:12	Bii wi, u ko n sãawa nɡe kɛtɛku ɡbeeku. U ko n ka tɔmbu kpuro nɔɔ ɡɔmunu mɔ̀. Tɔmbu kpuro ba koo maa ka nùn nɔɔ ɡɔmunu ko. U ko n ka win dusibu tondinɛ.
395	GEN 16:13	Ye Yinni Gusunɔ u ka Aɡaa ɡari yi kua u kpa, ma Aɡaa u nùn yĩsiru kã u nɛɛ, wuna Yinni wi u waamɔ. Domi u tii bikia u nɛɛ, ka ɡem na Gusunɔ wa ka nɔni, ma na wãa na ǹ ɡu?
399	GEN 17:1	Ye Aburamu kua wɔ̃ɔ wunɔbu tia sari yera Yinni Gusunɔ u nùn kure u nɛɛ, nɛna na Gusunɔ Dam kpuroɡii. A n sĩimɔ nɛn wuswaaɔ kpa a kun taarɛ mɔ.
401	GEN 17:3	Yera Aburamu u yiira mii mii u wuswaa tem ɡirari. Ma Gusunɔ u kpam ka nùn ɡari kua u nɛɛ,
410	GEN 17:12	I n da bii tɔn durɔ baawure banɡo kue ù n sɔ̃ɔ nɔɔba ita tura. N ǹ mɔ be ba mara bɛɛn yɛnuɔ tɔna, ka maa be i ka ɡobi dwawa tɔn tukobun mi.
412	GEN 17:14	Tɔn durɔ wi ba ǹ banɡo kue, i ko i nùn wunawa wiɡibun min di i ɡo. Domi u nɛn arukawani sanka.
413	GEN 17:15	Gusunɔ u kpam Aburahamu sɔ̃ɔwa u nɛɛ, a ku maa wunɛn kurɔ soku Saarai. Saaraawa kaa n da nùn soku.
414	GEN 17:16	Kon nùn domaru kua kpa u nun bii tɔn durɔ marua. Nɛn doma ten saabu bwese dabinu ka sinambu ba koo kɔwara win min di.
417	GEN 17:19	Ma Gusunɔ u nɛɛ, aawo, wunɛn kurɔ Saaraawa koo nun bii tɔn durɔ marua kam kam, kpa a nùn yĩsiru kɛ̃ Isaki. Wiya kon wure n ka nɛn arukawani bɔke ye ya ǹ kpeemɔ win bweserɔ.
418	GEN 17:20	Mɛya na wunɛn kanaru nua te a kua Isimɛɛlin sɔ̃. Wee, kon maa nùn domaru kua kpa u marura, win bibu bu dabia sere ba ǹ ɡarirɔ. U koo bibu wɔkura yiru ma, kpa bii be, bu ko bwese bakarun kɛri wɔkura yirun nuuru.
420	GEN 17:22	Ye Gusunɔ u ka Aburahamu ɡari kua u kpa, u nùn deri u doona wɔllɔ.
421	GEN 17:23	Yen biru Aburahamu u Isimɛɛli sua ka yobu kpuro be ba mara win yɛnuɔ ka be u ka ɡobi dwa, tɔn durɔ be ba wãa win yɛnuɔ kpuro ɡesi, ma u bu banɡo kua dɔma te, nɡe mɛ Gusunɔ u nùn sɔ̃ɔwa.
431	GEN 18:6	Yera Aburahamu u ɡɔsira ka sɛndaru win dii bekuruɡirɔ Saaraan mi. U nùn sɔ̃ɔwa u nɛɛ, a wasi suo a som sakakun nɔɔ ita sua a buri kpa a kiraru sɔmɛ.
434	GEN 18:9	Yera ba nùn bikia ba nɛɛ, mana wunɛn kurɔ Saaraa u wãa. Ma u nɛɛ, u wãa dirɔ.
440	GEN 18:15	Ma Saaraa u siki u nɛɛ, na ǹ yɛ̃ɛ. Domi bɛrum nùn mwa. Adama Yinni Gusunɔ u nɛɛ, weesa, a yɛ̃ɛ.
444	GEN 18:19	Domi wiya na ɡɔsa u ka win bibu ka ben bweseru wooda wɛ̃ bu nɛn swaa swĩi kpa ba n sĩimɔ dee dee ba n nɛn kĩru mɔ̀, kpa n nɛn nɔɔ mwɛɛnu yibia ni na nùn kua.
