2	GEN 1:2	Mi aukuanna maa maqafa fifau faafau inoo marufanoo, asukuna firaafa rafaaqafinoo marufanoo Anutuna maraquna fannoo nammari amuaqumau ufaira foora uqidanoo oonuree aniree imarinau.
3	GEN 1:3	Mi faasaanna Anutufa qinau, kaaqa qaranara mariannee qufanoo kaaqa qarafa kambiqanau.
5	GEN 1:5	Rakeemma quqaseenoo qafamaseenoo Anutufa kaaqa qaranara faasaanee qinau, asukunara eendaki fee qinau. Miqi qimasoofanoo mikari indaaru oosana araseenoo eendirafa naaree anireenoo aiqaroofanoo iaqarafa aniroofanoo mifa mi iaqarafa faqa mi eendirafa faqa indaaruqaa faasaana marinau.
11	GEN 1:11	Asasammaseenoo fuka maqasaara Anutufa qinau. Andanda oosana oosana kambiqaani, oosana oosana andanda neemaru ainainna aqama faqa kambiqaanni, oosana oosana aqama ireemari saqarisa faqa kambiqaannee qufanoo miqimminau.
12	GEN 1:12	Maqa fannoo, oosana oosana andanda faqa saqari faqa maqanau. Maqasoofanoo Anutufa aiquqummaseenoo doo amiqimminoo fee qimasee asasinau.
14	GEN 1:14	Anutufa kaifaa qinau. Innaarunai qooma oosana oosana kambiqafinana, suani faqa quqoona faqa fasau faqa iaqarana faqa asukuna faqa rainaanifeera qinau, iaqarafa faqa aukuana faqa amaana suqirana oosana areemariana uqannifiqaani fee qinau.
20	GEN 1:20	Anutufa kaifaa qinau. Aiqama nammariki maria ainainausa oosana oosana kambiqaani, maqa mirinni kaqi saqanna oosana oosana ufinuqa qumbiqaqa maridaqa qaqaqa nuaqa.
26	GEN 1:26	Miqimmaseenoo Anutufa kaifaa qinau. Maasa faiqí naanna faqaasa auquanaura, maasa qimana kai maasa qeeqa fooqaana auquanaura. Misa ooruku nammariki noodaanna ainaina faqa sandaaqai qaqamaree nimaria ufinisa faqa maaqeena aandauqa faqa kaasau aandauqa firaanauqa saa faqa kaqikaanauqa saa faqa rakisianifeera auquanaura.
34	GEN 2:3	Dinni taikasee dinni oonu qaaraqanda 7 faasaanara Anutufa afaaqooqa qimasee, aaduma naaquqara faasaanee qinau. Narí kadaapirirana mi faasaanna taikoonara mi faasaannara naaquqara faasaanee qimasee idooanau.
43	GEN 2:12	Miqoo koora amiqirafa maridanoo, amiqira afundi maru saqari anoonafa faqa miqoo marinau. Firaa feefauru aqimaria oonifa faqa miqoo marinau.
49	GEN 2:18	Mi fasannai karaambaiqa Anutufa mi fasiqanara qinau, maa fasiqafa naríaraa marifanoo siamma andeeqaidanoo. Qinee mina aqoonnana auqusaananoo mina dadaaqiannoo.
54	GEN 2:23	Quqasoofanoo faiqí fannoo qafamaseenoo qinau. Doo maqee uqanna qini fooqaairafa uqanna maridanoo, amudaani qini qimudaani kinaafa, amaqi qini qimaqinnai auqirafa, qinee minara anaasee fee qimasee auquraanaura, mifa faiqí kinaafa marinara miqi qimasee auqu raanaura.
56	GEN 2:25	Mi fasiqafa narí aanaaqandiri kaqisamu maruqanda mariqau, sia nariara nariara nisauri mariqau.
60	GEN 3:4	Sakani mina ufa iriseenoo anaasee akaru qinoo qinau. Namasee sia kuqinnara unnaqidanoo, anee sia kuqinnaranoo.
