19	GEN 1:19	Wehön 4:ŋi teköiga miri kunbuk söŋauba giaŋiyök.
41	GEN 2:10	Ip mewö wahötketka o töwatŋi kun mi Edenök könahiba oyaeŋkoyaeŋ miri mem kelita miaŋgöreŋök eta jula o böröŋi töwatŋi 4 aka anget.
45	GEN 2:14	O böröŋi töwatŋi karöbutŋi qetŋi Taigris. Mi Asiria gölme wösöŋe wehön kotkotŋe göröken geba anja. O böröŋi töwatŋi jaŋgö 4 miaŋgö qetŋi mi Yufreitis.
119	GEN 5:13	Mahalalel asuhuiga nalö miaŋgöreŋök Kenanöŋ toroqeba yambu 840 mala mala mal öŋgöiga nalö sutŋe miaŋgöreŋ nahönböratŋi tosatŋi asuhuba öŋgöget.
153	GEN 6:15	Waŋge mi kewö meman: köröpŋamŋi 133 mita (450 fit), andipŋi 22 mita (75 fit) aka köŋgepŋi 13 mita (45 fit) mewö meman.
154	GEN 6:16	Boŋi muhungöba sel aka bo sutŋire liliköba jeŋgenaŋ tiŋi 44 sentimita (18 ins) mi mosöta kötohoman. Waŋgegö uruŋi mösöŋnöŋga uruŋi qakŋi, kembaŋi aka dutŋi karöbut asuhume. Waŋge naŋguŋi mi namŋe alman.
164	GEN 7:4	Öŋgögetka wehön 7 teköiga jim kutubiga kie römbum ketaŋan mönö gölmenöŋ eta yöhöiga suŋgem silim 40:gö dop toroqeba yöhöm teköma. Mewö yöhöiga yuai isikusukŋinambuk pakpak miwikŋaim eŋgiali, mi mönö mohotŋe jim teköbiga gölmenöhök qahöwakŋe.”
172	GEN 7:12	Kie römbum ketaŋi mi gölmenöŋ eta yöhöba yöhöba suŋgem silim 40:gö dop ahöyök.
177	GEN 7:17	Naŋguŋi köliga miaŋgöreŋök göulu ketaŋan könahiba suŋgem asak 40:gö dop toroqeba gölmenöŋ kaŋgoriga o yeŋön qariba qariba gölme köl turuba öŋgöba waŋge gölmenöhök koaŋgetka wahöta öŋgöyök.
190	GEN 8:6	Tiŋgitketka wehön 40 teköiga Noanöŋ waŋgegö jeŋgenaŋi mutuk memeŋi mi metalök.
245	GEN 10:10	Nimrodkö bemtohoŋi mi gölme kewöŋe miaŋgöreŋ könahiget: Babel, Erek, Akad aka Kalne. Taon 4 mi Babilonia (Sinar) gölmenöŋ ahöze.
280	GEN 11:13	Selanöŋ asuhuiga miaŋgö andöŋe Arfaksadnöŋ toroqeba yambu 403 maliga nalö sutŋe miaŋgöreŋ nahönböraturupŋi tosatŋi asuhuget.
282	GEN 11:15	Ebernöŋ asuhuiga miaŋgö andöŋe Selanöŋ toroqeba yambu 403 maliga nalö sutŋe miaŋgöreŋ nahönböraturupŋi tosatŋi asuhuget.
283	GEN 11:16	Ebernöŋ yambuŋi 34 aiga nahönŋi Peleg asuhuyök.
284	GEN 11:17	Pelegnöŋ asuhuiga miaŋgö andöŋe Ebernöŋ toroqeba yambu 430 maliga nalö sutŋe miaŋgöreŋ nahönböraturupŋi tosatŋi asuhuget.
342	GEN 14:5	Mewö aketka yambu 14 miaŋgöreŋ Kedorlaomer aka kiŋ tosatŋi yambuk jöhöjöhö aka malgeri, mieŋön kaba könagesö kewöŋi yembuk bim qeba luhut alget: Refa könagesö mi Asterot Karnaim mire eŋguba luhut alget. Zuzi könagesö mi Ham mire aka Eme könagesö mi Kiriataim miri miaŋgöreŋ eŋguba luhut alget.
346	GEN 14:9	Elamgö kiŋi Kedorlaomer, Goimgö kiŋi Tidal, Babilongö (Sinargö) kiŋi Amrafel aka Elasargö kiŋi Ariok. Kiŋ 4 mieŋön kiŋ 5 yembuk aröŋget.
348	GEN 14:11	Öŋgögetka kiŋ 4 mieŋön Sodom aka Gomora anda sukinapŋini aka numbu neneŋini pakpak mi kiom köla memba tököba anget.
