73 | GEN 3:17 | Toroqeba azi kewö jim waŋgiyök: “Nöŋön ip kungö ölŋi nembanbuköra ‘Mia kude neman,’ jiba soŋgo al gihialmö, göŋön mi töndup anömgahö keuŋi wuataŋgöba nezan. Miaŋgöra nöŋön gölme mi göhöra aka saitköbiga ahöma. Mewö ahöiga göŋön gölmenöŋ malmanaŋgö dop mönö sileqeqe aka nup gwötpuk memba sihimbölö möta nenegi miwikŋaiba malman. |
317 | GEN 12:18 | Mi öŋgöiga Farao kiŋnöŋ Abram köl öröi kaiga kewö qesim waŋgiyök: “Göŋön mönö wani kimbia ak niŋginöŋ? Wuanöŋgöra ‘Mi anömna,’ mewö qahö jinöŋga möral? |
318 | GEN 12:19 | Wuanöŋgöra ‘I mi nena,’ jinöŋ? Mewö jinöŋga nöŋön i anömna akŋapköra waŋgiral? Anömgi ki. Mönö i waŋgita anohot.” |
562 | GEN 22:14 | Miaŋgöra Abrahamnöŋ gölme miaŋgö qetŋi mi ‘Kembunöŋ miwikŋaiba netkima,’ jiba qerök. Nalö kewöŋe mewöŋanök keu kewö jimakze: “Kembunöŋ mi kunduŋe miwikŋaiba netkima.” |
702 | GEN 26:9 | Etkeka Aisak oholi kaiga kewö jii mörök: “Mötnöŋ, yaŋön mönö göhö anömgi akza. Mönö wuanöŋgöra ‘I mi nena,’ jinöŋ?” Mewö möta kewö meleŋ waŋgiyök: “Ni yaŋgöra aka nuŋguget kömumbileŋbuköra mötmöriba mewö jial.” |
885 | GEN 31:11 | Nöŋön gaun ekiga miaŋgöreŋ Anutugö garata kunŋan nöŋgöra ‘Jeikob!’ qerök. Mewö qeriga ‘Ki kinjal,’ jiba meleŋnal. |
7191 | RUT 3:17 | Möriga muewö toroqemba zöyök: “‘Gi irangaŋgöreŋ biribörak de anman,’ zömba bali muŋgu niŋgiza.” |
23325 | MAT 5:22 | “Mewö jiget mötketmö, nöŋön keu mi kewö jim tuaribi mötme: Kunŋan alaŋambuk aŋgururuk aka irimŋan seholii yom kazik akzawi, i mönö mewöyök distrikö keu jakeŋe al waŋgiget keuŋi jim tekömeaŋgö dop akza. Mewöŋanök kunŋan alaŋi jijiwilit keunöŋ jim böliba ‘Gi uruqahö akzan,’ jizawi, i mönö kantrigö jike kaunsöl yeŋgö jeŋine al waŋgiget keuŋi jim tekömeaŋgö dop akza. Kunŋan alaŋi lösö keunöŋ jim böliba ‘Gi aŋgöjörakabuk akzan,’ jizawi, yaŋön mönö könöp sianöŋ gemawaŋgö dop akawak. |
23343 | MAT 5:40 | Kunŋan ‘Sileötaŋgi memam,’ jiba keunöŋ al gihimamgö mötza ewö, mönö mosöta malukugi qakŋi mewöyök waŋginöŋga buŋa qem aŋguma. |
23345 | MAT 5:42 | Kunŋan göhöreŋ yuai kungöra qesim gihimawi, mi mönö waŋgiman. Kunŋan ‘Yuai niŋginöŋga kitipŋi biaŋ meleŋmam,’ jiba qesim gihimawi, i mönö andö kude qeman.” Mewö. |
23353 | MAT 6:2 | “Miaŋgöra ‘Mözöqözöröŋ ambazip kalem eŋgimam,’ jiba mi qenjaröknöŋ kömam tömunbuk uba kolek almegöra kude akŋan. Urumeleŋgö silesile ambazip yeŋön ambazipnöŋ miwidimgöm (mem biwim) eŋgimegöra möta köuluk mire aka köna namŋe anda ambazip eŋgeka mewö ahakze. Nöŋön keu öl töhönŋi kun kewö jibi mötme, Yeŋön mönö silikŋinaŋgö töwaŋi pakpak lök buŋa qem aŋgugetka Suep Toŋan mi qahö toroqema. |
23354 | MAT 6:3 | “Göŋön mewö kude akŋanmö, ‘Mözöqözöröŋ ambazip kalem eŋgimam,’ jiba börögi ölŋan denöwö akzawi, börögi qaniŋan mi kude mötma. |
