2	GEN 1:2	Miwikŋaim etkiiga gölme mi gwamönŋi aka kizik-kazukŋambuk ahöyök. Ahöiga o diginŋambuk mi söŋaupnöŋ turuiga tarök. Mewö tariga Anutugö Uŋa Töröŋan o mieŋgö qakŋine anda kaba malök.
45	GEN 2:14	O böröŋi töwatŋi karöbutŋi qetŋi Taigris. Mi Asiria gölme wösöŋe wehön kotkotŋe göröken geba anja. O böröŋi töwatŋi jaŋgö 4 miaŋgö qetŋi mi Yufreitis.
72	GEN 3:16	Toroqeba ambi kewö jim waŋgiyök: “Göŋön gölömgabuk aka malnöŋga sihimbölöŋi ketaŋi al gihibiga masö ahum gihiiga möta morö mem eŋgimakŋan. Mi töndup sihimgan mönö apkahöra ahöm gihiiga yaŋön galömgi aka malma.”
73	GEN 3:17	Toroqeba azi kewö jim waŋgiyök: “Nöŋön ip kungö ölŋi nembanbuköra ‘Mia kude neman,’ jiba soŋgo al gihialmö, göŋön mi töndup anömgahö keuŋi wuataŋgöba nezan. Miaŋgöra nöŋön gölme mi göhöra aka saitköbiga ahöma. Mewö ahöiga göŋön gölmenöŋ malmanaŋgö dop mönö sileqeqe aka nup gwötpuk memba sihimbölö möta nenegi miwikŋaiba malman.
87	GEN 4:7	Gi yuai ölöpŋi aknöŋga möt aŋgön köl gihibiga ölöp jemesoholgi öhal (hak) akŋan me qahö? Yuai ölöpŋi qahö aknöŋga siŋgisöndokö Toŋan mönö urugahö naŋguŋe kinda göhöra ak gihiba mönömakza. Mewö mönömakzapmö, göŋön mönö miaŋgö soŋgo ala galöm memba luhut alman.”
102	GEN 4:22	Zilanöŋ mewöyök nahönŋi qetŋi Tubal-Kein meyök. Yaŋön qariba börögö tulsŋi aka bimqeqegö yuaiŋi könaŋi könaŋi mi bras aka ainöŋ ohoi kolkolgöi qekötahöba mezapma. Tubal-Keingö nenŋi qetŋi Nama.
163	GEN 7:3	Toroqeba nei könaŋi könaŋi pakpak yeŋgöreŋök mewöyök sewen sewen, aziŋi 7 aka ambiŋi 7 mi eŋguaŋgitnöŋga göbuk waŋgenöŋ öŋgöme. Mewö aknöŋga sömbup aka nei tandökŋini könaŋi könaŋi pakpak mi kude qahöwakŋemö, toroqeba gölmenöŋ ahumsehip aka malme.
174	GEN 7:14	Toroqeba arökŋaŋgö sömbupŋi aka mirigö sömbupŋi pakpak, yuai pakpak bapŋinan köla ölölöŋgömakzei, nei pakpak aka yuai ginginŋinambuk pakpak mi ambazip yembuk mohotŋe waŋgenöŋ öŋgöm teköget.
190	GEN 8:6	Tiŋgitketka wehön 40 teköiga Noanöŋ waŋgegö jeŋgenaŋi mutuk memeŋi mi metalök.
232	GEN 9:26	Toroqeba kewö jiyök: “Anutu, Semgö Kembuŋi, ia mönö möpöseizal. Keinanöŋ mönö Semgö welenqeqeŋi omaŋi aka malma.
237	GEN 10:2	Jafetkö nahönurupŋi yeŋgö qetŋini mi Gomer, Magog, Madai, Jawan, Tubal, Mesek aka Tiras.
238	GEN 10:3	Gomergö nahönurupŋi yeŋgö qetŋini mi Askenas, Rifat aka Togarma.
239	GEN 10:4	Jawangö nahönurupŋi yeŋgö qetŋini mi Elisa, Tarsis aka Saiprus könagesö aka Dodan könagesö.
245	GEN 10:10	Nimrodkö bemtohoŋi mi gölme kewöŋe miaŋgöreŋ könahiget: Babel, Erek, Akad aka Kalne. Taon 4 mi Babilonia (Sinar) gölmenöŋ ahöze.
