23879	MAT 20:18	“Ninigige! Namonde amó Jerusalem reisi-vitifore. Yavua bubadora mo, Enembo da Jojabee dubo ata, fristida* kokotofude kotú Moses da Gaga Irugari kakatodemi* umonu bua, data amburari-du regegaita rousue.
23949	MAT 22:8	Anada ambova, unda sabua kakatodu retue, ‘Yagera ari banau aná simbugetore. Tago, banauva fufugari-du retora enembo dano akokogo re. Eini jo furá anda banau undari inono irambi re.
24048	MAT 24:22	Aghá re-tago, fefera veveragha jo yafabe ambi aita rouvie. God da ririeta vitia, aná eghá re. Yafabe irasua mo, natofo eini jo irambi, dano manjasue. Avotago, God unda natofo gateguturia-du rirota, mema furaita rouvia, jo numbobe irambi aita rouvie, ririe.
24125	MAT 26:2	“Nímane reisi-geravore, fefera ungaghada ambova Serigea Yarida Banau* urota, Enemboda Jojabee* kivumi gitofodava utota ifatarava data amburaita rouvie.” aghá ririe.
24128	MAT 26:5	Tago, númane eghá regeguturie, “Namonde amó jo Serigea Yarida Banauda feferava ambi aita rosore. Anada bee mo, enembo oruaruabe desaita rousua-mi neno akuago ea, umó sorea namonde tataya egegauveta!”
24140	MAT 26:17	Yisti Tama Arida Banauda* rifo tutunova, unda ambo nimbi furia, undú uriga egeguturie, “Námane kambesi niavo ya, Serigea Yarida Banau simbugota undaita uno ro?”
24141	MAT 26:18	Aghá regeguturieta, umó mino ririe, “Igige, ená bogu naa rorova igiguturota, embó eini anda isuri aita rora-nu tambua, eghá regege, ‘Irugari kato, unda fefera bubia-du, unda ambo nimbide Serigea Yari Banau inda kambova undidigaita rousue,’ aghá regege!”
24142	MAT 26:19	Aghá ririeta, unda ambo nimbi unda riria aghagonu ea, Serigea Yari Banau simbuguturie.
24143	MAT 26:20	Jama urieta, Iesu unda ambo nimbi 12 de aria, aná kambova bubua, Serigea Yari Banau undidiguturie.
24213	MAT 27:15	Serigea Yari Banauva*, gavanada evovo mo, dibura enemboda rorova, enembo eini natofoda uno egegarinu, doaveta bubuta urie.
24486	MRK 6:10	Ya, naa einiva bubua, kambo niavo teterugota, enembo ‘Orokaiva!’ rirota, ghaito teno fufugegea gangorogha nímane bubugadua mo, aná kambova iririguturota, buro egegadi! Sidara ata, aná naa doa igige!
24690	MRK 10:33	Iruguturota, eghá ririe, “Niningige! Namonde amó Jerusalem reisi-vitifore. Yavá bubadora mo, Enemboda Jojabee* dubo ata, fristida* kokotofude kotú Moses da Gaga Irugari kakatodemi* umonu bua, data amburari-du regegaita rousue. Aghá ea, namonde amó Jiusi enemboda gitofoda ingova itaita rousue.
24806	MRK 13:20	Aghá re-tago, fefera veveragha jo yafabe ambi aita rouvie. God da ririeta vitia, aná eghá re. Yafabe irasua mo, natofo eini jo irambi, dano manjasue. Tago, God unda natofo gateguturia-du rirota, mema furaita rouvia, jo numbobe irambi aita rouvie.
24824	MRK 14:1	Serigea Yarida Banau*, kotú Yisti Tama Arida Banau jo ambi, fefera ungagha dibeva irieta, fristi* maneda kokotofude, Moses da Gaga irugari kakatode* Iesu nenomi nandia data amburari-du manaka gaegeguturie.
24825	MRK 14:2	Aghá urota, eghá regeguturie, “Namonde amó jo Serigea Yarida Banauda feferava ambi aita rosore. Anada bee mo, enembo oruaruabe desaita rousua-mi neno akuago ea, umó sorea namonde tataya egegauveta!”
