28	GEN 1:28	Kafnge én, nun kafye blén di dale, na manan, “Mbel gamu, du fye nun dad belyu mnè na mebe i klamang tanà. Gamu sa fagotgu i dad nalaf di mahin na yéél, na dad anuk di bnas gal mayeng, na i dad kdee dad lmanaf i mnè di tah i tanà, dad mnalam na dad mlayal.”
34	GEN 2:3	Taman nun kafye gmanan gablà di gfitun duh, manan, “Nimògu duh ani too mabtas.” Gmanan ani, du i duh ani tatlag di kdee nimoan.
44	GEN 2:13	Dagit i galwe yéél dunan Gihon, na maloh di klamang banwe dnagit Kus.
103	GEN 4:23	Na man Lamék di lwe yaanan, “E, Adah na Silah, flinge gamu deg dad yaangu, na ani i mangu di gamu. Gfatigu i lagi du bnunalan agu. Du là too tua i lagi munal deg, too nun galan, knean tagfatigu kenen.
270	GEN 11:3	Na kafnge én, stulen i dad to én, manla, “Gasil ito nan santifun i fitak na fkafagito di luben, fye mbaling too kmegeng na mgal, du fye nun imoito gumnè.” Na du landè too batu di banwe atù, én baling santifunla fitak na fkafagla na fnadkatla i sfaltu.
328	GEN 13:9	Neyem, too mabal i tanà ani. Fye fa baling ku stani ite mnè. Ge malék i tanà i kayeam. Na ku nalékam i tanà gsen di ibeng, mili agu di tanà gsen di kwanan. Ku nalékam i tanà gsen di kwanan, mili agu di tanà gsen di ibeng.”
329	GEN 13:10	Too neye Lat i klamang tanà, na teenan i datal tanà mdadong di yéél Dyordan kel di banwe Sor, slame too fye tanà, du too nun yéélan salngad baweh di kafye baweh i banwe mgimò Dwata di muna fa, na salngad baweh i banwe Idyif. Di bang atù là fa falmo Dwata i banwe Sodom na banwe Gomora.
338	GEN 14:1	Na di bang atù, Amrafél i harì di banwe Sinar, Ariok i harì di Élasar, Kadorlaomar i harì di Élam, na Tadal i harì di Goyim.
339	GEN 14:2	Na i dad harì ani, sasatu fandamla sfati di lime dademe harì, dunan Bara harì di Sodom, Birsa harì di Gomora, Sinab harì di Adma, Sémébér harì di Séboyim, na harì di Béla, na i satu dagit i banwe én dunan Sor.
345	GEN 14:8	Na fasfulê ito di dad lime harì gine di banwe Sidim. Na i dad harì ani mdà di dad banwe Sodom, Gomora, Adma, Séboyim, na Béla dunan Sor, na i dad sundalula, fatlagad ale di kasfati déén di datal tanà mdadong di Sidim.
346	GEN 14:9	Na dad dademe harì sanfatila dunan Kadorlaomar i harì di Élam, Tadal i harì di Goyim, Amrafél i harì di Sinar, na Ariok, i harì di Élasar. Taman dad lime harì sanfati i dad fat harì ani gine.
347	GEN 14:10	Na i datal tanà mdadong di Sidim ani dee dad sol i nun too sadkat. Na di kila i dad harì di Sodom na Gomora du fisan ale, nun dademe i dad sundalula baling ale mtatek di dad sol ani, na i dademe gila di dad bulul.
348	GEN 14:11	Kafnge én, i dad fat harì gladla kdee knun, na balù i kakaan di banwe Sodom na Gomora, na mdà ale.
358	GEN 14:21	Kafnge én, man i harì di Sodom, “Ge sa mfun i kdee nfunmi, i gweam di dad harì gladla mdà di gami. Kabay fuléam alò di deg i kdee dad togu.”
