26999	ACT 1:7	A꞉la꞉dabuba꞉dabiki, Ya꞉suwa꞉yo꞉ a꞉ma꞉la꞉yo꞉ a꞉la꞉sio꞉, “Kelego꞉ fa꞉la꞉doma꞉no꞉ ho꞉len a꞉no꞉ Dowa꞉ Ene da꞉feyo꞉ ko꞉lo꞉ gio꞉ mada mo꞉asulo꞉ ko꞉lo꞉lab.
27006	ACT 1:14	Kalu i a꞉ma꞉yo꞉ asulo꞉wo꞉ imilise dota꞉ga꞉, Godemo꞉ dulugu sa꞉la꞉len. A꞉la꞉ta꞉ga꞉ Ya꞉su ano, Malia, o꞉lia꞉ ka꞉isale nolo꞉lo꞉, a꞉la꞉ta꞉ga꞉ Ya꞉su ao i nolo꞉lo꞉ i o꞉lia꞉ siliki, dulugu sa꞉la꞉len.
27029	ACT 2:11	Ni us amio꞉, nolo꞉ Yu kalu, nolo꞉ Yu kaluma ko꞉sega, Yu kalu ililo꞉ tilidabu o꞉leaum, iyo꞉lo꞉ a꞉la꞉tilidabu. Nolo꞉ Kilit kalu, nolo꞉ Alebia kalu, ko꞉sega ililo꞉ Godeya꞉lo꞉ molo ha꞉na꞉no꞉ to widab a꞉no꞉, niliyo꞉ ninin towa꞉ do꞉do꞉l” a꞉la꞉sio꞉.
27042	ACT 2:24	Ko꞉sega Godeya꞉yo꞉ Ya꞉suwo꞉ soma꞉no꞉ nagalo꞉loba꞉da꞉yo꞉ ga꞉li sili alitaki, Eyo꞉ mela꞉no꞉wo꞉ a꞉dimiabiki, Ya꞉su e a꞉ma꞉la꞉yo꞉ a꞉na dasi. Mo꞉wo꞉ sowana꞉ halaido꞉ a꞉ma꞉yo꞉ Ya꞉suwo꞉ mada mo꞉ta꞉li.
27047	ACT 2:29	“Ni nao i, to a꞉no꞉ Debidi eyo꞉ a꞉la꞉sio꞉ ko꞉lo꞉ niyo꞉ o꞉go꞉ gimo꞉wo꞉ fanda so꞉lo꞉l. Mo꞉luwo꞉ nili ma꞉mu Debidi e sowabiki daido꞉ ko꞉lo꞉ elo꞉ daido꞉ hen a꞉no꞉ nilo꞉ sab anib wena a꞉lab.
27050	ACT 2:32	Gode Eyo꞉ Ya꞉su E mela꞉no꞉wo꞉ a꞉ma꞉la꞉ dimia꞉sa꞉ga꞉lo꞉ dasi alifa꞉ a꞉no꞉, nio꞉ tambo ninin siya꞉ ba꞉ba꞉ ko꞉lo꞉ so꞉lo꞉l.
27060	ACT 2:42	Ho꞉gi tilidabu kaluka꞉isale iliyo꞉ Iliga꞉felo꞉ kaluwa꞉lo꞉ widab a꞉no꞉ tilida꞉dakiyo꞉, egele dowa꞉sen. A꞉la꞉ta꞉ga꞉ ma꞉no꞉wo꞉ ua sagana꞉likiyo꞉, Yesuwa꞉ asulo꞉ ma꞉no꞉wo꞉lo꞉ ua nakiyo꞉, Godemo꞉ dulugu sa꞉la꞉sen. Iyo꞉ a꞉no꞉ ko꞉lo꞉ dimidakiyo꞉, halaido꞉ dimida꞉len.
27067	ACT 3:2	Godeya꞉ malilo꞉ a amilo꞉ tog nowo꞉ “Gesego꞉” a꞉la꞉sa꞉la꞉sen ko꞉lo꞉ a꞉la꞉yo꞉ tog a꞉na ha꞉nakiyo꞉, giligo꞉ sen kalu nowo꞉ tog aniba sena ba꞉ba꞉. Kalu a꞉no꞉ anowa꞉ e sa꞉la꞉liakiyo꞉, e giligo꞉ o꞉ngo꞉ sa꞉la꞉li ko꞉lo꞉, kaluka꞉isaleyo꞉ aya ha꞉na꞉lab o꞉mo꞉wo꞉ moleyo꞉ ha꞉iya꞉melea꞉ki, ho꞉leno꞉ tambo kalu nolba꞉yo꞉ e ga꞉lilia꞉ga꞉, Tog Gesego꞉ a꞉na tagai ta꞉lila꞉sen.
27071	ACT 3:6	Ko꞉sega Bida eyo꞉ emo꞉wo꞉ a꞉la꞉sio꞉, “Ne mole imilig nowo꞉ mada aundo꞉ma ko꞉sega, nilo꞉ da꞉labo꞉ we gemo꞉ dimia꞉nigo꞉l. Nasa꞉la꞉d kalu, Ya꞉su Kelisowa꞉ wi halaido꞉ a꞉ma꞉yo꞉, ge dasilia꞉ga꞉ hamana!”
27077	ACT 3:12	Bida e kaluka꞉isale kegeab a꞉no꞉ ba꞉da꞉sa꞉ga꞉yo꞉, imo꞉wo꞉ a꞉la꞉sio꞉, “Isolael kalu gio꞉, dimidab we ba꞉dakiyo꞉, waga molo tandeaya? Nanin halaido꞉wa꞉yo꞉ kalu we mo꞉falelo꞉ a꞉la꞉ta꞉ga꞉ na꞉no꞉ Godeya꞉ siwa꞉l amio꞉lo꞉ digalo꞉ kalu ko꞉lo꞉ we a꞉na dimido꞉lba. A꞉la꞉fo꞉ko꞉lo꞉ giliyo꞉ na꞉n ba꞉da꞉sa꞉ga꞉yo꞉ moda꞉so꞉bo.
27087	ACT 3:22	Tamin amio꞉ Moses eyo꞉ a꞉la꞉sio꞉, ‘Gode Alana꞉yo꞉ ne ko꞉lo꞉ gimo꞉lo꞉ iliga꞉fo꞉ aumbo꞉, dinali sa꞉lan kalu noma꞉yo꞉ gimo꞉wo꞉ sama꞉kiyo꞉, Isolael kalu go꞉no꞉na a꞉la꞉ta꞉ga꞉ iliga꞉fa꞉ib ko꞉lo꞉, giliyo꞉ to elo꞉ sa꞉labo꞉ tilida꞉da꞉bi.
27110	ACT 4:19	Ko꞉sega Bida o꞉lia꞉ Yon dia꞉ma꞉yo꞉ a꞉ma꞉la꞉yo꞉ a꞉la꞉sio꞉, “Na꞉no꞉ gili towo꞉ ko꞉lo꞉ kudu ha꞉na꞉no꞉ kibo꞉bowo꞉, Godeya꞉ towo꞉ mo꞉kuduha꞉na꞉no꞉ domabe ko꞉lo꞉ ginino꞉ dinafa alobana ba꞉da꞉bi.
27158	ACT 5:30	Giliyo꞉ Ya꞉suwo꞉ i malana alula꞉sa꞉ga꞉ sana sowo꞉ ko꞉sega, nili ma꞉muwa꞉ Godeya꞉yo꞉ E a꞉ma꞉la꞉ dasi alifa꞉ ko꞉lo꞉lab.
