54	GEN 2:23	Waŋgita kaiga azinöŋ i eka kewö jiyök: “Yei! Ki nani tandöha. Yaŋgö sihit busuŋi mi nani sihit busunöhök asuhuza. Anutunöŋ i azigö sile kitipŋeyök mei letota azi tandök ewö maljawaŋgöra qetŋi mönö ambi (azigö alaŋi) qetme.”
78	GEN 3:22	Mewö malohotka Kembu Anutunöŋ kewö jiyök: “Yei! Ambazip mi neŋgöreŋök kungö dop aka ölöpŋi bölöŋi mietkö könaŋiri lök mendeŋ etkibitkö mötzahot. Mewö aiga malmal köhöikŋaŋgö ip kötŋi kude nemahotköra soŋgo alalmö, yetkön nalö kewöŋe toroqeba böröŋiri böraŋda mi mewöyök mem nemba mewö miaŋön qahö kömumba teteköŋi qahö köhöikŋanök mal öŋgöbahotpuk.”
598	GEN 24:6	Mewö qesim waŋgiiga Abrahamnöŋ kewö meleŋnök: “Qahöpmahöp! Gi nöŋgö nahöni waŋgita miaŋgöreŋ kunbuk kude anmahot.
846	GEN 30:15	Mewö jiiga Leanöŋ kewö jiyök: “Göŋön apni noaŋgitnöŋga dop kölmapkö mötmörialmö, gi mönö nahönaŋgöreŋ asagwalim amöt ki mewöŋanök noaŋgitmamgö mötzan. Mi qahö dop kölja. “Mewö jiiga Reizölnöŋ kewö jiyök: “Ölöp! Nahöngahöreŋ amöt mi niŋgiman ewö, mönö ölöp Jeikobpuk suŋgem ki ahömahot.”
1119	GEN 37:35	Mewö maliga nahönböraturupŋi pakpak yeŋön kaba urukölalep mem waŋgibingö aketmö, yaŋön mi qetala tököba urukondumök möta kewö jiyök: “Qahö! Nöŋön mönö jiŋgeŋ köla sahöta mala kömumba uŋem mire nahönaŋgöreŋ gemam. “Mewö jiba Josefköra sahöta malök.
1158	GEN 39:8	Mewö jiyökmö, yaŋön mi tököba toŋaŋgö anömŋi kewö jii mörök: “Qahö! Mötnöŋ, toni nanŋak miriŋe öröyuai ahözawaŋgö waimanjatŋi qahö ahakzapmö, sukinap buŋaŋi pakpak mi mönö nöŋön galöm köla malmamgöra nöŋgö böröne al teköiga ahöza.
1239	GEN 41:43	Mewö aka hos kare qetpuk sorokŋi nanŋi kareŋaŋgö qorembiŋi mi yaŋgöra jim teköiga miaŋgöreŋ öŋgöiga hosnöŋ örögetka anda kaba malök. Mewö anda maliga kiŋgö sikiriti yarö azi kunöŋ mutuk anda göda qem waŋgibingöra kewö qeri qetketka malök: “Kezap! Mönö kesalget!” Mewö ak waŋgiba Ijipt kantri pakpakö azi kembuya kuŋgum waŋgiyök.
1262	GEN 42:9	Qahö möt kutum waŋgigetka Josefnöŋ mönöwök gaunŋi yeŋgöra ehöhi, mi mötmötŋe kaŋgoriga mötmöriba jihip je suŋini mitiba kewö jii mötket: “Yei! Iŋini mönö kegwek azia akze. Nini kantrinini denikeaŋgöreŋ göröken awörök aka yarö gilbingö lömbörizini, iŋini mi ek kewöta mötpingöra ki kaze.”
7139	RUT 1:10	Sahöta muewö zöyöwöt: “Qahöwi! Niri mönö gowuk liliŋgöwa göhö könagesö kiripki yengöreŋ anbin.”
7148	RUT 1:19	mohotŋamŋire anda mala Betlehem taonöŋ kauröwöt. Kauröwötka taongö anbazip patpat yengön i etkekta sösöŋgai ketaŋi möta tokoget. Anbi yengön qeta Naomikö yaizözökŋi muewö zöget: “Hei! I halakŋa Naomiya me denöwö? Oe oe oe!”