382	GEN 15:21	Amori, Kanaan, Girgasi, na Dyébusi.”
395	GEN 16:13	Na én kdagit Hagar i Dwata i Amu i talù di kenen, dunan, “Ge i Dwata i mifat deg.” Manan ani du snalekan di nawan, manan, “Teengu kè gine Dwata i mifat deg?”
409	GEN 17:11	Ge sa ftulì, du én i ilè i fakangta ge.
445	GEN 18:20	Kafnge én, man Dwata i Amu di ku Abraham, “Too dee tmulen di deg gablà di dad to di dad banwe Sodom na Gomora. Too blat kun i dad salàla.
482	GEN 19:24	Kakelan ditù, fulen Dwata i sandawà i too dminè mdà di langit di dad banwe Sodom na Gomora.
486	GEN 19:28	Na neyen ditù di gusablà i dad banwe Sodom na Gomora, na di klamang datalan, na teenan i bong mgat buk salu tah mdà di tanà, gambet i buk di bong ntam fnuluk too mgat.
550	GEN 22:2	Na man Dwata, “Gadègu toom kando Isaak, du kenen alò i tingaam di ku Sara. Kabay faginam, na salu gamu ditù di banwe dnagit Moraya. Ditù di banwe atù fitegu ge i satu bulul, na ditù gumatim kenen, na sduléam snakuf du dsuam di deg.”
729	GEN 27:1	Kafnge en, di taktoo tua Isaak na talaan mite, fngén i tingaan twege Isaw na manan di kenen, “Tingàgu.” Tmimel Isaw, na manan, “Gani agu Mà.”
938	GEN 32:10	Kafnge én, dmasal Dyékob di Dwata, manan, “Ge sa Dwata fnangamfù i fùgu Abraham, na i màgu Isaak. E, Dwata i Amu, tagmanam di deg samfulê agu di banwegu na di dad gakedgu, na fakangam deg nun blém deg kafye.
945	GEN 32:17	Na faslumbuk Dyékob i dad lmanaf ani, na nun dad lifanan fifatan i kat lumbuk. Na manan di dad lifanan ani, “Gamu i muna, na kat lumbuk stadol, bay beg gamu sawag.”
969	GEN 33:8	Na lêman smalek Isaw, manan. “Gsitonggu gine too dee dad lmanaf, i tan i gukmamum dun?” Tmimel Dyékob, “Flanekgu, blégu ge du fye ken kandom agu, na too ge lehew moon smite deg.”
1100	GEN 37:16	Na tmimel Dyosif, manan, “Fanngabalgu i dad flanekgu. Gadeam kè ku nè gusablà guftebla i dad lmanaf?”
1109	GEN 37:25	Kafngela mimò dun ani, di slengla kmaan, teenla dad to sbayad i dad bel Ismaél, mlius déén fdu di banwe Galaad. Na nun lulenla dad fablila di tah dad kamélla, dad anag, na dad bulung mdà di kayu, du nebela di banwe Idyif.
1185	GEN 40:12	Na man Dyosif, “Gadègu i gumtatek i knam ani, na ani i dunan, i tlu fanga gumtatekan tlu duh.
1314	GEN 43:23	Na tmimel i salig ani, manan, “Nangyu fsamuk i nawayu, na nang gamu likò. I Dwata fnangamfùyu na i màyu i too mkah kè filak di lam sakuyu. Gamu sa mfun dun, du tagamdawat agu sa i filak bayadyu fali.” Kafnge én, fafngé i salig ani Simyon mdà di bilanggù, na faginan déén di dale.
1332	GEN 44:7	Kabay tmimel ale, manla, “Tabyà, tulenam gami tan kè duenam mangman ani? Gami i dad lifanan, là gami sa mimò én, làmi sa tnaku i tabù i ganlal.
1333	GEN 44:8	Gafaldamam sa kè i kasfulêmi di banwe Kanaan, i filak teenmi di lam i dad sakumi fulêmi sa. Taman tan ku mayè gami tmaku i salafì ku demen blawen di gumnè amum?
