26	GEN 1:26	Miaŋgö andöŋe Anutunöŋ kewö jiyök: “Ayop, nini mönö azi nanine tandökö dop meinga kaisoŋgolomnini ewö aka yuai pakpak galöm köl eŋgiba malma. Yuai pakpak mi köwetkö söraŋi, suepkö neiŋi aka mirigö sömbupŋi, gölme körek aka yuai pakpak bapŋini gölmenöŋ köla ölölöŋgömakzei, mönö mieŋgö galömŋina aka malma.”
29	GEN 1:29	Mewö jiba keu kewö jiyök: “Mötket, nöŋön yöha könaŋi könaŋi gölme pakpak dop köla asuhuba wahöta kötŋini kuŋgum söhömakzei aka ip kösö pakpak öl kötŋinambuk kuŋgum söhömakzei, mi numbu neneŋini akŋapköra al eŋgizal.
200	GEN 8:16	“Gi, anömgi aka nahöniranurupki iŋini mönö waŋge mosöta etket.
232	GEN 9:26	Toroqeba kewö jiyök: “Anutu, Semgö Kembuŋi, ia mönö möpöseizal. Keinanöŋ mönö Semgö welenqeqeŋi omaŋi aka malma.
310	GEN 12:11	Könanöŋ anda Ijipt dopdowigetka Abramnöŋ miaŋgöreŋ anömŋi Saraigöra keu kewö jiyök: “Mötnöŋ, göŋön ambi eksihimgabuk akzani, mi mötzal.
362	GEN 15:1	Mewö asuhuiga Abramgö jeŋi meleŋniga imut ehiga Kembunöŋ keu kewö jii kaiga mörök, “Abram, gi keŋgötki kude mötman. Nöŋön göhö sumanga akzal. Göhö töwagi mönö keta bölökŋi aka ahöma.”
390	GEN 16:8	Miaŋgöreŋ miwikŋaim waŋgiba kewö jiyök: “Hagar, Saraigö welen ambiŋi, gi mönö denikeyök kazana denike anman?” Mewö jiiga kewö meleŋnök: “Ni galöm ambini Saraigöreŋök asamböta ölöŋ köla kazal.”
392	GEN 16:10	Keu mi toroqeba kewö jii mörök: “Hagar, nöŋön mönö göhö gwölönarökurupki ahum sehim eŋgibiga qötöŋini oyoŋoyoŋgö dop qahö aiga malme.”
402	GEN 17:4	“Mötman, nöŋön jöhöjöhö areŋni göbuk kewö akzal: Göŋön könagesö gwötpuk yeŋgö iwi bömönŋina akŋan. Keu mewö jim jöhöbi ahöma.
430	GEN 18:5	Nöŋön ölöp nene moröŋi kun memba kaba eŋgibiga neme. Miaŋön mem köhöim eŋgiiga ölöp köna kunbuk toroqeba anme. Nöŋön kewöröpni malbiga iŋini ni göda qem niŋgiba kazeaŋgöra ölöp welen qem eŋgimam. “Mewö jiiga meleŋda kewö jiget: “Saiwap, jizanaŋgö dop mewö ölöp akin.”
440	GEN 18:15	Saranöŋ keŋgötŋi möta mi köyatiba kewö jiyök: “Ni gön qahö köljal. “Mewö jiyökmö, Kembunöŋ kewö jiyök: “Qahö, gi gön ölŋa köljan. “Mewö.
452	GEN 18:27	Mewö jiiga Abrahamnöŋ kunbuk kewö jiyök: “Kembu, ni nesak sömsöm omaŋi ewö akzalmö, töndup keu köhöikŋi Kembunaŋgöra kuŋguba jizal. Mi kude dop köljapmö, mi töndup ölöp ni möt niŋgiman.
456	GEN 18:31	Abrahamnöŋ toroqeba kewö jiyök: “Kembu, ni keu köhöikŋi Kembunaŋgöra kuŋguba jizal. Mi kude dop köljapmö, mi töndup ölöp möt niŋgiman. Ambazip solanŋi 20 miyök miaŋgöreŋ miwikŋaim eŋgiman ewö, mönö denöwö akanak?” Mewö jiiga kewö meleŋnök, “Ambazip 20 yeŋgöra aka taon mi qahö ayuhumam.”
