239	GEN 10:4	Jawangö nahönurupŋi yeŋgö qetŋini mi Elisa, Tarsis aka Saiprus könagesö aka Dodan könagesö.
242	GEN 10:7	Kusgö nahönurupŋi yeŋgö qetŋini mi Seba, Hawila, Sabta, Rama aka Sabteka. Ramagö nahönyahötŋi yetkö qetŋiri mi Seba aka Dedan.
260	GEN 10:25	Ebergö nahönyahötŋi yahöt asuhuyohot. Kunöŋ asuhuba mala koröhi, nalö miaŋgöreŋ gölme ambazipnöŋ jula deŋqeŋget. Miaŋgöra yaŋgö qetŋi Peleg (Deŋqeŋ) qetket. Munŋaŋgö qetŋi mi Joktan.
262	GEN 10:27	Hadoram, Uzal, Dikla,
302	GEN 12:3	Denike yeŋön gi kötuetköm gihimei, nöŋön mönö i kötuetköm eŋgiba malmam. Denike yeŋön gi jim suehöm gihimei, nöŋön mönö i mewöyök jim suehöm eŋgiba malmam. Göhöra aka nöŋgö kötumötuetnan mönö gölmegö könagesö kambuŋi pakpak yeŋgö qakŋine öŋgöiga oyaeŋkoyaeŋ akŋe.”
331	GEN 13:12	Deŋda Abramnöŋ Keinan gölmenöŋ anda malökmö, Lotnöŋ gölme köröŋi ketaŋaŋgö taonŋi taonŋi yeŋgö sutŋine anda kaba malök. Mewö mala opo seri koumŋi meköba memba kuŋguba anda kinda teteköŋe Sodom kösutŋe aŋgota malök.
351	GEN 14:14	Abramnöŋ behötŋi Lot waŋgita angeri, miaŋgö keuŋi möta aziurupŋi 318 nanŋi mire asuhuba mötmöt möta bimqeqe köl guliba malgeri, mi eŋgohol tokoba kerök kambu eŋguataŋgöba Not göröken anda mala Dan mire aŋgotket.
352	GEN 14:15	Abramnöŋ aziurupŋi mendeŋ eŋgiiga yeŋön suŋgem miaŋgöreŋ közöla kerök kambu qeraköm eŋgimemba luhut al eŋgiget. Luhut al eŋgiba eŋguataŋgöba anda mala Damaskusgö Not likepŋe miri qetŋi Hoba miaŋgöreŋ aŋgotket.
363	GEN 15:2	Keu mewö kayökmö, Abramnöŋ kewö jiyök, “O Kembu ketaŋamni, ni nahönböratni qahö malbiga töwa niŋginöŋga miaŋön mönö denöwö bauköm niŋgibawak? Nöŋön kömumbiga Damaskus azi Eliezer yaŋön nöŋgö sukinapnaŋgö toŋi akŋa.”
393	GEN 16:11	Kembugöreŋ garatanöŋ kunbuk toroqeba Hagargöra kewö jiyök: “Gi moröbuk akzana nahöngi meman. Dölki tapötkokorok möta sahötnöŋga mi mönö Kembugö kezapŋe geiga mötza. Miaŋgöra morögö qetŋi Ismael qetman. (Ismael Anutunöŋ kezapŋan mötza.)
540	GEN 21:26	Jim waŋgiyökmö, Abimeleknöŋ kewö meleŋda jiyök: “Daŋön silik mi ahöhi, mi nöŋön qahö mötzal. Nangak miaŋgö keuŋi kun mutuk qahö jinöŋ möta mala merak-kun keu mi mötzal.”
662	GEN 25:3	Joksanöŋ nahönyahötŋi qetŋiri Seba aka Dedan yetkö iwiŋira ahök. Dedan yaŋön Asur könagesö, Letus könagesö aka Leum könagesö yeŋgö bömönŋini ahök.
673	GEN 25:14	toroqeba Misma, Duma aka Masa,
682	GEN 25:23	Qesim waŋgiiga kewö jii mörök: “Göhö körö uruge kambu yahöt mietkö bömönŋiri ahözahot. Yetköreŋök könagesö yahöt asuhuba deŋda malme. Ambazip kambu kunöŋ kambu alaŋi eŋgoŋgita ösum köhöikŋi akŋe. Datŋan munŋi welen qem waŋgiba malma.”