448	GEN 18:23	Ma Aburahamu u nùn susi u nɛɛ, ka ɡem kaa tɔn ɡeobu ka tɔn kɔ̃sobu ɡo sannu?
454	GEN 18:29	Aburahamu u kpam nùn sɔ̃ɔwa u nɛɛ, sɔrɔkudo tɔn ɡeobu weeruwa ba ko n wãa mi. Ma Yinni Gusunɔ u nɛɛ, kon wuu ɡe deri ɡen tɔnu weeru yen sɔ̃.
492	GEN 19:34	Yen sisiru yeruma wi, u win wɔnɔ sɔ̃ɔwa u nɛɛ, wee, ɡĩa wɔ̃kuru na dera bɛsɛn tundo ka man kpuna. Su kpam nùn tam nɔrusia wɔ̃ku te, kpa wunɛ a maa da u ka nun kpuna kpa win bweseru tu ku ɡbi.
493	GEN 19:35	Ma ba wure ba ben tundo tam nɔrusia wɔ̃ku te, ma wɔnɔ da u nùn kpunɛ. Tundo kun yɛ̃ saa ye bii wi, u na u kpuna ka saa ye u seewa.
495	GEN 19:37	Bii yeruma wi, u mara tɔn durɔ ma u nùn yĩsiru kã Mɔabu. Yen tubusiana nɛn tundon bii. Win min diya Mɔabuban bwesera yara.
496	GEN 19:38	Wɔnɔ wi, u maa mara tɔn durɔ, ma u nùn yĩsiru kã Bɛni Ami. Yen tubusiana nɛn dusin bii. Win min diya Amɔniban bwesera maa yara.
502	GEN 20:6	Ma Yinni Gusunɔ u nùn wisa u nɛɛ, ɡeema na yɛ̃ ma a ǹ taarɛ ɡaa mɔ wunɛn ɡɔ̃ruɔ sanam mɛ a yeni kua. Yen sɔ̃na na ǹ dere a nùn baba kpa a ku ra durum ko.
503	GEN 20:7	Ǹ n mɛn na, a durɔ wi nùn win kurɔ wesio tɛ̃, domi nɛn sɔmɔwa u sãa. U koo maa nun kanaru kua kpa a ku ɡbi. À n maa yina a nùn kurɔ wi wesia, i ko ɡbiwa wunɛ ka wunɛn tɔmbu kpuro.
508	GEN 20:12	Adama ka yen de kpuro u sãawa nɛn sesu tundo turosi, sa ǹ sãa mɛro turo. Ma na nùn sua kurɔ.
509	GEN 20:13	Yen sɔ̃, saa mìn di Gusunɔ u man yara nɛn yɛnun di na bɔsu, na nùn sɔ̃ɔwa na nɛɛ, u man biru wukirio. Mi sa dua kpuro u n da nɛɛ, u sãawa nɛn sesu.
510	GEN 20:14	Yera Abimɛlɛki u nùn win kurɔ Saaraa wesia. Ma u maa nùn yoo tɔn durɔbu ka tɔn kurɔbu wɛ̃ ka yãanu ka kɛtɛba.
511	GEN 20:15	Ma u nùn sɔ̃ɔwa u nɛɛ, nɛna na tem mɛ mɔ. A ɡɔsio mɛ sɔɔ, bera mi a kĩ a n wãa.
512	GEN 20:16	Ma u maa Saaraa sɔ̃ɔwa u nɛɛ, wee wi a sokumɔ wunɛn sesu mi, na nùn sii ɡeesun ɡobi nɔrɔbu (1.000) wɛ̃ɛmɔ. Yeni ya koo wunɛn tɔmbu sɔ̃ɔsi ma a dɛɛre, kpa ba n yɛ̃ ma a ǹ kɔ̃sa ɡaa kue.
516	GEN 21:2	Saaraa u ɡura sua ma u Aburahamu bii tɔn durɔ marua win tɔkɔru sɔɔ, saa ye Gusunɔ u raa nùn bura.
518	GEN 21:4	Ye Isaki kua sɔ̃ɔ nɔɔba ita u nùn banɡo kua nɡe mɛ Gusunɔ u raa nùn wooda wɛ̃.
521	GEN 21:7	U kpam nɛɛ, wara koo raa Aburahamu sɔ̃ ma nɛ Saaraa kon bii bɔm kɛ̃. Wee tɛ̃ na nùn bii tɔn durɔ marua win tɔkɔru sɔɔ.
