4	GEN 1:4	Kambiqafufanoo qafamaseenoo amiqimambinoo qimaseenoo kaaqa qarana faqa asukuna faqa aadu aadu rakeemma quqanau.
16	GEN 1:16	Miqi qimaseenoo Anutufa firaa qoomatiaqara suani faqa quqoona faqa miqanda quqanau. Firaa qooma suaniara anee faasaana rakisinnimaqaannee qinau. Kaqikaa qoomara quqoonara anee eendaki rakisinnimaqaannee qinau. Fasau namu faqa auqu quqanau.
40	GEN 2:9	Anutufa oosana oosana amiqira saqariara qufanoo minaki kambiqafufaqa amiqira aqama iraqau. Kadiqa qambaanai saqari qaaraqanda marinau. Moo saqari fannoo marirana nimi maru saqarifa marinau. Kafaa moo saqari fannoo mandainainara faqa amiqira ainainara faqa irimaria iriranna nimimarufa marinau.
44	GEN 2:13	Kafa moo amara auqu Kiqoona nammari marinau. Mifa Kusa maqa maaqa atindanai qumifi marinau.
45	GEN 2:14	Kafa moo amara auqu Taikirisa nammari marinau. Mifa Asiria maqa maaqa suani oosana qaannai atindanai qumi marinau. Moo amara auqu Eeufarateesa nammari marinau.
46	GEN 2:15	Karaambaiqa Anutufa narí auquqoo fasiqana mareeqee Eedeena kadidakina quqanau. Kadidaki maqa apauridanoo aiqama ainainasaa mi kadidanaki rakisianifeera quqanau.
57	GEN 3:1	Karaambaiqa Anutufa aiqama aandauqakina auquqoona qambaanaindari sakani mifa nikaru qira ufa akoofasa marinau. Mifa anaasee iramirinoo qinau. Kuqaa fee Anutufa saqariuqaki aiqama qaoo qinoo fee sia naaqee qinoo fee.
59	GEN 3:3	Kadiqa qambaanai moodaa saqariara sia naaqee sia auqaaqee qifaqa sia naidaqa. Maasa namaseeqa kuquanauranoo.
64	GEN 3:8	Mi faasaanna eenaanianna asooaa asooaa imarufanoo Karaambaiqa Anutufa kadidai nimarufaqa faiqí faqa anaasee faqa iriqaqara saqariuqaki nisaurusee kukeeqaqau.
65	GEN 3:9	Karambaiqa Anutufa faiqí aaramasee anee yaifee qufanoo mifa qinau.
70	GEN 3:14	Karaambaiqa Anutufa mina iriseenoo quandafinoo mi sakanina manda afaaqooqa qimamaqeenoo qinau. Anee maa anaaseena akaru qiannanara mina akiiqara aiqama aandauqakiqari anee kai maa manda afaaqooqana mareennaranoo. Anee maqamau amuaqundari nidana kookoomma nananua.
77	GEN 3:21	Karaambaiqa Anutufa aandau apata qumareenoo minannai qamunnara foora auqeeqeennoo Adamana faqa narí anaaqa Eewana faqa niminau.
78	GEN 3:22	Miqimmaseenoo Karaambaiqa Anutufa qinau. Maqee faiqí faiqi maafa maasara foora maridaqa aaqara oosanara faqa andeeqara oosanara faqa iridaqa. Maasa sia miqandara qianaqa naaru marirana nimimari saqari aqamana diqisee neefaranoo. Diqisee namaseeqa naaruara marifoora.
79	GEN 3:23	Karaambaiqa Anutufa minara iriseenoo Eedeena kadidakinaana doo miqanda nifaqaseenoo qinau. Inneeqara inni auquafanna maqanasaa maridaqa maqa auqamasaidaqa narana paquriaqa.
81	GEN 4:1	Adamafa narí anaaqa Eewana faqa aana numasoofanoo amuaqu qaikinoo faiqi maqaseenoo mina auqu Kainafee qinau. Maqaseenoo Eewafa qinau, Anutufa dadaaqifaqa qinee faiqi akoonaiqi maqeeqa.
82	GEN 4:2	Kafaa mariufanoo faiqi moo maqaseenoo mina auqu Abeeranee qinau. Abeerafa innooqafinoo kooqikinaa aandausaa rakisirafa marinau. Mina afasaafa Kainafa innooqafinoo afuqakina ainaini marufa marinau.