24835	MRK 14:12	Yisti Tama Arida Banauda* rifo tutunova, oka sifi memendinu aná Serigea Yarida Banaudu dea bureta egeguturia anava, Iesu da ambo nimbimi undava uriga egeguturie. “Námane kambesi niavo ya, Serigea Yarida Banau simbugota undaita uno ro?”
24837	MRK 14:14	Umó niavo teradua, kambesi dabako avo teterugea, aná kambo tofodu eghá regege! ‘Irugari kato eghá retue, “Amó kambesi doda terua, anda ambo nimbide dano Serigea Yarida Banau simbugea undidiga?” ’
24839	MRK 14:16	Aghá ririeta niningigea doa, unda ambo nimbi erea aria, Jerusalem teterugea, Iesu da daiyagha riria, aghagonu siroruturieta, ungá Serigea Yarida Banau avo simbuguturie.
24901	MRK 15:6	Atá, Serigea Yari Banauda* feferava Pailat ghaeko inono eghá eta urie. Natofo jede fuava, dibura ea irari enembo avodu uno ea rari mo, Pailat na doaveta fuava isaghava bubua igigeta urie.
24924	MRK 15:29	Enembo iru-furu urota, beforo biru-biru urota, Iesu gia kuvia gegha regeguturota, yovero regeguturie, “Yove, yove! Imó God du Tafaroro Ari Kambo* righia bejea, fefera bakodeda rova righota erea jirari gaa reta ureravoreta,
24965	LUK 1:3	Avore, amó beago donu siroruturia-nu tutunovareta kuvia geruta refere-gea, ená gaga simbugea gembua indú utasira, aná taubana re. Ená gaga utaita rora-nu iruguturota, imó donu niningara-da bee tanana ea goghó adi rei-gefere. Yata bua gi!
25083	LUK 2:41	Ghaeko inono Iesu da nue numamogha Serigea Yari Banaudu* rea, Jerusalem igigeta urie.
25374	LUK 9:4	Ya, naa einiva bubua, kambo niavo teterugota, enembo ‘Orokaiva!’ rirota gangorogha nímane bubugadua, aná kambova iririguturota, buro egegadi! Sidara ata, aná naa doa igige!
25934	LUK 22:1	Banau* fefera eini unda ragaro ungagha, Yisti Tama Ari Banau kotú Serigea Yari Banau regegeta uria-mi, furia uutuva ua-du rea, fristi* maneda kokotofu, kotú Moses da Gaga Irugari kakato* tutuno ea, Iesu dedegaita rirota, emboro dumeni tava egeguturie. Natofo jededu oru egeguturota, umonu nenomi dedegaita nundubuturie.
25940	LUK 22:7	Yisti Tama Ari Banauda fefera furia buburiturieta, enembo Serigea Yari Banaudu sifi memendi dea burasuada rifo atiturie.
25941	LUK 22:8	Aghade, Iesu na Pita ungá Jon gha ninenguturota, eghá ririe, “Igige, Serigea Yarida Banau simbugadi, namonde undidigore!”
25942	LUK 22:9	Iesu aghá riria-du, ungá uriga urie, “Námane kambesi niavo Serigea Yari Banau simbuga?”
25944	LUK 22:11	aná kambo tofodu eghá regege! ‘Irugari katomi eghá retue, “Umó kambesi niavo terua, unda ambo nimbide Serigea Yari Banau simbugea undidigadu?” ’
25946	LUK 22:13	Iesu aghá ririeta niningigea erea aria, Iesu da daiyagha riria, aghagonu isagha urieta, ungá Serigea Yarida Banau avo simbuguturie.
25947	LUK 22:14	Serigea Yari Banau undari fefera furia buburiturieta, Iesu unda ambo nimbide dano terua, faro kasava asusumbea ovenembea undidiguturie.
25948	LUK 22:15	Asusumbuguturia-da ambova, Iesu eghá ririe, “Amó oreki mema jojabe, kotú bouvube itatama aita rora-da dibeva, amó ená Serigea Yari Banau namonde danode undaita uno bee rore.
26177	JHN 2:13	Avo iririgutueta, Jiusi enemboda Serigea Yari Banauda fefera utua uria-du, Iesu erea, Jerusalem yavurie.
26187	JHN 2:23	Serigea Yari Banauda* feferava, umó Jerusalem irirota, ivata dumeni urieta siroruturieta, enembo oruaruabe gigigea, umó gaabee egeguturie.