27162	ACT 5:34	Ko꞉sega Fa꞉lisi kalu nowo꞉, ene wiyo꞉ Gamaliel, e elelo꞉ asulo꞉ kalu ko꞉lo꞉ Yu kaluka꞉isale iyo꞉ man elo꞉wo꞉ nafale ba꞉da꞉sen. O꞉g a꞉namio꞉ Gamaliel e, misa꞉ kalu o꞉lia꞉ sen ko꞉lo꞉, e dasila꞉sa꞉ga꞉, kalu nolbo꞉wo꞉ “Iliga꞉felo꞉ kaluwo꞉ ha꞉la꞉ya o꞉tililia꞉ hamana” a꞉la꞉sa꞉la꞉sa꞉ga꞉, Yu misa꞉ kalu imo꞉wo꞉ a꞉la꞉sio꞉, “Isolael kalu giliyo꞉, kelego꞉ nowo꞉ kalu i wemo꞉wo꞉ dimidama꞉no꞉lalega, giliyo꞉ dinafa asula꞉bi.
27173	ACT 6:3	A꞉la꞉fo꞉ko꞉lo꞉ giliyo꞉ kalu dom a꞉la꞉fo꞉wo꞉ da꞉fea꞉sa꞉ga꞉, niliyo꞉ nanog we imo꞉ dima꞉ki dimia꞉no꞉. Kalu gililo꞉ da꞉feab a꞉no꞉, iyo꞉ asulo꞉wo꞉ alan, Godeya꞉ Mamalo꞉ wa꞉lifo꞉ a꞉lab a꞉no꞉ ko꞉lo꞉ da꞉fea꞉bi.
27183	ACT 6:13	A꞉la꞉fo꞉ko꞉lo꞉ e mo꞉walilakiyo꞉, Sitifen elo꞉ mo꞉dimido꞉lo꞉ sa꞉ma꞉no꞉ kaluwo꞉ tililia꞉ga꞉ ta꞉taki, iliyo꞉ madali towo꞉ a꞉na sa꞉laki, “Sitifen eyo꞉ Moses ele saefa꞉yo꞉ a꞉la꞉ta꞉ga꞉ gulugulula꞉sen a malilo꞉wo꞉ dio꞉ge sa꞉la꞉lab.
27205	ACT 7:20	“Ho꞉len a꞉namio꞉, Moseso꞉ a꞉na sa꞉la꞉li. E mada gesego꞉ ko꞉lo꞉ ele otalen dowabiki, iyaya꞉ aya siliki bo꞉fo꞉len.
27214	ACT 7:29	To sa꞉lab a꞉no꞉ da꞉da꞉sa꞉ga꞉, Moses e nai ha꞉na꞉ga꞉, Isib heno꞉ ta꞉ta꞉ga꞉, Midian hen a꞉na ha꞉na꞉sa꞉ga꞉yo꞉, e mio꞉ kalu silikiyo꞉, so꞉wayo꞉ a꞉la꞉ sa꞉la꞉li.
27234	ACT 7:49	“‘Hebenelo꞉ halo nelo꞉ mesa꞉no꞉ i fofodo꞉wo꞉ o꞉m, a꞉la꞉ta꞉ga꞉ henfelo꞉ we Ni gido꞉fo꞉lo꞉ wa꞉lo꞉fo꞉mela꞉no꞉wo꞉ o꞉m. A꞉la꞉fo꞉ko꞉lo꞉ a Nilo꞉ mesa꞉no꞉ o꞉li o꞉ngo꞉wo꞉ gio꞉ waga dia꞉no꞉wo꞉? Nelo꞉ mesa꞉no꞉wo꞉ ayo꞉ mada mo꞉dialifa꞉ib.
27236	ACT 7:51	Sitifen eyo꞉ to kudu sa꞉la꞉kiyo꞉ a꞉la꞉sio꞉, “Asulo꞉ gililo꞉wo꞉ halaido꞉ dowa꞉sa꞉ga꞉, ka꞉la꞉no꞉ kali ko꞉lo꞉ gio꞉ ha꞉la꞉ kaluwo꞉ o꞉ngo꞉ dowo꞉. Godeya꞉ Mamaya꞉lo꞉ gimo꞉lo꞉ sa꞉lab a꞉no꞉, giliyo꞉ gola ba꞉da꞉sen. Giliyo꞉ ge ma꞉mu ima꞉lo꞉ man dimida꞉sen aumb dimida꞉lab.
27265	ACT 8:20	Ko꞉sega Bida eyo꞉ a꞉ma꞉la꞉bo꞉ a꞉la꞉sio꞉, “Godeya꞉ boba kelego꞉ we gi moleya꞉ kililia꞉no꞉ a꞉la꞉liki asulab ko꞉lo꞉ go꞉no꞉n o꞉lia꞉ mole gilo꞉ a꞉no꞉lia꞉yo꞉ de hena soma꞉ni ha꞉na꞉bi.
27321	ACT 9:36	Yoba amisa꞉n amio꞉, tilidabu ga nowo꞉ siliki, ene wiyo꞉ Tabita, ko꞉sega Gilik towa꞉ sa꞉lakiyo꞉, Dokas a꞉la꞉sa꞉lan. E man nafa dimida꞉liki, wa꞉feyo꞉ kaluka꞉isale kelego꞉lo꞉ma a꞉no꞉ ko꞉lo꞉ asuwa꞉ta꞉sen.
27441	ACT 13:10	“Ge mada Seteneya꞉ inso꞉ ko꞉lo꞉ man digalo꞉ o꞉lia꞉lo꞉ gisdo꞉ dowa꞉seno꞉ ge. Ge madalilo꞉ dikili sa꞉lan man ko꞉li ko꞉lilo꞉ a꞉no꞉ asulo꞉wa wa꞉lifo꞉liki, Godeya꞉ to nafa digalo꞉ sa꞉lab a꞉no꞉ ge da꞉la꞉li sa꞉la꞉sen.
27449	ACT 13:18	A꞉la꞉ta꞉ga꞉ donayo꞉ do꞉la꞉fo꞉ fa꞉la꞉da꞉in us a꞉namio꞉, iyo꞉ kalalili hen a꞉na sia꞉len amio꞉, man mogago꞉ ililo꞉wo꞉ Godeya꞉ dia꞉likiyo꞉ ka bo꞉fo꞉len.
27462	ACT 13:31	A꞉la꞉dimidabikiyo꞉, kaluka꞉isale e o꞉lia꞉lo꞉ tamin amilo꞉ Ga꞉lili a꞉la꞉ta꞉ga꞉lo꞉ Ya꞉lusalem amilo꞉ sia꞉lowan a꞉ma꞉yo꞉, Ya꞉suwo꞉ ho꞉len nolo꞉ galilia꞉sa꞉ga꞉yo꞉ ba꞉da꞉len. A꞉la꞉fo꞉ko꞉lo꞉ kaluka꞉isale i a꞉ma꞉yo꞉ inin siya꞉ ba꞉ba꞉ ko꞉lo꞉ o꞉go꞉ iliyo꞉ Isolael kaluka꞉isalemo꞉wo꞉ wida꞉lab.
27465	ACT 13:34	Ya꞉suwo꞉ sowa꞉sa꞉ga꞉ a꞉labiki, Godeya꞉yo꞉ e a꞉ma꞉la꞉ dasi alifa꞉ ko꞉lo꞉ tif amio꞉ e do꞉mo꞉wo꞉ mada mo꞉hesema꞉ib. A꞉la꞉fo꞉ko꞉lo꞉ Godeya꞉yo꞉ a꞉la꞉sio꞉, ‘Niyo꞉ Debidimo꞉lo꞉ dinali sio꞉ a꞉no꞉ gimo꞉ dimiakiyo꞉, gio꞉ nafa halaido꞉ mesea꞉ki sa꞉ma꞉nigo꞉l.’
27470	ACT 13:39	Ya꞉su wema꞉yo꞉ kaluka꞉isale abeyo꞉ eya tilida꞉dab a꞉no꞉, ili mogago꞉wo꞉ dila꞉sa꞉ga꞉, digalo꞉ kaluka꞉isale wikilaki ga꞉li ta꞉fa꞉ib. Mosesa꞉ ele saefa꞉ a꞉ma꞉yo꞉ a꞉la꞉bo꞉ mada mo꞉dimidan ko꞉sega kalu wema꞉yo꞉ dimido꞉.