7155	RUT 2:4	Yaŋgön dölmuhu Betlehemök kauta nup anbazipŋi engeikta yaizözökŋini muewö zöyök: “Bönjöŋ! Kembunöŋ enguk malma.” Mewö zöiga meleŋda muewö qetket: “Kembunöŋ mönö kötuetköm gihima.”
22610	JON 1:10	Yaŋön börö osikosibuk niŋgiiga nöŋön mi tököba Kembugöt jemesoholŋeyök ölöŋ köla kazal.” Mewö meleŋniga azi yeŋön mi möt yaköba gwötpuk awöwöliba kewö jiba jim waŋgiget: “Yei! Gi möp wuanöŋgörap mewö akzane?”
23282	MAT 4:4	Mewö jiyökmö, Jisösnöŋ keu kewö meleŋnök, “Qahö! Buŋa Kimbinöŋ keu kun kewö ohoget ahöza, ‘Nenenöhök ambazip malmal qahö neŋgimakzapmö, Anutugö jitŋeyök keu kamakzawi, mi pakpak tem kölinga miaŋön mönö gumohom neŋgiiga köhöiba maljin’.”
23285	MAT 4:7	Mewö jiiga kewö meleŋnök, “Qahö! Buŋa Kimbinöŋ keu kun mewöyök kewö ahöza, ‘Gi mönö Kembugi Anutu kude esapköm waŋgiman.’”
23288	MAT 4:10	Mewö jiiga Jisösnöŋ kewö jii mörök, “Qahö! Satan gi mönö kesalnöŋ. Buŋa Kimbinöŋ keu kun kewö ohoget ahöza, ‘Gi mönö Kembugi Anutu, ia mohot simin köl waŋgiba waikŋi memba möpöseiman’.”
23441	MAT 8:27	Mewö aiga awöwöliba qesiba jiget, “Yei! Azi kia mönö denöwöŋan malja. Yaŋön mönö luhut aka köwet jim kutum etkiiga jitŋi tem köl waŋgizahot.” Mewö.
23443	MAT 8:29	Yetkön Jisös miwikŋaiba silata kewö qet gigilahöyohot, “Aek! Gi Anutugö Nahönŋi akzan. Gi mönö denöwö ak neŋgimamgöra kazan? Sihimbölö mötmöt nalöŋan qahö kam kuŋguiga qeljiŋe mi könöpŋambuk ak neŋgimamgö ki kazan me?”
23459	MAT 9:11	Mewö negetka Farisi (Köna keugö kapaŋkölköl) yeŋön mi eka Jisösgö gwarekurupŋi kewö jim eŋgiget, “Aek! Eŋgö böhiŋinan mönö wuanöŋgöra takis meme tilipqilipŋinambuk aka siŋgisöndok ambazip yembuk tata nene neza? Mi qahö dop kölja.”
23611	MAT 13:3	Mewö tokogetka dopkeu gwötpuk jii mötketka kewö jiyök, “Mötket! Azi kunŋan nene kötŋi qesiŋ gilmamgöra nupnöŋ anök.
23662	MAT 13:54	Anda malqarip taonŋe aŋgota köuluk miriŋine öŋgöba Buŋa keu kusum eŋgiyök. Kusum eŋgiiga auruba welipköba kewö jiget, “Yei! Kezapjupjup! Yaŋön mötkutukutu ki aka aŋgöletot kukösumŋinambuk mi mönö denikeyök meza?
23753	MAT 16:12	Mewö jiiga miaŋgöreŋök keuŋaŋgö könaŋi kewö möt asariget, “Aha! Plaua mem qariqari yistkö galöm mem aŋgubingöra qahö jiyökmö, Farisi pati aka Sadyusi pati yeŋgöreŋ keu loloŋqaloŋi andö qebingöra jiyök.” Mewö.
23856	MAT 19:25	Mewö jii möta gwarek yeŋön aurum tililiŋgöba kewö jiget, “Opopoŋ! Ambazip daŋön mönö Suepkö buŋaya akawak?”
23904	MAT 21:9	Tumbulgetka ambazip kambu jeŋe köl öröba angeri aka andöŋe wuataŋgöba kageri, yeŋön kewö jiba qetket, “Hosana! Anutu möpöseizin. Deiwidkö gwölönarökŋi owe owe! Kembugö qetŋe kamawi, Anutunöŋ mönö i kötuetköma. Hosana! Qetbuŋagi möpöseininga euyaŋgöreŋ öŋgöza! Owe owe!”