23357 | MAT 6:6 | “Göŋön mewö kude akŋanmö, ‘Anutugö köulukömam,’ jiba mönö nangi miri uruŋi moröŋe öŋgöba naŋgu köla Iwigi tölapŋe maljawi, i köuluköm waŋgiman. Mewö aknöŋga Iwigan ahakmeme tölapŋi ehakzawi, yaŋön mönö töwa gihima. |
23423 | MAT 8:9 | “Mi kewögöra: Ni nanak mewöyök galömnaŋgö kukösum bapŋe al niŋgigetka maljal. Nöŋgö bapne yarö azi malgetka mi jim kutum eŋgimakzal. Yeŋgöreŋök kungöra ‘Anman,’ jim kutubi yaŋön anma. Kungöra ‘Kanöŋ,’ jim kutubi yaŋön kama aka welen azini kungöra ‘Nup ki meman,’ jibiga yaŋön mi mema.” |
23453 | MAT 9:5 | Nöŋön ‘Siŋgisöndoki mosötzal,’ jizali, keu miaŋön mönö awamŋanök jijiŋa. Kunŋan mewö jiiga tosatŋan keu miaŋgö ölŋi qahö ekŋe. Miaŋgöra mi keu awamŋaŋgö dop. Nöŋön keu kun kewö jimamgö mötzal, ‘Mönö wahöta anöŋ.’ Keu mi mönö lömbötŋambuk jijiŋa akza. Mewö jibiga ölŋi ahuma me qahöwi, miaŋön mönö aukŋe asuhui ekŋe. |
23618 | MAT 13:10 | Mewö jiiga gwarekurupŋan kaba Jisös kewö qesim waŋgiget, “Gi mönö wuanöŋgöra ambazip yeŋgö ‘Keu jimam,’ jiba dopkeunöŋ ala jimakzan?” |
23641 | MAT 13:33 | Jisösnöŋ dumŋe kunbuk söpsöpkeu kun kewö jii mötket: “Suepkö bemtohoŋi mi yist me flaua mem qariqarigö dop kewö akza: Ambi kunöŋ ‘Beret ohomam,’ jiba yist memba flaua amae (dis) karöbut miaŋgöreŋ mindiriba meleŋqeleŋ aka anda anda tari körekŋanök qariyök.” Mewö. |
23706 | MAT 15:4 | Miaŋgö keuŋi kun kewö: Anutunöŋ kewö jim kutuyök, ‘Iwinamgi mönö göda qem etkimakŋan,’ aiga ‘Kunŋan iwiŋi me namŋi qesuahömawi, i mönö qegetka kömuma.’ |
23716 | MAT 15:14 | Muat, i mönö eŋgömosötme. Yeŋön ‘Jegömöl ambazip eŋguaŋgitpin,’ jimakzemö, nanŋini jeŋinan mönö gömöliza. Jegömöl kunŋan jegömöl alaŋi kun böröŋe memba waŋgitma ewö, yetkön mönö mohotŋe lömnöŋ geba etkuma.” |
23749 | MAT 16:8 | Mi eraum mötket kezapŋe geiga kewö jii mötket, “O iŋini mötnaripŋini morörökŋi, wuanöŋgöra ‘Beret qahö mezin,’ jiba nanŋini eraum mötze? |
23755 | MAT 16:14 | Jiiga meleŋda kewö jiget, “Tosatŋan ‘Gi Jon O-melun azia akzan,’ jimakzemö, tosatŋan ‘Gi Elaija akzan,’ jimakze aka tosatŋan toroqeba kewö jimakze, ‘Gi Jeremaia me kezapqetok azi walŋi yeŋgöreŋök kun akzan.’” |
23850 | MAT 19:19 | Iwinamgi mönö göda qem etkimakŋan,’ aka ‘Nangi jöpaköm aŋgumakzani, miaŋgö dop mönö ambazip pakpak jöpaköm eŋgimakŋan.’” |
23920 | MAT 21:25 | Jonöŋ ambazip o-melun mem eŋgiba malöhi, yaŋön miaŋgö kukösumŋi mi denikeyök meyök? Suep Toŋan waŋgiyök me gölme toŋan waŋgiget?” Mewö qesim eŋgiiga sutŋine eraum möta kewö jiget, “‘Kukösumŋan Suepnöhök asuhuyök,’ mewö jibin ewö, yaŋön mönö kewö jima, ‘Iŋini mönö wuanöŋgöra Jon qahö möt narim waŋgiget?’ Mi qahö dop kölja. |
23921 | MAT 21:26 | “Me ‘Gölme ambazipnöhök asuhuyök,’ jibin ewö, neŋön mönö ambazip kambu yeŋgöra keŋgötnini möta osibin. Könagesö pakpak yeŋön mönö Jongöra ‘Kezapqetok azia akza,’ jiba malje.” |
