27008	ACT 1:16	“Nao i, Yuda꞉s e ni o꞉lia꞉ sia꞉likilo꞉, nili nanogdo꞉ dia꞉seno꞉ nowo꞉ e. Mo꞉luwo꞉ Mamaya꞉yo꞉ emo꞉ dinali sa꞉labikiyo꞉, Debidi eyo꞉ Godeya꞉ bugo꞉ amio꞉, Yuda꞉s eyo꞉ Ya꞉suwo꞉ teledoma꞉ib a꞉la꞉bo꞉, Debidi e sa꞉sa꞉li alifa꞉. A꞉la꞉fo꞉ko꞉lo꞉ o꞉g wenamio꞉, hendele fa꞉la꞉dowab.” Bida eyo꞉ imo꞉wo꞉ a꞉la꞉sio꞉.
27166	ACT 5:38	A꞉la꞉fo꞉ko꞉lo꞉ o꞉gdo꞉ fa꞉la꞉dowab we gio꞉ asula꞉bi. Ililo꞉ dimidab we, inin asulo꞉wa fa꞉la꞉dowa꞉sa꞉ga꞉ dimidabo꞉lalega, ililo꞉ dimidama꞉no꞉ asulab a꞉no꞉ madali walema꞉ib. Ko꞉sega nanog a꞉no꞉ Godelo꞉wa a꞉la꞉ta꞉ga꞉ mio꞉lalega, giliyo꞉ ililo꞉ nanog diab a꞉no꞉ mada mo꞉ka꞉ma꞉ib. Giliyo꞉ ko꞉lo꞉ ka꞉ma꞉no꞉ susialega, gio꞉ Gode o꞉lia꞉ bubaki auma꞉ib. A꞉la꞉fo꞉ko꞉lo꞉ giliyo꞉ mogago꞉ imili nowo꞉ i o꞉lia꞉yo꞉ mo꞉dimidaki, iyo꞉ ga꞉li melea꞉ki ta꞉ta꞉bi.”
27168	ACT 5:40	Gamaliel eyo꞉ a꞉la꞉sa꞉labiki, Yu misa꞉ kalu iliyo꞉ elo꞉ to sa꞉lab a꞉no꞉ ko꞉lo꞉ kudu ane. Iliyo꞉ Iliga꞉felo꞉ kaluwo꞉ a꞉ma꞉la꞉ tilia꞉a꞉sa꞉ga꞉ dotabiki, dibolo alo꞉ bo꞉fo꞉lowan kaluwa꞉yo꞉ iyo꞉ sanama꞉ki a꞉na sio꞉ ko꞉lo꞉, sa꞉nda꞉sa꞉ga꞉yo꞉ Iliga꞉felo꞉ kalu imo꞉wo꞉ a꞉la꞉sio꞉, “Giliyo꞉ Ya꞉suwa꞉ wi sa꞉lakiyo꞉, wa꞉kabiyo꞉ mada wida꞉so꞉bo.” Imo꞉wo꞉ towo꞉ a꞉la꞉ halale sa꞉la꞉sa꞉ga꞉, iliga꞉fo꞉.
27241	ACT 7:56	A꞉la꞉ta꞉ga꞉ eyo꞉ a꞉la꞉sio꞉, “Gio꞉ bo꞉ba! Ne Hebeneyo꞉ kolaitabiki ba꞉ba꞉ amio꞉, Kalule Dowo꞉ E Godeya꞉ ene dagi ililiba kagayabiki bo꞉do꞉l.”
27245	ACT 7:60	A꞉la꞉sa꞉la꞉sa꞉ga꞉yo꞉, e tululalilaki, gulalu siliki, towo꞉ halaido꞉ sa꞉laki, “Alan Giyo꞉, mogago꞉ ililo꞉ dimidab we, ga꞉lilaki wedia꞉so꞉bo.” Sitifen e to a꞉no꞉ sa꞉la꞉sa꞉ga꞉yo꞉, e ha꞉fo꞉wo꞉ siliga꞉ta꞉ga꞉ sowo꞉.
27263	ACT 8:18	Iliga꞉felo꞉ kaluwa꞉lo꞉ dagiya꞉ golab amio꞉ Mama ko꞉lo꞉ diab a꞉no꞉ ba꞉da꞉ga꞉yo꞉, Saimon eyo꞉ a꞉la꞉ a꞉no꞉ moleya꞉ kililia꞉no꞉ asulaki, a꞉la꞉mo꞉wo꞉ dabu ba꞉ba꞉, “Gaindo꞉ man dimidab ko꞉ aumbo꞉, niyo꞉lo꞉ dagiya꞉yo꞉ kalu nolo꞉ golalikiyo꞉ Mamayo꞉lo꞉ dima꞉ki, halaido꞉ gaindo꞉ ko꞉ nelo꞉ dia꞉niki kililia꞉nigo꞉l.”
