57	GEN 3:1	Kembu Anutunöŋ gölmegö sömbup malmalŋinambuk pakpak miwikŋaim eŋgiyöhi, mieŋgö sutŋine mokoleŋnöŋ isimkakalek mötmötnöŋ sömbup pakpak mi eŋgoŋgita öŋgöyök. Mewö öŋgöba ambigöra kewö jiyök: “Oyaeŋkoyaeŋ mire ip pakpak kin anjei, mieŋgö ölŋini kun kude nemahotköra Anutunöŋ ölŋa jim kutum etkiyök me qahö?”
65	GEN 3:9	Asambörohotmö, Kembu Anutunöŋ azigö qeta kewö jiyök, “Gi mönö denike maljane?”
67	GEN 3:11	Mewö meleŋniga kewö jiyök: “Gi sile aukŋe maljani, mi mönö daŋön jii mötzan? Nöŋön ip kungö kötŋi nembanbukö soŋgo al gihiali, göŋön miaŋgöreŋök kun nezan me?”
69	GEN 3:13	Mewö jiiga Kembu Anutunöŋ ambi kewö qesim waŋgiyök: “Göŋön wuanöŋgöra mewö akzane?” Qesim waŋgiiga kewö meleŋnök: “Mokoleŋnöŋ mönö tilipköm niŋgiiga nezal.”
89	GEN 4:9	Kömuiga Kembunöŋ Kein kewö qesim waŋgiyök: “Mungi Abel mi denike malja?” Qesim waŋgiiga kewö meleŋnök: “Ni qahö mötzal. Ni munangö jegalöma qahö akzal.”
369	GEN 15:8	Mewö jiyökmö, Abramnöŋ kewö jiyök, “O Kembu ketaŋamni, gölme kiaŋön nöŋgö buŋaya akŋawi, mi mönö wani aiwesöha eka möt kutumam?”
390	GEN 16:8	Miaŋgöreŋ miwikŋaim waŋgiba kewö jiyök: “Hagar, Saraigö welen ambiŋi, gi mönö denikeyök kazana denike anman?” Mewö jiiga kewö meleŋnök: “Ni galöm ambini Saraigöreŋök asamböta ölöŋ köla kazal.”
415	GEN 17:17	Kembunöŋ mewö jiiga Abrahamnöŋ mi möta simin köla bamgöba uruŋan kewö mötmöriba miaŋgöra gön kölök, “Azi yambuni 100 akiga morö nahönan mönö denöwö asuhubawak? Mewöyök Saranöŋ yambuŋi 90 aiga mönö denöwö morö membawak?”
434	GEN 18:9	Kiniga kewö qesim waŋgiget: “Anömgi Sara mi denike?” Qesim waŋgigetka jiyök: “I opo seri koum uruŋe endu tatza.”
437	GEN 18:12	Miaŋgöra Saranöŋ mi möta uruŋan kewö mötmöriba gön kölök: “Nöŋön lök ambi namŋi sohosoholiŋi akiga apni azi kembunan mewöŋanök azi namŋi aiga yambuk ahöahögö sihimnan kunbuk asuhubawak me qahöpto?”
453	GEN 18:28	Taon miaŋgöreŋ ambazip solanŋi 50 qahöpmö, 45 miyök malbeak ewö, göŋön ambazip 5 yeŋgöra aka taon pakpak mi töndup ayuhum eŋgiman me qahö?” Mewö jiiga Kembunöŋ kewö jiyök: “Nöŋön ambazip solanŋi 45 miaŋgöreŋ miwikŋaim eŋgimam ewö, taon mi mönö qahö ayuhumam.”
454	GEN 18:29	Abrahamnöŋ dumŋe kunbuk keu kewö jiyök: “Ambazip solanŋi 40 miyök miaŋgöreŋ miwikŋaim eŋgiman ewö, mönö denöwö akanak?” Mewö jiiga kewö meleŋnök: “Ambazip 40 yeŋgöra aka taon mi qahö ayuhumam.”
455	GEN 18:30	Mewö jiiga jiyök: “O Kembu, urugi öngöbapukmö, ni kunbuk keu jimamgö mötzal. Ambazip solanŋi 30 miyök miaŋgöreŋ miwikŋaim eŋgiman ewö, mönö denöwö akanak?” Mewö jiiga kewö meleŋnök: “Ambazip solanŋi 30 miaŋgöreŋ miwikŋaim eŋgimam ewö, nöŋön mönö taon mi qahö ayuhumam.”