27491	ACT 14:8	Lista amisa꞉n a꞉namio꞉, kalu imilig nowo꞉, anowa꞉ e sa꞉la꞉liakiyo꞉ gib a꞉la꞉yo꞉ mogago꞉ o꞉ngo꞉ ka sa꞉la꞉li ko꞉lo꞉ kalu a꞉no꞉ eneno꞉ mada mo꞉sia꞉lowan.
27531	ACT 15:20	A꞉la꞉do꞉ mo꞉dimidakiyo꞉, niliyo꞉ imo꞉wo꞉ to sa꞉sa꞉lakiyo꞉, ma꞉no꞉ ko꞉lo꞉ madali godemo꞉lo꞉ bobalo꞉ dimi a꞉no꞉ na꞉so꞉bo. A꞉la꞉ta꞉ga꞉ wo꞉wo꞉ dia꞉so꞉bo. A꞉la꞉ta꞉ga꞉ no꞉ ho꞉bo꞉ a꞉no꞉lia꞉, no꞉wo꞉ dagasa silisa꞉nda꞉sa꞉ga꞉, ho꞉bo꞉wo꞉ mo꞉ane a꞉no꞉lia꞉yo꞉, na꞉so꞉bo. A꞉la꞉likiyo꞉ imo꞉wo꞉ asuluma꞉kiyo꞉, mo꞉fo꞉s amio꞉ sa꞉sa꞉liga꞉fa꞉niki.
27534	ACT 15:23	Antio꞉g ha꞉nakiyo꞉, ililo꞉ mo꞉fo꞉s sa꞉sa꞉lo꞉ dia꞉ganeyo꞉ we. Ni iliga꞉felo꞉ kalu o꞉lia꞉ sa꞉sdo꞉ bo꞉fo꞉lowan kalu o꞉lia꞉ gi gao niliyo꞉ mada o꞉m a꞉lo꞉ to sa꞉laki, Yu kaluka꞉isalema ko꞉lo꞉ tilidabu, Antio꞉g amisa꞉ndo꞉ sabo꞉, Silia hen amilo꞉ sabo꞉, a꞉la꞉ta꞉ga꞉ Silisia hen amilo꞉ sab gimo꞉wo꞉ sagalaki, mo꞉fo꞉so꞉ a꞉na iliga꞉to꞉l.
27535	ACT 15:24	Kalu nolo꞉ nilo꞉ wena a꞉la꞉ta꞉ga꞉ gilo꞉wa ya꞉ga꞉ wido꞉ ko꞉lo꞉, to wido꞉ a꞉ma꞉yo꞉ gio꞉ kele asulo꞉wo꞉ dima꞉kiyo꞉, no꞉nolo꞉ alifa꞉ka꞉, niyo꞉ a꞉la꞉dabu. Kalu a꞉no꞉ nili da꞉fea꞉sa꞉ga꞉ iliga꞉foma.
27536	ACT 15:25	A꞉la꞉fo꞉ko꞉lo꞉ nio꞉ kegea꞉sa꞉ga꞉, towo꞉ imilig dia꞉ta꞉ga꞉, ni o꞉lia꞉lo꞉ ha꞉fo꞉lo꞉ disa꞉ kaluwo꞉ Fol dia꞉ Banabas dia꞉yo꞉ da꞉feyo꞉. A꞉la꞉ta꞉ga꞉ kalu nolo꞉ a꞉la꞉ gasa mena꞉ki da꞉fea꞉sa꞉ga꞉, gilo꞉wa iliga꞉to꞉l.
27537	ACT 15:26	A꞉la꞉ma꞉ ene mela꞉no꞉ walema꞉no꞉wo꞉ mo꞉keleasulaki, Ya꞉su Keliso Alana꞉ nanog dimida꞉len ko꞉lo꞉ gilo꞉wa iliga꞉to꞉l.
27538	ACT 15:27	A꞉la꞉ta꞉ga꞉ niliyo꞉ kalu a꞉la꞉ nowo꞉, Yuda꞉s dia꞉ Sailas dia꞉yo꞉, to nililo꞉ sa꞉sa꞉lo꞉l a꞉no꞉ko꞉ a꞉la꞉ma꞉yo꞉lo꞉ sama꞉ki iliga꞉to꞉l.
27540	ACT 15:29	Ma꞉no꞉ ko꞉lo꞉ madali godemo꞉lo꞉ dimiab a꞉no꞉ na꞉so꞉bo. A꞉la꞉ta꞉ga꞉ no꞉ ho꞉bo꞉ a꞉no꞉lia꞉, no꞉wo꞉ dagasa silisa꞉nda꞉sa꞉ga꞉, ho꞉bo꞉wo꞉ mo꞉ane a꞉no꞉lia꞉yo꞉, na꞉so꞉bo. A꞉la꞉ta꞉ga꞉ wo꞉wo꞉ dia꞉so꞉bo. Man a꞉no꞉ kuduha꞉nalega, gio꞉ kobale mesa꞉ib. To nililo꞉ gimo꞉lo꞉ so꞉lo꞉lo꞉ o꞉m.
27543	ACT 15:32	A꞉la꞉ta꞉ga꞉ Yuda꞉s dia꞉ Sailas dia꞉yo꞉, Godeya꞉ ene dinali sa꞉lan kalu dowo꞉ ko꞉lo꞉ a꞉la꞉ma꞉yo꞉ tilidabu ililo꞉wo꞉ halale dowa꞉i hamana꞉ki, tilidabu kaluka꞉isalemo꞉wo꞉ wala sa꞉la꞉len.
27564	ACT 16:12	Nio꞉ a꞉na fa꞉la꞉dota꞉ga꞉, hena ha꞉na꞉la꞉ga꞉, Filibai a꞉na fa꞉la꞉dowo꞉. Filibai a꞉no꞉ Masedonia hen amilo꞉ amisa꞉n alano꞉ e. Tamin amio꞉ Lom kaluwa꞉ amisa꞉n a꞉no꞉ bo꞉fo꞉len. Nio꞉ ho꞉len nowo꞉ a꞉na sen.
27568	ACT 16:16	Ho꞉len no amio꞉, nio꞉ tolo꞉ dulugu sa꞉la꞉sen hena ha꞉na꞉no꞉ ha꞉na꞉len amio꞉, madalilo꞉ nanog dian ga nowo꞉ toga gido꞉. Ga e amio꞉ mama mogago꞉wo꞉ dofo꞉liki, tif amilo꞉ dimidama꞉nigabo꞉ e ho꞉le ba꞉da꞉sa꞉ga꞉, dinali sa꞉la꞉sen. A꞉la꞉fo꞉ko꞉lo꞉, ga o꞉lo꞉ biso꞉wa꞉yo꞉ moleyo꞉ modo꞉ ko꞉lo꞉ dia꞉sen.
27570	ACT 16:18	Ga a꞉ma꞉yo꞉ ho꞉len modo꞉ amio꞉ a꞉la꞉sa꞉la꞉li ya꞉len ko꞉lo꞉, Fol e mo꞉bea꞉sa꞉ga꞉, nodolakiyo꞉ mama mogago꞉mo꞉wo꞉ towo꞉ a꞉la꞉sio꞉, “Niyo꞉ Ya꞉su Kelisowa꞉ wi halaido꞉ a꞉na ilikiyo꞉, ge ga we ta꞉fo꞉ hamana!” A꞉la꞉sa꞉labikiyo꞉, wigibo a꞉naka mama mogago꞉ e amilo꞉ elen a꞉no꞉ ta꞉fo꞉gane.