460	GEN 19:2	Geba kewö jiyök: “O kembuyahötni, iŋiri ölöp welenqeqeŋiri nöŋgö mire kaba könaŋiri saŋgoŋda mohotŋe suŋgem ahöbin. Ahöba wahöta ölöp söŋanök köna toroqeba anmahot. “Mewö jiyökmö, yetkön kewö jiyohot: “Qahö, niri ölöp qenjarök sombem kunöŋ anda ahöbit.”
465	GEN 19:7	Naŋgu köla kewö jiyök: “Alaurupni, mewö qahö. Silik bölöŋi mi kude akŋe.
500	GEN 20:4	Mewö jiyökmö, kiŋ Abimeleknöŋ Sara qahö meyöhaŋgöra aka kewö jiyök: “Kembu, ni siŋgisöndokö keuni qahö. Miaŋgöra göŋön ni aka könagesöurupni nini öne töhön ayuhum neŋgibanbuk.
531	GEN 21:17	Morö sahöröhi, mi Anutunöŋ möriga garataŋan suepnöhök Hagargö qeta kewö jiyök: “Hagar, gi wani lömbötkö uruŋe maljan? Keŋgötki kude mötnöŋ. Morönöŋ endu ahöba sahötzawi, Anutunöŋ sahötŋi mi lök mötza.
555	GEN 22:7	Mewö anda Aisaknöŋ aŋ ala iwiŋi Abrahamgöra kewö jiyök: “Iwini!” Mewö jiiga kewö meleŋnök: “Nahöni, wania?” Mewö meleŋniga kewö qesiyök: “Könöp jitŋi aka könöp mia ki memba kazitmö, jöwöwöl ohohogö lamaŋi mi denike?”
556	GEN 22:8	Mewö qesiiga iwiŋan kewö meleŋnök: “Nahöni, Anutu nanŋak mönö jöwöwöl ohohogö lamaŋi kun miwikŋaiba netkima. “Mewö meleŋniga toroqeba mohotŋamŋire anohot.
559	GEN 22:11	Atöŋniga miaŋgöreŋök Kembugöreŋ garatanöŋ Suepnöhök Abrahamgöra kewö qerök: “Abraham, Abraham!” Mewö qeriga “Ni ki kinjal,” jiba meleŋnök.
613	GEN 24:21	Mewö ahiga welenqeqe jembonöŋ göröŋ kinda i törörök eka kewö möta mötmöriyök: “Ölŋa, Kembunöŋ köna köröpŋi ki kayalaŋgö möriamŋi mi mönö kewö kondori asuhuza me denöwö?”
690	GEN 25:31	Mewö jii möta Jeikobnöŋ jiyök: “Datni, gi mutuk asuhunöŋga miaŋgö qetbuŋagi mi mönö mutuk tököm niŋginöŋga nene kuluŋ mi ölöp gihibi neman.”
702	GEN 26:9	Etkeka Aisak oholi kaiga kewö jii mörök: “Mötnöŋ, yaŋön mönö göhö anömgi akza. Mönö wuanöŋgöra ‘I mi nena,’ jinöŋ?” Mewö möta kewö meleŋ waŋgiyök: “Ni yaŋgöra aka nuŋguget kömumbileŋbuköra mötmöriba mewö jial.”
729	GEN 27:1	Aisaknöŋ mala kota azi namŋi aiga jeŋi ömun köliga yuai kunbuk ek kutumamgö osiyök. Mewö osiba nahönŋi mutukŋi Iso köl öröm waŋgii kaiga kewö jii mörök: “Nahöni mötnöŋ. “Mi möta kewö meleŋ waŋgiyök: “Iwini, ni ki kinjal.”
730	GEN 27:2	Meleŋ waŋgiiga kewö jii mörök: “Mötnöŋ, ni azi namŋi aka wani nalönöŋ kömumami, mi qahö mötzal.
741	GEN 27:13	Mewö jiiga namŋan kewö jii mörök: “Nahöni, jimqesuak gihibawahi, miaŋön mönö ölöp nöŋgö qakne öŋgöma. Göŋön mönö töndup keu jizali, mi möt tem köla anda yuai mi memba kanöŋ.”
748	GEN 27:20	Mewö jii möta nahönŋi kewö qesim waŋgiyök: “Nahöni, mi mönö denöwö könöpuk miwikŋaizan?” Qesim waŋgiiga kewö meleŋnök: “Anutu, göhö Kembugan mönö bauköm niŋgiiga mi zilaŋ miwikŋaizal.”