23910	MAT 21:15	Mewö asuhuyökmö, jike nup galöm aka Köna keugö böhi yeŋön aŋgöletot meyöhi, mi eket aka nahönbörat jöwöwöl jikenöŋ qeta “Hosana! Deiwidkö gwölönarökŋi owe owe!” jigeri, mi eŋgeka urubölö aket.
23972	MAT 22:31	“Mötket! Kömugeri, yeŋön guliba wahötmegö keuŋi Anutunöŋ eŋgöra jiyöhi, iŋini mi lök oyoŋget me qahö? Keu mi kewö,
24045	MAT 24:19	“Yei! Ambi gölömbuk aka morö juzunöŋ yeŋön nalö miaŋgöreŋ denöwö ösumŋinan anbeak?
24140	MAT 26:17	Beret yistŋi qahö miaŋgö kendon silim mutukŋe (Seqononöŋ) gwarek yetkön Jisösgöreŋ kaba kewö qesim waŋgiyohot, “Böhi! Nini miri denikeaŋgöreŋ anda pasowa lama mözözömgöm gihiziga neman? Sihimgi denöwö ahöza?”
24158	MAT 26:35	Mewö jiyökmö, Pitönöŋ kewö jii mörök, “Böhi! Mewö qahöpmö, ni nuŋgugetka göbuk mohotŋe kömumbirak, mi töndup nöŋön gi qahö qaŋ köl gihimam.” Gwarek tosatŋi pakpak mewöyök keu miyöhök jiget. Mewö.
24196	MAT 26:73	Nalö borom kun teköiga azi kösutŋe kingeri, yeŋön Pitögöreŋ kota kewö jiget mörök, “Alakŋa! Göŋön mewöyök yeŋgöreŋök kun akzan! Galili keu jöl jizani, miaŋön mönö mewöyök mi kondeliga mötzin.”
24211	MAT 27:13	Keu bök kiniga Pailötnöŋ Jisös kunbuk qesim waŋgiba jiyök, “Mötnöŋ! Yeŋön keu gwötpuk göhö silege ala naŋgöba jizei, mi mötzan me qahö?”
24238	MAT 27:40	“Yei! Gi mönö jöwöwöl jike ölöp köndeŋnöŋga gölmenöŋ eriga wehön karöbutkö uruŋe kunbuk mem wahöt kuŋgumamgö jinöŋ. O, gi azi qetpuk! Gi Anutugö Nahönŋa akzan ewö, mönö ölöp nangi bauköm aŋguba maripomnöhök etman.”
24311	MRK 1:27	Aniga körekŋan nemböŋini teköiga welipköba qesim aŋguba kewö jiget, “Yei! Ki mönö wani yuaia? Ki mötmöt dölökŋi kukösumŋambuk. Yaŋön ömewöröme mewöyök jim kutum eŋgiiga jitŋi tem kölje.”
24334	MRK 2:5	Mewö geiga Anutu möt narim waŋgigeri, Jisösnöŋ yeŋgö tandökŋini mi ehi dop köliga kawöl azigöra kewö jiyök, “Nahöni! Nöŋön siŋgisöndoki mosötzal.”
24341	MRK 2:12	Jiiga mönö wahöta miaŋgöreŋök tumbulahöpŋi memba ambazip pakpak yeŋgö jeŋine yaigepŋe anök. Mewö aniga körekŋan welipköba Anutu möpöseiba kewö jiget, “Yei! Tandök kewöŋi mi mönöwök nalö kungen qahö ehin. Qahö. Dölki je murutŋa ekzin.” Mewö.
24345	MRK 2:16	Jisösnöŋ takis meme tilipqilipŋinambuk aka siŋgisöndok ambazip tosatŋi yembuk tata nene negeri, mi Farisi (Köna keugö kapaŋkölköl) aka yeŋgöreŋ böhi tosatŋan eka Jisösgö gwarekurupŋi kewö jim eŋgiget, “Aek! Yaŋön mönö wuanöŋgöra takis meme tilipqilipŋinambuk aka siŋgisöndok ambazip yembuk tata nene neza? Mi qahö dop kölja.”
