90	GEN 4:10	Fu ijiege kumemoga Godi fu kuae, Vame ije a kema ije fuka ma ise. Uvia one a kanaema ijadufuo kavuane ije fu sakaedo ijia usiaema ije nane gae. Kavuane ije fu vierafe na fu vafaekiro fu ije e igege nimena na kurarieme.
93	GEN 4:13	Godi fu ijiege kuaramoga Keini fu una gue kuae, Vajae fiane ije a na dabe ijiege kafiekuveno ije fuka ma gikikimana na izege ijene bijuke?
103	GEN 4:23	Areme maza be Rameki fu uri bara fuone Adakiro Zira kiae, Vua ige na kuariavo ije fiefo. E be fune na kaniemo na ijadufuo ve kanavo fu baronei. Ro Keini bu kanaeva ijadufuo bu una ve e bino kaniakuva ije na vierafe bu e seveni (7) ijiege kaniake. Ro una irere ige nare reva bu ijadufuo ve kaniekuva ije na vierafe e seveni (7) ije bakiro bu e seveniti seveni (77) ijiege kania bu oekono kiae.
172	GEN 7:12	Ve ije fu ijiege dakinu vakuma muge foti (40) ro maza foti ijiege furi.
218	GEN 9:12	Ijiege rena Godi fu kiae, Vua ije na ja ro ire boeje jaena ume igia oerunoejo ro kuke uifari rade urivo ije jaena kuaena mareva ije na nuga be nijake. Ro vua ije na jaena kuaena mareva ije fu maza boeje ijiege na vake.
396	GEN 16:14	Bu ijadufuo e ije bu do ije are Kedesikiro Bereti ukua ijia mako bu do jiavo ije bu kua Do Ije E Ije Maza Boeje Ijia Fina Vako Ije Fu Giamo Ijeno kuavo.
467	GEN 19:9	Roti fu ijiege kuariamoga buka ziena kumei, E gare aebeko gare iviama vua ije a kuaemo ije arena garege vane. Aeje a era vareki a vua irere no kuaruokuvene? Vua a kuaemo ije ijia irine ro bakuma aeje no dabe vame ma ise ijia rekono kume. Bu ijiege kuarakinu bune ajia Roti vaja dabe garege akoena bune viene kania tuakuae arafiri.
505	GEN 20:9	Areme Abimereki fune Eburamedo kiamo bu mesiri rovoga fu kuae, Vame ije a irere ije rei? No afine irere ije e one ijena jone reva ijadufuo a e none igena nuvuone ise rejuokiro vierafe? Ro a irerefuo na ijiege remano kuae?
562	GEN 22:14	Ijadufuo Eburame fu are ije ive ina kuae, E Ireobo Korufuo Vajuokono kuae. Ijadufuo iviama are ije bu kua, E Ireobo ijadufuo uruo ijia fu vajuokono kuavo.
642	GEN 24:50	Areme Rebanikiro Beturero bu una gue kuae, Vua ige fune ma E Ireobo Godi ijadufuo vierafe ijia a ruaejoga no vierafe no una vua irere kuaekuva baki.
714	GEN 26:21	Areme e ije Aesekido imevo ije bu una mako be duaku ruma areme ijia do jiavoga bu una kuke ijadufuo vafaena e ijena madinami. Ijadufuo Aeseki fu mako do ijene kake abe ive ina kua Vafaevano kuae.
725	GEN 26:32	Areme ve ijia e ije Aesekido imevo ije bu usiaena mako ije bu do jiadufuo ruiva ijene Aeseki kuarae. Bu kua, No do iviaeko be gaevano kuavoga fu do ije abe ive ina Sibano kuae. Ro Siba ijadufuo maeje ijeja Vua Kuaena Avenami. Ijadufuo iviama sidove ije e bu kua Biasibano kuavo.
833	GEN 30:2	Fu ijiege kuaramoga Jekafu fu vua ije fiemo fuka defarui ijadufuo fu urina Resero kua, Vame ije ame nafedufuo fune Godire fuone vierafema ijia bijukurae. Ro naeje na izege Godi asina vame ijiege rekono kuae?
865	GEN 30:34	Areme Rebani fune una kuae, Vua ije aka ma kuariemo ijadufuo nane oemarei. Ijadufuo nine ije a kuariemo ijiege reno kuae.
