33 | GEN 2:2 | Anutunöŋ nupŋi mi mei teköiga wehön 7 miaŋgöreŋ kendon tarök. Nupŋi pakpak meyöhaŋgöra wehön 7 miaŋgöreŋ luhut meyök. |
38 | GEN 2:7 | Nalö miaŋgöreŋ Kembu Anutunöŋ gölme sömsöm memba miaŋön azi mem yaköba malmalgö numbu ösumŋi söŋgöröŋe ui geiga öröba guliba malmalgö uŋaŋambuk ahök. Mewö. |
62 | GEN 3:6 | Mewö jiiga ambinöŋ ip mi uba ehiiga ölŋi ölöpŋi neneŋaŋgö dop ahök. “Mi eksihimŋambuk kiniga mötkutukutu ketaŋi awamŋanök niŋgima,” mewö mötmöriba ölŋi kun meköba neyök. Nemba apŋi yambuk malöhi, i tok waŋgiiga neyök. |
63 | GEN 3:7 | Neiga jeŋiran mönö miaŋgöreŋök tohoiga sileŋiri aukŋe malohori, mi aŋgek kutuyohot. Mewö aŋgek kutuba kinda fig ipkö sinŋi mumburatiba opo söröŋiri uba lata malohot. |
67 | GEN 3:11 | Mewö meleŋniga kewö jiyök: “Gi sile aukŋe maljani, mi mönö daŋön jii mötzan? Nöŋön ip kungö kötŋi nembanbukö soŋgo al gihiali, göŋön miaŋgöreŋök kun nezan me?” |
73 | GEN 3:17 | Toroqeba azi kewö jim waŋgiyök: “Nöŋön ip kungö ölŋi nembanbuköra ‘Mia kude neman,’ jiba soŋgo al gihialmö, göŋön mi töndup anömgahö keuŋi wuataŋgöba nezan. Miaŋgöra nöŋön gölme mi göhöra aka saitköbiga ahöma. Mewö ahöiga göŋön gölmenöŋ malmanaŋgö dop mönö sileqeqe aka nup gwötpuk memba sihimbölö möta nenegi miwikŋaiba malman. |
74 | GEN 3:18 | Nup memba malnöŋga göhö nene nupnöŋ nuŋgakal, koururuk (köwörörök) yuai mi asuhuiga arökŋaŋgö yöha yuai mi nemba malman. |
89 | GEN 4:9 | Kömuiga Kembunöŋ Kein kewö qesim waŋgiyök: “Mungi Abel mi denike malja?” Qesim waŋgiiga kewö meleŋnök: “Ni qahö mötzal. Ni munangö jegalöma qahö akzal.” |
96 | GEN 4:16 | Mi aliga Kembugö jemesoholŋi mosöta anda anda gölme qetŋi Laŋlaŋ lilikqilik (Nod) miaŋgöreŋ aŋgota malök. Gölme mi Edenök wehön kotkotŋe göröken ahöza. Mewö. |
102 | GEN 4:22 | Zilanöŋ mewöyök nahönŋi qetŋi Tubal-Kein meyök. Yaŋön qariba börögö tulsŋi aka bimqeqegö yuaiŋi könaŋi könaŋi mi bras aka ainöŋ ohoi kolkolgöi qekötahöba mezapma. Tubal-Keingö nenŋi qetŋi Nama. |
105 | GEN 4:25 | Azi mutukŋi Adam yaŋön kunbuk anömŋambuk mala amiyohotka nahönŋiri kun memba kewö jiyök: “Keinöŋ Abel qei kömuyöhaŋgöra Anutunöŋ Abelgö salupŋe nahöni kun niŋgiza. “Miaŋgöra qetŋi Set (Niŋgiza) qerök. |
106 | GEN 4:26 | Setkö nahönŋi mewöyök asuhuiga qetŋi Enos qerök. Mewö. Nalö miaŋgöreŋ ambazip yeŋön könahiba Kembugö qetŋi köuluköba malget. Mewö. |
135 | GEN 5:29 | Asuhuiga qetŋi Noa (kölalep) qeta kewö jiyök: “Anutunöŋ gölme saitköiga nini böröninan nup köl kömöta sileqeqe aka sihimbölö möta malinga morö kiaŋön mönö ölöp urukölalep neŋgimakŋa.” |
136 | GEN 5:30 | Noa asuhuiga nalö miaŋgöreŋök Lameknöŋ toroqeba yambuŋi 595 aiga nalö sutŋe miaŋgöreŋ nahönböratŋi tosatŋi asuhuba öŋgöget. |
