1305	GEN 43:14	Na dmasal agu di Dwata Too Mtulus, du fye too nun kakdo i ganlal gamu, na falohan moon i twegeyu Simyon na Bénhamin magin gamu mulê. Kabay ku ani kfagu Dwata mwè i dad ngàgu ani di dagu, kaman sa!”
1584	EXO 3:4	Kabay teen Dwata i Amu, i kafdadongan. Taman tamlo Dwata kenen mdà di lam i kayu ani, manan, “E, Mosis!” Na tnimel Mosis, manan, “Hae, dini agu.”
1638	EXO 5:5	I dad toyu, i bel Israél, too dee ale fa di dad to Idyif, na kayèyu kè fatlag i nimòla? Là fakay!” Én man i harì.
2463	EXO 32:24	Taman fnigu di dale ku nebela di deg i dad kasla blawen, na i dad nun kas blawen nwèla na bléla di deg, na batgu di lifoh, na tay, tamsut sa i tingà baka!”
14565	PSA 40:17	Kabay i dad to mayè fdadong di ge, fye ku flehew ale di kafyem, na i kdee to lehew mdà di kafalwaam dale, na fye ku là tlag i kdayenla ge na galla man, “Too mdatah Amuito Dwata!”
15920	PSA 116:4	Na taman tamlo agu du ftabeng agu di Amugu Dwata, mangu, “E Amu, fakdogu di ge, begam agu falwà!”
15926	PSA 116:10	Balù gmangu, “Too sè kaflayamgu ani!” knean tafadlug agu di kafaglutgu.
22626	JON 2:10	Kabay deg, kadang mlingag agu dmayen ge, na mangamfù agu di ge fagu di kadsùgu, na dnohògu i fakanggu di ge, du i kagalwà mdà alò di ge Dwata i Amu!”
23439	MAT 8:25	Taman fdadong dad mlalò kenen, du nukatla, manla, “E Amu, tnabengam gami! Tafan ito galnab, mlimas ito kadang!”
23543	MAT 11:15	Taman flinge gamu ku nun klingeyu!”
23617	MAT 13:9	Taman flinge gamu ku nun klingeyu!”
23673	MAT 14:7	Taman makang kenen di libun sayew, na smafà, manan, “Balù tan i fnim, blégu ge!”
23692	MAT 14:26	Kabay di kitela kenen tatì magu di tah lanaw, too ale likò. Manla, “Lmagol sa atù!” Na mkit ale mdà di klikòla.
23693	MAT 14:27	Kabay gasil talù Dyisas di dale, manan, “Fangalyu nawayu du agu sa ani. Nang gamu likò!”
23696	MAT 14:30	Kabay kagalyalon kbal i nus, talikò kenen, na takagun galnab mkit kenen, manan, “E Amu, tnabengam agu!”
23699	MAT 14:33	Na i dademen di lam i aweng, mangamfù ale di kenen, na manla, “Too glut kadì ge i Tingà Dwata!”
23725	MAT 15:23	Kabay là tmimel Dyisas, taman fdadong i dad gal mlalò kenen, na fnila, “Tabyà, blém di kenen i fnin, du fye mdà kenen du toon ito sanlalò na too mugak!”
23735	MAT 15:33	Na man dad gal mlalò kenen, “Nè gumwèmi knaan di banwe ani gablà fkaan i kdee dad to ani. Fye ku nun to mnè dini!”
23774	MAT 17:5	Na di slengan fa talù, maglimun ale i labun too mneng, na nun talù mdà di labun, manan, “Ani i tingàgu toogu kanbong nawa, na too fye i nawagu kenen. Flinge gamu kenen!”
23892	MAT 20:31	Na dee to mngak dale, na manla dale fanak. Kabay baling matnù kakitla, manla, “E Amu, Bel Harì Dabid begam gami kando!”
23904	MAT 21:9	Na tamlo i dad to di muna Dyisas, na tmimel dad to di fulé, manla, “Dnayenito i bel Harì Dabid. Too nun kafye i to salu dini mebe i glal Amuito Dwata. Dnayenyu Dwata kdeeyu mnè di tah langit!”
23908	MAT 21:13	Na manan di dale, “Tagsulat di Tnalù Dwata, manan, ‘Én gukmamu i Gumnègu gal gudmasal,’ bay tabalingyu nimò gumnè i dad to tmaku!”