27614	ACT 17:22	A꞉la꞉fo꞉ko꞉lo꞉ Fol e kaunsil ili tolo꞉ nenela꞉lab usa dasilia꞉ga꞉ kagayaki a꞉la꞉sio꞉, “Atens kalu giyo꞉, ni ba꞉ba꞉ amio꞉, gulugululan gililo꞉wo꞉ ko꞉li ko꞉lilo꞉ ko꞉lo꞉lab.
27616	ACT 17:24	“Gode wema꞉yo꞉ henfelo꞉wo꞉ dimida꞉sa꞉ga꞉, mela꞉no꞉lo꞉ a꞉labo꞉ tambowo꞉ E dimida꞉sa꞉ga꞉ ta꞉fo꞉. Gode we henfelo꞉wo꞉lo꞉, akino꞉lo꞉, eneno꞉ biso꞉ a꞉la꞉liki bo꞉fo꞉lab ko꞉lo꞉ e gulugululan a, kaluwa꞉ dagiya꞉ dimido꞉ a꞉namio꞉ mo꞉ta꞉sen.
27617	ACT 17:25	Godeya꞉yo꞉ mela꞉no꞉ meho꞉wo꞉ o꞉lia꞉ kelego꞉ henfelo꞉ amilo꞉ a꞉lab we tambo kaluka꞉isalemo꞉ dimi ko꞉lo꞉ Gode e halaido꞉wo꞉ o꞉li ko꞉lo꞉lab. A꞉la꞉fo꞉ko꞉lo꞉ kaluka꞉isaleya꞉ Gode e a꞉asuwa꞉fa꞉no꞉wo꞉ mo꞉lido꞉. Tamin amio꞉ Godeya꞉ kalu imilig nowo꞉ dimido꞉ ko꞉lo꞉ o꞉go꞉ henfelo꞉ amilo꞉ kaluka꞉isale ko꞉li ko꞉lilo꞉ sab we a꞉na fa꞉la꞉dowo꞉. Kaluka꞉isale a꞉no꞉ semo꞉fa꞉la꞉dowo꞉ amio꞉, Godeya꞉yo꞉ hen ililo꞉wo꞉ ele alifela꞉sa꞉ga꞉, ho꞉len a꞉na doma꞉ib a꞉la꞉bo꞉ dinali da꞉fe salifelo꞉ ko꞉lo꞉lab.
27619	ACT 17:27	Henfelo꞉ kaluka꞉sale tambowa꞉yo꞉ Gode e kelelia꞉ga꞉yo꞉, fa꞉la꞉doma꞉ki, kaluwo꞉ a꞉na dimido꞉. A꞉la꞉fo꞉ ko꞉sega, Gode e ni o꞉lia꞉yo꞉ ko꞉na꞉lo꞉ mo꞉a꞉lab.
27620	ACT 17:28	Godeya꞉yo꞉ nimo꞉wo꞉ halaido꞉wo꞉ dimia꞉labiki, nio꞉ a꞉na iliki, nanogo꞉ a꞉na dimida꞉lo꞉l. Giasi kalu nolba꞉yo꞉ a꞉la꞉sa꞉sa꞉lo꞉, ‘Nio꞉ Ene so꞉wa ko꞉lo꞉lab.’
27621	ACT 17:29	“A꞉la꞉fo꞉ko꞉lo꞉ nio꞉ Godeya꞉ ene so꞉wa ko꞉lo꞉ God e u madali gode, dagiya꞉lo꞉ dimido꞉ o꞉mele a꞉la꞉bo꞉ asula꞉so꞉bo. E kaluwa꞉ asulo꞉wa꞉lo꞉ dimido꞉ golo꞉ o꞉ silbayo꞉ o꞉ngo꞉ma.
27623	ACT 17:31	Mo꞉wo꞉ Godeya꞉yo꞉ henfelo꞉ kaluka꞉isalelo꞉ mo꞉walilima꞉no꞉wo꞉ ho꞉len imilig nowo꞉ da꞉fe alifa꞉ ko꞉lo꞉lab. A꞉la꞉fo꞉ko꞉lo꞉ kalu elo꞉ da꞉feyo꞉ a꞉ma꞉yo꞉ mo꞉walilakiyo꞉, digalo꞉ man a꞉na iliki mo꞉walilima꞉ib.”
27625	ACT 17:33	A꞉la꞉ dimida꞉sa꞉ga꞉, Fol e Aleobagus kanisolo꞉ kegea꞉sen hen a꞉no꞉ a꞉na ta꞉fo꞉gane.
27635	ACT 18:9	Nulu no amio꞉, Fol e ho꞉le badakiyo꞉, Alana꞉yo꞉ emo꞉wo꞉ a꞉la꞉sio꞉, “Ge mano꞉ walama꞉no꞉wo꞉, tagilakiyo꞉ eda꞉so꞉bo. Walafo꞉ ko꞉ dofo꞉lubi.
27640	ACT 18:14	Fol eyo꞉ towo꞉ a꞉ma꞉la꞉bo꞉ sa꞉ma꞉nigabikiyo꞉, Galio꞉ eyo꞉ Yu kalu imo꞉wo꞉ a꞉la꞉sio꞉, “Yu kalu giliyo꞉, kalu wema꞉yo꞉ gamani ele difa꞉ amio꞉ hala nowo꞉ o꞉go꞉so꞉ ko꞉lo꞉ mo꞉walilima꞉ni mio꞉ kibo꞉bowo꞉, niyo꞉ o꞉li do꞉bo꞉lo.
27681	ACT 19:27	A꞉la꞉fo꞉ko꞉lo꞉ o꞉go꞉ nili mole anama꞉kilo꞉ nanogdo꞉ dia꞉sen wema꞉, wi nafayo꞉ mogagila꞉ma꞉ib. Imili weno꞉ ko꞉mba. Ko꞉sega nili gode Atemis, Asia heno꞉ tambo o꞉lia꞉ henfelo꞉ tambo amio꞉ wabuda꞉sen a꞉no꞉, ene wi alan a꞉no꞉ wilo꞉ma doma꞉ib. A꞉la꞉ta꞉ga꞉ ene gulugululan a a꞉no꞉ o꞉ngo꞉mal a꞉la꞉asuluma꞉ib” Demetius eyo꞉ a꞉la꞉sio꞉.
27690	ACT 19:36	To so꞉lo꞉l we hendele a꞉lab ko꞉lo꞉, kalu imilig noma꞉yo꞉ o꞉ngo꞉ma a꞉la꞉bo꞉ mo꞉sa꞉ma꞉ib. A꞉la꞉fo꞉ko꞉lo꞉ giliyo꞉ ha꞉sa dowaki, hala nowo꞉ dimida꞉so꞉bo.
27692	ACT 19:38	Kalu noma꞉yo꞉ Demitius e o꞉lia꞉lo꞉ nanogdo꞉ dian o꞉lia꞉mo꞉wo꞉ hala nowo꞉ dimido꞉lalega, mo꞉walilima꞉no꞉wo꞉ digalo꞉ da꞉lab a꞉la꞉ta꞉ga꞉ gamani misa꞉ kalu iyo꞉ sab ko꞉lo꞉, a꞉na tililia꞉ga꞉, ililo꞉ hala dimido꞉ a꞉no꞉ fanda sa꞉ma꞉ni ha꞉na꞉bi.
27701	ACT 20:7	Doma꞉yo꞉ nio꞉ Yesu Asulo꞉ Ma꞉no꞉ naki kegeo꞉ ko꞉lo꞉, Fol e o꞉agela꞉yo꞉ ha꞉na꞉no꞉ ko꞉lo꞉, towo꞉ wida꞉li ha꞉na꞉la꞉ga꞉, nulu uso꞉ a꞉namio꞉ o꞉wida꞉len.