67	GEN 3:11	Miqi qufanoo Anutufa qinau, yafee ani kaqisamu mariannanara qimaminoo fee. Anee saqari aqama qinee qaoo qunnana neenanee.
81	GEN 4:1	Adamafa narí anaaqa Eewana faqa aana numasoofanoo amuaqu qaikinoo faiqi maqaseenoo mina auqu Kainafee qinau. Maqaseenoo Eewafa qinau, Anutufa dadaaqifaqa qinee faiqi akoonaiqi maqeeqa.
86	GEN 4:6	Anutufa Kainana qafamaseenoo qimaminau, nanaree ani arana qaidanoo fee. Nanaree ani oori mianni qumidanoo fee.
89	GEN 4:9	Arusoofanoo Anutufa Kaina iramirinoo qinau, ani akaqa Abeerafa yaifee maridanoo fee. Qufanoo Kainafa qinau, Abee qinee sia iridaqa, anee qiniara narí akaqasaa rakisimarifee fee qidanee.
90	GEN 4:10	Anutufa mina iriseenoo qinau. Kaina anee nanee mareenee. Anee iria, aneenna akaqa fidika maqasaa teeqiananoo. Mi fidikafa mina akiiqara iannee qimasee maqakiqari qini daaraifaqa iriqa.
95	GEN 4:15	Karaambaiqa minara iriseenoo qimaminoo qinau. Sia miqifara, faiqí moo fannoo yafee ani arinnana qinee mina akiiqara dinni taikasee dinni ani qaaraqanda marasee naruanaura. Miqi qimaseenoo karaambaiqa Kaina afaaqasaa sia aruaqee akara quqanau.
99	GEN 4:19	Rameekafa faiqí kammafinoo qaara anaasee maranau, moona auqu Adaa nammarifa moona auqu Siraa nammarifa mariqau. (Adaa nammarina auqu oosana amiqira fee qimaqoofa marinau. Siraa nammarina auqu oosana auqaana fee qimaqoofa marinau.)
103	GEN 4:23	Rameekafa narí aanaaqaqara maaqi qimasee qimanniminau. Adaa nammarisa Siraa nammarisa qini ufa iriaqa, Qinee Rameekausa qini qinaaqaqara ufa qianaqa amiqimmasee iriaqa. Faiqí moo fannoo kaakadi darifaqa qinee mina kuqamma ariqa. Asauku samu qini darina akiiqara mi kumaaraana kuqamma ariqa.
141	GEN 6:3	Miqi marufanoo Anutufa qinau. Qini maraquna naaru naaru sia faiqiki mariannoo. Misa fifau faiqí faiqi marianara kisaaqa aukuana ateekasee qusa aukuana nimianaura, 120 aukuana kai nimianaura.
147	GEN 6:9	Nooana oosana maaqimminoo marinau. Nooafa kai sia aaqarana marufa marinau, narí faqa marusakiqari naríara andeeqarafa marinau. Mifa kai Anutuna aqoondikiranaki marinau. Mina amaaku qarammoo namu mariqau. Misa nuqu Seemmafa faqa Qammafa faqa Yafeetafa faqa mariqau.
152	GEN 6:14	Nooa, anee amiqira saqarinnai firaa sipa auqua. Mina aunduraki moomoo rumma auqua. Aunduraki faqa adisaa faqa koorootaqa qumaree akusainanoo ititaani.
154	GEN 6:16	Asaana qumeeqarana ameemaanai apootaana kaqi mariani 0.5 metre mariani. Sipa qaqaasanai firaa kooqi auquseenana sipa aundurai maqasaa tida rua, mina murufi qambaanai moo tida rua, mina maariqoo moo tida rua.
