23219	MAT 1:6	edo Jesse awa Daotari David da mamo. Daotari David awa Solomon da mamo, (Solomon da ai awa gisi Uriah da aro.),
23221	MAT 1:8	Asa awa Jehoshaphat da mamo, Jehoshaphat awa Joram da mamo, Joram awa Uzziah da mamo,
23222	MAT 1:9	Uzziah awa Jotham da mamo, Jotham awa Ahaz da mamo, Ahaz awa Hezekiah da mamo,
23263	MAT 3:2	Edo sisina, “Utuda gisijiari aikae gumbira, awatedo itomane jimbo bebegae dodo God da yai wareregewo!”
23295	MAT 4:17	Edo iji ainde Iesu tuturo edo embomaida yai ge karigeteite tevina, “Utuda gisijiari itomane yai aikae gumbira. Awatedo itomane jimbo bebegae dodo God da yai wareregewo.”
23306	MAT 5:3	“Embomai ainkainmi awamaneda asisida burau ari God kena awa gido era, God da dubodave awamaneda yai isira. Utuda gisijiari awa awamane topo.
23313	MAT 5:10	Iji nonde embo neneimi memesi neide kainde embomaida yai pisido era aindabé awamane awa wasiri dambu darari, God da dubodave awamaneda yai isira. Utuda gisijiari awa awamane topo.
23370	MAT 6:19	“Yai nonda itomane gaiapa isira awa, do itomane awa yai ainda daedo itaina. Awatedo gaiapa imomane embo awa butuda einda dada eove. Butuda dada awa gido, kandoromi kapara, damana gamaina, edo beono embomi bededo torido bara. Ata gaiapa imomane embo awa utuda ounda dada ewo. Utuda dada awa gido, kandoromi kapari tao ae, damana gambari tao ae, edo beono embomi bededo torido bari tao ae.
23493	MAT 10:7	Edo imomane maundo ge karigeteite, ‘Utuda gisijiari aikae esira,’ awa tewo gore.
23632	MAT 13:24	Edo Iesu mi awamaneda yai eniya ge nei sisina: “Utuda gisijiari awa engo. Embo da (1)mi rorae vero dave kundo ainda indari buroda purara pipisisina.
23639	MAT 13:31	Ango edo Iesu mi awamanede eniya ge nei sisina: “Utuda gisijiari awa masitet vero engo. Vero awa embo da (1)mi kundo maundo ainda buroda urisina.
23641	MAT 13:33	Edo Iesu mi daedo eniya ge nei awamaneda yai sisina: “Utuda gisijiari awa bread badari siwo engo. Eutu da (1)mi ou bajina palawami beda arida bread badari siwo saka awa baige esisina. Edo siwomi esiri palawa berari bajido duga esisina.”
23730	MAT 15:28	Edo Iesu mi ainde mina sisina, “O eutu, ito gebé ari awa bajina. Udo ito awa God mi piari bata.” Edo ainda gagara awa iji dá ainde burigibé kaviegesisina.
23744	MAT 16:3	Edo sipo neneide inemane tedo ewa, ‘Utu awa ororode edo poraga jiwae ingatapera, awatedo iji boroko wa ae bisi okain de gumaina.’ Imomane embobo iwawa tote (2)de! Imomane poraga utuda moka awa inono gido ewa, ata kariwa boroko itomane yai idegedo era awa, ainda moka awa gari tao ae.
23862	MAT 20:1	“Utuda gisijiari awa engo: Iji da (1)de utu tutu da (1)mi sipobéde idegedo buro embobo ainda gurepida buroda buro orote kakowa edo bain esisina.
23920	MAT 21:25	Tewo gane. John da bapataito arida buroda awara tari yai nonda edo gupusini? Utu mi pipisinita ko embo enembomi pipisiteri?” Edo awamane akuta mina tara eite sitera, “Edo kaenane ‘Utu mi awara tari pipisisina’ tara awa, ami taina, ‘Awatedo ro embo imomane John gebé ae esitevi?’
23943	MAT 22:2	“Utuda gisijiari awa engo. Daotari da (1)mi ainda maida jimbari bondo siya esisina.
24132	MAT 26:9	Un muno davede eiwa inono piari embo neimi ganu jiwae piedo bari tao. Ango edo ganu awa embomai rorae isisigaede piae esira.”
24235	MAT 27:37	Edo ainda kopuru enoda awa bekumba ge gaiedo detero takimbesisina: EIWA IESU, JEW EMBOMAIDA DAOTARI.
24366	MRK 3:9	Yesu embomai jiwae euri kaviyegedo esitera. Awatedo, nenei jiwae gundo embo awa tujiain mitedo esitera. Edo Yesu mi ambodanide sisina, “Un ma itomane namonde sindewo wotare. Embomai jiwaebé na mitera. Awatedo, na visido mada anumane.
24921	MRK 15:26	Edo bekumba ge kariwa engo gaiedo Yesu da kopuru enoda detero takimbesisina: JUDAH EMBOMAINDA DAOTARI.
25177	LUK 5:1	Ango edo iji da (1) Yesu Genesaret Ubutu bengida petedo isiri embo jisi da God da ge tari ingain mina mita eite gundo imo doitera.