522	GEN 21:8	Bii wi, u kpɛ̃a ma ba nùn bɔm kara. Yera Aburahamu u yaa dii bakabu kua dɔma te.
528	GEN 21:14	Ye n kua sisiru Aburahamu u seewa buru buru yellu u dĩanu ka nim bwãaru sua u Aɡaa wɛ̃. U maa nùn bii wi nɔmu bɛria u nɛɛ, bu doo. Ma ba doona ba da ba tora ɡbaburɔ te ba ra soku Beri Seba.
532	GEN 21:18	A seewo a da a nùn sua a kɔkiri domi kon nùn ko bwese bakarun nuuru.
534	GEN 21:20	Gusunɔ u wãa ka bii wi, sanam mɛ u kpɛ̃amɔ. U wãa ɡbaburɔ te ba mɔ̀ Parani, ma u kua tɛn towo. Win mɛro maa nùn kurɔ sua Eɡibitin tem di.
536	GEN 21:22	Saa ye sɔɔra Abimɛlɛki ka win tabu sunɔ wi ba mɔ̀ Pikoli ba na Aburahamun mi. Ba nùn sɔ̃ɔwa ba nɛɛ, sa wa ma Gusunɔ u wãa ka wunɛ ye a mɔ̀ kpuro sɔɔ.
539	GEN 21:25	Adama u Abimɛlɛki ɡerusi dɔkɔ ɡaan sɔ̃ ye Abimɛlɛkin yobu ba nùn mwaari.
543	GEN 21:29	Yera Abimɛlɛki u nùn bikia u nɛɛ, mba kaa ka yãa ɡbiibi nɔɔba yiru yeni ko.
544	GEN 21:30	Aburahamu u nùn wisa u nɛɛ, a nu mɔɔ kpa nu n sãa seeda ma nɛna na dɔkɔ yeni ɡba.
549	GEN 22:1	Yeniba kpuron biruwa Gusunɔ u Aburahamun laakari mɛɛra u nùn soka u nɛɛ, Aburahamu. Ma Aburahamu u wura u nɛɛ, nɛ wee, Yinni.
550	GEN 22:2	Ma u nɛɛ, a Isaki wunɛn bii teere te suo wi a kĩ mi, a ka da Mɔriyan temɔ kpa a ka nùn yãku dɔ̃ɔ mwaararuɡiru ko ɡuuru ɡarun wɔllɔ te kon nun sɔ̃ɔsi.
551	GEN 22:3	Yera Aburahamu u seewa buru buru yellu u win kɛtɛku ɡaari bɔkua ma u win sɔm kowo aluwaasiba yiru sua ka win bii Isaki sannu. U yãku dãa bɛsuka. Yen biru ba swaa wɔri ba dɔɔ mi Gusunɔ u nùn sɔ̃ɔwa.
555	GEN 22:7	Yera Isaki u nùn bikia u nɛɛ, baaba. Aburahamu u nɛɛ, nɛ wee, nɛn bii. Isaki nɛɛ, dɔ̃ɔ ka dãa wee, adama mana yãku yãara wãa.
556	GEN 22:8	Aburahamu nùn wisa u nɛɛ, nɛn bii, Gusunɔ u koo tii win yãku yãaru waawa. Ma be yiru ye, ba n dɔɔ.
557	GEN 22:9	Ye ba tura mi Gusunɔ u raa nùn yĩreru kua, Aburahamu u yãku yeru kua u yãku dãa ye tɛria ten wɔllɔ, ma u win bii Isaki bɔkua u sɔndi mi.
559	GEN 22:11	Yera Yinni Gusunɔn ɡɔrado u nùn soka wɔllun di u nɛɛ, Aburahamu, Aburahamu. Ma u nɛɛ, nɛ wee, Yinni.
560	GEN 22:12	Ma ɡɔrado wi, u nɛɛ, a ku ra bii wi baba, a ku nùn ɡãanu ɡanu kua. Domi na ɡia tɛ̃ ma a man nasie, a ǹ maa ka man wunɛn bii teere te yinari.