893	GEN 31:19	Ye ba doonɔ, yera Rasɛli u da u win tundo Labanin bũu wi ba mɔ̀ Terafimu ɡbɛna. N deema saa ye sɔɔ, Labani u win yãanun sansu bɔɔrimɔ.
904	GEN 31:30	Wee a doonɔ wunɛn baaban yɛnuɔ ɡèn bɛkɛ a ra n mɔ̀, a ǹ maa wee mini. Adama mban sɔ̃na a nɛn bũu kpɛɛru ɡbɛna.
906	GEN 31:32	Adama a bũurio bɛsɛn sɔmunu sɔɔ tɔn beni kpuron wuswaaɔ. À n wunɛn ɡãanu wa mi, kpa a sua. Wìn mi a wunɛn bũu kpɛɛru wa, kpa bu yɛ̃ro ɡo. N deema Yakɔbu kun yɛ̃ ma win kurɔ Rasɛliwa u bũu kpɛɛ te ɡbɛna u nɛni.
908	GEN 31:34	Ma u kuu te bũura u ǹ ɡãanu wa. N deema Rasɛli u bũu kpɛɛ te sua u doke win yooyoon ɡaarin kɔkɔrɔ u sinari.
909	GEN 31:35	Yera u win tundo sɔ̃ɔwa u nɛɛ, a ku ka man mɔru ko, na ǹ kpɛ̃ n se domi na nɔma nɛni. Labani u win bũu kpɛɛ te kasu kuu te sɔɔ kpuro u ǹ wa.
911	GEN 31:37	Sanam mɛ a bɛsɛn yãnu bũura mba a wa mi, ye ya sãa wunɛn yɛnun ɡãanu. A man ye sɔ̃ɔsio nɛn tɔmbu ka wunɛɡibun wuswaaɔ, kpa ba n sãa bɛsɛn seeda.
1014	GEN 35:2	Yakɔbu u win tɔmbu sɔ̃ɔwa u nɛɛ, bũu ni i raa mɔ, i nu wunɔ bɛɛn suunu sɔɔn di, kpa i tii dɛɛrasia i bɛɛn yãnu tea.
1016	GEN 35:4	Ma be kpuro ba ben bũu kpɛɛ ni ba wa saa tɔn tukobun min di ɡura ba Yakɔbu wɛ̃ ka maa ben swaa tonkunu. Ma u ye kpuro sua u sikua dãa bakaru ɡarun nuurɔ Sikɛmu mi.
1829	EXO 12:12	Wɔ̃ku tera kon Eɡibitin tem bukiana kpa n bii tɔn durɔ ɡbiikoo baawure ɡo, tɔmbun bibu ka yaa sabenun binu. Mɛya kon ka sɔ̃ɔsi ma Eɡibitiɡibun bũnu nu ǹ dam mɔ. Nɛ, Yinni Gusunɔwa kon ye ko.
2011	EXO 18:11	Tɛ̃ na ɡia ma wiya u bũnu kpuro kere. Domi u dera Eɡibitiɡibun nuku kɔ̃sura wɔri ben tii sɔɔ.
2075	EXO 20:23	Yen sɔ̃, i ku ra maa tii bwãaroku ɡaɡu kua ka wura, ǹ kun mɛ ka sii ɡeesu, kpa i ɡu ko bɛɛn bũu.
2134	EXO 22:19	Nɛ, Yinni Gusunɔ turowa i ko sã. Wi u yina u bũu ɡoo sãamɔ, i yɛ̃ro ɡoowo.
2158	EXO 23:13	Ye na bɛɛ sɔ̃ɔwa kpuro, i ye mɛm nɔɔwɔ mam mam. Kpa i ku ra bũnu ɡanun yĩsiru sia i sere nɛɛ, ko i nu sã.
2169	EXO 23:24	Adama ì n tura mi, i ku ra ben bũnu sã, i ku maa ben komanu saari. I ben bũu turanu suririo kpa i ben bwãarokunu kɔsuku muku muku.