374	GEN 15:13	Turum waŋgiiga Kembunöŋ kewö jii mörök, “Keu ki mönö ölŋa mötman: Göhö gwölönarökurupkan mönö nanŋini gölmeŋini mosöta kantri kunöŋ anda kiana mala mal öŋgöme. Mewö mala yeŋgö welenqeqeurupŋini omaŋi aketka i yambu 400:gö dop tulumgöm eŋgiba malme.
453	GEN 18:28	Taon miaŋgöreŋ ambazip solanŋi 50 qahöpmö, 45 miyök malbeak ewö, göŋön ambazip 5 yeŋgöra aka taon pakpak mi töndup ayuhum eŋgiman me qahö?” Mewö jiiga Kembunöŋ kewö jiyök: “Nöŋön ambazip solanŋi 45 miaŋgöreŋ miwikŋaim eŋgimam ewö, taon mi mönö qahö ayuhumam.”
454	GEN 18:29	Abrahamnöŋ dumŋe kunbuk keu kewö jiyök: “Ambazip solanŋi 40 miyök miaŋgöreŋ miwikŋaim eŋgiman ewö, mönö denöwö akanak?” Mewö jiiga kewö meleŋnök: “Ambazip 40 yeŋgöra aka taon mi qahö ayuhumam.”
587	GEN 23:15	“O azi kembuni, nöŋgöreŋ keu ki mönö kezap ala mötnöŋ. Gölme miaŋgö bohonŋi mi 400 silwö kötŋi (50 kilogram). Ala-ala akziraŋgöra aka miaŋön mönö netkö sutnire yuai omaŋi akza. Miaŋgöra qamötki ölöp esim löm kölman.”
588	GEN 23:16	Mewö meleŋ waŋgiiga möta Abrahamnöŋ gölme bohonŋaŋgö jaŋgöŋi Efronöŋ Hit könagesö yeŋgö jeŋine jiiga mötkeri, miaŋgö urumohot ahök. Jaŋgöŋi silwö kötŋi 400 mi kölköl-örörö ambazipnöŋ nalö miaŋgöreŋ bohonŋaŋgö dopŋi jiget ahöyöhi, miaŋgö dop moneŋ mi kewöta waŋgiyök.
679	GEN 25:20	Aisaknöŋ yambuŋi 40 aiga Mesopotemia (Padan Aram) kantrigö Aram azi qetŋi Betuel yaŋgö böratŋi Rebeka anömŋa meyök. Rebekagö nenŋi mi Aram azi qetŋi Laban.
727	GEN 26:34	Isonöŋ yambuŋi 40 aiga Hit ambi yahöt anömyahötŋa etkömeyök. Qetŋiri Judit, iwiŋi qetŋi Beri aka Basemat, iwiŋi qetŋi Elon.
915	GEN 31:41	Yambu 20:gö dop mewö göhö mire mala kotpi teköza. Yambu 14 mi böratyahötki etkömemamgöra welen qem gihiba malal. Miaŋgö andöŋe yambu 6 mi lama bulmakau miwikŋaimamgöra göhöreŋ nup memba malal. Mewö malalmö, göŋön nup memegö töwani mi sömaŋi 10:gö dop utekutek ala malnöŋ.
935	GEN 32:7	Mewö jim kutum eŋgiiga anda liliŋgöba kaba kewö jigetka mörök: “Nini datki Isogöreŋ anin. Yaŋön mönö aziurupŋi 400 eŋgömemba könanöŋ kaba göbuk aitoŋgöbingö jöjöröba malje.”
944	GEN 32:16	kamel 30 moröurupŋini juzunöŋ, bulmakau ambiŋi 40, aziŋi 10, doŋki ambiŋi 20, aziŋi 10.
962	GEN 33:1	Jeikobnöŋ jeŋi uba wahöta Isonöŋ aziurupŋi 400 yembuk mohotŋe könanöŋ kageri, mi eŋgehök. Miaŋgöra nahönböraturupŋi mendeŋ eŋgiba Lea, Reizöl aka welen ambiyahötŋi yeŋgö böröŋine al eŋgiyök.
1054	GEN 36:13	Reuelgö nahönurupŋi 4 mi Nahat, Zera, Sama aka Miza. Isogö anömŋi Basematkö isi aziurupŋi mi mewö.
1409	GEN 46:22	Jeikobkö nahönyahötŋi Reizölnöŋ etkömeyöhi, yetkö qetŋiri mewö. Jeikob aka Reizöl yetkö isimoröurupŋiri mewö oyoŋda mindirigetka körekmakörek 14 ahök.
