104	GEN 4:24	Kunŋan Kein qeiga likepŋi yaŋgö qakŋe öŋgöiga ambemŋi 7 akŋapmö, kunŋan Lamek ni nuŋguiga miaŋgö likepŋi mönö yaŋgö qakŋe öŋgöiga ambemŋi 77 akŋa. “Mewö.
361	GEN 14:24	Nöŋön yuai kun qahö toroqeba memam-mö, aziurupnan wani yuaia negeri, mi lök neŋgigetka dop köl teköza. Mewöyök azi alaurupni Aner, Eskol aka Mamre nömbuk kageri, yeŋön mönö töwa jijiŋinaŋgö dop meme. “Mewö.
382	GEN 15:21	Amor könagesö, Keinan könagesö, Girgas könagesö aka Jebus könagesö. Yeŋgöreŋ gölme pakpak mi mönö körekŋanök memba dop köla anme. “Mewö.
440	GEN 18:15	Saranöŋ keŋgötŋi möta mi köyatiba kewö jiyök: “Ni gön qahö köljal. “Mewö jiyökmö, Kembunöŋ kewö jiyök: “Qahö, gi gön ölŋa köljan. “Mewö.
511	GEN 20:15	Waŋgiba keu kewö jiyök: “Mötnöŋ. Nöŋgöreŋ gölme ki wösöge ahözawi, miaŋgöreŋ mönö nangi sihimgahö dop malman.”
512	GEN 20:16	Mewö jiba Saragöra kewö jiyök: “Mötnöŋ. Nöŋön moneŋ silwö köt 1000:gö dop nengi waŋgibiga miaŋön töwagi akza. Töwa miaŋön könaŋamgi kondeliga ambazip körek göbuk maljei, yeŋön mi eka kewö jiba möt yaköme, ‘Siŋgisöndokö keuŋi mi Saragöreŋ qahö ahöza.’” Mewö jiyök.
521	GEN 21:7	Mewö jiba toroqeba kewö jiyök: “Saranöŋ morö galömkölkölŋa akŋawi, daŋön keu mi qeljiŋe möta Abrahamgöra jibawak? Mewö qahöpmö, nalö kewöŋe yaŋön azi namŋi aiga nöŋön töndup yaŋgö nahönŋi meal. “Mewö.
704	GEN 26:11	Mewö jiba könagesö kambuŋi pakpak yeŋgöra jimkutukutu kewö al eŋgiyök: “Kunŋan kun azi ki me yaŋgö anömŋi mem bölim etkimawi, i mönö kömupkö buŋaya jim teköinga kömuma. “Mewö.
757	GEN 27:29	Kantriŋi kantriŋi yeŋön mönö welen qem gihiba malme. Könagesö kambuŋi kambuŋi yeŋön mönö simin köl gihiba malme. Göŋön mönö nani nahönurupni mi kembu ak eŋgiba malman. Namgahö nahönurupŋan mönö simin köl gihiba malme. Kunŋan qesuahöm gihimawi, qesuaknöŋ mönö yaŋgö qakŋe öŋgöma. Kunŋan kötuetköm gihimawi, kötumötuetnöŋ mönö yaŋgö qakŋe öŋgöma. “Mewö.
773	GEN 27:45	Uruönönŋi amöriba eriga yuai ak waŋginöŋi, mi ölum qeigun nöŋön miaŋgö andöŋe göhöra keu albi kaiga goaŋgita kame. Yaŋön guhui kömunöŋga kunŋan i qei kömumbapuk. Mönö wanigöra nalö mohok miaŋgöreŋök öröröŋ qahöwahotka etkömosötpileŋbuk. “Mewö.
796	GEN 28:22	Köt ki memba wahöta jabö ewö mötök kuŋguzali, miaŋön mönö göhö tatat dundumgi ahöiga yuai pakpak tököm niŋgiba malmani, nöŋön mi ölŋa mendeŋbiga kambu 10 aketka mieŋgöreŋök mohok mohok memba kalema gihiba malmam. “Mewö.
916	GEN 31:42	“Asani Abrahamgö Anutuŋi iwini Aisaknöŋ waikŋi memba möpöseimakzawi, yaŋön andöne awörök qahö aka kötöngöm niŋgibawak ewö, göŋön mönö böröbörak melaim niŋginöŋga köna anbileŋak. Mewö ak niŋgibanakmö, Anutunöŋ nöŋgöreŋ sihimbölö kahasililiŋ möriga nup börönan sileqeqe aka memba malali, mi eka merak suŋgem nöŋgö keuni kewöta jim teköiga mötzan. “Mewö.