206	GEN 8:22	Anutufa minara maaqi qimasee qinau. Maa maqafa kaqi marinaqa qummaqira aukuana faqa narana nara aukuana faqa suara faqa aiqaiqa faqa aaku aukuana faqa suani aukuana faqa faasaana faqa eendaki faqa sia taika nimaqaanaura, kaqi marifaranoo.
210	GEN 9:4	Innee moodaa ainaina kai sia naaqa, fidika amaqiki marinnana kai sia naaqa. Mifa marirana nimimarifa marinara sia naaqa.
311	GEN 12:12	Isipa maqannaa ani qafamasee, oo mina aanaaqammi maqi qimasee qini darusee ani maree foora.
314	GEN 12:15	Isipa maqannaasa rakisirafa Faraoona mina faiqi namu Sarai nammarina qafamaseeqa Faraoona qimamiqa qiqau, qoo amiqira manaaqa fee qufanoo Faraoofa qimannimufaqa Sarai nammarina ani mareeqee Faraoona kinna maaqaki quqaqau.
318	GEN 12:19	Anee nanaree qini dauna fee qianaqee qinee qeeqara qinaaqara mareeqee qeeqa maaqaki quqee fee. Maa ani anaaqa marinoo, doo ani afiqee fifua.
327	GEN 13:8	Abarammafa mina qafamaseenoo Rootana qimaminau. Maasa moodaa oosana maridaqa anee faqa qinee faqa sia tinooria, ani faiqi namu faqa qini faiqi namu faqa sia tinooriaqa.
328	GEN 13:9	Maqa maaqa firaatiamma maridanoo ania, anindiri rainaa, anee aninna aidimari maqana qafamasee utaaqamasee mi tinai finaqa qinee moo tinai fuanaura.
333	GEN 13:14	Rootafa fifufanoo Karaambaiqa Abarammana qimaminoo qinau, anee mariannaqooqari amiqimmasee aiqama atinai aiuqia.
335	GEN 13:16	Qinee ani aiku asauku asumu moomoo kambiqa nimaqaanaura. Sia amana moo fannoo asaana rirana amanaikiannoo. Nukuda aiqama amana asaana rifaranoo, ani faiqi namu kai sia amana nisaana rifaranoo.
359	GEN 14:22	Miqi qufanoo Abarammafa asauku uqeeraseenoo qinau. Qeeqa qisauku uqeereeqa, kaaqa uriqarara Anutuna innaaruna faqa maqa faqa auquna afusaa uqeerasee qimamidaqa.
368	GEN 15:7	Miqi qimasee Karaambaiqa Abarammana qimaminoo qinau, qinee Karaambaiqa ani Ura maqusakinaana Babiroonia maqa maaqaindaraana afiqee minisee maa maqa maaqana amiananoo anindikianifee qimasee afiqee aniqiafana.
383	GEN 16:1	Abarammana anaaqa Sarai nammarifa mifa qaafa anaasee marinau, sia faiqi maqanau. Mina ainainira maanaaqa Isipa maqannaa maanaaqa marinau. Mina auqu Qakaara nammarifa marinau.
384	GEN 16:2	Sarai nammarifa nári oosana maraseenoo Abarammana qimaminoo qinau, anee iria, Anutufa sia faiqi qini qiminoo. Minara maa qini ainainira maanaaqa mara sainanoo mifa ani faqa finoo aqbee faiqi maqa sainaqa qinee qeeqara maraanaura. Miqi qufanoo Abarammafa eedoo qimaseenoo maranau.
387	GEN 16:5	Miqufanoo Sarai nammarifa Abarammana qimaminoo qinau. Ani oosanasaa Qakaara nammarifa qini fidiaqaamma qimaqaidanoo. Qinee qeeqa kai mina ani amisaafananoo amuaquqaika mafinoo qini uridaaqa raidanoo. Karaambaiqa fannoo kai anindiri ufa rainaannoo. Anee fee, qinee fee andeeqee fee.