291	GEN 11:24	Nahornöŋ yambuŋi 29 aiga nahönŋi Tera asuhuyök.
292	GEN 11:25	Teranöŋ asuhuiga miaŋgö andöŋe Nahornöŋ toroqeba yambu 119 maliga nalö sutŋe miaŋgöreŋ nahönböraturupŋi tosatŋi asuhuget.
293	GEN 11:26	Teranöŋ yambuŋi 70 aiga nahönŋi Abram, Nahor aka Haran asuhuget.
294	GEN 11:27	Teragö gwölönarökurup yeŋgö qet areŋini ki. Teragö nahönurupŋi Abram, Nahor aka Haran asuhuget. Harangö nahönŋi Lot asuhuyök.
295	GEN 11:28	Haranöŋ Kaldia yeŋgö gölmenöŋ mala nanŋi ahuahu miriŋi qetŋi Ur miaŋgöreŋ kömuiga Harangö iwiŋi Teranöŋ toroqeba malök.
298	GEN 11:31	Teranöŋ nahönŋi Abram, isiŋi Lot Harangö nahönŋi aka iranŋi Sarai, nahönŋi Abramgö anömŋi mi eŋguaŋgiriga mohotŋe Kaldia gölmegö miri qetŋi Ur mosöta Keinan gölmenöŋ anbingöra anget. Mewö angetmö, Haran miri gölmenöŋ kaba kinda miaŋgöreŋ miriŋini memba tatket.
299	GEN 11:32	Tatketka Teranöŋ yambuŋi 205 aiga Haran miri miaŋgöreŋ tata kömuyök. Mewö.
338	GEN 14:1	Nalö miaŋgöreŋ Babilongö (Sinargö) kiŋi qetŋi Amrafel, Elasargö kiŋi qetŋi Ariok, Elamgö kiŋi qetŋi Kedorlaomer aka Goimgö kiŋi qetŋi Tidal malget.
344	GEN 14:7	Luhut al eŋgiba miaŋgöreŋök liliŋgöba En Mispat (qetŋi alaŋi Kades) miaŋgöreŋ kaba Amalek könagesö luhut al eŋgiba gölmeŋini pakpak aŋgön kölget. Amor könagesö Hazezon Tamar gölmenöŋ malgeri, mi mewöŋanök eŋguba luhut al eŋgiget.
346	GEN 14:9	Elamgö kiŋi Kedorlaomer, Goimgö kiŋi Tidal, Babilongö (Sinargö) kiŋi Amrafel aka Elasargö kiŋi Ariok. Kiŋ 4 mieŋön kiŋ 5 yembuk aröŋget.
374	GEN 15:13	Turum waŋgiiga Kembunöŋ kewö jii mörök, “Keu ki mönö ölŋa mötman: Göhö gwölönarökurupkan mönö nanŋini gölmeŋini mosöta kantri kunöŋ anda kiana mala mal öŋgöme. Mewö mala yeŋgö welenqeqeurupŋini omaŋi aketka i yambu 400:gö dop tulumgöm eŋgiba malme.
399	GEN 17:1	Abramnöŋ yambuŋi 99 aiga Kembunöŋ asuhum waŋgiba keu kewö jiyök: “Nöŋön Anutu kukösum pakpakö Toŋi akzal. Miaŋgöra gi mönö nöŋgö keuni tem köla pöndaŋ ahakmeme diŋdiŋi wuataŋgöba malman.
427	GEN 18:2	Tata uba wahöta ehiga azi karöbutŋan wösöŋe kinget. Kingetka eŋgeka opo seri koum numbuŋeyök wölaŋ wahöta jömjölöŋini jiba eŋguaŋgitmamgöra kiŋkiŋgöba anök. Anda waikŋini memba simin köla gölmenöŋ bamgöba geyök.
