49	GEN 2:18	Ka tema Yinni Gusunɔ u ɡbeeku yɛɛ kpuro kua ka ɡunɔsu kpuro, ma u ka ye kpuro na tɔnu win mi, u ka wa mɛ u koo ye yĩsiru kɛ̃. Ma tɔnu wi, u yaa sabenu kpuro ka ɡunɔsu ka ɡbeeku yɛɛ kpuro yĩsa kã. Yĩsi te tɔnu wi, u maa yaa baayere kã teya ba ka ye sokumɔ. Adama ye kpuro sɔɔ, sari ye ya ka nùn weenɛ ye ya koo nùn somi. Yen sɔ̃na Yinni Gusunɔ u nɛɛ, n ǹ wã tɔnu u n wãa wi turo. Kon nùn ɡoo kua u n sãa nɡe wi, wi u koo nùn somi.
60	GEN 3:4	Yera waa ye, ya kurɔ wi wisa ya nɛɛ, i ǹ ɡbimɔ pai!
78	GEN 3:22	Ma Yinni Gusunɔ u nɛɛ, wee tɔnu wi, u kua nɡe mɛ na sãa, u ɡea ka kɔ̃sa ɡia. Tɛ̃ na ǹ kon de u dãa bii ni nu koo nùn wãaru wɛ̃ sɔri u di u n ka wãa ka baadommaɔ.
85	GEN 4:5	Adama u ǹ ka Kaɛni nɔnu ɡeu mɛɛra, u ǹ maa win kɛ̃ru mwɛ. Ma Kaɛni u mɔru bara sere win wuswaa burisina.
92	GEN 4:12	À n tem mɛ wuka, mu ǹ maa nun dĩanu kuammɛ sãa sãa. Kaa n sãawa kpiko ka yaayaare kowo handunia sɔɔ.
95	GEN 4:15	Adama Yinni Gusunɔ u nùn sɔ̃ɔwa u nɛɛ, aawo, n ǹ mɛ. Goo ù n nun ɡo, kon yɛ̃ro mɔru kɔsiawa tia tian nɔn nɔɔba yiru. Ma u Kaɛni yĩreru koosi, wi u nùn wa u ku ka nùn ɡon sɔ̃.
147	GEN 6:9	domi u win woodaba mɛm nɔɔwa. U ǹ taarɛ mɔ win waati ye sɔɔ, ma u ka Gusunɔ swĩina. Bii tɔn durɔbu itawa u mara. Ben yĩsa wee, Sɛmu ka Kamu ka Yafɛti.
193	GEN 8:9	Adama totobɛrɛ te, ta ǹ ayeru wa mi ta koo sura. Ma ta wura win mi, kpakoro te sɔɔ, yèn sɔ̃ nim ɡina tie tem sɔɔ kpuro. Ma Nɔwɛ u nɔmu dɛmia u tu mwa u doke kpakororu sɔɔ.
196	GEN 8:12	Ma u maa mara sɔ̃ɔ nɔɔba yiru, u kpam totobɛrɛ te yɔ̃su. Ta ǹ maa wuramɛ win mi.
205	GEN 8:21	Ma Yinni Gusunɔ u yãku ni mwa ma u tii sɔ̃ɔwa u nɛɛ, na ǹ kon maa tem bɔ̃rusi tɔnun sɔ̃. Domi tɔnun ɡɔ̃run bwisikunu sãawa kɔ̃sunu saa win birun di. Na ǹ maa hunde koniba kpuro kpeerasiamɔ nɡe mɛ na kua.
217	GEN 9:11	Arukawani yera, nim yiburu ta ǹ maa hunde koniba kpuro kam koosiamɔ, mɛya ta ǹ maa handunia kpeesiamɔ.
229	GEN 9:23	Yera ba na ba kumbooro sua ba sɔndi ben senɔ ba ka birum birum sĩa ba ben tundon tereru wukiri. Ba ǹ tu wa yèn sɔ̃ ba ben wuswaa sĩiyɛ.