1445	GEN 47:24	Kömötketka ölŋi asuhuiga mi mönö kewötketka kambu 5 asuhugetka mieŋgöreŋök mohot mohot mi Farao kiŋgöra ala waŋgiba malmemö, kambu 4 mi kunbuk gölmenöŋ kömötmeaŋgöra aka neneŋinaŋgöra ahöma. Mi nanŋini, anöm-moröurupŋini aka tosatŋi miriŋine maljei, mönö eŋgö neneŋina ahöma.”
1449	GEN 47:28	Jeikobnöŋ malmalŋi yambu 17 mi Ijipt gölmenöŋ malök. Malmalŋi jömukŋaŋgö yambuŋi mi mindiriba 147 ahök.
1510	GEN 50:3	Nup mi memba malgetka wehön 40 jömuk teköyök. Qamötŋini kelöknöŋ mirizema, miaŋgö nupŋi mi nalö köröpŋi mewö memba maljema. Ijipt könagesö yeŋön Jeikobköra wehön 70:gö dop jiŋgeŋ köla sahöta malget.
7132	RUT 1:3	Miaŋgöreŋ malgetka Naomikö apŋi Elimeleknöŋ komuyök. Komuiga Naominöŋ anbi malöya hala nahönweitŋe malget. 4Nahönweitŋi yetkön mala qariwa Moabkö anbi weit qetŋiri Orpa hala Rut
22631	JON 3:4	Jonanöŋ könahiba siti uruŋe anda maliga wehön mohot teköiga buŋa keu qeta kewö jiyök: “Wehön 40 kun ahözap. Mi teköiga Niniwe siti kiaŋön möp meleŋni gemap.”
23230	MAT 1:17	Nalö Abrahamgöreŋök könahiba mala kotketka Deiwid asuhuyöhi, isik mieŋgö jaŋgö areŋi mi 14. Kunbuk kiŋ Deiwidköreŋök könahiba mala kotketka Israel könagesö eŋguaŋgitketka Babilon anda kösö mire malmal ewö tandök malgeri, isik mieŋgö jaŋgö areŋi mi mewöyök 14. Babilon kösö mire malmal ewö tandök malgeri, nalö miaŋgöreŋök könahiba mala kotketka Kraist asuhuyöhi, isik mieŋgö jaŋgö areŋi mi mewöyök 14.
23280	MAT 4:2	Miaŋgöreŋ anda suŋgem asak 40 Anutugöra nene siŋgi mala nenegö kömuyök.
23740	MAT 15:38	Azi nene negeri, yeŋgö jaŋgöŋini mi 4000. Ambi nahönbörat yeŋgö jaŋgöŋini mi qahö meget.
23751	MAT 16:10	“Mewöyök beret 7 mi 4000 yeŋgöra mindipköbiga miaŋgö kitipŋi qezakögetka sakap dawiknöŋ geba kokolak qeyök? Mi ölum eŋguza me qahö?
24297	MRK 1:13	Anda wehön 40 miaŋgö dop miaŋgöreŋ maliga öme bohonŋini Satan yaŋön esapköm waŋgiba malök. Sömbup kalŋi mieŋgö sutŋine maliga Suep garata yeŋön bauköm waŋgiba malget. Mewö.
24332	MRK 2:3	Mötketka miaŋgöreŋ azi kun sile likepŋi kömukömuŋi, mi waŋgita yaŋgöreŋ kaget. Azi 4:ŋan i kululunöŋ ala aŋguba kaget.
24578	MRK 8:9	Azi nene negeri, yeŋgö jaŋgöŋi mi 4000. Negetka melaim eŋgiiga miriŋine anget. Mewö.
24589	MRK 8:20	Jigetka toroqeyök, “Nöŋön beret 7 mi 4000 yeŋgöra mindipköbiga miaŋgö kitipŋi qezakögetka sakap dawiknöŋ geba kokolak qeyök?” Qesim eŋgiiga sakap 7 jiget.”
25064	LUK 2:22	Mosesgö Köna keunöŋ keu kewö ahöza, “Ambinöŋ morö nahönŋi mutukŋi memba silim 40 koumŋe mali teköiga sörö guluŋi köl könjörat waŋgiba iŋini mönö jöwöwöl jikenöŋ öŋgöba morö mi Anutugö jeŋe algetka yaŋgö buŋaya akŋa.” Miaŋgöra nalö mi kam kuŋguiga Josef Maria yetkön keu mi tem köla Jisös waŋgita Kembugö buŋaya akŋapköra Jerusalem öŋgöyohot.
25079	LUK 2:37	Malohotka apŋi kömui malö aka mala kori nalö miaŋgöreŋ yambuŋi 84 ahök. Yaŋön nalö dop jöwöwöl jikenöŋ öŋgöba mi silim kun qahö mosörökmö, suŋgem asak Anutugöra nene siŋgi mala köuluköba waikŋi memba möpöseiba malök.