449	GEN 18:24	Taon miaŋgöreŋ ambazip solanŋi 50 malje ewö, göŋön i ölŋa ayuhum eŋgimamgö jizan me? Taon mi yeŋgöra aka eŋgehoribanak me qahö?
453	GEN 18:28	Taon miaŋgöreŋ ambazip solanŋi 50 qahöpmö, 45 miyök malbeak ewö, göŋön ambazip 5 yeŋgöra aka taon pakpak mi töndup ayuhum eŋgiman me qahö?” Mewö jiiga Kembunöŋ kewö jiyök: “Nöŋön ambazip solanŋi 45 miaŋgöreŋ miwikŋaim eŋgimam ewö, taon mi mönö qahö ayuhumam.”
459	GEN 19:1	Suep garata yahöt mi Abraham mosöta anda mare aiga Sodom aŋgorohot. Aŋgorohotka Lot azi miaŋön taon miaŋgö kiripo naŋgune tarök. Tata etkeka wahöta jömjölöŋiri jiba eŋguaŋgitmamgöra anda gölmenöŋ simin köla bamgöba geyök.
475	GEN 19:17	Taon sileŋe angetka azi yahöt yetköreŋök kunöŋ keu kewö jiyök: “Malmalŋini aŋgön kölmegöra mönö ösumok misiŋgöba angaitme. Andöŋine kude liliŋgöba uba anda gölme köröŋe endu aŋgota miaŋgöreŋ mewöyök dörök kude alme. Ayuhubepuköra mönö kunduŋe eu öŋgöba misiŋgöba angaitme.”
479	GEN 19:21	Mewö jii mörohotka kunöŋ kewö meleŋnök: “Mi ölöp! Keu jizani, miaŋgöra mewöyök ölöp imbi köl gihimam. Taon moröŋaŋgöra jizani, mi qahö ayuhumam.
483	GEN 19:25	Turum eŋgiba miaŋön taon yahöt mi aka gölme köröŋi pakpak kösutŋire ahözawi, ambazip körek miaŋgöreŋ malgeri aka ip kösö yuai görökŋi (töŋgönŋi) gölme miaŋgöreŋ ahögeri, mi ayuhum eŋgim teköyök.
512	GEN 20:16	Mewö jiba Saragöra kewö jiyök: “Mötnöŋ. Nöŋön moneŋ silwö köt 1000:gö dop nengi waŋgibiga miaŋön töwagi akza. Töwa miaŋön könaŋamgi kondeliga ambazip körek göbuk maljei, yeŋön mi eka kewö jiba möt yaköme, ‘Siŋgisöndokö keuŋi mi Saragöreŋ qahö ahöza.’” Mewö jiyök.
572	GEN 22:24	Nahorgö anömŋi bohonŋi qahö memeŋi qetŋi Reuma yaŋön mewöŋaŋök nahönurupŋi tosatŋi eŋgömeyök. Yeŋgö qetŋini mi Teba, Gaham, Tahas aka Maka. Mewö.
674	GEN 25:15	Hadad, Tema, Jetur, Nafis aka Kedema.
711	GEN 26:18	Tata mala o löm iwiŋi Abrahamgö nalöŋe esigetmö, Abraham kömuiga Filistin yeŋön qem turugeri, mi Aisaknöŋ jiiga kunbuk esim luluŋda möhamgöget. Möhamgögetka iwiŋan o löm qetŋini qeröhi, Aisaknöŋ mi mewö kunbuk qerök.
715	GEN 26:22	Mewö qeta gölme mi mosöta anda o löm kun kunbuk jii esiget. O löm miaŋgöra aŋgururuk keu qahö asuhuiga miaŋgöra qetŋi Rehobot (Tiŋi ölöpŋi) qeta keu kewö jiyök: “Merak Kembunöŋ tiŋi ölöpŋi neŋgiiga ölöp gölme kiaŋgöreŋ mala ahumsehip akin.”