138 | GEN 5:32 | Lameknöŋ kömuiga nahönŋi Noa yaŋön yambuŋi 500 aiga nahönurupŋi karöbut qetŋini Sem, Ham aka Jafet asuhuget. Mewö. |
141 | GEN 6:3 | Mewö aketka nalö miaŋgöreŋ Kembunöŋ keu kewö jiyök: “Gölme ambazipnöŋ silebuk nalö teteköŋi qahö mal öŋgömemö, yeŋön mönö kömume. Areŋini mewö al eŋgizal. Nalö kewöŋeyök könahiba malmalŋini mönö yambu 120 jaŋgö mi qahö oŋgita mal öŋgöme.” |
146 | GEN 6:8 | Mewö jiyökmö, azi Noa yaŋön Kembugö jeŋe ak-kömukömu miwikŋaiyök. |
147 | GEN 6:9 | Noagö gwölönarökurupŋi mieŋgö kösohotŋini mi kewö: Nahönurupŋi karöbut qetŋini Sem, Ham aka Jafet mi asuhuget. Noanöŋ ambazip sutŋine azi solanŋi köpösihitkö keuŋi qahö mala uruŋi Anutubuk jöhöba anda kaba malök. |
149 | GEN 6:11 | Noanöŋ mewö malökmö, ambazip tosatŋi pakpak yeŋön Anutugö jeŋe goŋgiba bölim tekögetka ambazip ayuhum eŋgieŋgi mi gölme körek dop köla ahöyök. |
151 | GEN 6:13 | Mewö eka Anutunöŋ Noagöra keu kewö jii mörök: “Ambazip yeŋgöra aka ayuhum eŋgieŋgi mi gölme körek dop köla ahöza. Miaŋgöra nöŋön ambazip pakpak mem kömum teköm eŋgimamgöra mönö keuni jöhöyal. Mötnöŋ, nöŋön mönö onöŋ gölme meleŋbi geiga yuai pakpak isikusukŋinambuk mi kömum teköme. |
155 | GEN 6:17 | Mötman! Nöŋön mönö jibiga göulu ketaŋan kota gölme jömukŋi köl turuiga ambazip aka yuai malmalgö ösumŋinambuk pakpak suep bapŋe maljei, mieŋön mönö o nemba nemulahöba kömume. Mewö kömumba gölmegö yuai pakpak mi mönö qahöwak teköme. |
158 | GEN 6:20 | Nei tandökŋini könaŋi könaŋi, mirigö sömbupŋi tandökŋini könaŋi könaŋi aka gölmegö mokoleŋ, lolohom yuai tandökŋini könaŋi könaŋi körek yeŋgöreŋök yahöt yahöt mi mönö kömumbepuköra eŋguaŋgitnöŋga göhöreŋ kaŋgotketka öŋgöme. |
160 | GEN 6:22 | Anutunöŋ Noa mewö akŋapkö jim kutum waŋgiiga miaŋgö dowök mönö tem köla mi pakpak ahök. Mewö mia aka mem teköyök. |
161 | GEN 7:1 | Noanöŋ waŋge mem teköiga Kembunöŋ keu kewö jii mörök: “Gi ambazip kambu kieŋgö sutŋine solanŋi aka maljan. Nöŋön göhö könaŋamgi mewö miwikŋaizal. Miaŋgöra gi aka saiwaurupki pakpak iŋini mönö waŋgenöŋ öŋgöme. |
165 | GEN 7:5 | Kembunöŋ Noa mewö akŋapkö jim kutum waŋgiiga miaŋgö dowök mönö tem köla mi pakpak ak teköyök. |
167 | GEN 7:7 | Kaŋgotmapkö aiga Noa anömŋet aka nahöniranurupŋiri yeŋön mohotŋe göulunöŋ kömumbepuköra ölöŋ köla waŋgenöŋ öŋgöget. |
169 | GEN 7:9 | mi yahöt yahöt pakpak aziŋi aka ambiŋi mi dopdopŋine waŋgenöŋ öŋgöba Noagöreŋ kaget. Anutunöŋ Noa jim kutum waŋgiyöhi, mi mönö miaŋgö dop asuhuyök. Mewö. |