25095	LUK 3:1	Zekaraiagö nahönŋi Jon yaŋön nupŋi könahiyök. Nalö miaŋgöreŋ sisa kiŋ qetŋi Taiberius yaŋön Rom sitinöŋ mala gölmeŋi gölmeŋi mindiriba yambu (yara) 15 azi kembu aka toroqeba galöm köl eŋgii malget. Galöm köl eŋgimamgöra gölmeŋi gölmeŋi Israel liliköba ahözei, mi mesiŋgetka bahöŋi 4 aiga mieŋgö kiŋini 4 mi kewö kuŋguget: Pontius Pailöt, Herod, Filip aka Lisanias. Pontius Pailöt mi Judia prowinsgö premiöŋina malök. Kiŋ Herodnöŋ Galili prowins galöm köl eŋgiyök aka datŋi Filipnöŋ Ituria aka Trakonitis prowins yahöt mieŋgö kembuŋina malök aka Lisanias yaŋön Abilene gölme memba malök.
25134	LUK 4:2	Anda miaŋgöreŋ mali Bölöŋi Toŋan esapköm waŋgii wehön 40 teköyök. Nalö 40 miaŋgöreŋ nene kun qahö nemba mali teköiga neneŋaŋgö kömuyök.
25808	LUK 19:8	Mewö jigetmö, Zakiusnöŋ ambazip sutŋine aukŋe wahöta kinda Kembugöra kewö jiyök, “Kembu mötnöŋ, nöŋön ainemalukuni bibiŋe mendeŋda likepŋi ambazip wanapŋi yeŋgöra eŋgimam aka denike yeŋgöreŋ öröyuai kun dop oŋgita tilipqilip aka waŋgirali, mi mönö ambemŋi 4:gö dop toroqeba meleŋda eŋgimam.”
26152	JHN 1:39	Mewö jiyohotka meleŋnök, “Mönö kaba ehot!” Mewö meleŋniga wehön möŋaiiga 4 kilok miaŋgö dop ahök. Wehön möŋaiiga miaŋgöreŋ mohotŋe anda miri denike ahöba malöhi, mi eket. Mi eka miaŋgöreŋ yambuk malohotka miri söŋauba suŋgem aiga mosöta kayohot.
26184	JHN 2:20	Meleŋ eŋgiiga kewö jiget, “Yambu (yara) 46:gö uruŋe jöwöwöl jike ki memba mala mem tekögetka asuhuba kinja aiga göŋön mi wehön karöbutkö uruŋe mönö denöwö aka memba wahöta kuŋgubanak?”
26260	JHN 4:35	Iŋini keu kewö jibepuk, ‘Köiŋ 4 kunbuk ahöiga ölöm-izi-izi nalöŋan törima.’ Mötket, nöŋön miaŋgöra kewö jizala kezap alget: Nup boŋi ketaŋi mieŋgö ölŋinan lök öliiga meme nalöŋinan kam kuŋguza. Iŋini mönö jeŋini uget aniga mi uruŋine ek kutume.
26609	JHN 11:17	Lazarusnöŋ kömumba wehön 4 lök qaksirinöŋ ahöi teköiga Jisösnöŋ kaŋgoriga buzupŋi mewö jiget mörök.
26631	JHN 11:39	Mi eka kewö jiyök, “Mönö köt qililiŋgögetka anök.” Mewö jiiga azi kömuyöhaŋgö nenŋi Marta yaŋön kewö jii mörök, “O Kembuni, sömaŋ 4 ahözawaŋgöra lök wörönŋambuk akza.”
26917	JHN 19:23	Yarö azi yeŋön Jisös maripomnöŋ qebagun opo silepöke öröyuaiŋi memba azi 4 sutŋine mendeŋda 4 aiga totoŋine meget. Mewö megetka malukuŋi ahöi megetmö, mi kewögöra ölöp qahö mendeŋget: Mi körekŋanök opo jöhanŋi mohotŋan memeŋa. Opo kitipŋi kitipŋi qahö mindiriba euyök liliklilik uhum megetka emu gegeŋi ahöyök. Miaŋgöra mi bölibapuköra mendeŋbingö osiget.
26995	ACT 1:3	Jisösnöŋ sihimbölö möta kömumba kömupnöhök wahöta wehön 40 gölmenöŋ toroqeba malök. Nalö miaŋgö uruŋe aposolurupŋi sömaŋi gwötpuk asuhum eŋgiba Anutu bemtohoŋaŋgö könaŋi toroqeba jim asarim eŋgiba malök. Mewö mala aiwesök tandök könaŋi könaŋi memba kondel eŋgiyök. Yeŋön mi eka Jisösnöŋ guliba maljawi, mi ölöp möt yaköget. Aiwesök ekeri, yeŋön mi naŋgöba jiba dangunu ewö kinje aka kunŋan mi qeapkömamgö osima.
