76	GEN 3:20	Faiqí fannoo narí aanaaqara maqasaa qaraa fasiqa anaasee ninoo fee qimaseenoo auqu Eewanee qinau. (Mi auquna oosana aiqama faiqí faiqi ninoo fee qidanoo.)
77	GEN 3:21	Karaambaiqa Anutufa aandau apata qumareenoo minannai qamunnara foora auqeeqeennoo Adamana faqa narí anaaqa Eewana faqa niminau.
80	GEN 3:24	Anutufa Eedeenna kadidakiqari Adamasa Eewasa niqiqoofaqa fufanoo suani oosana qaannai kadida atinni naaru marira saqari fainnai fimaru aannanasaa angiroouqa quqasoofaqa ida auru arira paipana uaqeeidaqa faiqí minni fifoora ruki tataaka imariqau.
81	GEN 4:1	Adamafa narí anaaqa Eewana faqa aana numasoofanoo amuaqu qaikinoo faiqi maqaseenoo mina auqu Kainafee qinau. Maqaseenoo Eewafa qinau, Anutufa dadaaqifaqa qinee faiqi akoonaiqi maqeeqa.
106	GEN 4:26	Seetafa innooqafinoo akoonaiqi Eenoosana maqanau. Eenoosafa maru kamuqooqari oosana arasee misa Anutunara innaaru qidaqa minara naaqura Karaambaiqee Yaawee fee qidaqa innaaru qimariqau.
190	GEN 8:6	Qaara fasiqa niku nisauku taikasee 40 faasaana aiqaroofanoo Nooafa winduaqa atuaseenoo ufini kaammeesa fooqaana mara aqinau.
362	GEN 15:1	Rakirana taikaseenoo marufanoo Yaaweefa Abarammana afu pisipasa mandeenoo qimaminau. Abaramma anee sia rufiaa. Qinee ani saqariara foora anisaa ititafuananoo sia moo fannoo ani aruannoo. Qinee mina akiiqara firaa ainaina ani amianaura.
367	GEN 15:6	Abarammafa Yaaweena mi ufana iriseenoo narí saqarikirana mi ufanasaa rusisee marinau. Miqunara Karaambaiqa asasammaseenoo Abarammana mareeqee narí aqoondikiranaki quqanau.
379	GEN 15:18	Doo aaqee mikari kai Yaaweefa Abarammana faqa moodaanaki kira ufa qinau. Qinee maa maqa maaqana ani aiku asauku nimianauranoo. Isipa maqannaa nammari dinni oosirafa ani rameeqeenoo firaa nammari dinni Eeufarateesa nammari mariannoo.
439	GEN 18:14	Nana ainainee moo ainaina Yaaweefa sia amana auqaannoo fee mifa amana aiqama ainaina auqaannoo. Qinee anoona ufa qidaqa, moo aukuana maa quqoonnasaa qinee kafaa aniraananoo Saraqa nammarifa akoonaiqi faiqi maqaannoo.
445	GEN 18:20	Miqi qimiriseenoo Yaaweefa Abaraqaammana akooqoo kooroommasee qimaminau. Soodoomma maqusanaasa faqa Koomoora maqusanaasa faqa manda oosana fiqaranoo marifaqa akaqausa minara nikoo uqanna qaifaqa qimaqimiafaqa iriqa.
455	GEN 18:30	Abaraqaammafa iriseenoo kafaa Karaambaiqa qimaminau. Qinee kaifaa ani qimamianana anee sia qiniara aanoo qia. Moodaa fasiqa aiku asauku taikasee qini qisauku qara taikasee 30 andeeqarausa marifana naqaa fee innaree. Yaaweefa iriseenoo qinau. Qinee 30 andeeqarausa paquriqa sia miqianaura.
474	GEN 19:16	Rootafa iriseenoo oonauqee anauqee imarufanoo mina aqoondiqara mina asauku faqa mina anaaqa asauku faqa mina araamunaqara faqa qumaree rarisameeqee aanai ubeekaqau. Yaaweefa Rootanara amuqusufanoo miqinau.
512	GEN 20:16	Miqi qimaseenoo quanda finoo Saraqa nammarina maaqi qimaseenoo qimaminau. Doo ani afasaana siruaa munnimma wan tauseenna (1,000) amiqa, maa ummaarafa taikainaqa ani faqa mariasa ani aaqarana sia mariifoo qiaqeera. Kafaa aiqamausa aniara sia mandoosana auqee maqi qiaqa.