27702	ACT 20:8	Nio꞉ a iwalulo꞉ a꞉na kegeakiyo꞉, nafayo꞉ modo꞉ ko꞉lo꞉ da꞉ifoliki, a꞉na wida꞉la꞉len.
27705	ACT 20:11	A꞉la꞉bo꞉ sa꞉la꞉sa꞉ga꞉yo꞉, Fol e a꞉ma꞉la꞉ fa꞉la꞉na꞉sa꞉ga꞉, ma꞉n dowa꞉fa꞉yo꞉ go꞉go꞉bea꞉sa꞉ga꞉ ua mo꞉no꞉. Ma꞉no꞉ na꞉sa꞉ga꞉yo꞉, Fol eyo꞉ to man ko꞉ wida꞉liki aneyo꞉, ho꞉le bidabikiyo꞉, e ta꞉fo꞉gane.
27717	ACT 20:23	Ko꞉sega imilig nowo꞉ ne asulufo꞉lo꞉l. Amisa꞉n tambo nelo꞉ sia꞉len amio꞉, Godeya꞉ Mamaya꞉yo꞉ nemo꞉wo꞉ sa꞉la꞉li ha꞉nakiyo꞉, ne hida꞉yo꞉ halaido꞉wo꞉ diaki, dibolowa to꞉loma꞉ib a꞉la꞉liki sa꞉la꞉lab.
27718	ACT 20:24	A꞉la꞉fo꞉ ko꞉sega, Godeya꞉ kanulo꞉ man to nafa a꞉no꞉ Ya꞉su Alana꞉yo꞉ nemo꞉ walama꞉ki dimi, ko꞉lo꞉ niyo꞉ nanog we dimida꞉i ha꞉na꞉la꞉ga꞉ ililila kibo꞉bowo꞉, ni mela꞉no꞉ we, o꞉li walema꞉no꞉ ko꞉lo꞉lab.
27720	ACT 20:26	Kelego꞉ tambo Godeya꞉lo꞉ gimo꞉lo꞉ asulab a꞉no꞉, ne mo꞉gigili kagayaki, tambo wida꞉len. A꞉la꞉fo꞉ko꞉lo꞉ gio꞉ soma꞉no꞉lo꞉ doba꞉da꞉ dowalega, halayo꞉ nemaka꞉, a꞉la꞉liki fanda so꞉lo꞉l.
27722	ACT 20:28	Ginina꞉ma꞉la꞉yo꞉ dinafa bo꞉fo꞉likiyo꞉, sa꞉s kaluka꞉isaleyo꞉ Godeya꞉ ene inso꞉ Ya꞉suwa꞉ ho꞉bo꞉wa꞉lo꞉ kilili a꞉no꞉lo꞉, dinafa bo꞉fo꞉lubi. Kaluka꞉isale a꞉no꞉, Godeya꞉ sibi o꞉ngo꞉ ko꞉lo꞉, Godeya꞉ Mamaya꞉yo꞉ gimo꞉ bo꞉fo꞉melea꞉ki, gio꞉ a꞉na da꞉feyo꞉.
27723	ACT 20:29	Ne ha꞉na꞉ga꞉ dotalikiyo꞉, kalu nolo꞉ ni fa꞉sa ya꞉siakiyo꞉, saila gasa o꞉ngo꞉ ko꞉lo꞉ ya꞉ga꞉, sibiyo꞉ o꞉lu sa꞉ndaki, yasala꞉ma꞉ib, niyo꞉ a꞉la꞉asulab.
27725	ACT 20:31	A꞉la꞉dimidama꞉ib ko꞉lo꞉ gio꞉ dinafa bo꞉fo꞉lubi. Dona otalen us a꞉namio꞉, niyo꞉ gimo꞉wo꞉ hagugu sa꞉la꞉likiyo꞉, ho꞉lenowo꞉lo꞉ nuluwo꞉lo꞉ giyo꞉ nofolakiyo꞉, wida꞉len a꞉no꞉ ko꞉lo꞉ asulufo꞉lubi.
27727	ACT 20:33	Ne kalu noma꞉lo꞉ momado꞉ so꞉g o꞉lia꞉ mole da꞉lab a꞉no꞉ ba꞉da꞉ga꞉yo꞉ mo꞉mesela꞉sen.
27741	ACT 21:9	Filiba꞉ ida꞉la꞉la꞉ bola꞉so꞉ fa꞉la꞉da꞉in a꞉ma꞉yo꞉ Godeya꞉ towo꞉ widaki, dinali sa꞉la꞉sen.
27754	ACT 21:22	A꞉la꞉go꞉ko꞉lo꞉ niliyo꞉ waga dimidama꞉no꞉wele? Ge wena ya꞉ga꞉ sab a꞉la꞉bo꞉ iliyo꞉ da꞉ba꞉ib ko꞉lo꞉, nililo꞉ gemo꞉lo꞉ sa꞉ma꞉nigo꞉l a꞉no꞉ kudu ha꞉na꞉bi. Kalu fa꞉la꞉da꞉in nolo꞉ Godemo꞉lo꞉ dinali saefa꞉ a꞉no꞉ ne o꞉lia꞉ so꞉l.
27756	ACT 21:24	O꞉go꞉ kalu i we, Godeya꞉ siwa꞉l amio꞉ malilo꞉ doma꞉no꞉ man kudu ha꞉na꞉ni ha꞉nab ko꞉lo꞉ gelo꞉ i we o꞉lia꞉ ha꞉na꞉ga꞉ ilido꞉ dimidab o꞉leaum, giyo꞉lo꞉ a꞉la꞉dimidama꞉ni hamana. A꞉la꞉ta꞉ga꞉ man ililo꞉ dimidan ho꞉len a꞉namilo꞉ boba dimian a꞉no꞉ gi kililia꞉bi. A꞉la꞉dimidalikiyo꞉, iyo꞉ misa꞉ fo꞉no꞉ o꞉li hanula꞉ma꞉ib. Giyo꞉ a꞉la꞉dimidalikiyo꞉, Yu kaluka꞉isaleyo꞉ dimido꞉ a꞉no꞉ ba꞉da꞉sa꞉ga꞉yo꞉, gi Mosesa꞉ ele saefa꞉ a꞉no꞉ hendele kudu ha꞉nabo꞉lo꞉b a꞉la꞉asuluma꞉ib ko꞉lo꞉ kaluka꞉isalelo꞉ to da꞉da꞉sa꞉ga꞉lo꞉ sio꞉ a꞉no꞉ madali sio꞉lo꞉b a꞉la꞉asuluma꞉ki, ge i o꞉lia꞉ hamana.
27757	ACT 21:25	“A꞉la꞉fo꞉ ko꞉sega, Yu kaluka꞉isalema ko꞉lo꞉ tilidabu o꞉mo꞉wo꞉ niliyo꞉ mo꞉fo꞉so꞉ tamina sa꞉sa꞉ligetakiyo꞉, imo꞉wo꞉ a꞉la꞉sio꞉, ‘Gio꞉ madali godemo꞉lo꞉ fofa tolo꞉ dimido꞉ ma꞉no꞉ a꞉no꞉ mogago꞉ dowo꞉ ko꞉lo꞉ na꞉so꞉bo. A꞉la꞉ta꞉ga꞉ no꞉ ho꞉bo꞉ a꞉no꞉lia꞉, no꞉wo꞉ dagasa sili sa꞉nda꞉sa꞉ga꞉, ho꞉bo꞉wo꞉ mo꞉ane a꞉no꞉lia꞉yo꞉, na꞉so꞉bo. A꞉la꞉ta꞉ga꞉ wo꞉wo꞉ dia꞉ta꞉so꞉bo.’ Nio꞉ a꞉la꞉sa꞉sa꞉lo꞉ ko꞉lo꞉, iyo꞉ man a꞉na kudu hamana꞉kiyo꞉, mo꞉fo꞉so꞉ tamina sa꞉sa꞉liga꞉fo꞉.”
