11	GEN 1:11	Ölöwahiga kewö jim kutuyök: “Gölme qakŋe mönö yuai görökŋi (töŋgönŋi) pakpak kewö asuhuba wahötme: Gwözözak yuai kötŋinambuk mi mönö asuhuba wahöta kötŋini kuŋguba söhömakŋe. Ip kösö tandökŋini könaŋi könaŋi mönö gölmenöŋ asuhuba ölŋini kötŋinambuk kuŋguba söhömakŋe.” Mewö jim kutuiga mönö kewö asuhuyök:
12	GEN 1:12	Gölme qakŋe yuai görökŋi (töŋgönŋi) pakpak asuhuba wahötket. Gwözözak yuai kötŋinambuk tandökŋini könaŋi könaŋi mi asuhuget. Ip kösö tandökŋini könaŋi könaŋi mi gölmenöŋ asuhuba ölŋini kötŋinambuk kuŋgum söhöget. Mewö asuhuiga Anutunöŋ eŋgehiga miaŋön mönö ölöwahök.
14	GEN 1:14	Giaŋiiga Anutunöŋ kewö jim kutuyök: “Suepkö jabö köhöikŋe mönö asakŋi asakŋi asuhuba wehön aka suŋgem mi mendeŋ etkiba kinda (yara) yambu, kömunjaŋ kie nalö aka wehön nalö, gwani nalö aka silim mohot mohotkö aiwesökŋina ahöme.
30	GEN 1:30	Arökŋaŋgö sömbupŋi pakpak, könakembagö neiŋi pakpak aka yuai pakpak gölmenöŋ anda kamakzei aka tosatŋi pakpak söŋgörö ösumŋini örömakzei, yeŋgöra gwözözak görökŋi (töŋgönŋi) könaŋi könaŋi mi neneŋamŋini akŋapköra al eŋgizal. “Keu mewö jiiga mönö mewö asuhuyök.
44	GEN 2:13	O böröŋi töwatŋi jaŋgö 2 miaŋgö qetŋi Gihon. Mi (Mesopotemiagö) gölme qetŋi Kus mi körek liliköba ahöba anja.
54	GEN 2:23	Waŋgita kaiga azinöŋ i eka kewö jiyök: “Yei! Ki nani tandöha. Yaŋgö sihit busuŋi mi nani sihit busunöhök asuhuza. Anutunöŋ i azigö sile kitipŋeyök mei letota azi tandök ewö maljawaŋgöra qetŋi mönö ambi (azigö alaŋi) qetme.”
74	GEN 3:18	Nup memba malnöŋga göhö nene nupnöŋ nuŋgakal, koururuk (köwörörök) yuai mi asuhuiga arökŋaŋgö yöha yuai mi nemba malman.
76	GEN 3:20	Azinöŋ anömŋi yuai pakpak malmalŋinambuk maljei, mieŋgö namŋini aiga azinöŋ qetŋi Iw (Ewa) qerök.
81	GEN 4:1	Azi Adamnöŋ anömŋambuk mala amiyohotka Iwnöŋ (Ewa) gölöm ala Kein (Kain) meyök. Memba Kein qetköra kewö jiyök: “Anutunöŋ bauköm niŋgiiga nahöni mezal.”
87	GEN 4:7	Gi yuai ölöpŋi aknöŋga möt aŋgön köl gihibiga ölöp jemesoholgi öhal (hak) akŋan me qahö? Yuai ölöpŋi qahö aknöŋga siŋgisöndokö Toŋan mönö urugahö naŋguŋe kinda göhöra ak gihiba mönömakza. Mewö mönömakzapmö, göŋön mönö miaŋgö soŋgo ala galöm memba luhut alman.”
96	GEN 4:16	Mi aliga Kembugö jemesoholŋi mosöta anda anda gölme qetŋi Laŋlaŋ lilikqilik (Nod) miaŋgöreŋ aŋgota malök. Gölme mi Edenök wehön kotkotŋe göröken ahöza. Mewö.
103	GEN 4:23	Lameknöŋ nalö kunöŋ anömyahötŋi mi kewö jii mörohot, “Ada aka Zila anömyahötni, iŋiri mönö kezap ala keuni ki mötmahot: Kunŋan nuŋgum kuziriga uzinaŋgö kitipŋaŋgöra mönö azi kun qebi kömuma. Kunŋan nuŋgum miziriga gurusep (gulibambam) löpötnaŋgö kitipŋaŋgöra mönö azi gwabö kun qebi kömuma.
