86	GEN 4:6	Bosoliiga Kembunöŋ Keingöra kewö jii mörök: “Irimgi mönö wuanöŋgöra seholiiga jemesoholgan bosoliza?
154	GEN 6:16	Boŋi muhungöba sel aka bo sutŋire liliköba jeŋgenaŋ tiŋi 44 sentimita (18 ins) mi mosöta kötohoman. Waŋgegö uruŋi mösöŋnöŋga uruŋi qakŋi, kembaŋi aka dutŋi karöbut asuhume. Waŋge naŋguŋi mi namŋe alman.
245	GEN 10:10	Nimrodkö bemtohoŋi mi gölme kewöŋe miaŋgöreŋ könahiget: Babel, Erek, Akad aka Kalne. Taon 4 mi Babilonia (Sinar) gölmenöŋ ahöze.
246	GEN 10:11	Nimrodnöŋ Babilonia gölme mosöta Asiria anda miri ketaŋi ketaŋi qetŋini Niniwe, Rehobotir aka Kala mi mem wahörök.
269	GEN 11:2	Mewö mala mosöta wehön kotkotŋe göröken anda Babilon uruŋe gölme köröŋi ketaŋi kun miwikŋaiba miaŋgöreŋ miriŋini memba tatket.
276	GEN 11:9	Kembunöŋ ambazip pakpak yeŋgö keuŋini mem sohoyöhi, miaŋgöra miri miaŋgö qetŋi Babel (eŋololoŋ siksauk) ahök. Miaŋgöreŋök Kembunöŋ i mendeŋqendeŋ eŋgiiga deŋda gölme pakpak dop köla anget. Mewö.
307	GEN 12:8	Miaŋgöreŋök mosöta toroqeba Betel mirigö wehön kotkotŋe göröken gölme kunduŋambuk miaŋgöreŋ anda opo seri koumŋi möröreŋgöba kuŋgui kinök. Mewö kiniga Betel miri miaŋön wehön gegeŋe göröken tariga Ai taonöŋ wehön kotkotŋe göröken tarök. Mewö tarohotka sutŋire kinda Kembugö jöwöwöl altaŋi kun miaŋgöreŋ memba Kembugö qetŋi qeta köuluköm waŋgiyök.
322	GEN 13:3	Mewö mala Negew distrik uruŋe tata mosöta kusukŋanök rowoŋqeqeŋine ahöba wahöta anda mala Betel mire kaŋgotket. Opo seri koumŋi mutuk Betel aka Ai miri mietkö sutŋire kuŋgui kinöhi, mönö miaŋgöreŋ kaŋgotket.
338	GEN 14:1	Nalö miaŋgöreŋ Babilongö (Sinargö) kiŋi qetŋi Amrafel, Elasargö kiŋi qetŋi Ariok, Elamgö kiŋi qetŋi Kedorlaomer aka Goimgö kiŋi qetŋi Tidal malget.
339	GEN 14:2	Yeŋön kiŋ kewö miembuk könahiba bim auget: Sodom taongö kiŋi qetŋi Bera, Gomora taongö kiŋi qetŋi Birsa, Adma taongö kiŋi qetŋi Sinab, Seboim taongö kiŋi qetŋi Semeber aka Bela (qetŋi alaŋi Zoar) taon miaŋgö kiŋi.
345	GEN 14:8	Mewö asuhuiga Sodomgö kiŋi, Gomoragö kiŋi, Admagö kiŋi, Zeboimgö kiŋi aka Bela (qetŋi alaŋi Zoar) miaŋgö kiŋi yeŋön wahöta asasaitiba Sidim öruenöŋ aŋgota kiŋ kewö miembuk bim qebingö jaböŋi ala aröŋda kinget:
346	GEN 14:9	Elamgö kiŋi Kedorlaomer, Goimgö kiŋi Tidal, Babilongö (Sinargö) kiŋi Amrafel aka Elasargö kiŋi Ariok. Kiŋ 4 mieŋön kiŋ 5 yembuk aröŋget.
353	GEN 14:16	Miaŋgöreŋ aŋgota sukinap pakpak kiom qeba memba angeri, mi miwikŋaiget. Behötŋi Lot aka yaŋgö öröyuaiŋi mi memba waŋgita liliŋgöba kayök. Sodom aka Gomora yeŋgö ambimoröurupŋini aka ambazip tosatŋi mi tok lökŋanök eŋguaŋgita kaget.