23910	MAT 21:15	Kabay too flabè i dad ulu i dad bà di Dwata na dad tamdò i flalò blé Dwata fagu di ku Mosis di kitela i dad tnikeng nimò Dyisas, na di kaklingela i kit dad ngà di lam i Bong Gumnè Dwata, di kmanla, “Dnayenito i bel Harì Dabid!”
24171	MAT 26:48	Na nun ilè tatulen i to mangkal di dad to faginan kamfè ku Dyisas, manan, “I to nalakgu kadang, én i to fanngabalyu. Kanfèyu kenen!”
24172	MAT 26:49	Taman kakel ale Dyudas déén, gasil kenen fdadong di ku Dyisas, manan, “E Amu!” Na nalakan Dyisas.
24187	MAT 26:64	Na man Dyisas di kenen, “Tagmanam sa! Kabay tulengu gamu, di fulé duh teenyu agu, i dnagit Tingà To, sudeng di kwanan i mdatah ganlal, dunan Dwata Too Mtulus, di ksalugu dini di lam i labun mdà di langit!”
24191	MAT 26:68	na manla, “Na ge, Mgalék Dwata, manam sa kun ku simto smamfak ge!”
24195	MAT 26:72	Kabay lêman malew Fiter na smafà, na manan, “Làgu dilè i to én!”
24197	MAT 26:74	Na lêman kenen tambù smafà, manan, “Fanlayam agu i Dwata ku tmulen agu kéng. Làgu dilè i to én!” Na di kmanan én, kamleet i anuk,
24202	MAT 27:4	manan, “Gamsalà agu di kablégu i to landè salà di fati.” Na tmimel ale, manla, “Landè labetmi gami. Ge salà én!”
24220	MAT 27:22	Na smalek Filat, manan, “Na tan i kibògu ku Dyisas, i dnagit Krayst?” Na tmimel kdeela, manla, “Flansangam di krus!”
24221	MAT 27:23	Na smalek Filat, manan, “Kan? Tan i salaan?” Kabay baling matnù i kakitla, manla, “Flansangam kenen di krus!”
24238	MAT 27:40	manla, “Ge kun, i to gmagan lambà i Bong Gumnè Dwata na lêman ftadag dun di lam tlu duh, taman falwaam i ktom ku gaganam. Ku ge i Tingà Dwata, tufa ge mdà di krus!”
24241	MAT 27:43	Smalig kenen di Dwata du manan kenen Tingà Dwata. Na neyeito ku mayè Dwata falwà kenen!”
24273	MAT 28:9	Na tatì ale snitong Dyisas, na manan, “I ktanak nawa samnagin gamu!” Na fdadong ale di kenen na nagotla i dad blian, na mangamfù ale di kenen.
24311	MRK 1:27	Too tikeng i kdee dad to déén, taman sasalek ale, manla, “Tan kè ani? Satu falami tdò ani dé? Hae, du nun glalan mdek dad busaw lamwà, na mimen ale!”
24401	MRK 4:9	“Taman flinge gamu, ku nun klingeyu!”
24415	MRK 4:23	Taman flinge gamu, ku nun klingeyu!”
24441	MRK 5:8	Manan ani, du tagman Dyisas di kenen, “E ge busaw, lamwà ge di to ani!”
24548	MRK 7:16	Taman flinge gamu, ku nun klingeyu!”
24573	MRK 8:4	Na smalek dad gal mlalò kenen, “Nè gumwèmi knaan di banwe ani gablà fkaan kdee dad to ani? Fye ku nun dad to mnè dini!”
24602	MRK 8:33	Kabay falê Dyisas meye di dademe gal mlalò kenen, na nngakan Fiter, manan, “Fawag ge di deg Satanas! Ise di Dwata gumdà i fandamam bay di to!”
24614	MRK 9:7	Na di slengan talù maglimun ale labun, na nun talù mdà di bong labun, manan, “Ani tingàgu toogu kanbong nawa. Flinge gamu kenen!”
24704	MRK 10:47	Di kaklingen i to mlius di kenen dunan Dyisas mdà di Nasarét, tambù kenen tamlo, manan, “E Dyisas, Bel Harì Dabid, begam agu kando!”