456	GEN 18:31	Abrahamnöŋ toroqeba kewö jiyök: “Kembu, ni keu köhöikŋi Kembunaŋgöra kuŋguba jizal. Mi kude dop köljapmö, mi töndup ölöp möt niŋgiman. Ambazip solanŋi 20 miyök miaŋgöreŋ miwikŋaim eŋgiman ewö, mönö denöwö akanak?” Mewö jiiga kewö meleŋnök, “Ambazip 20 yeŋgöra aka taon mi qahö ayuhumam.”
457	GEN 18:32	Mewö jiiga Abrahamnöŋ kunbuk kewö qesiyök: “O Kembu urugi öngöbapukmö, ni kunbuk sömaŋi mohot-töp ki keu jimamgö mötzal. Ambazip solanŋi 10 miyök miaŋgöreŋ miwikŋaim eŋgiman ewö, mönö denöwö akanak?” Mewö jiiga kewö meleŋnök, “Ambazip 10 yeŋgöra aka taon mi qahö ayuhumam.”
506	GEN 20:10	Göŋön mönö könaŋi wuanöŋgöra silik mi aknöŋe?” Kiŋ Abimeleknöŋ Abraham mewö qesim waŋgiiga
543	GEN 21:29	Mewö kingetka Abimeleknöŋ Abraham kewö qesim waŋgiyök: “Lama ambiŋi moröŋi 7 kewöta endu al eŋginöŋga nanŋinök kinjei, mi könaŋi wuanöŋgöra?”
555	GEN 22:7	Mewö anda Aisaknöŋ aŋ ala iwiŋi Abrahamgöra kewö jiyök: “Iwini!” Mewö jiiga kewö meleŋnök: “Nahöni, wania?” Mewö meleŋniga kewö qesiyök: “Könöp jitŋi aka könöp mia ki memba kazitmö, jöwöwöl ohohogö lamaŋi mi denike?”
597	GEN 24:5	Mewö jiiga welenqeqe jembonöŋ kewö qesim waŋgiyök: “Anda jibiga ambi miaŋön nömbuk gölme kiaŋgöreŋ kamamgö tököma ewö, nöŋön mönö denöwö akŋam? Nahöngi waŋgita kantri kanöŋaŋgöreŋ kunbuk liliŋgöba anbit me qahö?”
613	GEN 24:21	Mewö ahiga welenqeqe jembonöŋ göröŋ kinda i törörök eka kewö möta mötmöriyök: “Ölŋa, Kembunöŋ köna köröpŋi ki kayalaŋgö möriamŋi mi mönö kewö kondori asuhuza me denöwö?”
635	GEN 24:43	Eknöŋ, nöŋön o löm kiaŋgö kösutŋe kinjal. Kewö kinbiga ambi seram kunŋan o umamgö kaiga nöŋön yaŋgöra kewö jimam: “Gi ölöp köuraŋengeyök o moröŋi kun niŋginöŋga nembileŋak?”
650	GEN 24:58	Mewö jiba Rebeka qerohot kaiga kewö qesim waŋgiyohot, “Gi azi kiambuk anmamgö mötzan me qahö?” Qesim waŋgiyohotka “Ölöp anmam,” jiyök.
657	GEN 24:65	Eta welenqeqe jembongöra qesiba kewö jiyök, “Azi gölme köröŋe endu kinda mesohol köl neŋgiba kazawi, mi daŋön?” Mewö jiiga kewö meleŋnök, “Yaŋön mönö ketaŋamnaŋgö nahönŋi akza. “Mewö meleŋniga möta nöröp kawöseŋi (kawaseŋ) öröba jemesoholŋi esuhuyök.
681	GEN 25:22	Gölöm aliga moröyahöt yetkön namŋiraŋgö körö uruŋe utal aŋguyohot. Mi möta kewö jiyök: “Yuai kewöŋi mi mönö wuanöŋgöra asuhum niŋgiza?” Mewö jiba anda miaŋgöra Kembugö qesim waŋgiyök.