23964 | MAT 22:23 | Sadyusi (Jike nupkö kapaŋkölköl) yeŋön ‘Kömugeri, yeŋön kude wahötme,’ jiba malget. Nalö miaŋgöreŋ yeŋgöreŋök tosatŋan Jisösgöreŋ kaba kewö qesim waŋgiba jiget, |
23969 | MAT 22:28 | Göŋön ‘Kömugeri, yeŋön guliba wahötme,’ jizanmö, nini mi qahö möt narizin. Mötnöŋ, azi 7 pakpak mi öröröŋ wahötpeak ewö, ambi mohok mi anömŋina meget malöhaŋgöra aka mönö dagö anömŋa akawak?” |
23984 | MAT 22:43 | Jigetka jiyök, “Mewö akzapmö, denöwö aka Uŋa Töröŋan Deiwid sölölöhöm waŋgiiga yaŋgöra ‘Nani Kembuni,’ qeta kewö jiyök, |
23994 | MAT 23:7 | Maketnöŋ me könanöŋ ambazip eŋgeketka jölöŋini jimegö möta ‘O ketaŋamnini,’ qetŋini mewö qetmegöra sihimŋini mörakze. |
24049 | MAT 24:23 | “Nalö miaŋgöreŋ kewö jime, ‘Mötket! Kraistnöŋ ki malja,’ me ‘Eket! Amötqeqe Toŋan endu kinja.’ Kunŋan mewö jima ewö, mi mönö kude möt narime. |
24052 | MAT 24:26 | “Miaŋgöra ‘Amötqeqe Toŋan mönö gölme apopamkölkölŋe malja,’ mewö jiget mötme ewö, miaŋgöreŋ mönö kude anme. Me ‘Mötket! Kraistnöŋ mönö miri miaŋgö uruŋe asuhuba tatzawi,’ mewö jiget möta mi kude möt narime. |
24070 | MAT 24:44 | Iŋini ‘Suep gölmegö azi ölŋan nalö kiaŋgöreŋ qahö kaŋgotma,’ jiba mötmörigetka yaŋön mönö nalö miaŋgöreŋök kaŋgotma.” Mewö. |
24078 | MAT 25:1 | Jisösnöŋ jiyök, “Kunbuk kamami, nalö miaŋgöreŋ Suepkö bemtohoŋan kewö akŋa: Maren lömbuaŋ nalöŋe ambi seram jömukŋi tenŋan ‘Azi buŋabuk aitoŋgöbin,’ jiba kiwaŋini memba könanöŋ anget. |
24096 | MAT 25:19 | Nalö köröpŋi teköiga welenqeqe yeŋgö azi kembuŋinan liliŋgöba kaba ‘Nup megeraŋgö kösohotŋini möta kewötmam,’ jiba köl öröm eŋgiiga kaget. |
24206 | MAT 27:8 | Miaŋgöra aka gölme köröŋi miaŋgö qetŋi mi nalö kewöŋe mewöyök toroqeba ‘Gölme köröŋi sepŋambuk,’ qerakze. |
24338 | MRK 2:9 | Nöŋön ‘Siŋgisöndoki mosötzal,’ kawöl azigö mewö jizali, keu miaŋön mönö awamŋanök jijiŋa. Kunŋan mewö jiiga tosatŋan keu miaŋgö ölŋi qahö ekŋe. Miaŋgöra mi keu awamŋaŋgö dop. Nöŋön keu kun kewö jimamgö mötzal, ‘Mönö wahöta tumbulahöpki memba anöŋ.’ Keu mi mönö lömbötŋambuk jijiŋa akza. Mewö jibiga ölŋi ahuma me qahöwi, miaŋön mönö aukŋe asuhui ekŋe. |
24542 | MRK 7:10 | Miaŋgö keuŋi kun kewö: Mosesnöŋ kewö jim kutuyök, ‘Iwinamgi mönö göda qem etkimakŋan,’ aiga ‘Kunŋan iwiŋi me namŋi qesuahömawi, i mönö qegetka kömuma.’ |
24572 | MRK 8:3 | Yeŋgöreŋök tosatŋan köröwenök kaba malgetka nöŋön ‘Ölöp miriŋine anme,’ jibi nene qahö negetka öne melaim eŋgibiga könanöŋ anda mala kembaŋe jeŋini gili tirinbirin akepuk.” |
24597 | MRK 8:28 | Jiiga meleŋda kewö jiget, “Tosatŋan ‘Gi Jon O-melun azia akzan,’ jimakzemö, tosatŋan ‘Gi Elaija akzan,’ jimakze aka tosatŋan toroqeba kewö jimakze, ‘Gi kezapqetok azi walŋi yeŋgöreŋök kun akzan.’ |
24630 | MRK 9:23 | Mewö jiiga jiyök, “‘Kukösumŋi göhöreŋ ahöza ewö,’ jizan. Anutugö kukösumŋan mönö yuai kungöra qahö qakömakza. Anutu möt narizawaŋön mönö yuai pakpak ölöp ahakŋa.” |