690	GEN 25:31	Mewö jii möta Jeikobnöŋ jiyök: “Datni, gi mutuk asuhunöŋga miaŋgö qetbuŋagi mi mönö mutuk tököm niŋginöŋga nene kuluŋ mi ölöp gihibi neman.”
786	GEN 28:12	Gaun ahöba miaŋgöreŋ imut kun kewö ehök: Döp kungö kitipŋi gölmenöŋ algetka qak kitipŋi mi Suepnöŋ öŋgöba kuŋguba kiniga Anutugö garataurupŋi yeŋön miaŋgöreŋ tiba öŋgöm et aket.
837	GEN 30:6	Nahönŋi meiga Reizölnöŋ kewö jiyök: “Anutunöŋ kewöt niŋgii dop kölbiga köuluk keuni möta morö azia niŋgiza. “Miaŋgöra qetŋi Dan qerök. (Dan Kewöt niŋgii dop köljal.)
839	GEN 30:8	Mewö meiga Reizölnöŋ kewö jiyök: “Datnambuk gwötpuk aum-möriba luhut aljal. “Mewö jiba miaŋgö dop morö qetŋi Naftali (Aum-mörial) qerök.
852	GEN 30:21	Nalö tosatŋi teköiga Leanöŋ morö börat memba qetŋi Daina qerök.
940	GEN 32:12	“Datni Isonöŋ könanöŋ kaba nani, nam aka moröurupnini nini neŋguba ayuhum neŋgibapuköra nöŋön keŋgötni mötzal. Miaŋgöra göŋön mönö bauköm neŋgiba yaŋgö böröŋeyök meköm neŋgiman.
949	GEN 32:21	Mewö jim kutum eŋgiba kewö mötmöriyök: “Nöŋön esapköba uruŋi memba eta ala kalem waŋgimamgöra sömbup kambuŋi kambuŋi melaim eŋgibi mutuk anme. Datnan mi eŋgeka uruŋi bönjöŋ köliga amöribawak. Uruŋi amöriiga ölöp nanak yaŋgö jemesoholŋe ösöŋ aŋgotpi siŋgisöndokni mosöta ala ak niŋgibawak. “Mewö mötmöriba toroqeba kewö jiget mötmapkö jiyök: “Göhö welen azigi Jeikobnöŋ mönö andönine ösöŋ kaza.”
982	GEN 34:1	Leanöŋ Jeikobkö böratŋi Daina meyöhi, yaŋön nalö kunöŋ Keinan ambi seram eŋgekŋamgöra anök.
983	GEN 34:2	Aniga gölme miaŋgö azi kembuŋi Hamor yaŋön Hiwi könagesögö azia malök. Yaŋgö nahönŋi Sekem yaŋön Daina eka miaŋgöreŋök eksihim möta öröba mem bölim waŋgiyök.
984	GEN 34:3	Sekemnöŋ wölbötŋi Jeikobkö böratŋi Dainagöra pöröraköiga jöhöba urukalemŋan jöpaköm waŋgiba kelök keuŋan jiba tutuhum waŋgiba malök.
986	GEN 34:5	Nalö miaŋgöreŋ Jeikobkö nahönurupŋi yeŋön gölme köröŋe anda mirigö sömbupurupŋini galöm köl eŋgiba malgetka Sekemnöŋ Daina mem böliiga iwiŋi Jeikobnöŋ böratŋaŋgö keu buzupŋi mi mewö mörök. Mi mörökmö, mi mösamböta nahönurupŋan mire kaŋgotmegöra keu bök mamböta tarök.
989	GEN 34:8	Urupik aketmö, Hamornöŋ kewö jii mötket: “Nahöni Sekemgö uruwölbötŋaŋgö sihimŋi mi eŋgö nenböratŋinaŋgöreŋ mösölatiba tatza. Miaŋgöra ölöp jim tekögetka Dainanöŋ yaŋgö anömŋi akawak.
992	GEN 34:11	Mewö jiiga Sekemnöŋ Dainagö iwinenurupŋi yeŋgöra kewö jiyök: “Nöŋön eŋgö jeŋine ak-kömukömu miwikŋaimamgö möta qesim eŋgizal. Miaŋgöra i me waigö qesim niŋgimei, nöŋön mi ölöp eŋgimam.
