67	GEN 3:11	Mewö meleŋniga kewö jiyök: “Gi sile aukŋe maljani, mi mönö daŋön jii mötzan? Nöŋön ip kungö kötŋi nembanbukö soŋgo al gihiali, göŋön miaŋgöreŋök kun nezan me?”
86	GEN 4:6	Bosoliiga Kembunöŋ Keingöra kewö jii mörök: “Irimgi mönö wuanöŋgöra seholiiga jemesoholgan bosoliza?
87	GEN 4:7	Gi yuai ölöpŋi aknöŋga möt aŋgön köl gihibiga ölöp jemesoholgi öhal (hak) akŋan me qahö? Yuai ölöpŋi qahö aknöŋga siŋgisöndokö Toŋan mönö urugahö naŋguŋe kinda göhöra ak gihiba mönömakza. Mewö mönömakzapmö, göŋön mönö miaŋgö soŋgo ala galöm memba luhut alman.”
90	GEN 4:10	Mewö meleŋniga Kembunöŋ jiyök: “Gi wani yuaia akzan? Mötnöŋ, mungahö sepŋan mönö gölmenöhök qeriga mötzal.
317	GEN 12:18	Mi öŋgöiga Farao kiŋnöŋ Abram köl öröi kaiga kewö qesim waŋgiyök: “Göŋön mönö wani kimbia ak niŋginöŋ? Wuanöŋgöra ‘Mi anömna,’ mewö qahö jinöŋga möral?
318	GEN 12:19	Wuanöŋgöra ‘I mi nena,’ jinöŋ? Mewö jinöŋga nöŋön i anömna akŋapköra waŋgiral? Anömgi ki. Mönö i waŋgita anohot.”
363	GEN 15:2	Keu mewö kayökmö, Abramnöŋ kewö jiyök, “O Kembu ketaŋamni, ni nahönböratni qahö malbiga töwa niŋginöŋga miaŋön mönö denöwö bauköm niŋgibawak? Nöŋön kömumbiga Damaskus azi Eliezer yaŋön nöŋgö sukinapnaŋgö toŋi akŋa.”
415	GEN 17:17	Kembunöŋ mewö jiiga Abrahamnöŋ mi möta simin köla bamgöba uruŋan kewö mötmöriba miaŋgöra gön kölök, “Azi yambuni 100 akiga morö nahönan mönö denöwö asuhubawak? Mewöyök Saranöŋ yambuŋi 90 aiga mönö denöwö morö membawak?”
448	GEN 18:23	Kinda Kembugö kösutŋe anda kewö qesim waŋgiyök: “Gi ambazip solanŋi aka ambazip aŋgöjörakŋinambuk mi mohotŋe ayuhum eŋgimamgöra jizan me?
449	GEN 18:24	Taon miaŋgöreŋ ambazip solanŋi 50 malje ewö, göŋön i ölŋa ayuhum eŋgimamgö jizan me? Taon mi yeŋgöra aka eŋgehoribanak me qahö?
463	GEN 19:5	Kaŋgota Lotköra kewö qetket: “Azi yahöt mare göhöreŋ kazahori, mi denike? Azi nini yetpuk sero akingöra mötzin. Miaŋgöra mönö i etkuaŋgita neŋgöreŋ etme.”
467	GEN 19:9	Mewö jiyökmö, yeŋön kewö meleŋda teriŋda qetket: “Mönö kesalnöŋ. Göŋön ki kaba kiana mala nangahöra niŋia jiba mötnöŋ öŋgöiga ninia pöndaŋ jim kutum neŋgimamgö mötzan? Yetkön qahö kamahot ewö, mönö nangak neŋgöreŋ kanöŋga mönö kahasililiŋ keta bölökŋi nangi ak gihibin. “Mewö jiba Lot utalgetka kököndöt aniga öŋgöba miri naŋguŋi qesiŋbingö aka kinget.
505	GEN 20:9	Mewö mötketka kiŋ Abimeleknöŋ Abrahamgöra keu ali öŋgöiga kewö jiba qesim waŋgiyök: “Gi mönö wani kimbia ak neŋginöŋ? Nöŋön wani bölöŋi kun ak gihibiga göŋön kondotnöŋga siŋgisöndokö keu lömbötŋan mönö ni aka könagesöni nöŋgö sel tohoŋ uruŋe maljei, neŋgö qaknine öŋgömamgö akza? Göŋön yuai qahö ahakŋaŋgö dop mia soŋgo walöŋda ak niŋginöŋ.
521	GEN 21:7	Mewö jiba toroqeba kewö jiyök: “Saranöŋ morö galömkölkölŋa akŋawi, daŋön keu mi qeljiŋe möta Abrahamgöra jibawak? Mewö qahöpmö, nalö kewöŋe yaŋön azi namŋi aiga nöŋön töndup yaŋgö nahönŋi meal. “Mewö.