83	GEN 4:3	Mariufanoo moo kari Kainafa narí afuqakinaa ainaina maraseeoo Anutuna tatufirana suqa aminau.
85	GEN 4:5	Kafaa Kainaindi qafamasee minnisanau. Kainafa mina qafoofanoo firaqoo arana qoofanoo oori runinau.
86	GEN 4:6	Anutufa Kainana qafamaseenoo qimaminau, nanaree ani arana qaidanoo fee. Nanaree ani oori mianni qumidanoo fee.
88	GEN 4:8	Miqi qimasoofanoo Kainafa narí akaqa Abeerana qimaminoo qinau. Aninaqa aana fua. Miqanda moosaa oonureeqa Kainafa narí akaqa Abeerana kuqa arinau.
89	GEN 4:9	Arusoofanoo Anutufa Kaina iramirinoo qinau, ani akaqa Abeerafa yaifee maridanoo fee. Qufanoo Kainafa qinau, Abee qinee sia iridaqa, anee qiniara narí akaqasaa rakisimarifee fee qidanee.
90	GEN 4:10	Anutufa mina iriseenoo qinau. Kaina anee nanee mareenee. Anee iria, aneenna akaqa fidika maqasaa teeqiananoo. Mi fidikafa mina akiiqara iannee qimasee maqakiqari qini daaraifaqa iriqa.
93	GEN 4:13	Kainafa minara iriseenoo Anutuna qimaminoo qinau. Anee qummaara firaana qini qimiananoo sia qinee amana uqeeraanaura.
95	GEN 4:15	Karaambaiqa minara iriseenoo qimaminoo qinau. Sia miqifara, faiqí moo fannoo yafee ani arinnana qinee mina akiiqara dinni taikasee dinni ani qaaraqanda marasee naruanaura. Miqi qimaseenoo karaambaiqa Kaina afaaqasaa sia aruaqee akara quqanau.
96	GEN 4:16	Miqooqari Kainafa Anutuna oorisaaqari finoo Eedeena kadida aaqaqari suani oosana qaannai moo maqa maaqai mina auqu niku quqirausa nua maqusa fee qimarunnai finau.
97	GEN 4:17	Miqoo oonureenoo Kainafa narí anaaqa faqa faiqi moo akoonaiqi maqaseenoo mina auqu Eenookanee qinau. Kainafa narí anaaqa faiqi maqoo kari maqusa moo auquseenoo mi maqusana auqu narí amaaku amaranaikinoo Eenooka maqusa fee qinau.
104	GEN 4:24	Moo fannoo Kainana arinnana akiiaqara Anutufa dinni taikasee dinni ani qaara marasee 7 fasiqa naruannoo. Moo fannoo qini Rameekausa darinnana akiiaqara Anutufa fiqaramasee 77 fasiqa naruannoo.
105	GEN 4:25	Adamafa kaifaa narí anaaqa faiqi mara amisoofanoo amuaqu qaikinoo akoonaiqi moo maqaseenoo mina auqu Seetanee qinau. Miqi qimaseenoo mina anoofa qinau. Anutufa qini qimaaku moo qiminoo narí afasaana Abeerana amaaqa maqaanifeera qiminoo mifa Kainafa aruna amaaqa maqaannoo.
106	GEN 4:26	Seetafa innooqafinoo akoonaiqi Eenoosana maqanau. Eenoosafa maru kamuqooqari oosana arasee misa Anutunara innaaru qidaqa minara naaqura Karaambaiqee Yaawee fee qidaqa innaaru qimariqau.
115	GEN 5:9	Eennoosafa 90 aukuana maraseenoo akoonaiqi Keennana maqanau.
116	GEN 5:10	Keennana maqoo kamuqooqari Eennoosafa 815 aukuana maraseenoo mi kamuqoo akoonaiqi maanaaqa faiqi namu moomoo maqanau.
118	GEN 5:12	Mina amaaku Keennafa 70 aukuana maraseenoo akoonaiqi Maqarareerana maqanau.
119	GEN 5:13	Maqarareerana maqoo kamuqooqari Keennafa 840 aukuana maraseenoo mi kamuqoo akoonaiqi maanaaqa faiqi namu moomoo maqanau.