24348	MRK 2:19	Mewö qesigetka kewö meleŋnök, “Ölŋa! Nini wani nalönöŋ nene siŋgi malakzin? Ambi meme nalöŋe azigö andöurupŋan könöpŋi algetka ambigö sepkitipurupŋan yuai mi tökömakze me qahö? Nöŋön nani gwarekurupni yeŋgö azi buŋaya aka yeŋgö sutŋine köisirik tatzal. Tatpiga yeŋön miaŋgöra aijölöŋ söŋgaiba tata siŋgi malbingö osimakze.
24389	MRK 3:32	Aniga ambazip kambu yeŋön liliköm waŋgiba tata kewö jiget mörök, “Mötnöŋ! Göhö nam-mungan mönö yaigep kinda göhöra qesize.”
24395	MRK 4:3	“Mötket! Azi kunŋan nene kötŋi qesiŋ gilmamgöra nupnöŋ anök.
24440	MRK 5:7	Simin köliga Jisösnöŋ ömeŋi mi kewö jim waŋgimamgöra ahök, “Öme bölöŋi! Gi mönö azi ki mosöta anöŋ!” Mewö jimamgöra aiga qet bölöbölö ketaŋi qeta jiyök, “Aek! Gi Jisös, Anutu öŋgöŋgöŋaŋgö Nahönŋi akzan. Gi denöwö ak niŋgimamgöra kazan? Nöŋön Anutugö jemesoholŋe ulet gihizal: Gi keu jöhöba jöjöpaŋ keunöŋ jim köhöiba mönö sihimbölö könöpŋambuk kude ak niŋginöŋ.”
24498	MRK 6:22	Kaba tatketka Herodiasgö böratŋan miri miaŋgö uruŋe kaŋgota danis aliga Herod aka yambuk tebol liliköba tatkeri, yeŋön miaŋgö eksihimŋi gwötpuk mötket. Mewö mötketka kiŋnöŋ ambi seramgöra kewö jiyök, “Böratni! Wani yuaigöra sihimgi mötzani, mi ölöp qesinöŋga tököm gihimam.”
24501	MRK 6:25	Mewö meleŋniga miaŋgöreŋök miri uruŋe kiŋkiŋgöba kiŋgöreŋ öŋgöba kewö qesiba jiyök, “Kewöni! Nöŋön sihimnan kewö mötzal: Göŋön mönö jimkutunöŋga Jon O-melun azigö jölŋi yandiba nöröpŋi memba kaba köndenöŋ algetka mia döldöpki niŋgiman.”
24511	MRK 6:35	Mewö aka maliga miri jeŋan teköba gemamgö ahiga gwarekurupŋan Jisösgöreŋ kaba kewö jiget, “Böhi! Nini gölme kötikŋi kiaŋgöreŋ malinga miri lök söŋaumamgö akza.
24526	MRK 6:50	Qeta silata körek i eka keŋgötporiŋ aketmö, Jisösnöŋ miaŋgöreŋök keukeu jiba kewö jii mötket, “Alaurupni! Mönö ewebibiŋinambuk saitiŋgit malme. Nanak kazal. Keŋgötŋini kude mötme.”
24612	MRK 9:5	Jigetka Pitönöŋ könahiba keu jiba Jisösgöra kewö jiyök, “Ketaŋamnini! Neŋön kiaŋgöreŋ uruölöwak mötzin. Miaŋgöra neŋön ölöp koum karöbut qebin: Göhö kun, Mosesgö kun aka Elaijagö kun.”
24624	MRK 9:17	Qesim eŋgiiga kambuŋineyök azi kunöŋ meleŋda kewö jii mörök, “Böhi! Nöŋgö nahöni ömenöŋ numbuŋi muhungöba töŋöt mem waŋgiiga waŋgita göhöreŋ kazal.
24645	MRK 9:38	Jonöŋ Jisös kewö jii mörök, “Böhi! Nini azi kun neŋgö andönine qahö kayöhi, yaŋön göhö qetnöŋ ömewöröme közöl eŋgiiga ehin. Yaŋön nembuk qahö liliköba maljawaŋgöra nini i qetal waŋgiin.”
24680	MRK 10:23	Mosöta aniga Jisösnöŋ ui anda kaiga gwarekurupŋi kewö jii mötket, “Yei! Ambazip moneŋ inapŋinambuk yeŋön mönö Anutugö bemtohoŋnöŋ aŋgotpingö lömböriba kupuk-kapak akŋe.”
24683	MRK 10:26	Mewö jii möta aurum tililiŋgöba nanŋinaŋgöra kewö jiget, “Opopoŋ! Ambazip daŋön mönö Suepkö buŋaya akawak?”