994	GEN 34:13	Sekemnöŋ nenŋini Daina mem böliyöhaŋgöra aka Jeikobkö nahönurupŋi yeŋön isimkakalek qakŋe Sekem aka iwiŋi Hamor meleŋ etkiba
1006	GEN 34:25	Yandim tekögetka wehön 3:ŋi aiga miaŋgöreŋ uziŋinaŋgö sihimbölöŋi mi tok toroqeba möta tatketka Jeikobkö nahönŋi yahöt Simeon aka Liwai, Dainagö nenyahötŋi yetkön bimgö souŋiri ketaŋi memba taon miaŋgöreŋ saŋgabaŋga anda tihitŋini qahö möta tatketka wölaŋ bim qeba azi pakpak qaurapaŋ eŋguyohotka kömum teköget.
1007	GEN 34:26	Hamor aka nahönŋi Sekem mi mewöŋanök bimgö sou ketaŋan etkuyohotka kömuyohot. Kömuyohotka Sekemgö mireyök nenŋiri Daina mi öröba eta waŋgita anohot.
1013	GEN 35:1	Anutunöŋ Jeikob keu kewö jii mörök: “Gi mönö wahöta Betel mire anda tatat dundumgi miwikŋaiba miaŋgöreŋ Anutugöra jöwöwöl alta kun meman. Datki Isogöra ölöŋ köla anöŋga Anutunöŋ nalö miaŋgöreŋ asuhum gihiyöhi, mönö yaŋgöra alta mi meman.”
1019	GEN 35:7	Miaŋgöreŋ aŋgota Jeikobnöŋ jöwöwöl alta kun meyök. Datŋaŋgöra ölöŋ köla anöhi, nalö miaŋgöreŋ Anutunöŋ gölme miaŋgöreŋ asuhum waŋgiyök. Miaŋgöra Jeikobnöŋ miri gölme miaŋgö qetŋi El-Betel qerök. (El-Betel Betelgö Bemŋi.)
1020	GEN 35:8	Betel miaŋgöreŋ malgetka Rebekagö welen ambiŋi Debora yaŋön kömuyök. Kömuiga Betel miri bapŋe qerema ip kungö könaŋe löm kölget. Jiŋgeŋ qeta sahötkeraŋgöra aka qerema ip miaŋgö qetŋi Jiŋgeŋ sahötkö qeremaŋi mewö qetket.
1037	GEN 35:25	Bilha Reizölgö welen ambigö nahönyahötŋi mi Dan aka Naftali.
1062	GEN 36:21	Dison, Ezer aka Disan. Seirgö nahönurupŋi mi mutuk Edom gölmenöŋ Hor könagesö yeŋgö azi kembuŋina malgetka Isonöŋ könaŋgep kayök.
1066	GEN 36:25	Anagö nahönböratyahötŋi yahöt mi nahönŋi Dison aka böratŋi Oholibama.
1067	GEN 36:26	Disongö nahönurupŋi qetŋini kewö: Hemdan, Esban, Itran aka Keran.
1069	GEN 36:28	Disangö nahönyahötŋi yahöt qetŋiri Uz aka Aran.
1071	GEN 36:30	Dison, Ezer aka Disan. Hor könagesöŋi könagesöŋi yeŋgö azi kembu-urupŋini mi areŋinaŋgö dop Seir gölmenöŋ mewö malget. Mewö.
1073	GEN 36:32	Beorgö nahönŋi Bela yaŋön Edom yeŋgö kiŋ kembuŋini ahök. Yaŋgö sitiŋaŋgö qetŋi Dinhaba.
1101	GEN 37:17	Mewö meleŋniga kewö jiyök: “Yeŋön lök gölme ki mosöta anget. Dotan mire anbingöra jigetka möral. “Mewö jiiga möta darumunurupŋi yeŋgö könaŋine eŋguataŋgöba mala Dotan miri kösutŋe anda miwikŋaim eŋgiyök.
1129	GEN 38:9	Mewö jiyökmö, Onanöŋ gwölönarök mi yaŋgö buŋaya qahö akŋawi, mewö möta silik kewö aka malök: Datŋaŋgöra gwölönarök qiwikŋaibapuköra yaŋgö anöm malöŋambuk ahöba malöhi, nalö miaŋgöreŋ nalö dop morö qiwiqiwikŋaigö sile oŋi mi öne gölmenöŋ qokoba malök.