531	GEN 21:17	Morö sahöröhi, mi Anutunöŋ möriga garataŋan suepnöhök Hagargö qeta kewö jiyök: “Hagar, gi wani lömbötkö uruŋe maljan? Keŋgötki kude mötnöŋ. Morönöŋ endu ahöba sahötzawi, Anutunöŋ sahötŋi mi lök mötza.
597	GEN 24:5	Mewö jiiga welenqeqe jembonöŋ kewö qesim waŋgiyök: “Anda jibiga ambi miaŋön nömbuk gölme kiaŋgöreŋ kamamgö tököma ewö, nöŋön mönö denöwö akŋam? Nahöngi waŋgita kantri kanöŋaŋgöreŋ kunbuk liliŋgöba anbit me qahö?”
615	GEN 24:23	Mei öŋgöiga kewö qesim waŋgiyök: “Gi dagö böratŋa? Iwigahö miri uruŋe neŋön suŋgem ahöbinakö tiŋi kun ahöza me qahö, mi ölöp jinöŋ mötpileŋak.”
703	GEN 26:10	Meleŋ waŋgiiga kiŋ Abimeleknöŋ kewö jiyök: “Göŋön mönö wani kimbia ak neŋginöŋe? Nöŋgö aziurupni yeŋgöreŋök kunŋan mönö amqeba göhö anömgabuk ahöbawak. Mewö asuhuiga göŋön kondotnöŋga siŋgisöndokö keu lömbötŋan mönö neŋgö qaknine öŋgöbawak.”
761	GEN 27:33	Mewö jiyöhaŋgöra Aisaknöŋ töwöratiba sile jönömŋi gwötpuk unduiga kewö jiyök: “Gi qahö kanöŋga miaŋgöreŋ böröjaŋ azi kunöŋ sömbup memba kaba niŋgiyöhi, mi mönö daŋön? Yaŋön mi niŋgiiga nemba kötumötuetni lök waŋgim teközal. Mi waŋgim teközalaŋgöra miaŋön mönö ölŋa yaŋgö qakŋe ahöm öŋgöma.”
765	GEN 27:37	Mewö jiiga iwiŋan Isogöra kewö meleŋnök: “Mötnöŋ, nöŋön mungi göhö azi kembugi malmapköra kuŋgum waŋgizal. Tinitosolomurupŋi pakpak yeŋön i welen qem waŋgiba malmegöra jim kutum eŋgizal. Yaka yöha, sehoŋ padi aka wain o yuai mi lök jim teközalawa Anutunöŋ mi waŋgiba malma. O nahöni, wanat kötumötuetna kun toroqeba ahöm niŋgizawa mia gihibileŋak? Mi mönö osizal.”
766	GEN 27:38	Mewö meleŋniga iwiŋaŋgöra kewö jiyök: “O iwini, kötumötuet mohok-kun miyök mönö ahöm gihiza me denöwö? O iwini, mönö nia kun kötuetköm niŋginöŋ. “Mewö jiba könahiba silata sahörök.
774	GEN 27:46	Rebekanöŋ apŋi Aisaköreŋ anda kewö jiyök: “Nöŋön iranyahötni Hit ambi yetköra aka toroqeba malmamgö ölan nöhöi sihimbölö mörakzal. Jeikobnöŋ mewöyök Hit yeŋgö böraturupŋini yeŋgöreŋök kun iranyahötniri ewö anömŋa membapuk. Gölme kiaŋgöreŋ asuhugeri, yeŋgö silikŋinan mönö mewöyök ahöza. Mewöŋi kun memba kabapuk ewö, nöŋön mönö malmalni wuanöŋgöra toroqeba malbileŋak? Sihimbölönan mönö toroqeba önöŋi qahö akapuk. “Rebekanöŋ mewö jiyök.
821	GEN 29:25	Mohotŋe ahöyohotka miri giaŋiiga Jeikobnöŋ anömŋi eka möri Reizöl qahöpmö, i Lea aiga yöwöŋaŋgöreŋ anda kewö jim waŋgiyök: “Gi mönö wani kimbia ak niŋgizane? Ni Reizöl memamgöra welen qem gihiba malalmö, gi mönö wuanöŋgöra tilipköm niŋgizan?”
833	GEN 30:2	Mewö jiiga Jeikobnöŋ irimŋi seholiiga uruönön möt waŋgiba kewö jiyök: “Ni mönö morö denöwö qiwikŋaibileŋak? Anutunöŋ gi morö memangö jöhöm gihiba malökmö, nöŋön Anutuya qahö.”
900	GEN 31:26	Ahöba wahöta qiŋgiŋi Jeikobköreŋ anda kewö jii mörök: “Gi mönö wani kimbia ak niŋginöŋe? Gi tilipköm niŋgizan. Kerök yeŋön yarö gila ambi yoŋgorö örömakzei, mönö miaŋgö tandök nöŋgö böratyahötni ölöŋ etkuaŋgita kanöŋ.