749	GEN 27:21	Mewö meleŋniga Jeikobköra kewö jiyök: “Nahöni, gi ölŋa nahöni Iso akzan me qahö, mi mötmamgöra mönö ölöp kösutne ki kanöŋga gömisirimam.”
753	GEN 27:25	Mewö meleŋniga kewö jiyök: “Nahöni, ölöp sömbupki tosatŋi niŋginöŋga nemba kötumötuetni gihimam. “Mewö jiiga mi waŋgii neyök. Neiga wain o tosatŋi mohotŋe mokoba waŋgii neyök.
759	GEN 27:31	Kaba yaŋön mewöyök nene nahömŋambuk ohoba mözözömgöba memba kaba iwiŋi waŋgiba kewö jiyök: “Iwini, ölöp wahöta tata sömbupni tosatŋi nemba kötumötuetki niŋgiman.”
762	GEN 27:34	Isonöŋ iwiŋaŋgö keu jitŋi mi möta urukömbuk aka amburereŋ memba silata sahöta iwiŋaŋgöra kewö ulerök: “Iwini, nia mönö mewöyök kötuetköm niŋginöŋ.”
765	GEN 27:37	Mewö jiiga iwiŋan Isogöra kewö meleŋnök: “Mötnöŋ, nöŋön mungi göhö azi kembugi malmapköra kuŋgum waŋgizal. Tinitosolomurupŋi pakpak yeŋön i welen qem waŋgiba malmegöra jim kutum eŋgizal. Yaka yöha, sehoŋ padi aka wain o yuai mi lök jim teközalawa Anutunöŋ mi waŋgiba malma. O nahöni, wanat kötumötuetna kun toroqeba ahöm niŋgizawa mia gihibileŋak? Mi mönö osizal.”
767	GEN 27:39	Sahöriga iwiŋan kewö meleŋda jiyök: “Mötnöŋ, göŋön mönö gölme töhötmöriamŋambuk mosöta köröwen anda malman. Miaŋgöreŋ suepkö umjijilŋi mi könakembayök qahö erakŋa.
770	GEN 27:42	Isogö mötmötŋe mewö ahuiga kunöŋ miaŋgö buzupŋi möta Rebekagöreŋ anda jii möta nahönŋi könaŋgepŋi Jeikobköra keu ali anda waŋgita kaiga kewö jiyök: “Mötnöŋ, datki Isonöŋ mönö likepŋi meleŋni qake öŋgöiga guhui kömumangö mötmöriza.
775	GEN 28:1	Mewö jiiga Aisaknöŋ Jeikob köl öröi kaiga kötuetköba kewö jim kutum waŋgiyök: “Nahöni, gi Keinan yeŋgö nenböratŋini yeŋgöreŋök kun anömgi kude meman.
803	GEN 29:7	Mewö jigetka Jeikobnöŋ jiyök: “Eket, wehön ketaŋi ahöiga lama mi suŋgemgöra tokom eŋgibingö nalöŋan qahö töriza. Miaŋgöra ölöp lamaŋini o eŋgiget negetka kunbuk eŋguaŋgita malmalŋine anda al eŋgigetka neneŋamŋini neme.”
810	GEN 29:14	Mi möta kewö jiyök: “Ölöp, göŋön nani sepkitipni akzan. “Mewö jiiga köiŋ mohotkö dop yambuk tata malök. Mewö.
909	GEN 31:35	Reizölnöŋ iwiŋi kewö jii mörök: “Ketaŋamni, ni köiŋnöŋ nehiga tatzalaŋgöra aka göhö jemesoholge ölöp qahö wahötmam. Miaŋgöra uruönön kude möt niŋgiman. “Mewö jiiga miriŋaŋgö domlopioŋurupŋi mieŋgöra jaruyökmö, mi qahö miwikŋaiyök.
981	GEN 33:20	Bohonŋi memba miaŋgöreŋ jöwöwöl alta kun memba qetŋi “El, Israelgö bem Anutuŋi,” mewö qerök. (El bem)
985	GEN 34:4	Tutuhum waŋgiba mala iwiŋi Hamor kewö jii mörök: “Iwini, gi ölöp ambi seram ki nöŋgö anömna akŋapköra keu nup meman.”