2177	EXO 23:32	I ku ra ka bu arukawani ɡaa bɔke. I ku maa ben bũu ɡoo sã.
2178	EXO 23:33	Ì n ben bũnu sãamɔ, nu ko n sãawa bɛɛn yina. Yen sɔ̃, i ku de ben ɡoo u n wãa bɛɛn suunu sɔɔ kpa u ku raa bɛɛ torasia nɛn swaa sɔɔ.
2510	EXO 34:13	Adama i ko ben yãku yenu sura kpa i ben bũu wi ba mɔ̀ Asitaaten sãa yerun dãnu wukiri, kpa i win bwãarokunu kɔsuku.
2511	EXO 34:14	I ku ra bũu ɡoo sã domi nɛn yĩsira nisinuɡii. Na ku ra wure bu maa yinni ɡoo sã.
2512	EXO 34:15	A n tii sɛ kpa a ku ra ka tem min tɔmbu arukawani bɔke. Domi bà n ben bũnu ɡasirimɔ ba sãamɔ ba yãkunu mɔ̀, ba koo bɛɛ soku i ka bu ko. Kpa ben yãku yaa yu bɛɛ binɛ ko i di.
2513	EXO 34:16	Sɔrɔkudo i ko bɛɛn bii tɔn durɔbu kurɔbu sua ben bii wɔndiaba sɔɔ, kpa kurɔ be, bu de bɛɛn bii be, bu nɛn sãaru deri bu tɔn ben bũnu sã.
3243	LEV 17:7	Nɡe mɛya Isireliba ba ǹ maa ka bũnu yãkuru kuammɛ nìn bwãarokunu nu ka bonu weenɛ. Yeni ya ko n wãawa ben tiin sɔ̃ ka ben bibun bibun sɔ̃ sere ka baadommaɔ.
3273	LEV 18:21	I ku ka bɛɛn bii yãkuru ko bũu wi ba mɔ̀ Mɔlɔkun mi. Domi ì n kua mɛ, nɛ, Yinni Gusunɔn yĩsira i sanka mi. I n yɛ̃ ma nɛna na sãa Gusunɔ bɛɛn Yinni.
3286	LEV 19:4	I ku tii bũnu wɛ̃, i ku ra maa bwãaroku ɡaɡu seku.
3321	LEV 20:2	a Isireliba sɔ̃ɔwɔ a nɛɛ, ben ɡoo ǹ kun mɛ sɔɔ wi u wãa be sɔɔ ù n win bii sua u ka bũu wi ba mɔ̀ Mɔlɔku yãkuru kua, ba koo nùn kasukuwa bu ɡo.
4118	NUM 14:9	Yen sɔ̃, i ku nùn seesi, kpa i ku tɔn ben bɛrum ko. Domi ba koo kowa nɡe bɛsɛn dĩanu. Ben bũnu kun bu kɔ̃sumɔ. Adama Yinni Gusunɔ u ko n ka sun wãa. I ku ben bɛrum ko.
4193	NUM 15:39	Bà n sari yi wa, yi sãare, ba koo nɛn woodaba yaaya bu ye mɛm nɔɔwa. Saa ye, baǹ maa ben tiin ɡɔ̃ru kĩru mɔ̀ bu sere ko naanɛ sariruɡibu, bu da bu bũnu ɡasiri.
4369	NUM 21:28	Domi dɔ̃ɔ u yara Hɛsibonin di. Dɔ̃ɔ yara ya yara Sihonin wuun di. Ma u wuu ɡe ba mɔ̀ Ari Mɔabu di ka bũu ni nu wãa Aanɔɔn ɡunɡunu wɔllɔ.
4370	NUM 21:29	Mɔabu, a kam kuawa! Bɛɛ be i maa bũu wi ba mɔ̀ Kemɔsi sãamɔ, i kɔ̃ɔrawa! Domi u dera Amɔreban sina boko Sihoni u tɔn durɔbu ka tɔn kurɔbu yoru mwɛɛra.
4474	NUM 25:2	Ma wɔndia be, ba dera Isireli be, ba ben bũu sãaru wɔri, ba ka bu di, ba ka bu nɔra. Ma ba ben bũnu yiira ba sãwa.