513	GEN 20:17	Yaaweefa Saraqa nammarinaki kambiqoonara iriseenoo Abimeereekana, na aiku asaukukinaa aanaaseeuqa faiqi maqara aana ititasoofaqa faiqi maqarara sia amanaikiqau. Miqiqa marufanoo Abaraqaammafa Abimeereekanara Anutufinnai innaaru qufanoo Anutufa Abimeereekana faqa narí anaaqa faqa narí ainainira maanaaqauqa faqa misa aurirana taikannisoofaqa kafaa faiqi maqarana amanaikiqau.
562	GEN 22:14	Miqooqari Abaraqaammafa mi aaqanna auqu reenoo, Karaambaiqa nimira aaqanee qinau. Minara maqee mindaraasa maaqi qidaqa, Yaaweefa narí aaqanasaa nimidanoo fee qidaqa.
599	GEN 24:7	Yaaweefa innaarunaindaraa Anutufa qeeqa qikoona maqusaindaraana faqa qeeqa ainaina maqasaaqaraana faqa mara mareenoo maa maqa maaqanasaa quqaqoosa maridaqa. Mifa qima afeekaikammasee qini faqa qini qiku qisauku faqa maa maqa maaqana nimianauree qinau. Mifa narí angiroo aiqainanoo ani afunni finana ooru qini qimaaku anaaqa afiqee qumi naranoo.
604	GEN 24:12	Narí kammeerauqa quqaseenoo mi fasiqafa Yaaweenara innaaru qinoo qinau. Oo Anutu qini uriqararana Abaraqaammana Anutufa anee qini faqa maridana maqee qini dadaaqia. Anee qini uriqararana Abaraqaammana faqa qima afeekaika maqoonafa maqee anoonaikiani.
613	GEN 24:21	Kammeerauqa nammari nimi marufanoo Abaraqaammana ainainira fasiqa fannoo ireeda kai kasooinoo maridanoo qafaidanoo maaqi qimirinau. Doo fee Yaaweefa qinee kisaaqasaa anunnanara anoonai kidanoo fee.
680	GEN 25:21	Reebeeka nammarifa sia faiqi maqanau aafanaasee marinau. Isakeefa minara iriseenoo Yaaweenara innaaru qimarinau. Yaaweefa mina ufa iriseenoo dadaaqufanoo Reebeeka nammarifa amuaqu qaikinau.
682	GEN 25:23	Innaaru qufanoo Yaaweefa qimaminoo qinau. Qaara maqannaasa ani aranandaki maridaqa. Anee nariara nariara rairai qimariasa nikooqanda maqeennaranoo. Moo fannoo moo uriqarara afeeka faqaafa marianno. Akaqa fannoo afasaana rafaaqa fuaninafa mariannoo.
980	GEN 33:19	Usakaseenoo Yakooboofa mi maqana Amoorana Seekeemana akoona aiku asauku unnai wan handareeta 100 siruaa munnimmannoo feefaurinau.
1378	GEN 45:19	Faraoofa kafaa Yooseefaana qimaminau. Anee qinee ufa qunnana qimanniminaqa Isipa maqusaindaraa qoosa rarisee mari karausa faqa daraiwaa faqa mara maree ooru fuaqa. Minakina nári ninaaqmaaka faqa nári faiqi aanaaqiuqa faqa nári nikoona faqa mara quqasai ooqu marifiqa qumuaqa.
1380	GEN 45:21	Yakooboona amaaku mara Faraoofa qimannimundee kai iqau. Yooseefaafa Faraoona ufa iriseenoo qoosa rarisee maru karausa mara quqasoofaqa daraiwaa namu faqa aatata neefandinna narana faqa nimufaqa maree ooru fiqau.
1492	GEN 49:18	Yakooboofa Dannaanara miqi qimaseenoo Anutunara innaaru qinoo qinau. Oo Yaawee qinee ani dadaaqiranara afeesidaa.
1530	GEN 50:23	Mifa wan handereeta faqa qisauku qara faqa 110 maraseenoo kuqinau. Yooseefaafa miqoo maridanoo narí amaaku Eefaraimmana faiqi faqa qafanau narí anaiqi faqa narí afaqnausa faqa nindafanau. Yooseefaafa Mannaaseena faiqi Makirana faiqi namu narí afaqnausa marasee f irinau.
