885	GEN 31:11	Nöŋön gaun ekiga miaŋgöreŋ Anutugö garata kunŋan nöŋgöra ‘Jeikob!’ qerök. Mewö qeriga ‘Ki kinjal,’ jiba meleŋnal.
7153	RUT 2:2	Nalö kunöŋ Moab anbi Rut yaŋgön iranŋi Naomikö muewö ezöyök: “Ölip zöm tekönöŋga nöŋgön nup kunöŋ anda anbazip bali ipŋi kohola iriremönŋi mosoramjei, mihi qendaŋda tokomam. Ni ölip aiwi kungö jeŋe eksihim miwikŋaiwiga ‘Oŋ!’ zöiga ölip yaŋgö andöŋe anda mihi tokomam.” Mewö zöiga Naominöŋ zöyök: “O böratni, ölip anman.”
23340	MAT 5:37	Jöjöpaŋ keu kude jimemö, oŋ-keugöra mönö ‘Oŋ!’ jime aka qahö-keugöra ‘Qahö!’ jime. Keu diŋdiŋi miaŋgöreŋ keu yuai toroqemei, mi mönö Bölöŋaŋgö Toŋan sölölöhöm eŋgii asuhuma.” Mewö.
25010	LUK 1:48	Nöŋön welenqeqe ambi etqeqeŋi maljalmö, Anutunöŋ töndup mesohol köla ak kömum niŋgiza. Mötnöŋ, ambazip kambuŋi kambuŋi merak könahiba asuhumei, yeŋön mönö nöŋgöra ‘Simbawoŋ!’ jiba möpöseim niŋgiba malme.
25239	LUK 6:24	Iŋini simbawoŋ maljemö, pomŋi sukinapŋinambuk iŋini malmal siyoŋsayoŋi qahö maljei, mi teköma. Miaŋgöra nöŋön eŋgöra wölziköba ‘Yei!’ jizal.
25240	LUK 6:25	Nalö kewöŋe nem timbireŋ maljei, iŋini mönö wösöŋini ali (buörö) bödi malme. Miaŋgöra nöŋön eŋgöra wölziköba ‘Yei!’ jizal. Nalö kewöŋe sösöŋgai aka gön köljei, iŋini mönö amburereŋ aka sahötme. Miaŋgöra nöŋön eŋgöra wölziköba ‘Yei!’ jizal.
25241	LUK 6:26	“Ambösakonurupŋinan kezapqetok ambazip takapulakaŋi jim möpöseim eŋgiba malget. Ambazip pakpak miaŋgö dop ak eŋgigetka nöŋön eŋgöra wölziköba ‘Yei!’ jizal.” Mewö.
25445	LUK 10:13	“O Korazin toŋi, nöŋön eŋgöra ‘Yei!’ jiba sahötzal aka Betsaida toŋi, eŋgöra mewöyök ‘Yei!’ jiba sahötzal. Nöŋön yeŋgöreŋ anbiga keuni jibi sösönihii aŋgöletotni kukösumŋinambuk asuhugetmö, uruŋini töndup qahö meleŋget. Aŋgöletot mi kian gölmenöŋ Taiö aka Saidon sitinöŋ asuhubeak ewö, yeŋön mönö nalö köröpŋi uruŋini meleŋbingö kaisösöpŋi kondela dodohonöŋ aŋgömiriba kau ariba sahötpeak.
25516	LUK 11:42	“O Farisi ambazip, lömböt qakŋine öŋgözawaŋgöra mönö wölziköba ‘Yei!’ jizal. Iŋini nene pakpak mendeŋda bahöŋi 10 miaŋgöreŋök mohot Anutugö buŋaya qemakze. Gipŋi, supe aka yöha könaŋi könaŋi mi mewöyök meŋdeŋda tenöhök mohot mi Anutugö buŋa qemakze. Naluk mi törörök alakzemö, Köna keugö kötŋi bohonŋi ki mönö oŋgita mosörakze: Gi Anutu uru könömgan jöpaköm waŋgiman aka ambazip sutŋine ahakmeme diŋdiŋi wuataŋgöba malman. Keu bohonŋi mi mönö kapaŋ köla wuataŋgöba malme aka keu morömorö mi mewöyök kude oŋgita mosötme.