955	GEN 32:27	Areme e ije fu uri Jekafu kuae, Ve irasemono abuezeke na vano kuae. Rove Jekafu fu kua, Na a na abuezakuva baki ro a na daro be miekuma na ijare arega a vakono kuae.
1098	GEN 37:14	Fu ijiege kuaramoga asoe fuone fu uri kuae, Va gafia giaga bofari one bune mukoe oenoe ro kuke mave-sifi bune mukoe oenoevoga ni giana una ro kuarie na fieno kuae. Asoe fuone fune ijiege kuarama areme kuamoga Josofu fune Eburoni isove ijia urina Sekeme nakiro vae. Josofu fu vakuma Sekeme kekena ijia ura bofari fuone ije rerianoe. Fu ijia rerianoenoga e be fu ruoma keke biena kuae, A ige a irere rerenoeno kuae?
1235	GEN 41:39	Kini Fero fu ijiege kuaria areme una Josofu kuae, Vua boeje ige a kuaema ije funeka Godire korufuo nijasakoga a kuae. Ijadufuo no vierafega e a vareki mukoe vierafena kenoeno ije be igia fuka baki ro ane are osukua.
1253	GEN 41:57	Vasia ije funeka aesakae irore boejia keke ijadufuo e boeje binobino bune Ijifiti ijia Josofudo kumune fuaevekuae ruae.
1297	GEN 43:6	Juda fu ijiege asoe fuone kuaramoga Jekafu fu urina kuae, Ja irerefuo e ireobo ije kua no iviene nuvuone be gafia fino kuae. Vame ije jaka irufui binobino kekena na vajievono kiae.
1330	GEN 44:5	Ire kafusi ja abe ruovo ije fuka ijia do ino. Ro kuke fu kafusi ijare ire bino bu rekuvejo ije nijaeko fu ijia giamo ja ije abe ruaevano kiane. Vame ije ja reva ije jaka ma ise ije revano kiane.
1365	GEN 45:6	Vasia ige fume juaevasia inokiro ijiaru aesakae igia kekei. Ro una juaevasia umui fague ijiege fu uriado vasia fu ruake. Ro vasia ije fu kekemo ijia fu erare juare iviaeko imekinu ro masikuma baki.
1451	GEN 47:30	Na baronekuva ade na abena Ijifiti igia mako rumo. Ro naeje nika mesiriena una va aesakae Kenani asaerafa none bu uniaeva ijia nujieno kuae. Fu ijiege kuaramoga Josofu fu una gue kuae, Vua irere a kuariemo ije na vierafe na ijiege rekono kuae.
1629	EXO 4:27	Areme maza sibaneke furikoga E Ireobo fu Eroni kuae, Va are sao ijia Mosisi bieno kuae. Ijadufuo Eroni fune urina uruo akae Saenae ije manino ijia Mosisi biekiro va ijia keke biena abe ui mi.
1633	EXO 4:31	Areme E Isureroko ijiebuo e nigofo ije bu uri ire boeje Mosisi fu remo ije giana buka ma vierafei. Ijadufuo bu kuae, Vua ige no fiega fune ma E Ireobo ijare izege vajae fiane ige no abekinu renoevo ije gue ijadufuo fu no ifejuona dasumuokiro ruaemano kuae. Ijadufuo buka uri E Ireobo auge sana fuone baname isoe.
1650	EXO 5:17	Bu ijiege kuaravoga Fero fu una kiae, Vua ije ja kuaevo ije jame jare imekuae ijuonena kuaeve. Ja vierafe ja ijiege kuariega na kia ja va E Ireobo jone zinone ifaejekuae ja ijadufuo reve.
1702	EXO 7:16	Ro Kini Fero fu vuakuma ni kua, E Ireobo ro e Iburukobuo Godi ije fu na kie, Va a kuaga a e none kia bu usiae vano kiemano kuane. A kiaga bu vaekina bu ae sao ijia na baname isoena kafiafirieno kie. Rove aka uria naebe fiema igege reme.
1744	EXO 9:1	Areme E Ireobo fu una Mosisi kuae, Va Kini Fero kua e Iburukobuo E Ireobo ije fu kume, E none kiaga bu usiae vaekina bu na baname isoena kafiafirieno kumei.
1807	EXO 10:29	Fero fu ijiege kuaramoga Mosisi fu una kuae, Vua irere a kuariemo ije ane ma kuariemo ijadufuo na vierafe rade abe una na giekono kuae.