1533	GEN 50:26	Yooseefaafa Isipa maqa maaqaki maridanoo wan handeereeta faqa qisauku qara faqa 110 aukuana maraseenoo kuqinau. Kuqufufaqa misa sia kai kaqi putaa ianifeera mi marasinna aku amaqaseeqa bukisaki quqaqoofanoo marinau.
1595	EXO 3:15	Maaqi qimasee kafaa moo faqa qimannimia. Inni nikausa Abarahaammana faqa Isakeena faqa Yakooboona faqa Anutusa Yaaweesa maridaqa ani Isaraee maqannaa iannai ani aqiqaidaqa. Qini mi duqufa naaruara mariannoo. Kasooaqee kambiqainausa qini mi duquna reefaranoo.
1596	EXO 3:16	Anutufa kaifaa Mooseena qimaminoo qinau. Anee ooquree Isaraee maqannaa uriqararausa suqusee maaqi qimasee qimannimia. Yaaweefa inni ninaakusa Abarahaammana faqa Isakeena faqa Yakooboona faqa Anutusa qini qifusaa kooroo mafinoo qimaqiminoo. Misa qimannimia, qinee misa iannai aniree qafaunaqa Isipa maqannaasa qumaara moomoo nimimariafaqa qafaidaqa.
1598	EXO 3:18	Moosee anee Isaraee maqannaasa mi ufana qimanniminaqa irifara. Anee Isaraee maqannaa uriqararausa faqa nifiqamareenana Isipa maqannaa karaambaiqa marinnai oonuree maaqi qimasee qimamia. Maasa Heeburu maqannaasa Yaaweefa maasa Anutufa maasa qifusaa kooroo mafinoo qimanniminoo. Maqee anee maasara eedoo qinaqa qaaramoo faasaana aadana maqa maaqaki oonuree maasa Yaaweena maasa Anutuna tatufirana suqa amianee qia.
1603	EXO 4:1	Mooseefa Anutuna ufa iriseenoo kaifaa iramirinoo qinau. Misa Isaraee maqannaa sia qini ufa qaindusia, sia qini ufa iria qiniara unna fee qimasee Yaaweefa sia ani afusaa kooroo ifana unna qiaanoo qifaqa qinee naqifee ianauree. Naqifee ianaqee misa qini oosana qafee fee kuqaa fee qifaree.
1607	EXO 4:5	Miqooqari Yaaweefa Mooseena qimaminau. Anee ooqu Isaraee maqannaa nifusaa miqinaqa misa qiniara Abarahaamana faqa Isakeena faqa Yakooboona faqa misa Yaaweefa misa Anutufa kuqaa ani afusaa kooroo iifoo qifaranoo.
1608	EXO 4:6	Yaaweefa kafaa Mooseena qimaminau. Anee aneenna siutaki asauku upeekaa. Miqi qufanoo Mooseefa miqimminau. Asauku upeekaseenoo radukusee qafoofanoo asaukumau aiqama namuandaundau inoo marufanoo qafanau.
1612	EXO 4:10	Mooseefa Yaaweena ufa iriseenoo qimaminau. Oo Yaawee sia qini diiqaa. Qinee ooqaindari sia amiqimmasee faiqí nifusaa ufa qunausa maridaqa. Maqee anee qini qima qimiannaqooqari sia mifa qini mareeqee ufa qimarunausaikamma qiseenoo. Qinee sia ufa qunausa ufara mamma qimarunausa maridaqa.
1613	EXO 4:11	Miqi qufanoo Anutufa Mooseena qimaminoo qinau. Yafee nifauru nimidanoo fee. Yafee sia ufa qiasaika faqa naaqoo qaunirausaika faqa mannisaidanoo fee. Yafee nifu maqarana faqa nifu dimbarana faqa nimidanoo fee. Qinee Yaaweesa kai miqidaqa.
1615	EXO 4:13	Mooseefa kaifaa Yaaweena qimaminoo qinau. Oo Yaawee anee moo aqiqainanoo fuani.
1616	EXO 4:14	Yaaweefa mina iriseenoo aranaqoofanoo qinau. Doo amana ani afasaafa Aaroonafa Reefina atikinaafa andeeqasee ufa qimarifa marifaqa qinee iridaqa. Mifa maqee aniara randanoo anidanoo. Mifa ani paqurimandee asasiannoo.