270	GEN 11:3	Yera ba ɡeruna ba nɛɛ, too, i de su biriki mura su ye wɔ̃ yu ɡbera. Ma ba ka biriki ye bana kua yèn sɔ̃ ba ǹ kpenu mɔ. Ma ba kɔntaa kua ben simaa.
297	GEN 11:30	Saarai u sãawa wĩro, u ǹ bii mara.
317	GEN 12:18	Yera u Aburamu soka u nɛɛ, mban sɔ̃na a man kua mɛ. Mban sɔ̃na a ǹ man sɔ̃ɔwa ma wunɛn kurɔwa.
325	GEN 13:6	Ben arumani ye, ya kpã sere yam mi ba wãa mu ǹ tura ba n ka wãa mi sannu.
327	GEN 13:8	Yera Aburamu u Lɔtu sɔ̃ɔwa u nɛɛ, na nun kanamɔ, a ku de sikirinɔ ɡa n wãa nɛ ka wunɛn suunu sɔɔ, ǹ kun mɛ nɛn kparobu ka wunɛɡibun suunu sɔɔ. Domi bɛsɛ dusina.
328	GEN 13:9	A ǹ tem waamɔ kpuro wunɛn wuswaaɔ? A de su kabana. À n da nɔm dwarɔ, kon da nɔm ɡeuɔ, ǹ n maa nɔm ɡeu ɡian na a da, kon da nɔm dwarɔ.
329	GEN 13:10	Ma Lɔtu u nɔni seeya u Yuudɛnin daarun bera mɛɛra sere n ka da wuu ɡe ba mɔ̀ Soari. U wa tem mu ɡea sãa mu nike nikeru mɔ nɡe ɡbaa te Yinni Gusunɔ u kua Edɛniɔ, ǹ kun mɛ Eɡibitin tem. N deema Yinni Gusunɔ kun ɡina Sodomu ka Gomɔra kpeerasie.
360	GEN 14:23	ma na ǹ ɡãanu ɡanu suamɔ ni nu sãa wunɛɡinu baa wɛ̃ɛ siira, baa bara wɛ̃ru kpa a ku ra ka nɛɛ, wuna a man kua dukiaɡii. Na ǹ ɡãanu ɡanu suamɔ,
364	GEN 15:3	Yèn sɔ̃ a ǹ man bii kã, nɛn yoo Ɛliesɛɛ wi ba mara nɛn yɛnuɔ wiya koo nɛn tubi di.
365	GEN 15:4	Yera Yinni Gusunɔ u Aburamu sɔ̃ɔwa u nɛɛ, n ǹ wi, u koo ko wunɛn tubi dio. Wunɛn tii tiin biiwa u koo wunɛn tubi di.
371	GEN 15:10	Yera Aburamu u yɛɛ yi kpuro mɛnna u yi ɡo u bɛrana yiru u yin bɛsi yi u karinasia, adama u ǹ ɡunɔsu bɛre si.
383	GEN 16:1	Aburamu ka win kurɔ Saarai ba ǹ bii mara. Wee Saarai wi, u yoo tɔn kurɔ ɡoo mɔ wi u sãa Eɡibitiɡii. Win yĩsira Aɡaa.
395	GEN 16:13	Ye Yinni Gusunɔ u ka Aɡaa ɡari yi kua u kpa, ma Aɡaa u nùn yĩsiru kã u nɛɛ, wuna Yinni wi u waamɔ. Domi u tii bikia u nɛɛ, ka ɡem na Gusunɔ wa ka nɔni, ma na wãa na ǹ ɡu?
403	GEN 17:5	Ba ǹ koo maa nun soku Aburamu, ba koo nun sokuwa Aburahamu, ye ya ɡerumɔ bwese dabinun baaba.
404	GEN 17:6	Kon de wunɛn bibu bu marura bu sosi sere ba ǹ ɡarirɔ, kpa bwesenu ka sinambu bu kɔwara wunɛn min di.
410	GEN 17:12	I n da bii tɔn durɔ baawure banɡo kue ù n sɔ̃ɔ nɔɔba ita tura. N ǹ mɔ be ba mara bɛɛn yɛnuɔ tɔna, ka maa be i ka ɡobi dwawa tɔn tukobun mi.