901	GEN 31:27	Gi wuanöŋgöra isimkakalek ak niŋgiba ösumok ölöŋ köla nömosöta kanöŋ? Gi mönö wuanöŋgöra keu kun qahö jinöŋ mötpi laŋ kanöŋ? Mi mötpileŋak ewö, nöŋön ölöp liŋet gwawet albi kömam köla gita kulele qegetka sösöŋgai qakŋe gumbulbi könanöŋ kabeak.
910	GEN 31:36	Qahö miwikŋaiiga kinda Jeikobnöŋ irimŋi seholiiga tembula Laban kewö jim waŋgiba qesim waŋgiyök: “Nöŋön wani könaya ak siŋgial? Mönö wani silik bölöŋi ak gihialaŋgöra kahasililiŋnöŋ böröjaŋ suhum niŋgizan?
911	GEN 31:37	Nöŋgö sukinapni pakpak qezaŋ teköbagun mönö wanat yuaia kun miwikŋainöŋga nangi mirigahö buŋaya akawak? Mi ölöp memba yuhu kaba tinitosolomurupniri yeŋgö jeŋine alnöŋ eketka sutnire keu lömböt ahöiga mi kewöta jim teköba mindiŋgöm netkime.
946	GEN 32:18	Mewö jiba kambu mutukŋi anmeaŋgö galömŋi kewö jim kutum waŋgiyök: “Könanöŋ angetka datni Isonöŋ miwikŋaim eŋgiba kewö qesim gihima: ‘Gi dagö welenqeqe azia akzan? Gi denike anmam jiba kazan? Sömbup wösöge anjei, mi dagöreŋa?’
976	GEN 33:15	Mewö jiiga Isonöŋ kewö jiyök: “Mewö aiga nöŋön ölöp aziurupni tosatŋi eŋgömosötpiga göbuk ösöŋ kame. “Mewö jiiga Jeikobnöŋ kewö qesiyök: “Gi mönö wuanöŋgöra mewö akanak? O azi kembuni, ni göhö jege ak-kömukömu miwikŋaibiga lök dop köl niŋgim teköza.”
1092	GEN 37:8	Mewö jiiga möta darumunurupŋan Josefköra kewö jiget: “Gi neŋgöreŋ kiŋ kembuya akanak me? Gi ölŋa galöm köl neŋgimamgöra mötzan me?” Josefnöŋ gaunŋi eka miaŋgö kösohotŋi jiyöhi, miaŋgöra yeŋgö uruŋinan kunbuk toroqeba öngöiga kazik keta bölökŋi möt waŋgiba malget.
1094	GEN 37:10	Kösohotŋi mi iwiŋi aka darumunurupŋi jii mötketka iwiŋan tembula kewö jim waŋgiyök: “Gi gaun tandökŋi mewöŋi mi denöwögöra ekzane? Ni, namgi aka darumunurupki neŋön mönö denöwö aka göhöreŋ kaba jemesoholge simin köla gölmenöŋ bamgöbinak?”
1110	GEN 37:26	Mewö eŋgeka Judanöŋ darumunurupŋi kewö jii mötket: “Nini munini qein kömuiga sepŋaŋgö keuŋi köyatiba asambötpin ewö, miaŋön mönö denöwö bauköm neŋgibawak?
1114	GEN 37:30	Malukuŋi munjurata munurupŋi yeŋgöreŋ liliŋgöba kaba kewö jiyök: “Morö gwabönöŋ mönö denike ayapköba sohoza? Yei! Miaŋgö keuŋan nöŋgö qakne öŋgöiga mönö denöwö akileŋak?”
1254	GEN 42:1	Ijipt miaŋgöreŋ nene ahöyöhi, keu mi Keinan gölme miaŋgöreŋ jigetka Jeikobnöŋ möta nahönurupŋi kewö jii mötket: “Iŋini mönö wuanöŋgöra silekmalek aka kuruk je aŋgeka malje?
1298	GEN 43:7	Mewö jiiga kewö meleŋda jiget: “Azi miaŋön nini aka könagesöurupnini eŋgöra törörök qeqesi könaŋi könaŋi neŋgiba kewö jiyök, ‘Iwiŋinan jebuk malja me qahö? Darumunŋini kun malja me qahö?’ Mewö jiyöhaŋgöra qeqesiŋi mi neŋön ölŋanök jiba meleŋnin. Yaŋön könaŋgep munini waŋgita kamegöra jibawak, mi mönö qeljiŋe nalö miaŋgöreŋ denöwö mötpinak?”
1303	GEN 43:12	Silwö moneŋ walŋi toru gösöŋinaŋgö numbuŋine algetka memba kageri, mi aka miaŋgö dop qakŋe toroqeba ala mindirigetka jaŋgöŋan qariba 2:kö dop aiga mi memba liliŋgöba anda waŋgime. Tosatŋan köpösihira aka mi gösöŋine alget me denöwö?
1318	GEN 43:27	Bamgöba wahötketka jölöŋini jiba denöwö maljei, qesim eŋgiba kewö jiyök: “Iwiŋini azi namŋaŋgö jigeri, yaŋön denöwö malja? Toroqeba jebuk malja me qahö?”