27760	ACT 21:28	Iyo꞉ halale sa꞉la꞉likiyo꞉ a꞉la꞉sio꞉, “Isolael kalu gio꞉ nio꞉ asuwa꞉foma. Kalu we, heno꞉ tambo wida꞉li sia꞉likiyo꞉, kaluka꞉isalemo꞉wo꞉ Mosesa꞉ ele difa꞉ a꞉no꞉ mo꞉kuduhama꞉naki sio꞉. Eyo꞉ Godeya꞉ Malilo꞉ a we dio꞉ge sa꞉la꞉len. A꞉la꞉ta꞉ga꞉ o꞉go꞉ eyo꞉ Yu kaluma nolo꞉ Godeya꞉ Malilo꞉ hen we Godeya꞉ siwa꞉l amio꞉ mogagakiyo꞉, tililia꞉mio꞉ ko꞉lo꞉ a꞉lab” a꞉la꞉sio꞉.
27775	ACT 22:3	Da꞉dabiki, Fol eyo꞉ a꞉la꞉sio꞉, “Ne Yu kalu, Silisia hen amio꞉ Tasus amisa꞉n a꞉na sa꞉la꞉li ko꞉sega, ne amisa꞉n wena siliki anayo꞉. Ne Gamaliel e ha꞉ga꞉ ilikiyo꞉, nili ma꞉muwa꞉ mano꞉ nemo꞉ kefele wido꞉ ko꞉lo꞉, o꞉gdo꞉ gili Godemo꞉lo꞉ kudu ha꞉nab o꞉leaumbo꞉, niyo꞉lo꞉ Godeya꞉ man o꞉leo꞉ngo꞉ dinafa kudu ha꞉na꞉sen.
27777	ACT 22:5	Niyo꞉ a꞉la꞉dimida꞉senka꞉ a꞉la꞉likiyo꞉, Bobalo꞉ so꞉mia꞉sen misa꞉ kaluwo꞉ a꞉la꞉ta꞉ga꞉ kaunsil kalu o꞉lia꞉ma꞉yo꞉ hendeleka꞉ a꞉la꞉likiyo꞉ gimo꞉wo꞉ o꞉li malolo꞉ma꞉ib. Iliyo꞉ mo꞉fo꞉so꞉ sa꞉sa꞉la꞉sa꞉ga꞉, Yu kalu Damaskasdo꞉ sab i o꞉mo꞉ dimina꞉ki, nemo꞉ dimiab amio꞉, niyo꞉ tilidabu kaluka꞉isale a꞉namilo꞉ sab a꞉no꞉ Ya꞉lusalem a꞉ma꞉la꞉ tililia꞉sa꞉ga꞉, mo꞉walilima꞉ki, a꞉na ane.
27784	ACT 22:12	Ne a꞉na sen amio꞉, Damaskas kalu nowo꞉ Ananaias eyo꞉ ne ba꞉ba꞉ni mio꞉. Kalu we Mosesa꞉ ele saefa꞉ a꞉no꞉ kudu ha꞉na꞉len ko꞉lo꞉ Yu kaluka꞉isale amisa꞉ndo꞉ sab a꞉ma꞉yo꞉ e wabulu sa꞉la꞉sen.
27822	ACT 23:20	So꞉wa a꞉ma꞉yo꞉ a꞉la꞉sio꞉, “Yu kalu iliyo꞉ nenela꞉sa꞉ga꞉ towo꞉ saefa꞉ ko꞉lo꞉ aliyo꞉ kanisolo꞉ amio꞉ Folo꞉ ge tililia꞉ ya꞉bi a꞉la꞉bo꞉ Yu kaluwa꞉yo꞉ gemo꞉wo꞉ dabu ba꞉ba꞉ib. Iyo꞉ Folbo꞉lo꞉ mo꞉walilo꞉ a꞉no꞉ wa꞉ka a꞉fanda da꞉ba꞉no꞉ a꞉la꞉likiyo꞉ ge dikili sa꞉ma꞉ib.
27823	ACT 23:21	Ko꞉sega ililo꞉ dabuba꞉dab aumbo꞉ dimida꞉so꞉bo. Mo꞉wo꞉ kaluwo꞉ do꞉la꞉fo꞉ fa꞉la꞉da꞉in a꞉la꞉ta꞉ga꞉ tininila꞉ a꞉no꞉ usa yasila꞉ga꞉, Folo꞉ a꞉na banaifo꞉la꞉ga꞉ sa꞉mba꞉ib. Iliyo꞉ Folo꞉ mo꞉sanaitakiyo꞉, ho꞉n o꞉lia꞉ ma꞉n o꞉lia꞉yo꞉ elefo꞉ difa꞉ ko꞉lo꞉ semo꞉ma꞉ib a꞉la꞉liki tili saefa꞉ ko꞉lo꞉lab. Iyo꞉ dimidalia꞉sa꞉ga꞉, gilo꞉ a꞉ma꞉la꞉ to sa꞉labo꞉ ko꞉lo꞉ yasilab.”
27825	ACT 23:23	Da꞉la꞉diya꞉ misa꞉ kalu eyo꞉, da꞉la꞉dilo꞉ bo꞉fo꞉lowan kalu a꞉la꞉ nowo꞉ ho꞉ida꞉sa꞉ga꞉, a꞉la꞉mo꞉wo꞉ a꞉la꞉sio꞉, “Ga꞉go꞉ da꞉la꞉di kalu 200 a꞉la꞉fo꞉, a꞉la꞉ta꞉ga꞉ hos wa꞉la silikilo꞉ da꞉la꞉di kaluwo꞉ 70 a꞉la꞉fo꞉ a꞉la꞉ta꞉ga꞉ da꞉ inso꞉lo꞉ sandima꞉no꞉wo꞉ 200 a꞉la꞉fo꞉ a꞉no꞉ tambo dimidalia꞉sa꞉ga꞉, nulu ofa꞉siyo꞉ agato꞉wa dowalikiyo꞉, Sesalia amisa꞉na ha꞉na꞉bi.
27828	ACT 23:26	Ne Kolodius Lisias, niyo꞉ mo꞉fo꞉so꞉ we gamani misa꞉ alan kalu Fela꞉ks gemo꞉ sa꞉sa꞉liga꞉to꞉l. Niyo꞉ sagalo꞉ towo꞉ gemo꞉wo꞉ so꞉lo꞉l.
27832	ACT 23:30	Yu kalu ililo꞉ kalu we ko꞉lo꞉ sana soma꞉no꞉ a꞉la꞉ta꞉ga꞉lo꞉ dimidaitab a꞉no꞉ ne da꞉da꞉sa꞉ga꞉, niyo꞉ Fol e gelo꞉wa bo꞉bo꞉ge iliga꞉to꞉l. A꞉la꞉ta꞉ga꞉ e o꞉lia꞉lo꞉ kego꞉ kalu iyo꞉lo꞉ gelo꞉wa ya꞉sa꞉ga꞉, gi siwa꞉la mo꞉walilaki sama꞉kiyo꞉, gelo꞉wa hamana a꞉la꞉sio꞉. Eyo꞉ mo꞉fo꞉so꞉ a꞉na sa꞉sa꞉lo꞉.
27839	ACT 24:2	Folo꞉ a usa mena꞉ki ho꞉lelia꞉sa꞉ga꞉yo꞉, Tetulus eyo꞉ Folbo꞉lo꞉ diga꞉li sio꞉ a꞉na falasilema꞉kiyo꞉, Fela꞉ksbo꞉wo꞉ malolo꞉ miakiyo꞉ a꞉la꞉sio꞉, “Fela꞉ks kalu alan, hen nililo꞉ we gilo꞉ bo꞉fo꞉len amio꞉, nio꞉ sagala꞉liki ha꞉sa sa꞉i mio꞉ a꞉la꞉ta꞉ga꞉ gilo꞉ asulo꞉ alan nafa koma꞉yo꞉ nio꞉ asuwa꞉ta꞉sen.