24675 | MRK 10:18 | Qesim waŋgiiga kewö jii mörök, “Nöŋgöra ‘Böhi ölöpŋi,’ mi wuanöŋgöra jizan? Anutu mohotŋan ölöpŋi akza. Azi kunŋan i ewö ölöpŋi qahö akza. |
24740 | MRK 11:31 | Mewö meleŋ eŋgiiga sutŋine eraum möta kewö jiget, “‘Kukösumŋan Suepnöhök asuhuyök,’ mewö jibin ewö, yaŋön mönö kewö jima: Iŋini mönö wuanöŋgöra Jon qahö möt narim waŋgiget? Mi qahö dop kölja. |
24741 | MRK 11:32 | Me ‘Gölme ambazipnöhök asuhuyök,’ jibinak? Mi qahö dop kölja.” Ambazip körekŋan Jongöra ‘Ölŋa kezapqetok azia akza,’ jigeraŋgöra aka ambazip kambu yeŋgöra keŋgötŋini möta mi jibingö osiget. |
24765 | MRK 12:23 | Göŋön Kömugeri yeŋön guliba wahötme,’ jizanmö, nini mi qahö möt narizin. Mötnöŋ! Azi 7 pakpak mi öröröŋ wahötpeak ewö, ambi möhot mi anömŋina meget malöhaŋgöra aka mönö dagö anömŋa akawak?” |
24994 | LUK 1:32 | Jisös yaŋön qariba azi qetbuŋaŋambuk aiga qetŋi ‘Öŋgöŋgöŋi ketaŋaŋgö Nahönŋi,’ qetketka malma. Mewö mali Kembu Anutunöŋ amböŋi kiŋ Deiwidkö jakömbuak dum waŋgiiga salupŋe ambazip galöm köl eŋgiba malma. |
24997 | LUK 1:35 | Mewö jii möta meleŋnök, “Uŋa Töröŋan mönö aum köl gihiiga Anutu öŋgöŋgöŋi ketaŋaŋgö ösumŋan dop köla turum gihima. Miaŋgöra morö memani, yaŋön töröŋi aiga ambazipnöŋ qetŋi ‘Anutugö Nahönŋi,’ jiba qerakŋe. |
24998 | LUK 1:36 | Mötnöŋ. Tinigi Elisabet yaŋön mewöyök ‘Köpin mala morö memamgö osiza,’ jigetmö, töndup ambi namŋi aka nalö kewöŋe morö nahöngö gölömŋambuk aiga köiŋi 6 akza. |
25038 | LUK 1:76 | O gömokni Jon, göŋön qariba mala qeljiŋe mala ambazip uruŋini mindiŋgöba mewö miaŋön Kembugö könaŋi mesatnöŋga kama. Miaŋgöra qetki ‘Anutu öŋgöŋgöŋi ketaŋaŋgö kezapqetok azia,’ mewö qetketka malman. |
25142 | LUK 4:10 | Buŋa Kimbinöŋ keu kun kewö ohoget ahöza, ‘Anutunöŋ garataurupŋi jim kutum eŋgiiga ölöpŋanök galöm köla sel jöhöm gihime,’ |
25263 | LUK 6:48 | Yaŋön mitim qeqe azi kiaŋgö dop akza: Azi miaŋön ‘Miri memam,’ jiba löm köröpŋi esiba geba tandöŋi köt jamönjiŋ qakŋe kuŋgum köhöii kinök. Mewö kiniga kie uru nalöŋe o göulu köhöikŋi gila miri kembaŋe kuŋguyökmö, ölöpŋanök mem muhungöi kinök. Miaŋgöra kusumamgö qem bibihiiga köhöiba kinök. |
25264 | LUK 6:49 | Qem bibihiyökmö, kunöŋ keuni möta qahö tem köla mezawi, yaŋön mönö mitimqeqe azi kiaŋgö dop akza: Yaŋön ‘Miri memam,’ jiba tandö qahö esim kömöta gölme qakŋe kut bim miyök ala meyök. Mei kiniga kie uru nalöŋe o göulu köhöikŋi gila miri kembaŋe kuŋguiga miri mi miaŋgöreŋök kusuiga goromororoŋgöba erök.” Mewö. |
25269 | LUK 7:5 | Mötnöŋ, yaŋön Juda ambazip kambu neŋgöra ak waŋgiiga ‘Köuluk mirinini membin,’ jiinga kian yaŋön moneŋ ali meget.” |