24774	MRK 12:32	Köna keugö böhigöra mewö meleŋniga jiyök, “Böhi! Gi törörök keu ölŋaŋgö dop jizan. Anutunöŋ mohot akza. Bem alaŋi kun qahö.
24790	MRK 13:4	“Böhi! Keu jizani, miaŋgö ölŋi mönö wanat nalönöŋ asuhum tiŋgitma aka yuai pakpak mi könahiba asuhum tekömawi, miaŋgö aiwesökŋan mönö denöwö asuhuma? Mia ölöp jinöŋ mörin.”
24854	MRK 14:31	Mewö jiyökmö, Pitönöŋ kapaŋ köla köhöiköhöi ahök, “Böhi! Mewö qahöpmö, ni nuŋgugetka göbuk mohotŋe kömumbirak, mi töndup nöŋön gi qahö qaŋ köl gihimam.” Gwarek tosatŋi pakpak mewöyök keu miyöhök jiget. Mewö.
24899	MRK 15:4	Jigetka Pailötnöŋ Jisös kunbuk qesim waŋgiba jiyök, “Mötnöŋ! Yeŋön keu gwötpuk göhö silege ala jizei, göŋön miaŋgö likepŋi kun jiman me qahö?”
24924	MRK 15:29	Ambazip oŋgita anda kaba kukulömbuaŋ aka jelikit aka nöröp köla kewö jiget, “Yei! Gi mönö jöwöwöl jike ölöp köndeŋnöŋga gölmenöŋ eriga wehön karöbutkö uruŋe kunbuk mem wahöt kuŋgumamgö jinöŋ. O, gi azi qetpuk!
24930	MRK 15:35	Mewö qeriga azi kösutŋe kingeri, yeŋgöreŋök tosatŋan mi möta jiget, “Mötket! Mönö Elaijagöra qetza.”
24996	LUK 1:34	Garatanöŋ mewö jiiga Marianöŋ jii mörök, “Yei! Ni azigö könaŋi qahö mötzal. Miaŋgöra keu jizani, miaŋgö ölŋi mönö denöwö asuhuma?”
25144	LUK 4:12	Mewö jiyökmö, Jisösnöŋ kewö meleŋ waŋgiyök, “Qahö! Anutunöŋ jiza, ‘Gi mönö Kembugi Anutu kude esapköm waŋgiman.’”
25166	LUK 4:34	“Aek! Jisös, Nazaret azia! Gi wania ak neŋgimamgö akzane? Mönö ayuhum neŋgimamgöra kazan me? Ni könaŋamgi möt kutuzal. Gi Anutugöreŋ azi Tök-kutukutuŋi akzan.”
25168	LUK 4:36	Aniga körekŋan nemböŋini teköiga welipköba sutŋine eraum möta kewö jiget, “Yei! Keu ki mönö wani keuya? Yaŋön kuk aka ösum-mumu qakŋe ömewöröme jim kutum eŋgiiga tem köla kota anje.”
25202	LUK 5:26	Mewö asuhuiga ambazip körekŋan welipköba sömbuŋini möta Anutu möpöseiba jiget, “Yei! Merak yuai qetpuk soroha ekzin.” Mewö.
25206	LUK 5:30	Mewö negetka Farisi (Köna keugö kapaŋkölköl) aka yeŋgöreŋ böhi yeŋön mi eka jimoŋgot aka Jisösgö gwarekurupŋi kewö jim eŋgiget, “Aek! Iŋini mönö wuanöŋgöra takis meme tilipqilipŋinambuk aka siŋgisöndok ambazip yembuk tata nene aka o neze? Mi qahö dop kölja.”
25210	LUK 5:34	Mewö qesigetka kewö meleŋnök, “Ölŋa! Nini wani nalönöŋ nene siŋgi malakzin? Ambi meme nalöŋe azigö andöurupŋan könöpŋi algetka ambigö sep kitipurupŋan yuai mi tökömakze me qahö? Nöŋön nani gwarekurupni yeŋgö azi buŋaya aka yeŋgö sutŋine köisirik tatzal. Tatpiga siŋgi malbingö jigetka yeŋön aijölöŋ söŋgaiba tata siŋgi malbingö osimakze.