27851	ACT 24:14	Ko꞉sega nelo꞉ golo꞉wo꞉ imilig nowo꞉ gemo꞉wo꞉ fanda sa꞉ma꞉nigo꞉l. Kalu i wema꞉yo꞉ Alana꞉ Mando꞉ kudu ha꞉nab a꞉no꞉ hala kudu ha꞉nab a꞉la꞉sio꞉. A꞉la꞉fo꞉ ko꞉sega, niyo꞉ nili ma꞉muwa꞉ Gode a꞉no꞉ ko꞉lo꞉ wabudakiyo꞉, Alana꞉ man a꞉no꞉ kuduha꞉na꞉sen. Mosesa꞉ ele sa꞉sa꞉lo꞉ o꞉lia꞉ dinali sa꞉lan kaluwa꞉lo꞉ to sa꞉sa꞉lifa꞉ a꞉no꞉ tambo ne tilidabu. Yuwa꞉ man a꞉no꞉ ko꞉lo꞉ kudu ane.
27860	ACT 24:23	A꞉la꞉ta꞉ga꞉ Fela꞉ks eyo꞉ da꞉la꞉di bo꞉fo꞉lowanbo꞉wo꞉ a꞉la꞉sio꞉, “Giyo꞉ Fol e dibolo aya disa꞉la꞉bi. Ko꞉sega, ene mili kaluwa꞉yo꞉ eka asuwa꞉foma꞉ki, togo꞉ ka꞉la꞉so꞉bo” a꞉la꞉sio꞉.
27861	ACT 24:24	Ho꞉len nolo꞉ ta꞉ta꞉sa꞉ga꞉yo꞉, Fela꞉ksa꞉ inga Dulusia, e Yu ka꞉isale ko꞉lo꞉ a꞉la꞉yo꞉ Folo꞉ disalifo꞉labdo꞉ a꞉na ha꞉na꞉ga꞉yo꞉, Folo꞉ ho꞉lelia꞉sa꞉ga꞉, Fol elo꞉ Ya꞉su Keliso tilidabu a꞉no꞉ malolabiki, a꞉la꞉yo꞉ da꞉da꞉len.
27878	ACT 25:14	A꞉la꞉yo꞉ ho꞉len modo꞉wo꞉ a꞉na silikiyo꞉, Festus eyo꞉ Fol elo꞉ mo꞉walilo꞉ a꞉no꞉ misa꞉ kalu o꞉lia꞉ nenelaki a꞉la꞉sio꞉, “Fela꞉ks elo꞉ dibolo kalu nowo꞉ wenaka to꞉lo alita꞉ga꞉ ta꞉fo꞉gane ko꞉lo꞉lab.
27894	ACT 26:3	Mo꞉wo꞉ giyo꞉ Yu nili mano꞉ dinafa asulo꞉ ko꞉lo꞉ nili tilidabu ko꞉lilo꞉ amilo꞉ aloba꞉dakiyo꞉ kego꞉ a꞉no꞉lo꞉ ge asulo꞉. A꞉la꞉fo꞉ko꞉lo꞉ nilo꞉ gemo꞉lo꞉ fanda sa꞉ma꞉nigo꞉l we, dinafa da꞉da꞉bi.
27896	ACT 26:5	Fa꞉lisi kaluwa꞉ ele ko꞉li ko꞉lilo꞉ difa꞉ a꞉no꞉ gulugululan nolba꞉lo꞉ ele difa꞉ a꞉no꞉ tinio꞉ ko꞉lo꞉lab. Fa꞉lisiya꞉ ele difa꞉ a꞉no꞉ nelo꞉ kudu ha꞉na꞉sen ko꞉lo꞉ dona modo꞉ us a꞉namio꞉ iliyo꞉ ne dinafa asulo꞉. Iliyo꞉ ne dinafa fanda sa꞉ma꞉no꞉ dowo꞉ ko꞉sega a꞉la꞉do꞉ mo꞉gab. A꞉la꞉ta꞉ga꞉ Fa꞉lisi kalu nio꞉, Yu nililo꞉ gulugululan man ko꞉li ko꞉lilo꞉ widan us amio꞉, ele kudu ha꞉na꞉sen a꞉no꞉, nolo꞉ nili tinio꞉ ko꞉lo꞉lab.
27897	ACT 26:6	Ko꞉sega Godeya꞉lo꞉ nili ma꞉mu imo꞉wo꞉ to dinali sio꞉ a꞉no꞉ hendele ilili alifa꞉ib a꞉la꞉likiyo꞉, ne hendele tilida꞉daki, yasila꞉len ko꞉lo꞉, o꞉go꞉ ne a꞉na mo꞉walila꞉lab.
27914	ACT 26:23	To a꞉no꞉ we, Godeya꞉lo꞉ Da꞉feyo꞉ Kalu e nagalo꞉ alan dia꞉ ha꞉na꞉ga꞉ sota꞉ga꞉yo꞉, sowo꞉lo꞉ mo꞉dasilan a꞉no꞉ tamin amio꞉ e ko꞉lo꞉ a꞉dasima꞉ib. A꞉la꞉dimida꞉sa꞉ga꞉, eyo꞉ ene kaluka꞉isale o꞉lia꞉ Yu kaluka꞉isalema o꞉lia꞉mo꞉wo꞉ Godeya꞉ ho꞉len a꞉no꞉ ko꞉lo꞉ walama꞉ib. Dinali sa꞉lan kaluwa꞉yo꞉ a꞉la꞉bo꞉ fa꞉la꞉doma꞉ib a꞉la꞉likilo꞉ dinali saefa꞉ a꞉no꞉ niyo꞉ wido꞉l.”
27916	ACT 26:25	A꞉la꞉sa꞉labiki, Fol eyo꞉ a꞉ma꞉la꞉bo꞉ a꞉la꞉sio꞉, “Misa꞉ kalu Festus, ge wilo꞉ ko꞉lo꞉ ne mada no꞉nolo꞉ma. Nilo꞉ to so꞉lo꞉l wenamio꞉, mo꞉wo꞉ da꞉labiki hendele so꞉lo꞉l.
27920	ACT 26:29	A꞉la꞉sa꞉labiki, Fol eyo꞉ a꞉ma꞉la꞉bo꞉ a꞉la꞉sio꞉, “Ho꞉len o꞉g wenakabiyo꞉lo꞉ o꞉ ho꞉len sambo dowa꞉i ha꞉na꞉ga꞉lalikiyo꞉lo꞉, gelo꞉ a꞉la꞉ta꞉ga꞉ kaluka꞉isale nilo꞉ sa꞉labdo꞉ da꞉da꞉likilo꞉ sab we tambo, ne o꞉ngo꞉ doma꞉ki, Godemo꞉ dulugu so꞉lo꞉l. Ko꞉sega sa꞉ni wema꞉yo꞉ giyo꞉lo꞉ galolo꞉ma꞉kiyo꞉ mo꞉asulo꞉.”
27935	ACT 27:12	Fufa alano꞉ yalikiyo꞉, nio꞉ ho꞉n ko꞉sulo꞉ kagaya꞉sen hege ane hen a꞉namilo꞉ mesa꞉no꞉wo꞉ halaido꞉ doma꞉ib ko꞉lo꞉, ho꞉n ko꞉su amilo꞉ sen kalu modo꞉wa꞉yo꞉ saitakiyo꞉, Kilit hen anib doba꞉da꞉ ha꞉na꞉ga꞉, Fina꞉ks amisa꞉n a꞉na ha꞉na꞉ga꞉ sena, fufa alano꞉ ho꞉len a꞉na yalikiyo꞉ nio꞉ a꞉na mesa꞉no꞉ a꞉la꞉liki saefa꞉. Mo꞉wo꞉ Fina꞉ks a꞉namio꞉, ho꞉n ko꞉sulo꞉ kagaya꞉sen hege ane hen nafa ko꞉lo꞉ nio꞉ dona fufa yabo꞉ a꞉na kagafo꞉liki, yasi mesa꞉no꞉wo꞉ nafa ko꞉lo꞉lab.