171 | GEN 7:11 | Noanöŋ yambuŋi 600 aiga yambu miaŋgö köiŋi 2 miaŋgö wehönŋi jaŋgö 17 silim miaŋgöreŋ o jeŋi pakpak, o diginŋinambuk mieŋgö namŋini pakpak mi emuyök qariba qariba kotket. Mewöyök euyaŋgöreŋ könakembagö oŋi oŋi mieŋgö numbuŋini mi aŋaŋiget. |
173 | GEN 7:13 | Kienöŋ könahimapköra aiga wehön miaŋgöreŋ Noa aka nahönurupŋi Sem, Ham aka Jafet, Noagö anömŋet aka iranurupŋiri karöbut yeŋön mohotŋe waŋgenöŋ öŋgöm teköget. |
175 | GEN 7:15 | Anutunöŋ yuai pakpak malmalgö ösumŋinambuk miwikŋaim eŋgiyöhi, mieŋgöreŋök yahöt yahöt (2-2) mi Noagöreŋ kaŋgota waŋgenöŋ öŋgöm teköget. |
176 | GEN 7:16 | Anutunöŋ Noa jim kutum waŋgiyöhaŋgö dop yuai isikusukŋinambuk pakpak waŋgenöŋ öŋgöm tekögeri, mi aziŋi aka ambiŋi ahot. Körekŋan öŋgöm tekögetka Kembunöŋ nanŋak Noagö andöŋe waŋgegö naŋguŋi kölök. |
177 | GEN 7:17 | Naŋguŋi köliga miaŋgöreŋök göulu ketaŋan könahiba suŋgem asak 40:gö dop toroqeba gölmenöŋ kaŋgoriga o yeŋön qariba qariba gölme köl turuba öŋgöba waŋge gölmenöhök koaŋgetka wahöta öŋgöyök. |
183 | GEN 7:23 | Yuai malmalŋinambuk pakpak gölmenöŋ malgeri, mi Anutunöŋ eŋgum teköyök. Yuai pakpak mi ambazip, sömbup me yuai bapŋinan köla ölölöŋgömakzei me könakembagö neiŋi neiŋi mi mönö Anutunöŋ eŋgum teköyök. Noa aka saiwaurupŋi waŋge uruŋe malgeri, miyök mönö eŋgehoriba aŋgön köla gou köl eŋgiyök. |
185 | GEN 8:1 | Wehön 150 mi teköiga miaŋgöreŋ Anutunöŋ Noagö aka arökŋaŋgö mirigö sömbupŋi aka yuai pakpak yambuk waŋgenöŋ malgeri, mi mötmörim eŋgiba luhut ketaŋi röja aliga gölme qakŋe qeiga onöŋ könahiba öröba erök. |
190 | GEN 8:6 | Tiŋgitketka wehön 40 teköiga Noanöŋ waŋgegö jeŋgenaŋi mutuk memeŋi mi metalök. |
192 | GEN 8:8 | Miaŋgö andöŋe Noanöŋ kembö kun melaiiga anök. Gölme qakŋe onöŋ öröba geyök me qahö, miaŋgö könaŋi mötmamgöra mi melaiiga anök. |
193 | GEN 8:9 | Kembönöŋ anda kaba onöŋ toroqeba gölme körekŋanök turuba ahöyöhaŋgöra luhut memeŋaŋgö tatatŋi qahö miwikŋaiba waŋgegöreŋ liliŋgöiga Noanöŋ böröŋi böraŋda waŋge uruŋe waŋgiriga öŋgöyök. |
195 | GEN 8:11 | Anda mare miaŋgöreŋ liliŋgöba oil ipkö sinŋi gwölögwölö kun mi meteköba numbuŋan yöhösaŋda Noagöreŋ kayök. Mewö kaiga Noanöŋ mi eka kewö möt asariyök: Onöŋ mönö öröba eriga gölmenöŋ asuhum teköza. |
197 | GEN 8:13 | Noagö malmal yambuŋi 601 miaŋgö köiŋ mutukŋaŋgö silimŋi mutukŋi miaŋgöreŋ onöŋ gölme qakŋe jöpköba öröniba ahöyök. Mewö aiga Noanöŋ waŋgegö boŋi mei aniga kewö uba ehök: Gölme qakŋan mönö öröniba ahöyök. |
199 | GEN 8:15 | Anutunöŋ Noagöra keu kewö jiba jii mörök: |
202 | GEN 8:18 | Mewö jii möta Noa anömŋet aka nahöniranurupŋi yeŋön mohotŋe waŋge mosöta etket. |
