27025	ACT 2:7	Iyo꞉ molo asulaki a꞉la꞉sio꞉, “Kalu i we Ga꞉lili kalule ko꞉sega o꞉go꞉ ililo꞉ to sa꞉labo꞉, niliyo꞉ nini to a꞉da꞉dab we, mo꞉wo꞉ o꞉bele?
27116	ACT 4:25	Nili ma꞉mu Debidi e Gi nanogdo꞉ dian kalu ko꞉lo꞉ Godeya꞉ Mamaya꞉ ene halaido꞉ emo꞉ dimiabiki, Gi to we a꞉na sa꞉sa꞉lo꞉, “‘Henfelo꞉ kaluka꞉isaleyo꞉ waga mada kulufa꞉yabele? Iliyo꞉ Gode o꞉lia꞉ madalilo꞉ babuma꞉no꞉ saitab we, waga nenelabele?
27132	ACT 5:4	Giyo꞉ heno꞉ semo꞉kilili amio꞉, hen a꞉no꞉ hendele ga꞉no꞉ ko꞉lo꞉ kililia꞉sa꞉ga꞉ mole di a꞉no꞉ ga꞉lo꞉ asulab aumbo꞉ o꞉li dimidama꞉no꞉ dowo꞉. A꞉la꞉fo꞉ko꞉lo꞉, giyo꞉ dikilima꞉no꞉ a꞉la꞉likiyo꞉ waga asulaki sa꞉laya? Madalilo꞉ sa꞉lako꞉, giyo꞉ kaluwo꞉ ko꞉lo꞉ dikidaba. Godeyo꞉ ko꞉lo꞉ dikili sa꞉lab.”
27137	ACT 5:9	A꞉la꞉fo꞉ko꞉lo꞉ Bida eyo꞉ emo꞉ a꞉la꞉sio꞉, “Ga꞉go꞉ towo꞉ imilise saeta꞉ga꞉yo꞉, Godeya꞉ Mamayo꞉ da꞉fe ba꞉ba꞉nikiyo꞉, Emo꞉wo꞉ waga dikili sa꞉laya? Ge kalulo꞉ daida꞉len kalu i a꞉no꞉ tog amilo꞉ o꞉yayom ko꞉lo꞉ gelo꞉ a꞉na dia꞉ha꞉na꞉sa꞉ga꞉ dalima꞉nigab.”
27279	ACT 8:34	Itiobia kaluwa꞉yo꞉ a꞉na agela꞉sa꞉ga꞉yo꞉, Filibo꞉wo꞉ a꞉la꞉dabuba꞉ba꞉, “Dinali sa꞉lan a꞉la꞉do꞉ sa꞉lab we, o꞉b ko꞉lo꞉ sa꞉laigabele? Eneno꞉ ko꞉lo꞉ sa꞉labele? O꞉ kalu nowo꞉ ko꞉lo꞉ sa꞉labele?”
27521	ACT 15:10	Tamin amio꞉ hida꞉yo꞉ ni o꞉lia꞉ nini ma꞉mu i o꞉lia꞉ma꞉yo꞉ dia꞉ga꞉lo꞉ ha꞉na꞉no꞉ mo꞉lilo꞉ dowo꞉ a꞉no꞉, o꞉go꞉ giliyo꞉ Yu kaluka꞉isalema ho꞉gi tilidabu a꞉ma꞉yo꞉ dia꞉ hamana꞉ki, kelena wa꞉lamilo꞉ dia꞉fa꞉nigab a꞉no꞉, mo꞉wo꞉ ha꞉? Godeya꞉lo꞉ wedima꞉ib a꞉no꞉ ge alobana ba꞉dakigaya?
27611	ACT 17:19	Iliyo꞉ Fol e tililia꞉ ha꞉na꞉sa꞉ga꞉, Aleobagus hen a꞉namio꞉, kaunsil kalulo꞉ kegeab us a꞉na tililia꞉ tina꞉ga꞉, emo꞉wo꞉ a꞉la꞉dabu ba꞉ba꞉, “Gilo꞉ man ho꞉gi wido꞉ a꞉no꞉ nimo꞉wo꞉ walama꞉nigaya?
