606	GEN 24:14	Kakella kadang, mni agu yéél di satu sawang libun, na mangu kadang di kenen, ‘Fakay kè ku beg agu minum di tibudam?’ Na ku manan kadang, ‘Hae, fakay ge minum, na agu smulu du finumgu dad kamélam.’ Fye ku ani moon i ilè kenen i tanalékam yaan i lifanam Isaak. Na ku gdohò ani kadang, gadègu tagdohò nan i fakangam di amugu Abraham, na tafitem kenen i kakdom landè kgilin.”
631	GEN 24:39	“Kafnge én, smalek agu mangu, ‘Kaflingengu dun, ku là mayè magin dini kadang i libun teengu?’
632	GEN 24:40	Na ani timelan dagu, ‘Dwata i Amu i galgu nimen, faginan i kasaliganan malak ge di kagum, du fye kenen mlé kafye gukel i nagum. Na gweam kadang i libun nimò yaan i tingàgu ditù di dad gutambulgu na i gaked i màgu.
633	GEN 24:41	“‘Kabay di kakelam ditù di dad gakedgu na ku là ale flinge ge, na ku làla faloh i libun fagin ge dini, balù laam dnohò i fakangam di deg.’ Ani gman amugu Abraham di deg.
634	GEN 24:42	“Na di duh ani gine, di kakelgu di ktufa, dmasal agu di Dwata, mangu, ‘E, Dwata i Amu, Dwata i amugu Abraham, ku fakay di ge, begam banlé kafye gukel i nagugu ani.
637	GEN 24:45	“Di là agu fa fnge dmasal di Dwata, takel Rébéka tmiang i tibudan salu ditù di ktufa du smulu. Na di kuléan fdu di ktufa mangu di kenen, ‘Libun, begam agu fninum.’
638	GEN 24:46	“Na kaklingen i kafnigu kenen, gasilan nwè i tibud tniangan gine, na manan, ‘Minum ge sa, na lêman agu smulu du finumgu i dad kamélam.’ Taman minum agu, na fninuman i dad kamél.
735	GEN 27:7	Na man maam di kenen, ‘Ditù ge di bnas na dmulak ge deg, na tnagam kadang én ktaga i toogu kayè, na nebem dini di deg du knaangu. Kafngegu kmaan, mni agu di Dwata, du fye mlé kenen kafye di ge. Ani kayègu nimò di là agu fa mati.’ Ani gman maam.
933	GEN 32:5	Na mdek Dyékob, manan, “Di kakelyu kadang, ani manyu di flanekgu Isaw i nafègu, manyu, ‘Deg sa Dyékob i lifanam. Di klon ani, ditù gumnègu di saféd i fàta Laban, na là agu gulê di banweta kel ani.
947	GEN 32:19	tooyu tnimel kadang manyu, ‘I dad lmanaf ani nfun i lifanam Dyékob. Feben i kdee ani du blén ge. Na tadéén i flanekam Dyékob di fulé.’”
949	GEN 32:21	ani tooyu man di kenen, ‘I lifanam Dyékob tadéén di fulé!’” Ani sa i kated Dyékob dale gine, du man i nawan, “I kdee blégu i febegu muna, gaflaneb moon i nawan. Na di ksitemi kadang, nlifetan moon i salàgu di kenen.”
1284	GEN 42:31	Kabay tnimelmi, ‘Ise gami i dad gal meye, du landè sasè duenmi salu dini.’
1286	GEN 42:33	Kabay man i gubirnador di gami, ‘Ani i nimògu, du fye gadègu ku glut i manyu ku là. Satu di gamu bnilanggù dini, na i dademe gamu mulê, na mebe gamu fali bnayadyu, du fye là mati malayyu di kalnus.
1298	GEN 43:7	Tmimel ale, “I duenmi tmulen kenen, du fnadlugan snalek gablà di gami na i dad malaymi. Snalekan, manan, ‘Mto fa kè i màyu sadni? Na nun fa dademe flanekyu?’ Tatì alò tnimelmi i dad salekan. Làmi sa fandam ku manan gami too fagin i twalimi ani samfulê di kenen.”
1329	GEN 44:4	Di là ale fa too mawag di banwe én, man Dyosif di saligan, “Faflal ge, laloam ale. Na di kgumaham dale tulenam dale i mangu ani, manam, ‘Tan kè duenyu malas sasè di kafye mgimò i ganlal di gamu?