388	GEN 16:6	Abarammafa kafaa narí qimaminoo qinau. Doo amana ani ainainira maanaaqa ani ameemaanai maridanoo. Naqaamma amaqararee fee qimasee iridanee, doo miqia. Sarai nammarifa Akaara nammarina maqee maqee oofana qaidanoo ari aqimarunara quqasee sandanau.
390	GEN 16:8	Qakaara nammari, Sarai nammarina ainainira maanaaqa, anee yaindari fee anidanee maaqooqari yai fee fidanee. Miqi qufanoo Qakaara nammarifa qinau, qeeqa rakisirana Sarai nammarina aaqu rufiee sandaidaqa.
391	GEN 16:9	Angiroo fannoo minara iriseenoo maaqi qimasee qimaminau, doo findi finana aneenna rakisira anaasee marinnai kafaa anirandee oonureenana mina ainainira manaaqaikia.
413	GEN 17:15	Kafaa Anutufa Abaraqaammana qimaminoo qinau, sia aneenna aanaaqara Sarai nammarinee qia. Maqee mina auqa Saraqa nammarifa mariannoo.
418	GEN 17:20	Isamaeerana faqa anee qianandee, mina faqa amiqi amiqi ianaura. Mina faiqi namu moomoo uqanna kambiqeefara. Akoonaiqiuqa qisauku qara taikasee qikunni ooqu qaaraqanda 12 marasee uriqararausa marifara. Mina saaqari kambiqainausa firaa maqannaa marifaranoo.
428	GEN 18:3	Oo uriqararausa, qinee inni dadaaqirausa maridaqa sia qini aidaaqa raaqa.
439	GEN 18:14	Nana ainainee moo ainaina Yaaweefa sia amana auqaannoo fee mifa amana aiqama ainaina auqaannoo. Qinee anoona ufa qidaqa, moo aukuana maa quqoonnasaa qinee kafaa aniraananoo Saraqa nammarifa akoonaiqi faiqi maqaannoo.
440	GEN 18:15	Saraqa nammarifa mina iriseenoo rufia mareennoo unna qimasee qaoo qinau, Qinee sia naanaidara qiqa. Miqi qufanoo misa uriqararafa Karaambaiqa qimaminoo qinau. Anee naanaidara qianaqa iriqa.
466	GEN 19:8	Iriaqa, qeeqa qiraamuna qaara qanda sia faiqí faqa nuaqanda inni nimisaanaqa inneeqa iriranannai kai maraaqa. Maa fasiqa qanda qini maaqaki ani raafaqa aqoondi kammaqauna mariafaqa qinee amiqimmasee miqandasaa rakisidaqa.
467	GEN 19:9	Miqi qimasee qimannimisoofaqa misa aiqama maaqi qiqau. Anee moo maqannaafa maasaki ani marianafa. Yafee qifanee anee maasara qaoo qidanee. Anee nimaaraa. Sia nimaarainaqa sia ani aqoondiqara kai mandaikamma nimaqaanaura, ani faqa firaaqoo mandaikamma amaqaanaura. Miqi qimaseeqa misa Rootana afeeqa aquseeqa mina kooqi rufadaairara iqau.
475	GEN 19:17	Nifiqa quqasoofanoo angiroo moo fannoo qimanniminoo qinau. Innee sandamafuaqa kuqifaara. Fidaqa sia quandafi qafaaqa. Afaasasaa faqa sia kasooiaqa. Innee kuqifaara, aaqanai sandee ooru fuaqa.
512	GEN 20:16	Miqi qimaseenoo quanda finoo Saraqa nammarina maaqi qimaseenoo qimaminau. Doo ani afasaana siruaa munnimma wan tauseenna (1,000) amiqa, maa ummaarafa taikainaqa ani faqa mariasa ani aaqarana sia mariifoo qiaqeera. Kafaa aiqamausa aniara sia mandoosana auqee maqi qiaqa.