27788	ACT 22:16	A꞉la꞉fo꞉ko꞉lo꞉ ge wenamio꞉ o꞉b yasila꞉leya? Ge dasilia꞉ga꞉, ho꞉no꞉ to꞉lola꞉sa꞉ga꞉yo꞉, Alan emo꞉ dulugu sa꞉lalikiyo꞉, mogago꞉ gilo꞉wo꞉ hama꞉ib.’ Ananaias eyo꞉ a꞉la꞉sio꞉.
27918	ACT 26:27	Misa꞉ kalu Agiliba ge, dinali sa꞉lan kaluwa꞉lo꞉ sio꞉ a꞉no꞉ ge tilida꞉daya? A꞉, niyo꞉ ge hendele tilida꞉dab a꞉la꞉asulo꞉l.”
29656	1TH 2:19	Nili Alan Ya꞉su e yalikiyo꞉, nio꞉ e wo꞉lokana kagayakiyo꞉, nilo꞉ halale kagama꞉no꞉wo꞉ a꞉la꞉ta꞉ga꞉ nilo꞉ sagale alifa꞉no꞉wo꞉ a꞉la꞉ta꞉ga꞉ nilo꞉ nanogo꞉ dimida꞉sa꞉ga꞉ tinio꞉ a꞉la꞉likilo꞉ boba a꞉no꞉ o꞉ba? Kaluka꞉isale gi o꞉m.
29803	1TI 3:5	Kalu abeyo꞉ ene ga o꞉lia꞉ ene so꞉wa o꞉lia꞉yo꞉ dinafayo꞉ mo꞉tilidowalega, eyo꞉ Godeya꞉ ene kaluka꞉isaleyo꞉ waga tilidoma꞉ibele?
30366	JAS 2:6	Ko꞉sega gililo꞉ man dimidab a꞉ma꞉yo꞉, kelego꞉lo꞉ma kalu a꞉no꞉ dianilakigab. Gio꞉ asula꞉bi. Gio꞉ abe wa꞉la꞉ sa꞉nda꞉laba? Gio꞉ abe mo꞉walilima꞉no꞉ sa꞉laba? A꞉la꞉ta꞉ga꞉ Ya꞉suwa꞉ wi nafa gililo꞉ di a꞉no꞉ abe dio꞉ge sa꞉laba? Kelego꞉ modo꞉lo꞉ da꞉lab kalu iliyo꞉ a꞉la꞉dimida꞉sen.
30399	JAS 3:13	Gi usamio꞉ kaluka꞉isale nolo꞉ man nafa o꞉lia꞉ mogago꞉ o꞉lia꞉yo꞉ dinafa fanda asululi a꞉no꞉ a꞉laba? Nolo꞉ a꞉la꞉bolalega, kaluka꞉isale nolo꞉ e asulo꞉ kalulo꞉b a꞉la꞉asuluma꞉ki, e nolba꞉ ha꞉ga dowaki, man nafa elo꞉ dimida꞉sen a꞉ma꞉ wida꞉bi.
30408	JAS 4:4	Gayo꞉ kaluwo꞉ ha꞉na꞉sa꞉ga꞉ ino꞉ ta꞉takilo꞉ uwo꞉ dia꞉li sian o꞉leaumbo꞉ gio꞉ a꞉la꞉dimida꞉lab. Kalu abeyo꞉ henfelo꞉ mano꞉ mada alan asula꞉lab a꞉no꞉, e Gode o꞉lia꞉yo꞉ gis dimida꞉lab, a꞉la꞉bo꞉ gio꞉ mo꞉asulaya? Hendele, kalu abeyo꞉ henfelo꞉ man we o꞉lia꞉ ege dowalega, e Gode o꞉lia꞉ gis diab.