4475	NUM 25:3	Ba tii bũu wi ba mɔ̀ Baali Peoriɡii wɛ̃. Ma Yinni Gusunɔ u ka bu mɔru kua.
4477	NUM 25:5	Ma Mɔwisi u Isireliban wiruɡibu sɔ̃ɔwa u nɛɛ, ben baawure u mɛɛrio win tɔmbu sɔɔ be ba Mɔabuban bũu wi ba mɔ̀ Baali Peoriɡii sãamɔ, kpa u bu ɡo.
4490	NUM 25:18	Domi ba sãawa bɛɛn yibɛrɛba be ba bɛɛ torasia ben bũu Baali Peoriɡiin sɔ̃ ka Kosibi, ben wiruɡii turon bii wɔndian sɔ̃, wi ba ɡo sanam mɛ wahala ya seewa Peoriɔ.
4766	NUM 33:4	Saa ye sɔɔ, Eɡibitiɡibu ba ben bii ɡbiikobu sikumɔ be ba ɡu saa ye Yinni Gusunɔ u ka ben bũnu siri.
5034	DEU 4:28	Miya i ko i bũnu sã ni tɔmba kua ka dãa ǹ kun mɛ ka kpenu ni nu ku ra yam wa, nu ku ra ɡari nɔ, nu ku ra maa nuburu nɔ.
5102	DEU 6:14	I ku ra da i bwese tuku ni nu ka bɛɛ sikerenɛn bũnu sã.
5117	DEU 7:4	Domi ba koo de bɛɛn bibu bu ɡɛra Yinni Gusunɔn swaan di bu ben bũnu sã, kpa Yinni Gusunɔ u ka bɛɛ mɔru ko u bɛɛ kpeerasia mii mii.
5118	DEU 7:5	Wee nɡe mɛ i ko i bu kua. I ko i ben bũu turanu suririwa, kpa i ben bwãarokunu kɔsuku i dɔ̃ɔ mɛni.
5129	DEU 7:16	I ko i bwesenu kpuro kpeerasiawa mam mam ni Yinni Gusunɔ u bɛɛ nɔmu bɛria. I ku ra nin wɔnwɔndu ko, i ku ra maa nin bũnu sã. Domi bũu ni, nu ko n sãawa yina bɛɛn sɔ̃.
5158	DEU 8:19	Ì kun Gusunɔ bɛsɛn Yinni mɛm nɔɔwɛ, ma i nùn duari, i da i bũnu yiirammɛ i sãamɔ, na bɛɛ sɔ̃ɔmɔ na siremɔ ɡisɔ, i ko i kpeerawa nɡe mɛ u bwese ni kpeerasia bɛsɛn wuswaaɔ.
5226	DEU 11:16	Yen sɔ̃, i n tii sɛ kpa i ku ra ɡɛra swaa ɡean di i da i bũnu yiira i nu sã.
5238	DEU 11:28	Adama ì n yina i win woodaba mɛm nɔɔwa, ma i ɡɛra win swaan di ye na bɛɛ sɔ̃ɔsimɔ ɡisɔ, ma i da i bũnu sãwa ni i ǹ daa yɛ̃, i ko i bɔ̃ri wa.
5244	DEU 12:2	I ko i bwese ni i ko i ɡira min bũnun sãa yenu kpuro kɔsukuwa mam mam ɡuunɔ ka ɡunɡunɔ ka dãa kubenɔ.
5245	DEU 12:3	I ko i ben yãku yenu suririwa, kpa i ben bũu turanu kɔsuku. I ko i ben bwãarokunu bɔɔkuwa i dɔ̃ɔ mɛni kpa bu ku maa nin yĩsinu yaaya yam mi kpuro sɔɔ.
5272	DEU 12:30	i n tii sɛ kpa i ku ra de nu bɛɛ yina mwa i nin kookoosu saari. I ku ra kasu i ɡia nɡe mɛ nu ra ka nin bũnu sã, kpa i ɡere i nɛɛ, i ko i kowa nɡe mɛ.