25272 | LUK 7:8 | Mi kewögöra: Ni nanak mewöyök galömnaŋgö kukösum bapŋe al niŋgiget maljal. Nöŋgö bapne yarö azi malgetka mi jim kutum eŋgimakzal. Yeŋgöreŋök kungöra ‘Anman’ jim kutubi yaŋön anma. Kungöra ‘Kanöŋ’ jim kutubi yaŋön kama aka welen azini kungöra ‘Nup ki meman,’ jibiga yaŋön mi mema.” |
25332 | LUK 8:18 | “Miaŋgöra Anutugö keu mötzei, mi mönö urukönömŋine ala mötmöriba köl guliba malme. Kunŋan mötkutukutuŋambuk maljawi, Anutunöŋ mönö mi toroqem waŋgii qarimapmö, kunŋan mötkutukutuŋi qahö maljapmö, ‘Miambuk maljal,’ jizawi, Anutunöŋ mönö mötmötŋi moröŋi mi mewöyök qeköba waŋgitma.” Mewö. |
25389 | LUK 9:19 | Jiiga meleŋda kewö jiget, “Tosatŋan ‘Gi Jon O-melun azia akzan,’ jimakzemö, tosatŋan ‘Gi Elaija akzan,’ jimakze aka tosatŋan toroqeba kewö jimakze, ‘Gi kezapqetok azi walŋi yeŋgöreŋök kunŋan kömupnöhök wahöta maljan.’” |
25459 | LUK 10:27 | Qesiiga meleŋda jiyök, “‘Gi urugi jömukŋi, uŋagi jömukŋi, kuki jömukŋi aka mötmötki jömukŋi miaŋön mönö Kembu Anutugi jöpaköba malman,’ aka ‘Nangi jöpaköm aŋgumakzani, mewöŋanök mönö ambazip pakpak jöpaköm eŋgiba malman.’” |
25461 | LUK 10:29 | Mewö meleŋnökmö, Köna keugö böhinöŋ ‘Mi tem köla solanŋi akzal,’ mewö mötmöriba könaŋamŋi kondelmamgö möta Jisösgöra jiyök, “Ambazip sutŋine mala korali, yeŋgöreŋök mönö dagöra jizan? Niŋia qahö jöpaköm waŋgibileŋak?” |
25568 | LUK 12:40 | Iŋini ‘Suep gölmegö azi ölŋan nalö kiaŋgöreŋ qahö kaŋgotma,’ jiba mötmörimei, yaŋön mönö nalö miaŋgöreŋök kaŋgotma. Miaŋgöra iŋini mewöyök jöjöröba malme.” Mewö. |
25578 | LUK 12:50 | Ahözapmö, mi ‘Ala umam,’ jibi sihimbölö gwötpuk mi nöŋgö qakne öŋgöba mösölumgöm niŋgimamgö akŋa. Anutunöŋ mewö miaŋön melun murutŋi mem niŋgima. O ni wahöjaliŋ ketaŋi möta malbi mem niŋgii miaŋgöreŋ teköma. |
25582 | LUK 12:54 | Jisösnöŋ toroqeba ambazip kambu yeŋgöra kewö jii mötket, “Wehön gegeŋe miri böuleiba kousu töwiiga iŋini mi eka miaŋgöreŋök ‘Kie kama,’ jimakze. Mewö jigetka kama. |
25585 | LUK 12:57 | “Iŋini ‘Yuai diŋdiŋi mi denöwö akin,’ jiba miaŋgö könaŋi mi denöwögöra aka nanŋinak qahö kewöta jim tekömakze? Mi qahö dop kölja. |
25608 | LUK 13:21 | Mi yist me flaua mem qariqarigö dop kewö akza: Ambi kunŋan ‘Beret ohomam,’ jiba yist memba flaua könde karöbut miaŋgöreŋ mindiriba meleŋqeleŋ aka anda anda tari körekŋanök qariyök.” Mewö. |
25653 | LUK 14:31 | Jisösnöŋ keu mi toroqeba kewö jiyök, “Mewöyök kiŋ azi kembu kunŋan kiŋ kunbuk aröŋda ‘Bim qemam,’ jiba denöwö akŋa? Yaŋön zilaŋök kerök qahö al waŋgimapmö, mutuk jembonurupŋi öröm tokom eŋgii tata qambaŋ keu kewö eraum mötme, ‘Nanine aziurupnini 10.000 maljin aiga likepŋe kerökurupnini mi 20.000 malje. Azi kembuŋinan i eŋguaŋgita kaget eŋgeka ölöp köhöiba eŋgubin me qahöpto?’ |
25654 | LUK 14:32 | ‘Qahö köhöibin,’ jime ewö, yaŋön kerök kiŋnöŋ köröwen tariga miaŋgöreŋök jitŋememeurupŋi melaim eŋgii yaŋgöreŋ anda luai qebingö goro eraum mötme. |