513	GEN 20:17	Yaaweefa Saraqa nammarinaki kambiqoonara iriseenoo Abimeereekana, na aiku asaukukinaa aanaaseeuqa faiqi maqara aana ititasoofaqa faiqi maqarara sia amanaikiqau. Miqiqa marufanoo Abaraqaammafa Abimeereekanara Anutufinnai innaaru qufanoo Anutufa Abimeereekana faqa narí anaaqa faqa narí ainainira maanaaqauqa faqa misa aurirana taikannisoofaqa kafaa faiqi maqarana amanaikiqau.
521	GEN 21:7	Miqi qimaseenoo Saraqa nammarifa maaqi qinau. Yafee moo fannoo Abaraqaammana qimaminoo Saraqa nammarifa narí faiqi maqasee amana naamma amiannoo fee qiannoo fee, sia amana moo fannoo miqi qiannoo. Miqi qimariafaqa qinee asooqa namuki Abaraqaammana faiqi akoonaiqi maqeeqa.
540	GEN 21:26	Abimeereekafa iriseenoo qimaminau, Qoo qinee sia mina iridaqa, yafee miqinoo fee. Anee minara sia qima qimunaqa sia iriqiafana. Maqee kai iridaqa.
550	GEN 22:2	Aneenna amaaku Isakeena ani amaaku moodaa, kaaqa amuqusa imariannana afiqeenana Mooria maqa maaqai ooru rainaqa qinee aaqana moo uqafiqaanaura. Anee mi aaqannanasaa aneenna amaaku arusee qini tatufirana suqa qimia.
555	GEN 22:7	Aanai ooru fimarufanoo Isakeefa narí akoona aaramaseenoo qinau, Qipoo qufanoo Abaraqaammafa maqi qimasee qinau. Nanaree qidanee qufanoo Isakeefa qinau. Qinee qafaunana anee idati faqa ida rumbarana faqa maree fimarinanoo, yaafee tatufirana suqeefandinna sipsipafa maridanoo fee.
559	GEN 22:11	Karaambaiqa angiroo innaarunaindari aaramaseenoo qinau, Abaraqaamma, Abaraqaamma, miqi qufanoo Abaraqaammafa qinau. Qinee maa maridaqee qufanoo Karaambaiqa qinau.
560	GEN 22:12	Sia faiqi arua, sia mandaikamma amaqaa. Sia aneenna asaukukoo aneenna faiqi arua. Doo maqee qinee iridaqa anee Anutuna ufa qaindusidana mina ufa afaqee mariananoo. Anee aneenna amaakuara aneenna amuqusa uqannara sia qaoo qiananoo eedoo kai qiananoo.
562	GEN 22:14	Miqooqari Abaraqaammafa mi aaqanna auqu reenoo, Karaambaiqa nimira aaqanee qinau. Minara maqee mindaraasa maaqi qidaqa, Yaaweefa narí aaqanasaa nimidanoo fee qidaqa.
569	GEN 22:21	Usafa indaaruqaafa Busafa mina aanaaqiannaafa marinau, mina aanaaqiannaafa Keemueerafa mifa Arammana akoofa marinau.
570	GEN 22:22	Mina aanaaqiannaafa Keeseedafa marinau, mina aanaaqiannaafa Qasoorafa marinau, mina aanaaqiannaafa Piradasafa marinau mina aanaaqiannaafa Didarafa marinau, misa ninaaqiannaafa Beetueerafa marinau. Mifa Reebeeka nammarina akoofa marinau. Mirikaa nammarifa mi faiqi namusa Naqoorana Abaraqaammana akaqasaa maqanau.
578	GEN 23:6	Anee maasa ufa iria, maasa ani qafaunana anee afeeka rakisirafa marianafa mariananoo. Aneenna anaaqa maasa amiqira madikaki akundaa. Maasa aiqamausa mi madikanaki akundaranara asasidaqa.