1329	GEN 44:4	Anda siti mosöta köröwen qahö angetka Josefnöŋ miriŋaŋgö galömŋi kewö jim kutum waŋgiyök: “Gi mönö zilaŋ wahöta azi mi eŋguataŋgöba anda miwikŋaim eŋgiba eŋgeka kewö qesim eŋgiman: ‘Azi kembunöŋ ölöpŋi ak eŋgiiga iŋini mönö wuanöŋgöra miaŋgö kitipŋi bölöŋi meleŋ waŋgiba kaze?
1330	GEN 44:5	Nöŋgö ketaŋamnan qambiŋeyök kuluŋ nemakzawi aka qambiŋi miaŋön unji aka keu asa-asambötŋaŋgö könaŋi miwikŋaimakzawi, iŋini qambi mi mönö wuanöŋgöra yoŋgorö memba kaze? Iŋini mönö silik mi bölöŋi kötökŋa akze.’”
1332	GEN 44:7	Jii mötketka kewö meleŋ waŋgiget: “Ketaŋamninan keu tandökŋi mewöŋi mi mönö wuanöŋgöra jiza? Göhö welenqeqeurupki neŋön silik bölöŋi mewöŋi mi qahöpmahöp akzin. Mi yapmakek!
1333	GEN 44:8	Mötnöŋ, nini toru gösöninaŋgö numbuŋine silwö moneŋ esu miwikŋainini, mi mewöyök Keinan gölmenöhök memba kaba gihiin. Nini mönö wuanöŋgöra silwö me goul mi ketaŋamgahö mireyök yoŋgorö membinak?
1340	GEN 44:15	Bamgögetka Josefnöŋ kewö jiyök: “Iŋini mönö wani siliha mi akzeye? Azi ni ewöŋan mönö ölöp unju memba yuai yoŋgorö megetka mi miwikŋaimakzali, iŋini mi qahö mötze me?”
1341	GEN 44:16	Mewö jiiga Judanöŋ kewö meleŋnök: “O ketaŋamni, nini mönö wani keuya göhöra jibinak? Nini keugö jaruzin. Neŋön yuai bölöŋi qahö ahini, mi kondel gihibinaŋgö dop qahö. Anutunöŋ mönö welenqeqeurupki, neŋgö pinjitkö keuŋi indeli aukŋe ahöza. Miaŋgöra kungö toru gösöŋeyök qambi mi miwikŋaizawi aka tosatŋi neŋön mewöyök mönö azi kembunaŋgö welenqeqeurupŋi omaŋi aka malbin.”
1359	GEN 44:34	“Azi gwabö miaŋön nömbuk qahö kama ewö, nöŋön mönö denöwö aka iwinaŋgöreŋ anbileŋak? Wösöbirik öŋgöŋgöŋan iwinaŋgö qakŋe öŋgöbawak, nöŋön mönö mi ekŋamgö tököm köhöizal. Miaŋgöra i mönö kude jöhöman.”
1439	GEN 47:18	Qahö kömugetka yambu miaŋön teköyök. Teköiga yambu dölökŋe dumŋe kunbuk yaŋgöreŋ kaba kewö jiget: “Azi kembunini, moneŋnini qahöwakzawaŋgöra könaŋamnini ölŋi mi göhö jege ölöp qahö köyatibin. Neŋgöreŋ lama bulmakaunini mi mewöyök gihiinga göhö buŋaya ak teköza. Nini mi pakpak azi kembunini gi gihim teköinaŋgöra nanini aka gölmenini miyök ahöm neŋgiza. Miaŋgöra mönö wania kun gihibinak?
1440	GEN 47:19	Nini mönö könaŋi wuanöŋgöra göhö jege töndup kömumbinak? Nanini kömuinga gölmeninan mönö wuanöŋgöra öne ahöba apopam köla bölibawak? Miaŋgöra mönö nanini aka gölmenini bohonini memba miaŋön numbu nene neŋginöŋga nini ölöp Farao kiŋgö welenqeqe omaŋi ahinga gölmeninan mewöyök yaŋgö buŋaya akŋa. Neŋön toroqeba jebuk mala kömumbinbuköra mönö nene kötŋi neŋgiman. Neŋginöŋga gölme nup waŋgiinga öne qahö ahöba gönjaŋ akŋa.”
7140	RUT 1:11	Mewö zöyöwötka meleŋda muewö etkezöyök: “O iranweitni, mönö nöpaköra noŋguk kambitkö halzawöt? Nöŋgön kunduk merö nahönweit membiga qariyöwötka etkömembawörak me? Mewö römöngöwawörak ewö, miaŋön qahö söpköza. Qahöpmahöp! Mönö dölmuhu liliŋgöwa anmawöt.