1090	GEN 37:6	Kösohotŋi mi kewö jiiga mötket: “Mötket, ni gaun kun ekzali, mi kewö:
1097	GEN 37:13	Miaŋgöreŋ malgetka Israelnöŋ Josef kewö jii mörök: “Nahöni, göhö darumunurupkan Sekem kösutŋe lama kambunini galöm köl eŋgiba maljei, mi mötzan. Ölöp kanöŋga melaim gihibi yeŋgöreŋ anman. “Mewö jiiga möta “Ölöp anmam,” jiyök.
1103	GEN 37:19	Aŋgönaŋ ala nanŋinök kewö eraum-mötket: “Eket, gaun ehek azi miaŋön mönö endu kaza.
1133	GEN 38:13	Öŋgöyohotka Tamargöra buzup kewö jigetka mörök: “Mötnöŋ, göhö azi irangan mönö lamaurupŋi yeŋgö jupŋini mitimamgöra aka Timna miri gölmenöŋ anja.”
1164	GEN 39:14	Mi eka mirigö welenqeqeurupŋi eŋgoholi kagetka yeŋgöra kewö jiyök: “Mötket, apnan Hibru azi mi waŋgita mirinine kayöhi, yaŋön mönö göngönahit ak neŋgiba malja. Yaŋön nömbuk ahöbitköra nöŋgöreŋ kotzapmö, nöŋön qet gigilahözal.
1237	GEN 41:41	Mewö jiba toroqeba kewö jiyök: “Mötnöŋ, nöŋön gi Ijipt kantri pakpak kiaŋgö azi kembuya malmangöra kuŋgum gihizal.”
1281	GEN 42:28	Mi eka darumunŋi kewö jii mötket: “Eket, nöŋgöreŋ moneŋ mi mönö meleŋda torune utketka kinja. “Mewö möta wösöŋini juliga aurum tililiŋgöba aŋgeka kewö jiget: “Anutunöŋ mönö wani yuaia ki ak neŋgizawe?”
1320	GEN 43:29	Mewö aketka jeŋan ui anda kaiga munŋi Benjamin, nanŋi namŋaŋgö nahönŋi mi eka kewö qesim eŋgiyök: “Munŋini qöndökŋaŋgö jigetka mörali, yaŋön mönö ki akza me denöwö?” Qesim eŋgiba toroqeba kewö jiyök: “Nahöni, Anutunöŋ mönö ak kömum gihiiga malman.”
1389	GEN 46:2	Mi ohoba suŋgem ahöiga jeŋi meleŋniga imut eka miaŋgöreŋ Anutunöŋ Israelgöra keu jiba qetŋi “Jeikob, Jeikob!” qeriga “Ni ki,” jiba meleŋnök.
1444	GEN 47:23	Josefnöŋ könagesö yeŋgöra kewö jiyök: “Mötket, nöŋön nanŋini aka gölmeŋini söŋgöröŋini mem teköbiga Farao kiŋgö buŋaya akze. Miaŋgöra nöŋön nene kötŋi eŋgibiga mi ölöp memba gölmenöŋ kömötme.
1470	GEN 48:18	Mewö aka iwiŋaŋgöra kewö jiyök: “Iwini, mewö kude aknöŋ. Morö kiaŋön nahöni mutukŋi akza. Miaŋgöra börögi ölŋan mönö yaŋgö nöröpŋe alnöŋ.”
1471	GEN 48:19	Mewö jiyökmö, iwiŋan mi akŋamgö qetala Josef kewö jii mörök: “Nahöni, mi ölöp mötzal. Nöŋön mi mötzal. Manasenöŋ mewöyök qetbuŋaŋambuk aiga yaŋgö gwölönarökurupŋan mewöyök ahumsehip aka könagesö ketaŋi akŋemö, Efraimgö qetbuŋaŋan mönö Manasegöreŋ qetbuŋa oŋgita ahöma. Yaŋgö gwölönarökurupŋan mönö ahumsehip ketaŋi aka könagesö kambuŋi kambuŋi gwötpuk aka malme.”
1473	GEN 48:21	Israelnöŋ kötuetköm eŋgii teköiga Josefköra keu kewö jiyök: “Mötnöŋ, nöŋön kömumamgö akzalmö, Anutunöŋ embuk mal öŋgöma. Yaŋön mönö eŋguaŋgiriga iwi asaurupŋini yeŋgö gölmenöŋ liliŋgöba anme.