105	GEN 4:25	Azi mutukŋi Adam yaŋön kunbuk anömŋambuk mala amiyohotka nahönŋiri kun memba kewö jiyök: “Keinöŋ Abel qei kömuyöhaŋgöra Anutunöŋ Abelgö salupŋe nahöni kun niŋgiza. “Miaŋgöra qetŋi Set (Niŋgiza) qerök.
130	GEN 5:24	Meköba uruŋi Anutubuk jöhöba anda kaba maliga Anutunöŋ öne waŋgiriga atatop (jiatatoŋ) kölök.
135	GEN 5:29	Asuhuiga qetŋi Noa (kölalep) qeta kewö jiyök: “Anutunöŋ gölme saitköiga nini böröninan nup köl kömöta sileqeqe aka sihimbölö möta malinga morö kiaŋön mönö ölöp urukölalep neŋgimakŋa.”
143	GEN 6:5	Gölme ambazip yeŋgö bölöŋamŋini mi keta bölökŋi aiga uruŋinaŋgö mötmöt areŋini pakpak mi nalö dop qösösök (qörörök) bölöŋanök pakpak aka malgeri, mi Kembunöŋ ehök.
153	GEN 6:15	Waŋge mi kewö meman: köröpŋamŋi 133 mita (450 fit), andipŋi 22 mita (75 fit) aka köŋgepŋi 13 mita (45 fit) mewö meman.
154	GEN 6:16	Boŋi muhungöba sel aka bo sutŋire liliköba jeŋgenaŋ tiŋi 44 sentimita (18 ins) mi mosöta kötohoman. Waŋgegö uruŋi mösöŋnöŋga uruŋi qakŋi, kembaŋi aka dutŋi karöbut asuhume. Waŋge naŋguŋi mi namŋe alman.
175	GEN 7:15	Anutunöŋ yuai pakpak malmalgö ösumŋinambuk miwikŋaim eŋgiyöhi, mieŋgöreŋök yahöt yahöt (2-2) mi Noagöreŋ kaŋgota waŋgenöŋ öŋgöm teköget.
180	GEN 7:20	Musulumgöm eŋgiba öŋgöba öŋgöba kunduŋi bohonŋi bohonŋi mi köl turuba 8 mita (25 fit) miaŋgö dop eŋgoŋgita ahöyök.
209	GEN 9:3	Yuai pakpak isikusukŋinambuk anda kaba maljei, mi eŋgö neneya aka ahöma. Mutuk yöha yuai görökŋi (töŋgönŋi) neneŋina al eŋgiala merak yuai pakpak ki mewöyök al eŋgizal.
234	GEN 9:28	Göulu ketaŋan teköiga Noanöŋ toroqeba (yara) yambu 350:gö dop mal öŋgöyök.
245	GEN 10:10	Nimrodkö bemtohoŋi mi gölme kewöŋe miaŋgöreŋ könahiget: Babel, Erek, Akad aka Kalne. Taon 4 mi Babilonia (Sinar) gölmenöŋ ahöze.
257	GEN 10:22	Semgö nahönurupŋi yeŋgö qetŋini mi Elam, Asur, Arfaksad, Lidia (Lud) aka Aram.
260	GEN 10:25	Ebergö nahönyahötŋi yahöt asuhuyohot. Kunöŋ asuhuba mala koröhi, nalö miaŋgöreŋ gölme ambazipnöŋ jula deŋqeŋget. Miaŋgöra yaŋgö qetŋi Peleg (Deŋqeŋ) qetket. Munŋaŋgö qetŋi mi Joktan.
271	GEN 11:4	Nup mewö memba kunbuk kewö jiget: “Mönö kaget. Nini mönö naninaŋgöra siti kun memba miaŋgöreŋ miri köröpŋi kötökŋi (taua) meinga boŋan suep oseima. Mewö oseiiga qahö deŋqeŋda gölme pakpak dop köla laŋ anda malbinbuköra mönö nanini qetbuŋaninambuk akin.”
276	GEN 11:9	Kembunöŋ ambazip pakpak yeŋgö keuŋini mem sohoyöhi, miaŋgöra miri miaŋgö qetŋi Babel (eŋololoŋ siksauk) ahök. Miaŋgöreŋök Kembunöŋ i mendeŋqendeŋ eŋgiiga deŋda gölme pakpak dop köla anget. Mewö.
309	GEN 12:10	Nalö miaŋgöreŋ Keinan gölmenöŋ bödi (buörö) asuhuiga miaŋön köhöiba lömbötŋi aiga Abramnöŋ Ijipt kantrinöŋ kusukŋanök malbingöra anget.