120	GEN 5:14	Keennana aukuana aiqama moodaanaki 910 maraseenoo kuqinau.
130	GEN 5:24	Eennookafa sia kuqinau. Kaaqa Anutunara rimarufa marufanoo Anutufa kaqimma afiqasoofanoo sia sia inau.
161	GEN 7:1	Karaambaiqa Nooana maaqi qimasee qimaminau. Anee aneenna aiku asauku faqa sipaki keeqaa. Maqa saaqaraasakiqari anee kai aneennaraa andeeqarafa mariana qafaidaqa.
174	GEN 7:14	Kaasau aandau oosana oosana faqa maaqeena aandau oosana oosana faqa ufini oosana oosana faqa firaa aandauqa faqa kaqikaa aandauqa faqa Nooana aiku asauku faqa sipaki keeqaqau.
180	GEN 7:20	Kaifaa innooqeenoo kisaaqa aaqana oori aaqaramaseenoo 7 meters amana ooru marinau.
183	GEN 7:23	Karaambaiqa aiqama ainaina maqasaaqaraa ainaina taika uqanna sanau. Faiqí anaasee faqa aandau faqa ufini faqa taikannisanau. Nooafa kai narí aiku asauku faqa narí sipakinaa ainainauqa faqa misa kai asumu mariqau.
191	GEN 8:7	Ufini fannoo sia kaifaa aninau. Kaqi kai qaqanoo nimarinau.
224	GEN 9:18	Nooana faiqi namu sipakiqari anusa nuqu maaqimminoo marinau. Seemmafa faqa Qammafa faqa Yafeetafa faqa mariqau. Qammafa Kannaana akoofa marinau.
228	GEN 9:22	(Yafeetafa indaaruqaafa Seemafa mina aanaaqianaafa marinau Qammafa inaaqianaafa marinau.) Qammafa Kannaana akoofa maridanoo anireenoo narí akoofa kaqi samu faiqaqee ufanoo oonu qafeenoo narí akaqaafasaaqara naaramaseenoo qimanniminau.
231	GEN 9:25	Iriseenooo maaqi qimasee aquraranau. Qinee ani amaaku Kannaanasaa aqurara ufa quqaanaura. Anee aneenna akaqaafasaauqa saika faiqi maria.
232	GEN 9:26	Miqi qimaseenoo Nooafa quandafinoo Qammana akaqaafasaa qarara maaqi qinau. Karaambaiqa Seemana Anutuna amooqirana amia. Kannaafa Seemana ainainira faiqi mariannoo.
233	GEN 9:27	Anutufa qinanoo Yafeetanakiqari moomoo kambiqafiqa mina faiqi namu Seemana faiqi namu faqa moodaanaki marifaranoo. Miqiqa marifanoo Kannaafa Yafeetana ainainira faiqi mariannoo.
237	GEN 10:2	Yafeetana faiqi namu nuqu maaqimminoo marinau. Koommafa faqa Makookafa faqa Madaifa faqa Yafanafa faqa Tubanafa faqa Meeseekafa faqa Tirasafa faqa mariqau. Mi fasiqausa ninaiqimara nisaifaqausa nariqa ninaakusa nuqu maree mariqau.
238	GEN 10:3	Koommanasaaqari kambiqoo maqannaasa nuqu Asakeenasa maqannaasa faqa Rifata maqannaasa faqa Tookaramma maqannaasa faqa mariqau.
241	GEN 10:6	Qammana faiqi namu nuqu maaqimminoo marinau. Kusafa faqa Isipafa faqa Ribiafa faqa Kannaafa faqa mariqau. Mi fasiqausa ninaiqimara nisaifaqausa nári ninaakusa nuqu maree mariqau.
242	GEN 10:7	Kusana faiqi namukiqari kambiqoosa Seebaa maqannaasa faqa Qafiraa maqannaasa faqa Sabataa maqannaasa faqa Rammaa maqannaasa faqa Sabateeka maqannaasa faqa mariqau. Rammanasaaqari kambiqoosa Seebaa maqannaasa faqa Deedana maqannaasa faqa mariqau.
243	GEN 10:8	Kusafa akoonaiqi Nimaroodana maqanau. Nimaroodafa findifinoo maa maqa maaqanaki indaaruqaa rakira karaambaiqa marinau.
244	GEN 10:9	Karaambaiqa dadaaqufanoo mifa amudaanai qimasee uaqee marufa marinau. Miqi marunara faiqí anaasee maaqi qimasee akaqausara qimariqau. Karaambaiqa fannoo ani Nimarooda fara foora kaaqa amudaanai qimasee uaqee mari fara foora maisaannoo.