1986	EXO 17:2	Ijadufuo bu urina Mosisi ziegafana kuae, A iviama do ifejuoga no ino kuae. Bu ijiege kuaravoga Mosisi fu kia, Vua ije ja kuaevo ije arefo. Jaeje ja irerefuo maza boeje naena zienamikinu una E Ireobo ije dabe biesirina ire boeje kuakuaruvono kiae.
2014	EXO 18:14	Fu ijiege renoekoga Jetiro fu fina ire boeje Mosisi fu renoeno ije gaga urina kuae, A i ije a meno ije a irere menoene? A suoke urina e ijiebuo irufui ijene dasumiako e bu a dabe utikurako fune ve mukiro vake. Vame ije a ijiege remo ije na gaga fuka naebe maremano kuae.
2017	EXO 18:17	Mosisi fu ijiege kuaramoga Jetiro fu una kuae, Vame ije a remo ije fuka ma baki ijadufuo maeje a osukua fina ijiege rekuma fuka aemake. Ro kuke e ije bu one ruovo ije budua buka aemiadufuo.
2031	EXO 19:4	Fu kuae, Va e Isureroko ije kiae, Ja vame izege na E Ireobo nare e Ijifitiko ijiebuo reva ije jane gie. Ro kuke jaeje na ume biname ije fu ame fuone ije abe adave fuone ijia nijana vako ijiege na ja kaenamiana ige na fivo igia ruaeva ije jane gie.
2074	EXO 20:22	Areme E Ireobo fune urina Mosisi kuae, Una va e Isureroko ije vua ige kuariane. Va kia, Na E Ireobo nane ma saove gufia ja vua kuariavoga jane irena adatire jone ijia kena fie.
2481	EXO 33:7	Ro e Isureroko bu vakuma iziebure bu naokuae are amaerivo ije Mosisi fune are isekube sibaneke mumabo ijia samo. Ro are iseke ije bu kua, Are Vua Kuaevono kuavo. Ijadufuo e be erare vierafe fu E Ireobo ijiaki vua kuaekiro vierafemo ije fu ijia vako.
3846	NUM 6:22	Areme E Ireobo fu Mosisi kuarana kuae, Va Eronikiro farirafa fuone ije kuariaga bu e Isureroko ijiebuo baname mukore igene isoene. Ro baname bu isoedufuo ije bu igege isoe,
4065	NUM 12:5	Areme fune amite uve ijia arina Are Muvuaka Akae ijadufuo viene ijia mani areme Eronikiro Miriame kiamo bune biona ivuake ijia vae. Areme fu kiae, Vua ige mukoreigia fiefo. Na e Godido vua vierafena kuaevo ije bu jaena karivo ije na naka ijia arina buina vua kuaevo. Ro ve bino bu nimamaena naena vua kuaevo.
4144	NUM 14:35	Vua ige E Ireobo nare kuaeva ijadufuo na e Isureroko boeje eranebe bu na ijuonena ise renoejo ije na kame isekafiake. Na kame ijiege isekafiaga e boeje buka aesao igia isejavaenoena areme ijia oena furikono kuae.
4449	NUM 24:2	Fu ijia mani gake e Isureroko ije buka agane buone binobino ijia afuina are muvuaka sana karinoeva fu giae. Fu ijiege manina giamoga Godido Kavene ije fu arina fu niromoga fu uri vua ijiege kuae, Vua ige e Berame e Beodo fari ije nare kuaeve. Na iviama ijare vame maeje nane mukoreigia giana vierafei.
4462	NUM 24:15	Vua ige Berame e Beodo fari ije nare kuaeve. Na iviama ijare vame maeje nane mukoreigia giana vierafevo.
5860	JOS 1:7	Ro kuke nika giriesa daromena akae none boeje Mosisi fu vajaema ijene iriniakiro ade ijuonemo. Vua boeje anika iriniana urari kenoekiro ade dasuvaesuvaenoeno. A ijiege rekuma ire boeje a renoeno ije buka maredufuo.