1352	GEN 44:27	“Kafnge én, man i màmi di gami, ‘Gadèyu, alò lwe dad ngàgu lagi mdà di satu yaangu Rakél.
1368	GEN 45:9	Na faflal gamu mulê di màgu, na ani manyu kenen, ‘Ani i man i tingaam Dyosif, tafagot Dwata deg i klamang banwe Idyif. Mà, faflal ge salu dini di deg.
1456	GEN 48:4	Hae, du manan di deg, ‘Toota ge fbel, du fye i dad belam mgimò i bong lumbuk i dad to, na blégu dale tanà ani, na nfunla kel di landè sen.’ Ani gman Dwata di deg.
1472	GEN 48:20	Taman di duh én, fadlug kenen mni di Dwata kafye di dad fuan ani, manan, “Gamu dagit i gafaldam i dad belgu, kadang satu duh, di kafnila kafye, manla, ‘Kayèmi ku ge Dwata mlé gami kafye salngad i kablém ku Ifraim na Manasas.’ ” Fagu di manan én, fdatah Dyékob Ifraim di twegen Manasas.
1512	GEN 50:5	‘Di kagu màgu mati, fakanggu di kenen lbanggu kenen ditù di gulambang tafalan fatlagad aye di Kanaan. Taman, ku fakay di ge moon, salu agu ditù du lambang agu ku Mà, na lê agu sa samfulê dini.’ ”
1524	GEN 50:17	katedan gami, ku gami tmulen di ge i gmanan, na ani manan, ‘Begam nlifet i salà i dad flanekam mgimòla di ge di muna.’ Taman tabyà, begam nlifet i salà mgimòmi di ge, gami dad salig i Dwata, Dwata i maam.” Na di kaklinge Dyosif i kmanla, mngel kenen.
1593	EXO 3:13	Man Mosis, “Ku salu agu di dad bel Israél na mangu dale, i Dwata fnangamfù dad gutambulla i mdek deg di dale, na ku smalek ale deg, manla, ‘Simto kè i dagitan?’, na tan sa i timelgu dale?”
1598	EXO 3:18	Fadlug talù Dwata di ku Mosis, manan, “Di kaklinge i dad ulu i dad bel Israél i manam, too ale kadang flinge ge. Kafnge én, faginam ale kadang salu di harì di Idyif. Na ani i manyu kenen kadang, manyu, ‘Dwata i Amu, i Dwata fnangamfù dad Hibru, tamsut di gami. Na tabyà, faloham gami beg salu di banwe gulandè to, i tlu butang nagu, du damsù gami di kenen.’ Én manyu kadang di ku Faraon.
1603	EXO 4:1	Kabay tmimel Mosis, manan, “Kaflingengu dun, ku i dad bel Israél là faglut dagu, demen là flinge i mangu dale, na balingla man, ‘E, là lmen Dwata msut di ge.’ Ku ani manla tan sa i kibògu?”
1624	EXO 4:22	Kafnge én, manam ku Faraon, ‘Agu Dwata i Amu, mangu, tamgalékgu i dad bel Israél mbaling dad togu, na mabtas ale di deg, salngad i kabtas i tingà lagi sangal twege.
1634	EXO 5:1	Kafnge i kastulenla di dad tua di dad bel Israél, Mosis na Aron salu di ku Faraon, harì di Idyif, na manla, “Tabyà di ge, ani i man Dwata i Amu, i Dwata fnangamfù dad bel Israél, manan, ‘Faloham i dad togu salu di banwe gulandè to, du damsù na mangamfù ale di deg.’ ”
1662	EXO 6:6	Taman tnulenam ale i mangu, manam, ‘Agu Dwata i Amu, na falwàta gamu di falel i dad to Idyif. Falwàta gamu mdà di kaglifanyu di dale. Nsògu gamu di agotla, fagu di bong gnagangu i gfitegu, na fanlayamgu ale.
1702	EXO 7:16	Na manyu di kenen, manyu, ‘Dwata i Amu, i Dwata fnangamfù dad to Hibru, mdek gami dini di ge, du stulen di ge, fye faloham lamwà dini i dad ton, fye mangamfù ale di kenen di banwe gulandè to. Kabay kel ani là ge mayè flinge.