27268	ACT 8:23	Mo꞉wo꞉ ge meselo꞉wo꞉ alan dowaki, man mogago꞉ ko꞉lilo꞉ a꞉ma꞉yo꞉ ge meleya꞉fo꞉lab.”
27271	ACT 8:26	A꞉la꞉fo꞉ko꞉lo꞉ Godeya꞉ ma꞉mul kaluwa꞉yo꞉ Filibo꞉wo꞉ a꞉la꞉sio꞉, “Ge dimidalia꞉ga꞉, kalalili hen a꞉namio꞉, tog nowo꞉ Ya꞉lusalem a꞉la꞉ta꞉ga꞉ Gasa amisa꞉n a꞉na ha꞉na꞉sen a꞉lab ko꞉lo꞉ ge a꞉na tiha꞉na꞉bi.”
27414	ACT 12:8	A꞉la꞉ta꞉ga꞉ ma꞉mula꞉ kaluwa꞉yo꞉ emo꞉wo꞉ a꞉la꞉sio꞉, “Ge go꞉no꞉n yafuwo꞉ ba꞉la꞉sa꞉ga꞉, butiyo꞉ sa꞉ga꞉lema.” A꞉la꞉sa꞉labiki Bidayo꞉ a꞉la꞉dimida꞉sa꞉ga꞉, ma꞉mula꞉ kaluwa꞉yo꞉ wa꞉ka a꞉la꞉sio꞉, “Hido꞉ so꞉go꞉ sa꞉ga꞉la꞉sa꞉ga꞉, ne kudu mena” a꞉la꞉sio꞉.
27500	ACT 14:17	Ko꞉sega kaluka꞉isaleyo꞉ e hendele alabo꞉lo꞉b a꞉la꞉bo꞉ asuluma꞉kiyo꞉, eyo꞉ man nafale dimida꞉len. Eyo꞉ ho꞉no꞉ timina꞉ki dimia꞉sen a꞉la꞉ta꞉ga꞉ egelo꞉ amio꞉ fowo꞉ ho꞉len enedo꞉leya helema꞉ki dimia꞉sen. A꞉la꞉ta꞉ga꞉ giliyo꞉ dia꞉sa꞉ga꞉ nab amio꞉, gio꞉ sagalo꞉wo꞉ alan doma꞉ki ta꞉fo꞉len.” Fol eyo꞉ a꞉la꞉sio꞉.
27623	ACT 17:31	Mo꞉wo꞉ Godeya꞉yo꞉ henfelo꞉ kaluka꞉isalelo꞉ mo꞉walilima꞉no꞉wo꞉ ho꞉len imilig nowo꞉ da꞉fe alifa꞉ ko꞉lo꞉lab. A꞉la꞉fo꞉ko꞉lo꞉ kalu elo꞉ da꞉feyo꞉ a꞉ma꞉yo꞉ mo꞉walilakiyo꞉, digalo꞉ man a꞉na iliki mo꞉walilima꞉ib.”
27800	ACT 22:28	A꞉la꞉ta꞉ga꞉ da꞉la꞉di misa꞉ kaluwa꞉yo꞉ a꞉la꞉sio꞉, “Ne Lom kalule doma꞉nikiyo꞉, moleyo꞉ mada modo꞉wa꞉ kilili.” A꞉la꞉sa꞉labikiyo꞉, Fol eyo꞉ a꞉la꞉sio꞉, “Ko꞉sega ne Lom kaluleya꞉ sa꞉la꞉li ko꞉lo꞉ ne Lom kalule ko꞉lo꞉lab.”
27804	ACT 23:2	A꞉la꞉sa꞉labiki, Bobalo꞉ so꞉mia꞉sen misa꞉ kalu, Ananaias eyo꞉ Fol e anib amilo꞉ kagafo꞉lab o꞉mo꞉wo꞉ Fola꞉ mego꞉fa bolema a꞉la꞉liki sio꞉. A꞉la꞉sa꞉labiki Fol eyo꞉ a꞉la꞉sio꞉, “Ge a o꞉fo꞉f amilo꞉ ho꞉lo꞉ nafa mulu o꞉leo꞉ngo꞉ dowo꞉ ko꞉lo꞉ Godeya꞉yo꞉ gelo꞉ bolelema꞉ib. Gio꞉ Mosesa꞉ ele difa꞉ a꞉na ilikiyo꞉ ne mo꞉walilima꞉niki sab ko꞉sega, giyo꞉ ne bolema a꞉la꞉do꞉ sa꞉lab a꞉ma꞉yo꞉ ele saefa꞉ a꞉no꞉ o꞉go꞉sab.”
