10	GEN 1:10	Mewö asuhuiga örönŋaŋgö qetŋi gölme qeta o kambu tokogeri, miaŋgö qetŋi köwet etkoholök. Etkohola etkehiga miaŋön mönö ölöwahök.
39	GEN 2:8	Mewö aiga Kembu Anutunöŋ wehön kotkotŋe göröken miri qetŋi Eden miaŋgöreŋ oyaeŋkoyaeŋ nup kömöta azi miwikŋaiyöhi, i miaŋgöreŋ al waŋgiyök.
41	GEN 2:10	Ip mewö wahötketka o töwatŋi kun mi Edenök könahiba oyaeŋkoyaeŋ miri mem kelita miaŋgöreŋök eta jula o böröŋi töwatŋi 4 aka anget.
46	GEN 2:15	Mewö aiga Kembu Anutunöŋ azi waŋgita oyaeŋkoyaeŋ miri Eden köl kömöta ek galöm akŋapköra jiba al waŋgiyök.
51	GEN 2:20	Mewö aiga azinöŋ mirigö sömbupŋi pakpak, könakembagö neiŋi pakpak aka arökŋaŋgö sömbupŋi pakpak mi qetŋini eŋgim teköyök. Eŋgim teköyökmö, nanŋi tandökŋaŋgö dop alabaukŋi malmapköra kun qahö miwikŋaiyök.
76	GEN 3:20	Azinöŋ anömŋi yuai pakpak malmalŋinambuk maljei, mieŋgö namŋini aiga azinöŋ qetŋi Iw (Ewa) qerök.
79	GEN 3:23	Mewö jiba miaŋgöra oyaeŋkoyaeŋ nup Eden miaŋgöreŋök közöl etkiba gölmenöhök mem etkiyöhi, mönö gölme miaŋgöreŋök kölkömöt nup memahotköra melaim etkiiga yaigep geba anohot.
80	GEN 3:24	Ambazip mewö közöl etkiba oyaeŋkoyaeŋ miri Edengö likepŋe wehön kotkotŋe göröken zerubim garata tosatŋi al eŋgiiga malmal köhöikŋaŋgö ip miaŋgö könaŋi utuba galöm kölget. Yeŋgö böröŋine bimgö souŋi ketaŋi aliga miaŋön könöp bölam ewö gilikbilikŋambuk jeba andöŋe wösöŋe liliköba biliksikö dop aiga kinda galöm köla malget. Mewö.
81	GEN 4:1	Azi Adamnöŋ anömŋambuk mala amiyohotka Iwnöŋ (Ewa) gölöm ala Kein (Kain) meyök. Memba Kein qetköra kewö jiyök: “Anutunöŋ bauköm niŋgiiga nahöni mezal.”
96	GEN 4:16	Mi aliga Kembugö jemesoholŋi mosöta anda anda gölme qetŋi Laŋlaŋ lilikqilik (Nod) miaŋgöreŋ aŋgota malök. Gölme mi Edenök wehön kotkotŋe göröken ahöza. Mewö.
106	GEN 4:26	Setkö nahönŋi mewöyök asuhuiga qetŋi Enos qerök. Mewö. Nalö miaŋgöreŋ ambazip yeŋön könahiba Kembugö qetŋi köuluköba malget. Mewö.
112	GEN 5:6	Kömuiga nahönŋi Set yaŋön yambuŋi 105 aiga nahönŋi Enos asuhuyök.
113	GEN 5:7	Enos asuhuiga nalö miaŋgöreŋök Setnöŋ toroqeba yambu 807 mala mala maliga nalö sutŋe miaŋgöreŋ nahönböratŋi tosatŋi asuhuba öŋgöget.
115	GEN 5:9	Kömuiga nahönŋi Enos yaŋön yambuŋi 90 aiga nahönŋi Kenan asuhuyök.
116	GEN 5:10	Kenanöŋ asuhuiga nalö miaŋgöreŋök Enosnöŋ toroqeba yambu 815 mala mala mal öŋgöiga nalö sutŋe miaŋgöreŋ nahönböratŋi tosatŋi asuhuba öŋgöget.
