11	GEN 1:11	Ölöwahiga kewö jim kutuyök: “Gölme qakŋe mönö yuai görökŋi (töŋgönŋi) pakpak kewö asuhuba wahötme: Gwözözak yuai kötŋinambuk mi mönö asuhuba wahöta kötŋini kuŋguba söhömakŋe. Ip kösö tandökŋini könaŋi könaŋi mönö gölmenöŋ asuhuba ölŋini kötŋinambuk kuŋguba söhömakŋe.” Mewö jim kutuiga mönö kewö asuhuyök:
12	GEN 1:12	Gölme qakŋe yuai görökŋi (töŋgönŋi) pakpak asuhuba wahötket. Gwözözak yuai kötŋinambuk tandökŋini könaŋi könaŋi mi asuhuget. Ip kösö tandökŋini könaŋi könaŋi mi gölmenöŋ asuhuba ölŋini kötŋinambuk kuŋgum söhöget. Mewö asuhuiga Anutunöŋ eŋgehiga miaŋön mönö ölöwahök.
22	GEN 1:22	Ölöwahiga kötuetköm eŋgiba keu kewö jiyök: “Iŋini mönö köt moröŋinambuk jul sehiba o köwet dop köla malme aiga nei iŋini mönö mewöŋanök gölme qakŋe ahum sehime.”
28	GEN 1:28	Miwikŋaim etkiba i kötuetköba kewö jim kutum etkiyök: “Iŋiri mönö ahum sehiba gwölönarökpuk malohotka gölme dop köla malme. Mewö mala gölme toŋi akŋe. Mewö aka köwetkö söraŋi, könakembagö neiŋi aka sömbup mokoleŋ laigisip gölmenöŋ anda kamakzei, mönö mi pakpak galöm köl eŋgiba malme.”
40	GEN 2:9	Al waŋgiba jiiga gölmenöhök ip tandökŋini könaŋi könaŋi asuhuba wahötket. Ip mi eksihimŋinambuk aiga ölŋini neneŋi mi nahömŋinambuk. Oyaeŋkoyaeŋ nup bibiŋe malmal köhöikŋaŋgö ipŋi aka mötkutukutugö ipŋi mi mohotŋe jim kutuiga asuhuyohot. Mötkutukutugö ipŋaŋgö könaŋi kewö: Ölŋi nemba miaŋön ölöpŋi aka bölöŋi mietkö könaŋiri mi möt kutubahotpuk.
41	GEN 2:10	Ip mewö wahötketka o töwatŋi kun mi Edenök könahiba oyaeŋkoyaeŋ miri mem kelita miaŋgöreŋök eta jula o böröŋi töwatŋi 4 aka anget.
53	GEN 2:22	Gwözöŋda azinöhök maröm sihitŋi meyöhi, miaŋön ambi meyök. I memba azigöreŋ waŋgita kayök.
60	GEN 3:4	Mewö meleŋda jiiga mokoleŋnöŋ ambigöra kewö jiyök: “Mi saumbaŋ! Iŋiri kude kömumahot.
76	GEN 3:20	Azinöŋ anömŋi yuai pakpak malmalŋinambuk maljei, mieŋgö namŋini aiga azinöŋ qetŋi Iw (Ewa) qerök.
81	GEN 4:1	Azi Adamnöŋ anömŋambuk mala amiyohotka Iwnöŋ (Ewa) gölöm ala Kein (Kain) meyök. Memba Kein qetköra kewö jiyök: “Anutunöŋ bauköm niŋgiiga nahöni mezal.”
82	GEN 4:2	Iwnöŋ könaŋgep Adamgö nahönŋi Abel, Keingö munŋi meyök. Abelnöŋ mala qariba lama galömŋina aiga Keinöŋ kölkömöt azia aka malök.