1712	EXO 7:26	Na talù Dwata i Amu di ku Mosis, manan, “Samfulê gamu di ku Faraon na manyu di kenen i mangu ani, manyu, ‘Ani i man Dwata i Amu, “Faloham i dad togu lamwà, du fye mangamfù ale di deg.
1731	EXO 8:16	Na kafnge ani, talù lêman Dwata i Amu di ku Mosis, manan, “Fayah too flafus, lêmanam snite Faraon di ksalun di yéél, na manam di kenen, manam, ‘Ani man Dwata i Amu, “Faloham i dad togu lamwà di banwe ani, du fye fakay ale mangamfù di deg.
1733	EXO 8:18	“ ‘ “Kabay i tanà Gosén, i gumnè i dad togu, làgu fakuf di kaflayam ani. Hae, du landè langad i febegu di dale. Nimògu ani, du fye gadeam agu, Dwata i Amu, mimò ani dini di banwe Idyif.
1744	EXO 9:1	Kafnge én, lêman talù Dwata i Amu di ku Mosis, manan, “Lêman gamu salu di ku Faraon i harì, na tulenyu i mangu ani, manyu, ‘Ani man Dwata i Amu, i Dwata fnangamfù dad to Hibru, manan, “Faloham i dad togu lamwà di banwe ani, du fye fakay ale mangamfù di dagu.
1756	EXO 9:13	Na fadlug talù Dwata i Amu di ku Mosis, manan, “Fayah flafus salu ge di ku Faraon, na manam di kenen ani, ‘Ani man Dwata i Amu, Dwata fnangamfù dad to Hibru, manan, “Faloham i dad togu lamwà di banwe ani, du fye fakay ale mangamfù di dagu.
1781	EXO 10:3	Taman salu Mosis na Aron ku Faraon na manla di kenen, manla, “Ani man Dwata i Amu, i Dwata fnangamfù dad to Hibru, manan, ‘Tay sa, bong klom là fdanà i ktom di deg. Faloham i dad togu lamwà di banwe ani, du fye fakay ale mangamfù di dagu.
1815	EXO 11:8	Na kadang i kdee dad ganlalam ani, salu di deg na lkuad ale, du fakdo ale di deg, na manla kadang, ‘Tabyà, lamwà ge di banwemi ani, na faginam i dad to gal mlalò ge.’ Én man i dad ganlalam kadang, na kafnge én mdà agu di banwe ani.” Di klo Mosis talù ani, too sè i kaflabean, taman mdà kenen tmagak i harì.
1844	EXO 12:27	tulenyu di dale, ‘Ani damsù gami di Dwata i Amu, du ani i gufaldammi i kagliusan di knè i dad toito di banwe Idyif. Hae, du nliusan sa i dad gumnè i dad bel Israél, na laan fakuf di kfatin i kdee dad lagi sangal twege di dad to Idyif.’ Ani i tulenyu kadang di dad ngàyu.” Kagman Mosis ani, lkuad i dad bel Israél, du fnangamfùla i Dwata.
1964	EXO 16:16	Lêman talù Mosis, manan, “Ani i dek Dwata i Amu gito, gablà di knaan ani, na ani dunan, ‘Di kukuyu knaan ani ntukyu i kalbong knaan kat man satu gamu di sdu, na nukuyu alò salfang di kdeeyu di satu lawig, mdadong nam sufa kat to di sdu.’ ”
2031	EXO 19:4	Manam di dale, manam, ‘Tateenyu i mgimògu di dad to Idyif, na lêyu teen ku tan i bong gnagangu, di kebegu gamu di deg, gambet i kebe i malbang anuk di bnas i imfisan di fafakan.
2074	EXO 20:22	Di kagdadong Mosis di Dwata, man Dwata i Amu, “Tnulenam dad bel Israél ani, ‘Tagadèyu agu sa i talù di gamu mdà di langit.
2447	EXO 32:8	Too ale mlal samyat mdà di dalan i gumdekgu flalògu dale, na mgimòla i alung i satu tingà baka mdà di tnunal blawen. Na i alung baka gumangamfùla na gudamsùla, na gmanla, ‘Gito dad bel Israél, ani dwataito, ani i gamgebe gito lamwà di banwe Idyif.’
2462	EXO 32:23	Mugak ale di deg, manla, ‘Laito gadè ku tan i mkel di ku Mosis, i to i mebe gito lamwà di banwe Idyif, taman mimò ge gami dad dwata, du fye nun mebe gami.’