246	GEN 10:11	Miqoo mariufanoo Nimaroodafa Asiria maqa maaqai oonureenoo Ninifee maqusa faqa Reehoobootaira maqusa faqa Karaa maqusa faqa Reeseena maqusa faqa auqinau.
247	GEN 10:12	Reeseena maqusa fannoo Nineefee maqusa dinni marifanoo Karaa firaa taunna dinni marifanoo qambaana maridanoo.
249	GEN 10:14	Patarusa maqannaasa faqa Kasaru maqannaasa faa Kareetee maqannaasa faqa mariqau. Firistia maqannaasa Kareetee maqannaasakiqari kambiqarausa mariqau.
250	GEN 10:15	Kannaana faiqi namu nuqu maaqimminoo marinau. Indaaruqaafa Sidoonafa marinau. Mina aanaaqiannaafa Heetafa marinau. Miqanda nári ninaakusa nuqu marasee mariqau.
251	GEN 10:16	Kannaafa Yeebusa maqannaasa faqa Amoora maqannaasa faqa Kirakasa maqannasa faqa ninaakufa marinau.
253	GEN 10:18	Arafada maqannaasa faqa Seemara maqannaasa faqa Qamata maqannaasa faqa mariqau. Kannaa maqannaasa moomoo oosana rainafufaqa aiqama maqa maaqaki daraanimambi mariqau.
254	GEN 10:19	Mariufaqa Kannaana saaqari kambiqarausa misa maru maqana dinni ati Sidoona maqusaki marufanoo suani dinni ataaqeenni Keeraa maqusa Kasaa maqusa aaqa maruna raquru aminoo marinau. Miqooqari suani oosana qaannai Soodoomma maqusa faqa Koomoora maqusa faa Adama maqusa faqa Seeboima maqusa Rasaa maqusa aaqa marunnai dinni ati marinau.
258	GEN 10:23	Arammana faiqi namu Qusa maqannaasa faqa Huraa maqannaasa faqa Keeteera maqannaasa faqa Meeseekaa maqannaasa faqa mariqau.
272	GEN 11:5	Mi maqusana auquseeqa kisaaqa maaqa faqa usakasoofanoo Karaambaiqa qumu nindafeenoo maaqi qinau.
276	GEN 11:9	Mi maqusana auqu Babiroonnia fee qimariqau. Miqoo karaambaiqa fannoo misa ufa furufaramma nimaqoonara miqi qimasee auqu raqau. Miqoo maruna Karaambaiqa furufaramma nimaqasoofaqa aiqama maqa maaqaki daraaniqau.
298	GEN 11:31	Teeraafa narí amaaku Abarammana faqa Qarana amaaku narí anaiqi Rootana faqa Abarammana anaaqa narí aanaakuqu Sarai nammarina faqa Babiroonia maqa maaqaki Uraa maqusaindari nifiqeenoo Kannaana maqa maaqai fiqau. Teeraafa narí aiku asauku faqa Kannaana maqa maaqai fuanee qimasee Qarana auqu amarana maqusai oonu aana kasaaqai mariqau.
300	GEN 12:1	Abarammana akoofa Teeraafa kuqufanoo Karaambaiqa Abarammana qimaminoo qinau. Aneenna maqa faqa aneenna aiku asauku faqa aneenna akoona maqa maaqakinaa ainaina faqa quqasee minniseenana maqa maaqa moo uqafiqaanana miqoo fua.
303	GEN 12:4	Abarammafa 75 aukuana maraseenoo Qarana maqusa minniseenoo Kannaana maqa maaqai Karaambaiqa qimamundee inoo fufanoo Rootafa mina faqa finau.
304	GEN 12:5	Abarammafa narí anaaqa Sarai nammarina faqa narí akaqa faiqi Rootana faqa narí moomoo qumiasana ainainira faiqiuqa faqa nifiqeenoo Arana maqasaa mariuna nifiqeenoo Kannaana maqa maaqai finau.
305	GEN 12:6	Misa Kannaana maqasaa oonuroofanoo Abarammafa oonuree aniree inoo niniiufanoo Seekeemma maqa maaqaki naaquqara maqusasaa tatufirana suqee maruqoo Mooree maqa maaqaki naaquqara saqari atukaki aniranau. Mi aukuanna Kannaana maqannaasa mi maqa maaqanaki kaqi mariqau.