1012	GEN 34:31	Jeikobnöŋ mewö jii mörohotmö, yetkön keu kewö jiyohot: “Kunöŋ neŋgö nenini köna ketaŋi ambi tandök ak waŋgiyöhi, nini mönö miaŋgö likepŋi meleŋ eŋgiinga dop kölja. “Mewö.
1232	GEN 41:36	Nene mewö tokoba malmei, mi mönö gawmangö köwe miri dop galöm kölgetka kahaimök ahöiga könaŋgep bödigö yambu 7 Ijipt gölme dop asuhumawi, nalö miaŋgöreŋ mi ölöp memba mendeŋda nemba malme. Mewö aketka kantrigö könagesö neŋön bödi miaŋgö nalöŋe nenegö qahö kömumba gororoŋgöbin. “Mewö.
1291	GEN 42:38	Mewö jiyökmö, Jeikobnöŋ meleŋda jiyök: “Nahönyahötni qöndökŋi yahöt yetköreŋök datŋan kömuiga munŋan mohot malja. Iŋini könanöŋ anbingö mötzei, miaŋgöreŋ ayuayuhu kunŋan yaŋgö qakŋe öŋgöma ewö, iŋini mönö kondotketka wösöbirik öŋgöŋgöŋan nöŋgö qakne öŋgöiga kömumba nöröp jupni yaŋgonambuknöŋ uŋem mire gemam. Miaŋgöra nöŋgö nahönan mönö nömosöta embuk qahö anma. “Mewö.
1387	GEN 45:28	Könöpkönöp aka kewö jiyök: “O mi alakŋa! Mi möt köhöizal. Nahöni Josefnöŋ mönö toroqeba jebuk malja. Nöŋön mönö anda i ekagun könaŋgep ölöp kömumam. “Mewö.
1474	GEN 48:22	Miaŋgöreŋ anda sutŋine gölme mesiŋgetka nöŋön göhö gölmegi toroqeba Sekem gölme kelökŋambuk mi gihizal. Nöŋön kukundu gölme mi Amor könagesö yembuk bim qeba nani timbi aka bimgö sou ketaŋi miaŋön yeŋgöreŋök meal. Josef gi darumunurupki yeŋgö bohonŋini akzanaŋgöra mi darumunurupki yeŋgöra qahöpmö, göhö buŋaya jim teköbi ahöma. “Mewö.
1501	GEN 49:27	Benjamin mi kiam kalŋi ewö akza. Söŋan dop böröjaŋ suhuba sömbup eŋguba nem gwahöt eŋgimakza. Silimnöŋ yuai kiom qemakzawi, mi suŋgem dop mendeŋmakza. “Mewö.
24286	MRK 1:2	Anutunöŋ Suep uruŋe Nahönŋaŋgöra keu kun jiiga kezapqetok azi Aisaianöŋ mi ohoiga yaŋgö Buzup Kimbinöŋ kewö ahöza, “Mötnöŋ. Nöŋön kolek garatani kun melaibiga qeljiŋe anda ambazip uruŋini mindiŋgöba göhö könagi mesariga göŋön yaŋgö andöŋe gölmenöŋ geman.”
24328	MRK 1:44	Goro mi kewö jiiga mörök, “Mötnöŋ. Kiaŋgö buzup keuŋi mi kun kude jinöŋ mötme. Qahöpmö, mönö jike nup galömgöreŋ anda silegi kondel waŋgiman aka Mosesgöreŋ jimkutukutu wuataŋgöba solanizanaŋgö saiwap nalukŋi ala jöwöwöl ohoman. Mi ohonöŋ ehiga ambazipnöŋ könaŋamgi möt kutume.”
26668	JHN 12:19	Mewö angetka Farisi (Köna keugö kapaŋkölköl) yeŋön nanŋinök eraum möta kewö jiget, “Mötket. Gölmeŋi gölmeŋi ambazip yeŋön mönö luluŋda öröba yaŋgö andöŋe anakze aka nini keu nup miyök mem bibihiinga ölŋi kun qahö asuhuza.” Mewö.
29099	2CO 12:9	Mewö köuluköyalmö, keu kewö jii möral, “Qahö. Ösumeret aknöŋga nöŋgö kukösumnan mönö amqeba urugi kokolak qeiga aködamungabuk ahakŋan. Miaŋgöra nöŋgö kalem möriamni mönö buŋa qem aŋgunöŋga dop kölma.” Keu mi jii möta Kraistkö kukösumŋan qakne öŋgömapköra mörakzal. Miaŋgöra ösumeret ahakzalaŋgöra sileni möpöseimakzal. Lömböt mi qahöwakŋapköra qahö toroqeba köulukömakzal.