86	GEN 4:6	Bosoliiga Kembunöŋ Keingöra kewö jii mörök: “Irimgi mönö wuanöŋgöra seholiiga jemesoholgan bosoliza?
98	GEN 4:18	Henokö nahönŋi qetŋi Irad. Iradkö nahönŋi Mehujael. Mehujaelgö nahönŋi Metusael. Metusaelgö nahönŋi Lamek. Mewö asuhuget.
207	GEN 9:1	Mewö jiba Anutunöŋ Noa aka nahönurupŋi kewö jiba kötuetköm eŋgiyök: “Iŋini mönö ahum sehiba gwölönarökpuk mala gölme dop köla malme.
213	GEN 9:7	Iŋini mönö ahum sehiba gwölönarökpuk aka malme. Mewö gölme qakŋe ahum sehigetka qötöŋinan qarim öŋgöma.”
241	GEN 10:6	Hamgö nahönurup yeŋgö qetŋini mi Kus, Ijipt, Libia aka Keinan.
248	GEN 10:13	Ijiptkö gwölönarökurupŋi yeŋön Libia könagesö, Anam könagesö, Lehab könagesö aka Naftu könagesö akze.
296	GEN 11:29	Abram aka Nahor yetkön öröröŋ ambi meyohot. Abramgö anömŋi qetŋi Sarai aiga Nahorgö anömŋi qetŋi Milka. Milkanöŋ Harangö böratŋa ahök. Haranöŋ Milka aka Iska yetkö iwiŋiri ahök.
309	GEN 12:10	Nalö miaŋgöreŋ Keinan gölmenöŋ bödi (buörö) asuhuiga miaŋön köhöiba lömbötŋi aiga Abramnöŋ Ijipt kantrinöŋ kusukŋanök malbingöra anget.
310	GEN 12:11	Könanöŋ anda Ijipt dopdowigetka Abramnöŋ miaŋgöreŋ anömŋi Saraigöra keu kewö jiyök: “Mötnöŋ, göŋön ambi eksihimgabuk akzani, mi mötzal.
311	GEN 12:12	Mewögöra Ijipt azi yeŋön gi geka kewö jime: ‘Ki yaŋgö anömŋa.’ Mewö jiba ni nuŋguget kömumam-mö, gi gehorigetka malman.
313	GEN 12:14	Abramnöŋ Ijipt kaiga Ijiptkö ambazipŋi yeŋön Sarai eketka ambi eksihimŋambuk qetpuk ahök.
318	GEN 12:19	Wuanöŋgöra ‘I mi nena,’ jinöŋ? Mewö jinöŋga nöŋön i anömna akŋapköra waŋgiral? Anömgi ki. Mönö i waŋgita anohot.”
320	GEN 13:1	Abramnöŋ Ijipt gölme mosöta anömŋi aka bau inap yuaiŋi pakpak memba eŋguaŋgita Lotpuk mohotŋe liliŋgöba anda Keinan gölmegö Saut likepŋi qetŋi Negew miaŋgöreŋ kaŋgotket.
329	GEN 13:10	Mewö jiiga Lotnöŋ uba wahöta Jordangö gölme köröŋi ketaŋi pakpak ehiga Anutunöŋ mi ölöp mem kelöriga Kembugöreŋ oyaeŋkoyaeŋ arö kelökŋambuk ewö ahök. Mi Ijipt yeŋgö gölme ewö ahöba Zoar miri göröken anök. Mutuk Kembunöŋ Sodom aka Gomora qahö ayuhum etkiiga nalö miaŋgöreŋ gölme mi mewö ahöyök.
379	GEN 15:18	Kembunöŋ mewö sömbup likepŋi likepŋi mieŋgö sutŋire anda kaba sömaŋ miaŋgöreŋ Abrambuk jöjöhö areŋ aka (kaisöpsöpŋan mi mem köhöiba) keu kewö jii mörök, “Nöŋön gölme ki mi göhö gwölönarökurupki yeŋgö buŋaya qem engimam. Miaŋgö jaböŋi mi Ijiptkö o töwatŋi (Nail) miaŋgöreŋök könahiba kaba ki oŋgita anda o töwatŋi ketaŋi qetŋi Yufreitis miaŋgöreŋ teköma.