117	GEN 5:11	Öŋgögetka Enosnöŋ mala mala öŋgöba yambuŋi mindiriba 905 meköba kömuyök.
124	GEN 5:18	Kömuiga nahönŋi Jared yaŋön yambuŋi 162 aiga nahönŋi Enok asuhuyök.
125	GEN 5:19	Enok asuhuiga nalö miaŋgöreŋök Jarednöŋ toroqeba yambu 800 mala mala mal öŋgöiga nalö sutŋe miaŋgöreŋ nahönböratŋi tosatŋi asuhuba öŋgöget.
127	GEN 5:21	Kömuiga nahönŋi Enok yaŋön yambuŋi 65 aiga nahönŋi Metusela asuhuyök.
128	GEN 5:22	Metusela asuhuiga nalö miaŋgöreŋök Enoknöŋ yambu 300:gö dop uruŋi Anutubuk jöhöba anda kaba maliga nalö sutŋe miaŋgöreŋ nahönböratŋi tosatŋi asuhuba öŋgöget.
129	GEN 5:23	Öŋgögetka Enoknöŋ mala mal öŋgöba yambuŋi mindiriba 365 meköyök.
201	GEN 8:17	Eta sömbup yuai malmalŋinambuk pakpak göbuk waŋgenöŋ maljei, mi neiŋi neiŋi, mirigö sömbupŋi aka mokoleŋ yuai pakpak bapŋini gölmenöŋ köla ölölöŋgömakzei, mi mönö körek eŋguaŋgita etket. Mewö aknöŋga ölöp gölmenöŋ ahum sehiba gwölönarökpuk aka deŋda gölme dop köla malme.”
203	GEN 8:19	Etketka arökŋaŋgö sömbupŋi pakpak, mokoleŋ yuai pakpak, nei pakpak aka yuai pakpak gölmenöŋ anda kamakzei, mieŋön mönö mewöŋanök isikŋinaŋgö dop waŋge mosöta awataŋgöba et teköget. Mewö.
204	GEN 8:20	Et tekögetka Noanöŋ Kembugöra jöwöwöl alta kun memba mirigö sömbupŋi dönqizizinŋini qahö mi pakpak aka nei dönqizizinŋini qahö mi pakpak yeŋgöreŋök tosatŋi eŋgömemba alta qakŋe ala miaŋön Anutugöra jöwöwöl ohoyök.
239	GEN 10:4	Jawangö nahönurupŋi yeŋgö qetŋini mi Elisa, Tarsis aka Saiprus könagesö aka Dodan könagesö.
245	GEN 10:10	Nimrodkö bemtohoŋi mi gölme kewöŋe miaŋgöreŋ könahiget: Babel, Erek, Akad aka Kalne. Taon 4 mi Babilonia (Sinar) gölmenöŋ ahöze.
256	GEN 10:21	Jafetkö datŋi Sem yaŋgö nahönurupŋi mewöŋanök asuhuget. Semnöŋ mewö Ebergö nahönurup pakpak yeŋgö bömönŋini ahök.
257	GEN 10:22	Semgö nahönurupŋi yeŋgö qetŋini mi Elam, Asur, Arfaksad, Lidia (Lud) aka Aram.
259	GEN 10:24	Arfaksadkö nahönŋi Sela asuhuiga yaŋgö nahönŋi Eber asuhuyök.
260	GEN 10:25	Ebergö nahönyahötŋi yahöt asuhuyohot. Kunöŋ asuhuba mala koröhi, nalö miaŋgöreŋ gölme ambazipnöŋ jula deŋqeŋget. Miaŋgöra yaŋgö qetŋi Peleg (Deŋqeŋ) qetket. Munŋaŋgö qetŋi mi Joktan.
273	GEN 11:6	Eta mi eka kewö jiyök: “Yeŋön simbisembel qahöpmö, urumohot könagesö aka keuŋini mohot jiba kinda yuai ki könahiba meze ewö, könaŋgep i me wai membingö areŋini albeak, mi mönö miaŋgöra qahö osiba qaköme.
281	GEN 11:14	Selanöŋ yambuŋi 30 aiga nahönŋi Eber asuhuyök.
282	GEN 11:15	Ebernöŋ asuhuiga miaŋgö andöŋe Selanöŋ toroqeba yambu 403 maliga nalö sutŋe miaŋgöreŋ nahönböraturupŋi tosatŋi asuhuget.
283	GEN 11:16	Ebernöŋ yambuŋi 34 aiga nahönŋi Peleg asuhuyök.
284	GEN 11:17	Pelegnöŋ asuhuiga miaŋgö andöŋe Ebernöŋ toroqeba yambu 430 maliga nalö sutŋe miaŋgöreŋ nahönböraturupŋi tosatŋi asuhuget.