580	GEN 23:8	Innee eedoo qiafaqa amanee innee Eefaroona, Sooqarana amaaku iramirifanoo inni nifusaa Makapeera maqa maaqaki narí anaadoo atinni ooni aamara marina qiminaqa feefauru amana kai amiseeqee mi maqa maaqana qeeqaindi kammasee qeeqa qiku qisauku nikundee marianauree.
583	GEN 23:11	Oo uriqararafa iria, qinee aiqama mi maqana faqa ooni aamara minaki marina faqa ani amianaura. Maaqoo qeeqa faiqi anaasee nifusaa ani amianana aneenna anaaqa minaki akundaa.
587	GEN 23:15	Oo uriqararafa, maqa feefauru 400 siruaa maridanoo, mi feefauruna maasa qeeqa qambaana naqa fee masee rainaanauree. Anee aneenna anaaqa kaqi minaki akundaa.
597	GEN 24:5	Miqi qimasoofanoo mi rakisirafa maaqi qinau. Doo amana, ooru raanaqa mindaraa maanaaqa iraifanoo narí maqa maaqa minnisee mai qumirara ititinaqa amanee qinee ani amaaku aiqaananoo anee qumunna maqa maaqanai ooru fuannoo fee.
601	GEN 24:9	Miqi qimasoofanoo mi ainainira fasiqafa narí asauku Abaraqaammana narí uriqararana afundana ameemaanai quqaseenoo qinau, doo qinee anee qianandee ianaura.
602	GEN 24:10	Miqi qimaseenoo raudama kinoo Abaraqaammana kammeera, qoosa fooqaana, mina qisauku qara maraseenoo narí uriqararana ainaina amiqirana kai maraseenoo kammeerasaa quqaseenoo mareenoo finau. Abaraqaammana akaqa Naqoorafa Mesopotamia maqusai suani dinni ataaqeenni marunnai ooru finau.
605	GEN 24:13	Qinee nammari sakee mariana aaqa adeedi marunaqa, aanaaseeuqa nammari ani sakee mariafaqa maridaqa.
610	GEN 24:18	Miqi qufanoo mi manaaqafa qinau, eeoo faiqí firaafa, doo naa qimaseenoo nammari taqu afiqu quqasoofanoo doo nanau.
619	GEN 24:27	Oo Anutu Abaraqaammana Anutufa, anee amiqi amiqi uqanna miananoo. Anee Abaraqaammana amiqi amiqi imariannanara sia taikeenoo kaqi fidanoo. Karaambaiqa fannoo qini uriqararana atiuqa iannai andeeqasee qifiqee aninoo.
632	GEN 24:40	Qunanoo mifa qinoo, qinee Karaambaiqa ufa aiqama kari afaqee marunausa maridaqa, mifa narí angiroo aiqainanoo ani faqa fidanoo dadaaqinanoo anoona kambiqaannoo. Anee qini faiqi anaaqa qini maqannaasakinaana qini qikoona atikinaana mareennaranoo.
634	GEN 24:42	Qinee Abaraqaammana mi ufana iriseeqa nammari dikaanda mariqoo ururee maaqi qimasee innaaru qiqa. Oo Karaambaiqa qini uriqararana Abaraqaammana Anutufa mariananoo, qinee auqaunna ainainna anoona kambiqaani.
639	GEN 24:47	Namaseeqa qinee maaqi qimasee iramiriqa ani akoofa yafee, qunanoo mifa qimaqiminoo qinoo. Qini qikoofa Beetueerafa Naqoorasa Mirikaa nammarisa faiqi maridanoo. Qinee mi ufana iriseeqa koorannai auqira qimmusa usuamaqaseeqa kafa koora isaaqama asaukuki usuamaqeeqa.
643	GEN 24:51	Maa Reebeeka nammarifa marinoo. Afiqamaree fua. Munusainanoo mifa ani uriqararana amaaku aanaaqaikinoo, Karaambaiqa narí qindee iani.