396	GEN 16:14	Könaŋi miaŋgöra aka o löm miaŋgö qetŋi mi Ber Lahai Roi (Malmalŋambuk mala nehakzawaŋgö o lömŋi) qetketka ahöza. O löm mi toroqeba miri yahöt qetŋiri Kades aka Bered mietkö sutŋire ahöza.
433	GEN 18:8	Mi möhamgöba ohom teköiga mi, kelök kosökŋi aka juju o tosatŋi memba anda azi tatkeraŋgö bapŋine alök. Bapŋine aliga nemba tatketka nanŋi nalö miaŋgöreŋ kösutŋine ip könaŋe galömŋina kinök.
487	GEN 19:29	Anutunöŋ gölme köröŋi miaŋgö taonŋi taonŋi ayuhuba köndeŋmöndeŋda nalö miaŋgöreŋ Abraham mötmörim waŋgiyök. Behötŋi Lotnöŋ taon mieŋgöreŋ maliga mieŋön meleŋni gebingö aketka Anutunöŋ nalö miaŋgöreŋök jim kutuiga Lot köndeŋmöndeŋ miaŋgö uruŋeyök waŋgita kaget. Mewö.
488	GEN 19:30	Lotnöŋ Zoar taonöŋ malmamgö keŋgötŋi mörök. Miaŋgöra böratyahötŋi etkuaŋgita Zoar mosöta gölme kunduŋambuk miaŋgöreŋ anda tatket. Böratyahötŋi yahöt yetpuk baŋet uruŋe ahöm wahöt aka malget.
495	GEN 19:37	Böratŋi ketaŋan morö azia memba qetŋi Moab (iwinaŋgöreŋök) qerök. Moab yaŋgö gwölönarökurupŋan ahumsehip aka kotketka nalö kewöŋe mewöyök qetŋini Moab könagesö qerakzin.
496	GEN 19:38	Böratŋi moröŋan mewöŋanök morö azia memba qetŋi Ben Ami (könagesönaŋgö nahönŋi) qerök. Azi miaŋgö gwölönarökurupŋan ahumsehip aka kotketka nalö kewöŋe mewöyök qetŋini Amon könagesö qerakzin. Mewö.
528	GEN 21:14	Mewö jii möta Abrahamnöŋ ahöba söŋan kötökŋe wahöta nene tosatŋi memba o uu (ou huhu) lama sileŋan memeŋi miaŋön o uba kaba Hagargö qamböŋe ala mindiŋgöba nahönŋambuk melaim etkiiga mosöta anohot. Anda Berseba gölme qararaŋkölkölŋe aŋgota liliköba malohot.
545	GEN 21:31	Mewö meleŋda azi yahöt mi gölme miaŋgöreŋ kinda jöjöpaŋ keuŋiri jiba jim jöhöm aŋguyohot. Miaŋgöra miri miaŋgö qetŋi Berseba qerakze.
546	GEN 21:32	Berseba mire jöhöjöhö mewö ahot teköiga Abimelek aka yaŋgö yarö kambuŋaŋgö suahö galömŋi Fikol yetkön wahöta liliŋgöba Filistin yeŋgö gölmenöŋ anohot.
547	GEN 21:33	Anohotka Abrahamnöŋ berem ip kun Berseba miri miaŋgöreŋ kömöta Kembu Anutu bem koŋkoŋ yaŋgö qetŋi qeta köuluköyök.
560	GEN 22:12	Mewö meleŋniga kewö jiyök: “Börögan mönö morögö qakŋe kude alman. Yaŋgö qakŋe yuai kun kude akŋan. Göŋön nahöngi mohotsirik mi nöŋgöra qahö aŋgön köljanaŋgöra könaŋamgi merak kewö möt yaközal: Gi Anutugö keu jitŋi oŋgitpanbuköra keŋgötki mörakzan.”
567	GEN 22:19	Kembugö garataŋan mewö jiiga Abrahamnöŋ moröŋambuk liliŋgöba welenqeqeyahötŋi yetköreŋ anda aitoŋgöba mohotŋe Berseba mire anget. Abrahamnöŋ Berseba miri miaŋgöreŋ opo seri koumŋi möröreŋgöba malök. Mewö.