306	GEN 12:7	Abarammafa mi maqusanai oonu marufanoo Karaambaiqa akooqoo mina afusaa kooroomafinoo qimaminau. Qinee maa maqa maaqanara ani qimamunnana ani aiku asauku nimianaura. Miqi qimasoofanoo Abarammafa miqoo mina afusaa kooroou Karaambaiqana tatufirana suqa amira qainda auqusee tatufirana suqa aminau.
307	GEN 12:8	Suqa amiseenoo Abarammafa findifinoo aaqana maqa maaqai ooru finau. Beeteera maqusa fannoo suani keeqoo qaannai marufanoo suani oosana qaannai Ai maqusa marufanoo qambaanai narí uiqaana maqa usakanau. Usakaseenoo miqoo Karaambaiqa aadau tatufira ooni qainda faqa auquseenoo Anutuna aaramaseenoo innaaru qimarinau.
308	GEN 12:9	Miqinoo faiqanoo fifiiufanoo suani afu dinni ataaqeenni Kannaana maqa maaqa dinni atinni Isipa maqa maaqa oosira qaannai ooquranau. Neekeefa maqasaa ooqu finau.
309	GEN 12:10	Miqoo marufanoo aandaroo firaafa Kannaa maqannaasa narinau. Abarammafa mina qafoofanoo mandaikufanoo narí aiku asauku faqa narí ainaina namu faqa Isipa maqasaa ooqu finau.
316	GEN 12:17	Faraoofa Sarai nammarina maroonara Karaambaiqa fannoo oosana oosana manda aurirana Faraoona faqa mina maaqaki marusaki faqa quqanau.
320	GEN 13:1	Abarammafa Isipa maqa maaqakiqari suani afu dinni ataaqeendari dinni ataaqeenni Kannaana maqa maaqai qumurandee narí anaaqa faqa Rootana faqa narí aiqama qumiasana faqa maree finau.
323	GEN 13:4	Ooqai mifa miqoo tatufira qainda auquqoo ooqureenoo Karaambaiqa innaaru qimamaqanau.
326	GEN 13:7	Miqiqa marufanoo Abarammana aandausaa rakisi marusa faqa Rootana aandausaa rakisi marusa faqa andanda narana saara tinooriqau. Mikari Kannaana maqannaasa faqa Peerisa maqannaasa faqa mi maqanasaa kaqi mariqau.
329	GEN 13:10	Miqi qimasee qimamufanoo Rootafa afu maqaidanoo Yooradanna noopundu dinni marufanoo Sooara maqusa dinni marufanoo mi qambaanna nammari moomoo marinau. Karaambaiqa kadidakiara foora moomoo nammari marinau. Amiqinoo maridanoo Isipa maqa maaqara foora marinau. Mi aukuannai Karaambaiqa Soodoomma maqusa faqa Koomoora maqusa faqa sia naru kammuqoo Rootafa mi maqa maaqana qafanau.
331	GEN 13:12	Abarammafa Kannaana maqa maaqai kaqi marufanoo Rootafa Soodoomma maqusa aaqa maqusauqa dinni dinni marufanoo qambaana noopunduki narí uiqaana maqa usakanau.
332	GEN 13:13	Soodooma maqannaasa kaaqa mandainaina maree marusa maridaqa. Karaambaiqa afusaa oosana oosana mandainaina uqanna auqee mariqau.
333	GEN 13:14	Rootafa fifufanoo Karaambaiqa Abarammana qimaminoo qinau, anee mariannaqooqari amiqimmasee aiqama atinai aiuqia.
337	GEN 13:18	Abarammafa minara iriseenoo narí uiqaana maaqa rapeemma mareenoo Heebaroona maqa maaqaki Mamareena saqariuqa atukaki ooqureenoo miqoo Karaambaiqa tatufira qainda ooninnai auquseenoo tatufirana suqa aminau.
338	GEN 14:1	Mi fasannai Amarafeerafa Babiroonia maqannaa karaambaiqa marinau. Mi aukuannai Eerasaa maqannaa karaambaiqa Ariookafa faqa Eeramma maqannaa karaambaiqa Keedooraoomafa faqa Kooimma maqannaasa karaambaiqa Tidarafa faqa minamusa aiqama nári sundiauqa moodaanaki nifiqeeqa Soodooma maqannaasa narirara fiqau.