24705	MRK 10:48	Na dee to mngak na manla kenen fanak. Bay baling matnù kakitan, manan, “Bel Harì Dabid, begam agu kando!”
24719	MRK 11:10	Banlé Dwata kafye i kagot fan kel tafakang di tbulito Harì Dabid! Dnayenyu Dwata kdeeyu mnè di tah langit!”
24787	MRK 13:1	Di kalwà Dyisas mdà di Bong Gumnè Dwata nun satu gal mlalò kenen talù, manan, “To Tamdò, neyem Bong Gumnè Dwata. Tay, kalbong dad batu didingan! Too fye kdee gumnean!”
24868	MRK 14:45	Taman kakel ale Dyudas déén, gasil kenen fdadong di ku Dyisas, na manan, “E Amu!” Na nalakan Dyisas.
24908	MRK 15:13	Na mkit ale, manla, “Flansangam di krus!”
24909	MRK 15:14	Kabay man Filat, “Kan? Tan salaan?” Kabay baling matnù kakitla, manla, “Flansangam kenen di krus!”
24913	MRK 15:18	Na kafnge én, flingu ale mafè kenen, manla, “Too ge mlawil Harì i dad Dyu!”
24990	LUK 1:28	Na salu i kasaligan di ku Méri, na manan, “Flehew ge! Too ge kando i Amuito Dwata na kenen i magin ge!”
25017	LUK 1:55	Na là tlag i kakdon ku Abraham na i belan kel di landè gusenan!”
25022	LUK 1:60	bay man i yéan, “Ise én, Dyan i dagit kenen!”
25023	LUK 1:61	Na manla di kenen, “Kabay landè gakedyu dnagit salngad én!”
25056	LUK 2:14	“Magdayen Dwata ditù di too mdatah langit, na dini di tah tanà ani, nun nan ktanak nawa i dad to kanlehew Dwata!”
25166	LUK 4:34	“E Dyisas mdà di Nasarét, i tan labetam gami? Fanam gami kè falmo? Gadègu ku simto ge! Ge sa i To Landè Salà dek Dwata!”
25167	LUK 4:35	Kabay nngak Dyisas i busaw, manan, “Fanak ge! Lamwà ge di to én!” Na bat i busaw i to én di bleng i dad to, na lamwà kenen na laan kenen fatduk.
25168	LUK 4:36	Too tikeng i kdee dad to, na sanmanla, “Tan kè i tdò to ani. Hae, du fagu di bong glal na ktulusan, dekan i dad busaw lamwà, na mimen ale!”
25173	LUK 4:41	Na balù dad busaw lamwà mdà di dee dad to, na mkit dad busaw, manla, “Ge sa Tingà Dwata!” Kabay nngakan ale, na fnangan ale talù du gadèla na kenen i To Mgalék Dwata.
25184	LUK 5:8	Kite Simon Fiter i bong tnikeng ani, lkuad kenen di muna Dyisas, na manan, “E Amu, beg ge fawag di deg du agu satu to too gamsalà!”
25202	LUK 5:26	Na too tikeng i kdee dad to di kitela dun ani magin i klikòla, na dmayen ale Dwata, manla, “Too gamtikeng i teenito di duh ani!”
25322	LUK 8:8	Kabay i dademe bnê sabul di gufye tanà tmabò, na di kbungela mlatu i bong uléan.” Kafnge Dyisas tmulen i fléd ani, falbongan i taluan, manan, “Flinge gamu ku nun klingeyu!”
25338	LUK 8:24	Taman fdadong di ku Dyisas i dad gal mlalò kenen, na nukatla, manla, “E Amu! Amu, tafan ito galnab, mlimas ito kadang!” Na mték kenen, na nngakan i nus na i dad malbang lwek, na manak i nus na mbaling lanél i lanaw.
25339	LUK 8:25	Na manan di dad gal mlalò kenen, “Kan ku là gamu smalig?” Kabay likò ale na tikeng, na sanmanla, “Simto i to ani? Balù nus na lwek nngakan, na mimen ale!”
25405	LUK 9:35	Na nun talù mdà di labun, manan, “Ani i tingàgu, i Mgalékgu. Flinge gamu kenen!”
25501	LUK 11:27	Na di lam Dyisas talù, nun libun mdà di dad to stifun déén tamlo, manan, “Too nun kafye di libun fsut na ftutù ge!”