1352	GEN 44:27	“Kafnge én, man i màmi di gami, ‘Gadèyu, alò lwe dad ngàgu lagi mdà di satu yaangu Rakél.
1369	GEN 45:10	Fnèta ge dini di banwe Gosén, du fye kdeeyu mdadong di deg, balù ge, dad ngaam, na i dad fuam, na i dad kambingam, i dad bilibilim, i dad bakam, na i kdee nfunam.
1370	GEN 45:11	Na agu sa mifat gamu ku dini gamu di Gosén. Du nun fa lime fali gdè kbitil ani, na kayègu ku dini ge mdadong di safédgu, du fye ge, na dad malayam, na i dad lmanafam là mati di kalnus.’ Ani i manyu kadang di ku Mà.”
1415	GEN 46:28	Na fsalu Dyékob i tingaan Dyuda muna ditù di ku Dyosif, du fatdoan i dalan salu di Gosén. Na di kakella mdadong nan di Gosén,
1416	GEN 46:29	smakay Dyosif i snakayan fadyol i kudà, na salu di Gosén, du snitongan maan. Na di kakelan, lkafan i maan na too mlo mngel.
1421	GEN 46:34	tooyu man di kenen, gamu i dad lifanan, gamu gal mifat i dad bilibili mdà fa di tingà gamu fa, salngad tamgimò i dad gutambulyu di muna. Ani manyu di kenen, du fye i gufnean gamu dini di Gosén, du dad to mnè di Idyif ani knangla dad to mifat bilibili.”
1422	GEN 47:1	Kafnge én, fagin Dyosif lime di dad flanekan, na salu ale ditù di harì. Man Dyosif di kenen, “Takel nan i màgu na dad flanekgu mdà di Kanaan, gagin di dale dad bilibilila na dademe dad lmanafla na i kdee dad nfunla. Na déén ale nan di Gosén.” Kagmanan ani, neben i dad lime flanekan di muna i harì.
1425	GEN 47:4	Salu gami dini du kayèmi moon flo mnè dini, du too sasè i kbitil di banwe Kanaan, du balù i dad lmanafmi landè gumtebla nan. Na taman ku beg fakay di ge, gami dad lifanam, begam gami fnè di Gosén.”
1427	GEN 47:6	Na du ge i magot i klamang banwe Idyif, fneam ale di Gosén, du nun too fye tanà ditù. Na ku nun dad to di dale too fulung mifat dad lmanaf, fifatam ale i dad lmanafgu.”
1448	GEN 47:27	Na i dad bel Dyékob, i satu dagitan Israél, tamnè di banwe Gosén di Idyif, na matnù i nfunla, na too ale mbel.
1467	GEN 48:15	Kafnge én, mni di Dwata kafye ku Dyosif, manan, “E, Dwata, ge sa i Dwata lalò i fùgu Abraham na i màgu Isaak. Ge i Dwata malak dagu mdà di tukay agu kel i ani.
1468	GEN 48:16	Ge i kasaligan i falwà dagu mdà di kdee dad fsasè dagu. Taman kayègu ku lê ge mlé moon kafye di dad sawang lagi ani. Na kayègu ku i dagitgu na i dagit i fùgu Abraham na i màgu Isaak, too magdengeg mdà di dad fùgu ani. Na lêgu kayè ku toom ale fbel di tah tanà ani.”
1472	GEN 48:20	Taman di duh én, fadlug kenen mni di Dwata kafye di dad fuan ani, manan, “Gamu dagit i gafaldam i dad belgu, kadang satu duh, di kafnila kafye, manla, ‘Kayèmi ku ge Dwata mlé gami kafye salngad i kablém ku Ifraim na Manasas.’ ” Fagu di manan én, fdatah Dyékob Ifraim di twegen Manasas.
1515	GEN 50:8	Na magin kenen i malayan, i dad flanekan, na i dad malay i maan. Alò i dad malnak dad ngàla, dad bilibilila, dad kambingla, na i dad bakala là magin, bay mtagak di Gosén.