26197	JHN 3:8	Yauranu nundubea gigo! Yaura unda uno niavo yaita ariva iru-furu uaveta, eronu ningita roravore. Aghá-gea, umó niavo reiya o niavo reifia, imó jo gambi eta roravore. Gari dabako aghagonu, God da Asisi unda unomi iru-furu urota, reaveta enembo dumeni jebugeta rousue,”
26270	JHN 4:45	Umó aria, Galili Frovensiva teterueta, natofomi umó gigiguturie-gea, “Orokaiva!” regeguturota, ghanena egeguturie. Anada bee mo, Serigea Yari Banauda* feferava, númane beago avo Jerusalem iririguturota, Iesu da daiyagha uria númane gigiguturie.
26330	JHN 6:4	Fefera aghade, Jiusi enemboda banau ragaro Serigea Yari Banauda* fefera furia utuva urie.
26345	JHN 6:19	Yaura yavata sufieta, námane davea, 7 kilomita aghagonu arera, rorova buburitueta, Iesu vorea, uvu etova deĩ ea, námanda ghaa kena furueta gigigea, oru egeguturere.
26516	JHN 9:7	aná embódu ririe, “Ii, kambesi ragaro Siloam kotova avo inda dibe seghadi!” (Siloam rera-da bee mo, namonde anda gaami aná “Ninengota Yari” regegeta rousue.) Aghá ririeta, aná embó aria, aná kotova dibe seseghurieta fangiturieta, geruta naava arie.
26572	JHN 10:22	Yaurada feferava, God du Tafaroro Ari Kambo* Seseghuria-da Banau buburiturie. Banau aita uua-du, Iesu avo Jerusalem vitirie.
26647	JHN 11:55	Námane Jiusi enemboda Serigea Yari Banau* fefera furia, utuva urieta, enembo oruaruabe númanda naa dodogea, Jerusalem yayavuguturie. Númane banau feferada dibeva bubua, númanda sembago mane seseghegaita rea, igiguturie.
26650	JHN 12:1	Fefera ingo yoveni, yoveniva dabako sidara ata-gea, Serigea Yarida Banau* egegaita ueta, Iesu Betani arie. Iesu da ririeta amburarivareta jebugea eroruria embó Lasarus, aná naava irita urie.
26661	JHN 12:12	Enembo oruaruabe Serigea Yari Banauva* fufuguturia-mi, fefera eini Iesu da furari bingá niningiguturie. Avore, Iesu Jerusalem bogu naava bubaita furueta, númane ika einida fafatu oruko aghago bua, Iesu tambaita igiguturota, koko-koko rea eghá regeguturie, “Orokaiva! Orokaiva! God du raga regegore! Umó avona Jojabeeda ragarova bubua reifia-du, raga regegore! Israel enemboda kini du, raga regegore! Orokaiva!”
26700	JHN 13:1	Serigea Yari Banauda* dibeva fefera dabako irieta, ená enda doa kaverea, unda Afadava yarida fefera buburituria-nu, Iesu umó gerurie. Kotú unda natofo endava vitiria-nu Iesu na neno rururota vitirie. Aghá uta aria, unda ambubuturia feferava, unda neno bari jo doambi, irugea goghó urie.
26882	JHN 18:28	Rifo atitueta, Jiusi enembomi Iesu Kaiafas da kambova reta bua aria, Rom enemboda kotofukoda kambo jojabeva buburiturie. Rourogo bebeta egegea, Serigea Yari Banauda* undari undambi auve-degea, Jiusi enemboda babarigari jo aná kotofuda kambova teterugambi re.
26893	JHN 18:39	Tago, nímanda evovova vitie, Serigea Yarida Banauva*, dibura embó eini avonu uno egegarinu doaveta bubuta rouvie. Aghá-gea, nímanda uno mo, Jiusi enemboda kini doata isaghava bubadua?”
26908	JHN 19:14	Serigea Yari Banaudu* simbugutua-da feferava, fefera beforo tova ueta Pailat aria, anava asumbuturie. Pailat na Jiusi enembodu “Nímanda kini evere.” ririe.