1525	GEN 50:18	Miaŋgö andöŋe Josefkö darumunurupŋan nanŋinak kaba gölmenöŋ tala wösöŋe sipköba eta kewö jiget: “Mötnöŋ, nini göhö welenqeqeurupki omaŋi akzin.”
7137	RUT 1:8	Könanöŋ andaga Naominöŋ iranweitŋi muewö etkezöyök: “Anbiweit, etkön mönö liliŋgöwa namönweitŋiri yetkö köhömnöŋ anda malmawöt. Etkön nöŋgö apmeröni komugeri hala ni nengöra ölipŋanök ala hal nengiwa malöwötka Kembunöŋ mönö miaŋgö söp likepŋi meleŋda ölipŋanök hal komum etkiiga malme.
7144	RUT 1:15	Mewö mösölatiiga Naominöŋ muewö ezöyök: “Mötnöŋ, kasungan anja. Yaŋgön nanŋi bemŋi hala nanŋi anbazip kiripŋi yengöreŋ anja. Gi mönö mewöŋanök eleŋda köhömge anöŋ.”
7164	RUT 2:13	Mewö zöiga Rutnöŋ muewö meleŋnök: “Ketaŋamni, ni göhö nup meme anbiurupki yengö söp qahöpnöŋ, göhön tondup ölipŋi hal niŋgizan. Göhön keu nuŋgunöŋga seleni pösatza.” Mewö meleŋnök.
22641	JON 4:4	Mewö ulerökmö, Kembunöŋ kewö meleŋ waŋgiyök: “Jona, gi ak-kömukömugörap irimsesewöl mötzani, mi dop köljap me qahöp?”
23297	MAT 4:19	Jisösnöŋ etkeka kewö jiyök, “Aziyahöt, iŋiri mönö ni nuataŋgöba kayohotka kusum etkibi ambazip söra ewö öröm eŋgimakŋahot.”
23358	MAT 6:7	“Köulukömei, miaŋgöreŋ mönö urumeleŋgö kopa ambazip yeŋgö tandök ewö keu oyoŋdewetdewet mi kude jiba malme. Yeŋön keu jit sehisehiŋi jigetka Anutunöŋ miaŋgöra aka kezap ala möt eŋgimapkö mötmörimakze.
23394	MAT 7:9	“Mötket, ambazip eŋgöreŋök daŋön kewö akawak: Nahönŋan bisketköra qesiiga köt waŋgima?
23418	MAT 8:4	Solaniiga kewö jim kutum waŋgiyök, “Mötnöŋ, kiaŋgö buzup keuŋi mi kun kude jinöŋ mötme. Qahöpmö, mönö jike nup galömgöreŋ anda silegi kondel waŋgiman aka Mosesgöreŋ jimkutukutuŋi wuataŋgöba solani-zanaŋgö saiwap nalukŋi ala jöwöwöl ohoman. Mi ohonöŋ ehiga ambazipnöŋ könaŋamgi möt kutume.” Mewö.
23433	MAT 8:19	Köna keugö böhi kunŋan Jisösgöreŋ kaba kewö jii mörök, “Böhi, gi denike denike anmani, nöŋön mönö miaŋgöreŋ gi guataŋgöba kamam.”
23436	MAT 8:22	Mewö jiyökmö, Jisösnöŋ meleŋda jiyök, “Mosötnöŋ, köhömuŋi yeŋön qamötŋini köhömuŋi mi ölöp löm kölmemö, göŋön mönö kaba ni nuataŋgöman.” Mewö.
23450	MAT 9:2	Nalö miaŋgöreŋ azi tosatŋan alaŋini sile likepŋi kömukömuŋi tumbulahöpnöŋ ahöyöhi, mi kululunöŋ ala aŋguba kaget. Mewö kaba Anutu möt narim waŋgigeri, Jisösnöŋ yeŋgö tandökŋini mi ehi dop köliga kawöl azigöra kewö jiyök, “Nahöni, nöŋön siŋgisöndoki mosötzal. Mönö köhöiba ewebibigabuk saitiŋgit malman.”