691	GEN 25:32	Mewö jiiga keu kewö meleŋ waŋgiyök: “Muni mötnöŋ, ni mönö kömumamgö akzal. Miaŋgöra mutuk asuhuyalaŋgö qetbuŋanan mönö denöwö bauköm niŋgibawak?”
702	GEN 26:9	Etkeka Aisak oholi kaiga kewö jii mörök: “Mötnöŋ, yaŋön mönö göhö anömgi akza. Mönö wuanöŋgöra ‘I mi nena,’ jinöŋ?” Mewö möta kewö meleŋ waŋgiyök: “Ni yaŋgöra aka nuŋguget kömumbileŋbuköra mötmöriba mewö jial.”
720	GEN 26:27	Kagetka Aisaknöŋ kewö qesim eŋgiyök: “Iŋini kerök möt niŋgiba gölmeŋineyök közöl niŋgigetka töndup mönö wuanöŋgöra nöŋgöreŋ ki kaze?”
746	GEN 27:18	Aliga memba iwiŋaŋgöreŋ anda “Iwini!” jiyök. Jiiga kewö meleŋnök: “O nahöni, gi daŋön?”
748	GEN 27:20	Mewö jii möta nahönŋi kewö qesim waŋgiyök: “Nahöni, mi mönö denöwö könöpuk miwikŋaizan?” Qesim waŋgiiga kewö meleŋnök: “Anutu, göhö Kembugan mönö bauköm niŋgiiga mi zilaŋ miwikŋaizal.”
752	GEN 27:24	Töndup kunbuk kewö qesim waŋgiyök: “Gi ölŋa nahöni Isoya me qahö?” Qesim waŋgiiga kewö meleŋnök: “Ni mönö Isoya.”
760	GEN 27:32	Mewö jiiga iwiŋi Aisaknöŋ kewö qesim waŋgiyök: “Gi daŋön?” Qesim waŋgiiga kewö meleŋda jiyök: “Ni nahöngi mutukŋi Iso.”
764	GEN 27:36	Mewö jiiga Isonöŋ kewö jiyök: “Munan mönö indimŋi yahöt tilipköm niŋgiiga maljal: Yaŋön mutuk asuhuyalaŋgö qetbuŋaŋi mi mutuk noaŋgit teköyök aka merak nöŋgö kötumötuetni mi mewöyök taköba noaŋgita meza. Miaŋgöra qetŋi Jeikob (tilipqilip azi) qerakzini, mi mönö dopŋe akza. Kötumötuet kun mönö nöŋgöra ahöm gihiza me qahö?”
800	GEN 29:4	Jeikobnöŋ lama galöm mi kewö qesim eŋgiyök: “Azi alaurupni, iŋini denikegöra?” Qesim eŋgiiga “Nini Harangöra,” mewö meleŋ waŋgiget.
801	GEN 29:5	Meleŋ waŋgigetka kewö qesim eŋgiyök: “Iŋini Nahorgö isiŋi Laban möt waŋgize me qahö?” Qesim eŋgiiga “Ölöp möt waŋgizin,” jiget.
802	GEN 29:6	Jigetka kewö qesim eŋgiba jiyök: “I ölöp malja me qahö?” Mewö jiiga kewö jiget: “I ölöp malja. Eknöŋ, yaŋgö böratŋi Reizölnöŋ mönö endu lama eŋguaŋgita kaza.”
821	GEN 29:25	Mohotŋe ahöyohotka miri giaŋiiga Jeikobnöŋ anömŋi eka möri Reizöl qahöpmö, i Lea aiga yöwöŋaŋgöreŋ anda kewö jim waŋgiyök: “Gi mönö wani kimbia ak niŋgizane? Ni Reizöl memamgöra welen qem gihiba malalmö, gi mönö wuanöŋgöra tilipköm niŋgizan?”
861	GEN 30:30	Mutuk ni ki qahö kabiga miaŋgöreŋ sömbup yuaigi gwötpuk qahö ahöm gihiyökmö, miaŋön mönö ni kabiga nalö miaŋgöreŋ sehiba jesöŋgö akze. Ni denike denike anda kayali, miaŋgöreŋ Kembunöŋ kötuetköm gihiiga malnöŋ. Mewö malnöŋmö, ni mönö wani nalönöŋ ölöp nani könagesöurupni naŋgöm eŋgimamgöra aka nup yuai könahiba membileŋak?”