338	GEN 14:1	Nalö miaŋgöreŋ Babilongö (Sinargö) kiŋi qetŋi Amrafel, Elasargö kiŋi qetŋi Ariok, Elamgö kiŋi qetŋi Kedorlaomer aka Goimgö kiŋi qetŋi Tidal malget.
342	GEN 14:5	Mewö aketka yambu 14 miaŋgöreŋ Kedorlaomer aka kiŋ tosatŋi yambuk jöhöjöhö aka malgeri, mieŋön kaba könagesö kewöŋi yembuk bim qeba luhut alget: Refa könagesö mi Asterot Karnaim mire eŋguba luhut alget. Zuzi könagesö mi Ham mire aka Eme könagesö mi Kiriataim miri miaŋgöreŋ eŋguba luhut alget.
343	GEN 14:6	Hor könagesö mi Seir gölme kunduŋambuk miaŋgöreŋ eŋguba eŋguataŋgöba anda anda El Paran miri miaŋgöreŋ aŋgota luhut al eŋgiget. El Paran mi gölme qararaŋkölkölŋaŋgö göraŋe ahöza.
344	GEN 14:7	Luhut al eŋgiba miaŋgöreŋök liliŋgöba En Mispat (qetŋi alaŋi Kades) miaŋgöreŋ kaba Amalek könagesö luhut al eŋgiba gölmeŋini pakpak aŋgön kölget. Amor könagesö Hazezon Tamar gölmenöŋ malgeri, mi mewöŋanök eŋguba luhut al eŋgiget.
346	GEN 14:9	Elamgö kiŋi Kedorlaomer, Goimgö kiŋi Tidal, Babilongö (Sinargö) kiŋi Amrafel aka Elasargö kiŋi Ariok. Kiŋ 4 mieŋön kiŋ 5 yembuk aröŋget.
350	GEN 14:13	Mewö angetka azi kunŋan ölöŋ köla misiŋgöba kaba miaŋgö buzup keuŋi mi Hibru (kian) azi Abramgöra jii mörök. Nalö miaŋgöreŋ Abramnöŋ Amor azi qetŋi Mamre yaŋgöreŋ in ip ketaŋi ketaŋi mieŋgö kösutŋine malök. Mamrenöŋ munyahötŋi qetŋiri Eskol aka Aner yetpuk mohotŋe Abrambuk jöhöjöhö aka malget.
361	GEN 14:24	Nöŋön yuai kun qahö toroqeba memam-mö, aziurupnan wani yuaia negeri, mi lök neŋgigetka dop köl teköza. Mewöyök azi alaurupni Aner, Eskol aka Mamre nömbuk kageri, yeŋön mönö töwa jijiŋinaŋgö dop meme. “Mewö.
363	GEN 15:2	Keu mewö kayökmö, Abramnöŋ kewö jiyök, “O Kembu ketaŋamni, ni nahönböratni qahö malbiga töwa niŋginöŋga miaŋön mönö denöwö bauköm niŋgibawak? Nöŋön kömumbiga Damaskus azi Eliezer yaŋön nöŋgö sukinapnaŋgö toŋi akŋa.”
408	GEN 17:10	Gi aka göhö gwölönarökurupki embuk jöhöjöhö areŋni aka mi wuataŋgömegöra jizali, miaŋgö aiwesökŋi mi kewö: Eŋgö sutŋine azi pakpak yeŋgö sileŋine mönö nöŋgö aiwesökni yandime.
580	GEN 23:8	Sipköm eŋgiba kinda yeŋgöra keu kewö jiyök: “Nöŋön qamötni esim kölmamgö ölöp jime ewö, mönö nöŋgöreŋ keu ki möta Zohargö nahönŋi Efron yaŋgöreŋ anda keu jitni ki toroqeba jiba kuŋgum waŋgime.
582	GEN 23:10	Mewö jiiga Efronöŋ alapurupŋi Hit könagesö pakpak taonŋinaŋgö kiripo naŋguŋe kaba sombemnöŋ tokogeri, yeŋgö sutŋine tariga keu kezap ala mötketka Efronöŋ Abrahamgöra kewö meleŋ waŋgiyök:
585	GEN 23:13	Sipköm eŋgiba kinda yeŋgö jeŋine Efrongöra kewö jiiga mötket: “Nöŋgöreŋ keu ki mönö kezap ala mötnöŋ. Göŋön ölöp mewö akanakmö, nöŋön mönö gölme köröŋi miaŋgö bohonŋi mi gihimam. Mi ölöp jiba töwa menöŋga nöŋön qamötni miaŋgöreŋ esim löm kölmam.”