26972	JHN 21:5	Avo jiria, be fugia, námandu ririe, “Yarata, nímane oka dumeni beberigetora?” Aghá ririeta, “Tefo, eini jo berambi re.” regeguturere.
26987	JHN 21:20	Aghá riria-da ambova, Pita na kaverea, aná Iesu neno buta uria ambo nimbi, númanda ambova furueta gerurie. (Aná ambo nimbi dabako anami Serigea Yari Banauva* Iesu de undari dirota, utuvako baĩ ea aria, Iesu dava desembuturota, umonu avona aghi asua-du uriga urie.)
27035	ACT 2:17	‘God na eghá reirie, “Fefera ambova, anona anda Asisi averegota vorea, enembo nanjogodava asugaita rouvie. Asugea irota-gea, nímanda mendi ariridava anda gaga ifegota, númanena isaghava regegaita rousue. Yarata mane númanda dibe mokómi gigigaita rousue, kotú nímanda embobokoko dira egegaita rousue.
27137	ACT 5:9	Ririeta, Pita na eghá ririe, “Imó nimugha dodu God da Asisi rei-kukuve? Imó gi! Yarata nimu fumbua iya furugetua, bubaita itoko rousue. Imó beago fumbua ya furugaita rousue,”
27271	ACT 8:26	Anada ambova, Jojabeeda anerami Filip du ririe, “Imó indufa simbugea ii bubua jiria, dibe fefera vitari kena fuge, kaverea ingo bee kena yadi rere! Ya, emboro daya einiva bubadora mo, daya yoveni iya, naa ragaro Gasa bubua vitie. Kotú daya yoveni iya, bogu naa ragaro Jerusalem bubua vitie. Anava bubua jiradi, rere!”
27409	ACT 12:3	Aghá urieta, Jiusi enembo ananu niningigea, gangoro-gangoro egeguturia-du, Herot na ririeta, unda mene-mene ari kakato erea, Pita nanandiguturie. Aghade aná Yisti Tama Arida Banau* feferava, umó nandia bua, dibura kambova gajiturie. Umó diburava gajituria-da ambova, mene-mene ari kakato dano 16 mi Pita kaifa egegeta urie. Aghade, númanena noni ungagha-ungagha ea, kotú noni daba-dabada rova, mene-mene ari kakato ungagha-ungaghami fefera tano-tano ea, iiava kaifa egegeta urie. Herot da nundubariva, Serigea Yari Banauda ambova, Pita bua ya Jiusi enemboda dibeva koto asue.
27534	ACT 15:23	Gategea doa, númane gaga ingisova eghá gegembuguturie, “Námane Iesu da ambo nimbide, Iesu da yaveroda babarigaride dano eve Jerusalem vitera-mi, Námanda ikoko mendi Siria Frovensi, Silisia Frovensi, kotú Antiok bogu naava vitia-nu ghanena urota, roro rosore. Nímane Jiusi enemboda gitofo re. Tago, námane aná nímane roro rosore. Yata bua gigige!
27700	ACT 20:6	Yisti Tama Ari Banauda* ambova, namonde dano ghaava vorea, Filipai bogu naavareta rekimbea irueta, fefera ingo dabako sidara urieta, námane Troas bubua, námanda kokomana Pol de avo irieta tatambuguturere. Námane dano anava fura dabako vitirere.
27703	ACT 20:9	Aghade, mendi gimasa eini ragaro Yutikus, Pol da minono ria-nu ningaita vitia, yaura bari too beva asumbea irieta, Pol minono rieta, Yutikus evomi dibe baĩ urieta evirie. Aghá roururiago yaura bari bebatovareta jua vorea endava dea ambubuturieta, námane vorea bua righia kaveruturera mo, umó ambubuturieta gigiguturere.
27706	ACT 20:12	O Troas naava enembo erea, Yutikus de dano gangorogha kambova igiguturie.
27828	ACT 23:26	“Frovensida Gavana Feliks, Imó aná, bee ghanena rore. Amó aná, Klodias Lisias re. Atá, Feliks, amó indava gaga itoko raita roreta. Yata bua gii!
27832	ACT 23:30	Atá, Jiusi enembo Pol daita manaka gaigegutueta, ananu ningia, indava utaita rore. Kotú Jiusi enembo Pol de, koto aita regegutua-du, ya indava númanda bouvu isagha ari-du ritare. Yata bua gii! Avoko re!”