204 | GEN 8:20 | Et tekögetka Noanöŋ Kembugöra jöwöwöl alta kun memba mirigö sömbupŋi dönqizizinŋini qahö mi pakpak aka nei dönqizizinŋini qahö mi pakpak yeŋgöreŋök tosatŋi eŋgömemba alta qakŋe ala miaŋön Anutugöra jöwöwöl ohoyök. |
207 | GEN 9:1 | Mewö jiba Anutunöŋ Noa aka nahönurupŋi kewö jiba kötuetköm eŋgiyök: “Iŋini mönö ahum sehiba gwölönarökpuk mala gölme dop köla malme. |
211 | GEN 9:5 | Nanŋini sepŋini mi kunŋan kun kude mokoma. Kunŋan mi mokomawi, miaŋgö likepŋan mönö nanŋi qakŋe öŋgöma. Sömbup kunŋan me ambazip kunŋan ambazip kun qeiga malmalŋaŋgö söpsöpŋi mokomawi, miaŋgö likepŋan mönö nanŋi qakŋe öŋgöiga kömuma. |
214 | GEN 9:8 | Anutunöŋ toroqeba Noa aka nahönurupŋi yambuk malgeri, yeŋgöra keu kewö jiyök: |
215 | GEN 9:9 | “Nöŋön merak iŋini aka eŋgö gwölönarökurupŋini könaŋgep asuhumei, embuk jöhöjöhö areŋ akzal. |
217 | GEN 9:11 | Nöŋön jöhöjöhö areŋni mi embuk kewö al köhöizal: Nöŋön o göulunöŋ öröyuai isikusukŋinambuk pakpak mi kunbuk kude eŋgubi qahöwakŋe. O göulu mi gölme ayuhumapköra kunbuk qahö albi kama.” |
218 | GEN 9:12 | Anutunöŋ toroqeba keu kewö jiyök: “Nöŋön mönö jöhöjöhö areŋ ki mi nani aka iŋini aka öröyuai malmalŋinambuk pakpak embuk maljei, neŋgö sutnine albiga teteköŋi qahö köhöiba ahöm öŋgöma. Jöhöjöhö areŋ miaŋgö aiwesökŋi mi kewö: |
219 | GEN 9:13 | Nöŋön nani mariloŋloŋni mi kousunöŋ albiga ahöma. Nöŋön nani aka gölmenöŋ maljei, neŋgö sutnine jöhöjöhö areŋ akzali, mariloŋloŋ miaŋön mönö miaŋgö aiwesökŋi aka ahöma. |
220 | GEN 9:14 | Nöŋön nalö kunöŋ kousuŋi kousuŋi gölme qakŋe öröm eŋgibi eta tokogetka mariloŋloŋan kousunöŋ asuhumawi, |
222 | GEN 9:16 | Nalö kunöŋ mariloŋloŋan kousunöŋ asuhumawi, nöŋön mi eka miaŋgöreŋök jöhöjöhö areŋni mi mötmörimam. Mi teteköŋi qahö nani aka öröyuai malmalŋinambuk pakpak tandökŋini könaŋi könaŋi gölme qakŋe maljei, neŋgö sutnine al köhöibi ahöza.” |
223 | GEN 9:17 | Anutunöŋ Noagöra mewö jiba toroqeba kewö jiyök: “Nöŋön jöhöjöhö areŋ ki mi nani aka gölmegö öröyuai malmalŋinambuk pakpak neŋgö sutnine al köhöizal. Jöhöjöhö areŋ miaŋgö aiwesökŋi mi mewö.” |
224 | GEN 9:18 | Noagö nahönurupŋi waŋgenöhök etkeri, yeŋgö qetŋini mi Sem, Ham aka Jafet. Ham mi Keinangö iwiŋa. |
225 | GEN 9:19 | Yeŋön Noagö nahönurupŋi karöbut aket. Ambazip pakpak deŋqeŋda gölme dop köla maljini, nini yeŋgöreŋök asuhuin. |
226 | GEN 9:20 | Noanöŋ kölkömöt azia aka wain kösö nup mutukŋi kömörök. |
230 | GEN 9:24 | Noanöŋ eŋololoŋ aiga imbiŋi törörök möta wahöta nahönŋi moröŋan silik ak waŋgiyöhi, mi mörök. |
234 | GEN 9:28 | Göulu ketaŋan teköiga Noanöŋ toroqeba (yara) yambu 350:gö dop mal öŋgöyök. |
236 | GEN 10:1 | Noagö nahönurupŋi Sem, Ham aka Jafet yeŋgö gwölönarökurupŋini göulu teköiga asuhugeri, yeŋgö qet areŋini kewö: |