27113	ACT 4:22	Aŋgöletot asuhuiga lokon azi ölöwahöhi, mi (yara) yambuŋi 40 lök oŋgita malök. Miaŋgöra mönö Anutu gwötpuk möpöseiba malget. Mewö.
27164	ACT 5:36	Mutuk emune azi kun qetŋi Teudas yaŋön wahöta ‘Nöŋön ketaŋamŋina akzal,’ jiiga merak (yara) yambu tosatŋi teköi maljin. Teudasnöŋ mewö jiiga azi 400:gö dop yambuk öröröŋ jöhöba mindiriba malgetmö, kunŋan qei kömui tosatŋan aziurupŋi imbi köl waŋgigeri, mi kuŋgum eŋgigetka buratigetka qeburuŋinan pömsöm qeba qahöwahök.
27191	ACT 7:6	Mewö jiba toroqeba keu kewö jiyök, ‘Göhö gwölönarökurupkan gölme kungen anda kian aka malme. Kian aka malgetka gölme miaŋgö toŋi yeŋön jöhöm eŋgigetka toŋinaŋgö welenŋini öne qeba malme. Mewö malgetka tulumgöm eŋgigetka nup lömbötŋi lömbötŋi öne megetka söŋgöröŋi qahö eŋgigetka (yara) yambu 400:gö dop wahöjaliŋ qakŋe malme.
27208	ACT 7:23	“Mosesgö (yara) yambuŋi 40 teköiga miaŋgöreŋ Israel darumunurupŋi yeŋgö prowinsnöŋ anda eŋgekŋamgö mötmöriba keuŋi jöhöba anök.
27215	ACT 7:30	Stiwenöŋ keu toroqeba kewö jiyök, “Mewö malgetka (yara) yambu 40 teköiga miaŋgöreŋ Mosesnöŋ gölme qararaŋkölkölŋe liliköba kunduŋi qetŋi Sainai miaŋgö könaŋe mali Suep garata kunŋan asuhuyök. Mi ip köhösö kembaŋe könöp bölam asuhuba qahö jem kutuyöhi, miaŋgöreŋ asuhum waŋgiyök.
27221	ACT 7:36	Israel mekömekö aziŋina aka ambazipurupŋi mi aiwesök aŋgöletot könaŋi könaŋi memba Ijipt kantrinöhök meköba eŋguaŋgiriga mosöta Köwet Pisikŋi miaŋgöreŋ kaget. Emu kagetka miaŋgöreŋ aka gölme qararaŋkölkölŋe mewöŋanök toroqeba aiwesök aŋgöletot murutŋi murutŋi mi (yara) yambu 40 miaŋgö uruŋe memba kondeli eka malget.
27227	ACT 7:42	Mewö aketmö, Anutunöŋ mi eka ölan yöhöiga andö eŋgui Suepkö seŋgelau Toŋi waikŋini memba möpöseim eŋgimegöra eŋgömosörök. Kezapqetok azi Amosnöŋ keu kun ohoi Buzup Kimbinöŋ ahözawi, mönö miaŋgö dop kewö aket, ‘O Israel ambazip, iŋini gölme qararaŋkölkölŋe kaba (yara) yambu 40:gö dop mala nalö miaŋgöreŋ sömbup jöwöwöl ohoba naluk tosatŋi memba kaba niŋgiba malget me qahö?
27339	ACT 10:11	Suepnöŋ aŋaŋiiga könde ketaŋi kun erök. Könde mi opo tuatŋi ketaŋaŋgö tandök ewö ahök. Garata yeŋön yuai miaŋgö waŋgömŋi 4 miaŋgöreŋ memba naŋgöbeak, miaŋgö tandök ewö gölmenöŋ erök.
27340	ACT 10:12	Yuai miaŋgö uruŋe sömbup könaŋi könaŋi tatket. Sömbup tosatŋan köna 4:ŋan tiba anakze. Tosatŋan wösönöŋ ölölöŋgöba anakze. Mewöyök neiŋi neiŋi könakemba bölbölgöba anakzei, yuai mewöŋi mewöŋi mi könde miaŋgö uruŋe mohotŋe etket.
27358	ACT 10:30	Mewö jiiga Korniliusnöŋ meleŋnök, “Ni mare kunöŋ nalö kewöŋe 3 kilok miaŋgöreŋ mirine tata köuluk nup memba mala kotpi merak sömaŋi 4 akza. Köuluk nup memba malbiga miaŋgöreŋök azi kun sileötaŋi asakmararaŋambuk miaŋön asuhuba wösöne kinök.