27826	ACT 23:24	A꞉la꞉ta꞉ga꞉ Fol e dinafa hamana꞉kiyo꞉, hos nolo꞉ emo꞉ dimia꞉sa꞉ga꞉, a꞉na asita꞉ga꞉, gamani misa꞉ kalu, Fela꞉ksdo꞉ amio꞉ fa꞉la꞉doma꞉ ha꞉na꞉bi.”
27876	ACT 25:12	Festus eyo꞉ to a꞉no꞉ ene kanisol o꞉lia꞉ nenela꞉sa꞉ga꞉, eyo꞉ a꞉la꞉sio꞉, “Ge Sisamo꞉wo꞉ mo꞉walilima꞉ki dabuba꞉daleba꞉ ko꞉lo꞉ ge Sisalo꞉wa ha꞉na꞉ib.”
27886	ACT 25:22	Festus eyo꞉ a꞉la꞉sa꞉labiki, Agiliba eyo꞉ a꞉la꞉sio꞉, “Kalu a꞉ma꞉ enedo꞉ to sa꞉labo꞉, no꞉no꞉n mada da꞉ba꞉no꞉ asulab.” A꞉la꞉ta꞉ga꞉ Festus a꞉la꞉sio꞉, “Ge ali da꞉ba꞉ib.”
27989	ACT 28:22	Heno꞉ tambo amio꞉ kaluka꞉isaleyo꞉ ho꞉gi gulugulan man fa꞉la꞉dowab a꞉no꞉ mogago꞉ dimida꞉lab a꞉la꞉sio꞉ dabu ko꞉lo꞉ asulo꞉ gilo꞉wo꞉ nilo꞉ da꞉ba꞉no꞉ ko꞉lo꞉ sa꞉la꞉bi.”
27995	ACT 28:28	“A꞉la꞉fo꞉ko꞉lo꞉ gio꞉ dinafa asula꞉bi. Godeya꞉lo꞉ kalu gasilia꞉no꞉ to man nafa a꞉no꞉ Yu kaluka꞉isalema ilo꞉wa iliga꞉fo꞉ ko꞉lo꞉ iyo꞉ hendele iligi da꞉ba꞉ib.” Fol eyo꞉ imo꞉wo꞉ wido꞉.
29755	2TH 3:10	Hendele, nio꞉ gi o꞉lia꞉ silikiyo꞉, ele we gimo꞉wo꞉ wido꞉. “Kalu abeyo꞉ nanogo꞉ mo꞉dialega, e ma꞉no꞉wo꞉ mo꞉ma꞉ib.”
29848	1TI 5:18	Godeya꞉ bugo꞉ amio꞉ towo꞉ a꞉la꞉sio꞉, “Giyo꞉ kaowo꞉ da꞉si fo basi a꞉lalikiyo꞉, elo꞉ ma꞉no꞉wo꞉ maya꞉ki, e mego꞉fo꞉ mela꞉so꞉bo.” A꞉la꞉ta꞉ga꞉ to sa꞉lano꞉ nowo꞉ we, “Nanogdo꞉ di kalu o꞉mo꞉wo꞉, wa꞉lo꞉ kililia꞉ib.”
29913	2TI 2:19	Ko꞉sega Godeya꞉yo꞉ ene sa꞉so꞉ dima꞉kiyo꞉, aiko꞉ halaido꞉ gelo꞉ ko꞉lo꞉, aiko꞉ a꞉no꞉ mada mo꞉hegab. Aiko꞉ a꞉namio꞉ towo꞉ a꞉la꞉sa꞉sa꞉lo꞉, “Kaluka꞉isale eneno꞉le a꞉lab a꞉no꞉ Alan eyo꞉ asulo꞉.” A꞉la꞉ta꞉ga꞉ to nowo꞉ we, “Kaluka꞉isale abeyo꞉ Alana꞉ wilo꞉ dulugu sa꞉la꞉lab a꞉no꞉, mogago꞉wo꞉ wa꞉kabiyo꞉ dimida꞉so꞉bo.”