586	GEN 23:14	Mewö jiiga mötketka Efronöŋ Abrahamgöra kewö meleŋ waŋgiyök:
588	GEN 23:16	Mewö meleŋ waŋgiiga möta Abrahamnöŋ gölme bohonŋaŋgö jaŋgöŋi Efronöŋ Hit könagesö yeŋgö jeŋine jiiga mötkeri, miaŋgö urumohot ahök. Jaŋgöŋi silwö kötŋi 400 mi kölköl-örörö ambazipnöŋ nalö miaŋgöreŋ bohonŋaŋgö dopŋi jiget ahöyöhi, miaŋgö dop moneŋ mi kewöta waŋgiyök.
589	GEN 23:17	Mewö waŋgiiga Efrongöreŋ gölme köröŋi Mamre kösutŋe Makpela miaŋgöreŋ ahöyöhi, baŋet miaŋgöreŋ kinöhi aka ip pakpak gölme miaŋgö jabö uruŋe kingeri, miaŋgö keuŋi teköyök.
635	GEN 24:43	Eknöŋ, nöŋön o löm kiaŋgö kösutŋe kinjal. Kewö kinbiga ambi seram kunŋan o umamgö kaiga nöŋön yaŋgöra kewö jimam: “Gi ölöp köuraŋengeyök o moröŋi kun niŋginöŋga nembileŋak?”
646	GEN 24:54	Etkiba i aka aziurupŋi yambuk kageri, yeŋön nene kuluŋ nemba tata mala suŋgem aiga ahöget. Ahöba söŋan wahötketka kewö jiyök: “Ölöp melaim niŋgigetka ketaŋamnaŋgöreŋ anmam.”
657	GEN 24:65	Eta welenqeqe jembongöra qesiba kewö jiyök, “Azi gölme köröŋe endu kinda mesohol köl neŋgiba kazawi, mi daŋön?” Mewö jiiga kewö meleŋnök, “Yaŋön mönö ketaŋamnaŋgö nahönŋi akza. “Mewö meleŋniga möta nöröp kawöseŋi (kawaseŋ) öröba jemesoholŋi esuhuyök.
658	GEN 24:66	Esuhuiga aitoŋgögetka welenqeqe jembonöŋ yuai pakpak aka memba malöhi, miaŋgö kösohotŋi mi Aisaköra jii mörök.
663	GEN 25:4	Midiangö nahönurupŋi mi Efa, Efer, Hanok, Abida aka Elda. Mi pakpak Keturagö isiurupŋi aka malget. Mewö.
668	GEN 25:9	Kömuiga nahönyahötŋi Aisak aka Ismael yetkön iwiŋiraŋgö qamötŋi memba anda Makpela baŋetnöŋ löm kölohot. Baŋet mi Hit azi Efron Zohargö nahönŋi yaŋgö gölme köröŋe Mamre miri gölmenöhök wehön kotkotŋe göröken ahöza.
689	GEN 25:30	Mewö aiga Jeikobköra kewö jii mörök: “Sileni lömbörii wösöni gwötpuk aljawaŋgöra mönö zilaŋ koziŋ kuluŋi pisikpisik mi niŋginöŋga nembi. “Miaŋgöra qetŋi Edom (pisikpisik) qetket.
702	GEN 26:9	Etkeka Aisak oholi kaiga kewö jii mörök: “Mötnöŋ, yaŋön mönö göhö anömgi akza. Mönö wuanöŋgöra ‘I mi nena,’ jinöŋ?” Mewö möta kewö meleŋ waŋgiyök: “Ni yaŋgöra aka nuŋguget kömumbileŋbuköra mötmöriba mewö jial.”
713	GEN 26:20	Mi miwikŋaigetmö, Gerar yeŋgö lama bulmakau galömŋinan Aisakö lama bulmakau galömurupŋi yembuk könahiba aŋgururuk aka keu kewö jiget, “O mi neŋgöreŋa!” Nanŋambuk aŋgururuk keu mewö jigeraŋgöra aka Aisaknöŋ o löm miaŋgö qetŋi Esek (Aŋgururuk) qerök.