383	GEN 16:1	Abramgö anömŋi Sarainöŋ köpin mala morö qahö meyökmö, Saraigö welen ambi qetŋi Hagar malök. Mi Ijipt ambia.
385	GEN 16:3	Abramnöŋ Keinan gölmenöŋ yambu 10 mal teköiga nalö miaŋgöreŋ Sarai Abramgö anömŋan Ijiptkö welen ambiŋi Hagar memba apŋaŋgö anömŋi akŋapköra waŋgiyök.
393	GEN 16:11	Kembugöreŋ garatanöŋ kunbuk toroqeba Hagargöra kewö jiyök: “Gi moröbuk akzana nahöngi meman. Dölki tapötkokorok möta sahötnöŋga mi mönö Kembugö kezapŋe geiga mötza. Miaŋgöra morögö qetŋi Ismael qetman. (Ismael Anutunöŋ kezapŋan mötza.)
397	GEN 16:15	Hagarnöŋ Abramgö morö nahönŋi meyök. Abramnöŋ nanŋi moröŋi Hagar meyöhi, yaŋgö qetŋi Ismael qerök.
398	GEN 16:16	Abramnöŋ yambuŋi 86 aiga Hagarnöŋ Ismael morö mi Abramgöra meyök. Mewö.
416	GEN 17:18	Abrahamnöŋ mewö mötmöriba welipköba Anutu kewö qesim waŋgiyök: “Göŋön ölöp Ismael kuŋgum waŋginöŋga qetki bisiiga nöŋgö gwölönarökurupni mi yaŋgöreŋök asuhume.”
418	GEN 17:20	Ismael kötuetköm waŋgimamgö qesim niŋgizani, mi mewöyök ölöp möt gihiba kötuetköm waŋgimam. Yaŋön azi kembu 12 mieŋgö iwi bömönŋini akŋa. Nöŋön ahumsehip waŋgibiga gwölönarökurupŋi yeŋgö jaŋgöŋinan mönö keta bölökŋi akŋa. Yeŋön sehiba könagesö kambu ketaŋi akŋe.
421	GEN 17:23	Wehön miaŋgöreŋök Abrahamnöŋ Anutugöreŋ keu tem köla nanŋi nahönŋi Ismaelgö sileŋe Anutugö aiwesökŋi yandiyök. Mewöyöhök welenqeqeurupŋi nanŋi miri uruŋe asuhugetka tosatŋi moneŋnöŋ bohonŋini meiga malgeri, azi pakpak mi yaŋgö miri uruŋe tatkeri, i mönö körek mewöŋanök ak eŋgiyök.
423	GEN 17:25	Nahönŋi Ismael mi yambuŋi 13 aiga sileŋe mi yandiget.
424	GEN 17:26	Abraham aka nahönŋi Ismael yetkö sileŋire aiwesök mi sömaŋ mohot miaŋgöreŋök yandiget.
434	GEN 18:9	Kiniga kewö qesim waŋgiget: “Anömgi Sara mi denike?” Qesim waŋgigetka jiyök: “I opo seri koum uruŋe endu tatza.”
466	GEN 19:8	Mötket. Nöŋgö böratni yahöt seram mala nalö kunöŋ azibuk qahö ahöyohot. I ölöp eŋgöra etkuaŋgita etpiga wanat yuaia akingö mötzei, mi ölöp sihimŋini meköme. Mewömö, nöŋgö miri boŋan azi yahöt etkualöŋda sel jöhöm etkizawi, ia mönö yuai bölöŋi kun qahöpmahöp ak etkime.”