412	GEN 17:14	Tɔn durɔ wi ba ǹ banɡo kue, i ko i nùn wunawa wiɡibun min di i ɡo. Domi u nɛn arukawani sanka.
417	GEN 17:19	Ma Gusunɔ u nɛɛ, aawo, wunɛn kurɔ Saaraawa koo nun bii tɔn durɔ marua kam kam, kpa a nùn yĩsiru kɛ̃ Isaki. Wiya kon wure n ka nɛn arukawani bɔke ye ya ǹ kpeemɔ win bweserɔ.
418	GEN 17:20	Mɛya na wunɛn kanaru nua te a kua Isimɛɛlin sɔ̃. Wee, kon maa nùn domaru kua kpa u marura, win bibu bu dabia sere ba ǹ ɡarirɔ. U koo bibu wɔkura yiru ma, kpa bii be, bu ko bwese bakarun kɛri wɔkura yirun nuuru.
440	GEN 18:15	Ma Saaraa u siki u nɛɛ, na ǹ yɛ̃ɛ. Domi bɛrum nùn mwa. Adama Yinni Gusunɔ u nɛɛ, weesa, a yɛ̃ɛ.
443	GEN 18:18	N ǹ ɡãanun sɔ̃, Aburahamun bwesera koo kpɛ̃a kpa ta n dam mɔ. Win min diya handunian bwesenu kpuro nu koo domaru wa.
449	GEN 18:24	Sɔrɔkudo tɔn ɡeobu weeraakuru ba ko n wãa wuu ɡe sɔɔ, be ba wunɛn kĩru mɔ̀. Ǹ n man na, kaa maa bu ɡowa? A ǹ wuu ɡen tɔmbu suuru kuammɛ tɔmbu weeraaku ten sɔ̃?
450	GEN 18:25	N ǹ weenɛ a tɔn ɡeobu ka tɔn kɔ̃sobu kpeerasia sannu kpa be kpuro bu are tee wa. Yen bwesera kun ka nun weenɛ. Wunɛ wi kaa handunia kpuro siri, a ǹ kaa ko ye n wã?
453	GEN 18:28	Sɔrɔkudo tɔnu weeraaku te sɔɔ, nɔɔbu koo kaara. Nɔɔbu yen sarirun sɔ̃ kaa wuu ɡe kpeerasia? Ma Yinni Gusunɔ u nɛɛ, na ǹ ɡu kpeerasiamɔ nà n tɔn ɡeobu weeru ka nɔɔbu wa ɡe sɔɔ.
455	GEN 18:30	Aburahamu u nɛɛ, a ku ka man wasira. Kon kpam ɡari ɡere. Ǹ n tɔn ɡeobu tɛnan na ya wãa mi maa ni? Ma Yinni Gusunɔ u nɛɛ, na ǹ ɡu kam koosiamɔ nà n tɛna ye wa mi.
456	GEN 18:31	Ma Aburahamu u nɛɛ, Yinni, wee na kãka na ka nun ɡari mɔ̀. Ǹ n tɔn ɡeobu yɛndun na ta maa wãa mi ni? Ma Yinni Gusunɔ u nɛɛ, na ǹ ɡu kpeerasiamɔ nà n yɛn te wa.
457	GEN 18:32	Aburahamu u kpam nɛɛ, a suuru koowo, nɔn tee teniwa kon ɡari ɡere. Baa ǹ n wɔkurun na ta wãa mi ni? Ma Yinni Gusunɔ u nɛɛ, na ǹ ɡu kpeerasiamɔ nà n wɔku te wa.
462	GEN 19:4	Ba ǹ ɡina kpunam kpa Sodomuɡibu ba ka yɛnu ɡe tarusi saa bukurobun di sere ka aluwaasi yãkaminɔ, wuu ɡen tɔn durɔbu kpuro ɡesi.
467	GEN 19:9	Ba nɛɛ, wunɛ sɔɔwa, ma a kĩ a sun siri? A tii ɡawo min di, ǹ kun mɛ, ye sa ko nun kua ya koo beɡia kera. Ma ba Lɔtu bɔrikia ka dam sere ba kĩ bu win ɡambo kɔra.