335	GEN 13:16	Nöŋön gwölönarökurupki ahumsehip gwötpuk eŋgibiga qötöŋinan qariba gölmegö sakösakŋi (sakösiŋi) ewö akŋa. Kun daŋön sakösiŋ kötŋi mieŋgö jaŋgöŋini oyoŋbawak, yaŋön ölöp gwölönarökurupki yeŋgö jaŋgöŋini mema.
338	GEN 14:1	Nalö miaŋgöreŋ Babilongö (Sinargö) kiŋi qetŋi Amrafel, Elasargö kiŋi qetŋi Ariok, Elamgö kiŋi qetŋi Kedorlaomer aka Goimgö kiŋi qetŋi Tidal malget.
339	GEN 14:2	Yeŋön kiŋ kewö miembuk könahiba bim auget: Sodom taongö kiŋi qetŋi Bera, Gomora taongö kiŋi qetŋi Birsa, Adma taongö kiŋi qetŋi Sinab, Seboim taongö kiŋi qetŋi Semeber aka Bela (qetŋi alaŋi Zoar) taon miaŋgö kiŋi.
340	GEN 14:3	Kiŋ pakpak kieŋön örue (ruerue) qetŋi Sidim miaŋgöreŋ tokoba kukösumŋini mindiriba jöhöjöhö aket. Sidim öruenöŋ nalö kewöŋe Sihi Köwet Köhömuŋi mi ahöza.
344	GEN 14:7	Luhut al eŋgiba miaŋgöreŋök liliŋgöba En Mispat (qetŋi alaŋi Kades) miaŋgöreŋ kaba Amalek könagesö luhut al eŋgiba gölmeŋini pakpak aŋgön kölget. Amor könagesö Hazezon Tamar gölmenöŋ malgeri, mi mewöŋanök eŋguba luhut al eŋgiget.
345	GEN 14:8	Mewö asuhuiga Sodomgö kiŋi, Gomoragö kiŋi, Admagö kiŋi, Zeboimgö kiŋi aka Bela (qetŋi alaŋi Zoar) miaŋgö kiŋi yeŋön wahöta asasaitiba Sidim öruenöŋ aŋgota kiŋ kewö miembuk bim qebingö jaböŋi ala aröŋda kinget:
346	GEN 14:9	Elamgö kiŋi Kedorlaomer, Goimgö kiŋi Tidal, Babilongö (Sinargö) kiŋi Amrafel aka Elasargö kiŋi Ariok. Kiŋ 4 mieŋön kiŋ 5 yembuk aröŋget.
350	GEN 14:13	Mewö angetka azi kunŋan ölöŋ köla misiŋgöba kaba miaŋgö buzup keuŋi mi Hibru (kian) azi Abramgöra jii mörök. Nalö miaŋgöreŋ Abramnöŋ Amor azi qetŋi Mamre yaŋgöreŋ in ip ketaŋi ketaŋi mieŋgö kösutŋine malök. Mamrenöŋ munyahötŋi qetŋiri Eskol aka Aner yetpuk mohotŋe Abrambuk jöhöjöhö aka malget.
354	GEN 14:17	Abramnöŋ mewö Kedorlaomer aka kiŋ tosatŋi yambuk jöhöjöhö aka malgeri, mi eŋguba luhut al eŋgiba liliŋgöba kaiga Sodomgö kiŋi yaŋön Sawe örue (qetŋi alaŋi Kiŋgö örue) miaŋgöreŋ miwikŋaiba ekŋamgöra anök.
357	GEN 14:20	Anutu öŋgöŋgöŋan kerökurupki göhö böröge al eŋgiyöhi, mönö i möpöseizin. “Mewö jiiga Abramnöŋ öröyuaiŋi pakpak mendeŋniga kambu ten asuhuiga mieŋgöreŋök mohot mohot (10%) memba naluha waŋgiyök.
370	GEN 15:9	Mewö jiiga Kembunöŋ yaŋgöra kewö jiyök, “Gi mönö anda bulmakau ambi seramŋi yambuŋi karöbut, meme (noniŋ) ambiŋi yambuŋi karöbut aka lama aziŋi yambuŋi karöbut aka kembö kun aka kembö supsup dölökunŋi kun mi memba nöŋgöreŋ kaman.”
376	GEN 15:15	Nöŋön Amor könagesö mi gölme kiaŋgöreŋ zilaŋ qahö eŋguataŋgömam. Mutuk siŋgisöndokŋi siŋgisöndokŋi aka bölimqölim tekögetka likepŋi törörök meleŋ eŋgimamaŋgö nalöŋan akŋawi, nalö miaŋgöreŋ mönö i eŋguataŋgömam. Miaŋgöra göhö isiurupki yeŋgö isiurupŋinan asuhuba malmei, nalö miaŋgöreŋ göhö gwölönarökurupkan mönö liliŋgöba ki kame. (15) Yeŋön mewö kamemö, nangak mutuk yambugahö nalöŋi ölöm kömuiga luainöŋ iwiasaurupki yeŋgöreŋ anöŋga löm köl gihime.”