569	GEN 22:21	Moröŋi mutukŋaŋgö qetŋi mi Uz, yaŋgö munŋi Buz aiga yaŋgö könaŋe Kemuel, Aramgö iwiŋi.
570	GEN 22:22	Kemuelgö könaŋe Kesed, Hazo, Pildas, Jidlaf aka Betuel.
571	GEN 22:23	Betuelnöŋ Rebekagö iwiŋa ahök. Milkanöŋ Abrahamgö munŋi Nahorgö nahönurupŋi 8 mi eŋgömeyök.
591	GEN 23:19	Miaŋgö andöŋe Abrahamnöŋ anömŋi Saragö qamötŋi mi Keinan gölmegö baŋetŋe esim löm kölök. Baŋet mi Mamre qetŋi alaŋi Hebron miaŋgö kösutŋe gölme köröŋi qetŋi Makpela miaŋgöreŋ ahöza.
607	GEN 24:15	Köuluk mi qahö köuluköm teköiga miaŋgöreŋök ambi kun qetŋi Rebeka yaŋön köuraŋen qamböŋe aŋguba miaŋgöreŋ kaŋgorök. Yaŋön Abrahamgö munŋi Nahor aka anömŋi Milka, yetkö nahönŋiri qetŋi Betuel yaŋgö böratŋa ahök.
616	GEN 24:24	Mewö qesim waŋgiiga kewö meleŋ waŋgiyök: “Ni Betuelgö böratŋa. Abu asani qetŋiri Milka aka Nahor.”
639	GEN 24:47	Gumohom eŋgiiga kewö qesim waŋgizal, ‘Gi dagö böratŋa?’ Qesim waŋgibiga kewö meleŋja: ‘Ni Betuelgö böratŋa. Abu asani qetŋiri Milka aka Nahor.’ Mewö meleŋniga nöŋön pinjim söŋgöröŋe möndöba böröjeŋjeŋ böröŋe membi öŋgöza.
642	GEN 24:50	Mewö jim teköiga Laban aka Betuel yetkön kewö meleŋda jiyohot, “Keu ki Kembugöreŋök kaza. Miaŋgöra netkön keu mewö me mewö jibiraŋgö dop qahö.
645	GEN 24:53	Bamgöm teköiga wahöta gösöŋeyök goul aka silwö aködamunŋi eksihimŋinambuk aka opo maluku kulemŋinambuk ujeta Rebeka waŋgiyök. Mewöŋanök kalem yuai tosatŋi söŋgöröŋini ketaŋi mi nam nenŋi etkiyök.
654	GEN 24:62	Anda kaba mala mala Keinan gölmenöŋ kaŋgotket. Aisaknöŋ gölme miaŋgö Saut likepŋe distrik qetŋi Negew miaŋgöreŋ mala nalö miaŋgöreŋök o löm qetŋi Ber Lahai Roi mi mosöta gölme qararaŋkölkölŋe kaba malök.
668	GEN 25:9	Kömuiga nahönyahötŋi Aisak aka Ismael yetkön iwiŋiraŋgö qamötŋi memba anda Makpela baŋetnöŋ löm kölohot. Baŋet mi Hit azi Efron Zohargö nahönŋi yaŋgö gölme köröŋe Mamre miri gölmenöhök wehön kotkotŋe göröken ahöza.
670	GEN 25:11	Abrahamnöŋ kömuiga Anutunöŋ nahönŋi Aisak kötuetköm waŋgiba malök. Yaŋön Negew gölmenöŋ o löm qetŋi Ber Lahai Roi (Malmalŋambuk mala nehakzawaŋgö o lömŋi) miaŋgö kösutŋe tata malök. Mewö.
679	GEN 25:20	Aisaknöŋ yambuŋi 40 aiga Mesopotemia (Padan Aram) kantrigö Aram azi qetŋi Betuel yaŋgö böratŋi Rebeka anömŋa meyök. Rebekagö nenŋi mi Aram azi qetŋi Laban.
693	GEN 25:34	Bohonŋi memba bered aka koziŋ kuluŋi Iso waŋgiiga nemba wahöta kinda mosöta anök. Isonöŋ mutuk asuhuyöhaŋgö qetbuŋaŋi mi miaŋgö dop möriga eretŋi ahök. Mewö.
716	GEN 26:23	Mewö jiba miaŋgöreŋ mala mosöta Berseba mire anök.
717	GEN 26:24	Berseba aniga suŋgem miaŋgöreŋ Kembunöŋ asuhum waŋgiba kewö jiyök: “Nöŋön iwigi Abrahamgö Anutuŋi akzal. Nöŋön göbuk mala kötuetköm gihiba malmam. Miaŋgöra keŋgötki kude mötman. Nöŋön nup azini Abrahamgöra aka göhö gwölönarökurupki ahumsehip eŋgibiga qötöŋinan öŋgöŋgöŋi akŋa.”