469	GEN 19:11	Ma ba tɔn be kpuro wɔ̃koru kpɛ̃ɛ be ba yɔ̃ yɛnu ɡen kɔnnɔwɔ saa aluwaasi yãkaminun di sere ka bukurobɔ. Yera ba babi babi ba ǹ kɔnnɔ ɡe wa.
477	GEN 19:19	Wee, a man durom kua, a maa man wunɛn wɔnwɔndun kpãaru sɔ̃ɔsi ye a ka nɛn hunde faaba kua. Adama na ǹ kpɛ̃ n duka turi ɡuu ten mi, wahala ye, ya kun ka man babe kpa n kam ko.
478	GEN 19:20	Wuu ɡeni wee, ɡa wãa turuku, ɡa ǹ maa kpã. A de n da n kuke mi, kpa n faaba wa. Ye u wa ɡɔrado wi, u ǹ wisa, ma u nɛɛ, nɡe ɡa ǹ piibu sãa ro?
479	GEN 19:21	Ma ɡɔrado wi, u nɛɛ, kon kpam nun durom kua. Wuu ɡèn ɡari a mɔ̀ mi, na ǹ ɡu kpeerasiamɔ.
480	GEN 19:22	A hania koowo a da a kuke mi, domi na ǹ kpɛ̃ n ɡãanu ɡanu ko ma n kun mɔ a tura mi. Yen sɔ̃na ba wuu ɡe yĩsiru kã Soari. Yen tubusiana wuu piibu.
500	GEN 20:4	N deema Abimɛlɛki u ǹ ɡina ka Saaraa mɛnnare. Yera u Yinni Gusunɔ sɔ̃ɔwa u nɛɛ, kaa tɔnu ɡo wi u kun taarɛ ɡaa mɔ?
501	GEN 20:5	N ǹ win tiiwa u man sɔ̃ɔwa ma win sesuwa? Ma kurɔ win tii u maa ɡerua mɛ. Ǹ n mɛn na, na ǹ kɔ̃sa bwisika nɛn ɡɔ̃ruɔ n sere mam nɛɛ, na durum kua ka nɛn nɔma.
502	GEN 20:6	Ma Yinni Gusunɔ u nùn wisa u nɛɛ, ɡeema na yɛ̃ ma a ǹ taarɛ ɡaa mɔ wunɛn ɡɔ̃ruɔ sanam mɛ a yeni kua. Yen sɔ̃na na ǹ dere a nùn baba kpa a ku ra durum ko.
505	GEN 20:9	Saa ye sɔɔra Abimɛlɛki u Aburahamu bikia u nɛɛ, amɔna a ka sun kua mɛ. Mba na nun torari a ka sun durum baka yenin bweseru sɔbi nɛ ka nɛn tɔmbu. A man ɡãanu kua ni nu ǹ weenɛ bu tɔnu kua.
507	GEN 20:11	Ma Aburahamu u wisa u nɛɛ, na raa tamaa ba ǹ Gusunɔn bɛrum mɔwa tem mini, kpa bu man ɡo nɛn kurɔn sɔ̃.
508	GEN 20:12	Adama ka yen de kpuro u sãawa nɛn sesu tundo turosi, sa ǹ sãa mɛro turo. Ma na nùn sua kurɔ.
512	GEN 20:16	Ma u maa Saaraa sɔ̃ɔwa u nɛɛ, wee wi a sokumɔ wunɛn sesu mi, na nùn sii ɡeesun ɡobi nɔrɔbu (1.000) wɛ̃ɛmɔ. Yeni ya koo wunɛn tɔmbu sɔ̃ɔsi ma a dɛɛre, kpa ba n yɛ̃ ma a ǹ kɔ̃sa ɡaa kue.
513	GEN 20:17	N deema Gusunɔ u raa Abimɛlɛki ka win kurɔ ka win yobu bararu kpɛ̃ɛ te ta ǹ derimɔ bu ma, ye u ka Saaraa mwan sɔ̃. Yen sɔ̃na ye u Saaraa wesia, Aburahamu u Gusunɔ kana, ma u bu bɛkia bu ka kpĩ bu ma.