472	GEN 19:14	Mewö jiyohotka möta Lotnöŋ anda qiŋgi buŋa yahöt böratyahötŋi etkömembitkö jiiga malohori, yetköra kewö jiyök: “Iŋiri mönö ösumok wahörohotka miri ki mosöta anbin. Kembunöŋ taon ki ayuhuba köndeŋmöndeŋmamgö akza. “Mewö jiiga yetkön keu mi mörohotka göngönahit tandök ahök.
480	GEN 19:22	Mi qahö ayuhumam-mö, iŋini mönö ösumok miaŋgöreŋ misiŋgöba angaitme. Miaŋgöreŋ qahö aŋgotketka nalö sutŋi kewöŋe nöŋön yuai kun akŋamgö osimam. Iŋini mutuk miaŋgöreŋ aŋgotketka miaŋgö andöŋe ölöp jim kutubiga köndeŋmöndeŋ asuhuma. “Lotnöŋ taongöra ‘morodökŋi’ jiyöhaŋgöra aka taon miaŋgö qetŋi mi Zoar (morodökŋi) qetketka ahöza.
503	GEN 20:7	Mewögöra ambi mi mönö kunbuk meleŋda apŋaŋgöreŋ waŋgiman. Azi mi kezapqetok azia aka ölöp göhöra köuluköiga qahö kömuman. I kunbuk qahö waŋgiman ewö, keu ki mönö ölŋa mötman: Gi aka tinitosolomurupki iŋini mönö körek kömume.”
509	GEN 20:13	Anutunöŋ Iwinaŋgö miriŋi mosöta kungen anmangö jiyöhi, nöŋön nalö miaŋgöreŋ Saragöra kewö jial: ‘Niri denike denike anbiri, miaŋgöreŋ nöŋgöra nena jiman. Mewö aka miaŋön ni urukalem kondel niŋgiba malman.’”
523	GEN 21:9	Ijipt ambi Hagarnöŋ Abrahamgö morö nahönŋi Ismael meyöhi, yaŋön nalö kunöŋ munŋi Aisak ilita mepaiköba gönawöt ak waŋgiiga Saranöŋ mi ehök.
525	GEN 21:11	Saranöŋ keu mi jiyöhi, miaŋön Abrahamgö uruŋi qeiga Ismael mi nahönŋi ahöhaŋgöra aka urueret möriga uruŋi mötökömbuk ahök.
534	GEN 21:20	Anutunöŋ Ismaelbuk kiniga qariba gölme qararaŋkölkölŋe mala erim nembi azia ahök.
535	GEN 21:21	Gölme qararaŋkölkölŋi qetŋi Paran miaŋgöreŋ maliga namŋan Ijipt kantrinöhök ambi kun memba anömŋa waŋgiyök. Mewö.
553	GEN 22:5	Mi eka welenqeqe yahötŋi yetköra kewö jiyök: “Iŋiri doŋkibuk ki tarohotka ni aka morö nahön netkön endu anda Anutu waikŋi memba möpöseiba kunbuk liliŋgöba etköreŋ kabit.”
555	GEN 22:7	Mewö anda Aisaknöŋ aŋ ala iwiŋi Abrahamgöra kewö jiyök: “Iwini!” Mewö jiiga kewö meleŋnök: “Nahöni, wania?” Mewö meleŋniga kewö qesiyök: “Könöp jitŋi aka könöp mia ki memba kazitmö, jöwöwöl ohohogö lamaŋi mi denike?”
615	GEN 24:23	Mei öŋgöiga kewö qesim waŋgiyök: “Gi dagö böratŋa? Iwigahö miri uruŋe neŋön suŋgem ahöbinakö tiŋi kun ahöza me qahö, mi ölöp jinöŋ mötpileŋak.”
628	GEN 24:36	Ketaŋamnaŋgö anömŋi Sara yaŋön ambi namŋi kötökŋi aka nalö miaŋgöreŋ ketaŋamnaŋgöra nahönŋi kun meyök. Iwiŋan sukinapŋi pakpak mi nahönŋaŋgöra buŋa qem waŋgii malja.