7130	RUT 1:1	Isuibe maza ije e Isureroko bu kini buone be naebe abeva ijia vasia ma ireobo be fu aesakae ijia kekei. Vasia ije fu kekemogana e Irimereki fu are Beturieme Juda guove ijia fi. Ijadufuo vasia ka ireobo ije romogana fu bara fuone Neomikiro anafa fuone inokiro e Maronikiro Kirioni ije kaenamiana uri aesakae Moabi ijia maza sibaneke fikiro vae. Ro e Irimereki ro agane fuone bu e Efarataetiko.
12325	NEH 2:13	Ijadufuo na doniki none ije abena ve fu uria titutema ijia nane viene ije bu kua Amare Vieno kuavo una maza koeno nake ijane kekena makave ijia vae. Areme nane faere irifo ijia ufuaena vakuma mako do jiavo bu kua Siroe Taraekono kuavo ije asina vakuma viene be bu kua Kadure Korevo Vieneno kuavo ijia kekei. Na ijia ufuae vakinu sidove Jerusareme isuo ije bu kaniatuana mutuseva ijiakina viene ije bu kara ifaejeva ije ninakona vae.
12327	NEH 2:15	Ijadufuo nane e ije na kaenamia vako ijena none una amare ije bu kua Kidironino kuavo ijia ari. No ijia ari vakinu isuo ije bu matuiva ije ninakona vae. Areme nane ijia dakudena una na vaeva ijane una sidove viene be bu kua Amare Vieneno kuavo na keke vaeva ijane una sidove guove ijia aruna vae.
12396	NEH 5:9	Na ijiege kuariama areme kiae, Vame ije ja kevo ije jaka ma isema reve. Ijadufuo ni una Godi jumena fu irinakinu vame maeje renoefo. Ja ijiege renoekina e ani nuvuone ae binoko ije bube ise nuvuone bino guona umui bijuodufuo.
12399	NEH 5:12	Na ijiege kuariavoga e mamekanu buka uri avediena ijiege kumei, Ije fune maredo noka ijiege reke. No vierafe noka sinuome buone irere no keva ijene una vajiake. Areme rade no naebe una ire buone bino kiaga bu vajuoke. Ro buje bu irere bu una vajuokono kueva ije no vierafe noka totega fu furino kiae. Areme nane uri e zinone ifaejevo ije kiavo bu aru ruae. Bu aruna irekoga na e mamekanu ijiakiro e ije buone rotire ijia imevo ije kiavo bu urina nidua buone ijia samadukua visu kuariana kia, Vua irere no kuaeva ije nobe totekiro noka ijiege rekono kuae.
12414	NEH 6:8	Areme na una vegue fasi isoe nijana kuae, Vua one ige a isoena kuariema ije aka kufuimena isoe. Nono ijiege vierafena revo baki. Ro vua ije ame are nigofo one ije vierafena kuariemano kuae.
12498	NEH 8:1	Ijiege rena e Isureroko boeje bu asame be romoga bune una sidove buone ijia karijana vae. Areme e boeje bune una Jerusareme ijia besu afui. Bu are viene bu kua Do Vieneno kuavo bu aruvo ijia afui. Areme bune uri Esura e akae isoekinu nijasiamo ije kuavo fu urina buki ije e Isureroko bu iriniadufuo ije E Ireobo fu Mosisi kuamo fu isoema ijene abei. Areme fune uri e boeje barubara ro eranebe bu mukoe fiena vierafevo bu afuiva ije nidua buone ijia mani.
12513	NEH 8:16	Ijadufuo e Isureroko bune uri ifiri mena are buone besubesu ado ijia ajiana are isesina muvuaka ije sae. Ro gue bu are buone makave ijia are muvuaka sae. Ro gue bu Godido Are ijadufuo makave ijia sae. Ro gue bu viene bu kua, Do Vieno kuavo ro kuke viene be bu kua, Ifuremi Vieno kuavo ijiebuo makave ijia are muvuaka buone sae.
23263	MAT 3:2	Fu vua nijasianoekinu e ije kuariana kiae, Vame jone ka ise ije ja mumaza renoejo ije arekiro una vame ma ijia kenoefo. Ijadufuo maeje maza ije Godi fu e fuone ijiebuo oe ije samuagiadufuo ije funeka ivuake igifurekino kiae.
23319	MAT 5:16	Vame besu ijiege ro ja uri vame none maeje na nijasiaeva ijene kenoekinu karivaga e bu ijia giafo. Bu vame maeje ja kenoevo ije giana una Asoe jone saove gufia fino ije dabe aroeno kiae.