719	GEN 26:26	Aisaknöŋ Berseba maliga nalö kunöŋ kiŋ Abimelek yaŋön Gerar taon mosöta yaŋgöreŋ kayök. Gorojiji alaŋi Ahuzat aka yarö kambuŋaŋgö suahö galömŋi Fikol yetkön yambuk mohotŋe kaget.
726	GEN 26:33	“Nini o miwikŋaizin. “Mewö jigetka möta o löm miaŋgö qetŋi Siba qerök. Miaŋgöra taon miaŋgö qetŋi mi nalö kewöŋe mewöyök toroqeba Berseba qerakzin. Mewö.
727	GEN 26:34	Isonöŋ yambuŋi 40 aiga Hit ambi yahöt anömyahötŋa etkömeyök. Qetŋiri Judit, iwiŋi qetŋi Beri aka Basemat, iwiŋi qetŋi Elon.
751	GEN 27:23	Böröŋi jupŋambuk datŋi Isogö börö tandök ewö ahöhaŋgöra Aisaknöŋ i qahö möt kutum waŋgiba kötuetköm waŋgimamgöra ahök.
776	GEN 28:2	Mewö qahöpmö, mönö wahöta Mesopotemia (Padan Aram) gölmenöŋ anda namgahö iwiŋi Betuel yaŋgö mire aŋgota ehongi Labangö böraturupŋi yeŋgöreŋök kun anömga meman.
779	GEN 28:5	Mewö jiba Jeikob melaiiga mosöta Mesopotemia (Padan Aram) gölmenöŋ Labangöreŋ anmamgöra anök. Laban mi Aram azi Betuelgö nahönŋa aka Jeikob aka Iso yetkö namŋiri Rebeka yaŋgö nenŋa malök. Mewö.
784	GEN 28:10	Jeikobnöŋ mewö Berseba miri mosöta Haran mire anmamgö anök.
793	GEN 28:19	Miriba gölme miaŋgö qetŋi Betel (Anutugö miriŋi) qerök. Mutuk taon miaŋgö qetŋi mi Luz qeta malget.
794	GEN 28:20	Jeikobnöŋ gölme miaŋgö qetŋi dölökŋi Betel qeta keu kewö jim jöhöba jöjöpaŋ keunöŋ jim köhöiyök: “O Anutu, göŋön nömbuk mala köna ki anda malmami, miaŋgöreŋ nek galöm ak niŋgiba numbu neneŋamni aka silenaŋgö esuŋi miwikŋaim niŋginöŋga
825	GEN 29:29	Labanöŋ welen ambiŋi qetŋi Bilha mi böratŋi Reizölgö welenqeqeŋa malmapköra waŋgiyök.
834	GEN 30:3	Mewö jiiga Reizölnöŋ kewö jiyök: “Nöŋgö welen ambini Bilha mi ki. Ölöp yambuk ahönöŋga nöŋgöra morö mema. Yaŋön nam köliga nöŋön mewöyök yaŋgöreŋök nahönbörat miwikŋaim eŋgiba namŋini aka malmam.”
835	GEN 30:4	Mewö jiba welen ambiŋi Bilha waŋgiiga anömŋa memba yambuk ahöyök.
836	GEN 30:5	Ahöiga Bilhanöŋ gölöm ala Jeikobkö nahönŋi meyök.
838	GEN 30:7	Reizölgö welen ambiŋi Bilha yaŋön kunbuk gölöm ala Jeikobkö nahönŋi kun meiga yahöt ahök.
854	GEN 30:23	Bauköm waŋgiiga gölöm ala morö nahön kun memba keu kewö jiyök: “Anutunöŋ gamuni meköza.”
887	GEN 31:13	Nöŋön Betel miaŋgöreŋ asuhum gihibiga köt dangunu kun kuŋguba miriba nöŋgöra keu jöhöba jöjöpaŋ keunöŋ jim köhöinöŋ. Nöŋön Anutu mi aka göhöra keu kewö jizal: Gi mönö dölki wahöta kantri ki mosöta nangi ahuahu gölmege kunbuk liliŋgöba anman.’”