661	GEN 25:2	Meiga Keturanöŋ Abrahamgö moröurupŋi kewö eŋgömeyök: Zimran, Joksan, Medan, Midian, Isbak aka Sua.
668	GEN 25:9	Kömuiga nahönyahötŋi Aisak aka Ismael yetkön iwiŋiraŋgö qamötŋi memba anda Makpela baŋetnöŋ löm kölohot. Baŋet mi Hit azi Efron Zohargö nahönŋi yaŋgö gölme köröŋe Mamre miri gölmenöhök wehön kotkotŋe göröken ahöza.
671	GEN 25:12	Ijipt ambi Hagar yaŋön Saragö welen ambia maliga Abrahamnöŋ meiga gölöm ala nahönŋi Ismael meyök. Ismaelgö nahönurupŋi yeŋgö qet areŋini kewö:
672	GEN 25:13	Ismaelgö nahönurupŋi yeŋgö qetŋini aka asuhugeraŋgö areŋini mi kewö: Nahönŋi mutukŋi qetŋi Nebaiot. Yaŋgö könaŋe Kedar, Adbel, Mibsam,
675	GEN 25:16	Ismaelgö nahönurupŋan mewö asuhuba kambuŋinaŋgö dop pomŋini 12 aka mala kotket. Pomŋini qetkeri, miaŋgö dop opo koum tamböŋini aka jike miriŋini mewöyök qeta memba mala kotket.
676	GEN 25:17	Ismaelnöŋ mala koriga yambuŋi mindiriba 137 aiga kömuyök. Mewö azi namŋi aka söŋgörö ösum kondikŋi öröba nöŋ qeba kömuiga Anutunöŋ waŋgiri tinitosolomurupŋan kömugeri, yeŋgöreŋ anda toroqeyök.
677	GEN 25:18	Ismaelgö gwölönarökurupŋi yeŋön köröpken köröpken deŋda anda mala gölme qetŋiri Hawila aka Sur mietkö sutŋire gölme memba malget. Gölmeŋini mi Ijipt kantrigö jaböŋeyök könahiba wehön kotkotŋe Asiria göröken angeri, köna miaŋgö kösutŋe miaŋgöreŋ ahöza. Ismaelgö gwölönarökurupŋi yeŋön Abrahamgö gwölönarökurupŋi tosatŋi pakpak mi kerök-kerök ak eŋgiba malget. Mewö.
684	GEN 25:25	Mutuk köröŋeyök asuhuyöhi, yaŋgö sileŋan pisikpisik aiga sile jupŋan sileŋi körek dop köla ahöyök. Miaŋgöra qetŋi Iso (jupŋambuk) qetket.
685	GEN 25:26	Miaŋgö könaŋe munŋan Isogö köna gwakötŋe böröŋan memba asuhuyök. Miaŋgöra yaŋgö qetŋi Jeikob qetket. (Jeikob keu miaŋgö könaŋi yahöt: gwaköt aka tilipköza.) Aisaknöŋ yambuŋi 60 aiga nalö miaŋgöreŋ Rebekanöŋ moröyahötŋi yahöt mi etkömeyök. Mewö.
686	GEN 25:27	Morö nahön yahöt mietkön asuhuba qariba ketaŋi ahotka Isonöŋ böröjaŋ nupkö könaŋi törörök möt yaköba pöndaŋ jölömnöŋ malmamgö mörökmö, munŋan azi bönjöŋi aka kapaŋ köla mire malök.
687	GEN 25:28	Aisaknöŋ arökŋaŋgö sömbupŋi nemamgö möta malök. Miaŋgöra uruŋan Iso gwötpuk jöpaköm waŋgiba malökmö, Rebekanöŋ urukönömŋan Jeikob gwötpuk jöpaköm waŋgiba malök.
693	GEN 25:34	Bohonŋi memba bered aka koziŋ kuluŋi Iso waŋgiiga nemba wahöta kinda mosöta anök. Isonöŋ mutuk asuhuyöhaŋgö qetbuŋaŋi mi miaŋgö dop möriga eretŋi ahök. Mewö.