7142	RUT 1:13	Merö mietkön qariyöwötka apweitŋira etkimamgö mamböta malmawörak me qahöpto? Yetköra hala aiwi memekö könaŋiri jöhöm aŋguwa nalö köripŋi sutŋi mihi mönö in malmawötkuk. Miŋgi qahö söpköza. O iranweitni, mewö qahö. Kembunöŋ biriŋi böraŋda qeköm niŋgiiga apnan komuiga miaŋgöra malmalninan lömböriiga nöŋgön etköra wösöjiŋjiŋni mötzal.”
7148	RUT 1:19	mohotŋamŋire anda mala Betlehem taonöŋ kauröwöt. Kauröwötka taongö anbazip patpat yengön i etkekta sösöŋgai ketaŋi möta tokoget. Anbi yengön qeta Naomikö yaizözökŋi muewö zöget: “Hei! I halakŋa Naomiya me denöwö? Oe oe oe!”
7170	RUT 2:19	Mihi waŋgiiga muewö qesim waŋgiyök: “Gi erap denike anda bali qendaŋda memba malzan? Dahö nup uruŋe nup memba malzan? Aiwi galim köl gihizawi, Anutunöŋ mönö i kötuetköm waŋgima.” Mewö zöiga dahö nupnöŋ nup memba malöhi, yaŋgö sundutŋi Naomiköra zömba muewö zöyök: “Ni erap aiwi kunguk nup memba malzali, yaŋgö qetŋi mihi Boaz.”
22606	JON 1:6	Miaŋgöreŋ ahöiga waŋge galömŋan yaŋgöreŋ kaba kewö jiyök: “Gi möp wuanöŋgörap ki gaun ahözane? Möp wahöta nangi bemgi qeta köulukönöŋga yaŋön mötmörim neŋgiiga kude ayuhubinak.” Mewö jiyök.
22608	JON 1:8	Asuhuiga jiget kaiga kewö qesim waŋgiget: “Ayuayuhu ki mi dagöt siŋgisöndokörap aka neŋgöt qaknine öŋgözawi, gi möp miaŋgöt könaŋi jinöŋga mörin. Gi wanat nuwa memakzan? Gi waniŋeyök kazan? Göhöreŋ kantri mi waniŋe aiga göhöreŋ könagesöurupki mi waniŋe malje?”
22639	JON 4:2	Irimŋi seholiiga Kembu ulet waŋgiba kewö jiyök: “Aek Kembu, gi ak-kömukömugöt bemŋi mala ölöp neŋgehorimakzan. Göhöreŋ kuki mi öŋsöŋ aiga kalem möriamgi mi önöŋi qahöp ahöza. Mewö urugi zölaŋ amöröiga wösögi möta könagesö kun mem bölöm eŋgimamgöt kude mörakzan. Mia nane gölmenöŋ mala lök möt yaköba jiali, mia ölum guhuza me qahöp? Könaŋi mewögörap aka nalö miaŋgöreŋ Tarsis anmam jiba ösumok mömölaköba anda malal.
22648	JON 4:11	Mewö aiga nöŋön möp denöwögörap siti ketauŋi kiaŋgöt könagesöŋi yeŋgörap waimanjat kude mötpileŋak? Miaŋgöt uruŋe morö namande 1 20.000 (handöt twenti tausen) jaŋgö mi oŋgöta maljei, mi ölöpŋaŋgöt aka bölöŋaŋgöt könaŋiri kude möt kewöt etkimakzei aka bau kuruk yuai mi tok gwötpuk malje. Mi ambazip ketauŋi yembuk mohok mem bölim eŋgibileŋbukörap nöŋön möp sihimnan Niniwe eŋgehorizal.” Mewö.
23240	MAT 2:2	Kaba kewö qesiget, “Juda eŋgöreŋ kiŋ kembu akŋawi, morö mi asuhuba denike ahöza? Nini wehön kotkotŋe mala yaŋgöreŋ undi asuhui eka könaŋi mewö möta waikŋi memba möpöseibingöra kazin.”
23268	MAT 3:7	Mem eŋgiyökmö, Farisi (Köna keugö kapaŋkölköl) aka Sadyusi (Jike nupkö kapaŋkölköl) ambazip gwötpukŋan o melun mem eŋgimapköra kagetka eŋgeka yeŋgöra kewö jiyök, “O qatö moröŋi, iŋini uruŋini qahö meleŋgetka Anutugö irimŋan seholiiga likepŋi meleŋ eŋgimamgö akza. Mi ölöŋ kölbingö goro keuŋi mi mönö daŋön jii möta sömbuŋini möta ki kaze?
23270	MAT 3:9	“Uruŋine möndömöndö keu kewö jibingö kude mötmörime, ‘Neŋön mönö Abrahamgö gwölönarökŋa malinga Anutunöŋ qahö ayuhum neŋgima.’ Mewö jiba töptöpŋine qemakzemö, ölŋi mi qahö ahakze. Nöŋön miaŋgöra kewö jibi mötket, Anutunöŋ köt ki ölöp jim kutum eŋgiiga letota Abrahamgö gwölönarökurupŋi aka Anutu möpöseimakŋemö, iŋini denöwö?