1298	GEN 43:7	Mewö jiiga kewö meleŋda jiget: “Azi miaŋön nini aka könagesöurupnini eŋgöra törörök qeqesi könaŋi könaŋi neŋgiba kewö jiyök, ‘Iwiŋinan jebuk malja me qahö? Darumunŋini kun malja me qahö?’ Mewö jiyöhaŋgöra qeqesiŋi mi neŋön ölŋanök jiba meleŋnin. Yaŋön könaŋgep munini waŋgita kamegöra jibawak, mi mönö qeljiŋe nalö miaŋgöreŋ denöwö mötpinak?”
1353	GEN 44:28	Datŋan nömosöta anda sohoiga kewö jial, “Sömbup kalŋan mönö yöhöqöhöi kömumbawak me denöwö?” Nalö miaŋgöreŋök könahiba i qahö ehal.
1376	GEN 45:17	Mewö möta Farao kiŋnöŋ Josefköra kewö jiyök: “Darumunurupki mönö jinöŋga kewö akŋe: ‘Sukinapŋini mönö doŋki qakŋine ala kunbuk liliŋgöba miriŋine Keinan gölme anme.
1402	GEN 46:15	Jeikobkö nahönurupŋi anömŋi Leanöŋ Mesopotemia (Padan Aram) gölmenöŋ eŋgömeyöhi, yeŋgö qetŋini mewö. Böratŋiri Daina mi mewöyök meyök. Jeikob aka Lea yetkö isimoröurupŋiri mi mewö oyoŋda mindirigetka 33 ahök.
1410	GEN 46:23	Dangö nahönŋi qetŋi Husim.
1418	GEN 46:31	Mewö jiiga Josefnöŋ darumunurupŋi aka iwiŋaŋgö könagesöŋi kewö jii mötket: “Nöŋön mönö Farao kiŋgöreŋ öŋgöba keu kewö jibi mötma: ‘Darumunurupni aka iwinaŋgö könagesöŋi Keinan gölmenöŋ malgeri, yeŋön lök nöŋgöreŋ kaze.
1419	GEN 46:32	Darumunurupni mieŋön lama bulmakau galömŋini aka mi galöm köl eŋgiba maljeaŋgöra kabingö aka lama kambuŋini, bulmakau kambuŋini aka sukinap öröyuaiŋini pakpak mi eŋguaŋgita kaze.’
1485	GEN 49:11	Yaŋön doŋkiŋi wain ip kembaŋe jöhöi kinma. Doŋkiŋi moröŋi mi wain kösö sutŋire gwaröhöiga ahöma. Yaŋön opoŋi mi wain oŋan saŋgoŋma. Malukuŋi mi wain kötŋaŋgö sepŋe kusahöla közöhölma.
1488	GEN 49:14	Isakar mi doŋki sihitŋi kotkotŋi miaŋgö dop akza. Doŋki qakŋe dum tatatkö gösöŋi yahöt mietkö sutŋire al kötöteiba lokoliba söloŋda ahömakza.
1490	GEN 49:16	Tosatŋan Dangö könagesöurupŋi mulumgöm eŋgigetka Dan yaŋön mönö awörök aka keu diŋdiŋaŋgöra bim qeba malma. Dan kambu yeŋön Israelgö kambu tosatŋi i ewö aka malme.
1491	GEN 49:17	Dan yaŋön qatö mokoleŋ ewö könanöŋ ahöba hosgö gwakötŋe yöhöiga töwöratiba giliga qakŋe tatmawaŋön mönö tala andöandö gölmenöŋ gema.
1500	GEN 49:26	Kunduŋi kunduŋi mieŋgö kötumötuetŋinan nalöŋi nalöŋi ambazip dop köl eŋgii mala kotket. Kunduŋaŋgö sörökŋe yambu dop nene nupŋini memba malgetka nene möriam asuhui mala kotketmö, göhö iwigahö kötumötuetŋan mönö mi pakpak oŋgitza. Kötumötuet mieŋön mönö Josefkö nöröp qakŋe öŋgöme. Darumun sutŋine pom jembon tök-kutukutuŋi akzawaŋgö malmalŋe mi pakpak mönö ahöm öŋgöme.