862	GEN 30:31	Mewö jiiga Labanöŋ kewö qesiyök: “Ni mönö wania gihibileŋak?” Mewö qesiiga Jeikobnöŋ meleŋda kewö jiyök: “Yuai kun kude niŋgimanmö, yuai mohot ki nöŋgöra akŋan ewö, ni ölöp toroqeba göhöreŋ lama kambuŋi kambuŋi mi köyan köla jegalöm ak eŋgiba malmam.
904	GEN 31:30	Miaŋgöra muat, nangi iwigahö miri gölmeŋe liliŋgömamgö urusihimgi ketaŋi möta malagun lök mosöta könanöŋ kaba maljan. Miaŋgöra ölöp anmanmö, nöŋgö domlopioŋurupni mi mönö wuanöŋgöra yoŋgorö memba kanöŋ?”
956	GEN 32:28	Mewö meleŋ waŋgiiga “Gi qetki niŋi?” jiba qesim waŋgiiga “Jeikob,” jiyök.
958	GEN 32:30	Mewö jiiga kewö jiyök: “Gi ölöp qetki qetnöŋga mötmam. “Mewö jiyökmö, garatanöŋ miaŋön kewö meleŋ waŋgiyök: “Gi denöwögöra nöŋgö qetnaŋgöra qesizan?” Mewö meleŋ waŋgiba miaŋgöreŋ kinda kötuetköm waŋgiyök.
966	GEN 33:5	Isonöŋ jeŋi uba wahöta Jeikobkö anöm-moröurupŋi eŋgeka munŋi qesim waŋgiyök: “Ki denike yeŋön göbuk kaze?” Qesim waŋgiiga kewö meleŋnök: “Anutunöŋ kalem möriamŋi qakŋe nahönbörat ki welen azigi ni niŋgiyök.”
969	GEN 33:8	Mewö aketka Isonöŋ kewö qesim waŋgiyök: “Azi aka sömbup kambu pakpak könanöŋ miwikŋaim eŋgizali, mi könaŋi denöwögöra melaim eŋginöŋga kaze?” Mewö qesim waŋgiiga kewö jiyök: “O azi kembuni, nöŋön mi göhö jege ak-kömukömu miwikŋaimamgöra aka melaim eŋgial.”
1092	GEN 37:8	Mewö jiiga möta darumunurupŋan Josefköra kewö jiget: “Gi neŋgöreŋ kiŋ kembuya akanak me? Gi ölŋa galöm köl neŋgimamgöra mötzan me?” Josefnöŋ gaunŋi eka miaŋgö kösohotŋi jiyöhi, miaŋgöra yeŋgö uruŋinan kunbuk toroqeba öngöiga kazik keta bölökŋi möt waŋgiba malget.
1094	GEN 37:10	Kösohotŋi mi iwiŋi aka darumunurupŋi jii mötketka iwiŋan tembula kewö jim waŋgiyök: “Gi gaun tandökŋi mewöŋi mi denöwögöra ekzane? Ni, namgi aka darumunurupki neŋön mönö denöwö aka göhöreŋ kaba jemesoholge simin köla gölmenöŋ bamgöbinak?”
1099	GEN 37:15	Sekem gölmenöŋ aŋgota gölme köröŋe köna jaruba laŋ anda maliga azi kunŋan miwikŋaiba eka kewö qesim waŋgiyök: “Gi wani yuaia jaruba maljan?”
1114	GEN 37:30	Malukuŋi munjurata munurupŋi yeŋgöreŋ liliŋgöba kaba kewö jiyök: “Morö gwabönöŋ mönö denike ayapköba sohoza? Yei! Miaŋgö keuŋan nöŋgö qakne öŋgöiga mönö denöwö akileŋak?”
1136	GEN 38:16	Iranŋa taröhi, mi qahö möt kutuyöhaŋgöra aka köna jitŋe yaŋgöreŋ anda kewö jiyök: “Ölöp kanöŋga nöŋön göbuk ahöbit. “Mewö jiiga möta kewö qesiyök: “Nömbuk ahömanaŋgö töwaŋi mönö wani yuaia niŋgiman?”
1137	GEN 38:17	Mewö qesiiga kewö jiyök: “Ni nani kambunöhök meme moröŋi gwaböŋi kun albi göhöreŋ kama. “Mewö jiiga kewö qesiyök: “Mi mutuk qahö kaba kaŋgoriga keugahö ölŋi akŋawaŋgö yuai kun mi niŋgiman me qahö?”