1620	EXO 4:18	Mooseefa Yaaweena ufa iriseenoo narí airaamaku Yeetaroo funnai oonureenoo qimaminoo qinau. Amanee qinee Isipa maqusai kafaa anirandee oonuree qeeqa ainaina niqafaanauree. Misa kaqi fee maridee doo fee kuqia. Miqiqufanoo Yeetaroofa iriseenoo eedoo qimasee aiqanau.
1624	EXO 4:22	Anee maaqi qimaseenana Faraoona qimamia. Yaaweefa maaqi qidanoo. Isaraee maqannaasa qini ooqa faiqiara foora maridammiaafoo qia.
1628	EXO 4:26	Miqimmasoofanoo Yaaweefa Mooseena sia arinau.
1629	EXO 4:27	Miqi qimarufanoo Yaaweefa Aaroona qimaminoo qinau. Anee aadana maqa maaqai fidana Mooseena paquria. Aaroonafa eedoo qimasee Anutuna naaquqara aaqanai ooru Mooseena paqurinau. Paqurimasee amooqa nanau.
1630	EXO 4:28	Amooqasoofanoo Mooseefa Isipa maqa maaqai fuanifeera Yaaweefa qimamuna faqa oosana oosana ainainara faqa Aaroona qimaminau. Yaaweefa faiqí sia amana auqaaqaa ira ainaina auqannee quna faqa Aaroona qimaminau.
1632	EXO 4:30	Quqaseeqa Yaaweefa Mooseena qimamu ufausa aiqama Aaroonafa qimannimisoofanoo Mooseefa faiqí sia amana auqaaqaa ira ainainauqa misa nifusaa auqanau.
1633	EXO 4:31	Isaraee maqannaasa Aaroona mi ufana iriseeqa kuqaa mifoo qiqau. Misa Yaaweefa misa unnai anunara nariqa firaa aupuraranara irisee kumma ramafufaqa innaaru qiqau.
1634	EXO 5:1	Innaaru qimasoofaqa Mooseesa Aaroonasa Faraoo funnai oonuree qimamiqa qiqau. Oo Faraoo, Yaaweefa maasa Isaraee maqannaa Anutufa aniara maaqi qinoo. Anee qini faiqi namu idukusainaqa aadana maqa maaqaki oonureeqa oomaqa mandee qiniara innaaru qidaqa qimooqiaqee qinoo.
1635	EXO 5:2	Faraoofa miqanda ufa iriseenoo qinau. Yaaweefa yafee. Nanaree mina ufara eedoo qimasee Isaraee maqannaasa niiqaana fifaree. Sia qinee Yaaweenara iridaqa. Minara qinee sia uqanna Isaraee maqannaasa niiqaanaura.
1636	EXO 5:3	Mooseesa Aaroonasa kafaa Faraoona qimamiqa qiqau. Maasa Heeburu maqannaasa Anutufa maasa qifusaa koorooinoo. Anee maasara eedoo qinaqa qaaramoo faasaana aadana maqa maaqaki oonuree Yaaweena maasa Anutuna tatufirana suqa amianaura. Maasa sia miqiananoo mifa firaa manda auriranannai fee firaa dariranannai fee maasa aiqama daruannoo.
1641	EXO 5:8	Maraseeqa sia oorudupi masee auquaqa. Aiqama kari auqi mariana amana kai auquaqa. Misa kudiki mariasa maridaqa qiniara maasa idukusainaqa maasa oonuree Yaaweena nári Anutuna tatufirana suqa amianee qidaqa.
1650	EXO 5:17	Faraoofa iriseenoo qimanniminau. Innee kudiki mariasa ainainiranara nikooqaifaqa qiniara maasa idukuqisainaqa Yaaweena tatufirana suqamianee qimariafanoo.
1654	EXO 5:21	Ani paqurimmasee qimannimiqa qiqau. Yaaweefa inniqara oosana qafamaseenoo mina akiiqara nimiannoo. Inneeqara oosana arasaafanoo minasaara Faraoofa narí rakisirausa faqa maasa daruannoo. Inneeqara Faraoofa maasa daruanifeera andaana rumasaafanoo daruannoo.