13956	PSA 2:7	Na man i harì mgalékan, “Tulengu i gman Dwata di deg. Én i gmanan di deg, ‘Ge i tingàgu, na di duh ani tafdatahta ge du tafgadègu agu i maam.’
13957	PSA 2:8	Man Dwata, ‘Mni ge di deg na bléta ge i kdee banwe; gfunam i kdee di tah tanà.
15395	PSA 89:5	‘Làgu faloh ku tlag i kagotam; nun di belam nimògu harì kel di landè sen.’ ” Én i man Dwata di harì mgalékan.
15417	PSA 89:27	Na manan di deg, ‘Ge i Màgu na Dwatagu; ge i guflidunggu, na ge i Falwà deg.’
15530	PSA 95:10	Fat falò fali klo i kalbutgu i dad to én, na gmangu, ‘Dale i dad to fasyat i nawala; là ale mayè mimen i dad knayègu.’
15531	PSA 95:11	Taman tatoo agu flabè na ani fakanggu na toogu dnohò, gmangu, ‘I dad to ani, talà ale nan gfusuk di banwe gufaftudgu moon dale.’ ” Én man Dwata.
23244	MAT 2:6	‘Ge Bétléhém, i tukay lunsud di banwe Dyudiya, balù too tukay ge too mdatah ge di kdee banwe di Dyudiya, du déén di ge kadang gumdà i satu ulu, na kenen mifat i dad togu, dad bel Israél.’ ”
23264	MAT 3:3	Na Dyan ani i santulen Dwata fagu di tugadan Isaya di muna fa, manan, “Nun to tamlo di banwe landè to mnè déén, manan, ‘Fatlagadyu i dalan i Amu, na tanluyu i gumagun.’ ”
23270	MAT 3:9	Nangyu man, ‘Balù ku là gami msal là gami gakuf di flayam blé Dwata, du gami bel Abraham.’ Tulengu gamu i kaglutan, balù mdà di dad batu ani gagan Dwata mimò bel Abraham ku kayean tamlas gamu.
23282	MAT 4:4	Kabay tmimel Dyisas, manan, “Nun gsulat di Tnalù Dwata, manan, ‘Ise ku alò knaan gamto i to, bay lê gamto i kat talù man Dwata.’ ”
23284	MAT 4:6	Na manan di kenen, “Ku ge Tingà Dwata, na kamyaf ge mdà dini, du nun gsulat di Tnalù Dwata, manan, ‘Dek Dwata i dad kasaliganan mifat ge. Snilungla ge i dad kmalla, du fye là gtudà di batu i bliam.’ ”
23285	MAT 4:7	Kabay tmimel Dyisas, manan, “Nun lê gsulat di Tnalù Dwata, manan, ‘Nangam tnilew Amum Dwata.’ ”
23288	MAT 4:10	Kabay tmimel Dyisas, manan, “Nang ge dini Satanas! Gsulat di Tnalù Dwata, ‘Fnangamfuam Amum Dwata, na kenen alò i nimenam.’ ”
23324	MAT 5:21	Na fadlug Dyisas tamdò, manan, “Talingeyu i gal tdò di dad to di muna fa, manan, ‘Nang gamu manò, na ku simto manò, nebeyu di gumukum du fye nukum.’
23325	MAT 5:22	Kabay ani mangu fa di gamu, balù simto to flabè i demen to gablà nukum di gal gumukumyu. Na lêman i to smilo i demen to, gablà nukum di dad mdatah mukum. Na lêman i to ku manan, ‘Landè kamu ge,’ du mdà di kalbutan satu to, gablà kenen fanlayam Dwata di lanaw lifoh.
23330	MAT 5:27	Na fadlug Dyisas tamdò, manan, “Talingeyu i gal tdò manan, ‘Nang ge mlafà i yaanam.’
23334	MAT 5:31	Na man Dyisas fa, “Na nun gal tdò di muna fa, ‘Balù simto to mkah i yaanan, là fakay ku laan blé di kenen i fafil gugmadè takahan kenen.’
23336	MAT 5:33	Na fadlug Dyisas tamdò, manan, “Talingeyu i gal tdò di dad to, manan, ‘Ku smafà ge, nang tmulen kéng, bay toom dnohò i fakangam di Dwata.’
23340	MAT 5:37	Kabay di ktimelyu ku mayè gamu, manyu ‘hae’, na ku là gamu mayè, manyu ‘là’, du ku smafà gamu fa én ksafà tnùyu fdu di ku Satanas.”