23454	MAT 9:6	“Mötket, gölmenöŋ siŋgisöndok mosötmosötkö kukösumŋi mi Suep gölmegö azi ölŋaŋgöreŋ ahözawi, iŋini miaŋgö könaŋaŋgöra jaŋjuŋ malbepuk. Miaŋgöra keu lömbötŋi mi azi kiaŋgöra jibi ölŋi eket.” Mewö jiba azi sile likepŋi kömukömuŋaŋgö jeŋe eka jiyök, “Gi mönö wahöta tumbulahöpki memba mirige anöŋ. Keu lömbötŋi mi ölŋambuk akŋa ewö, keu awamŋi mi mönö mewöyök denöwögöra omaŋi akawak?”
23463	MAT 9:15	Mewö qesigetka kewö meleŋnök, “Ölŋa, nini wani nalönöŋ nene siŋgi malakzin? Ambi meme nalöŋe azigö andöurupŋan könöpŋi algetka ambigö sepkitipurupŋan yuai mi tökömakze me qahö? Nöŋön nani gwarekurupni yeŋgö azi buŋaya aka yeŋgö sutŋine köisirik tatzal. Tatpiga yeŋön miaŋgöra aijölöŋ söŋgaiba tata siŋgi malbingö osimakze. Osimakzemö, Anutunöŋ noaŋgiri kömumbiga yeŋön mönö nalö miaŋgöreŋ ölöp siŋgi malakŋe.
23470	MAT 9:22	Mewö jiba misiriiga Jisösnöŋ miaŋgöreŋök liliŋgöba i eka kewö jii mörök, “Böratni, mötnaripkan mönö mem ölöwak gihiza. Mönö köhöiba ewebibigabuk saitiŋgit malman.” Mewö jii möta aua miaŋgöreŋök ölöwahök.
23476	MAT 9:28	Mewö qerohotka miri kungö uruŋe öŋgöiga jegömöl azi yetkön Jisösgöreŋ kayohotka kewö qesim etkiyök, “Jeŋiri mem tohomamgö kukösumŋi nöŋgöreŋ ahözawi, mi möt narizahot me qahö?” Qesim etkiiga kewö meleŋ waŋgiyohot, “Kembuniri, mi ölöp möt narizit.”
23478	MAT 9:30	Mewö jiiga jeŋiran tohoyök. Mewö asuhuiga galöm meme keu köhöikŋi al etkiba kewö jiyök, “Mörohot, kiaŋgö buzupŋi mi kun kude jiyohot mötme.”
23502	MAT 10:16	“Mötket, lama yeŋön arökŋaŋgö kiam kalŋi yeŋgö sutŋine gegetka luhuba eŋgöhöbepuk, nöŋön iŋini miaŋgö tandök ewö melaim eŋgibi anme. Miaŋgöra mönö mokoleŋ ewö mötkutukutu qakŋe galöm mem aŋguba mala kembö ewö ambazip bönjöŋi köpösihitkö keuŋini qahö malme.
23550	MAT 11:22	“Sahötpeakmö, nöŋön kewö jibi mötme: Anutunöŋ könaŋgep Korazin aka Betsaida yeŋgö keuŋini jim teköba likepŋi meleŋni sihimbölö mötmei, nalö ketaŋi miaŋgöreŋ mi mönö Taiö aka Saidon yeŋgö sihimbölö dopŋi oŋgita mötme.
23552	MAT 11:24	“Kinbawakmö, nöŋön kewö jibi mötme: Anutunöŋ könaŋgep Kaperneam eŋgö keuŋini jim teköba likepŋi meleŋni sihimbölö mötmei, nalö ketaŋi miaŋgöreŋ mi mönö Sodom gölme yeŋgö sihimbölö dopŋi oŋgita mötme.” Mewö.
23560	MAT 12:2	Negetmö, Farisi (Köna keugö kapaŋkölköl) tosatŋan mi eka Jisös kewö jiget mörök, “Mötnöŋ, göhö gwarekurupkan mönö Sabat kendongö nup meme soŋgoŋi oŋgitze?”
23576	MAT 12:18	“Eket, ki mönö nöŋgö nup azini aiga i möwölöhöm waŋgial. Nöŋön wölböt alani yaŋgöra mötpi ölöwahiga urunan yaŋgöra söŋgaimakzal. Nöŋön Uŋani Töröŋi yaŋgö uruŋi dop kölmapköra melaibi geiga yaŋön keu diŋdiŋanök jim tekömakzalaŋgö Buŋaŋi indela jim sehiiga kantriŋi kantriŋi yeŋgöreŋ anma.