727	GEN 26:34	Isonöŋ yambuŋi 40 aiga Hit ambi yahöt anömyahötŋa etkömeyök. Qetŋiri Judit, iwiŋi qetŋi Beri aka Basemat, iwiŋi qetŋi Elon.
745	GEN 27:17	Esuhuba nene nahömŋambuk aka bered ohoyöhi, mi memba Jeikobkö böröŋe alök.
802	GEN 29:6	Jigetka kewö qesim eŋgiba jiyök: “I ölöp malja me qahö?” Mewö jiiga kewö jiget: “I ölöp malja. Eknöŋ, yaŋgö böratŋi Reizölnöŋ mönö endu lama eŋguaŋgita kaza.”
803	GEN 29:7	Mewö jigetka Jeikobnöŋ jiyök: “Eket, wehön ketaŋi ahöiga lama mi suŋgemgöra tokom eŋgibingö nalöŋan qahö töriza. Miaŋgöra ölöp lamaŋini o eŋgiget negetka kunbuk eŋguaŋgita malmalŋine anda al eŋgigetka neneŋamŋini neme.”
807	GEN 29:11	Eŋgim teköba Reizöl numbu yöhötim nemba könahiba köhöikŋi qeta sahörök.
898	GEN 31:24	Eŋgömemba suŋgem miaŋgöreŋök Anutunöŋ Aram azi Labangöra gaunöŋ asuhuba keu kewö jii mörök: “Göŋön Jeikobköra kötumötuet me qesuak keu kun jibanbuköra mönö möt kutuba galöm mem aŋguman.”
899	GEN 31:25	Eŋgömegetka Jeikobnöŋ opo seri koumŋi Gilead gölme kunduŋambuknöŋ möröreŋgöba kuŋguiga Laban aka aziurupŋi yeŋön mewöyök opo seri koumŋini miaŋgöreŋ kuŋguba ahöget.
932	GEN 32:4	Jeikobnöŋ könanöŋ anda mala kolek aziurupŋi tosatŋi mutuk melaim eŋgii Edom kantrigö gölme qetŋi Seir miaŋgöreŋ datŋi Iso ekingöra anget.
938	GEN 32:10	Mewö mötmöriba kewö jiba köuluköyök: “O Anutu, asani Abrahamgö aka iwini Aisakö bemŋiri, göŋön ölöp möt niŋgiman. Kembu, gi nangok keu kewö jinöŋ möral: ‘Gi mönö wahöta nangi gölmenöŋ liliŋgöba nangi tinitosolomurupki yeŋgöreŋ anman. Endu anöŋga nöŋön töhötmöriam gihibiga malman.’ Mewö jinöŋ möral.
952	GEN 32:24	Eŋguaŋgiri o kutuba anda sukinap yuaiŋi pakpak buŋaŋi ahöyöhi, mi mewöyök memba an teköget.
981	GEN 33:20	Bohonŋi memba miaŋgöreŋ jöwöwöl alta kun memba qetŋi “El, Israelgö bem Anutuŋi,” mewö qerök. (El bem)
993	GEN 34:12	Ambi bohonŋi aka kalem memba kaba eŋgimami, miaŋgö qötöŋi mi ölöp sihimŋinaŋgö dop memba öŋgöme. I me waigö qesim niŋgimei, nöŋön mi ölöp eŋgimam. Keuni kötŋi ki: Eŋön mönö jim teköba nenböratŋini niŋgigetka nöŋgö anömna akŋa.”
1019	GEN 35:7	Miaŋgöreŋ aŋgota Jeikobnöŋ jöwöwöl alta kun meyök. Datŋaŋgöra ölöŋ köla anöhi, nalö miaŋgöreŋ Anutunöŋ gölme miaŋgöreŋ asuhum waŋgiyök. Miaŋgöra Jeikobnöŋ miri gölme miaŋgö qetŋi El-Betel qerök. (El-Betel Betelgö Bemŋi.)
1028	GEN 35:16	Miaŋgö andöŋe Jeikobnöŋ saiwaurupŋi eŋguaŋgita Betel miri mosöta anda mala Efrata miri dopdowigetka Reizölgö morö meme nalöŋan kam kuŋguiga masö keta bölökŋi qeyök.