1138	GEN 38:18	Mewö qesiiga kewö jiyök: “Nöŋgö keunaŋgö ölŋi akŋawaŋgö yuai kun mi mönö wani yuaia gihibileŋak?” Mewö jiiga kewö meleŋnök: “Köpep supapkan qetki mekötahömakzani, mi, miaŋgö kösö wötŋi aka öröpki börögan memba kinjani, mönö mia niŋgiman. “Mewö meleŋniga yuai mi waŋgiba yambuk ahöiga gölöm alök.
1141	GEN 38:21	Qahö miwikŋaiba Enaim azi tosatŋi kewö qesim eŋgiba jiyök: “Jöwöwöl jikegö köna ketaŋi ambinöŋ Enaim kiaŋgöreŋ köna göraŋe taröhi, mi denike?” Mewö jiiga kewö meleŋda jiget: “Ambi mewöŋi kun mi kiaŋgöreŋ qahö malök.”
1159	GEN 39:9	Mewö ahöiga miri kiaŋgö uruŋe i aka ni netkö kukösumniran mönö öröröŋ ahöza. Göŋön anömŋi akzanaŋgöra gi aŋgön köl niŋgiyökmö, yuai tosatŋi kun mi nöŋgöra qahö aŋgön kölök. Miaŋgöra nöŋön denöwögöra aka ahakmeme bölöŋi kötökŋi mewöŋi mi aka miaŋön Anutu qetala siŋgisöndok akileŋak?”
1180	GEN 40:7	Mewö tarohotka Farao kiŋgö jembon yahötŋi yetkön Josefkö ketaŋamŋaŋgö kösö mire yambuk mohotŋe tarohori, i kewö qesim etkiyök: “Iŋiri merak denöwögöra jemesoholŋiri wösöbirikjeje uba tatzahot?”
1181	GEN 40:8	Qesim etkiiga kewö meleŋda jiyohot: “Niri nanŋök nanŋök gauniri ekzitmö, mietkö könaŋiri mi daŋön jii mötpirak?” Mewö jiyohotka Josefnöŋ kewö jiyök: “Anutunöŋ mönö gaungö könaŋini jiji Toŋi akzapmö, ölöp töndup gaunŋiri jiyohotka mötmam.”
1260	GEN 42:7	Mewö bamgögetka Josefnöŋ daturupŋi eŋgeka möt kutum eŋgiyökmö, könaŋamŋi köyatim eŋgiba kian azigö tandök ak eŋgiba örömureim keu könöpŋambuk jiba kewö qesim eŋgiyök: “Iŋini mönö denikepköra kazeye?” Qesim eŋgiiga kewö meleŋget: “Nini Keinan gölmenöhök nene söŋgöröŋi membingöra kazin.”
1281	GEN 42:28	Mi eka darumunŋi kewö jii mötket: “Eket, nöŋgöreŋ moneŋ mi mönö meleŋda torune utketka kinja. “Mewö möta wösöŋini juliga aurum tililiŋgöba aŋgeka kewö jiget: “Anutunöŋ mönö wani yuaia ki ak neŋgizawe?”
1297	GEN 43:6	Mewö jiiga Israelnöŋ kewö jiyök: “Iŋini mönö wanigöra munŋini kun maljawi, keu mi azi miaŋgö jiget möröhaŋgöra ni urulömböt ketaŋi niŋgize?”
1298	GEN 43:7	Mewö jiiga kewö meleŋda jiget: “Azi miaŋön nini aka könagesöurupnini eŋgöra törörök qeqesi könaŋi könaŋi neŋgiba kewö jiyök, ‘Iwiŋinan jebuk malja me qahö? Darumunŋini kun malja me qahö?’ Mewö jiyöhaŋgöra qeqesiŋi mi neŋön ölŋanök jiba meleŋnin. Yaŋön könaŋgep munini waŋgita kamegöra jibawak, mi mönö qeljiŋe nalö miaŋgöreŋ denöwö mötpinak?”
1318	GEN 43:27	Bamgöba wahötketka jölöŋini jiba denöwö maljei, qesim eŋgiba kewö jiyök: “Iwiŋini azi namŋaŋgö jigeri, yaŋön denöwö malja? Toroqeba jebuk malja me qahö?”