27944	ACT 27:21	Ho꞉leno꞉ modo꞉ sen a꞉namio꞉, kalu i a꞉no꞉ ma꞉no꞉lo꞉ mo꞉mo꞉no꞉ dowa꞉i mio꞉ a꞉no꞉ ba꞉da꞉sa꞉ga꞉, Fol eyo꞉ dasilia꞉ga꞉ a꞉la꞉sio꞉, “Kalu gio꞉, gio꞉ Kilit hen a꞉na mo꞉ta꞉fo꞉ mia꞉no꞉ a꞉la꞉likiyo꞉, nilo꞉ gimo꞉lo꞉ hagugu to sio꞉ a꞉no꞉ kudu ane kibo꞉bowo꞉, hida꞉yo꞉ we gio꞉ mo꞉ba꞉daki, kelego꞉wo꞉ mo꞉walemo꞉lo.
27947	ACT 27:24	‘Fol ge tagila꞉so꞉bo. Ge ha꞉na꞉ga꞉ Sisaya꞉ siwa꞉la kagafo꞉liki, mo꞉walilima꞉ib ko꞉lo꞉ Godeya꞉ ge ko꞉lo꞉ kanulakiyo꞉, ho꞉n ko꞉su amilo꞉ disa꞉ kalu a꞉no꞉lo꞉ Godeya꞉yo꞉ tambo gasilialiki, mo꞉soma꞉ib’ a꞉la꞉sio꞉.
27948	ACT 27:25	A꞉la꞉fo꞉ko꞉lo꞉ Godeya꞉yo꞉ nemo꞉lo꞉ sio꞉ o꞉leaum ka dimidama꞉nigab a꞉la꞉tiliasulo꞉l ko꞉lo꞉ gio꞉ halaido꞉ dowaki, tagila꞉so꞉bo.
27952	ACT 27:29	Nio꞉ ho꞉n ko꞉su we ulo꞉ elena ha꞉na꞉ga꞉ basama꞉nigabele a꞉la꞉ kele asulakiyo꞉, iliyo꞉ go꞉fo꞉ ki hida꞉yo꞉ fa꞉la꞉da꞉in, me amilo꞉ sunualifelo꞉ a꞉no꞉ ho꞉n ko꞉suwo꞉ halale kagafomelea꞉ki, a꞉na fage to꞉lolo꞉. A꞉la꞉ta꞉ga꞉ ho꞉le balima꞉li, inin godemo꞉ dulugu sa꞉la꞉len.
27955	ACT 27:32	A꞉la꞉sa꞉labikiyo꞉, da꞉la꞉di kalu i a꞉ma꞉yo꞉ ho꞉n ko꞉su ha꞉lulo꞉ fage to꞉lolab me a꞉no꞉ gede alitabiki, ho꞉n ko꞉su a꞉no꞉ sulufo꞉ tina꞉ga꞉, ha꞉lelea꞉gane.
27974	ACT 28:7	Nilo꞉ fa꞉la꞉dowo꞉ hen a꞉no꞉ Malta misa꞉ kalu Bubilus ene hen ko꞉lo꞉ eyo꞉ nio꞉ asuwa꞉takiyo꞉, ene aya tililia꞉ga꞉, ho꞉len otaleno꞉ eyo꞉ nio꞉ dinafa bo꞉fo꞉len.
27978	ACT 28:11	Nio꞉ ele otaleno꞉ a꞉na sa꞉ga꞉yo꞉, ha꞉na꞉no꞉ ko꞉lo꞉, ho꞉n ko꞉su nowo꞉ Alegsandia a꞉la꞉ta꞉ga꞉lo꞉ mio꞉ a꞉no꞉, fufalo꞉ mio꞉ ho꞉len a꞉namio꞉ Malta a꞉na kagafo꞉len. O꞉go꞉ a꞉namio꞉ fufayo꞉ edo꞉ ko꞉lo꞉ ha꞉na꞉no꞉ a꞉la꞉asulo꞉. Ho꞉n ko꞉su a꞉ma꞉ migi amio꞉, madali gode ao a꞉la꞉ a꞉no꞉ misido꞉ momada꞉ alifa꞉. Madali gode a꞉no꞉ so꞉wa a꞉la꞉ alelo꞉ imilig amilo꞉ sa꞉la꞉li. Nio꞉ ho꞉n ko꞉su a꞉na disa꞉la꞉sa꞉ga꞉ ane.
27997	ACT 28:30	Dona a꞉la꞉ a꞉namio꞉ Fol e a elo꞉ sab a꞉no꞉ kililia꞉liki silikiyo꞉, kaluka꞉isaleyo꞉ elo꞉wa yab a꞉no꞉ e sagalo꞉ ba꞉da꞉sen.
29628	1TH 1:1	Fol ne, Sailaso꞉, Timotiyo꞉ niliyo꞉ to we sa꞉sa꞉lakiyo꞉, Do Gode o꞉lia꞉ Alan Ya꞉su Keliso o꞉lia꞉ma꞉ kaluka꞉isale, Tesalonaika sa꞉s usamilo꞉ sab o꞉mo꞉ sa꞉sa꞉liga꞉to꞉l. Godeya꞉ ene kanulo꞉ o꞉lia꞉ ha꞉sa mesa꞉no꞉ man a꞉no꞉lia꞉yo꞉ gi o꞉lia꞉ dofo꞉melea꞉ki, Godemo꞉ dulugu so꞉lo꞉l.
29637	1TH 1:10	A꞉la꞉ta꞉ga꞉ Godeya꞉ Inso꞉ ko꞉lo꞉ a꞉ma꞉la꞉ mia꞉no꞉ a꞉no꞉ giliyo꞉ yasila꞉labeka꞉ a꞉la꞉bo꞉, iliyo꞉ nemo꞉wo꞉ malolo꞉ me ko꞉lo꞉ so꞉lo꞉l. Godeya꞉ Inso꞉ Ya꞉su e sowa꞉sa꞉ga꞉ a꞉ma꞉la꞉ a꞉dasilia꞉ga꞉ Hebene sab. A꞉la꞉ta꞉ga꞉ nio꞉ Godeya꞉lo꞉ gadia꞉sa꞉ga꞉ wa꞉ldo꞉ dimiab a꞉namio꞉ diabena꞉ki, Ya꞉suwa꞉yo꞉ nio꞉ a꞉ma꞉la꞉ gasila꞉sen.
29640	1TH 2:3	Niliyo꞉ to widakiyo꞉, towo꞉ halayo꞉ mo꞉widaki, asulo꞉wo꞉ nowa dia꞉fo꞉likiyo꞉ mo꞉wido꞉l, a꞉la꞉ta꞉ga꞉ dikidakiyo꞉ mo꞉wido꞉l.
29642	1TH 2:5	Niliyo꞉ kelego꞉ gililo꞉ da꞉lab a꞉no꞉ mo꞉meselaka susululakiyo꞉, gimo꞉wo꞉ mo꞉kai a꞉la꞉ sa꞉la꞉sen. Man nililo꞉ dimida꞉sen a꞉no꞉ giliyo꞉ asulab a꞉la꞉ta꞉ga꞉, Gode elo꞉ mada asulufo꞉lab.
29646	1TH 2:9	Ni nao i, nililo꞉ halaido꞉ nanog dimido꞉ a꞉no꞉ gio꞉ mada asulo꞉ ko꞉lo꞉lab. Niliyo꞉ Godeya꞉ to nafa gimo꞉lo꞉ wida꞉len amio꞉, ni tili doma꞉no꞉wo꞉ gio꞉ kele asulabena꞉kiyo꞉, niliyo꞉ ho꞉lenowo꞉lo꞉, nuluwo꞉lo꞉ nanogo꞉ dia꞉len.