5273	DEU 12:31	I ku ra bu saari ì n Gusunɔ bɛsɛn Yinni sãamɔ, domi bà n sãaru mɔ̀, ɡãa disiɡina ba ra n mɔ̀ ni Gusunɔ u tusa. Ba ra mam ben bũnu yãku dɔ̃ɔ mwaararuɡinu kuewa ka ben bii tɔn durɔbu ka tɔn kurɔbu.
5276	DEU 13:3	ma ye yɛ̃ro u bɛɛ sɔ̃ɔwa mi, ya koora, ma u bɛɛ sɔ̃ɔwa u nɛɛ, i da i bũnu sã ni i ǹ daa yɛ̃,
5280	DEU 13:7	Bwese tukunu nu ko n bɛɛ sikerenɛ, ɡanu nu n wãa turuku kpa ɡanu nu n wãa n toma handunian ɡoonu nnɛ kpuro sɔɔ, nu n bũnu sãamɔ ni bɛɛ ka bɛɛn baababa i ǹ daa yɛ̃. Sɔrɔkudo bɛɛn mɔɔ ǹ kun mɛ bɛɛn wɔnɔ ǹ kun mɛ bɛɛn bii tɔn durɔ ǹ kun mɛ tɔn kurɔ ǹ kun mɛ bɛɛn kurɔ ǹ kun mɛ bɛɛn bɔrɔ kĩnasi ɡoo u koo bɛɛ kɔkiri asiri sɔɔ u nɛɛ, i da i bũu ni sã.
5286	DEU 13:13	Sɔrɔkudo wuu si Gusunɔ u bɛɛ wɛ̃n teu sɔɔ, tɔn kɔ̃sobu ɡabu ba koo wuuɡibu kɔkiri bu nɛɛ, bu da bu bũnu sã ni, ni i ǹ daa yɛ̃. Ì n nua mɛ,
5365	DEU 16:21	I ku ra bũu dãru ɡaru ɡira yãku yerun bɔkuɔ te i ko i Gusunɔ bɛsɛn Yinni bania.
5366	DEU 16:22	I ku ra maa kperu ɡaru ɡira ta n sãa bũu, domi Gusunɔ bɛsɛn Yinni u ye kpuro tusa.
5368	DEU 17:2	Ì n da da i wãa wuu si Gusunɔ bɛsɛn Yinni u bɛɛ wɛ̃ sɔɔ, sɔrɔkudo sɔ̃ɔ teeru wuu sin ɡaɡu sɔɔ, tɔn durɔ ɡoo ǹ kun mɛ tɔn kurɔ ɡoo u koo Yinni Gusunɔ tɔnu kam kom kua u da u bũnu yiira u sã, ka mam sɔ̃ɔ ka suru ka kperi kpuro. Yeya ya ko n sãa kɔ̃sa Gusunɔn nɔni sɔɔ domi n ǹ mɛ u bɛɛ yiire i ko.
5406	DEU 18:20	Adama sɔmɔ wi, ù n ɡari ɡɛɛ sosi ka Yinni Gusunɔn yĩsiru ye u ǹ nùn yiire u ɡere ǹ kun mɛ ù n ɡari ɡerua ka bũnun yĩsiru, ba koo nùn ɡowa.
5447	DEU 20:18	Kpa bu ku raa bɛɛ ben koma bɔrɔnuɡii ni tie ni ba ra ben bũnu koosi. Kpa i ku ra ka ni Gusunɔ bɛsɛn Yinni torari.
5627	DEU 28:14	I ku ra ko i ɡɛra ɡari yi na bɛɛ sɔ̃ɔwa mini kpuron ɡaan di, kpa i da i bũnu sã.
5648	DEU 28:35	Yinni Gusunɔ u koo de i bosu wa si i ǹ bɛkuramɔ. Su ko n wãawa bɛɛn dũunɔ ka bɛɛn taanɔ kpa su yɛ̃bi bɛɛn wasi kpuro sɔɔ saa bɛɛn wirun di sere ka bɛɛn naasɔ.