1320	GEN 43:29	Mewö aketka jeŋan ui anda kaiga munŋi Benjamin, nanŋi namŋaŋgö nahönŋi mi eka kewö qesim eŋgiyök: “Munŋini qöndökŋaŋgö jigetka mörali, yaŋön mönö ki akza me denöwö?” Qesim eŋgiba toroqeba kewö jiyök: “Nahöni, Anutunöŋ mönö ak kömum gihiiga malman.”
1340	GEN 44:15	Bamgögetka Josefnöŋ kewö jiyök: “Iŋini mönö wani siliha mi akzeye? Azi ni ewöŋan mönö ölöp unju memba yuai yoŋgorö megetka mi miwikŋaimakzali, iŋini mi qahö mötze me?”
1353	GEN 44:28	Datŋan nömosöta anda sohoiga kewö jial, “Sömbup kalŋan mönö yöhöqöhöi kömumbawak me denöwö?” Nalö miaŋgöreŋök könahiba i qahö ehal.
1362	GEN 45:3	Josefnöŋ sahöta kinda darumunurupŋi mi kewö jii mötket: “Ni Josef! Iwinan tok jebuk malja me qahö?” Mewö jii mötketmö, darumunŋan uruŋinan kot gwözöŋniga aurum tililiŋgöba jeŋe öne kinda keu kun qahö mötmöriba meleŋ waŋgibingö osiget.
1424	GEN 47:3	Eŋgeka kewö qesim eŋgiyök: “Iŋini wani nuwa memakze?” Mewö qesim eŋgiiga kewö meleŋ waŋgiget: “Welenqeqeurupki neŋön iwiurupninan mutuk malgeraŋgö dop lama bulmakau galöm kölköl nupŋi memba mala maljin.”
1429	GEN 47:8	Kötuetköm waŋgiiga kewö qesim waŋgiyök: “Göhö yambugi dawik akza?”
1460	GEN 48:8	Israelnöŋ mewö jiba Josefkö nahönyahötŋi etkeka kewö qesim waŋgiyök: “Azi moröŋi yahöt ki daŋön daŋön?”
7156	RUT 2:5	Mewö qetketka Boaznöŋ nup galimŋi muewö qesiyök: “Anbi mihi dahön?”
7161	RUT 2:10	Mewö zöiga Rutnöŋ mihi möta balöŋnöŋ gewa bamgöwa Boazköra muewö zöyök: “Ni denöwököra kian mala tondup göhö jege halkomukomu miwikŋaiwiga mewö köyan köl niŋgizan?”
7183	RUT 3:9	Hauruwa qesim waŋgiyök: “Gi dahön?” Qesim waŋgiiga muewö meleŋnök: “O ketaŋamni, ni Rut, göhö welenqeqe anbia. Göhön nangi isikaŋgö sohopŋi meme aiwia halzan. Miaŋgöra Juda engö ambamemeŋini wuataŋgöwa ni ölip galim köl niŋgiwa esugan turum niŋgiman.”
7190	RUT 3:16	Rutnöŋ mewö taonöŋ anda iranŋaŋgöreŋ aŋgoriga muewö qesiyök: “O böratni, denöwö mala kazan?” Mewö qesiiga Boaznöŋ yaŋgö iwai patpat halöhi, miaŋgö sundutŋi zöi mörök.
22608	JON 1:8	Asuhuiga jiget kaiga kewö qesim waŋgiget: “Ayuayuhu ki mi dagöt siŋgisöndokörap aka neŋgöt qaknine öŋgözawi, gi möp miaŋgöt könaŋi jinöŋga mörin. Gi wanat nuwa memakzan? Gi waniŋeyök kazan? Göhöreŋ kantri mi waniŋe aiga göhöreŋ könagesöurupki mi waniŋe malje?”
22610	JON 1:10	Yaŋön börö osikosibuk niŋgiiga nöŋön mi tököba Kembugöt jemesoholŋeyök ölöŋ köla kazal.” Mewö meleŋniga azi yeŋön mi möt yaköba gwötpuk awöwöliba kewö jiba jim waŋgiget: “Yei! Gi möp wuanöŋgörap mewö akzane?”