23349	MAT 5:46	Ro ja uri e ije bu ja oetuavo ijiaru oetuakuva ije Godi fu irerefuo vame maeje bino jone rejiake? Vame ije bu e ise takesi abenoejo ijiebe ijiege kenoejo.
23383	MAT 6:32	Vame ijiege ja karina sinuome ro ire ro do ijiebuo uruke vierafenoejo ije bu e ije Godi ma vierafevo baki ijiebe ijiege revo. Ro jaeje fu Asoe jone saove gufia fino ije fu irere boeje ja kena karivadufuo ije fune ude giana vierafemo.
23453	MAT 9:5	Ja vierafe nabe e ige kuaga fu suve fuone kara tuana uri vake? Ke na kuako ise one ije nane gana arevano kuake? Vua inokiro ije na izare e gure kuaraga ja giena ma vierafedufuo?
23463	MAT 9:15	Bu ijiege kuaravoga Jesu fu una vua be ijiege mena kuariae. Fu kiae, Maza ije barubara bu maninamikuae ire ijo ijia e baru ije fu ijia fike bu e ruaeva ije kia bu ire atona karina una oefiaeguma vakuva baki. Ro buka oemarekinu karina besu ire ike. Ro e bu ijia sone rade maza be baru ije fu bara ije mesirina ae be vakuma e bu ijia sone buefuo oefiane abena ire atokono kiae. Vame besu ijiege ro naeje na e ije fu bara abekuveno igeki. Ijadufuo na uria e vua none fievo ije buina finoejo ijia no oemarekinu ire besu ike. Ro maza rade e ani none ije bu na mesirie kanie na baronekuva ijia bu noefuo oefiane abena ire atokono kiae.
23465	MAT 9:17	Vame besu ijiege ro fu erare vuaeni iviaeko ije abena una kamui isuiko ije bu fanu surive ijia amaeriva ijia usiakuma baki. Ro fu ijiege rekuma ire kamui isuiko ije fuka susuikena faraega vuaeni iviaeko ije fudua fuka usiaekuma ije ire inokiro ije buneka isereke. Ijadufuo vuaeni iviaeko ije buka kena una kamui iviaeko ijia usiaekina ire inokiro ije buka marekono kiae.
23550	MAT 11:22	Ro vua ige naka ma kuariavo fiefo, Vakuma rade maza ije Godi fu una e umeigia ise revo ije kena isekafiamo ijia e are Taeakiro Saedoni kariva ije fume sibaneke isekafiake. Ro una e ije are Besaedakiro Korazi kariva ije ja fuka kame vame ma ise ijia isekafiadufuo.
23564	MAT 12:6	Vua ige naka ma kuariave. I ije Godi fu kiemo na mekiro ruaeva ijare fuka ma anuigi ro una i ije bu Godido are ijia mevo ije fume sibaneke isekube.
23618	MAT 13:10	Areme e Jesudo vua fievo bu urina ro Jesu kuae, Vua one boeje a e kuariamo ije a irerefuo ijiege mena kuariaemono kuae.
23632	MAT 13:24	Jesu fu ijiege kuariama areme fu una kuke vua be ijiege mena kuariae. Fu kiae, Vame izege Godi fu e fuone ijiebuo oe ije samuagiamo ije fu e be juare fuone ijia uije mukore ije abe korema areme una are vaema ijieki.
23636	MAT 13:28	Bu ijiege kuavoga fu kiae, Vame ije bu e ani none ijiebe revano kiae. Fu ijiege kuariamoga bu una gue kuae, Ro abe kuoga no va fiene ije boeje ka nafema kari koreno kuae?
23640	MAT 13:32	Ro ine sunine ije fuka isekube rove fu abe juare ijia okuma fu tavuana ka ine ireobo reke. Areme ume boeje bu ro ijia nae buone medufuo. Vame besu ijiege iviama Godido e ije bu sibaneke uruvana reve ro rade buka e ma uruvana una e fuone rekono kiae.
23660	MAT 13:52	Ijadufuo fu una kiae, E akae nijasiamo be erare fu una Godi e ije fu oe buone ije samuagiamo ijena maziemo ije fu e are koeki igeki. E ije fu gire fuone ijia sinuome fuone boeje iviaeko ro isuiko ije fuka karina keke e boeje nijasiamo. Vame besu ijiege ro janika va e boeje Godido vua maeje isuiko ijiakiro vua none iviaeko ije kena ufake nijasiano kiae.