5649	DEU 28:36	Mɛya u koo de bu bɛɛ mwɛɛri ka bɛɛn sunɔ wi i ko i ko bɛɛn wiruɡii bu ka da tem tukumɔ bwese te bɛɛ ka bɛsɛn baababa i ǹ yɛ̃ mi, kpa i bũnu sã mi, ni ba kua ka dãa ka maa kpenu.
5677	DEU 28:64	Nɡe mɛya u koo de i yarina i n wãa handunian bwesenu kpuro sɔɔ. Miya i ko i bũnu sã ni bɛɛ ka bɛsɛn baababa i ǹ daa yɛ̃ ni ba ka dãa ka kpenu kua.
5698	DEU 29:16	I ben bũu kamɡii ni wa ni ba kua ka dãa ka kpenu ka sii ɡeesu ka sere maa wura.
5699	DEU 29:17	Yen sɔ̃, bɛɛn suunu sɔɔ, ɡoo ǹ kun mɛ yɛnu ɡaɡu ǹ kun mɛ bwese kɛra ɡaa yu ku raa Gusunɔ bɛsɛn Yinni biru kisi kpa yu da yu bwese tuku nin bũnu sã. Bɛɛn suunu sɔɔ, ɡoo u ku raa ɡɔsira u ko nɡe dãa ye ya dɛ̃ɛ mɔ.
5700	DEU 29:18	Wi u arukawani yen ɡari nua ye ba bɔkua ka bɔ̃ri mi, u ku tii sua win ɡɔ̃ruɔ u nɛɛ, u koo bɔri yɛndu wa baa ù n win tiin kĩru mɔ̀, kpa u de ɡoo u wɔri bũu sãaru sɔɔ.
5707	DEU 29:25	Ma ba bũnu sãaru wɔri ni ba ǹ daa yɛ̃ ni Yinni Gusunɔ u bu yinari.
5727	DEU 30:17	Adama bɛɛn ɡɔ̃ru ɡà n sĩira ma i ǹ nùn mɛm nɔɔwɛ, ma i da i bũnu sãamɔ,
5746	DEU 31:16	Yinni Gusunɔ u Mɔwisi sɔ̃ɔwa u nɛɛ, wee kaa wura a wunɛn sikadoba deema. Wunɛn biru, Isireliba ba koo man deri kpa bu nɛn arukawani kusia ye na ka bu bɔkua kpa bu da bu bũnu ɡasiri bu sã tem mi ba duɔ mi sɔɔ.
5748	DEU 31:18	Ka ɡem nɛ, Yinni Gusunɔ kon bu biru kisi n bu deri. Domi ba kɔ̃sa kua ba bũnu sãwa.
5750	DEU 31:20	Domi kon de bu du tem mɛ na ɡerua ka bɔ̃ri na nɛɛ, kon ben baababa wɛ̃ sɔɔ, mi tim ka bom mu kokumɔ. Ba koo di bu debu bu bɔria. Adama ba koo man torari bu nɛn arukawani kusia bu ben ɡɔ̃ru ɡɔsie bũnu ɡanun mi bu nu sã.
5772	DEU 32:12	Yinni Gusunɔ turowa u bu kpara. Bũu ɡoo kun nùn somi.
5776	DEU 32:16	Ba win nisinu seeya ba da ba bũnu sãamɔ. Ba win mɔru seeya ba da ba bũnu yiire
5781	DEU 32:21	Ba win mɔru ka win nisinu seeya ben bũu ni ba sokumɔ Gusunɔn sɔ̃, ni nu ǹ sãa ɡãanu. Yen sɔ̃na u nɛɛ, wi, u koo maa bwese wiiraruɡiru sokusia u ka ben mɔru seeya, kpa u ben nisinu seeya ka bwese te, te ba ǹ ɡarisi ɡãanu.