243 | GEN 10:8 | Kusgö nahönŋi kun qetŋi Nimrod asuhuyök. Yaŋön qariba wahöta bimqeqegö suahö azi köhöikŋi kötökŋi aka gölmenöŋ malök. |
244 | GEN 10:9 | Yaŋön Kembugö jemesoholŋe böröjaŋ azi köhöikŋi malöhaŋgöra aka keu saiŋi kewö jimakze: “Kunöŋ Nimrod ewö Kembugö jemesoholŋe böröjaŋ azi köhöikŋi akza.” |
245 | GEN 10:10 | Nimrodkö bemtohoŋi mi gölme kewöŋe miaŋgöreŋ könahiget: Babel, Erek, Akad aka Kalne. Taon 4 mi Babilonia (Sinar) gölmenöŋ ahöze. |
246 | GEN 10:11 | Nimrodnöŋ Babilonia gölme mosöta Asiria anda miri ketaŋi ketaŋi qetŋini Niniwe, Rehobotir aka Kala mi mem wahörök. |
247 | GEN 10:12 | Mewöyök Resen mi Niniwe aka siti ketaŋi qetŋi Kala yetkö sutŋire mem wahörök. |
248 | GEN 10:13 | Ijiptkö gwölönarökurupŋi yeŋön Libia könagesö, Anam könagesö, Lehab könagesö aka Naftu könagesö akze. |
267 | GEN 10:32 | Noagö isimoröurupŋi mi isikurup areŋini, könagesöŋini aka gölmeŋini dop mewö aket. Yeŋön jul sehiba deŋqeŋda könagesö kambuŋi kambuŋi aketka göulu ketaŋan teköiga anda gölme dop köla malget. Mewö. |
270 | GEN 11:3 | Miaŋgöreŋ tata nanŋinök kewö eraum-mötket: “Mönö kaget. Nini mönö birik mem mözözömgöba könöpnöŋ ohoinga köhöikŋi akŋe. “Mewö jiba miri selŋi membingöra köt jamönjiŋ qahöpmö, birik ala sutŋine gölme sapösapö qandöŋ ewö algetka miaŋön birik mi mekötahöm eŋgiyök. |
271 | GEN 11:4 | Nup mewö memba kunbuk kewö jiget: “Mönö kaget. Nini mönö naninaŋgöra siti kun memba miaŋgöreŋ miri köröpŋi kötökŋi (taua) meinga boŋan suep oseima. Mewö oseiiga qahö deŋqeŋda gölme pakpak dop köla laŋ anda malbinbuköra mönö nanini qetbuŋaninambuk akin.” |
289 | GEN 11:22 | Serugnöŋ yambuŋi 30 aiga nahönŋi Nahor asuhuyök. |
290 | GEN 11:23 | Nahornöŋ asuhuiga miaŋgö andöŋe Serugnöŋ toroqeba yambu 200 maliga nalö sutŋe miaŋgöreŋ nahönböraturupŋi tosatŋi asuhuget. |
291 | GEN 11:24 | Nahornöŋ yambuŋi 29 aiga nahönŋi Tera asuhuyök. |
292 | GEN 11:25 | Teranöŋ asuhuiga miaŋgö andöŋe Nahornöŋ toroqeba yambu 119 maliga nalö sutŋe miaŋgöreŋ nahönböraturupŋi tosatŋi asuhuget. |
293 | GEN 11:26 | Teranöŋ yambuŋi 70 aiga nahönŋi Abram, Nahor aka Haran asuhuget. |
294 | GEN 11:27 | Teragö gwölönarökurup yeŋgö qet areŋini ki. Teragö nahönurupŋi Abram, Nahor aka Haran asuhuget. Harangö nahönŋi Lot asuhuyök. |
296 | GEN 11:29 | Abram aka Nahor yetkön öröröŋ ambi meyohot. Abramgö anömŋi qetŋi Sarai aiga Nahorgö anömŋi qetŋi Milka. Milkanöŋ Harangö böratŋa ahök. Haranöŋ Milka aka Iska yetkö iwiŋiri ahök. |
301 | GEN 12:2 | Nöŋön ahumsehip gihibiga gwölönarökurupkan könagesö ketaŋi akŋe. Nöŋön kötuetköba naŋgöm gihibiga qetbuŋagan qariba ketaŋi akŋa. Mewö aiga Anutunöŋ göhöra aka könagesö tosatŋi kötuetköm eŋgiba malma. |