23316	MAT 5:13	Jisösnöŋ jiyök, “Iŋini gölme ambazip yeŋgö howe tandök akzemö, howe nahömŋan piahima ewö, mi mönö denöwö möhamgöinga kunbuk nahömŋambuk akawak? Miaŋgö könaŋi kun qahö. Toroqeba yuai kungöra qahö dop kölmapmö, mi nesak ewö gilget geiga ambazipnöŋ mi könaŋinan tiahöme.
23350	MAT 5:47	“Urumeleŋgö kopa ambazipnöŋ mewöyök sutŋine jölöŋini jim aŋguba maljemö, mi urumeleŋgö aiwesökŋi qahö. Iŋini yeŋgö dop alaurupŋini eŋgö sutŋineyök jölöŋini jim aŋgumakŋe ewö, mewö mönö kopa ambazip ewö akze. Kopa ambazip yeŋgö silikŋini mönö oŋgita qetpuk sorokŋi aka malme?
23377	MAT 6:26	“Könakemba neiŋi neiŋi mönö eŋgekŋe. Mieŋön nene kötŋi qahö qesiŋ gilakze. Padi ölŋi qahö yandiba köwe miriŋine qahö tokomakze. Mi qahöpmahöp aiga eŋgö Suep Iwiŋinan mönö töndup i gumohom eŋgimakza. Iŋini nei yeŋgö dop qahöpmö, eŋgö söŋgöröŋinan mönö nei söŋgöröŋini eŋgoŋgita öŋgöŋgöŋi akza me qahö? Mönö mi mötmöriget anök.
23378	MAT 6:27	“Eŋgöreŋök kunŋan waimanjat aka mewö miaŋön gölmenöŋ malmawaŋgö nalöŋi mi sömaŋi mohotkö dop mem toroqema me qahö? Mi qahöpmahöp!
23379	MAT 6:28	Opo söröŋinaŋgöra mönö denöwögöra waimanjat akze? Mi qahö dop kölja. Sombemgö jariŋ juraŋi qarimakzei, mönö mi uba eŋgekŋe. Mieŋön opo söröŋinaŋgöra möt qahö loŋgalakze aka nup tosatŋi qahö memakze.
23381	MAT 6:30	Sombemgö jariŋ juraŋi töhön merak kösutnine ahöi uran kölgetka eri qezaköba gila ohoget jemapmö, mi töndup Anutunöŋ mi ölöpŋanök meŋölömakza. Miaŋgöra yaŋön iŋini mewöyök ölöp esuhum eŋgima. Iŋini jariŋ juraŋaŋgö dop qahö. Anutunöŋ köyan köl eŋgimamgö möta miaŋgöra sihimŋi öŋgöŋgöŋi mörakza. O ambazip, mötnaripŋinan mönö wuanöŋgöra öne töhön morörökŋi akza?
23388	MAT 7:3	“Gi alagahö jeŋe gödöwöröt morörökŋi ekzanmö, nangi jege ip sahötŋi ketaŋi ahözawi, mia mönö wuanöŋgöra kude ek kutuzan?
23394	MAT 7:9	“Mötket, ambazip eŋgöreŋök daŋön kewö akawak: Nahönŋan bisketköra qesiiga köt waŋgima?
23395	MAT 7:10	Me nahönŋan söragöra qesiiga qatö waŋgima?
23396	MAT 7:11	“Mewö aiga iŋini ambazip bölöŋi aka töndup kalem ölöpŋi ölöpŋi nahönböraturupŋini eŋgibingö dop akze ewö, eŋgö Iwiŋini Suep mire maljawaŋön mönö kalemŋi denöwö aŋgön kölbawak? Yaŋgö uruŋaŋgö ahakmemeŋi mi neŋgoŋgita tandökŋi kun akza. Miaŋgöra iŋini yuai ölöpŋaŋgöra köuluköba qesim waŋgime ewö, yaŋön mönö sihimŋan mi eŋgima.
23401	MAT 7:16	Nupŋinaŋgö ölŋi eketka könaŋini kondeli ölöp möt kutume. Nejoŋ kötŋi mi jömnöŋ asuhumakza me qahö? Warun kötŋi mi koururuknöŋ (köwörörök) asuhui tokomakzin me qahö? Qahö.
23443	MAT 8:29	Yetkön Jisös miwikŋaiba silata kewö qet gigilahöyohot, “Aek! Gi Anutugö Nahönŋi akzan. Gi mönö denöwö ak neŋgimamgöra kazan? Sihimbölö mötmöt nalöŋan qahö kam kuŋguiga qeljiŋe mi könöpŋambuk ak neŋgimamgö ki kazan me?”
23452	MAT 9:4	Mewö mötmörigetmö, Jisösnöŋ mötmötŋini mi möt kutuba kewö jiyök, “Iŋini mönö wuanöŋgöra keu bölöŋi uruŋinan mötmörize?