530	GEN 21:16	Ma u da u sina n dɛsire n tura mi bà n sɛ̃u toba ɡa koo wen saka. Domi u nɛɛ, u ǹ kpɛ̃ u n win bii mɛɛra u n ɡbimɔ. Mi u sɔ̃ mi, ma u wura takana u swĩ.
537	GEN 21:23	Yen sɔ̃, a bɔ̃ruo ka win yĩsiru ma a ǹ nɛ ka nɛn bibu ka nɛn debuminu bɔrɔ kɔ̃ɔ kom kuammɛ, kpa a nɛ ka nɛn tem mɛɡibu durom kua nɡe mɛ na nun kua.
540	GEN 21:26	Abimɛlɛki u nɛɛ, na ǹ yɛ̃ wi u yen bweseru kua. Mɛya wunɛn tii, a ǹ maa man sɔ̃ɔre ma n kun mɔ ɡisɔ.
560	GEN 22:12	Ma ɡɔrado wi, u nɛɛ, a ku ra bii wi baba, a ku nùn ɡãanu ɡanu kua. Domi na ɡia tɛ̃ ma a man nasie, a ǹ maa ka man wunɛn bii teere te yinari.
564	GEN 22:16	yèn sɔ̃ a kua mɛ, ma a ǹ ka man wunɛn bii teere te yinari, nɛ, Yinni Gusunɔ na bɔ̃rumɔ ka nɛn tiin yĩsiru
565	GEN 22:17	kon nun domaru kua ka ɡem kpa n wunɛn bweseru dabiasia nɡe wɔllun kperi, ǹ kun mɛ nɡe yani sɛɛri yi yi wãa nim wɔ̃kun ɡoorɔ, kpa ba n ben yibɛrɛba taare.
575	GEN 23:3	N deema u ǹ win ɡoo te sikum kpa. Yera u seewa u da Hɛtiban mi, u bu sɔ̃ɔwa u nɛɛ,
595	GEN 24:3	kpa a bɔ̃re ka Yinni Gusunɔn yĩsiru wi u sãa wɔllu ka tem Yinni, ma a ǹ kaa nɛn bii kurɔ sua Kananin bii wɔndiaba sɔɔ bèn suunu sɔɔ sa wãa mini.
597	GEN 24:5	Yoo wi, u nùn wisa u nɛɛ, à ku tuba kurɔ wi, u ǹ ko n kĩ u man swĩima sere tem mini. N weenɛ n ka wunɛn bii da tem mìn di a yarima?
608	GEN 24:16	Wɔndia wi, kurɔ burɔn tii tiiwa. Mɛya u ǹ durɔ yɛ̃. U dua bwiaɔ u nim taka ma u kpam makama.
625	GEN 24:33	Ma ba nùn dĩanu yiiya. Adama u nɛɛ, na ǹ ɡina dimɔ ma n kun mɔ na ɡari yi na ka sĩimɔ ɡerua na kpa. Ma Labani u nɛɛ, a ɡeruo.
642	GEN 24:50	Labani ka Bɛtuɛli ba wisa ba nɛɛ, Yinni Gusunɔn min diya yeni kpuro ya wee. Sa ǹ kpɛ̃ su yen ɡea ǹ kun mɛ yen kɔ̃sa ɡere.
702	GEN 26:9	Ma u Isaki sokusia. Ye u na, u nùn bikia u nɛɛ, ase wunɛn kurɔwa Rebeka. Ma a sun weesu kua a nɛɛ, wunɛn sesuwa? Isaki u nùn wisa u nɛɛ, na ǹ kĩ bu man ɡowa. Yen sɔ̃na na ka ɡerua mɛ.
704	GEN 26:11	Saa yera u kpara u nɛɛ, wi u Isaki ǹ kun mɛ win kurɔ baba ba koo yɛ̃ro ɡowa.
715	GEN 26:22	Ma u win kuru wuka saa min di u da u sina ɡam ɡia. Ma u kpam dɔkɔ ɡba mi. Adama ba ǹ maa ka nùn sannɛ. Ma u yam mi yĩsiru kã Tii mɔru.