23341	MAT 5:38	Na man Dyisas fa, “Talingeyu i gal tdò di dad to, manan, ‘Ku nun to fatduk i satu matayu, fatdukyu satu kenen mata. Na ku nun to falmo satu kifanyu, lêyu falmo satu kifanan.’
23346	MAT 5:43	Na fadlug Dyisas tamdò, manan, “Talingeyu i gal tdò di dad to, manan, ‘Kandom i dad demem sgalak, na knangam nawa,’ kun, ‘i dad to dmuen ge.’
23382	MAT 6:31	Taman nangyu fsamuk nawayu, na nangyu man, ‘Tanè gumwèmi i knaanmi? Tanè gumwèmi ninummi? Tanè gumwèmi klawehmi?’
23389	MAT 7:4	Na kan ku manam, ‘Nwègu kun i fulingam,’ na blaam nun bong bateng di ge mata.
23406	MAT 7:21	“Di kdee dad to tamlo deg, ‘Amu,’ là ku i kdeela gfusuk di kagot Màgu di langit. Én alò gfusuk i dad to mimen i knayean.
23407	MAT 7:22	Di kakel i duh kukum kadang, dee dad to fakdo di deg, manla, ‘E Amu, làmi kè tdò i Tnalù Dwata, na fagu di dagitam falwàmi dad busaw, na gamgimò gami i dee tnikeng.’
23408	MAT 7:23	Kabay én mangu di dale, ‘Làta gamu dilè. Fawag gamu di deg, du gamu dad to mimò sasè.’
23453	MAT 9:5	Nè i too malima man, ‘Maglifet i salaam,’ ku demen, ‘Tadag ge na magu?’ Salngad sa, du slame alò Dwata gmagan mimò dun.
23461	MAT 9:13	Na tooyu fandam i gumtatek i man Dwata ani, ‘Ise ku én toogu knayè i kabléyu dsù, bay én toogu knayè i kakdoyu i demeyu to.’ Na ise ku én duengu salu dini du fanngabalgu dad to tlu du fsalgu di dad salàla, bay dad to gamsalà i fanngabalgu.”
23493	MAT 10:7	Na di kaguyu, tamdò gamu, manyu, ‘Tamdadong nan i kagot Dwata.’
23498	MAT 10:12	Na di kyakyu di gumnean manyu di dad to déén, ‘Fye ku i ktanak nawa mnè di gamu.’
23538	MAT 11:10	du Dyan ani i to gman Dwata di Tnaluan, manan, ‘Dekgu i saliggu muna di ge, du fatlagad i dalanam na fgadè i kakelam.’
23545	MAT 11:17	‘Tamalandag gami i lingag i kasdeme, bay là gamu sayew. Na lingagmi i lingag kalbang, bay là gamu mngel.’
23546	MAT 11:18	Salngad én i ksalu Dyan dini, gal kenen fwasa na là minum binu, bay là ale mayè na balingla man, kun, ‘Tabnusaw kenen.’
23547	MAT 11:19	Na agu, i dnagit Tingà To, salu agu dini na kmaan na minum, na én manla, kun, ‘Neyeyu i to ani, tyan kenen na gal flangal. Na i dademen sgalak, dunan i dad sasè to gal mwè bayad buhis na i dad to gal mlafà i flalò Dwata.’ Én manla, bay i gumiteyu na i nimò satu to mdà di kfulung Dwata, di ulê i nimoan.”
23565	MAT 12:7	Ani man di Tnalù Dwata, ‘Ise ku dsù lmanaf i knayègu, bay kasakdo.’ Ku glabatyu ani làyu moon dnalam i dad to landè salà,
23602	MAT 12:44	manan di kton, ‘Samfulê agu di tagnè gumnègu.’ Na kakelan di to tagnè gumnean, teenan landè mnè ditù na tamlaneb na maftifas.
23622	MAT 13:14	“Én man Dwata fagu di tugadan Isaya tagdohò di dad to ani, du manan, ‘Balù too gamu flinge, knean là gamu gamlabat, na balù too gamu meye, là gamu mite,
23635	MAT 13:27	“Na salu i dad salig i mfun i fule di kenen, na manla, ‘Amu, too fye kè i bnê sabulito di nligom taman nè gumdà i dad bnas ani?’