647	GEN 24:55	Miqi qufaqa miqanda qiqau, saina Reebeeka nammarifa maasa faqa moodaa amaanaki fee, qisauku qara taikaseenoo afuru fee faiqeenoo fuani.
663	GEN 25:4	Midiana amaaku indaaruqaa faiqi Eefaafa marinau, mina aanaaqianaafa Eefeerafa marinau, misa ninaaqianaafa Qannookafa marinau misa ninaaqianaafa Abidafa marinau, misa ninaaqianaafa uqanna Eeradaafa marinau. Minamusa Abaraqaammana anaaqa Keeturaa nammarina saaqari kambiqarausa mariqau.
672	GEN 25:13	Isamaeerana faiqi namu maaqimmiqa mariqau. Indaaruqaafa Neebaiootafa marinau, mina aanaaqianaafa Keedarafa marinau, misa ninaaqianaafa Adabeerafa marinau, misa ninaaqianaafa Mibasamafa marinau, misa ninaaqianaafa Misammafa marinau, misa ninaaqianaafa Dummaafa marinau, misa ninaaqianaafa Masafa marinau, misa ninaaqianaafa Qadadafa marinau, misa ninaaqianaafa Teemafa marinau, misa ninaaqianaafa Yeeturafa marinau, misa ninaaqianaafa Nafisafa marinau, misa ninaaqianaafa uqanna Keedeemaafa marinau.
677	GEN 25:18	Isamaeerana aiku asauku Isipa maqusaindari suani oosana qaannai Sura maqa maaqa faqa, Qafiraa maqa maaqa faqa qambaana Asiria maqa maaqai fimaruqoo mariqau. Misa Abaraqaamana aiku asauku akaqausa maruqooqari naaduma mariqau.
681	GEN 25:22	Amuaqu qaikufanoo faiqi qaara qanda mina aranandaki maridaqa raki mariqau. Raki marufanoo Reebeeka nammarifa qinau, maa ainainafa nanaree qiniki kambiqaidanoo fee qimaseenoo karaambaiqunnai oonuree anoonufa qimamianifeera innaaru qinau.
684	GEN 25:25	Indaaruqaana afaaqa kaaqa taatuqee arinoo marinau, mina afaaqasasa asausi aanaaqi marinau. Mina auqu Eesau nee qiqau. (Mina auqu oosana asausi fee qiqau).
690	GEN 25:31	Yakooboofa iriseenoo qinau, aninidiri qikoofa anee indaaruqaa faiqi mariananoo ani afaaqooqa qima amaqee marina qiminaqa narana ani amianauranoo.
692	GEN 25:33	Yakooboofa iriseenoo qinau, aneenna ufa qima afeekaika mandee qiminaqa qinee narana ani amianaura. Qimasoofanoo Eesaufa Yakooboonara qima afeekaika mandee indaaru mina akoofa qutaaqama amaqoo ainainna amiraree qinau.
730	GEN 27:2	Foo qimasoofanoo Isakeefa Eesauna qimaminoo qinau. Doo qinee asooqa marida, qeeqa kuqira aukuana sia qafaida, minara ani qimamiqa.
735	GEN 27:7	Doo maqee ani akoofa Eesauna maaqi qimasee qimaminoo, anee aandau arumaree mini suqa qiminaqa qinee namasee Karaambaiqa afusaa ani afaaqooqa amisee kuqua.
741	GEN 27:13	Mina anoofa mi ufana iriseenoo qinau. Ani aqira ufa fannoo qinisaa kai mariannoo, sia anee minara iria, sandeenana oonu mimmi aanaaqi kaqi maree mini qimia.
746	GEN 27:18	Oonureenoo narí akoona maaqi qimasee qimaminau. Qipoo doo qinee anireeqa, qufanoo Isakeefa qinau. Qini faiqi namukiqari anee yafee maridanee qinau.