973	GEN 33:12	Buŋa qem aŋguba kewö jiyök: “Mönö ölöp mosöta köna anbin. Nöŋön köiputŋini akiga eŋön ölöp nömbuk kagetka anbin.”
981	GEN 33:20	Bohonŋi memba miaŋgöreŋ jöwöwöl alta kun memba qetŋi “El, Israelgö bem Anutuŋi,” mewö qerök. (El bem)
1013	GEN 35:1	Anutunöŋ Jeikob keu kewö jii mörök: “Gi mönö wahöta Betel mire anda tatat dundumgi miwikŋaiba miaŋgöreŋ Anutugöra jöwöwöl alta kun meman. Datki Isogöra ölöŋ köla anöŋga Anutunöŋ nalö miaŋgöreŋ asuhum gihiyöhi, mönö yaŋgöra alta mi meman.”
1015	GEN 35:3	Ni köŋjiliŋ uruŋe mala Anutu köuluköbiga meleŋ niŋgiyök aka denike denike anda kaba malali, yaŋön miaŋgöreŋ nömbuk mala korök. Miaŋgöra iŋini mönö kagetka Betel mire anbin. Nöŋön miaŋgöreŋ Anutugöra jöwöwöl alta kun memam.”
1018	GEN 35:6	Mewö anda mala Jeikobnöŋ könagesöŋi pakpak yambuk malgeri, mi eŋguaŋgita Luz mire aŋgotket. Luz qetŋi alaŋi Betel mi Keinan gölmenöŋ ahöza.
1019	GEN 35:7	Miaŋgöreŋ aŋgota Jeikobnöŋ jöwöwöl alta kun meyök. Datŋaŋgöra ölöŋ köla anöhi, nalö miaŋgöreŋ Anutunöŋ gölme miaŋgöreŋ asuhum waŋgiyök. Miaŋgöra Jeikobnöŋ miri gölme miaŋgö qetŋi El-Betel qerök. (El-Betel Betelgö Bemŋi.)
1020	GEN 35:8	Betel miaŋgöreŋ malgetka Rebekagö welen ambiŋi Debora yaŋön kömuyök. Kömuiga Betel miri bapŋe qerema ip kungö könaŋe löm kölget. Jiŋgeŋ qeta sahötkeraŋgöra aka qerema ip miaŋgö qetŋi Jiŋgeŋ sahötkö qeremaŋi mewö qetket.
1027	GEN 35:15	Anutunöŋ yambuk keu jiyöhi, Jeikobnöŋ miri gölme miaŋgö qetŋi Betel (Anutugö miriŋi) qerök. Mewö.
1028	GEN 35:16	Miaŋgö andöŋe Jeikobnöŋ saiwaurupŋi eŋguaŋgita Betel miri mosöta anda mala Efrata miri dopdowigetka Reizölgö morö meme nalöŋan kam kuŋguiga masö keta bölökŋi qeyök.
1030	GEN 35:18	Mewö jiiga morö memba kömumamgö aka timotŋi mem kuŋgui ahöba qetŋi miaŋgöra Benoni qerök. (Benoni sihimbölönaŋgö nahöni) Mewö qerökmö, iwiŋan qetŋi Benjamin qerök. (Benjamin Simbawoŋ nahöni)
1031	GEN 35:19	Reizölnöŋ mewö kömuiga Efrata köna töwokŋe Betlehem miaŋgöreŋ löm kölget.
1034	GEN 35:22	Jeikobkö saiwaurupŋi yeŋön gölme miaŋgöreŋ tata mala nahönŋi mutukŋi Ruben yaŋön iwiŋaŋgö anömŋi bohonŋi qahö memeŋi Bilha yaŋgöreŋ anda mohotŋe ahöyohotka iwiŋi Israelnöŋ miaŋgö buzupŋi mörök.
1036	GEN 35:24	Reizölgö nahönyahötŋi qetŋiri Josef aka Benjamin.
1037	GEN 35:25	Bilha Reizölgö welen ambigö nahönyahötŋi mi Dan aka Naftali.
1044	GEN 36:3	Basemat mi Ismaelgö böratŋi Nebaiotkö nenŋi.
1045	GEN 36:4	Adanöŋ Isogö nahönŋi Elifaz meiga Basematnöŋ yaŋgö nahönŋi Reuel meyök.
1051	GEN 36:10	Isogö nahönurupŋi yeŋgö qetŋini kewö: Anömŋi Ada yaŋgö nahönŋi qetŋi Elifaz. Anömŋi Basemat yaŋgö nahönŋi qetŋi Reuel.