23584	MAT 12:26	“Mötket, Satanöŋ mönö alaŋi Satan kun wuataŋgöbawak ewö, yeŋön mönö sutŋine aŋgururuk aka julbeak. Mewö aiga gawman nupŋini membingö osigetka ömetohoŋinan mönö denöwö kinbawak?
23585	MAT 12:27	“Mötket, nöŋön Katakömulatkö ösumnöŋ ömewöröme közöl eŋgibileŋak ewö, eŋgö alaurupŋinan mönö dagö ösumnöŋ mi közöl eŋgibeak? Miaŋgöra yeŋön mönö keuŋini ölŋi me qahö, mi kewöta jim teköme.
23596	MAT 12:38	Nalö miaŋgöreŋ Farisi (Köna keugö kapaŋkölköl) aka Köna keugö böhi tosatŋan Jisösgöra kewö jiget, “Böhi, gi ölöp aŋgöletot kun menöŋga mi ekingö mötzin.”
23605	MAT 12:47	Mötketka kunŋan kewö jii mörök, “Mötnöŋ, göhö nam-mungan mönö yaigep kinda göbuk keu jibingö mötze.”
23607	MAT 12:49	Mewö jiba böröŋi gwarekurupŋi yeŋgöreŋ göröken böraŋda jiyök, “Eket, nöŋgö namni aka munurupni ölŋi mönö ki.”
23681	MAT 14:15	Mewö aka mali mare aiga gwarekurupŋan Jisösgöreŋ kaba kewö jiget, “Böhi, nini gölme kötikŋi kiaŋgöreŋ malinga wehön jeŋan teköba gemamgö akza. Miaŋgöra gi ölöp ambazip kambu ki melaim eŋginöŋga miriŋi miriŋi mieŋgöreŋ anda numbu neneŋini söŋgöröŋi memba neme.”
23693	MAT 14:27	Qeta silatketmö, Jisösnöŋ miaŋgöreŋök keukeu jiba kewö jii mötket, “Alaurupni, mönö ewebibiŋinambuk saitiŋgit malme. Nanak kazal. Keŋgötŋini kude mötme.”
23696	MAT 14:30	Könahiba anökmö, luhutnöŋ gwötpuk gili mi eka keŋgötporiŋ aka könahiba o uruŋe geba kewö qerök, “Kembu, bauköm niŋginöŋ.”
23699	MAT 14:33	Göröŋ aliga azi waŋgenöŋ tatkeri, yeŋön waikŋi memba möpöseim waŋgiba kewö jiget, “Alakŋa, gi Anutugö nahönŋa.” Mewö.
23724	MAT 15:22	Aniga Kenan ambi, gölme miaŋgö toŋi kunŋan kaba Jisös uleta kewö qeta jiyök, “Kembu, Deiwidkö gwölönarökŋi, mönö ak kömum niŋgiman! Ömenöŋ böratni kölköljiŋjiŋ ak waŋgiiga sihimbölö ketaŋi mörakza.”
23727	MAT 15:25	Mewö meleŋniga ambi miaŋön kösutŋe kaba simin köl waŋgiba jiyök, “Kembu, mönö bauköm niŋginöŋ!”
23728	MAT 15:26	Mewö jiyökmö, Jisösnöŋ kewö meleŋ waŋgiyök, “Qahö, morö yeŋgö miriŋineyök beret memba kiam eŋgiinga qahö dop kölbapuk. Juda nini kianurup eŋgö qetŋini kiam qerakzin. Nöŋön mutuk Juda ambazip bauköm eŋgibiga kantri tosatŋi eŋön mönö kiamgö dop mamböta malme.”
23729	MAT 15:27	Meleŋ waŋgiyökmö, ambinöŋ jiyök, “Kembu, mi ölöp mötzalmö, kiam moröŋi yeŋön mönö mewöyök toŋinaŋgö tebolnöhök nene boromŋi eriga nemakze.”
23773	MAT 17:4	Jigetka Pitönöŋ könahiba keu jiba Jisösgöra kewö jiyök, “Kembu, neŋön kiaŋgöreŋ uruölöwak mötzin. Miaŋgöra sihimgan mötzan ewö, nöŋön ölöp koum karöbut qemam. Göhö kun, Mosesgö kun aka Elaijagö kun.”