305 | GEN 12:6 | Abramnöŋ gölme miaŋgöreŋ anda mala mala miri qetŋi Sekem miaŋgöreŋ kaŋgota in ip ketaŋi qetŋi More miaŋgö kösutŋe koumŋi qeba tarök. Nalö miaŋgöreŋ Keinan ambazip yeŋön lök gölme miaŋgöreŋ malget. |
308 | GEN 12:9 | Miaŋgö andöŋe gölme mi mosöta toroqeba Saut göröken anda distrik qetŋi Negew miaŋgöreŋ tata malget. Mewö. |
309 | GEN 12:10 | Nalö miaŋgöreŋ Keinan gölmenöŋ bödi (buörö) asuhuiga miaŋön köhöiba lömbötŋi aiga Abramnöŋ Ijipt kantrinöŋ kusukŋanök malbingöra anget. |
312 | GEN 12:13 | Miaŋgöra göŋön mönö kewö jiman: ‘Ni yaŋgö nenŋa.’ Mewö jinöŋga göhöra aka ölöpŋanök ak niŋgiba nöŋgö malmalni gou kölgetka malmam.” |
320 | GEN 13:1 | Abramnöŋ Ijipt gölme mosöta anömŋi aka bau inap yuaiŋi pakpak memba eŋguaŋgita Lotpuk mohotŋe liliŋgöba anda Keinan gölmegö Saut likepŋi qetŋi Negew miaŋgöreŋ kaŋgotket. |
322 | GEN 13:3 | Mewö mala Negew distrik uruŋe tata mosöta kusukŋanök rowoŋqeqeŋine ahöba wahöta anda mala Betel mire kaŋgotket. Opo seri koumŋi mutuk Betel aka Ai miri mietkö sutŋire kuŋgui kinöhi, mönö miaŋgöreŋ kaŋgotket. |
326 | GEN 13:7 | Osiba Abram aka Lot yetköreŋ sömbup galömurupŋiri yeŋgö sutŋine gölmegö aŋgururuk asuhuyök. Nalö miaŋgöreŋ Keinan könagesö aka Periz könagesö yeŋön gölme miaŋgö toŋi aketka yembuk mohotŋe malget. |
327 | GEN 13:8 | Mewö mala Abramnöŋ Lotköra kewö jii mörök: “Niri mönö iwi moröya maljit. Miaŋgöra ni aka gi sutnire me sömbup galömurupniri yeŋgö sutŋine aŋgururuk kude ahöma. |
335 | GEN 13:16 | Nöŋön gwölönarökurupki ahumsehip gwötpuk eŋgibiga qötöŋinan qariba gölmegö sakösakŋi (sakösiŋi) ewö akŋa. Kun daŋön sakösiŋ kötŋi mieŋgö jaŋgöŋini oyoŋbawak, yaŋön ölöp gwölönarökurupki yeŋgö jaŋgöŋini mema. |
336 | GEN 13:17 | Nöŋön gölme ki mönö göhö buŋaya qem gihizal. Miaŋgöra ölöp wahöta anda kaba gölme pakpak ki bahöbahö euke emuke ek kutuba malman.” |
338 | GEN 14:1 | Nalö miaŋgöreŋ Babilongö (Sinargö) kiŋi qetŋi Amrafel, Elasargö kiŋi qetŋi Ariok, Elamgö kiŋi qetŋi Kedorlaomer aka Goimgö kiŋi qetŋi Tidal malget. |
350 | GEN 14:13 | Mewö angetka azi kunŋan ölöŋ köla misiŋgöba kaba miaŋgö buzup keuŋi mi Hibru (kian) azi Abramgöra jii mörök. Nalö miaŋgöreŋ Abramnöŋ Amor azi qetŋi Mamre yaŋgöreŋ in ip ketaŋi ketaŋi mieŋgö kösutŋine malök. Mamrenöŋ munyahötŋi qetŋiri Eskol aka Aner yetpuk mohotŋe Abrambuk jöhöjöhö aka malget. |
351 | GEN 14:14 | Abramnöŋ behötŋi Lot waŋgita angeri, miaŋgö keuŋi möta aziurupŋi 318 nanŋi mire asuhuba mötmöt möta bimqeqe köl guliba malgeri, mi eŋgohol tokoba kerök kambu eŋguataŋgöba Not göröken anda mala Dan mire aŋgotket. |