724	GEN 26:31	Tata ahöba söŋan ömandiŋe wahöta jöhöjöhöŋini jöhöm aŋguba mi jöjöpaŋ keunöŋ jim köhöiget. Jim köhöigetka Aisaknöŋ i melaim eŋgiiga luai qakŋe mosöta anget.
752	GEN 27:24	Töndup kunbuk kewö qesim waŋgiyök: “Gi ölŋa nahöni Isoya me qahö?” Qesim waŋgiiga kewö meleŋnök: “Ni mönö Isoya.”
765	GEN 27:37	Mewö jiiga iwiŋan Isogöra kewö meleŋnök: “Mötnöŋ, nöŋön mungi göhö azi kembugi malmapköra kuŋgum waŋgizal. Tinitosolomurupŋi pakpak yeŋön i welen qem waŋgiba malmegöra jim kutum eŋgizal. Yaka yöha, sehoŋ padi aka wain o yuai mi lök jim teközalawa Anutunöŋ mi waŋgiba malma. O nahöni, wanat kötumötuetna kun toroqeba ahöm niŋgizawa mia gihibileŋak? Mi mönö osizal.”
777	GEN 28:3	Anömgi menöŋga Anutu, kukösum pakpakö Toŋan mönö gi kötuetköba ahum sehip gihiiga gwölönarökurupki yeŋgö qötöŋinan sehiiga könagesö kambu gwötpuk mieŋgö iwi bömönŋina akŋan.
828	GEN 29:32	Leanöŋ köröbuk aka mala morö azia memba keu kewö jiyök, “Kembunöŋ tapötkokorokni ehiga apnan ölöp könahiba jöpaköm niŋgiba malma. “Mewö jiba qetŋi miaŋgö dop Ruben qerök. (Ruben Tapötkokorokni ehök.)
855	GEN 30:24	Mewö jiba toroqeba kewö jiyök: “Kembunöŋ mönö nahöni kun toroqeba niŋgima. “Mewö jiba miaŋgö dop morö qetŋi Josef (Toroqeba niŋgima.) qerök. Mewö.
968	GEN 33:7	Miaŋgö andöŋe Lea aka nahönböraturupŋi yeŋön mewöŋanök dowe kaŋgota simin köla gölmenöŋ bamgöget. Teteköŋe Josef aka Reizöl yetkön dowe kaŋgota simin köla gölmenöŋ bamgöyohot.
985	GEN 34:4	Tutuhum waŋgiba mala iwiŋi Hamor kewö jii mörök: “Iwini, gi ölöp ambi seram ki nöŋgö anömna akŋapköra keu nup meman.”
1023	GEN 35:11	Qetŋi mewö qeta toroqeba Jeikob kewö jii mörök: “Nöŋön Anutu kukösum pakpakö Toŋi akzal. Gi ölöp ahumsehip aknöŋga gwölönarökurupki yeŋgö qötöŋinan mönö qarim öŋgöma. Göhöreŋök könagesö gwötpuk aka könagesö kambuŋi kambuŋi asuhume. Gi kiŋi kiŋi yeŋgö bömön jalöŋina akŋan.
1052	GEN 36:11	Elifazkö nahönurupŋi 5 mi Teman, Omar, Zefo, Gatam aka Kenaz.
1053	GEN 36:12	Isogö nahönŋi Elifaz yaŋgö anömŋi bohonŋi qahö memeŋi qetŋi Timna yaŋön Elifazkö nahönŋi Amalek meyök. Isogö anömŋi Ada yaŋgö isi aziurupŋi mi mewö.
1056	GEN 36:15	Isogö gwölönarökurup kambuŋi kambuŋi yeŋgö azi kembuŋini mi kewö: Isogö nahönŋi mutukŋi Elifaz yaŋgö nahönurupŋi mi azi kembu qetŋini Teman, Omar, Zefo, Kenaz,