27929	ACT 27:6	Aná naava námane aná ghaa avo doa igiguturere. Aghade, mene-mene ari kakatoda beforo righari embó, Julius, unona Aleksandria enemboda ghaa eini, roo enda Itali yaita ueta, tafirie. Tambua, námane vorea, kambesi Maira doa sufieta, yaura jojabe dibe kena kaverea sufieta ea jarea, námanda ghaa jo inini bee seriri ea sumbua yambi re. Aghá uua-du, námane rorova evia erea ita urere. Bogu naa ragaro Nidus igiguturota, nundubea jajareguturere. Yaura yavata dibe kena furueta jarea dimbua, butu Krit da mendó eini, ragaro Salmone, anava bubua binonova ovenembuturere.
27935	ACT 27:12	Aná esuru númanda ghaa gaituria anava, yaura yavata feferava yavata akuago eta urie. Amindu aná enembo dano jo Pol da gaga gaabee ambi urie-gea, númane kambesi ragaro Finiks anava yaita regeguturie. Finiks reta rousua butu Krit anava sovu einida rova ghaa aná fafovareta bubarida goroto mo, ungagha re, eini aná fefera vorari kena irurota itoko anda kena dimbua bubaita roravore. Kotú eini mo, itoko dimbua bee kena irurota bubaita roravore. Yaura yavata feferava, aná kambesi taubana re.
27943	ACT 27:20	Yaura sufirota irieta, númane tumba onembo sivia irueta, feferade damanade jo gambi urota, mana-mana ea jarea amburari-nu nundubuturere.
28005	ROM 1:7	Amindu, nímane Rom naava vitera enembo, God na neno bua, unda natofo ari-du rea, gateguturia-du ená ingiso rei-gefereta. Yata bua gigige! Namonde anda Afa God, kotú Jojabee Iesu Keriso da sonembade, siriride nímandava iroe!
28363	ROM 14:15	O, inda komanada tama eta rouvia eini-eini inona bua, unda dibeva dirota, mema adua mo, imó undú ari akuago aita roravore. Yavi aghago mo, jo neno bari irambi re. Keriso namonde andú ambubuturia-du, mania inda donu undita rora-mi ata, inda komanada neno roo bebeta ea jebuga kasovigauveta!
28433	1CO 1:2	God da ekaresia* Korin naava avo vitera enembo, God nímane ghogho ririeta, Iesu de takembea, unda natofo kakara ea viteravore. Iesu de takembea, nímane God da noniva terua viteravore. Nímandu, kotú enembo avona namonde anda, Jojabee Iesu da ragarova jamono gatiturota, undú “Jojabee” reta rousua-du ená ingiso rei-gefereta. Yata bua gigige!
28529	1CO 5:7	Amindu, nímanda rorova aná ari akuago retora-nu seghea fugea, rekago noni taubana kakarago egegadi rere. Tago, amó tanana rore, nímane aná aghá re. Anada bee mo, Serigea Yari Banauva sifi da mendi deta rousua, anada kambesi Keriso na bua, nímanda ari-bari akokogodu ambubuturie.
28530	1CO 5:8	Amindu rea, namonde ari-bari akokogo dano seghea fugea, unda natofo taubana kakarago ea, gaa bee nuenembo rirota, anda natofo Jiusi enembo jebuga rururia-du gangorogha Serigea Yari Da banau undidigeta uria aghagonu, Keriso namonde anda ari-bari akokodu ambubuturia-du gangoro egegore!
28869	2CO 1:1	Ariee, anda ikoko mendi, ariri gharovu! Amó Pol re. Iesu Keriso da ambo nimbi ari-du rea, God na amonu gateguturie. Kotú namonde anda komana Timoti gha, nímane ghanena rosore. God da natofo Korin anava vitera-de, kotú God da natofo Akeia Frovensi rova vitia-de dano, námane ungaghami ghanena rosore. Yata bua gigige!
28885	2CO 1:17	Amó aghá nundubutare. Tago, jo yambi vitere. “Pol umó neno nundubari ungagha urota, fefera einiva, ‘Yaitare,’ rea, ambova ‘Tefo, iraitare,’ reirie.” aghá mania regegata! Endava enemboda uno eta rousua-mi, aghá egegeta rousue. Avotago, amó jo aghago ambi eta rore.