379	GEN 15:18	Kembunöŋ mewö sömbup likepŋi likepŋi mieŋgö sutŋire anda kaba sömaŋ miaŋgöreŋ Abrambuk jöjöhö areŋ aka (kaisöpsöpŋan mi mem köhöiba) keu kewö jii mörök, “Nöŋön gölme ki mi göhö gwölönarökurupki yeŋgö buŋaya qem engimam. Miaŋgö jaböŋi mi Ijiptkö o töwatŋi (Nail) miaŋgöreŋök könahiba kaba ki oŋgita anda o töwatŋi ketaŋi qetŋi Yufreitis miaŋgöreŋ teköma.
393	GEN 16:11	Kembugöreŋ garatanöŋ kunbuk toroqeba Hagargöra kewö jiyök: “Gi moröbuk akzana nahöngi meman. Dölki tapötkokorok möta sahötnöŋga mi mönö Kembugö kezapŋe geiga mötza. Miaŋgöra morögö qetŋi Ismael qetman. (Ismael Anutunöŋ kezapŋan mötza.)
394	GEN 16:12	Yaŋön azi doŋki bau kömböt ewö aka (nanŋi imbi-imbi qakŋe laŋ anda kaba) malma. Yaŋön böröŋan ambazip pakpak qetal eŋgiiga ambazip pakpak yeŋön i qetal waŋgiba malme. Yaŋön munurupŋi pakpak yembuk kerök-kerök aka nanŋök kekelolo malma.”
396	GEN 16:14	Könaŋi miaŋgöra aka o löm miaŋgö qetŋi mi Ber Lahai Roi (Malmalŋambuk mala nehakzawaŋgö o lömŋi) qetketka ahöza. O löm mi toroqeba miri yahöt qetŋiri Kades aka Bered mietkö sutŋire ahöza.
413	GEN 17:15	Anutunöŋ toroqeba Abrahamgöra kewö jiyök: “Gi anömgahö qetŋi Sarai mi kude toroqeba qeta malmanmö, yaŋgö qetŋi mönö Sara (jembon ambi) qeta malman.
417	GEN 17:19	Mewö qesiiga Anutunöŋ kewö meleŋnök, “Anömgi Saranöŋ mönö göhö morö nahöngi mema. Mi meiga qetŋi Aisak (gön kölja) qetman. Nöŋön Aisakpuk aka yaŋgö gwölönarökurupŋi yembuk jöhöjöhö areŋni mi al köhöibiga teteköŋi qahö ahöm öŋgöma.
431	GEN 18:6	Mewö jigetka Abrahamnöŋ ösumŋan kiŋkiŋgöba seri koum uruŋe anda öŋgöba Saragöra kewö jiyök: “Mönö ösumok plaua ölöp kötökŋi amae (dis) karöbutkö dop memba meleŋda yeŋgöra bered ohoman.”
450	GEN 18:25	Göŋön mewö akŋangö osibanak. Mi yapmakek! (qahöpmahöp!) Göŋön ambazip solanŋi mi ambazip aŋgöjörakŋinambuk yembuk mohotŋe mindiriba eŋgunöŋga qahö dop kölbapuk. Mewö öröröŋ kömumbepuk. Göŋön gölme ambazip pakpak yeŋgö keuŋini jim tekömakzani, miaŋgöra mönö nanŋi könagi diŋdiŋi wuataŋgönöŋga dop kölma.”
480	GEN 19:22	Mi qahö ayuhumam-mö, iŋini mönö ösumok miaŋgöreŋ misiŋgöba angaitme. Miaŋgöreŋ qahö aŋgotketka nalö sutŋi kewöŋe nöŋön yuai kun akŋamgö osimam. Iŋini mutuk miaŋgöreŋ aŋgotketka miaŋgö andöŋe ölöp jim kutubiga köndeŋmöndeŋ asuhuma. “Lotnöŋ taongöra ‘morodökŋi’ jiyöhaŋgöra aka taon miaŋgö qetŋi mi Zoar (morodökŋi) qetketka ahöza.
483	GEN 19:25	Turum eŋgiba miaŋön taon yahöt mi aka gölme köröŋi pakpak kösutŋire ahözawi, ambazip körek miaŋgöreŋ malgeri aka ip kösö yuai görökŋi (töŋgönŋi) gölme miaŋgöreŋ ahögeri, mi ayuhum eŋgim teköyök.