25293	LUK 7:29	Ambazip könagesö pakpak aka yeŋgö sutŋine takis meme yeŋön mohokŋe Jongö Buŋaŋi mötkeri, yeŋön jim köleŋda “Aha! Anutugö köna diŋdiŋi jim asariza,” jiba uruŋini meleŋgetka Jonöŋ o melun mem eŋgiyök.
25430	LUK 9:60	Mewö jiyökmö, Jisösnöŋ meleŋda jiyök, “Mosötnöŋ! Köhömuŋi yeŋön qamötŋini köhömuŋi mi ölöp löm kölmemö, göŋön mönö anda Anutu bemtohoŋaŋgö könaŋi jim asarim eŋgiba malman.”
25492	LUK 11:18	“Mötket! Satangö könagesö yeŋön mewöyök sutŋine aŋgururuk aka julbeak ewö, yeŋön mönö gawman nupŋini membingö osigetka ömetohoŋinan mönö denöwö kinbawak? Iŋini nöŋgöra kewö jize: Yaŋön Katakömulatkö ösumnöŋ ömewöröme eŋguataŋgömakza.
25781	LUK 18:24	Wösöbirik ahöhi Jisösnöŋ mi eka kewö jiyök, “Yei! Ambazip moneŋ inapŋinambuk yeŋön mönö Anutugö bemtohoŋnöŋ aŋgotpingö lömböriba kupuk-kapak akŋe.
25783	LUK 18:26	Keu mi jii mötkeri, yeŋön kewö jiget, “Opopoŋ! Ambazip daŋön mönö Suepkö buŋaya akawak?”
25798	LUK 18:41	“Alani! Gi mönö wani yuai ak gihimamgöra mötzan?” Qesim waŋgiiga jiyök, “Kembu! Ni jeni kunbuk umamgöra mötzal.”
25833	LUK 19:33	Miwikŋaiba doŋki moröŋi pösatpitkö ahotka toŋan jiget, “Hei! Doŋki moröŋi mi wanigöra pösatzahot?”
25877	LUK 20:29	“Mötnöŋ! Nalö kunöŋ darumun 7 malget. Datŋini mutukŋan ambi memba mala gwölönarökŋi qahö öne mala kömuyök.
25943	LUK 22:10	Qesim waŋgiyohotka kewö meleŋnök, “Mörohot! Iŋiri sitinöŋ aŋgorohotka azi kun o kimbut kunduta kaiga miwikŋaimahot. Miwikŋaiba i wuataŋgöba anda mire öŋgömawi, miaŋgöreŋ öŋgömahot.
26085	LUK 24:25	Keu mi möta kewö jii mörohot, “Yei! Iŋini kezapqetok yeŋön keu jigeri, mi pakpak mönö wuanöŋgöra ölanbölan aka ajojohoba gawönjeje mala qahö möt narize?
26151	JHN 1:38	Anohotka Jisösnöŋ liliŋgöba andöŋe kayohori, i etkeka kewö qesim etkiyök, “Iŋiri niŋia jaruba kazahot?” Mi möta jiyohot, “Ketaŋamniri! Gi miri denike ahöba maljan?” (Juda yeŋön ‘Ketaŋamnini’ keu mi böhigöra jiget.)
26160	JHN 1:47	Mewö jii möta Jisösgöreŋ kaba asuhuiga eka yaŋgöra keu kewö jiyök, “Eket! Azi kiaŋön mönö Israel azi ölŋi akza. Uruŋe muneŋ geŋmoŋi kun qahö.”
26254	JHN 4:29	“Mötket! Nöŋön azi kun miwikŋaibiga yuai pakpak aka malali, miaŋgö könaŋi indela jii mötzal. Miaŋgöra yaŋön mönö Amötqeqe Toŋi Kraist akapuk. Mönö nanŋinak kaba azi mi ekŋe.”
26378	JHN 6:52	Jisösnöŋ mewö meleŋniga Juda jitŋememe yeŋön sutŋine urukönöpnöŋ jim qesim aŋguba jiget, “Yei! Azi kiaŋön mönö denöwö aka busuŋi neŋgiiga nembinak?”
26409	JHN 7:12	Ambazip kambu yeŋön sutŋine Jisösgöra saŋep keu gwötpuk jiget. Tosatŋan “Azi mi ölöp sorokŋi,” jigetmö, tosatŋan kewö jiget, “Qahö! Yaŋön mönö ambazip kambu eŋololoŋ ak eŋgiiga kahapmahap ahakze.”