23459	MAT 9:11	Mewö negetka Farisi (Köna keugö kapaŋkölköl) yeŋön mi eka Jisösgö gwarekurupŋi kewö jim eŋgiget, “Aek! Eŋgö böhiŋinan mönö wuanöŋgöra takis meme tilipqilipŋinambuk aka siŋgisöndok ambazip yembuk tata nene neza? Mi qahö dop kölja.”
23463	MAT 9:15	Mewö qesigetka kewö meleŋnök, “Ölŋa, nini wani nalönöŋ nene siŋgi malakzin? Ambi meme nalöŋe azigö andöurupŋan könöpŋi algetka ambigö sepkitipurupŋan yuai mi tökömakze me qahö? Nöŋön nani gwarekurupni yeŋgö azi buŋaya aka yeŋgö sutŋine köisirik tatzal. Tatpiga yeŋön miaŋgöra aijölöŋ söŋgaiba tata siŋgi malbingö osimakze. Osimakzemö, Anutunöŋ noaŋgiri kömumbiga yeŋön mönö nalö miaŋgöreŋ ölöp siŋgi malakŋe.
23535	MAT 11:7	Mewö jiiga Jongö gwarek yetkön anohotka Jisösnöŋ könahiba Jongö könaŋi ambazip kambu yeŋgöra kewö jim asariyök, “Iŋini gölme qararaŋkölkölŋe miaŋgöreŋ wania ekingöra anget? Luhutnöŋ jehot uwutapköba metali anjaŋbanjaŋ ahakzawi, iŋini azi mewöŋi ekingöra anget me?
23536	MAT 11:8	Me wanat yuaia ekingöra anget? Azi malukuŋi aködamunŋambuk löŋgöta malöhi, mi ekingöra me? Mötket, ambazip malukuŋini eksihimŋinambuk löŋgörakzei, mieŋön mönö kiŋ yeŋgö jakömbuak miriŋine malje. Mi gölme qararaŋkölkölŋe qahö.
23537	MAT 11:9	“Me wanat yuaia ekingöra anget? Kezapqetok azi kun ekingöra me? Ölŋa, nöŋön kewö jibi mötket: Azi ekeri, yaŋön mönö kezapqetok ambazip pakpak eŋgoŋgita tandökŋi kun akza.
23544	MAT 11:16	“Ambazip merak gölmenöŋ maljei, mi mönö wanatpuk dop al eŋgibileŋak? Yeŋön namande ewö akze. Mieŋön maket sombemnöŋ tata keu gön gila laŋ qeta kewö jimakze,
23551	MAT 11:23	“Aka Kaperneam toŋi, Anutunöŋ iŋini ölöp mem wahöt eŋgii Suep mire öŋgöbeak me qahöpto? Qahöpmahöp! Iŋini mönö kömupkö senjom mire kölölohoba geme. Nöŋön yeŋgöreŋ anbiga keuni jibi sösönii aŋgöletotni kukösumŋinambuk asuhugetmö, uruŋini töndup qahö meleŋget. Aŋgöletot mi Sodom taonöŋ asuhubeak ewö, taon miaŋön mönö nalö kewöŋe mewöyök toroqeba kinbawak.
23561	MAT 12:3	Mewö jigetka kewö meleŋnök, “Kiŋ Deiwidnöŋ yarö aziurupŋi yembuk liliköba wösöŋini eŋguiga yuai akeri, mi lök oyoŋget me qahö?
23563	MAT 12:5	Mewöŋanök jike nup galöm yeŋön Sabat kendonöŋ jöwöwöl jikenöŋ kinda nup memba nup memegö soŋgoŋi oŋgita töndup keuŋinambuk qahö ahakze. Keu mi Köna keunöŋ oyoŋget me qahö?
23569	MAT 12:11	Qesim waŋgigetka kewö meleŋnök, “Eŋgöreŋök daŋön kewö akza: Azi kungö lamaŋi mohok-kunŋan Sabat kendonöŋ lömnöŋ gema ewö, yaŋön mi qahö memba öröiga kotma?
23584	MAT 12:26	“Mötket, Satanöŋ mönö alaŋi Satan kun wuataŋgöbawak ewö, yeŋön mönö sutŋine aŋgururuk aka julbeak. Mewö aiga gawman nupŋini membingö osigetka ömetohoŋinan mönö denöwö kinbawak?
23585	MAT 12:27	“Mötket, nöŋön Katakömulatkö ösumnöŋ ömewöröme közöl eŋgibileŋak ewö, eŋgö alaurupŋinan mönö dagö ösumnöŋ mi közöl eŋgibeak? Miaŋgöra yeŋön mönö keuŋini ölŋi me qahö, mi kewöta jim teköme.
23587	MAT 12:29	Kunŋan azi köhöikŋaŋgö köna böröŋi mutuk qahö jöhöma ewö, yaŋön mönö denöwö miriŋe öŋgöba qezaŋda sukinapŋi membawak? Mutuk i jöhöi tarigun mönö ölöp miriŋeyök öröyuaiŋi pakpak waŋgita memba anma. (Miaŋgö dop nöŋön mewöyök Satan jöhöba andöŋe ömeŋi eŋguataŋgömakzal.)