1063	GEN 36:22	Lotangö nahönyahötŋi yahöt mi qetŋiri Hori aka Heman. Lotangö nenŋi qetŋi Timna.
1075	GEN 36:34	Jobabnöŋ kömuiga Teman gölmegö azi qetŋi Husam yaŋön salupŋe kiŋ aka malök.
1081	GEN 36:40	Isogö gwölönarökurupŋi yeŋgö azi kembu qet areŋi mi isikŋinaŋgö dop aka miri gölmeŋinaŋgö dop kewö ahök: Timna, Alwa, Jetet,
1083	GEN 36:42	Kenaz, Teman, Mibzar,
1106	GEN 37:22	Toroqeba kewö jii mötket: “Sepŋi mönö kude mokome. Gölme qararaŋkölkölŋe o löm ki kinjawi, i ölöp miaŋgöreŋ gilgetka gemapmö, böröŋinan mönö yaŋgö sileŋe kude misiriba qeme. “Rubenöŋ Josef böröŋineyök meköba aŋgön köla waŋgita iwiŋaŋgöreŋ liliŋgöba anbitköra möta keu mewö jiyök.
1126	GEN 38:6	Mewö malgetka Judanöŋ nahönŋi mutukŋi Er yaŋgöra ambi kun qetŋi Tamar waŋgiiga anömŋa ahök.
1131	GEN 38:11	Kömuiga Judanöŋ iranŋi Tamargöra kewö jiyök: “Gi mönö iwigahö mire liliŋgöba anda malöya mala malnöŋga nahöni Selanöŋ qariba ketaŋi akagun gi gömima. “Keŋgötŋi kewö mötmöriba mewö jiyök: Selagö datyahötŋan kömuyohotka yaŋön miaŋgö dop mala mewöyök kömumbapuk. Mewö mötmöriba Tamargöra jiiga iwiŋaŋgö mire liliŋgöba anda miaŋgöreŋ tata malök.
1132	GEN 38:12	Miaŋgöreŋ tata maliga nalö köröpŋi teköiga Suagö böratŋi, Judagö anömŋi yaŋön kömuyök. Kömuiga jiŋgeŋ köla sahöta mali teköiga Judanöŋ miri gölme qetŋi Timna miaŋgöreŋ azi tosatŋan nanŋi lamaurupŋi yeŋgö jupŋini mitigeri, i eŋgekŋamgöra öŋgöyök. Adulam mirigö azi alaŋi Hira yambuk mohotŋe miaŋgöreŋ öŋgöyohot.
1133	GEN 38:13	Öŋgöyohotka Tamargöra buzup kewö jigetka mörök: “Mötnöŋ, göhö azi irangan mönö lamaurupŋi yeŋgö jupŋini mitimamgöra aka Timna miri gölmenöŋ anja.”
1134	GEN 38:14	Mewö jigetka mörök. Judagö nahönŋi Selanöŋ lök qariba ketaŋi aiga töndup i anömŋi akŋapköra qahö waŋgiyök. Miaŋgöra Tamarnöŋ malö malmamgö malukuŋi qeköba nöröp kawöseŋnöŋ nöröp jeŋi esuhuba turum aŋguyök. Mewö aka Timna anangö könanöŋ anda taon qetŋi Enaim miaŋgöreŋ aŋgota kiripo naŋgu kösutŋe tarök.
1135	GEN 38:15	Tariga Judanöŋ kaba eka jemesoholŋi esuhuyöhaŋgöra i qahö ek kutuba mi köna ketaŋi ambia mewö mötmöriyök.
1144	GEN 38:24	Mewö jiiga köiŋ karöbutkö dop teköiga tosatŋan Judagöra buzup keu kewö jigetka mörök: “Göhö irangi Tamarnöŋ mönö serowilin aka gölöm ala malja. “Mewö jigetka Judanöŋ mi möta Mosesgö köna keugö dop jimkutukutu kewö alök: “I mönö waŋgita örörahöba könöpnöŋ gilgetka geba jema.”
1148	GEN 38:28	Tarohotka morö memamgö aiga kunöŋ böröŋi suluiga erök. Eriga anjö meme ambinöŋ mi eka möt kösö pisikŋi pötpöt memba böröŋe jöhöba kewö jiyök: “Yaŋön mutuk asuhuza.”