495	GEN 19:37	Böratŋi ketaŋan morö azia memba qetŋi Moab (iwinaŋgöreŋök) qerök. Moab yaŋgö gwölönarökurupŋan ahumsehip aka kotketka nalö kewöŋe mewöyök qetŋini Moab könagesö qerakzin.
496	GEN 19:38	Böratŋi moröŋan mewöŋanök morö azia memba qetŋi Ben Ami (könagesönaŋgö nahönŋi) qerök. Azi miaŋgö gwölönarökurupŋan ahumsehip aka kotketka nalö kewöŋe mewöyök qetŋini Amon könagesö qerakzin. Mewö.
517	GEN 21:3	Saranöŋ Abrahamgö morö nahönŋi meiga qetŋi Aisak (gön kölja) qerök.
528	GEN 21:14	Mewö jii möta Abrahamnöŋ ahöba söŋan kötökŋe wahöta nene tosatŋi memba o uu (ou huhu) lama sileŋan memeŋi miaŋön o uba kaba Hagargö qamböŋe ala mindiŋgöba nahönŋambuk melaim etkiiga mosöta anohot. Anda Berseba gölme qararaŋkölkölŋe aŋgota liliköba malohot.
576	GEN 23:4	“Ni eŋgö sutŋine kiana kaba qandak (kusuk) maljal. Miaŋgöra iŋini mönö gölmeŋinaŋgö bahöŋi kun kiaŋgöreŋ niŋgigetka bohonŋi membiga qaksirini aiga alaurupni yeŋgö qamötŋini miaŋgöreŋ ala löm köl eŋgimakŋam.”
587	GEN 23:15	“O azi kembuni, nöŋgöreŋ keu ki mönö kezap ala mötnöŋ. Gölme miaŋgö bohonŋi mi 400 silwö kötŋi (50 kilogram). Ala-ala akziraŋgöra aka miaŋön mönö netkö sutnire yuai omaŋi akza. Miaŋgöra qamötki ölöp esim löm kölman.”
602	GEN 24:10	Mewö jim köhöiba kinda ketaŋamŋaŋgöreŋ kamel 10 aka yaŋgö köweŋeyök yuai aködamunŋinambuk könaŋi könaŋi mohotŋe meyök. Mi memba mosöta Not Mesopotemia (Aram Naharaim) kantrinöŋ anda Nahornöŋ taon malöhaŋgöreŋ aŋgorök.
606	GEN 24:14	Kagetka kewö asuhumapköra köuluközal: Nöŋön ambi seram kungöra kewö jimam: ‘Gi ölöp köuraŋengi möŋgoninöŋga (mondokönöŋga) o nembileŋak.’ Mewö jibiga yaŋön kewö meleŋda jima: ‘Ölöp nenöŋga kamelurupki mewöyök o gumohom eŋgimam.’ Mewö jimawi, ambi seram ia göŋön welenqeqe azigi Aisakö buŋaya qenöŋi, yaŋön mönö mia akŋa. Mewö asuhuiga göŋön ketaŋamnaŋgöra keu jim jöhönöŋi, miaŋön ölŋambuk akza, mewö mötmam.”
610	GEN 24:18	Mewö jiiga kewö meleŋnök: “O kembuni, ölöp neman. “Mewö jiba ösumok köuraŋenŋi böröŋan memba eta moŋgoŋgoniiga (mondoköiga) o neyök.
614	GEN 24:22	Mewö mötmöriba kiniga kamel yeŋön o nem tekögetka welenqeqe jembonöŋ pinjim (möpöŋ) goulnöŋ memeŋi kun lömbötŋi 5 gram mi memba ambi seramgö söŋgöröŋe ala böröjeŋjeŋ goulnöŋ memeŋi yahöt lömbötŋiri 110 gram mi böröŋe mei öŋgöyök.
657	GEN 24:65	Eta welenqeqe jembongöra qesiba kewö jiyök, “Azi gölme köröŋe endu kinda mesohol köl neŋgiba kazawi, mi daŋön?” Mewö jiiga kewö meleŋnök, “Yaŋön mönö ketaŋamnaŋgö nahönŋi akza. “Mewö meleŋniga möta nöröp kawöseŋi (kawaseŋ) öröba jemesoholŋi esuhuyök.
670	GEN 25:11	Abrahamnöŋ kömuiga Anutunöŋ nahönŋi Aisak kötuetköm waŋgiba malök. Yaŋön Negew gölmenöŋ o löm qetŋi Ber Lahai Roi (Malmalŋambuk mala nehakzawaŋgö o lömŋi) miaŋgö kösutŋe tata malök. Mewö.