1524	GEN 50:17	‘Iŋini mönö Josefköra keu kewö jigetka mötma: Darumunurupkan silik bölöŋi aka ayuhum gihibingö akeri, göŋön mönö yeŋgö siŋgisöndokŋini aka kahasililiŋini mi mosötman. Miaŋgöra göŋön ölöp iwigahö Anutuŋaŋgö welenqeqeurupŋi neŋgö siŋgisöndoknini mosötman. “Yeŋön keu jit mi algetka Josefköreŋ kaiga möta mönö qeta sahörök.
7170	RUT 2:19	Mihi waŋgiiga muewö qesim waŋgiyök: “Gi erap denike anda bali qendaŋda memba malzan? Dahö nup uruŋe nup memba malzan? Aiwi galim köl gihizawi, Anutunöŋ mönö i kötuetköm waŋgima.” Mewö zöiga dahö nupnöŋ nup memba malöhi, yaŋgö sundutŋi Naomiköra zömba muewö zöyök: “Ni erap aiwi kunguk nup memba malzali, yaŋgö qetŋi mihi Boaz.”
7209	RUT 4:17	Anbi kösutŋe malgeri, yengön muewö zöget: “Naomiköreŋök isi nahönŋa hikŋaiza.” Mewö zömba qetŋi Obed qetket. Obedkö nahönŋi Jesi, isiŋi kiŋ Deiwid.
7210	RUT 4:18	Qet areŋ muhu mei Perezköreŋök könahiwa kinda Deiwidköreŋ öŋgöza: Perezkö nahönŋi Hezron,
7214	RUT 4:22	Obedkö nahönŋi Jesi. Jesikö nahönŋi kiŋ Deiwid. Mewö.
23214	MAT 1:1	Jisös Kraistkö ambösakon yeŋgö qet areŋini kewö: Abrahamgö gwölönarökŋi kun Deiwid. Deiwidkö gwölönarökŋi kun Jisös.
23219	MAT 1:6	Jesigö nahönŋi kiŋ Deiwid. Deiwidkö nahönŋi Solomon, namŋi mutuk Uriagö anömŋa malök. Juda kiŋ pakpak mi Deiwidkö gwölönarökurupŋi aka malget.
23230	MAT 1:17	Nalö Abrahamgöreŋök könahiba mala kotketka Deiwid asuhuyöhi, isik mieŋgö jaŋgö areŋi mi 14. Kunbuk kiŋ Deiwidköreŋök könahiba mala kotketka Israel könagesö eŋguaŋgitketka Babilon anda kösö mire malmal ewö tandök malgeri, isik mieŋgö jaŋgö areŋi mi mewöyök 14. Babilon kösö mire malmal ewö tandök malgeri, nalö miaŋgöreŋök könahiba mala kotketka Kraist asuhuyöhi, isik mieŋgö jaŋgö areŋi mi mewöyök 14.
23233	MAT 1:20	Mewö mötmöriba ahöiga Kembugö garata kunŋan gaunöŋ asuhum waŋgiba kewö jiyök, “Josef Deiwidkö gwölönarökŋi, Uŋa Töröŋan mönö Maria letot waŋgiiga köröŋambuk malja. Miaŋgöra gi mönö i örönöŋ mirige kaba anömgi akŋapkö keŋgötki kude mötman.
23306	MAT 5:3	“Denike yeŋön Anutugö jeŋe etqeqeŋi tandök mötzei, yeŋön Suepkö bemtohoŋi buŋa qem aŋgumeaŋgöra mönö simbawoŋ akze.
23307	MAT 5:4	Denike yeŋön jiŋgeŋ köla sahötzei, Anutunöŋ i urukölalep eŋgimapköra mönö simbawoŋ akze.
23308	MAT 5:5	Denike yeŋön guŋbönjönjöŋ malakzei, Anutunöŋ gölme ki mi yeŋgöra eŋgii buŋaŋina akŋapköra yeŋön mönö simbawoŋ akze.
23309	MAT 5:6	Denike yeŋön Anutugö jeŋe solanibingöra kapaŋ köla mi nene aka ogö ewö kömumba qemjeŋ qeba maljei, Anutunöŋ mönö sihimŋini mi gumohom eŋgima. Miaŋgöra yeŋön mönö simbawoŋ akze.