23636	MAT 13:28	“Na tmimel i mfun, manan, ‘Nun to mnang nawa deg smabul bnas ani.’ Na smalek ale lêman, manla, ‘Mayè ge kè ku nsòmi i dad bnas ani?’
23637	MAT 13:29	“Kabay manan, ‘Bayàyu nsò i dad bnas, ken balingyu gakuf nsò dad fule.
23706	MAT 15:4	Du ani flalò Dwata, ‘Nafèyu i màyu na yêyu,’ na ‘Ku simto to talù sasè gablà di maan ku demen yéan fnati.’
23707	MAT 15:5	Nlafàyu sa du én balingyu tdò, ku nun tabeng fan blé satu to di dad tuan, na fakay kun, ku manan, ‘I fangu tabeng gamu tagablégu di Dwata.’
23710	MAT 15:8	‘I dad to ani mafè deg bay alò di bàla, bay too mawag i nawala di deg.
23743	MAT 16:2	Kabay ani timel Dyisas, manan, “Ku fan sdaf i duh na too fulè i langit, galyu man, ‘Too fye tanà fayah.’
23744	MAT 16:3	Kabay ku taflafus na fulè i langit, manyu, ‘Sasè tanà kadang du fulè i langit na labnang.’ Fulung gamu meye dad ilè di langit du fye gadèyu kagkah i tanà, bay là gamu fulung meye i dad ilè gugmadèyu i nimò Dwata di bang ani.
23752	MAT 16:11	“Kan kè i duenyu là gamlabat na ise ku btal fan i mangu? Én mangu dunan ani, ‘Tooyu fangeye i gambet falnok fan dad Farisi na Sadusi.’ ”
23789	MAT 17:20	Na man Dyisas di dale, “Du là gablà i kafaglutyu. Tulengu gamu i kaglutan, balù tukay i kafaglutyu salngad kalbong i too tukay bnê mustasa gaganyu man di bulul ani, ‘Mili ge ditù!’ Na mili sa! Ku gambet én i kafaglutyu gaganyu mimò balù i tan!
23822	MAT 18:26	“Kabay lkuad i salig di muna i amun du too fakdo, manan, ‘Amu, begam fantahà nawam di deg du bnayadgu i kdee utenggu.’
23824	MAT 18:28	“Kabay di kalwà i to én, gsitongan satu di dademen salig nun tukay uteng di kenen. Di kiten kenen, fanlangan manan, ‘Bnayadam i utengam!’
23825	MAT 18:29	“Na lkuad i salig ani di munan na fakdo kenen, manan, ‘Begam fantahà nawam di deg du bnayadgu di ge.’
23828	MAT 18:32	“Kaklinge i harì dun, fatlon i salig tafalwaan na manan di kenen, ‘Too ge sasè salig! Tanlifetgu i kdee utengam du fakdo ge di deg.
23836	MAT 19:5	manan, ‘Ani duen i lagi lamwà di ifat i maan na yéan na mnè di saféd i yaanan du i lwe to ani mgimò satu?’
23865	MAT 20:4	taman manan di dale, ‘Mimò gamu di tanàgu, na tnadengu gamu i gablà tadenyu kadang.’
23867	MAT 20:6	Na di fan kasdaf i duh, lamwà kenen lêman na teenan dademe to tì tadag déén, na manan, ‘Tan duenyu tadag dini tayud i duh landè nimòyu?’
23868	MAT 20:7	“Na manla, ‘Hae, du landè to fimò gami.’ “Na manan di dale, ‘Na ku én, mimò gamu di tanàgu.’
23869	MAT 20:8	“Na di kasdaf i duh, man i mfun i fule di to magot i taden, manan, ‘Tlom i dad to mimò, na tnadenam ale. Funam tnaden i dad to fulé tambù mimò, na fafulém dad guna mimò.’
23873	MAT 20:12	Manla, ‘I dad to gfulé tambù, alò satu uras klola mimò, bay fsalngadam ale di gami, blaam tatayud i duh mimò gami di bong kinit.’
23874	MAT 20:13	“Na tmimel kenen, manan di satu di dale, ‘Flanek, làta gamu nlangong. Ise én kè tagnè kastulenta di katbuam mimò, i tagnè taden di sduh i tadengu ge?
23898	MAT 21:3	Na ku nun to smalek gamu, manyu, ‘Nun gukmamu i Amu dun.’ Na gasilan fulê di gamu kadang i dongki na tingaan.”