1518	GEN 50:11	Na di kite i dad to di Kanaan i kaflidùla déén di gumlék fali di Atad, manla, “I dad to di Idyif too ale mlidù.” Taman i banwe gumimòla dun ani dnagitla Abél Misraim na i gumtatekan dunan, “I guflidù i dad to di Idyif.” Gumimòla ani di faltù di yéél Dyordan.
1537	EXO 1:4	Dan, Néftali, Gad, na Asér.
1577	EXO 2:22	Kafnge én, mngà Sifora lagi na dnagit Mosis ku Gérson, du manan di nawan, “Dnagitgu kenen Gérson, du agu satu to alò gbat di banwe ani.”
1587	EXO 3:7	Na kafnge én, man Dwata i Amu, “Tateengu i kaflayam i dad togu, i dad bel Israél, ditù di banwe Idyif. Na talingegu i dalongla, na i kafnila di dagu tabeng, du fye galwà ale di falel i dad to guglifanla. Gadègu too ale maflayam, na too mlidù i nawagu dale.
1644	EXO 5:11	Gamu i mngabal lami balù nè i gumngabalyu, bay làmi sa nsud i nimòyu. I kdee nimòyu di muna di kablémi gamu lami, én i kdee nimòyu ani.”
1648	EXO 5:15	Na i dad to Hibru, i fagotla i dademela bel Israél, salu di ku Faraon, du fakdo ale di kenen, manla, “Gumdatahmi, kan ku tananuam i nimò i dad lifanam?
1733	EXO 8:18	“ ‘ “Kabay i tanà Gosén, i gumnè i dad togu, làgu fakuf di kaflayam ani. Hae, du landè langad i febegu di dale. Nimògu ani, du fye gadeam agu, Dwata i Amu, mimò ani dini di banwe Idyif.
1769	EXO 9:26	Alò i tanà di Gosén, i gumnè dad bel Israél, i là nulen dad lbatù tno.
1794	EXO 10:16	Na gasil fngé Faraon Mosis na Aron, na manan di dale, “Gamsalà agu di Dwata i Amu, i Dwatayu, na balù di gamu.
1828	EXO 12:11	Gambet ani kakaanyu dun. Lsakyu i klawehyu, i lafin blìyu, na magot gamu i tugadyu, na faflal gamu kmaan, du là sa mlo mdà gamu magu. Na i dagit i kakaan ani dunan, Duh Kaglius Dwata i Amu.
1854	EXO 12:37	Na tamdà i dad bel Israél magu mdà di syudad Rameses di Gosén salu di Sukot. Na nam latu libu i kdee i dad lagi, na nun fa dee libun na dee dad ngà, lamwà di banwe Idyif.
2192	EXO 24:14	Di là fa mdà man Mosis di dad tua i dad bel Israél, manan, “Fatanyu gami dini kel di kasfulêmi. Gani sa Aron na Hur i dademeyu, na ku nun kasbulawyu, ale sa smafye gamu.”
2443	EXO 32:4	Nwean i dad ulel di dale, na tnunalan na kokan di gumimò dun, na fagu ani mgimoan i alung tingà baka. Kafnge én, man i dad to, manla, “Gito dad bel Israél, ani i dwataito, ani i gamgebe gito lamwà di banwe Idyif.”
2447	EXO 32:8	Too ale mlal samyat mdà di dalan i gumdekgu flalògu dale, na mgimòla i alung i satu tingà baka mdà di tnunal blawen. Na i alung baka gumangamfùla na gudamsùla, na gmanla, ‘Gito dad bel Israél, ani dwataito, ani i gamgebe gito lamwà di banwe Idyif.’
2469	EXO 32:30	Na di tmadol duh, man Mosis di dad to, “Gamgimò gamu i too blat salà. Kabay lêman agu mnagad di bulul, ditù di Dwata i Amu, du kengu gagan stulen di kenen, na nlifetan moon i salà mgimòyu di kenen.”