23669	MAT 14:3	E Erodi fu ijiege kuariaema ijadufuo maeje fure ude kiamo bu Joni fare tona mesiri dibure nujae. Ijadufuo maeje Joni fu maza boeje kuarana kua, Vame ije a uvia one Firifido bara Erodiase a abema ije aka akae tuasemano kuamo ijadufuo fu ijiege rei.
23712	MAT 15:10	Areme Jesu fune e boeje kumeno bu fuone rovoga fu urina kiae, Vua ige na kuariakuvejo ije mukoreigia fiena vierafedufuo.
23795	MAT 17:26	Jesu fu ijiege kuamoga Fita fu kuae, Moni ije bu e aesakae binoko ijiebuo karivono kuae. Areme Jesu fu una kuae, Ke ije aka ma kuarieme. Na vierafe e mamekanu aesakae samuagiavo ijiebuo anafa ije bu takesi abievo baki. Vame besu ijiege nadua na ma Godido Fari ijadufuo na irerefuo una Are fuone ijadufuo takesi abiekuva baki?
23810	MAT 18:14	Vame besu ijiege Asoe jone saove gufia fino fu e ije bu e isesina igege na ma vierafevo ije buje fuka ijiege vierafemo. Fu e ijieki ije besu fu va sauidufuo ije fuka naebe ijiege vierafemono kiae.
23814	MAT 18:18	Jesu fu ijiege kuariavako ijia fu kuke kiae, Vua ige naka ma kuariave. Irere e bu umeigia renoega a vierafero fu ise ro a vafiamo ije Godi saove ijia fino ije fudua fu ijiege kuriaerena vafiake. Ro irere bu renoega a giana vierafero fu maro a oemareko bu renoevo ije Godi saove gufia fino ije fudua fu besu ijiege oemareke.
23839	MAT 19:8	Bu ijiege kuaravoga Jesu fu urina kiae, Vua ije Mosisi fu isoena kuae ja bararafa jone rorukuriano kuaema ijadufuo maeje oe jone fuka ma gikikimana. Rove iko zinume ijia vame ije bu naebe ijiege rena ruae.
23854	MAT 19:23	Areme Jesu fu una e vua fuone fievo ije kiae, Vua ige na ma kuariave. E be erare fu sinuome uruvana zaraema ije fu agane ije Godi fu oe buone ije samuagiamo ijia buina besu maziedufuo ije fuka ma gikikimana.
23855	MAT 19:24	Ro igia fie, mave-kamero ije fu fanu ma ireobo be. Ro sieme tire ije fuka isekube ijadufuo fu tire ijia aru vakuma fuka ma gikikimana. Vame besu ijiege ro e ije sinuome zaraema fu e ije Godi fu oe buone ije samuagiamo ijia buina besu maziedufuo ije fuka ma gikikimanano kiae.
23859	MAT 19:28	Bu ijiege kuaravoga Jesu fu una kiae, Vua ige na ma kuariave. Maza ije ire boeje bu una iviaeko revo ijia Ema ijiebuo Fari ige na fata none maeje sanaema ijia ajia fike. Ro e ije erarebe ja na nuvedievo ije jadua ja fata maeje tuero kena karike. Ja fata ijia karina e Isureroko agane tuero ijiebuo ise ije kena mazie giake.
23877	MAT 20:16	Jesu fu vua ijiege kuaria furikiro kiae, Vame besu ijiege e ije bu rane gamia ruovo ije ve be bu una ude vake. Ro e ije bu ude vako ije ve be bu una rane gamia ruakono kiae.
23883	MAT 20:22	Areme Jesu fu una kiae, Vua ije ja kuarievo ije ja naebe mukoe vierafe ro jame ijia kuarieve. Ja vierafero vajae fiane ige na abekuvejo ije jane manido jadua ja ijiege abekuae ja ije vierafevano kiae? Fu ijiege kuariamoga bu una gue kuae, No vierafe no manido no rekono kuae.
23896	MAT 21:1	Areme Jesu fune e vua fuone fievo ijena Jerusareme vakuae ruoma are Betifasi uruo Orivi kuavo ivuake ijia usiae. Areme Jesu fune urina e vua fuone fievo ije inokiro vua igene kuariae. Fu kiae, Va are gafia usiae gaga bu mave doniki be kiraeva fu ame fuone ijiakuma ijia manivoga ije irana kaenamia una na fivo igia ruafo.