5791	DEU 32:31	Adama yibɛrɛ ben tii ba yɛ̃ ma ben bũu wi u bu kɔ̃su u ǹ wi, Gusunɔ Isireliban Yinni dam tura.
5797	DEU 32:37	Saa ye sɔɔ, u koo bikia u nɛɛ, mana bɛɛn bũu damɡii ni, nu wãa, nìn mi i kuku yeru kasu,
6469	JOS 23:7	I ku ka bwese tuku ni nu wãa bɛɛn suunu sɔɔ arukawani bɔke i suana. I ku yiira i nin bũnu sã. I ku maa ka nin yĩsa bɔ̃re.
6478	JOS 23:16	Ì n win arukawani ye kusia ye u ka bɛɛ bɔkua kpa i da i n bwese tukunun bũnu yiirammɛ i n sãamɔ, saa yera win mɔru koo se kpa i ɡbisuku tem durom mɛni sɔɔ.
6480	JOS 24:2	Ma Gusunɔ Isireliban Yinni u be kpuro sɔ̃ɔwa saa Yosuen nɔɔn di u nɛɛ, yellu, bɛɛn baababa ba wãa daa te ba mɔ̀ Efaratin ɡuruɔ. Miya ba bũnu sãamɔ. Ben turowa Tera, Aburahamu ka Nakorin tundo.
6492	JOS 24:14	Yen biru Yosue u nɛɛ, yen sɔ̃, i de i Yinni Gusunɔ nasia kpa i nùn sã ka ɡɔ̃ru teu ka bɔrɔkiniru. I bɛɛn baababan bũnu derio ni ba raa sãamɔ daa te ba mɔ̀ Efaratin ɡuruɔ ka maa Eɡibitiɔ.
6493	JOS 24:15	Ì kun maa kĩ i Gusunɔ sã, i ɡɔsio ɡisɔ wi i ko i sã, ǹ n bũnun na, ni bɛsɛn baababa ba sãwa daa ten ɡuruɔ, ǹ n maa Amɔrebaɡinun na, bèn temɔ i wãa mi. Adama nɛ ka nɛn yɛnuɡibu, Yinni Gusunɔwa sa ko sã.
6494	JOS 24:16	Ma tɔn be, ba nùn wisa ba nɛɛ, sa ǹ Yinni Gusunɔ derimɔ su bũnu sã pai!
6497	JOS 24:19	Yosue u tɔn be sɔ̃ɔwa u nɛɛ, ya sɛ̃ i ka Yinni Gusunɔ sã domi u sãawa dɛɛro, u ǹ wuramɔ i maa ɡoo sã. Yen sɔ̃, ì n nùn deri ma i bũnu sãwa, u ǹ bɛɛ bɛɛn durum suuru kuammɛ. Baa mɛ u bɛɛ ɡea kua kɔ, u koo ɡɔsirawa u bɛɛ kɔ̃sa kua kpa u bɛɛ kam koosia.
6501	JOS 24:23	Ma u nɛɛ, ǹ n mɛn na, i bũnu wunɔ i kɔ̃ ni nu wãa bɛɛn suunu sɔɔ, kpa i tii Gusunɔ bɛsɛn Yinni wɛ̃.
6549	JDG 2:2	Na maa bɛɛ sɔ̃ɔwa na nɛɛ, i ku ra ka tem mɛn tɔmbu arukawani bɔke. I ben bũu sãa yenu kɔsukuo. Adama iǹ nɛn ɡere mɛm nɔɔwɛ. Mban sɔ̃na i kua mɛ.
6550	JDG 2:3	Yen sɔ̃na na bɛɛ sɔ̃ɔmɔ ma naǹ bu ɡiramɔ bɛɛn min di. Ba ko n wãawa bɛɛn bɔkuɔ, ba n sãa bɛɛn wɛrɔbu, kpa ben bũnu nu ko bɛɛn yina.
6558	JDG 2:11	Ye Isireliba ba kua, yaǹ Yinni Gusunɔ dore. Domi ba nùn deri ba da ba bũnu sãamɔ ni ba ra soku Baaliba.
6559	JDG 2:12	Ba Gusunɔ ben baababan yinni deri wi u bu yarama Eɡibitin di. Ma ba be ba bu sikerenɛn bũu ni ba mɔ̀ Baaliba ka Asitaateba sãamɔ ba nu wiru kpĩiyammɛ. Yera n dera Yinni Gusunɔn mɔru seewa.