29083	2CO 11:26	Keriso da ragarodu rea, amó iru-furu eta urere. Fefera oruabe uria rova uvu undia amburaita urere, kotú bagia enembomi amó data amburari-du reta ria. Kotú, anda enembo totofo Jiusi enembomi amó daita nundubeta rosa. Kotú, námane Jiusi enemboda gitofo beago, amó daita nundubeta ria. Aghade, taima rovade karajevade amó bouvu mema sembago itatama eta urere. Yaura kotú boruma jojabe tambua itatama eta urere. Kotú enembomi, amó dedegaita rea, gaveradu namonde komana ari jajari egegeta rosa.
29121	2CO 13:10	Rourogo ya nímandava bubua, gaa fakarago rara-degea, amó airo irirota, ená ingiso rei-gefere. Jojabeena andava nímane sonembari-du avore rarida ano ututuria-mi, gaga fakara nímandu radora, jo taubana irambi re. Yata bua gigige!
29126	GAL 1:2	Amó gaabee ari kakato eve namonde vitera-de dano, nímane Galesia Frovensiva vitera ekaresia* dano ghanena rosore. Yata bua gigige!
29266	GAL 6:11	Amó ambo gajari gaga, tofo anda ingomi ove jojabebeimi rei-gefereta. Yata bua gigige!
29271	GAL 6:16	Avore, enembo avona oreki enembo retora aghagonu eta rousua-dava God unda siriri aride kauta kavevera aride utari-du rere, númandava kotú God unda natofo nanjogodava! Yata bua gigige!
29274	EPH 1:1	Ariee, anda ikoko mendi, ariri gharovu, amó Pol re. Iesu Keriso da aghi kato ari-du rea, God unda unomi amó gateguturie. Nímane God da natofo avo Efesus naava Iesu Keriso de takembea, unda natofo ea jiria goghó urota vitera-du ená ingiso rei-gefereta. Yata bua gigige!
29429	PHP 1:1	Ariee, anda ikoko mendi, ariri gharovu! Gaga oreki tutuno ea reisi-gefera mo, nímanda kokomana, Iesu Keriso da buro kakato, Pol ungá Timoti gha, angá amó re. Nímane dano avo Filipai bogu naava, Iesu Keriso de takembea, God da natofo ea vitera enembo dano, námanena nenode asiside dano ghanena rosoreta. Yata bua gigige! Kotú nímanda ekaresiada* beforo ririkigaride ogabada manede dano ghanena rosoreta. Yata bua gigige!
29511	PHP 4:2	Anda gharototo, Yuodia ungá Sintike gha, amó nímandu benunu rore. Ingá imó Jojabeeda tofo ea vitera-du rere. Besiga doa, neno dabako ea iririge!
29530	PHP 4:21	Ariee, amó nímane God da natofo Iesu Keriso de takembea vitera, aná nímane dano ghanena rore. Rege niningigoe! Anda ikoko mendi, eve vitia beago, nímane dano ghanena rousue. Yata bua gigige!
29533	COL 1:1	Ariee, anda ikoko mendi, ariri gharovu, amó Pol re. Amó God da unova Iesu Keriso da aghi kato ea vitere. Nímane God da unonu urota, Keriso de dano takembea, unda natofo kakara ea, Kolosi bogu naava vitera enembo dano, namonde anda ikoko Timoti de amó nímane ghanena bee rosore. Yata bua gigige! Namonde anda Afa God na unda sonembade siriri aride nímandu utota bubugadi rere!
29619	COL 4:10	Avore, Aristarkus umó eve angá diburava vitera-mi, nímane ghanena rouvieta. Yata bua gigige! Kotú Barnabas da nomono, Mak beago, nímane ghanena rouvie. Atá, námane seibe undú rirota gefirieta bua irugea gigigutureravore. Amindu umó ya, nímandava bubadua mo, orokaiva rea vuria dasea, ghaito teno fugea bua, tavo ea goghó egege! Yata bua gigige!
29620	COL 4:11	Josua (o Jastus reta rousua) umó beago nímane ghanena rouvie. Yata bua gigige! Námane eve irirota, enembo God da natofo* egegari-du aghi jufirota vitera-da rova, Jiusi enembo dumeni tefo re. Enembo bakode irugetora nenuka re. Númanda sonembadu gangoro rore.