679	GEN 25:20	Aisaknöŋ yambuŋi 40 aiga Mesopotemia (Padan Aram) kantrigö Aram azi qetŋi Betuel yaŋgö böratŋi Rebeka anömŋa meyök. Rebekagö nenŋi mi Aram azi qetŋi Laban.
684	GEN 25:25	Mutuk köröŋeyök asuhuyöhi, yaŋgö sileŋan pisikpisik aiga sile jupŋan sileŋi körek dop köla ahöyök. Miaŋgöra qetŋi Iso (jupŋambuk) qetket.
685	GEN 25:26	Miaŋgö könaŋe munŋan Isogö köna gwakötŋe böröŋan memba asuhuyök. Miaŋgöra yaŋgö qetŋi Jeikob qetket. (Jeikob keu miaŋgö könaŋi yahöt: gwaköt aka tilipköza.) Aisaknöŋ yambuŋi 60 aiga nalö miaŋgöreŋ Rebekanöŋ moröyahötŋi yahöt mi etkömeyök. Mewö.
689	GEN 25:30	Mewö aiga Jeikobköra kewö jii mörök: “Sileni lömbörii wösöni gwötpuk aljawaŋgöra mönö zilaŋ koziŋ kuluŋi pisikpisik mi niŋginöŋga nembi. “Miaŋgöra qetŋi Edom (pisikpisik) qetket.
707	GEN 26:14	Yaŋgöreŋ lama, meme (noniŋ) aka bulmakau kambuŋi kambuŋi mi asuhuba sehiget. Mewöŋanök welenqeqeurupŋi gwötpuk eŋgömeiga malget. Miaŋgöra Filistin yeŋön mi eka könahiba körögisigisi aka andöqeqe keu jiget.
710	GEN 26:17	Mewö jii möta gölme mi mosöta Gerar öruenöŋ (rueruenöŋ) anda geba opo seri koumŋi möröreŋgöba kuŋguba miaŋgöreŋ tata malget.
713	GEN 26:20	Mi miwikŋaigetmö, Gerar yeŋgö lama bulmakau galömŋinan Aisakö lama bulmakau galömurupŋi yembuk könahiba aŋgururuk aka keu kewö jiget, “O mi neŋgöreŋa!” Nanŋambuk aŋgururuk keu mewö jigeraŋgöra aka Aisaknöŋ o löm miaŋgö qetŋi Esek (Aŋgururuk) qerök.
714	GEN 26:21	Miaŋgö andöŋe o löm kun kunbuk esigetka miaŋgöra mewöyök aŋgururuk aket. Mewö akeraŋgöra aka o löm miaŋgö qetŋi Sitna (Kerök-kerök) qerök.
715	GEN 26:22	Mewö qeta gölme mi mosöta anda o löm kun kunbuk jii esiget. O löm miaŋgöra aŋgururuk keu qahö asuhuiga miaŋgöra qetŋi Rehobot (Tiŋi ölöpŋi) qeta keu kewö jiyök: “Merak Kembunöŋ tiŋi ölöpŋi neŋgiiga ölöp gölme kiaŋgöreŋ mala ahumsehip akin.”
737	GEN 27:9	Mönö meme kambunöŋ anda miaŋgöreŋök meme (noniŋ) dömŋi kelökŋambuk yahöt memba kaba niŋginöŋga nöŋön miaŋön iwigahö sihimŋaŋgö dop numbu nene nahömŋambuk ohoba mözözömgömam.
742	GEN 27:14	Mewö jiiga anda meme (noniŋ) yahöt memba kaba namŋi waŋgiyök. Waŋgiiga nene nahömŋambuk iwiŋan sihimŋi möröhi, miaŋgö dop ohoba mözözömgöyök.
744	GEN 27:16	Löŋgöriga meme (noniŋ) sileŋi mi memba böröŋi köpeiba jölŋi solanŋi esuhuyök.
764	GEN 27:36	Mewö jiiga Isonöŋ kewö jiyök: “Munan mönö indimŋi yahöt tilipköm niŋgiiga maljal: Yaŋön mutuk asuhuyalaŋgö qetbuŋaŋi mi mutuk noaŋgit teköyök aka merak nöŋgö kötumötuetni mi mewöyök taköba noaŋgita meza. Miaŋgöra qetŋi Jeikob (tilipqilip azi) qerakzini, mi mönö dopŋe akza. Kötumötuet kun mönö nöŋgöra ahöm gihiza me qahö?”
776	GEN 28:2	Mewö qahöpmö, mönö wahöta Mesopotemia (Padan Aram) gölmenöŋ anda namgahö iwiŋi Betuel yaŋgö mire aŋgota ehongi Labangö böraturupŋi yeŋgöreŋök kun anömga meman.