25673 | LUK 15:16 | Miaŋgöreŋ mali bau yeŋön sokop kötŋi neget eka ‘Ölöp mi nembi gölömni dop kölbawak,’ jiyökmö, mi mewöyök kunŋan qahö waŋgiyök. |
25853 | LUK 20:5 | Mewö meleŋ eŋgiiga sutŋine eraum möta kewö jiget, “‘Kukösumŋan Suepnöhök asuhuyök,’ mewö jibin ewö, yaŋön mönö kewö jima, ‘Mewö aiga iŋini i mönö wuanöŋgöra qahö möt narim waŋgiget? Mi qahö dop kölja.’ |
25854 | LUK 20:6 | Könagesö pakpak yeŋön Jongöra ‘Kezapqetok azia akza,’ jiba mi köhöikŋanök möt nariba malje. Miaŋgöra ‘Gölme ambazipnöhök asuhuyök,’ jibin ewö, yeŋön mönö irimŋini seholiiga kötnöŋ neŋgume.” |
25881 | LUK 20:33 | Göŋön ‘Kömugeri yeŋön guliba wahötme,’ jizanmö, nini mi qahö möt narizin. Mötnöŋ, azi 7 pakpak mi öröröŋ wahötpeak ewö, ambi mohok mi anömŋina meget malöhaŋgöra aka mönö dagö anömŋa akawak?” |
25903 | LUK 21:8 | Qesim waŋgigetka kewö jiyök, “Kunŋan isimkakalek aiga jaŋjuŋ anbepuköra mönö galömŋini memba malme. Ambazip gwötpukŋan asuhuba nöŋgö qetne kewö jime, ‘Nöŋön Kraist akzal,’ aka, ‘Nalönöŋ mönö töriza.’ Mewö jimemö, eŋön mönö yeŋgö andöŋine kude anme. |
26006 | LUK 23:2 | Yaŋgöreŋ anda könahiba sileŋe keu ala undeŋda kewö jiget, “Azi kiaŋgö könaŋi kewö eka mörin: Yaŋön ambazip kuŋgum eŋgiiga eŋololoŋ aka karim asuhumakze. Nini Sisa kiŋgö takis kude almegöra soŋgo alakza. Nanŋaŋgöra ‘Ni Amötqeqe Toŋi Kraist aka kiŋ akzal,’ jimakza.” |
26234 | JHN 4:9 | Juda ambazipnöŋ Samaria prowins qepureim eŋgiba yembuk köisirik qahö maljema aka pake mohot miaŋön o qahö uzema. Mewögöra nanŋirök kinohot miaŋgöreŋ ambinöŋ kewö jii mörök, “Gi Juda azia aiga ni Samaria ambiapmö, denöwögöra ‘O niŋginöŋga nembileŋak,’ jiba qesim niŋgizan?” |
26235 | JHN 4:10 | Jisösnöŋ qeqesi mi möta kewö meleŋ waŋgiyök, “Gi Anutu kalemŋaŋgö könaŋi möt kutunöŋga dop kölbawak. Daŋön ‘O niŋginöŋga nembileŋak,’ jiba qesim gihizawi, yaŋgö könaŋi möt asaribanak ewö, i mönö qesinöŋga malmalgö oŋi gihibawak.” |
26242 | JHN 4:17 | Mewö jim kutum waŋgiiga “Ni apni qahö,” jiba meleŋnök. Meleŋniga kewö jii mörök, “Gi ‘Apni qahö,’ keu mi törörök jizan. |
26262 | JHN 4:37 | ‘Kunöŋ kötŋi qesiŋ giliga kunöŋ ölŋi mezawi,’ keu mewö jimakzei, mi keu ölŋa. Mi Anutugö nup memegö könaŋi indelja. |
26291 | JHN 5:12 | Mi möta kewö qesim waŋgiget, “Azi daŋön göhöra ‘Tumbulahöpki memba anöŋ,’ jiza?” |
26324 | JHN 5:45 | “Nöŋön iŋini ‘Iwigö jemesoholŋe keu jakeŋe al eŋgimam,’ mewö mötmöribepuk. Iŋini Mosesgö keugö jörömqöröm al waŋgiba Suep mire öŋgöbingö mamböta maljemö, Anutugö jeŋe aŋgotketka Mosesnöŋ nanŋak Anutugö keu jakeŋe ala jim aum eŋgiiga gamuŋini mötme. |
26368 | JHN 6:42 | Jim waŋgiba jiget, “Azi ki Jisös, Josefkö nahönŋa. Yaŋgö iwinamŋi mi ölöp möt etkizinmö, mönö denöwögöra ‘Suepnöhök eta asuhuyal,’ jiza?” |