722	GEN 26:29	Ǹ n mɛn na, a bɔ̃ruo ma a ǹ kaa sun kɔ̃sa ɡaa kua nɡe mɛ sa nun ɡea kua sa dera a doona ka bɔri yɛndu bɛsɛn min di. Wee tɛ̃ Yinni Gusunɔ u nun domaru kua.
729	GEN 27:1	Sanam mɛ Isaki u tɔkɔ kua, win nɔni dam dwiiya, u ǹ maa yam waamɔ, ma u win bii yeruma soka u nɛɛ, Esau. Esau u nɛɛ, nɛ wee.
730	GEN 27:2	Ma Isaki u nɛɛ, wee na tɔkɔ kua, na ǹ maa nɛn ɡɔɔn tɔ̃ru yɛ̃.
744	GEN 27:16	Ma u nùn boo bii nin ɡɔni tɛ̃kusi win nɔmaɔ ka win wĩirɔ, domi u ǹ sansu mɔ.
749	GEN 27:21	Ma Isaki u nɛɛ, ǹ n mɛn na, a susima nɛn bii, n nun baba n wa à n sãa Esaun na ka ɡem.
751	GEN 27:23	U ǹ nùn tuba yèn sɔ̃ win nɔma sansu mɔ nɡe Esauɡia. Adama ye u kĩ u nùn domaru kua,
761	GEN 27:33	Ma Isaki u diira ɡem ɡem u nɛɛ, ǹ n mɛn na, wara u man ɡbeeku yaa tama na tema a sere tunuma, na maa nùn domaru kua. Yɛ̃ro koo maa baruka ko.
764	GEN 27:36	Esau u nɛɛ, wee u man taki di nɔn yiru nɡe mɛ win yĩsiru. U man nɛn yerumaru mwaari. Gisɔ u maa nɛn domaru mwa. A ǹ maa domaru ɡaru mɔ a man kua?
766	GEN 27:38	Esau u nɛɛ, ǹ n mɛn na, doma teni tɔnawa a mɔ, baaba? A maa man domaru kuo. Ma u wura nɔɔ kpɛ̃ɛ u swĩ.
773	GEN 27:45	Win mɔru yà n sara wunɛn min di, u koo duari ye a nùn kua. Sanam mɛya kon de a ɡɔsirama. Domi na ǹ kĩ n bɛɛ yiru kpuro bia sɔ̃ɔ teeru.
782	GEN 28:8	Yera u ɡia ma Kananin bii tɔn kurɔbun daa ya ǹ win baa wɛ̃remɔ.
789	GEN 28:15	Wee na wãa ka wunɛ, ko na n maa nun kɔ̃su yam kpuro mi a dɔɔ kpa n maa ka nun wurama tem mɛ sɔɔ. Domi na ǹ nun derimɔ sere n ka ko nɡe mɛ na nun sɔ̃ɔwa.
790	GEN 28:16	Yakɔbu u dom yanda ma u nɛɛ, Yinni Gusunɔ u wãa mini ka ɡem. Na ǹ daa maa yɛ̃ mɛ.
802	GEN 29:6	Ma u nɛɛ, u sere bwãa do? Ba nɛɛ, oo, u alafia mɔ. A ǹ mam win bii Rasɛli wa u wee mini ka win yãanu?
804	GEN 29:8	Ba nùn wisa ba nɛɛ, sa ǹ kpɛ̃ sere yãa ɡɔ̃su kpuro sù n mɛnna. Sanam mɛya sa ra kpee te swɛnyɛ dɔkɔn nɔɔn di su sere yãanu nim kɛ̃.
821	GEN 29:25	Sisiru bururu, wee Yakɔbu deema Leawa. Ma u Labani sɔ̃ɔwa u nɛɛ, mban bwesera a man kua mɛni. N ǹ Rasɛlin sɔ̃na na nun sãwa ro? Mban sɔ̃na a man weesu kua.