779	GEN 28:5	Mewö jiba Jeikob melaiiga mosöta Mesopotemia (Padan Aram) gölmenöŋ Labangöreŋ anmamgöra anök. Laban mi Aram azi Betuelgö nahönŋa aka Jeikob aka Iso yetkö namŋiri Rebeka yaŋgö nenŋa malök. Mewö.
781	GEN 28:7	Mewö jim kutuiga iwinamŋi yetkö keu jit tem köla mosöta Mesopotemia (Padan Aram) gölmenöŋ anöhi, Isonöŋ mi mewöyök mörök.
793	GEN 28:19	Miriba gölme miaŋgö qetŋi Betel (Anutugö miriŋi) qerök. Mutuk taon miaŋgö qetŋi mi Luz qeta malget.
828	GEN 29:32	Leanöŋ köröbuk aka mala morö azia memba keu kewö jiyök, “Kembunöŋ tapötkokorokni ehiga apnan ölöp könahiba jöpaköm niŋgiba malma. “Mewö jiba qetŋi miaŋgö dop Ruben qerök. (Ruben Tapötkokorokni ehök.)
829	GEN 29:33	Könaŋgep kunbuk körö ala morö azi kun memba keu kewö jiyök: “Apnan boromdökŋi jöpaköm niŋgiiga Kembunöŋ mi möta morö ki mewöyök niŋgiza. “Mewö jiba qetŋi miaŋgö dop Simeon qerök. (Simeon Kezapŋan mörök.)
830	GEN 29:34	Miaŋgö andöŋe kunbuk körö ala morö azi kun memba keu kewö jiyök: “Ni nahönurupŋi karöbut apnaŋgöra mealaŋgöra yaŋön mönö könahiba uruŋi nömbuk jöhöma. “Mewö jiba qetŋi miaŋgö dop Liwai qerök. (Liwai Uruŋi jöhöma.)
831	GEN 29:35	Miaŋgö andöŋe dumŋe kunbuk körö ala morö azi kun memba keu kewö jiyök: “Nöŋön nalö kewöŋe Kembu möpöseizal. “Miaŋgöra qetŋi miaŋgö dop Juda (möpöseip) qerök. Miaŋgö andöŋe morö kunbuk qahö meyök. Mewö.
837	GEN 30:6	Nahönŋi meiga Reizölnöŋ kewö jiyök: “Anutunöŋ kewöt niŋgii dop kölbiga köuluk keuni möta morö azia niŋgiza. “Miaŋgöra qetŋi Dan qerök. (Dan Kewöt niŋgii dop köljal.)
839	GEN 30:8	Mewö meiga Reizölnöŋ kewö jiyök: “Datnambuk gwötpuk aum-möriba luhut aljal. “Mewö jiba miaŋgö dop morö qetŋi Naftali (Aum-mörial) qerök.
842	GEN 30:11	Meiga Leanöŋ “Simbawoŋ!” jiba qetŋi Gad (simbawoŋ) qerök.
844	GEN 30:13	Mewö aiga Leanöŋ keu kewö jiyök: “Nöŋön uruölöwak ketaŋi mötzal. Ambi yeŋön mönö nöŋgöra oyaeŋkoyaeŋ qeta malme. “Mewö jiba miaŋgö dop morö qetŋi Aser qerök. (Aser Oyaeŋkoyaeŋ qetme.)
849	GEN 30:18	Mi memba keu kewö jiyök: “Nöŋön welen ambini mi apni waŋgialaŋgöra Anutunöŋ miaŋgö töwaŋi ki niŋgiza. “Mewö jiba miaŋgö dop qetŋi Isakar (töwa) qerök.
851	GEN 30:20	Mi memba keu kewö jiyök: “Anutunöŋ kalem qetpuk niŋgiza. Apni Jeikobkö nahönurupŋi 6 mealaŋgöra yaŋön mönö pöndaŋ nömbuk mala qetbuŋa niŋgiba malma. “Mewö jiba miaŋgö dop morö qetŋi Zebulun qerök. (Zebulun qetbuŋa)
855	GEN 30:24	Mewö jiba toroqeba kewö jiyök: “Kembunöŋ mönö nahöni kun toroqeba niŋgima. “Mewö jiba miaŋgö dop morö qetŋi Josef (Toroqeba niŋgima.) qerök. Mewö.
863	GEN 30:32	Ni ölöp göhöreŋ lama aka meme kambugi pakpak mi merak eŋgek kewötmam. Mi kewöta lama moröŋi baröm pakpak aka meme (noniŋ) dömŋi tiktokŋinambuk aka kulemŋini diriweŋ, soŋo me koromboŋgi mi pakpak mendeŋda nanŋini tokom eŋgiman. Mieŋön ölöp nup memba malalaŋgö töwani akŋe.