27381	ACT 11:5	“Nöŋön Jopa sitinöŋ mala köuluköbiga Kembugö alburupŋan nuŋguiga tata imut kun kewö ehal: Suepnöŋ aŋaŋiiga könde ketaŋi kun erök. Könde mi opo tuatŋi ketaŋaŋgö tandök ewö ahök. Garata yeŋön yuai miaŋgö waŋgömŋi 4 miaŋgöreŋ memba naŋgöbeak, miaŋgö tandök ewö nöŋgö kösutneyök eta ahöyök.
27382	ACT 11:6	Eta ahöiga yuai miaŋgö uruŋe törörök ekiga sömbup könaŋi könaŋi miaŋgöreŋ tatket. Sömbup tosatŋi mi gölmenöŋ köna 4:ŋan tiba anakze. Tosatŋi kalŋi könöpŋinambuk akze. Tosatŋan wösöŋinan ölölöŋgöba anakze. Mewöyök nei könaŋi könaŋi könakemba bölbölgöba anakzei, yuai mewö mi könde miaŋgö uruŋe mohotŋe etketka eŋgehal.
27410	ACT 12:4	Miaŋgöra kiŋnöŋ kewö jiyök, “Nöŋön ak-kömukömu kendon teköiga Juda yeŋgö keu jakeŋe almam.” Mewö jiba jii kösö mire alget. Algetka yarö azi 16 yeŋön sutŋine kambu 4 köla nalö utekutek aketka azi 4:ŋan sundan suŋgem asak kinda galöm mem waŋgiba malget.
27449	ACT 13:18	“Kaba mala gölme qararaŋkölkölŋe kutuba kaba ahakmeme bölöŋi aka malgetka Anutugö irimŋan seholiiga (yara) yambu 40:gö dop urubölö möta malök.
27451	ACT 13:20	“Mewö asuhuiga (yara) yambu 450 miaŋgö dop anök. Miaŋgö andöŋe Anutunöŋ jimtekötekögö azi kembuŋi kembuŋi kuŋgum eŋgiyök. Mi kuŋgum eŋgii mala kotketka Samuelnöŋ asuhuyök. Yaŋön jimtekötekögö azi kembu qöndökŋi aka kezapqetok azia malök.
27452	ACT 13:21	“Samuelnöŋ asuhuba mali nalö miaŋgöreŋ kiŋ kembugöra uletketka Anutunöŋ azi qetŋi Sol eŋgiyök. Sol yaŋön Benjamin isikurup yeŋgöreŋök azi qetŋi Kis yaŋgö nahönŋa ahök aka (yara) yambu 40:gö dop kiŋ kembuŋina malök.
27531	ACT 15:20	Mewö qahöpmö, yeŋgöra kimbi kewö ohoinga dop kölma: Yeŋön sömbup busuŋi bem lopioŋgö naluk buŋa qeba könaŋine algetka ösumŋinan walöŋnöhi, mi kude neme. Sero yoŋgorö kude akŋe. Sömbup jölŋi qeqeŋaŋgö busuŋi aka sep mi kude neme. Yuai 4 mi mosötmegöra jim köhöibinak.
27532	ACT 15:21	Mosesgö Köna keu mi mönö möpŋaŋgö möpŋeyök miri dop jim asariba kota maljin. Mi Sabat kendon dop köuluk mirinine oyoŋda mörakzin. Miaŋgöra keu 4 mi ölöp qahö mosötpin.” Mewö.
27539	ACT 15:28	Uŋa Töröŋi aka neŋön keu kewögöra urumohot ahinga dop kölja: Eŋgö qakŋine lömböt könjöŋ qahö toroqeba albin. Keu bohonŋi 4 miyök wuataŋgöme. Mi oŋgitketka julbinbuk.
27540	ACT 15:29	Keu 4 mi kewö: Sömbup busuŋi bem lopioŋgö naluk buŋa qeba könaŋine algetka ösumŋinan walöŋnöhi, mi kude neme. Mewöyök sep me sömbup jölŋi qeqeŋaŋgö busuŋi mi kude neme. Sero yoŋgorö kude akŋe. Yuai 4 mi mosöta andö qegetka urumohot ahinga Anutunöŋ kötuetköm eŋgiiga ölöwaka malme. Mönö uru bönjöŋ malme.” Mewö.
27741	ACT 21:9	Filipkö böraturupŋi 4 malget. Anutunöŋ ambi seram mieŋgö uruŋine kezapqetok keu jijigö mötmöt kalem aliga malget.
27755	ACT 21:23	Miaŋgöra neŋön dölki keu göhöra jibini, göŋön mönö miaŋgö dop akŋan. Azi 4:ŋan yuai akingö keuŋini Anutugöreŋ jiba jöjöpaŋ keunöŋ jöhöget.