1054	GEN 36:13	Reuelgö nahönurupŋi 4 mi Nahat, Zera, Sama aka Miza. Isogö anömŋi Basematkö isi aziurupŋi mi mewö.
1058	GEN 36:17	Isogö nahönŋi Reuel yaŋgö nahönurupŋi mi azi kembu qetŋini kewö: Nahat, Zera, Sama aka Miza. Reuelgö gwölönarökurupŋi azi kembu Edom gölmenöŋ asuhugeri, mi mewö. Mi Isogö anömŋi Basemat yaŋgö isiurupŋi aket.
1068	GEN 36:27	Ezergö nahönurupŋi qetŋini kewö: Bilhan, Zawan aka Akan.
1073	GEN 36:32	Beorgö nahönŋi Bela yaŋön Edom yeŋgö kiŋ kembuŋini ahök. Yaŋgö sitiŋaŋgö qetŋi Dinhaba.
1074	GEN 36:33	Belanöŋ kömuiga Bozra mirigö azi qetŋi Jobab, Zeragö nahönŋi yaŋön Belagö salupŋe kiŋ aka malök.
1076	GEN 36:35	Husamnöŋ kömuiga Hadad, Bedadkö nahönŋi yaŋön salupŋe kiŋ aka malök. Hadadnöŋ Moab gölmenöŋ anda Midian azi yembuk yarö gila eŋguba luhut alök. Yaŋgö sitiŋaŋgö qetŋi mi Awit.
1079	GEN 36:38	Saulnöŋ kömuiga Balhanan, Akborgö nahönŋi yaŋön Saulgö salupŋe kiŋ aka malök.
1080	GEN 36:39	Akborgö nahönŋi Balhanan kömuiga Hadarnöŋ salupŋe kiŋ aka malök. Yaŋgö sitiŋaŋgö qetŋi mi Pau. Anömŋaŋgö qetŋi Mehetabel. I Matredgö böratŋi aka Mezahabgö isiŋi malök.
1086	GEN 37:2	Jeikobkö gwölönarökurupŋi mieŋgö kösohotŋini kewö: Josefnöŋ azi gwabö yambuŋi 17 aiga darumunurupŋi, iwiŋaŋgö anömyahötŋi bohonŋiri qahö memeŋi Bilha aka Zilpa yetkö nahönurupŋi yembuk lama aka meme (noniŋ) kambuŋi kambuŋi galöm köl eŋgiba malget. Mewö mala darumunurupŋan silik akeri, miaŋgö kösohotŋi bölöŋi bölöŋi mi iwiŋaŋgö jii möta malök.
1200	GEN 41:4	Bulmakau piromŋi sihitqarambuŋinanök mieŋön bulmakau dömŋi ölöp sorokŋi kelök busuŋinambuk 7 mi gwahöt eŋgiget. Farao kiŋnöŋ gaun mi eka miaŋgöreŋök imbiŋi möta wahörök.
1216	GEN 41:20	Bulmakau sihitqarambuŋinanök kaisoŋgolomŋini piromŋi mieŋön bulmakau dömŋi busuŋini kelökŋinambuk 7 mutuk kotzei, mi gwahöt eŋgize.
1222	GEN 41:26	Bulmakau dömŋi 7 ölöp sorokŋi mi yambu 7:gö söpsöpŋi akze. Wit padi ölŋi kaŋgeŋinambuk ölöp kötökŋi 7 mi mewöyöhök yambu 7:gö söpsöpŋi akze. Könaŋiri mi öröröŋ aka mohok akzahot.
1223	GEN 41:27	“Bulmakau sihitqarambuŋinanök kaisoŋgolomŋini piromŋi 7 könaŋgep kotzei, mi yambu 7:gö söpsöpŋi akze. Wit padi ölŋi kaŋgeŋinambuk 7 gölme qararaŋkölkölŋaŋgö luhut könöpŋan eŋgohotiriiga soholiba gilipitŋi (ambetakŋi) akzei, mi bödi (buörö) malmalgö yambu 7 miaŋgö söpsöpŋi akze.
1227	GEN 41:31	Bödi mi köhöikŋi kötökŋi ahömawaŋgöra aka gölme dop ambazip yeŋön nene möriamgö yambuŋi 7 mutuk Ijipt gölmenöŋ ahöyöhi, miaŋgö keuŋi mi kunbuk qahö möta malme.