22611	JON 1:11	Köwet mi toroqeba bölim köhöiba ahöyök. Miaŋgörap yeŋön kewö qesim waŋgiget: “Nini möp denöwewö ak gihiinga köwetnöŋ giŋ qebawak?”
22641	JON 4:4	Mewö ulerökmö, Kembunöŋ kewö meleŋ waŋgiyök: “Jona, gi ak-kömukömugörap irimsesewöl mötzani, mi dop köljap me qahöp?”
22646	JON 4:9	Mewö jiyökmö, Anutunöŋ Jonagörap kewö jiyök: “Gi ölunölungörap irimgi seholizawi, mi dop köljap me qahöp?” Mewö jiiga kewö meleŋ waŋgiyök: “Irimni seholizawi, mi möp dop köljawa. Nöŋgöt irimsesewölni mi ketauŋi aiga urunan kude amörimap. Miaŋgörap ölöp kömumam. Keu mi ölŋap.”
23242	MAT 2:4	Aurugetka kiŋ Herodnöŋ keu ala könagesögö jike nup galöm bohonŋi aka Köna keugö böhi pakpak köl öröm eŋgii kaget. Kaba tokogetka kewö qesim eŋgiyök, “Amötqeqe Toŋi Kraistnöŋ mönö denike asuhumapköra jigetka ahöza?”
23245	MAT 2:7	Mewö meleŋ waŋgigetka mötkutukutu azi mi ölöŋ eŋgoholi kagetka kewö qesim eŋgiyök, “Undiŋi mönö wani nalönöŋ asuhui könahiba eket?” Miaŋgö könaŋi törörök mötmamgö möta mewö qesim eŋgiyök.
23275	MAT 3:14	Qesiyökmö, Jonöŋ qetal waŋgiba kewö jiyök, “Göŋön ölöp ni o melun mem niŋgibanakmö, göŋön siŋgisöndok qahö aka mönö denöwögöra nöŋgöreŋ kazan?”
23434	MAT 8:20	Mi möta Jisösnöŋ kewö jii mörök, “Arökŋaŋgö kiam yeŋön köteŋine ahögetka könakemba nei yeŋön öŋgot jajöŋini memba malakzemö, Suep gölmegö azi ölŋan mönö denike anda nöröpŋi wani qömböŋnöŋ nariba luhut membawak?”
23440	MAT 8:26	Mewö jigetka meleŋda kewö jim eŋgiyök, “O iŋini mötnaripŋini morörökŋi, mönö wuanöŋgöra keŋgöt mötmöt azia akze?” Mewö jiba wahöta luhut aka siri jim qetal etkiiga sirinöŋ nöŋ qeba ahöyök.
23443	MAT 8:29	Yetkön Jisös miwikŋaiba silata kewö qet gigilahöyohot, “Aek! Gi Anutugö Nahönŋi akzan. Gi mönö denöwö ak neŋgimamgöra kazan? Sihimbölö mötmöt nalöŋan qahö kam kuŋguiga qeljiŋe mi könöpŋambuk ak neŋgimamgö ki kazan me?”
23454	MAT 9:6	“Mötket, gölmenöŋ siŋgisöndok mosötmosötkö kukösumŋi mi Suep gölmegö azi ölŋaŋgöreŋ ahözawi, iŋini miaŋgö könaŋaŋgöra jaŋjuŋ malbepuk. Miaŋgöra keu lömbötŋi mi azi kiaŋgöra jibi ölŋi eket.” Mewö jiba azi sile likepŋi kömukömuŋaŋgö jeŋe eka jiyök, “Gi mönö wahöta tumbulahöpki memba mirige anöŋ. Keu lömbötŋi mi ölŋambuk akŋa ewö, keu awamŋi mi mönö mewöyök denöwögöra omaŋi akawak?”
23462	MAT 9:14	Nalö miaŋgöreŋ Jon O-melun azigö gwarekurupŋi yeŋön Jisösgöreŋ kaba kewö qesiget, “Neŋön aka Farisi (Köna keugö kapaŋkölköl) yeŋön Anutugöra nene siŋgi gwötpuk malahakzin. Nangi gwarekurupkan mönö wuanöŋgöra nene siŋgi qahö malje?”