1154	GEN 39:4	Toŋan mi ehi ölöp dop köliga yaŋgö jeŋe eksihim miwikŋaiiga jiiga nanŋi malmalŋaŋgö galömŋi ahök. Potifarnöŋ Josef kuŋgum waŋgiiga miriŋaŋgö yuai pakpak galöm köliga sukinap buŋaŋi pakpak yaŋgö böröŋe aliga köyan köla malök.
1181	GEN 40:8	Qesim etkiiga kewö meleŋda jiyohot: “Niri nanŋök nanŋök gauniri ekzitmö, mietkö könaŋiri mi daŋön jii mötpirak?” Mewö jiyohotka Josefnöŋ kewö jiyök: “Anutunöŋ mönö gaungö könaŋini jiji Toŋi akzapmö, ölöp töndup gaunŋiri jiyohotka mötmam.”
1269	GEN 42:16	Iŋini keu ölŋi jize me qahö, nöŋön mi esapkömamgöra kewö jizal: Iŋini mönö sutŋineyök kun melaigetka anda munŋini qöndökŋi waŋgita ki kamahot. Tosatŋi iŋini mönö ki mamböta kösö mire tata malme. Mewö qahö akŋe ewö, iŋini mönö ölŋa gölme ek-kewötkö yarö azia akze. Farao kiŋnöŋ jebuk malja ewö, nöŋön keu öl töhönŋi miaŋgö dop jöjöpaŋ keu mi jim köhöizal.”
1303	GEN 43:12	Silwö moneŋ walŋi toru gösöŋinaŋgö numbuŋine algetka memba kageri, mi aka miaŋgö dop qakŋe toroqeba ala mindirigetka jaŋgöŋan qariba 2:kö dop aiga mi memba liliŋgöba anda waŋgime. Tosatŋan köpösihira aka mi gösöŋine alget me denöwö?
1305	GEN 43:14	Anutu kukösum pakpakö Toŋan mönö azi miaŋgö jeŋe ak-kömukömuŋi eŋgiiga yaŋön darumunŋini kun aka Benjamin mi embuk mire liliŋgöba kamegöra imbi kölma. Nöŋgö moröurupnan tönbirin akŋe ewö, nöŋön mönö öne töhön malmam.”
1307	GEN 43:16	Aŋgotketka Josefnöŋ Benjamin mi yeŋgö sutŋine eka miaŋgöreŋök miriŋaŋgö galömŋi kewö jim kutum waŋgiyök: “Gi mönö azi ki eŋguaŋgita nani mire anda al eŋginöŋga tatme. Tatketka anda sömbup kun qeba ohoba silimgö neneŋi mözözömgönöŋga yeŋön ölöp nömbuk mohotŋe nene nembin.”
1317	GEN 43:26	Tatketka Josefnöŋ mire kaiga kalem yuaiŋini memba kaba miriŋe öŋgögeri, mi waŋgiba wösöŋe simin köla gölmenöŋ bamgöget.
1318	GEN 43:27	Bamgöba wahötketka jölöŋini jiba denöwö maljei, qesim eŋgiba kewö jiyök: “Iwiŋini azi namŋaŋgö jigeri, yaŋön denöwö malja? Toroqeba jebuk malja me qahö?”
1339	GEN 44:14	Juda aka darumunurupŋi yeŋön liliŋgöba Josefkö mire angetka yaŋön tok miriŋeyök tarök. Tariga wösöŋe aŋgota simin köla gölmenöŋ bamgöget.
1374	GEN 45:15	Toroqeba böröŋi daturupŋi körek yeŋgö imbiŋine gili geiga sahöta numbuŋini yöhötim neyök. Miaŋgö andöŋe darumunurupŋan yambuk keu eraum-mötket.
1400	GEN 46:13	Isakargö nahönurupŋi qetŋini Tola, Puwa, Jasub aka Simron.
1439	GEN 47:18	Qahö kömugetka yambu miaŋön teköyök. Teköiga yambu dölökŋe dumŋe kunbuk yaŋgöreŋ kaba kewö jiget: “Azi kembunini, moneŋnini qahöwakzawaŋgöra könaŋamnini ölŋi mi göhö jege ölöp qahö köyatibin. Neŋgöreŋ lama bulmakaunini mi mewöyök gihiinga göhö buŋaya ak teköza. Nini mi pakpak azi kembunini gi gihim teköinaŋgöra nanini aka gölmenini miyök ahöm neŋgiza. Miaŋgöra mönö wania kun gihibinak?