7161	RUT 2:10	Na di kaklinge Ruth i gman Boas, lkuad na kudung di blian, du fdanaan i kton di kenen, na manan, “Tan kè duenam too fafye deg? Gadeam sa kè, ise agu to mdà di banwe ani.”
7186	RUT 3:12	Glut deg sa gaked i tewem lagi i tamati, na là fakay ku làta ge nifat, bay nun fa satu to i too mdadong i kgaked i tewem dun di deg.
13949	PSA 1:6	Gadè Amuito Dwata i gumagu i dad to matlu, na nalakan ale di dalanla, bay i dalan gumagu i dad to sasè déén di gumalmola.
13956	PSA 2:7	Na man i harì mgalékan, “Tulengu i gman Dwata di deg. Én i gmanan di deg, ‘Ge i tingàgu, na di duh ani tafdatahta ge du tafgadègu agu i maam.’
13969	PSA 3:8	Gasil ge, Amugu! Falwaam agu Dwatagu! Du ge falmo i dad to dmuen deg gambet kasféam i kakim dad lmanaf fan makét, na gambet katfoam i kifanla fye landè mgimòla.
13972	PSA 4:2	E Dwata, i msen deg di katlu nimògu, tnabengam agu di katlogu ge. Ge i gal falwà deg di kaflayamgu, taman begam agu kando na fanlingem i dasalgu.
13973	PSA 4:3	Gamu dad to, kel di kilen dé i kafalmoyu i fye dagitgu? Fadlug gamu dé di sasè nimòyu landè gukelan, di kbelyu i kakakéng gablà di deg?
13975	PSA 4:5	Gablà moon ku nun klikòyu, na nang gamu fadlug mimò sasè. Too gamu fanak na fandamyu ani, balù fa déén di gumilèyu.
13982	PSA 5:3	Ge i Harìgu na Dwatagu, fanlingem i kafnigu di ge, du alò ge i gudmasalgu.
13984	PSA 5:5	Gadègu ge i Dwata landè ayè i sasè nimò, na laam faloh ku nun sasè to mnè di safédam.
13987	PSA 5:8	Kabay agu, fakay agu fusuk di gumneam du mdà di bong kakdom landè kgilin. Déén di gumangamfù di ge, di Bong Gumneam, fdanàgu i ktogu di ge gagin i klikògu.
14045	PSA 9:14	Taman begam agu kando, Amugu Dwata, na fandamam i kagkahgu, du fanlayam agu i dad to mnang nawa deg. Ge i falwà deg di fati,
14048	PSA 9:17	Gadeito i katlu Dwata fagu di kukuman dad to, bay gakfè i dad to sasè fagu di dale sasè nimò.
14066	PSA 10:14	Mite ge sa, Dwata. Teenam sa i klidù na kaflayam dad to mdanà, na fanlayamam i dad mlayam dale. Ge i gusmalig i dad mdanà to, hae, du too ge mayè tmabeng i dad to landè kibòla tmabeng i ktola.
14100	PSA 15:1	E Amugu Dwata, simto gablà mnè di Bong Gumneam? Simto gablà mnè di bulul gumneam?
14106	PSA 16:2	Mangu di Amugu Dwata, “Ge i gumdatahgu; landè fye gfungu ku ise mdà di ge.”
14115	PSA 16:11	Ge i tamdò deg i dalan mfun falami nawa; i kafdadongam, én gumdà ksikof i klehewgu, na i dad tabengam gumdà i kafye landè gusenan.
14225	PSA 22:5	Ge i gusmalig dad gutambulmi; smalig ale di ge na falwaam ale di kaflayamla.
14240	PSA 22:20	Kabay ge, Amugu Dwata, nang ge fawag di deg, du alò ge gumgal i nawagu. Gasil ge tmabeng deg!
14265	PSA 24:7	Lanwayu i gufusuk i Mdatah Harì! Na tooyu lanwa dad labi takab i Bong Gumnè Dwata! Fafusukyu i too Mdatah Harì!