27757	ACT 21:25	Göhöreŋ keu kömumapmö, kian kantri yeŋön Jisös möt nariba uruŋini meleŋgeri, neŋön yeŋgöra keu kewö jöhöba kimbi ohoba alin anök, ‘Sömbup busuŋi bem lopioŋ yeŋgö naluk buŋa qeba könaŋine algetka ösumŋinan walöŋnöhi, mi mönö kude neme. Mewöyök sep me sömbup jölŋini qeqeŋi miaŋgö busuŋi mi kude neme. Serowilin kude akŋe. Yuai kanjamŋambuk 4 mi mönö mosöta andö qegetka dop kölma.’”
27758	ACT 21:26	Jitŋememe yeŋön mewö jigetka Polnöŋ azi 4 mi eŋgömemba ahöba wahöta yembuk köl könjörat ak aŋguget. Ak aŋgugetka jöwöwöl jikenöŋ öŋgöba azi mohot mohot eŋgöra naluk ala jöwöwöl ohogetka köl könjörat nalöŋini tekömawi, miaŋgö nalö buzupŋi jii mötket. Mewö.
27770	ACT 21:38	Miaŋgöra gi Ijipt azia akzan me qahö? Ijipt azi kunŋan uruwale tuarenjoŋ azi timbiŋinambuk 4000 mi eŋololoŋ ak eŋgiiga Rom gawman tuarenjoŋ aka bim karim könahiba aka eŋguaŋgiri gölme qararaŋkölkölŋe anget. Gi galöm azi mia akzan me qahö?”
27815	ACT 23:13	Azi 40 aka jaŋgö mi oŋgitkeri, yeŋön mindiriba jöjöpaŋ keu mi jöhöm köhöiba jiget.
27823	ACT 23:21	Mewö kaba jimemö, göŋön keu miaŋgö imbi ölöp kude kölman. Juda könagesö yeŋgö sutŋineyök azi 40 aka jaŋgö mi oŋgitkeri, yeŋön mindiriba Polgöra kewö jiba mi jöjöpaŋ keunöŋ jöhöm köhöiget, ‘Nini Pol kömumapköra mamböta nalö sutŋe kiaŋgöreŋ nene siŋgi malbin. Siŋgi mala qein kömuiga miaŋgö andöŋe ölöp nene me o kun kunbuk nembin.’ Mewö jiba göŋön imbi kölmangöra mamböta jöjöröba mönöze.”
27950	ACT 27:27	Waŋgeninan Gölme Sutŋire Köwetkö (Mediterranean Sea) bahöŋi qetŋi Adria Köwet miaŋgöreŋ öne laŋ aniga suŋgem 14 ahök. Mi aiga suŋgem bibiŋe miaŋgöreŋ waŋge nup meme azi yeŋön “Mönö gölme kun dopdowizin,” jiba uruŋinan mewö mötket.
27951	ACT 27:28	Mewö möta kinda kösö kun lömbötŋambuk jöhöba gilgetka geba köwet dutŋi misiriyök. Misiriiga köwet röndumgö qötöŋi ahuyöhi, mi 40 mita (120 fit) miaŋgö dop ahök. Borom kun toroqeba anda tandök mohot miyök aketka qötöŋi miaŋön 30 mita (90 fit) miaŋgö dop aiga miwikŋaiget.
27952	ACT 27:29	Mi miwikŋaiba waŋgeninan köt törom kembaŋe kuŋgubapuköra keŋgötŋini mötket. Mewö möta waŋgegö kösö mendanŋi 4 mi waŋge andöŋeyök pösata ösöŋ memba eta alget aka asarimapkö miri qeba mamböta köuluköba tatket.
27956	ACT 27:33	Waŋgaraŋ suruiga miaŋgöreŋ Polnöŋ körek pakpak nene nemegö qambaŋ keu jim kutum eŋgiba kewö jiyök, “Iŋini lök nalö köröpŋi uruyahöt mamböta nene kun qahö yöhösöröba malgetka merak wehön 14:ŋi akza.
27982	ACT 28:15	Urumeleŋ alaurupninan Rom siti malgeri, yeŋön kainaŋgö keu buzupŋi mötket. Mi möta miwikŋaim neŋgibingöra tosatŋan wahöta (köna 43 mail kaba) miri qetŋi Apius Forum maket miaŋgöreŋ kaget. Tosatŋan (33 mail kaba) miri qetŋi Kian miri karöbut, miaŋgöreŋ kaba miwikŋaim neŋgiba aŋgehin. Aŋgeka Polnöŋ “Anutu saiwap!” jiba möpöseiba uruŋi amqeiga ölöwahök. Mewö.