26424 | JHN 7:27 | Amötqeqe Toŋi Kraistnöŋ kamapköra jiba kota malgeri, yaŋön ‘Denikeyök asuhumawi, mi kunöŋ kun qahö mötma,’ jizemö, azi kiaŋön denikeyök asuhuyöhi, mi mönö ölöp mötzin.” |
26432 | JHN 7:35 | Mewö jiiga Juda jitŋememe yeŋön sutŋine kewö erauget, “‘Nini miwikŋaim waŋgibingö osibin,’ jiza. Miaŋgöra mönö denikeaŋgöreŋ öŋgömamgöra jiza? Juda ambazip tosatŋan deŋda kantri tosatŋe anda Grik yeŋgö sutŋine maljei, mönö yeŋgöreŋ anda Grik ambazip kusum eŋgimamgö möta jiza me? |
26433 | JHN 7:36 | Keu kewö jiza, ‘Göraim niŋgiba malmemö, ni qahö miwikŋaim niŋgime,’ aka keu kun kewö jiza, ‘Nöŋön miri malmami, iŋini miaŋgöreŋ kabingö osime.’ Keu yahöt mietkö könaŋiri denöwö?” |
26500 | JHN 8:50 | Mewö ahakzemö, nanak qetbuŋanambuk akŋamgö jaram qahö timakzal. Mohot kunŋan mewö akŋamgö bimŋi qeba malja. Azi yaŋön mohot kewöt niŋgiba ‘Dop köljan,’ jiba jim teköm niŋgimakza. |
26504 | JHN 8:54 | Mewö jiget möta kewö meleŋnök, “Nanaŋgöra mötpi öŋgöiga Anutugö aködamunŋi mi nana buŋa qem aŋgubileŋak ewö, qetbuŋani mi mönö nesak akawak. Iwinan nanŋi aködamunŋi niŋgiyöhaŋgöra aka qetbuŋanambuk aka maljal. Eŋön yaŋgöra ‘Neŋgö bem Anutunini akza,’ jize. |
26505 | JHN 8:55 | Eŋön könaŋi mi ölöp qahö möt kutumakzemö, nöŋön i ölöp möt waŋgizal. ‘I qahö möt waŋgizal,’ jibileŋak ewö, mönö iŋini ewö tilipqilip azi akileŋak. Ni azi mewöŋi qahö akzalmö, i ölöp möt waŋgizal aka yaŋgö keuŋi tem kölakzal. |
26507 | JHN 8:57 | Mewö meleŋniga Juda jitŋememe yeŋön kewö jiget mörök, “Yambugi (yara) 50 qahö oŋgita miaŋgö bapŋe maljan aka ‘Abraham ehal,’ jinöŋga qahö dop kölja.” |
26528 | JHN 9:19 | Kayohotka kewö qesim etkiget, “Azi ki etkö nahönŋira me qahö? ‘Jegömöl asuhuyök,’ jizahotmö, denöwö aka mönö dölki jeŋi uba ekza?” |
26550 | JHN 9:41 | Mewö qesigetka kewö jii mötket, “Iŋini ‘Jegömöl akzin,’ jibeak ewö, mönö siŋgisöndok qahö ahöm eŋgibawakmö, nalö kewöŋe ‘Ölöp ek kutuzin,’ mewö jimakzeaŋgöra aka siŋgisöndokŋinan mönö ahöm köhöim eŋgima.” Mewö. |
26563 | JHN 10:13 | Yaŋön yaigewök kaba bohon memegörök ‘Lama galöm köl eŋgimam,’ mi jitnöŋ jiba lama eŋgöra waimanjat qahö möta nesampurek qakŋe mala laŋ unjurata anma. |
26586 | JHN 10:36 | Ambazip omaŋi mewö qet eŋgiyökmö, Iwinöŋ azi mem sarahiba melaiiga gölmenöŋ eröhi, eŋön mönö denöwö aka yaŋgöra kewö jize, ‘Gi Anutu mepaqepaik ak waŋgiba maljan.’ Nöŋön ‘Anutugö nahönŋi akzal,’ keu mewö jibiga eŋön mönö wuanöŋgöra mi mötket qahö dop kölja? Iŋini Anutugöreŋ Buŋa keu mi qeze me? |
26605 | JHN 11:13 | Jisösnöŋ Lazarus kömuyöhaŋgö keu saiŋi jiyökmö, gwarek yeŋön ‘Gauna ahöza,’ jiyöhi, miaŋgö möt bibihiba keu könaŋi qahö möt kutuget. |
26611 | JHN 11:19 | Miaŋgöra Juda ambazip gwötpukŋan Marta Maria nenŋiri kömuyöhaŋgöra ‘Soŋgon etkekin,’ jiba kaba tatket. |