23476	MAT 9:28	Mewö qerohotka miri kungö uruŋe öŋgöiga jegömöl azi yetkön Jisösgöreŋ kayohotka kewö qesim etkiyök, “Jeŋiri mem tohomamgö kukösumŋi nöŋgöreŋ ahözawi, mi möt narizahot me qahö?” Qesim etkiiga kewö meleŋ waŋgiyohot, “Kembuniri, mi ölöp möt narizit.”
23531	MAT 11:3	Kewö qesim waŋgimahotköra melaim etkii anda jiyohot, “Mem ölöwak azi kamapköra mambörakzini, göŋön mia akzan me azi kun biaŋ kamapköra mambötpin?”
23560	MAT 12:2	Negetmö, Farisi (Köna keugö kapaŋkölköl) tosatŋan mi eka Jisös kewö jiget mörök, “Mötnöŋ, göhö gwarekurupkan mönö Sabat kendongö nup meme soŋgoŋi oŋgitze?”
23568	MAT 12:10	Miaŋgöreŋ azi böröŋi sosoholiŋi kun tarök. Ambazipnöŋ Jisös keu jakeŋe al waŋgibingöra kewö qesim waŋgiget, “Azi Sabat kendonöŋ möhamgöba Köna keu oŋgitpin me qahö?”
23581	MAT 12:23	Uba ehiga ambazip kambu pakpak yeŋön mi eka auruba Jisösgöra jiget, “Azi kiaŋön mönö Deiwidkö gwölönarökŋi akza me?”
23606	MAT 12:48	Keu mi jii mörökmö, yaŋgöra meleŋda kewö jiyök, “Nöŋgö namni daŋön? Nöŋgö munurupni mi daŋön?”
23618	MAT 13:10	Mewö jiiga gwarekurupŋan kaba Jisös kewö qesim waŋgiget, “Gi mönö wuanöŋgöra ambazip yeŋgö ‘Keu jimam,’ jiba dopkeunöŋ ala jimakzan?”
23659	MAT 13:51	Jisösnöŋ söpsöp keu mi jim teköba kewö qesim eŋgiyök, “Keu pakpak jizali, mi möt asarize me qahö?” Qesim eŋgiiga meleŋda “Oŋ!” jiget.
23664	MAT 13:56	Nenurupŋan mönö körek sutnine ki malje. Miaŋgöra yuai pakpak ki mönö denikeyök memba kaba akza?”
23697	MAT 14:31	Qeriga Jisösnöŋ miaŋgöreŋök böröŋi böraŋda Pitögö böröŋe memba kewö jiyök, “Mötnaripki morörökŋi. Mönö wuanöŋgöra uruyahöt akzan?”
23704	MAT 15:2	“Göhö gwarekurupkan wuanöŋgöra köna walöŋda ambösakoninaŋgö silikŋini qeze? Yeŋön mönö böröŋini saŋgoŋda dom-amöt qahö qeba töndup könahiba nene neze?”
23714	MAT 15:12	Mewö jii mötketka gwarekurupŋan kaba kewö qesiget, “Farisi (Köna keugö kapaŋkölköl) yeŋön keu mi mötket eŋgui uruŋinan bölizawi, mi mötzan me qahö?”
23735	MAT 15:33	Mewö jii gwarekurupŋan meleŋda kewö jiget mörök, “Gölme qararaŋkölkölŋe kiaŋgöreŋ neŋön mönö denikeyöhök numbu nene gwötpuk miwikŋaiba ambazip kambulelembe ki gumohom eŋgibinak?”
23736	MAT 15:34	Mi möta Jisösnöŋ kewö qesim eŋgiyök, “Eŋgöreŋ beret dawik ahöza?” Qesim eŋgiiga “Beret 7 aka söra moröŋi tosatŋi ahöza,” jiget.
23748	MAT 16:7	Jiiga keu pasetŋi mi qahö möt asariba sutŋine kewö eraum mötket, “Nini beret qahö memba kazin. Miaŋgöra jiza me denöwö?”
23754	MAT 16:13	Jisösnöŋ Sisaria Filipai taongö kösutŋe anda miaŋgöreŋ gwarekurupŋi kewö qesim eŋgiyök, “Ambazipnöŋ Suep gölmegö azi ölŋi nöŋgöra denöwö jimakze? Ni niŋia akzal?”
23756	MAT 16:15	Mewö jigetka kewö qesim eŋgiyök, “Aka nanŋinak nöŋgöra denöwö jize? Ni niŋia akzal?”