28773	1CO 14:27	Tosatŋan keu qainŋi kun jime ewö, ambazip 4 qahöpmö, yahöt me karöbut yeŋönök mönö totoko mohotkö uruŋe mewö jime. Yeŋönök mönö areŋinaŋgö dop awataŋ jigetka kunŋan mi meleŋma.
29092	2CO 12:2	Azi kun möt waŋgibi Kraistpuk qekötahöba malja. Uŋa Töröŋan i waŋgiriga gölmegö kousu luhut jaböŋi oŋgita öŋgöba seŋgelau jaböŋi oŋgita öŋgöba Anutu nanŋaŋgö Suep miri uruŋe eu öŋgöyök. Nalö miaŋgöreŋök yambu 14 lök teköi maljin. Silebuk me sileŋi qahö uŋaŋanök öŋgöyöhi, mi qahö mötzal. Anutunöŋ mi mötza.
29149	GAL 2:1	Miaŋgö andöŋe yambu (yara) 14 teköiga miaŋgöreŋ “Barnabasbuk Jerusalem sitinöŋ kunbuk öŋgömam,” jiba Taitus mewöyök waŋgitpiga mohotŋe öŋgöin.
29186	GAL 3:17	Keu miaŋgö könaŋaŋgöra kewö jizal: Jöhöjöhögö keu miaŋgö ölŋan mönö etmapkö osima. Anutunöŋ mi mutuhök jiba jöhöba yambu (yara) 430 teköiga miaŋgöreŋ Köna keuŋi miwikŋaiba Moses waŋgiyök. Köna keu miaŋön mönö jöhöjöhö keuŋi mutuk jiyöhi, mi qeapkömamgö osima.
29406	EPH 6:2	Anutunöŋ jöjöpaŋ keu 1-2-3 mieŋgö teteköŋe töwa likepŋi neŋgimamgö qahö jii ahözapmö, jöjöpaŋ keu jaŋgö 4 mi törömunŋambuk. Mutuk kewö jiza, “Iwinamyahötki mönö göda qem etkiba malman.” Keu mi tem kölinga Anutunöŋ töwa likepŋi neŋgimamgö keuŋi kewö jöhöi ohoget ahöza,
30071	HEB 3:9	Yeŋön gölme qararaŋkölkölŋe kaba Anutu ni esapköm niŋgiba malget. Aŋgöletot aka memba malali, iŋini mi yambu (yara) 40 miaŋgö dop eka mala mi töndup ni qahö möt narim niŋgigetka urunan böliiga malal.
30079	HEB 3:17	Ambazip denike yeŋgöra aka yambu (yara) 40 miaŋgö dop irimŋi seholiiga kazik ak eŋgii malget? Ambazip siŋgisöndok aketka mem kömum eŋgii sileŋinan gölme qararaŋkölkölŋe eta kölgeri, yeŋgöreŋ mönö mewö asuhuyök.
30840	REV 4:4	Jakömbuak dum tosatŋi 24 mieŋön dum bohonŋi mi liliköba tatketka mieŋgö qakŋine Anutugö jitŋememeurup 24 tatket. Yeŋön malukuŋini tuat lalamŋanök öluŋ geiga nöröpŋine goul ila jalö kunduta tatket.
30842	REV 4:6	Mewöŋanök jakömbuak jake wösöŋe yuai gilikbilikŋambuk köwet ewö ehal. Mi kirin jöhanŋi jöhanŋi kölköl-bilikbilikŋinambuk meleŋda asarimakzei, mönö miaŋgö dop asariyök. Jake bibiŋe dum liliköba bem jembon 4 kinget. Andöŋini aka wösöŋini mi jeŋinanök dop köliga kinget.
30843	REV 4:7	Bem jembon mutukŋan laion sömbup ewö ahök. Alaŋan bulmakau aziŋi ewö ahök. Alaŋiri kungö kaisoŋgolomŋi mi azi jesöŋgöröŋaŋgö tandök ahök. Alaŋini 4:ŋan tukapkap bölbölgömakzawaŋgö tandökŋa ahök.
30844	REV 4:8	Bem jembon 4 mohot mohot yeŋgö ginginŋini 6 pakpak ahöm eŋgiyök. Sileŋini lökŋanök aka ginginŋini bapŋe mewöyök jekötŋinanök dop köl eŋgiiga kinget. Kinda suŋgem silim liŋet kewö qörörök kölakze, “Kembu Anutu kukösum pakpakö Toŋi göŋön mönö töröŋi aka töröŋi aka töröŋanök akzan. Malmal Toŋi göŋön mönö möpŋaŋgö möpŋeyök mala kota maljan aka kunbuk liliŋgöba asuhuba mal öŋgöman.”