14267	PSA 24:9	Lanwayu i gufusuk i Mdatah Harì! Na tooyu lanwa dad labi takab i Bong Gumnè Dwata! Fafusukyu i too Mdatah Harì!
14306	PSA 27:4	Satu fnigu di Amugu Dwata i toogu knayè, dunan toogu kayè mnè di Gumnè Dwata di klogu mto; na di klogu mnè ditù kayègu ku toogu fandam i bong kafye Amugu Dwata, na fnigu moon ku nalakan agu.
14307	PSA 27:5	Du ku nkel agu i samuk, kenen i kamlung deg, too fye kbunin deg di lam i Bong Gumnean; gambet fnean agu di bong mdatah batu du fye landè gamgagot di deg.
14308	PSA 27:6	Fdatahan agu na là gnumah agu i dad to dmuen samlibut di deg, én duengu too mkit di klehewgu; na blégu i dsùgu di Amugu Dwata di Bong Gumnean, na mlingag agu dmayen kenen.
14311	PSA 27:9	Nang ge fawag di deg, na nangam fanlabè na fbayà i saligam ani. Ge i gal tmabeng deg di kdee gnagugu, taman nangam agu knagol na nangam agu tnagak, du alò ge i falwà deg, Dwata!
14379	PSA 32:5	Kafnge én, dnawatgu i dad salàgu; talàgu nan buni i dad gugasyatgu di knayeam. Gmangu, “Tulengu i salàgu di Amugu Dwata.” Na mdà én tanlifetam i kdee sasè mgimògu.
14400	PSA 33:15	Glabatan i kdee mnè di lam i fandamla du kenen i mimò dale, na gadean i kdee mgimòla.
14500	PSA 37:29	Gfun i dad to matlu i banwe fakang Dwata dale, na én i gumnèla kel di landè sen.
14562	PSA 40:14	E Amugu Dwata, falwaam agu di dee gamsamuk deg ani! Gasilam agu tnabeng!
14582	PSA 42:2	Gambet i kalinum i uhe i yéél maloh, salngad ani i kalinumgu ge Dwata.
14583	PSA 42:3	Gambet too agu malau ge i too mto Dwata. Kilen kè lêman i kafdadonggu di ge du mangamfù agu?
14585	PSA 42:5	Too sè i klidù nawagu di kagafaldamgu i fye nimògu di muna, di kagingu fa i dee to salu ditù di Bong Gumnè Dwata. Agu i tukè muna di dale di kagumi na too lehew kdeemi; klomi magu mlingag gami na mkit dmayen na mlé fye di Dwata.
14595	PSA 43:3	Tuyalam deg i kalwam fye teengu i dalangu, na i kaglutam i malak deg na mebe deg samfulê di Bong Gumneam déén di bululam, Sion.
14647	PSA 46:5	Nun gumdà klehew di syudad Dwata Too Mdatah na di lam i Gumnean salngad di satu bong yéél landè gumtin.
14740	PSA 51:17	E Gumdatahgu, nweam i kyàgu talù, na toogu fdengeg i kafyem.
14890	PSA 63:3	Tagafdadong agu di ge déén di Bong Gumneam, na tateengu i bong enegam na kafyem.
14915	PSA 65:5	Too nun kafye di gami i dad to tanalékam na fdadongam du fneam di gustifun dad to mangamfù di ge! Na i too gafnò nawami i kdee kafye di Bong Gumneam.
14918	PSA 65:8	Ge fafanak i uni dad mahin, i luk i dad malbang lwek, na ksugak i dad to.
15258	PSA 80:2	E ge i Mifat Dad Bel Israél, i malak dad to Dyosif gambet i kalak satu mifat dad bilibilin, begam gami fanlinge. Ge i sudeng di gusudeng i mdatah harì di tah i dad kafbaweh dad sérubim, fitem i kdataham na i bong knengam.
15262	PSA 80:6	Gambet én knaan blém gami i lwakmi, na too fnò i tabù i lwak finumam gami mdà di klidù nawami.