1655	EXO 5:22	Mooseefa misa ufa iriseenoo quandakufanoo oonureenoo Yaaweenara innaaru qinau. Oo Yaawee, anee naqaafee ifanee Isaraee maqannaa maa mandaikana mannimaqaidanee. Anee naqi fee ifanee qini mai diiqeenee.
1657	EXO 6:1	Yaaweefa Mooseena ufa iriseenoo qimaminau. Amana doo anee maqee qini oosana qafeennaranoo. Qinee Faraoona afeekaikammasee qimamiananoo qini faiqí anaasee idukusainaqa fifaranoo. Sia kaqi idukuannoo qinee qiananoo idukuseenoo fuki faaki qinaqa mina maqasaaqari quqasee fifaranoo.
1658	EXO 6:2	Anutufa kafaa Mooseena qimaminoo qinau. Qinee Yaaweesa maridaqa.
1659	EXO 6:3	Qinee Abarahaamana faqa Isakeena faqa Yakooboona faqa misa nifusaa aiqama afeeka faqaa Anutusa qeeqa duqu kooroo iqiafana. Qinee sia qeeqa fuka naaquqara duqu Yaaweesee qirana qimannimi qiafana.
1662	EXO 6:6	Moosee anee Isaraee maqannaasa maaqi qimasee qini ufa qimannimia, qinee Yaaweesa maridaqa. Innee Isipa maqannaa rumbaranaki mariana qinee inni idukeeqee asumu mariranaki quqannisaanaura. Qinee afeeka qisaukunnai manda aupurarana Isipa maqannaasasaa quqaanaura. Quqaseeqa inni Isaraee maqannaasa asumu maraanaura.
1664	EXO 6:8	Qinee inni nifieeqee kuqaa qima afeekaikammasee Abarahaammana faqa Isakeena faqa Yakooboona faqa nimianauree qiafannaqoo quqannisaanaura. Qinee inni nimiananoo mi maqafa innindi kammiannoo. Qinee Yaaweesa qidaqa.
1668	EXO 6:12	Mooseefa mi ufana iriseenoo Yaaweena qimaminoo qinau. Isaraee maqannaasa ririmma sia qini ufa iria naqaa fee masee Faraoofa iriannoo fee. Qinee ufa qirara mamma qimarunausa maridaqa.
1669	EXO 6:13	Yaaweefa Mooseena faqa Aaroona faqa qimanniminoo qinau. Inneeqara Isaraee maqannaasa faqa Faraoona faqa maaqi qimasee qimannimiaqa, qinee ani Mooseenara Isaraee maqannaasa Isipa maqa maaqaindaraana nifiqee fuannee qunnanara qimannimia.
1682	EXO 6:26	Yaaweefa Aaroonasa Mooseesara kai qufaqa Isaraee maqannaasa Isipa maqannaasa rumbarana kinaana nifiqa maree aniaqee qimaqoo qanda mariqau.
1684	EXO 6:28	Yaaweefa Isipa maqa maaqaki maaqi qimasee Mooseena qimaminau.
1685	EXO 6:29	Qinee Yaaweesa maridaqa. Anee Isipa maqanna kaaraambaiqa Faraoona aiqama qinee qunnufana qimamia.
1687	EXO 7:1	Yaaweefa Mooseena qimaminoo qinau. Qinee ani aiqaanana anee Faraoona afusaa Anutufara foora marinnaranoo Aaroonafa ani afasaafa ani tamummaqara fasiqara foora mariannoo.
1691	EXO 7:5	Qinee Isipa maqannaasa naruseeqa Isaraee maqannaasa misa maqa maaqaki mariana nifiqee fuanaqa Isipa maqannaasa qinee kai Yaaweesa marunnanara misa irifaranoo.
1692	EXO 7:6	Mooseesa Aaroonasa Yaaweena ufa iriseeqa doo miqimmiqau.
1694	EXO 7:8	Yaaweefa Mooseesa Aaroonasa qimanniminoo qinau.
1696	EXO 7:10	Mooseesa Aaroonasa Faraoo funnai oonuree Yaaweefa qimannimundee qiqau. Aaroonafa narí saunu Faraoona faqa mina uriqarara fasiqauqa faqa nifusaa aqusoofanoo sakani kinau.