6564	JDG 2:17	Ka mɛ, ba ku ra kparo ben ɡere wure. Baǹ ka Gusunɔ turo yɔ̃re. Bũna ba ra sã. Mii mii ba swaa ye deri ye ben baababa ba raa swĩi. Baǹ maa Yinni Gusunɔn wooda mɛm nɔɔwɛ.
6566	JDG 2:19	Adama kparo wi, ù n ɡu, ba ra maa kɔ̃sa kowa n kere ben baababa. Bũna ba ra kasu bu wiru kpĩiya bu sã. Ben ɡɔ̃ru ɡa ra bɔbiewa bu ka swaa kɔ̃sa ye swĩi ka deɡanɡam.
6576	JDG 3:6	Ma ba ben bii wɔndiaba sua kurɔbu. Be, ba maa bu beɡibu wɛ̃ ba sua kurɔbu. Saa yera Isireliba ba tɔn ben bũnu sãaru wɔri.
6577	JDG 3:7	Yeniban biru, Isireliba ba Yinni Gusunɔ duari ma ba kɔ̃sa kua ba bũu ni ba mɔ̀ Baaliba ka Asitaateba sãamɔ.
6633	JDG 5:8	Sanam mɛ ba Gusunɔ deri ba bũnu sãamɔ, saa yera ba bu tabu wɔrima. Adama baa ben tɔmbu nɔrɔbun suba weeru (40.000) sɔɔ, ɡoo sari wi u tɛrɛru ǹ kun mɛ yaasa mɔ.
6666	JDG 6:10	U bɛɛ sɔ̃ɔwa ma wiya Gusunɔ bɛɛn Yinni. Yen sɔ̃, i ku Amɔreban bũnu sã bèn temɔ i wãa. Adama iǹ win ɡere mɛm nɔɔwɛ.
6681	JDG 6:25	Wɔ̃ku tee te sɔɔra Yinni Gusunɔ u maa Gedeoni sɔ̃ɔwa u nɛɛ, a wunɛn baan naa kinɛru suo ka naa kinɛru ɡaru te ta wɔ̃ɔ nɔɔba yiru mɔ, kpa a bũu wi ba mɔ̀ Baalin sãa yee te sura te wunɛn baa u mɔ mi, kpa a ten bũu dãa te ta ɡire mi wuka.
6682	JDG 6:26	Kpee tenin wɔllɔwa kaa man yãku yeru bania nɡe mɛ ba ra ko, kpa a naa kinɛru yiruse te sua a ka yãku dɔ̃ɔ mwaararuɡiru ko ka bũu dãa te a wuka mi.
6684	JDG 6:28	Ye wuuɡiba seewa buru buru yellu, ba wa wee, ba bũu wi ba mɔ̀ Baalin yãku yeru sura, ma ba ten bũu dãru wuka, ma ba naa kinɛru yiruse te ɡo ba ka yãku dɔ̃ɔ mwaararuɡiru kua sãa yee kpaa te ba ɡira mi sɔɔ.
6686	JDG 6:30	Ma ba Yoasi sɔ̃ɔwa ba nɛɛ, a wunɛn bii yarama su nùn ɡo, domi u bũu wi ba mɔ̀ Baalin yãku yeru sura, u maa ten bũu dãru wuka.
6754	JDG 8:33	Win ɡɔɔn biru Isireliba ba kpam Yinni Gusunɔn sãaru deri, ba bũu ni ba mɔ̀ Baaliba sãamɔ. Ma ba Baali Beriti kua ben bũu.
6783	JDG 9:27	Yera ba da ben ɡbeaɔ ba resɛmba sɔra ba ɡama ma ba tɔ̃ɔ bakaru kua. Ba da ben bũu dirɔ ba di ba nɔra ma ba Abimɛlɛki bɔ̃rusi.