761	GEN 27:33	Isakeefa minara iriseenoo boo qimasee tautu maseenoo aindiri aindiri imarufanoo qinau. Yafee moo fannoo aandau arusee mini qimifaqa, namasaunana anee aniraananoo. Qinee namaseeqa doo qeeqa taikara afaaqooqa qimamaqasaunanoo naaru naaru minaindi mariannoo.
765	GEN 27:37	Miqi qufanoo Isakeefa qinau. Doo qinee ani uriqararafa marianifee afaaqooqa amiseeqa. Kaifa mina ainaina mina ainainira faiqi kiaqee afaaqooqa faqa amiqa. Qinee oosana oosana narana faqa nammari faqa amiqa. Qini qimaaku, maqee sia moo ainaina marinaqa ani amianauranoo.
787	GEN 28:13	Karaambaiqa Yakooboona aakaarinni kikiqinoo maridanoo maaqi qimasee qimaminau. Qinee Karaambaiqa maridaqa, ani aanaakuna Abaraqaamana Anutusa maridaqa, ani akoona Isakeena faqa Anutusa maridaqa. Qinee maa maqa maaqana anee faiqaannana ani faqa ani aiku asauku faqa nimianaura.
789	GEN 28:15	Karaambaiqa kafaa qimaminoo qinau. Iria, qinee ani faqa maridaqa aiqamai finnannai anisaa rakisianaura. Rakisidaqa kaifaa ani mareeqee maa maqanasaa quqaanaura. Qinee sia ani minnisaanaura, qinee qeeqa qima afeekaikiafanna ufafa anoona kambiqainaqa quqaanaura.
797	GEN 29:1	Miqi qimaseenoo innaaru qimaseenoo Yakooboofa suani oosana qaannai mariasa, misa maqa maaqai oonu ranau.
800	GEN 29:4	Yakooboofa sipsipasaa rakisi marusa oonu nindafeenoo qinau. Qini qikaqaafasaa, innee yaindaraasee maridaqee. Misa qiqau, maasa Qaraana maqusaindaraasa maridaqa.
802	GEN 29:6	Miqi qufanoo Yakooboofa qinau. Rabannafa amiqisaa fee maridanoo fee. Misa qiqau. Eeoo amiqisaa maridanoo. Mina qafaa, doo mina araamuna Raseera nammarifa mina sipsipauqa nifiqee anidanoo.
811	GEN 29:15	Rabannafa maaqi qimaseenoo Yakooboona qimaminoo qinau. Kuqaa anee qini qinauqi mariananoo, sia fifau qini ainaina kai innaranoo. Maqee oosana araseeqa feefauru amiqambuanaura. Ani naqifee mandee feefauru amianauree.
812	GEN 29:16	Rabanna araamuna qara qaaraqanda mariqau, indaaruqaafa Reeaa nammarifa marinau inaaqianaafa Raseera nammarifa marinau.
815	GEN 29:19	Qufanoo Rabannafa qimaminau. Qinee amana ani amianaura, moo oosana nimiranara qikooqaidanoo. Doo anee qini faqa maridana ainainia.
821	GEN 29:25	Iaqoofanoo findifinoo Yakooboofa qafamaseenoo, boo Reeaa nammari fee qinau. Yakooboofa Rabanna funnai oonureenoo aqinoo qinau. Anee naqifee ifanee qini miqimma qimaqeenee. Qinee Raseera nammarina marararee qimasee ani ainaina maiseeqa. Anee nanaree qini qikaru q inanee.
830	GEN 29:34	Reeaa nammarifa marikinoo kafaa amuaqu qaikinoo mariiufanoo faiqi akoonaiqi moo maqaseenoo qinau. Doo maqee uqanna qini qifaaqi fannoo doo qinisaa atooqaannoo, qinee qaaramoo akoonaiqi maqaseeqa. Minara iriseeqa mi faiqina auqu Reefi nee qiqa.