822	GEN 29:26	Labani u nɛɛ, n ǹ bɛsɛn komaru bu wɔnɔ kurɔ kpaaru sua kpa mɔɔ u n wãa.
827	GEN 29:31	Ye Yinni Gusunɔ u wa ma Yakɔbu u ǹ Lea kĩ, ma u dera Rasɛli u kua wĩro ma u Lea kua bii mɛro.
829	GEN 29:33	Yen biru u maa ɡura sua u bii tɔn durɔ mara ma u nɛɛ, Yinni Gusunɔ u nua ma ba ǹ man kĩ. Yera u ka kpam man wini kã. Yera ba nùn yĩsiru kã Simɛɔ.
832	GEN 30:1	Ye Rasɛli u deema u ǹ ka Yakɔbu marumɔ, yera u ka win mɔɔ nisinu seewa. Ma u Yakɔbu sɔ̃ɔwa u nɛɛ, a de n ka nun ma. Ma n kun mɛ, kon ɡbi.
834	GEN 30:3	Rasɛli u nɛɛ, too, ya ǹ taarɛ, nɛn yoo Biliha wee, a ka duo kpa n bibu wa saa win min di n taaru sɔndi, kpa sa n wãasinɛ.
846	GEN 30:15	Lea u nùn wisa u nɛɛ, ye a man nɛn durɔ mwaari n ǹ nun tura? Yera a kpam kĩ a man nɛn biin dãa binu mwaari? Rasɛli nɛɛ, a suuru koowo, kon de bɛsɛn durɔ u ka nun du yoka ye, wunɛn biin dãa bii nin sɔ̃.
862	GEN 30:31	Ma Labani u nùn wisa u nɛɛ, mba kon nun wɛ̃. Yakɔbu u nɛɛ, na ǹ kĩ a man ɡãanu ɡanu wɛ̃. Ye kon nun sɔ̃ wee. À n wura, a de n kpam wunɛn yãa ɡɔ̃ɔ ɡe sua n kpara.
864	GEN 30:33	Siara ɡem mu koo sɔ̃ɔsira sanam mɛ a na a ka nɛn kɔsiaru wa. Domi boo ni nu ǹ bausu mɔ ka yãa ni nu ǹ tĩri nù n wãa nɛɡinu sɔɔ, a man ɡarisio ɡbɛnɔ.
873	GEN 30:42	Adama ù n wa ni nu ǹ ɡea sãa, niya nu yɔɔnamɔ, u ra yi suewa min di kpa ni, nu n sãa Labaniɡinu.
888	GEN 31:14	Rasɛli ka Lea ba nùn wisa ba nɛɛ, sa ǹ maa bɔnu ɡaa mɔ bɛsɛn tundon mi.
894	GEN 31:20	Nɡe mɛya Yakɔbu u ka Labani nɔni wɔ̃kua u doona, u ǹ maa nùn ɡãanu sɔ̃ɔwa.
901	GEN 31:27	Mban sɔ̃na a duka sua asiri sɔɔ, a ǹ man nɔɔ kanɛ. À n daa man sɔ̃ɔwa, kon de a doona ka nuku dobu ba n womusu mɔ̀, kpa ba n mɔrɔkunu ka ɡãasu soomɔ.
904	GEN 31:30	Wee a doonɔ wunɛn baaban yɛnuɔ ɡèn bɛkɛ a ra n mɔ̀, a ǹ maa wee mini. Adama mban sɔ̃na a nɛn bũu kpɛɛru ɡbɛna.
905	GEN 31:31	Ma Yakɔbu u Labani wisa u nɛɛ, na ǹ yɛ̃ à n kaa ra man wunɛn bibu wɔrari. Yen sɔ̃na na kua mɛ.
907	GEN 31:33	Ma Labani u dua Yakɔbun kuu bekuruɡirɔ ka Bilihaɡirɔ ka Silipaɡirɔ ka sere maa Leaɡirɔ, adama u ǹ ɡãanu wa. Ye u yara Lean kurun di, ma u dua Rasɛliɡirɔ.