23916	MAT 21:21	Ro Jesu fu una kiae, Vua ige naka ma kuariave. Ja ire ijieki ije naebe giana zazae ro jame uri ma vierafekuva ja ine gure na kuavo fu saerema ijiege jadua ja ire ijieki bino reke. Ro ja ire ijiaru rekuva bakiro ja kuke uruo ireobo be kuako, Ni koro tuana davare ijia arino kuakuva fuka itire jone abeke.
23955	MAT 22:14	Areme Jesu fu vua fuone kuaria furikiro uri kiae, Vame besu ijiege ro Godi fu vierafe buka e uruvana una agane fuone ijena besu maziekiro fu ije vierafena kumene. Rove buka e sibaneke vua fuone fiena una agane fuone ijena besu mazievono kiae.
24054	MAT 24:28	Ro ja ume bino bu kave ijia oenoega ja giavo ije ja vierafero ire muture be fu ume igia namoro ja ijiege vierafevo. Vame besu ijiege ja nuga ije na kuariaeva ijieki bino bu ume igia rega ja giakuva ni vierafero Ema ijiebuo Fari ige nane una ruovoro ja ijiege vierafeno kiae.
24059	MAT 24:33	Vame besu ijiege ro maza ije ire boeje bu rega ja ije giavo ijia ja vierafero maza ije na una ruadufuo ije fune ivuare ja ijiege vierafeke.
24067	MAT 24:41	Ro bara inokiro bu ire kiravo ijia anera be fu arina bara besu mesirikiro be fu ijia arena vake. Vame besu ijiege ro mazani ije Ema ijiebuo Fari ige na una ruovo ije fu ijiege redufuo.
24117	MAT 25:40	Bu ijiege kuariekuva E Ireobo ige na una kiako, Vua ige naka ma kuariave. Ire boeje ja kairafa none ige e anuigi baki igiebuo reva ije ja none revano kiake.
24122	MAT 25:45	Bu ijiege kuariega E Ireobo ige na una kiako, Vua ige naka ma kuariave. Maza ije ja e gue anuigi baki ije naebe ifejiaeva ije ja na naebe ifejie.
24144	MAT 26:21	Bu karina ire ivo ijia Jesu fu urina kiae, Vua ige naka ma kuariave. E ige ja naena kariva ijia e be fu na abena una e ani ije miaga bu kanie na baronekono kiae.
24187	MAT 26:64	Fu ijiege kuaramoga Jesu fu una gue kuae, Vua ije ane koro ijifureki kuaeme ijadufuo naeje na e ijene. Rove na ige kuariako ni fiene. Ivia igia una gafege vako ijia Ema ijiebuo Fari ige naeje na Godi e daroki ijadufuo umui maeneke ijia fike. Ro rade na saove gufia una amite uve ijia ari roga ja giekono kiae.
24188	MAT 26:65	Fu ijiege kuariamoga e zinone ifaejevo ijiebuo e ireobo ije fu vua ije fiemo fuka defarui. Ijadufuo fu urina ugone fuone fu saema ije faradia farae. Areme fu urina e ije koto fievo ije kiae, Vua ije fune korufuo ijifureki kuaeme. Ijadufuo na vierafe no una e bino erane kiaga bu vua ise fuone bino kuaruoga no fiekuva baki. Ro iviama jane vua ise izege fu Godisina kuaema ije jane fie. Ijadufuo ja vierafega e gure ja dabe izege rekono kiae? Fu ijiege kuariamoga e boeje bu una gue kuae, E ije fu kuae fuje fuka Godiki besuno kuae. Ijadufuo no vierafe noka dabe kana fu baronekono kuae.
24202	MAT 27:4	Fu va ijia kekena kiae, Na vierafe naka isema rena e ije fu ise bino naebe rema ijene dabe e ani ije miaedo bune kana fu baroneke. Ijadufuo ni moni jone ige ja vajieva ije una keno kiae. Rove e mamekanu ije bu una kuae, Vame ije no nore reva baki ro ane are koro rema ijadufuo irufui ije ni koro gano kuae.