23784	MAT 17:15	“Kembu, göŋön mönö nahöni ak kömum waŋgiman. Kawölnöŋ yöhöiga tala eta qeiga bözok mitiba semben auba sihimbölö gwötpuk mörakza. Nalö gwötpuk tala könöpnöŋ me onöŋ gemakza.
23786	MAT 17:17	Mewö jiiga meleŋ waŋgiba jiyök, “Yei, gölmegö yaŋgiseŋ aka misimkaulup ambazip, mönö nalö dawik embuk mala qatön eŋgubiga Anutu qahö möt narigetka sihimbölö mötmam? I mönö waŋgita nöŋgöreŋ ki kaget.”
23794	MAT 17:25	Qesim waŋgigetka “Oŋ!” jiyök. Miaŋgö andöŋe Pitönöŋ miri uruŋe öŋgöiga Jisösnöŋ keu mutukŋi kewö qesim waŋgiyök, “Saimon, gi denöwö mötmörizan? Denike yeŋön kölköl-örörögö töwaŋi aka takis tosatŋi mi gölmegö kiŋ azi kembu yeŋgöra alakze? Kantri toŋi neŋön me kian yeŋön mi algetka tokomakze?”
23817	MAT 18:21	Nalö miaŋgöreŋ Pitönöŋ Jisösgöreŋ kaba keu kewö jii mörök, “Kembu, alanan siŋgisöndok ak niŋgimakzawi, nöŋön mi indimŋi dawikö dop mosötpiga dop kölma? Indimŋi 7 mi gwötpuk. Miaŋgö dop mosötpiga dop kölma me qahö?”
23847	MAT 19:16	Nalö kungen azi kunöŋ Jisösgöreŋ kaba kewö qesim waŋgiyök, “Böhi, nöŋön ahakmeme ölöpŋi denöwö aka malmal köhöikŋaŋgö buŋa qem aŋgubileŋak?”
23858	MAT 19:27	Pitönöŋ keu mi möta meleŋda kewö jiyök, “Mötnöŋ, neŋön mönö yuai pakpak mosöta gi guataŋgöba kain. Miaŋgö likepŋi mönö wani yuaia membin?”
23879	MAT 20:18	“Mötket, nini Jerusalem öŋgöbin. Miaŋgöreŋ kunŋan Suep gölmegö azi ölŋi mamalolo mem waŋgiiga jike nup galöm aka Köna keugö böhi yeŋgö böröŋine gema. Yeŋön kömumapkö keuŋi jim teköba
23893	MAT 20:32	Mewö qerohotka Jisösnöŋ dörök ala yaŋgöreŋ kamahotköra qeri kayohotka kewö qesim etkiyök, “Alayahötni, nöŋön wani yuai ak etkimamgöra mötzahot?”
23894	MAT 20:33	Mewö qesim etkiiga kewö jiyohot, “Kembu, niri jeniri kunbuk ubitköra mötzit.”
23957	MAT 22:16	Mewö areŋ ala gwarekurupŋi aka premiö Herodkö pati-alaurupŋi tosatŋi melaim eŋgigetka Jisösgöreŋ kaba kewö qesiba jiget, “Böhi, göŋön azi ölŋi akzani, nini mi mötzin. Göŋön ambazip tosatŋi qahö eŋgek soriba tosatŋi qahö qepureim eŋgimakzanmö, dop mohotnöŋ kewöt neŋgimakzan. Miaŋgöra kuŋgum gihigetka qahö goŋgiba ketaŋi qahö esuhum eŋgimakzanmö, Anutugöreŋ köna mi keu ölŋaŋgö dop kusum neŋgimakzan. Göŋön Anutugöreŋ keu diŋdiŋi miaŋön öŋgöŋgöŋi eretŋi mohot pakpak jim qindiŋ ak neŋgimakzan.
23965	MAT 22:24	“Böhi, Mosesnöŋ kewö jim kutum neŋgiyök ahöza, ‘Azi kun ambi meiga nahönbörat qahö ahui kömuiga munŋan ölöp malöŋi memba mala gwölönarök qiwikŋaim waŋgiiga datŋaŋgö qet bisiba malma.’