864	GEN 30:33	Könaŋgep nupnaŋgö töwani, lama aka meme mi eŋgek kewötmamgöra kabanak, nalö miaŋgöreŋ uruni diŋdiŋaŋgö könaŋi mi amqeba kewö miwikŋaiman: Meme (noniŋ) tiktokŋini qahö aka diriweŋ, soŋo me koromboŋgi qahö mi pakpak aka lama baröm qahö pakpak nöŋgö kambunöŋ kinmei, mi nöŋön yoŋgorö meal, mewö möt kutuman.”
866	GEN 30:35	Mewö meleŋda silim miaŋgöreŋök Labanöŋ meme (noniŋ) aziŋi kulemŋini jiŋjalalaŋ aka diriweŋ soŋo me koromboŋgi aka meme ambiŋi pakpak kulemŋini tiktokŋinambuk aka diriweŋ soŋo me koromboŋgi me sile jupŋine yuai tuatŋi taröhi, mi pakpak aka lama moröŋi baröm pakpak mi kewöta meköm eŋgiba nanŋi nahönurupŋi yeŋgö böröŋine al eŋgiyök.
868	GEN 30:37	Mewö mala sau, kömin aka kuŋgam ip mieŋgö böröŋini gwölögwölö kutuba memba sileŋini jölanjölan (jöraŋjöraŋ) köndölatiiga sutŋe sutŋe tuariiga jiŋjalalaŋ ahök.
871	GEN 30:40	Mewö malgetka Jeikobnöŋ lama aka meme (noniŋ) moröŋi mewöŋi mi kewöta mendeŋ eŋgiba nanŋök nanŋök kambu köl eŋgiyökmö, sömbup ketaŋi mi areŋgöm eŋgiiga jeŋini Labangöreŋ sömbup baröm aka kimbiŋini tiktokŋinambuk yeŋgöreŋ göröken uba kinget. Mewö aka nanŋaŋgöra lama aka meme (noniŋ) kambuŋi kambuŋi meköba miwikŋaim eŋgiyök. Mi miwikŋaiba jöhöm eŋgiiga Labangö lama kambunöŋ qahö anda toroqem eŋgiget.
882	GEN 31:8	Nalö kunöŋ kewö jiyök, ‘Lama aka meme (noniŋ) tiktokŋinambuk asuhumei, mi mönö göhö nup töwagi akŋe.’ Mewö jiiga sömbup kambu jömukŋi yeŋön moröŋini tiktokŋinambuk eŋgömeget. Nalö kunöŋ kewö jiyök, ‘Lama aka meme (noniŋ) jiŋjalalaŋ asuhumei, mi mönö göhö nup töwagi akŋe.’ Mewö jiiga sömbup kambu jömukŋi yeŋön moröŋini jiŋjalalaŋ eŋgömeget.
884	GEN 31:10	“Sömbup aziŋan ambiŋi eŋgualöŋda malgeri, nalö kun miaŋgöreŋ gaun kunöŋ jeni uba wahöta ekiga meme (noniŋ) aziŋan ambiŋi eŋgualöŋda kingeri, yeŋgö sileŋini mi jiŋjalalaŋ, tiktokŋinambuk aka diriweŋ, soŋo me koromboŋgi pakpak aket.
886	GEN 31:12	Meleŋniga kewö toroqeba jiyök: ‘Labanöŋ yuai pakpak ak gihimakzawi, nöŋön mi eka mötzal. Miaŋgöra ölöp jegi uba wahöta eknöŋ: Meme (noniŋ) aziŋi pakpak ambiŋi eŋgualöŋda kinjei, yeŋgö sileŋinan jiŋjalalaŋ, tiktokŋinambuk aka diriweŋ, soŋo me koromboŋgi akza.
892	GEN 31:18	Mirigö sömbup kambuŋi pakpak közöl eŋgiiga mutuk anget. Sukinap yuaiŋi (merömbuŋi) pakpak Mesopotemia (Padan Aram) gölmenöŋ mala miwikŋaim sehiyöhi, mi körekbörek kölolohoba iwiŋi Aisaköreŋ anbingöra Keinan gölmenöŋ göröken anget.
912	GEN 31:38	“Nöŋön göbuk lök yambu 20 mala koral. Nalö miaŋgö uruŋe nupki membiga göhöreŋ lama aka meme (noniŋ) yeŋön morö membingö pömsöm qahö qegetmö, ölöpŋanök ahumsehip aka malget. Mewöyök lama aziŋi kun göhö sömbup kambunöhök qahö qem neal.