25517	LUK 11:43	“O Farisi, lömböt qakŋine öŋgözawaŋgöra mönö wölziköba ‘Yei!’ jizal. Iŋini köuluk mire dum tatat mutukŋe jegep tatpingö sihimŋi mörakze. Maketnöŋ me könanöŋ ambazip eŋgeketka jölöŋini jimegö mörakze.
25518	LUK 11:44	O iŋini, lömböt qakŋine öŋgözawaŋgöra wölziköba ‘Yei!’ jizal. Iŋini qaksiri qetŋini qahö miaŋgö dop akze. Ambazipnöŋ qamöt wörönŋambuk denike ahözawi, mi qahö möta qakŋine laŋlaŋ tiba yuai dönqizinŋambuk oseiba tölohomakze.” Mewö.
25520	LUK 11:46	Mewö jiyökmö, Jisösnöŋ keu kewö jiyök, “O Köna keugö böhi, eŋgö qakŋine mewöyök lömböt öŋgözawaŋgöra wölziköba ‘Yei!’ jizal. Iŋini keuŋi keuŋi jim kutuba miaŋgö könjöŋ lömbötŋi ambazip qakŋine alagun algetka mi tem kölbingö lömböriiga jaraŋbaraŋ ahakzemö, nanŋinak i kesötŋinan borom kun bauköm eŋgibingö wösömötmötŋini kun qahö ahöza.
25521	LUK 11:47	“O iŋini, lömböt qakŋine öŋgözawaŋgöra mönö wölziköba ‘Yei!’ jizal. Iŋini kezapqetok ambazip yeŋgö qaksirinöŋ simen koum memba meŋölömakzemö, nanŋini ambösakonŋinan mönö i eŋguget kömuget.
25526	LUK 11:52	“O Köna keugö böhi iŋini, lömböt qakŋine öŋgözawaŋgöra mönö wölziköba ‘Yei!’ jizal. Iŋini Anutugö mötmöt membingö naŋgu ki moröŋi mi ambazip eŋguaŋgita aŋgön köl eŋgimakze. Nanŋinak miaŋgö uruŋe qahö aŋgotket aka tosatŋan miaŋgö uruŋe aŋgotpingö akzei, iŋini i jöhöba aŋgön köl eŋgiba malget.”
25721	LUK 17:1	Jisösnöŋ gwarekurupŋi keu kewö jii mötket, “Bölöŋaŋgö supatitikŋan mönö awamŋanök asuhumakza. Kunöŋ supatitik aŋgön kölmamgö osimakzapmö, kun daŋön tosatŋi kölgorom ak eŋgiiga siŋgisöndok akŋei, yaŋgöra mönö wölziköba ‘Yei!’ jizal. Sihimbölö öŋgöŋgöŋan mönö yaŋgö qakŋe öŋgöma.
25736	LUK 17:16	Möpöseiba Jisösgö könaŋe geba sipköba simin köla ‘Saiwap!’ jiyök. Azi mi Samaria azia. Juda yeŋön Samaria prowinsgö ambazip yeŋgöra mötketka eretŋi ahakzapma.
25955	LUK 22:22	Ölŋa, Anutunöŋ jim kutuyöhi, Suep gölmegö azi ölŋan mönö miaŋgö dop gölme mosöta anma. Anmapmö, mamalolo mem waŋgimawi, yaŋgöra mönö wölziköba ‘Yei!’ jizal. Anutunöŋ mönö likepŋi öŋgöŋgöŋi meleŋ waŋgima.”
26633	JHN 11:41	Mewö jiiga köt qililiŋgöget aniga Jisösnöŋ eu ui öŋgöiga kewö jiyök, “Iwi, gi köulukni mötzanaŋgöra aka ‘Pipsaiwap!’ jim gihizal.
26712	JHN 13:13	Iŋini nöŋgöra ‘Böhi!’ aka ‘Kembu!’ mewö noholakze aka nöŋön mi ölŋa akzal. Miaŋgöra mi dopŋe jimakze.
29795	1TI 2:12	Ambi eŋön azi galöm köla kusum eŋgimegöra nöŋön ‘Oŋ!’ qahö jizalmö, tokogetka ösöŋ keu bök tatme.