1455	GEN 48:3	Wahöta tata Josefköra kewö jiyök: “Anutu kukösum pakpakö Toŋi yaŋön Keinan gölmegö Luz miri miaŋgöreŋ nöŋgöreŋ asuhuba kötuetköm niŋgiba
1480	GEN 49:6	Yetkön irimsesewöl qakŋe azi eŋguyohot kömugetka öne töhön sihimŋaŋgöra bulmakau aziŋi mieŋgö köna börö yuaiŋini laŋ eŋgum yandiyohotka poriŋ aket. Miaŋgöra yetkön keu goro jöhömakzahori, nöŋön miambuk urumohot qahö ahakzal. Totoko almahori, nöŋön miaŋgöreŋ yetpuk qahö toroqeba tatmam.
1490	GEN 49:16	Tosatŋan Dangö könagesöurupŋi mulumgöm eŋgigetka Dan yaŋön mönö awörök aka keu diŋdiŋaŋgöra bim qeba malma. Dan kambu yeŋön Israelgö kambu tosatŋi i ewö aka malme.
1495	GEN 49:21	Teunöŋ sihimŋaŋgö dop ösumŋan laŋ lalöpkömakzawi, Naftalinöŋ mönö miaŋgö dop aka moröurupŋi eŋgeksihimŋinambuk eŋgömemba malma.
1498	GEN 49:24	Mewö malmemö, Jeikobkö bemŋi Anutu kukösumŋambuk yaŋgö böröŋan mönö mem köhöim waŋgiiga yaŋön timbi töhötŋi qahö mosöta börö sihitŋi kakŋi qahö qeiga malma. Anutu yaŋön mönö urugö lama galömŋi aka Israelgö aŋgönkölköl Toŋi akza.
1499	GEN 49:25	Iwigahö Anutuŋan mönö bauköm gihiba malma. Bem kukösum pakpakö Toŋan mönö kewö kötuetköm gihiiga malman: Kiegö kötumötuetŋan mönö könakembayök göhöreŋ eriga gölme dutŋi emuyaŋgö oŋan göhöreŋ koriga nahönbörat aka sömbup gwötpuk miwikŋaim eŋgiba malman.
7133	RUT 1:4	muewö malget: Tamar, Rahab, Rut hala Batseba. Mat 1,3-6 etkömeyöwöt. Etkömeyöwötka toroqemba Moab balöŋnöŋ yambu 10:gö söp mala kutket.
7149	RUT 1:20	Mewö zögetka Naominöŋ muewö zöyök: “Nöŋgö qetni Naomi miŋgi in de qetme. Ni urusösöŋgai anbia qahö. Anutu kukosum Touŋan mönö kondot niŋgiiga urukombuk möta malzal. Miaŋgöra nöŋgö qetni Mara qetketka söpköma.
7150	RUT 1:21	Nöŋgöreŋ iwai kombuŋi ahöiga mutuk taon muhu mosota analnöŋ, erap Kembunöŋ naŋgiriga biribörak liliŋgöwa omaŋe kazal. Kembu kukosum Touŋan keuni kewöta mem kirehöm niŋgiiga köŋjiliŋ qakŋe malzal. Miaŋgöra qetni Naomi mihi in de qetme.” Mewö.
7166	RUT 2:15	Tata wahöta anda toroqemba bali ipŋi qendaŋniga Boaznöŋ nup aiwiurupŋi muewö zöm qitim engiyök: “Yaŋgön bali ipŋi mihi böran mieŋgö sutŋine miaŋgöreŋ mewöyök qendaŋda tokoma ewö, iŋini mönö keu töhöreŋ de zöm waŋgime.
