Wildebeest analysis examples for:   bkx-bkx   a    February 24, 2023 at 23:44    Script wb_pprint_html.py   by Ulf Hermjakob

24285  MRK 1:1  Ije laes alekot. Ije Uisneno In Aan mone in aꞌmonin. In kaan aa, Jesus Kristus, es Uisneno nleek nani naꞌko un-unuꞌ. In lasi nane, nahuun nak on ii:
24286  MRK 1:2  Jesus feꞌ ka nanaob In mepu, mes Uisneno nsonuꞌ nahuun In atoni meseꞌ, in kanan naJoao. NaJoao musti nnao nalekoꞌ lalan neu Jesus In amneman. Fun naꞌko un-unuꞌ, Uisneno anpaek nalail In mafefa kniun tuaf es, in kaan ee naJesaya. In nluul nane, nak on ii: “Mneen nai! Au ꞌleul Au ꞌhaef ma ꞌnimaf, henati nnao nalekoꞌ lalan neu Ko.
24287  MRK 1:3  Leꞌ atoni nane lof in annao mbi bael sonaes, he in nkoamnak: ‘Hi ala ki ok-okeꞌ mfeen nai, he miloitan lalan, henati msium Usiꞌ In amneman! Bifeel-atoni mmoeꞌ minesalalan nai, he msenu.’ ”
24288  MRK 1:4  Atoni sin nteek naJoao nak Aslain Atoni’. In natua mbi bael sonaꞌ. In bael abtais, nmoꞌe naꞌko bikaes ‘untain nafun. Ma In paus-abaf, nmoꞌe naꞌko muꞌit in pasun. In amnahat, naꞌko keloꞌ ma oin oef. [NaJoao in aꞌmoin ii, namnees on leꞌ mafefa kniun naꞌi Elia afi unuꞌ.] Olas nane, atoni namfau naꞌko koot Jerusalem, ma nok profinsia Judea in saaꞌ-saaok-okeꞌ, neman naꞌeuk nok naJoao mbi in bale. Sin neem he nkiso ma nail Joao, ma he nneen in lasi ꞌnoinaꞌ. In natoon sin am nak, “Hi musti mmanako ma misaitan hi sanat ma penu sin ok-okeꞌ, henati Uisneno nnoes naen hi saant ini. Nalail hi musti mislain feꞌ, he on nfani takaf meseꞌ nak, hi mileko mfain mok Uisneno be.” Anneen on nane te, sin nmanako sin sanat, ma in naslain sin mbi noel Jordan.