29977	TIT 2:2	Kalu ko꞉go꞉do꞉le sab o꞉mo꞉wo꞉ a꞉la꞉wida꞉bi. “Kalu ko꞉go꞉do꞉, gio꞉ mo꞉no꞉nolo꞉ dowaki, asulo꞉ nafalelo꞉ kudu ha꞉na꞉lubi. Nolo꞉ gi ha꞉ga dowakiyo꞉, gili mano꞉ nafale dimida꞉lubi. Gililo꞉ tilidabu mano꞉, ha꞉fo꞉ disa꞉lan mano꞉, a꞉la꞉ta꞉ga꞉ hida꞉yo꞉ fa꞉la꞉dowalikilo꞉ halale kagama꞉no꞉ man a꞉no꞉ ko꞉lo꞉, giliyo꞉ kudu ha꞉na꞉lubi.” Giyo꞉ imo꞉wo꞉ a꞉la꞉ wida꞉bi.
29978	TIT 2:3	Taitus giyo꞉, ka꞉isale ko꞉go꞉do꞉ sab imo꞉wo꞉ towo꞉ a꞉la꞉wida꞉bi. “Ka꞉isale ko꞉go꞉do꞉, giliyo꞉ Godeya꞉lo꞉ asulab aumb dimidakiyo꞉, nolo꞉ sada꞉da꞉so꞉bo. Aluna꞉ ho꞉n nab a꞉ma꞉yo꞉ gili asulo꞉wo꞉ mo꞉tilidoma꞉ki ta꞉ta꞉bi. Man digalo꞉ mesa꞉no꞉ a꞉no꞉ ko꞉lo꞉ wida꞉li ha꞉na꞉bi.”
29984	TIT 2:9	Giyo꞉ madali nanogdo꞉ dian kaluka꞉isalemo꞉wo꞉ a꞉la꞉wida꞉bi. “Nanog dian kaluka꞉isale giliyo꞉, kelego꞉ tambo amio꞉ gili misa꞉ kaluwa꞉ ha꞉ga iliki, towo꞉ a꞉ma꞉la꞉bo꞉ sa꞉la꞉so꞉bo. Misa꞉ kaluwo꞉ sagale alita꞉bi. A꞉la꞉ta꞉ga꞉ misa꞉ kaluwa꞉ kelego꞉wo꞉ afalebo꞉ dia꞉so꞉bo. Ko꞉sega gili misa꞉ kaluwa꞉yo꞉ giliyo꞉ tiliasuluma꞉kiyo꞉, giliyo꞉ ho꞉leno꞉ tambo man digalo꞉ a꞉no꞉ kuduha꞉na꞉bi.” Iliyo꞉ a꞉la꞉ dimidalikiyo꞉, kaluka꞉isale nolba꞉yo꞉ ililo꞉ dimidab a꞉no꞉ ba꞉da꞉sa꞉ga꞉, Godeya꞉lo꞉ ni ko꞉lo꞉ gasili wida꞉lab to a꞉no꞉ hendelelo꞉b a꞉la꞉bo꞉ asulaki, to a꞉no꞉ iyo꞉lo꞉ kuduha꞉na꞉no꞉ asuluma꞉ib.
30371	JAS 2:11	A꞉la꞉do꞉ sio꞉wo꞉ mo꞉wo꞉ we. Gode imilise Eyo꞉ ele a꞉la꞉ we e saefa꞉. Nowo꞉ “gayo꞉ afa dia꞉so꞉bo.” Nowo꞉ “kalu nowo꞉ sana sowa꞉so꞉bo,” a꞉la꞉bo꞉ E saefa꞉ ko꞉lo꞉, kalu abeyo꞉ gayo꞉ mo꞉afadiaki, kaluwo꞉ sanasowalega, kalu a꞉no꞉ Godeya꞉ ele saefa꞉lo꞉ o꞉go꞉san kalu dowab.
30410	JAS 4:6	Ko꞉sega Godeya꞉yo꞉ nio꞉ alan kanulaki, nio꞉ asuwa꞉ta꞉lab. A꞉la꞉ga꞉lab ko꞉lo꞉ Godeya꞉ ene to sa꞉sa꞉lo꞉ a꞉ma꞉yo꞉ a꞉la꞉sio꞉, “Gode eyo꞉ kalu abeyo꞉ enena꞉ma꞉la꞉lo꞉ kaila꞉lab a꞉no꞉lia꞉yo꞉ gis dowab. Ko꞉sega kalu Godeya꞉ ha꞉g amilo꞉ a꞉lab a꞉no꞉, Godeya꞉yo꞉ kanulaki, asuwa꞉ta꞉sen.”