26765 | JHN 14:28 | “Nöŋön keu kewö jibiga mötket, ‘Nöŋön eŋgömosöta öŋgöba mala kunbuk eŋgöreŋ liliŋgömam.’ Iŋini uruŋinan ni ölŋa jöpaköm niŋgibeak ewö, keu jizali, miaŋgöra ölöp söŋgaibeak. Iwinöŋ nöŋgö ketaŋamni akza. Miaŋgöra ni ‘Iwinaŋgöreŋ öŋgömam,’ jizali, iŋini mi möta ölöp urusösöŋgai miwikŋaigetka dop kölbawak. |
26812 | JHN 16:17 | Mewö jiiga gwarekurupŋi yeŋgöreŋök tosatŋan nanŋinök kewö eraum mötket, “Keu kewö jiza, ‘Nalö töröpŋi kun teköiga iŋini ni qahö nekŋe. Miaŋgö andöŋe nalö töröpŋi kun teköigun mönö asuhum eŋgibi ölöp kunbuk nekŋe,’ aka keu kun kewö jiza, ‘Ni Iwinaŋgöreŋ öŋgömam.’ Mewö jiiga mötzini, keu yahöt miaŋgö könaŋi mi denöwö?” |
26813 | JHN 16:18 | Mewö eraum möta uzohola jiget, “Yaŋön ‘Nalö töröpŋi teköigun,’ jizapmö, keu miaŋgö könaŋi denöwö? Mi wuanöŋgöra jizawi, nini mi qahö möt asarizin.” |
26814 | JHN 16:19 | Mewö jiba qesim waŋgibingö mötketka Jisösnöŋ eŋgek kutuba kewö jii mötket, “Keu kewö jizal, ‘Nalö töröpŋi kun teköiga iŋini ni qahö nekŋe. Miaŋgö andöŋe nalö töröpŋi kun teköigun mönö asuhum eŋgibi ölöp kunbuk nekŋe,’ Iŋini mönö keu miaŋgö könaŋi jaruba eraum mötze me? |
26901 | JHN 19:7 | Juda jitŋememe yeŋön keu mi möta kapaŋ köla kewö jiget, “Neŋgöreŋ Köna keu ahöza. Keu miaŋgö dop kewöringa kömumawaŋgö dop akza. Nanŋi memba öŋgöba ‘Anutugö nahönŋi akzal,’ jimakza. Miaŋgöra mönö kömupkö buŋaya aiga dop kölma.” |
26915 | JHN 19:21 | Mewö ohoiga Juda yeŋgö jike nup galöm yeŋön Pailöt kewö jiget mörök, “‘Juda yeŋgö kiŋ kembuŋina ki,’ mewö kude ohomanmö, kewö ohoman, ‘Nanŋaŋgöra Juda kiŋ kembunina akzal, jiyök.’” |
26996 | ACT 1:4 | Nalö kunöŋ yembuk mohotŋe mala kewö jim kutum eŋgiba jiyök, “Iŋini Jerusalem siti ki mönö zilaŋ kude mosötme. Iwinan ‘Kalem uruŋine al eŋgimam,’ jiba keuŋi jöhöi jibi mötkeri, mi mönö ölŋambuk akŋa aiga eŋön mönö miaŋgöra mamböta malme. |
27012 | ACT 1:20 | Pitönöŋ toroqeba kewö jiyök, “Sumbara (Sam) buk miaŋgöreŋ keu kun kewö ohoget ahöza, ‘Miriŋi mönö baloŋi gwamön kinma. Mi kunŋan toŋi qahö aka maliga miriyök kinma,’ aka keu kun kewö ahöza, ‘Kunöŋ ölöp yaŋgö salupŋe galöm nup memba kinma.’ |
27164 | ACT 5:36 | Mutuk emune azi kun qetŋi Teudas yaŋön wahöta ‘Nöŋön ketaŋamŋina akzal,’ jiiga merak (yara) yambu tosatŋi teköi maljin. Teudasnöŋ mewö jiiga azi 400:gö dop yambuk öröröŋ jöhöba mindiriba malgetmö, kunŋan qei kömui tosatŋan aziurupŋi imbi köl waŋgigeri, mi kuŋgum eŋgigetka buratigetka qeburuŋinan pömsöm qeba qahöwahök. |
27197 | ACT 7:12 | “Mewö megetka ‘Ijipt gölme miaŋgöreŋ padi ahöza,’ mewö jigetka Jeikobnöŋ mörök. Mewö möta nahönurupŋi, nanini amböurupnini mi nalö mutukŋi melaim eŋgii miaŋgöreŋ anget. |
27255 | ACT 8:10 | Ambazip öŋgöŋgöŋi eretŋi yeŋön körek pakpak Saimongö keugöra kezap ala möta kewö jimalget, “Anutugö ösumŋi qetŋi ‘Kukösum ketaŋi,’ qetzei, miaŋön mönö azi miaŋgö uruŋe geiga ahöza.” |