26549	JHN 9:40	Mewö jiiga Farisi tosatŋan kösutŋe miaŋgöreŋ kinda keu mi möta kewö qesiget, “Wae! Nini tok jegömöl azia akzin me? Neŋgöra jizan me?”
26628	JHN 11:36	Sahöriga Juda ambazip yeŋön eka jiget, “Yei! Mönö alaŋaŋgöra önöŋi qahö ak waŋgii malök.”
26665	JHN 12:16	Jisösgö gwarekurupŋan yuai asuhuyöhi, miaŋgö könaŋi mutuk qahö möt kutugetmö, könaŋgep ölöp möt asariget. Jisösnöŋ Suepnöŋ öŋgöba asakmararaŋambuk malöhi, keu mi nalö miaŋgöreŋ mötmöriba kewö jiget, “Aha! Keu mi mönö Jisösgöra ohoget ahöza aka ambazipnöŋ keu miaŋgö dop ak waŋgigetka ölŋambuk ahök.”
26889	JHN 18:35	Mewö qesiiga Pailötnöŋ meleŋnök, “Yei! Ni mönö Juda azia aka Juda eŋgö keuŋini naŋgömakzal me? Qahöpmahöp! Ni Rom premiö malbiga nangi ambazip kambu-urupki aka jike nup galöm yeŋön mönö goaŋgita nöŋgö böröne al gihize. Göŋön mönö wanat yuai aknöŋ?”
26898	JHN 19:4	Mewö mepaqepaik ak waŋgigetka Pailötnöŋ kunbuk yaigepŋe geba kewö jii mötket, “Mötket! Nöŋön azi mi kewöta pinjitŋi kun qahö miwikŋaizal. Miaŋgöra i kunbuk waŋgitpiga eŋgö jeŋine eriga könaŋi mewö möt kutuba ekŋe.”
26909	JHN 19:15	Mewö jii möta qet gigilahöget, “Yapmakek! Yapmakek! Maripomnöŋ qeget kömuma!” Qet gigilahögetka kewö jiyök, “Eŋgö kiŋ kembuŋinaŋgö keuŋi jim teköbiga maripomnöŋ öŋgömapköra jize me?” Mewö jiiga jike nup galöm yeŋön meleŋda jiget, “Sisa kiŋnöŋ mohok kiŋ kembunina akza. Neŋgöreŋ kiŋ kembu murutŋi kun qahö ahöza!”
27025	ACT 2:7	Köŋkuŋ aka welipköba jiget, “Mötket! Azi ki keuŋi keuŋi jizei, yeŋön mönö körek Galili ambaziwa akze me?
27104	ACT 4:13	Mewö jim teköiga tandökŋiri eka kewö jiget, “Azi yahöt kietkön mötmöt mire qahö öŋgöba töndup keu köhöikŋi köhöikŋi jiba awösamkakak kinda suahö ewö akzahot.” Mewö jiba köŋkuŋ aka welipköba könaŋiri möt kutuba jiget, “Alakŋa! Azi yahöt mietkön mönö Jisösbuk mala letorohot.”
27148	ACT 5:20	“Mötket! Iŋini mönö anda jöwöwöl jikenöŋ öŋgöba ambazip jeŋine kinda malmal dölökŋaŋgö könaŋi pakpak aukŋe jigetka mötme.”
27152	ACT 5:24	Mewö jigetka jikegö kiripo galöm bohonŋi aka jike nup galöm bohonŋi yeŋön keu mi möta uruŋini lalalulu siksauk aiga jiget, “Opopoŋ! Merak mewö asuhuba könaŋgep kunbuk supapköiga denöwö akapuk!”
27241	ACT 7:56	Jisös eka jiyök, “Mötket! Suepnöŋ aŋaŋiiga Suep gölmegö Azi Ölŋan mönö Anutugö böröŋi ölŋe kiniga ekzal.”
27265	ACT 8:20	Mewö jiyökmö, Pitönöŋ kewö jim waŋgiyök, “Aek! Yapmakek! Göŋön Anutugö kalemŋi mi moneŋnöŋ söŋgöröŋi memamgöra jizan. Miaŋgöra gi mönö moneŋgabuk könöp sianöŋ geman.