1031	GEN 35:19	Reizölnöŋ mewö kömuiga Efrata köna töwokŋe Betlehem miaŋgöreŋ löm kölget.
1033	GEN 35:21	Mewö asuhuiga Israelnöŋ miri mi mosöta toroqeba anda mala Eder miri köröpŋaŋgö likepŋe aŋgota opo seri koumŋi miaŋgöreŋ möröreŋgöba kuŋguyök. Mewö.
1041	GEN 35:29	Azi namŋi aiga yambuŋan öliiga nöŋ qeba kömumba ambösakonurupŋi yeŋgöreŋ toroqeyök. Nahönyahötŋi Iso (Esau) aka Jeikob yetkön qamötŋi mi löm kölohot. Mewö.
1042	GEN 36:1	Iso qetŋi alaŋi Edom yaŋgö gwölönarökurupŋi yeŋgö qet areŋini kewö:
1043	GEN 36:2	Isonöŋ Keinan ambi karöbut eŋgimeyöhi, mieŋgö qetŋini kewö: Ada mi Hit azi Elon yaŋgö böratŋa, Oholibama mi Hiwi azi Zibeongö nahönŋi Ana yaŋgö böratŋa.
1045	GEN 36:4	Adanöŋ Isogö nahönŋi Elifaz meiga Basematnöŋ yaŋgö nahönŋi Reuel meyök.
1049	GEN 36:8	Iso qetŋi alaŋi Edom yaŋön mewö aka Seir gölme kunduŋambuk miaŋgöreŋ anda malget.
1050	GEN 36:9	Isonöŋ Seir gölme kunduŋambuk miaŋgöreŋ mala Edom könagesö yeŋgö bömön jalöŋini ahöhi, yaŋgö gwölönarökurupŋi yeŋgö qet areŋini kewö:
1051	GEN 36:10	Isogö nahönurupŋi yeŋgö qetŋini kewö: Anömŋi Ada yaŋgö nahönŋi qetŋi Elifaz. Anömŋi Basemat yaŋgö nahönŋi qetŋi Reuel.
1052	GEN 36:11	Elifazkö nahönurupŋi 5 mi Teman, Omar, Zefo, Gatam aka Kenaz.
1053	GEN 36:12	Isogö nahönŋi Elifaz yaŋgö anömŋi bohonŋi qahö memeŋi qetŋi Timna yaŋön Elifazkö nahönŋi Amalek meyök. Isogö anömŋi Ada yaŋgö isi aziurupŋi mi mewö.
1056	GEN 36:15	Isogö gwölönarökurup kambuŋi kambuŋi yeŋgö azi kembuŋini mi kewö: Isogö nahönŋi mutukŋi Elifaz yaŋgö nahönurupŋi mi azi kembu qetŋini Teman, Omar, Zefo, Kenaz,
1057	GEN 36:16	Kora, Gatam aka Amalek. Elifazkö gwölönarökurupŋi azi kembu Edom gölmenöŋ asuhugeri, mi mewö. Mi Isogö anömŋi Ada yaŋgö isiurupŋi aket.
1058	GEN 36:17	Isogö nahönŋi Reuel yaŋgö nahönurupŋi mi azi kembu qetŋini kewö: Nahat, Zera, Sama aka Miza. Reuelgö gwölönarökurupŋi azi kembu Edom gölmenöŋ asuhugeri, mi mewö. Mi Isogö anömŋi Basemat yaŋgö isiurupŋi aket.
1060	GEN 36:19	Iso (Esau) qetŋi alaŋi Edom yaŋgö nahönurupŋi mewö aka yeŋgö könagesöurup mieŋgö azi kembuŋini mi mewö.
1061	GEN 36:20	Hor könagesögö azi Seir yaŋgö nahönurupŋi mutuk Edom gölmenöŋ malgeri, yeŋgö qetŋini kewö: Lotan, Sobal, Zibeon, Ana,
1062	GEN 36:21	Dison, Ezer aka Disan. Seirgö nahönurupŋi mi mutuk Edom gölmenöŋ Hor könagesö yeŋgö azi kembuŋina malgetka Isonöŋ könaŋgep kayök.
1064	GEN 36:23	Sobalgö nahönurupŋi qetŋini kewö: Alwan, Manahat, Ebal, Sefo aka Onam.
1067	GEN 36:26	Disongö nahönurupŋi qetŋini kewö: Hemdan, Esban, Itran aka Keran.