23592	MAT 12:34	Azi uruŋan yuai kokolak qei ahözawi, mia mönö numbuŋan aukŋe jimakza. Miaŋgöra qatögö moröŋi iŋini, nanŋinak bölöŋi aka mönö denöwö keu ölöpŋi jibeak?
23606	MAT 12:48	Keu mi jii mörökmö, yaŋgöra meleŋda kewö jiyök, “Nöŋgö namni daŋön? Nöŋgö munurupni mi daŋön?”
23635	MAT 13:27	“Miaŋön aukŋe asuhuiga welenqeqeurupŋan mi eka nup toŋaŋgöreŋ kaba kewö jigetka mörök, ‘Ketaŋamnini, nupke nene köt ölöpŋi qesiŋ gilnöŋ me qahö? Dorowetkö kötŋi mi mönö denikeyök miaŋgöreŋ geba asuhuza?’
23662	MAT 13:54	Anda malqarip taonŋe aŋgota köuluk miriŋine öŋgöba Buŋa keu kusum eŋgiyök. Kusum eŋgiiga auruba welipköba kewö jiget, “Yei! Kezapjupjup! Yaŋön mötkutukutu ki aka aŋgöletot kukösumŋinambuk mi mönö denikeyök meza?
23704	MAT 15:2	“Göhö gwarekurupkan wuanöŋgöra köna walöŋda ambösakoninaŋgö silikŋini qeze? Yeŋön mönö böröŋini saŋgoŋda dom-amöt qahö qeba töndup könahiba nene neze?”
23705	MAT 15:3	Mewö qesim waŋgigetka kewö jii mötket, “Nanŋinak mönö wuanöŋgöra ambösakoninaŋgö silikŋini wuataŋgöbingöra köna walöŋda Anutugöreŋ jöjöpaŋ keu qeze?
23718	MAT 15:16	Mewö jiiga Jisösnöŋ jiyök, “O alaurupni, iŋini mewöyök toroqeba mötmötŋini ölöpŋi qahö akze me?
23719	MAT 15:17	Yuai pakpak azi numbuŋeyök uruŋe gemakzawi, mi kömgokŋe geba yaigep erakza. Mi möt kutuze me qahö?
23749	MAT 16:8	Mi eraum mötket kezapŋe geiga kewö jii mötket, “O iŋini mötnaripŋini morörökŋi, wuanöŋgöra ‘Beret qahö mezin,’ jiba nanŋini eraum mötze?
23750	MAT 16:9	Nöŋgö könaŋamni mi wuanöŋgöra qahö möt kutuze? Nöŋön beret 5 mi 5000 yeŋgöra mindipköbiga miaŋgö kitipŋi qezakögetka könde dawiknöŋ geba numbuŋe qeyök? Mi ölum eŋguza me qahö?
23751	MAT 16:10	“Mewöyök beret 7 mi 4000 yeŋgöra mindipköbiga miaŋgö kitipŋi qezakögetka sakap dawiknöŋ geba kokolak qeyök? Mi ölum eŋguza me qahö?
23752	MAT 16:11	Ni beretköra keu qahö jizali, mi denöwö aka qahö möt kutuze? Nöŋön beretköra qahöpmö, Farisi aka Sadyusi pati yeŋgö wösökömbukŋini aka gipŋi kakŋi kewöta andö qemegöra jizal.”
23754	MAT 16:13	Jisösnöŋ Sisaria Filipai taongö kösutŋe anda miaŋgöreŋ gwarekurupŋi kewö qesim eŋgiyök, “Ambazipnöŋ Suep gölmegö azi ölŋi nöŋgöra denöwö jimakze? Ni niŋia akzal?”
23756	MAT 16:15	Mewö jigetka kewö qesim eŋgiyök, “Aka nanŋinak nöŋgöra denöwö jize? Ni niŋia akzal?”
23786	MAT 17:17	Mewö jiiga meleŋ waŋgiba jiyök, “Yei, gölmegö yaŋgiseŋ aka misimkaulup ambazip, mönö nalö dawik embuk mala qatön eŋgubiga Anutu qahö möt narigetka sihimbölö mötmam? I mönö waŋgita nöŋgöreŋ ki kaget.”
23794	MAT 17:25	Qesim waŋgigetka “Oŋ!” jiyök. Miaŋgö andöŋe Pitönöŋ miri uruŋe öŋgöiga Jisösnöŋ keu mutukŋi kewö qesim waŋgiyök, “Saimon, gi denöwö mötmörizan? Denike yeŋön kölköl-örörögö töwaŋi aka takis tosatŋi mi gölmegö kiŋ azi kembu yeŋgöra alakze? Kantri toŋi neŋön me kian yeŋön mi algetka tokomakze?”