29623	COL 4:14	Eini mo, námanda neno buta rora ingi embó Luk ungá Demas gha beago nímane ghanena rousue. Yata bua gigige!
29716	1TH 5:28	Amó Pol na rere. Namonde anda Jojabee Iesu Keriso da sonemba nímandava iroe! Yata bua gigige! Avore, anda gaga tano evere.
29762	2TH 3:17	Avore, amó Pol nu tanana egegadi rea, nímane ghanena urota, anda ingomi, daiyagha gembuta rora aghagonu rei-gefereta. Yata bua gigige!
29764	1TI 1:1	Ariee, anda mendi, God namonde anda sonemba kato na, kotú Iesu Keriso namonde anda kaifa gigita arida ruru na ririeta, embó eini unda aghi kato ea vitia, aná amó re. Imó ghanena bee rore. Yata bua gi! Amó Pol re.
29875	1TI 6:20	Timoti, buroda mendó dumenide Jojabeeda Gagade indava ututurieta vitia, aná kaifa adi rere. Enembo dumeni God jo nundubambi urota, gaga dumenidu “taubana” gaa rirota besiga egegeta rousue. Aná dano doa serigadi rere! Anada rova beforo gari taubana eini tefo re. Númane beforo gari jojabe bubugaita rirota, gaabee arida emboro kasoviguturie. Anadu besiga urota, God seibe gaabee egeguturia-nu doa, jebuga kasoviguturie. God da sonemba indava iroe! Avore, anda gaga tano eve sidara etue. Yata bua gi! Amó Pol re.
29877	2TI 1:1	Ariee, Timoti ko! Anda neno bari mendi. Imó ghanena bee roreta. Yata bua gii! Amó Pol re. God na uno urie-gea, amó gateguturieta, Iesu Keriso da aghi kato urere. Iesu Keriso de takembea vitia enembomi, God jebuga utota bari-du riria-da Gaga minono rari-du rea, God na amonu gateguturie. Avore, sonembade, kauta kaveverade, kotú siriride God Afa na utota, bubugadi! Yata bua gii!
29881	2TI 1:5	Oreki anda rei-nundubutara-va inda avia, Lois dava gaabee ari jojabe vitirie, kotú nie Yunis dava aghá vitirie. Kotú amó tanana rore, gaabee ari jojabe dabako aghagomi imó Jojabee gaabee eta roravore.
29958	2TI 4:21	Avore, marabe October anava yavata tutuno ea sumbuta rouvie. Amindu rea, anada dibe kena fu, andava bubadi! Avore, Yubulus, Pudens, Linus kotú Klodia de ikoko mendi, ariri gharovu nanjogo eve vitia-de dano, imó ghanena bee rousueta, yata bua gi!
30006	PHM 1:1	Ariee, Anda ikoko, Amó Pol re. Iesu Keriso da ragarova diburava irirota, amó angá anda ikoko Timoti gha ená ingiso rei-gefereta. Filemon, imó anda komana re, namonde amó buro danode egegeta urera-du imó ghanena bee roreta. Yata bua gi!
30024	PHM 1:19	Amó rekago dabako ananu rirota, ená mino utari gaganu anda ingomi rei-gefereta! Unda ari akokogoda mino Pol, anona, utota yata baita roravore. Yata bua gi! Kotú, anona daiyagha sonembuturieta, imó jebuga tumanadu irari rururera, imó rei-geroravore. Amindu andava guri barida gaga itoko jo nundubambi asiravore.
30027	PHM 1:22	Kotú gaga eini, aná evere: andú evari kambesi eini gategea simbugea do-gea iroe! Anada bee mo, nímanda benunu dano God na ningia rata-gea, amó diburavareta bubua, nímandava yaita rora-nu kaifa gigita urota vitereta! Yata bua gi!
30028	PHM 1:23	Unda gaabee eta uria-du, nandia diburava ititiguturia embó Epafras, angá danode irirota, imó ghanena rouvieta. Yata bua gi!
30029	PHM 1:24	Kotú, Mak, Aristarkus, Demas, Luk namonde buro egeguturera, númane beago, imó ghanena rousueta! Yata bua gi!