23310	MAT 5:7	Denike yeŋön tosatŋi ak kömum eŋgimakzei, Anutunöŋ i ak kömum eŋgimapköra yeŋön mönö simbawoŋ akze.
23311	MAT 5:8	Denike yeŋgö uruŋinan sarakŋi akzawi, yeŋön ölöp Anutu ekŋe. Miaŋgöra yeŋön mönö simbawoŋ akze.
23312	MAT 5:9	Denike yeŋön luai qemakzei, yeŋgö qetŋini mi Anutugö nahönböraturupŋi qetme. Miaŋgöra yeŋön mönö simbawoŋ akze.
23411	MAT 7:26	“Denike yeŋön keu jitni jizali, mi möta miaŋgö dop qahö tem köla memakzei, nöŋön körek yeŋgö könaŋamŋini kondela azi mötkutukutuŋi piromŋaŋgö dop ala kewö jimam, Yaŋön miriŋi sak kösahet qakŋe meyök.
23475	MAT 9:27	Jisösnöŋ miri gölme mi mosöta anmamgö ani jegömöl azi yahötŋan wuataŋgöba andöŋe kaba kewö qerohot, “Deiwidkö gwölönarökŋi, gi mönö ak kömum netkiman.”
23481	MAT 9:33	Kagetka Jisösnöŋ ömeŋi közöli mötök azinöŋ keu jiiga ambazip kambu yeŋön mi eka welipköba jiget, “Tandök kewöŋi mi Israel uruŋe mönöwök nalö kungen qahö ehin. Qahö. Dölki je murutŋa ekzin.”
23493	MAT 10:7	Denike denike anmei, miaŋgöreŋ mönö Buŋa keu kewö jiba jim asarime, ‘Suepkö bemtohoŋan mönö dowe kazawa miaŋgö uruŋe aŋgotme.’
23561	MAT 12:3	Mewö jigetka kewö meleŋnök, “Kiŋ Deiwidnöŋ yarö aziurupŋi yembuk liliköba wösöŋini eŋguiga yuai akeri, mi lök oyoŋget me qahö?
23581	MAT 12:23	Uba ehiga ambazip kambu pakpak yeŋön mi eka auruba Jisösgöra jiget, “Azi kiaŋön mönö Deiwidkö gwölönarökŋi akza me?”
23608	MAT 12:50	Denike yeŋön nöŋgö Suep Iwinaŋgö jitsihitŋi tem kölakzei, körek mieŋön mönö nöŋgö namni aka nenmunurupni akze.” Mewö.
23635	MAT 13:27	“Miaŋön aukŋe asuhuiga welenqeqeurupŋan mi eka nup toŋaŋgöreŋ kaba kewö jigetka mörök, ‘Ketaŋamnini, nupke nene köt ölöpŋi qesiŋ gilnöŋ me qahö? Dorowetkö kötŋi mi mönö denikeyök miaŋgöreŋ geba asuhuza?’
23644	MAT 13:36	Jisösnöŋ söpsöp keu mi jim teköba ambazip kambu ketaŋi eŋgömosöta miri uruŋe öŋgöyök. Öŋgöiga gwarekurupŋan yaŋgöreŋ kaba kewö qesiba jiget, “Dorowet nene nupnöŋ asuhuyöhi, gi mönö söpsöp keu miaŋgö könaŋi jim asarim neŋgiman.”
23648	MAT 13:40	“Dorowet tokoba könöpnöŋ ohoget jemawi, miaŋgö dop mönö gölmegö nalöŋan tekömawaŋgö nalö ketaŋe asuhuma.
23717	MAT 15:15	Mewö meleŋniga Pitönöŋ jiyök, “Dopkeu miaŋgö könaŋi mönö jim asarinöŋ mörin.”
23724	MAT 15:22	Aniga Kenan ambi, gölme miaŋgö toŋi kunŋan kaba Jisös uleta kewö qeta jiyök, “Kembu, Deiwidkö gwölönarökŋi, mönö ak kömum niŋgiman! Ömenöŋ böratni kölköljiŋjiŋ ak waŋgiiga sihimbölö ketaŋi mörakza.”