25706	LUK 16:17	Awarata giwo! Utu de butu de awa manaina, ata God da Aodarida ge saka da (1) bé awa mana siraina.
25929	LUK 21:34	“Bé gidogogo ewo! Do awo butuda wasirimi itomane jiro kotembari God da yai awa usibesi eure. Un okain jiwae injido wasiri bebegae eove. Edo butu wasirida kotembari jiwaemi do buriya ari bainyae. Imomane ango eiawo deguta awa burigibé gumbari boroboro awa.
26042	LUK 23:38	Awamanemi daedo ove gaiaride oregada pipisitera, Yesu da kopuru ikaneda, edo Guriki da, Rome da, edo Hiburu da gemi engo gaiedo: EMBO EIWA JUDAH EMBOMAINDA DAOTARI.
26171	JHN 2:7	Iesu mi buro embobode sisina, “Un sigi awa berari un gerigewo.” Edo awamanemi gerigetero gundo beda esisina.
26281	JHN 5:2	Edo Jerusalem nasi matu jijitera ainda awa guwa gaiari. Edo guwa gaiari ainda be da (1)da dao awa Wo Sipumaneda Manguro Be, edo ainda demonda un tarari isinesina. Un tararida dao Hiburu gemi awa Betesida, edo un tarari arapada dasivi babain darari ainda ta piari berari ipa da (5) isima edo esisina.
26327	JHN 6:1	Ango edo ainda amboda, Iesu temundo Galili ubutu kupo neida maunsisina. (Ubutu ainda dao nei awa Taiberiasi.)
26516	JHN 9:7	Edo embo ainde sisina, “Mambuyo Siloam Un Tarari ainda, edo teieyo.” (Siloam da moka awa Piari Mambari.) Ango tesiri embo awa maundo teiedo yai goteite gupusina.
26520	JHN 9:11	Edo embo ami mina sisina, “Embo, ainda dao Iesu tedo era, ami butu tatapu edo kundo nato jisida datedo namonde sisina, ‘Mambuyo Siloam Un Tarari ainda, edo teieyo.’ Ango tesiri na maundo teietena, edo na iji tuturoda yai gena.”
27179	ACT 6:9	Awarata, embo nenei Stephen da ge jinjitera. Awamane Judah embomainda benunu oro dao Udegari Embobo ainda edo guputera. Edo ainda embomai awa nasi Sairin edo Alexanderia, daedo yai Silisia edo Asia da edo gumbari. Edo awamanemi Stephen de tuturo edo ge baitera.
27234	ACT 7:49	‘Utu awa nato daotari anumba, edo butu awa nato tai piari. Oro kariwa bé inemane na awa embo nongo avi? BADARI mi sira, ko nato oena apari yai awa indari?
27241	ACT 7:56	Edo embo ami sisina, “Giwo! Utu pirigesiri na Embo da Mai awa God da ipabeda petedo isiri gotena.”
27281	ACT 8:36	Ango edo awamane begatada auntero jiriri gundo unda esitera. Edo badararimi sisina, “Un isira eire. Gi! Na bapataito ae etesita?”
27339	ACT 10:11	Utu pirigesiri Peter mi rorae gari dá gongo bereya ango, ainda umbugo ipa ao pasido (4) asimi kanjigedo, dotero ainda yai butuda wowoteiri gosisina.
27615	ACT 17:23	Edo iji ainde na itomane nasi doda pepeta eite itomane ove kewari neindekainde goteite tenemba da (1) tapana. Edo tenemba ainda embomaimi rorou God da yai pisido era. Edo tenembada geda gaiari engo ajigatana: ROROU EINDA PIARI AWA GOD KAENANE TOU EDO ERA ATA AINDA DAO GAE AWA EMBO. Awatedo, God awa, imomane tumondebain edo ewa ata ainda dao gae, nane imondemane karigetena.
30363	JAS 2:3	edo imomane embo ombarijiari davebéde jisimi udugedo gido ainde tawa, “Gumbu! Anumba dave einda anumbate,” ata mapa embo ombarijiari donode ainde tawa, “Umbugo dá ounda pete” o “Butu dá tai nato demonda anumbe,”
30397	JAS 3:11	Un uriri dá ainda un dave wowoteiari dokaka de daedo wotainita?
30433	JAS 5:12	Edo nato nanonameji, ge berari ikanebé einda imondemane tena, tarigari tepotapo jigamo eove. Utuda da daoda tarigari okain teove o butuda da daoda. Embo iwawa tote (2)deda jimbo beyaeda durovekae! Ata iji nonde imo ge site “Na ango ana,” awa eyo! Edo iji nonde imo ge site “Na ango ainyae,” awa ainyae!
30512	1PE 3:21	Un eiwa awa bapataito arida kariwa ango. Edo kaenane God da yai kaenato jimbo beyae kotembedo dowarate benunu tedo era, God mi kaenato jimbo teiedo kaena toregedo eira. Bapataito ari un mi kaenato tamoda dono awa teiae edo eira. Ata bapataito arida un ami arapa edo eira, kaenato jimbo dodo era, edo kaenato dokotembari awa dono itae God da jisida. Ata ge bajinabé awa God mi, Iesu Keriso da betedo erarida toda, kaena toregedo eira.
30608	1JN 1:1	Utu de butu de ae gisibéda, Ge mi isinesina. Nanekare imo embo averi awa imondemane karigetera. Edo nanekare embo eiwa ingitera, jisimi gositera, jijimbesitera edo ipami tujijitera. Edo Ge mi embomaida yai wasiri pisido eira.