695	GEN 26:2	Anda maliga Kembunöŋ asuhum waŋgiba kewö jiyök: “Gi Ijipt gölmenöŋ kude anman. Gölme ki buŋagi akŋapkö jim kutuyali, mönö kiaŋgöreŋ tata malman.
700	GEN 26:7	Maliga gölme miaŋgö aziŋi yeŋön anömŋaŋgö qesim waŋgigetka kewö jiyök, “I mi nena. “Mewö jiba uruŋan kewö mötmöriyök: “Rebekagö kaisoŋgolomŋan eksihimŋambuk akzawaŋgöra azi mieŋön mönö yaŋgöra aka ni nuŋguget kömumbileŋbuk. “Mewö mötmöriba “I anömna,” mewö jimamgö keŋgötŋi möta malök.
702	GEN 26:9	Etkeka Aisak oholi kaiga kewö jii mörök: “Mötnöŋ, yaŋön mönö göhö anömgi akza. Mönö wuanöŋgöra ‘I mi nena,’ jinöŋ?” Mewö möta kewö meleŋ waŋgiyök: “Ni yaŋgöra aka nuŋguget kömumbileŋbuköra mötmöriba mewö jial.”
720	GEN 26:27	Kagetka Aisaknöŋ kewö qesim eŋgiyök: “Iŋini kerök möt niŋgiba gölmeŋineyök közöl niŋgigetka töndup mönö wuanöŋgöra nöŋgöreŋ ki kaze?”
727	GEN 26:34	Isonöŋ yambuŋi 40 aiga Hit ambi yahöt anömyahötŋa etkömeyök. Qetŋiri Judit, iwiŋi qetŋi Beri aka Basemat, iwiŋi qetŋi Elon.
729	GEN 27:1	Aisaknöŋ mala kota azi namŋi aiga jeŋi ömun köliga yuai kunbuk ek kutumamgö osiyök. Mewö osiba nahönŋi mutukŋi Iso köl öröm waŋgii kaiga kewö jii mörök: “Nahöni mötnöŋ. “Mi möta kewö meleŋ waŋgiyök: “Iwini, ni ki kinjal.”
733	GEN 27:5	Aisaknöŋ nahönŋi Isogöra keuŋi mewö jiiga Rebekanöŋ mi kezap ala mörök. Möriga Isonöŋ mosöta sömbup böröjaŋ memba qeba iwiŋi waŋgimamgöra jölömnöŋ anök.
734	GEN 27:6	Aniga Rebekanöŋ nahönŋi Jeikobköra keu kewö jii mörök: “Nahöni mötnöŋ, Iwigan datki Isogöra keu kewö jiiga mötzal:
739	GEN 27:11	Mewö jii möta namŋi Rebekagöra kewö jiyök: “Namni mötnöŋ, datni Isonöŋ sile jupŋambuk akzapmö, nöŋgö silenan solanŋi akza.
740	GEN 27:12	Iwinan ni nömisiriba mötpawak ewö, ni yaŋgö jemesoholŋe tilipqilip azi tandök asuhubiga möt niŋgibapuk. Mewö möt niŋgiiga kötumötuet qahöpmö, jimqesuak öröbi nani qakne öŋgöbapuk.”
743	GEN 27:15	Ohoba nahönŋi mutukŋi Isogö opo malukuŋi ölöp kötökŋi opo köweŋe galöm kölöhi, mi memba nahönŋi könaŋgepŋi Jeikob waŋgiiga löŋgörök.
746	GEN 27:18	Aliga memba iwiŋaŋgöreŋ anda “Iwini!” jiyök. Jiiga kewö meleŋnök: “O nahöni, gi daŋön?”
747	GEN 27:19	Mewö meleŋniga iwiŋaŋgöra kewö jii mörök: “Ni nahöngi mutukŋi Iso. Jim kutum niŋginöŋi, ni mönö miaŋgö dop ak teközal. Ölöp wahöta tata sömbupni memba kazali, mi nemba kötuetköm niŋgiman.”