23794	MAT 17:25	Qesim waŋgigetka “Oŋ!” jiyök. Miaŋgö andöŋe Pitönöŋ miri uruŋe öŋgöiga Jisösnöŋ keu mutukŋi kewö qesim waŋgiyök, “Saimon, gi denöwö mötmörizan? Denike yeŋön kölköl-örörögö töwaŋi aka takis tosatŋi mi gölmegö kiŋ azi kembu yeŋgöra alakze? Kantri toŋi neŋön me kian yeŋön mi algetka tokomakze?”
23885	MAT 20:24	Darumun yahöt yetkön mewö ulerohotka alaurupŋi 10 yeŋön mi möta urubölö aket.
23891	MAT 20:30	Mewö kagetka jegömöl azi yahöt köna jitŋe tarohot. Tarohotka “Jisösnöŋ neŋgoŋgitmamgö akza,” jiget möta kewö qerohot, “Kembu Deiwidkö gwölönarökŋi, mönö ak kömum netkinöŋ!”
23892	MAT 20:31	Mewö qerohotka ambazip kambu yeŋön keu bök tatmahotköra qetal etkigetmö, yetkön mönö kapaŋ köla kewö qerohot, “Kembu Deiwidkö gwölönarökŋi, mönö ak kömum netkinöŋ!”
23900	MAT 21:5	“O Jerusalem ambazip Zaion kunduŋi liliköba maljei, yeŋgöra mönö kewö jigetka mötme, ‘Mötket, eŋgö kiŋ kembuŋinan mönö eŋgöreŋ asuhuma. Yaŋön guŋbönjönjöŋ aka doŋki qakŋe tata kama. Doŋki lömböt bisimakzawaŋgö moröŋi miaŋgö qakŋe tata kama.’”
23904	MAT 21:9	Tumbulgetka ambazip kambu jeŋe köl öröba angeri aka andöŋe wuataŋgöba kageri, yeŋön kewö jiba qetket, “Hosana! Anutu möpöseizin. Deiwidkö gwölönarökŋi owe owe! Kembugö qetŋe kamawi, Anutunöŋ mönö i kötuetköma. Hosana! Qetbuŋagi möpöseininga euyaŋgöreŋ öŋgöza! Owe owe!”
23910	MAT 21:15	Mewö asuhuyökmö, jike nup galöm aka Köna keugö böhi yeŋön aŋgöletot meyöhi, mi eket aka nahönbörat jöwöwöl jikenöŋ qeta “Hosana! Deiwidkö gwölönarökŋi owe owe!” jigeri, mi eŋgeka urubölö aket.
23928	MAT 21:33	Jisösnöŋ jiyök, “Dopkeu kun kewö mötme: Gölme toŋi kunöŋ wain kösö nup kun köla kömörök. Köla kömöta selŋi memba liliköyök. Mem liliköba kötnöŋ wain jout ketaŋi kötnöŋ meyök. Miaŋgöreŋ waingö ölŋi ala könanöŋ tözöhölget oŋan lalanöŋ geyök. Wain jout ketaŋi mi kötnöŋ memba wain yoŋgorö membepuköra galöm meme jake köröpŋi köweŋambuk meyök. Yuai pakpak mem teköba wain nup galöm tosatŋi miwikŋaim eŋgiba kewö jiyök, ‘Mönö nup memba ölŋaŋgö bahöŋi nanŋini memba bahöŋi toŋi ni niŋgime.’ Mewö jiba nup mi böröŋine ala eŋgömosöta kantri kunöŋ anda malök.
23961	MAT 22:20	Kagetka kewö qesim eŋgiyök, “Dagöreŋ imut aka qet mi ki ohoget ahöza?”
23966	MAT 22:25	Mötnöŋ, nalö kunöŋ darumun 7 malget. Datŋini mutukŋan ambi memba mala gwölönarökŋi qahö öne mala kömuyök. Kömuiga munŋan malöŋi mi meyök.
23983	MAT 22:42	“Iŋini Kraistköra denöwö mötze? Yaŋön mönö dagö nahönŋa akza?” Mewö jiiga meleŋda jiget, “Mönö kiŋ Deiwidkö gwölönarökŋa akza.”
23984	MAT 22:43	Jigetka jiyök, “Mewö akzapmö, denöwö aka Uŋa Töröŋan Deiwid sölölöhöm waŋgiiga yaŋgöra ‘Nani Kembuni,’ qeta kewö jiyök,