1699	EXO 7:13	Faraoofa mina qafamaseenoo Yaaweefa qundee inoo kaukaata qira irirafa kaqi minaki marufanoo sia Mooseesa Aaroonasa ufa irinau.
1700	EXO 7:14	Sia irufanoo Yaaweefa kafaa Mooseena qimaminoo qinau. Faraoofa kaaqa kaukaata qira irirafa minaki marifanoo idukirara akooqaidanoo.
1702	EXO 7:16	Paquri maseeqa maaqi qimasee qimamiaqa. Yaaweefa Heeburu maqannaa Anutufa maaqanda diqiqaifaqa Isaraee maqannaasa anee idukusainaqa aadana maqa maaqai oonureeqa qiniara innaaru qiaqee qifaqa ani qimamidaqa. Anee sia iri mariananoo.
1703	EXO 7:17	Maqee Yaaweefa aniara maaqi qidanoo. Anee qinee auqaanna ainaina qafamasee anee qiniara Yaawee fee qimasee irinnaranoo. Anee qafainaqa qinee nammari amuaqu maa saununannoo rukamu amiananoo nammari fannoo fidikaika miannoo.
1705	EXO 7:19	Yaaweefa Mooseena kafaa qimaminoo qinau. Anee Aaroona maaqi qimasee qimaminanoo narí saunu qumaree aiqama nammariuqa faqa oorakinaa nammariuqa faqa akammandira nammariuqa faqa aiqama nammari amummaqa uqeeraani. Nammari fannoo aiqama fidikaika kai mafuannoo. Aiqama Isipa maqa maaqakinaa nammariuqaki fidika kai mariannoo. Difaaniki faqa afeeki faqa sakaqainafa faqa kai fidika aruannoo.
1706	EXO 7:20	Mooseesa Aaroonasa Yaaweefa qima nimundee iqau. Faraoona faqa mina uriqarara rakisirausa faqa nifusaa Aaroonafa narí saunu uqeeraseenoo nammari amuaqu arufanoo aiqama mi nammarisa fidika kai arinau.
1708	EXO 7:22	Faraoona afunee fasiqauqa nariqa afuneennoo Aaroonafa undee iqau. Miqufanoo Faraoofa Yaaweefa qundee inoo kaukaata qinoo Mooseesa Aaroonasa ufa sia irinau.
1712	EXO 7:26	Yaaweefa kafaa Mooseesa Aaroonasa qimanniminoo qinau. Inneeqara Faraoo finnai oonuree maaqi qimasee qimamiaqa. Yaaweefa aniara maaqi qidanoo. Anee qini qiku qisauku idukusainaqa misa qiniara innaaru qidaqa qimooqiaqee qinoo.
1716	EXO 8:1	Yaaweefa kafaa Mooseena qimaminau. Anee Aaroona maaqi qimasee qimamia. Doo aneenna saunu uqeeraseenana aiqama nammari faqa oorakinaa nammari faqa aka mandira nammariuqa faqa uqeera uqafiqasainanoo eeqamoosa fannoo moomoo urureenoo Isipa maqa maaqa rafaaqa fuani.
1719	EXO 8:4	Faraoofa eeqamoosara akooqoofanoo Mooseena faqa Aaroona faqa naaramasee qimanniminau. Inneeqara oonu Yaaweenara innaaru qimasaifanoo kafaa eeqamoosa niiqaani. Eeqamoosa aiqama niiqamasainaqa qinee Isaraee maqannaa karabusakinaana idukusaanaqa oonureeqa Yaaweena aandau tatufirana suqa amiaqa.
1721	EXO 8:6	Faraoofa iriseenoo duna kai innaaru qiannee qufanoo Mooseefa iriseenoo qimaminau. Anee qianandee ianaura. Miqianana anee mina qafamaseenana sia moo maqasaa anutufa Yaaweena maasa Anutuna fooqaafa maridanoo fee qimasee irinnaranoo.
1723	EXO 8:8	Mooseefa faqa Aaroonafa faqa Faraoona maaqakiqari raudeeqa oonuroofanoo Mooseefa Yaawee funnai eeqamoosa Faraoona faqa narí maqannaasaki faqa quqaqoona taika nisaanifeera innaaru qinau.