749	GEN 27:21	Mewö meleŋniga Jeikobköra kewö jiyök: “Nahöni, gi ölŋa nahöni Iso akzan me qahö, mi mötmamgöra mönö ölöp kösutne ki kanöŋga gömisirimam.”
750	GEN 27:22	Mewö jiiga iwiŋi Aisakö kösutŋe aniga misirim möta kewö jiyök: “Imbi jölgan Jeikobkö imbia akzapmö, börögan Isogö böröŋi ewö.”
751	GEN 27:23	Böröŋi jupŋambuk datŋi Isogö börö tandök ewö ahöhaŋgöra Aisaknöŋ i qahö möt kutum waŋgiba kötuetköm waŋgimamgöra ahök.
752	GEN 27:24	Töndup kunbuk kewö qesim waŋgiyök: “Gi ölŋa nahöni Isoya me qahö?” Qesim waŋgiiga kewö meleŋnök: “Ni mönö Isoya.”
758	GEN 27:30	Aisaknöŋ Jeikob kötuetköm waŋgim teköiga iwiŋaŋgö miri uruŋi mosöta yaigep aniga wölaŋ miaŋgöreŋök datŋi Isonöŋ böröjaŋ mali teköiga mire kayök.
759	GEN 27:31	Kaba yaŋön mewöyök nene nahömŋambuk ohoba mözözömgöba memba kaba iwiŋi waŋgiba kewö jiyök: “Iwini, ölöp wahöta tata sömbupni tosatŋi nemba kötumötuetki niŋgiman.”
760	GEN 27:32	Mewö jiiga iwiŋi Aisaknöŋ kewö qesim waŋgiyök: “Gi daŋön?” Qesim waŋgiiga kewö meleŋda jiyök: “Ni nahöngi mutukŋi Iso.”
762	GEN 27:34	Isonöŋ iwiŋaŋgö keu jitŋi mi möta urukömbuk aka amburereŋ memba silata sahöta iwiŋaŋgöra kewö ulerök: “Iwini, nia mönö mewöyök kötuetköm niŋginöŋ.”
764	GEN 27:36	Mewö jiiga Isonöŋ kewö jiyök: “Munan mönö indimŋi yahöt tilipköm niŋgiiga maljal: Yaŋön mutuk asuhuyalaŋgö qetbuŋaŋi mi mutuk noaŋgit teköyök aka merak nöŋgö kötumötuetni mi mewöyök taköba noaŋgita meza. Miaŋgöra qetŋi Jeikob (tilipqilip azi) qerakzini, mi mönö dopŋe akza. Kötumötuet kun mönö nöŋgöra ahöm gihiza me qahö?”
765	GEN 27:37	Mewö jiiga iwiŋan Isogöra kewö meleŋnök: “Mötnöŋ, nöŋön mungi göhö azi kembugi malmapköra kuŋgum waŋgizal. Tinitosolomurupŋi pakpak yeŋön i welen qem waŋgiba malmegöra jim kutum eŋgizal. Yaka yöha, sehoŋ padi aka wain o yuai mi lök jim teközalawa Anutunöŋ mi waŋgiba malma. O nahöni, wanat kötumötuetna kun toroqeba ahöm niŋgizawa mia gihibileŋak? Mi mönö osizal.”
769	GEN 27:41	Iwiŋan Jeikob kötumötuetŋi waŋgiyöhi, Isonöŋ miaŋgöra aka könahiba munŋi uruönön möt waŋgiba malök. Nanŋi uruŋan mewö möta alaŋi kungöra kewö jiyök: “Iwiniraŋgö kömupŋaŋgö nalöŋan töriza. Yaŋön kömuiga sahöt jiŋgeŋ nalöŋe miaŋgöreŋ ölöp muni Jeikob qebi kömuma.”