27362	ACT 10:34	Korniliusnöŋ mewö jiiga Pitönöŋ könahiba kewö jiyök, “Aha! Anutunöŋ ambazip tosatŋi qahö eŋgek soriba tosatŋi qahö qepureim eŋgimakzapmö, dop mohotnöŋ kewöt neŋgimakza. Yaŋgö jeŋe kunŋan aŋgöjörakŋambuk qahö akza. Nöŋön mi dölki ölŋa möt kutuzal.
27441	ACT 13:10	Ek kutuba kewö jiyök, “Yei! Timbiqimbilim azi gi mönö Bölöŋi Toŋaŋgö moröya akzan! Satanöŋ urugi isimkakaleknöŋ kokolak qeiga silenöŋ alal könaŋi könaŋi aka malakzan. Keu diŋdiŋi pakpakö kerökŋi aka Kembugöreŋ köna diŋdiŋi möwöramgönöŋga goŋgimakzawi, mi mönö mosötman me?
27598	ACT 17:6	Jarum etkigetmö, qahö miwikŋaim etkiba Jeison aka urumeleŋ alaurup tosatŋi jöhöm öröm eŋgiba sitigö galömkölköl azi yeŋgö jeŋine aŋgota kewö qetket, “Yei! Azi gölmeŋi gölmeŋi liliköba miri dop uru kuŋgum eŋgigetka kahapmahap aka sohomakzei, yeŋön mönö ki mewöyök kayohot.
27794	ACT 22:22	Polnöŋ keu likepŋi jiyöhi, mi ambazip kambu yeŋön kezap ala mötketmö, (Kembunöŋ kian kantri ambazip yeŋgöreŋ anmamgö jiiga jiyöhi,) keu mi möta miaŋgöreŋök köhöikŋanök silata jiget, “Yapmakek! Azi mewöŋi mi qeget kömuma. Mi gölmenöŋ nembuk malmawaŋgö dop qahö.”
27862	ACT 24:25	Mi mörökmö, Anutugö keu tosatŋi toroqeba eraum mötketka lömböriyök. Polnöŋ Anutugö jeŋe solanibingö könaŋi jim asariba nanine ahakmemenini galöm köl aŋgubingöra jiyök aka Anutunöŋ nalö kun ali miaŋgöreŋ kewöt neŋgiba keunini jim tekömawi, keu karöbut miaŋön uruŋi kuŋguyök. Polnöŋ keu mewöŋi jiiga töwöratiba bök qesiŋda jiyök, “Yapmakek! Muat mosötnöŋ. Dölki ölöp mosöta anöŋga nalö kun mötpi dop kölmawi, miaŋgöreŋ ölöp kunbuk köl öröm gihibi kaman.”
29038	2CO 9:14	Mewö jiba eŋgöra köuluköba miaŋgöreŋ waikŋini gwötpuk mem eŋgiba kewö jime, “Ia! Anutunöŋ mönö kalem möriamŋi keleŋmaleleŋ Korint eŋgiiga urukalemŋinaŋgö ölŋi gwötpuk neŋgiget.” Mewö jigetka Anutugö kalemŋan aukŋe asuhuma.
31096	REV 19:10	Suep garatanöŋ mewö jiiga nöŋön miaŋgöreŋök yaŋgö waikŋi memba möpöseim waŋgimamgö möta yaŋgö könaŋe simin köla sipköyalmö, nöŋgöra kewö jiyök, “Aek! Mewö kude akŋan. Gi aka göhö urumeleŋ alaurupkan Jisösgö könaŋi naŋgöba jiba malgetka welen qem eŋgimakzini, nöŋön mönö yeŋgöreŋök kun akzal. Jisösnöŋ Buŋa keu ölŋi indelöhi, miaŋgö ösumŋan mönö kezapqetok ambazip inahöm eŋgiiga Uŋa Töröŋaŋgö keuŋi möta jim sehiget. Miaŋgöra mönö Anutugöra sipköba waikŋi memba möpöseiba malman.” Mewö.
31158	REV 22:9	Simin kölalmö, nöŋgöra kewö jiyök, “Aek! Mewö kude aknöŋ. Nöŋön gi aka kezapqetok alaurupki aka ambazip buk kiaŋgö Buŋa keuŋi buŋa qeba qekötahömakzei, mönö körek eŋgö qöhöröŋine kinda mohotŋe Anutu welen qem waŋgimakzin. Nia qahöpmö, mönö Anutu waikŋi memba möpöseimakŋan.”