7171	RUT 2:20	Mewö zöiga Naomikö elemŋi heriga muewö zöi mörök: “Kembunöŋ mönö Boaz kötuetköm waŋgima. Kembunöŋ hal komum nengimamgö keu jöhöyöhi, miaŋgö söp mönö pöndaŋ apmeröurupnan komugeri hala nini erap muhu malzini, nengöra halkomukomuŋi qahö jöhöwa malza.” Toroqemba keu muewö zöyök: “Aiwi mihi nanini tinitosolomnina hala isikninaŋgö sohopŋi meme aiwia. Miaŋgöra yaŋgön mönö ölip galim köl nengima.”
7174	RUT 2:23	Mewö zöiga Rutnöŋ Boazkö nup meme anbi yengö kösutŋine nömtik mala hölŋi qendaŋda tokowa maliga bali hala wit mietkö koholkohol nalöŋiran teköyök. Teköiga toroqemba iranŋi Naomiguk malöwöt. Mewö.
7193	RUT 4:1	Boaznöŋ taongö kiripo naŋguŋe anda qenjarök sombemnöŋ heta tarök. Tariga isikŋaŋgö sohop meme aiwiköra keu zöyöhi, yaŋgön kamba oŋgitmamgö haliga yaŋgöra muewö qerök: “O alani, gi ölip muhu kamba heta tatman.” Mewö qeriga kamba miaŋgöreŋ heta tarök.
7194	RUT 4:2	Tariga Boaznöŋ taonöhok jötŋe meme aiwi 10 engömiiga kagetka tatmeköra zöiga mohotŋe heta tatket.
7195	RUT 4:3	Tatketka Boaznöŋ isikŋaŋgö sohop meme aiwiköra muewö zöyök: “Nalö muewöŋe Naominöŋ Moab kantri mosota liliŋgöwa kayöhi, yaŋgön datnini Elimeleköreŋ balöŋ kitipŋi mihi bohonŋi memeköra halza.
7204	RUT 4:12	Kembunöŋ anbi malö ramikŋi miaŋgöreŋök gulinarök gihimawi, göhöreŋ könagesö yengön mönö Juda hala Tamar yetkö nahönŋiri Perez yaŋgö saiwakö söp hala malme.” Mewö.
22603	JON 1:3	Mewö jiyökmö, Jonanöŋ möp Kembugöt jemesoholŋeyök ölöŋ köla wehön gegeŋe göröken anmamgörap wahörök. Wahöta miri qetŋi Jopa (Jaffa) miaŋgöreŋ geba waŋge kun miwikŋaiba “Ölöp yembuk Tarsis mire Spein kantrinöŋ anmam,” jiba köna söŋgöröŋi memba waŋgenöŋ öŋgöyök. Mewö öŋgöba Kembugöt jemesoholŋeyök mömölaköba anök.
22625	JON 2:9	Ambazip kopa-bemlopioŋ omaŋi göda qem eŋgimakzei, yeŋön mewö aka kalem möriam Toŋi gi andö guhumakze.
22634	JON 3:7	Tata jim kutukutu kewö aliga Niniwe siti dop köl teköba anök: “Iŋini möp kiŋ aka jembonurupŋi yeŋgöreŋ jim kutukutu ki mötme: Kunŋan kun möp nene kuluŋ kude nemap. Ambazip me bau kuruk-lama bulmakau-iŋini nene kuluŋ kun nemegöt kude möt eŋgime.
22639	JON 4:2	Irimŋi seholiiga Kembu ulet waŋgiba kewö jiyök: “Aek Kembu, gi ak-kömukömugöt bemŋi mala ölöp neŋgehorimakzan. Göhöreŋ kuki mi öŋsöŋ aiga kalem möriamgi mi önöŋi qahöp ahöza. Mewö urugi zölaŋ amöröiga wösögi möta könagesö kun mem bölöm eŋgimamgöt kude mörakzan. Mia nane gölmenöŋ mala lök möt yaköba jiali, mia ölum guhuza me qahöp? Könaŋi mewögörap aka nalö miaŋgöreŋ Tarsis anmam jiba ösumok mömölaköba anda malal.