24285	MRK 1:1	Vua ige fu e Jesu Kuraesi Godido Fari ijadufuo vua maeje. Ro vua fuone ije bune izege e Asaea e ije Godido vua vierafena kuaemo fu kuaema bu ijiege isoe, Godi fu Fari fuone kuae, Na e vua none abe oenoeno be kuaga fu ude vame one ije amaeriga a rade vake.
24288	MRK 1:4	Ijadufuo Joni e do ruoriamo fu ae sao ijia oenoekinu e ije bu fuone ruovo ije kiae, Vame ise ja kenoevo ije nika arefo. Ro ni una oe kuderiana Godido roga fu ise jone giana arega na ja do ruoriano kiae.
24309	MRK 1:25	Fu ijiege kumenoga Jesu fu urina kavene ise ije kuriaerena kuae, Vua ije a kuaemo ije arekiro nine itibirena keke vano kuae.
24349	MRK 2:20	Ro vakuma sone rade baru ije fu bara ije mesirina ae be vakuma e ije bu ijia sone buefuo oefiane abena ire atoke. Vame besu ijiegero naeje na e ije fu bara abekuveno igeki. Ijadufuo e vua none fievo ije na uria igia buina oenoejo ije noka besu oemarekinu ire ive. Ro maza rade e ani none bu na mesirie kanie na baronekuva ijia bu noefuo oefiane abena ire atokono kiae.
24351	MRK 2:22	Vame besu ijiege ro fu e be erare vuaeni iviaeko ije abena una kamui isuiko bu fanu surive ijia amaeriva ijia usiamo baki. Ro fu ijiege rekuma kamui isuiko ije funeka susuikena faraega vuaeni iviaeko ije fu usiaeke. Bu ijiege rekuva ire inokiro ije buneka isereke. Ijadufuo bu vuaeni iviaeko ije buka kena una kamui iviaeko ijia usiaekina ire inokiro ije buka marekono kiae.
24383	MRK 3:26	Vame besu ijiege Setanido e ije fu samuagiamo ije bu uri bue ata guegue rena bijaekuva buka maza jiamado karikuva baki. Ro buka migegire bakiredufuo.
24406	MRK 4:14	Vua na mena kuariaeva ijadufuo zinume fu ijiege. E ije uije daejuima ije fu e ije Godido vua abe e gue kuariamo ijieki.
24416	MRK 4:24	Jesu fu ijiege kuaria areme kiae, Vua ige na kuariakuvejo ije mukoreigia vierafefo. Erare fu Godido vua ije mukoreigia fiemo e ijare fu vua ijadufuo asune ije mukoreigia vierafedufuo. Ro kuke Godi fuka una e ije vua maeje binodua nijaedufuo.
24418	MRK 4:26	Jesu fu ijiege kuaria areme kuke kiae, Vame izege Godi fu e fuone ijiebuo oe ije samuagiamo ije fu e ije fu juare fuone ijia uije daejuimo ijieki.
24493	MRK 6:17	Ro Erodi ijiege fu kuaema ijadufuo maeje fu fure ude kiamo bu Joni fare tona mesiri dibure nujae. Ijadufuo maeje fu uvia fuone Firifido bara Erodiase abeno Joni fu kua, Aka isema remano kuamoga fu ijadufuo dabe dibure nujae. Fu kua, Vame ije a una uvia one ijadufuo bara ije abema ije aka akae tuasemano kuamo ijadufuo fu ijiege rei.
24560	MRK 7:28	Rove bara ije fuka faememarena una kuae, Vua ije ame ma kuarieme. Rove na vierafe siroe ije buka uria ame ijiebuo ire nugune ije ikono kuae.
24599	MRK 8:30	Fita fu ijiege kuaramoga Jesu fuka uri kuriaerena kuae, Vua ije a kuaema ije jade va e kuariavono kiae.
24608	MRK 9:1	Jesu fu ijiege kuaria areme kiae, Vua ige naka ma kuariavo mukoe fiefo. E boeje gure ja kariva ijia e gue ja uria ni uria kariva ijia ja maza ije Godi fu e fuone ijiebuo oe ije samuagiakiro fuka darokuma roga ja ni jone ijia gake.
24620	MRK 9:13	Vua ige naka ma kuariave, E Iraeja fune ude romoga e ije bune uri izege Godido vua akae ijia bu fuesina isoena kuaeva ijiege rena bune uri e Iraeja dabe buone bu vierafeva ijia rei.