1724	EXO 8:9	Yaaweefa Mooseefa iroondee inau. Aiqama maaqakinaa eeqamoosauqa faqa maaqa naambeeqa qara maru eeqamoosausa faqa maaqa saqama atiqara marusa faqa aiqama qufaqa kuqu taikaqau.
1726	EXO 8:11	Eeqamoosa kuqu taikafufanoo Faraoofa qafamaseenoo Yaaweefa qundee inoo kaukaata qimaseenoo sia Mooseena faqa Aaroona faqa ufa irinau.
1727	EXO 8:12	Yaaweefa Mooseena qimaminoo qinau. Aaroona maaqi qimasee qimamia. Aaroona anee aneenna saunu qumaree maqa rupeemma aminanoo kookooma fannoo quandaki aakukaikamafi Isipa maqa maaqaki umbiqaani.
1731	EXO 8:16	Yaaweefa Mooseena kafaa qimaminoo qinau. Duna kananaana uqanna Faraoofa nammari auqarara ooqu fuannoo. Anee kananaana findifinana ooqureenana paqurimasee maaqi qimasee qini ufa qimamia. Faraoo Yaaweefa aniara maa ufana qinoo. Anee qini qiku qisauku idukusainaqa qini qimoo qiaqee qinoo.
1733	EXO 8:18	Miqi mafinaqa qinee Kooseena maqa maaqaki qini faiqí anaasee mariasasaa ititasaana sia faufaari iannoo. Qinee miqianana anee qini Yaaweesara mi maqa maaqanaki maridanoo fee qinnaranoo.
1735	EXO 8:20	Kananaana Yaaweefa qufaqa faufaari moomoo uqanna nukudara foora anireeqa Faraoona ufa irira maaqaki faqa mina ainainiranasaa rakisi marusa maaqakiaqa faqa aiqama Isipa maqa maaqaki faufaari fannoo mandaika uqanna masanau.
1737	EXO 8:22	Mooseefa narí qimaminoo qinau. Maasa sia amana miqianaura. Isipa maqannaasa Yaaweena maasa Anutuna tatufirana suqa amiranara nikooqaandoora. Maasa maa aandausannoo tatufirana suqarafa Isipa maqannaasa nikooqarana nimianaqa maasa qiqafamaseeqa oonisamu maasa kuqa darifoora.
1738	EXO 8:23	Maasa qaaramoo faasaana aadana maqa maaqaki oonuree aandau tatufirana Yaaweena maasa Anutuna narí qimannimundee kai iqa suqa amianaura.
1739	EXO 8:24	Faraoofa iriseenoo qinau. Doo amana innee aadana maqa maaqai oonu maridaqa aandau tatufirana suqasee Yaaweena inneeqa Anutuna amiaqa. Sia nianai fuaqa, adeedi maridaqa innaaru qidaqa qiniara faqa innaaru qiaqa.
1740	EXO 8:25	Mooseefa Faraoona ufa iriseenoo qimaminau. Ani maaqakiqari raudeeqa qumureeqa innaaru qianaura. Duna kananaana faufaari taikaannoo. Ani maaqaki faqa ani ainainiranasaa rakisirausa maaqaki faqa ani maqannaasa maaqaki faqa duna kananaana taikaannoo. Faraoo sia kaifaa unna qimaseenana qaoo qia. Isaraee maqannaasa Yaaweena tatufirana suqamiranara sia kafaa qaoo qia.
1741	EXO 8:26	Miqi qimaseenoo Mooseefa Faraoona maaqaki aiseenoo raudamafinoo Yaaweenara innaaru qinau.
1742	EXO 8:27	Yaaweefa Mooseena irara ufa iriseenoo faufaari Faraoona maaqakinaana faqa mina ainainiranasaa rakisi marusa maaqakinaana faqa mina maqannaasa maaqakinaana faqa aiqama taikannisanau. Sia moodaa faufaari kaqi marinau.
1744	EXO 9:1	Anutufa kaifaa Mooseena qimaminau. Anee Faraoo finnai oonureenana maaqi qimaseenana qimamia. Oo Faraoo, Yaaweefa Heeburu maqannaa Anutufa aniara maaqi qidanoo. Anee qini qiku qisauku idukusainaqa qiniara innaaru qimaseeqa qimooqiaqee qinoo.