25519	LUK 11:45	Na nun satu to gal mubad dad flalò Dwata tmimel ku Dyisas, manan, “To Tamdò, di manam én, gakuf gami di dad to fyaam!”
25547	LUK 12:19	Na kafnge én, fakaygu man di ktogu, “Tay, kafye kagkahgu nan. Là mti i bong knungu kel di file fali. Tatì agu nan ftud, kmaan, minum, na too flehew!” ’ ”
25657	LUK 14:35	Talandè gukmamu dun, balù bol di abunu i tanà, là fakay, tatì bat nan i dad to. Taman flinge gamu ku nun klingeyu!”
25659	LUK 15:2	Kabay i dad Farisi na i dad to gal tamdò i dad flalò Dwata, too ale mugak, manla, “I to ani, dnawatan i dad to gamsalà na kmaan kenen di safédla!”
25733	LUK 17:13	na tamlo ale, manla, “E Dyisas, Amu, begam gami kando!”
25795	LUK 18:38	Na tamlo kenen, manan, “E Dyisas, Bel Harì Dabid, begam agu kando!”
25796	LUK 18:39	Na i dad to di muna, nngakla kenen, na manla kenen fanak, bay baling matnù kakitan, manan, “Bel Harì Dabid, begam agu kando!”
25807	LUK 19:7	Kabay i dad to mite i nimò Dyisas, too ale sungag, manla, “Tay, tlang kenen di gumnè i to too gamsalà!”
25838	LUK 19:38	“Too nun kafye i harì salu dini mebe i glal i Amuito Dwata. Nun ktanak nawa fdu di langit blé Dwata di dad to. Dnayenito Dwata i too mdatah!”
25839	LUK 19:39	Na nun dad Farisi gbol di dee dad to déén. Talù ale di ku Dyisas, manla, “To Tamdò, nngakam i dad gal mlalò ge, du nlafàla Dwata di kdayenla ge!”
25844	LUK 19:44	Fnatila gamu di lam i syudadyu, balù kel di dad ngàyu. Na di kdee dad gumnè, landè balù satu batu gtagak di gugkahan, du mti malbà, du làyu dilè ku ani i duh kakel Dwata di gamu du falwà gamu!”
25846	LUK 19:46	Na manan di dale, “Tagsulat di Tnalù Dwata, manan, ‘Én gukmamu i Gumnègu gal gudmasal,’ bay tabalingyu nimò gumnè i dad to tmaku!”
25968	LUK 22:35	Kafnge én, snalek Dyisas i kdeela, manan, “Di muna di kdekgu gamu i landè nebeyu filak ku demen kuyut, na landè tlas talumfà, nun kè gukulangyu?” Na manla, “Landè sa!”
25984	LUK 22:51	Kabay man Dyisas, “Tong nan!” Na nagotan klinge i lifan, na fanguléan.
25989	LUK 22:56	Na nun satu libun gal dek i gumdatah i dad bà di Dwata, teenan Fiter sudeng déén du magtuyal kenen i dinè lifoh. Na toon kenen neye, na manan, “I to ani satu gal magin ku Dyisas!”
25991	LUK 22:58	Na di là mlo, lêman nun to dmilè kenen, na manan, “Ge i satu dademen!” Kabay man Fiter, “Ise deg sa.”
26004	LUK 22:71	Na manla, “Landè kamuito smalek i dademe to gablà di salaan, du talingeito i manan!”
26022	LUK 23:18	Kabay di kaklinge i dad to ku Filat sdulê ale mkit, manla, “Fafatim Dyisas, na falwaam gami Barabas!”
26025	LUK 23:21	Kabay too ale mkit, manla, “Flansangam kenen di krus! Flansangam kenen di krus!”
26041	LUK 23:37	Na manla, “Ku glut ge Harì i dad Dyu, falwaam i ktom!”
26094	LUK 24:34	Na man i dad to stifun déén, “Too sa. Tamték i Amuito, na tafiten i kton di ku Simon Fiter!”
26149	JHN 1:36	na teenan Dyisas mlius di dale, na manan, “Neyeyu tadéén i Tingà Bilibili Dwata!”
26156	JHN 1:43	Di tmadol duh, fandam Dyisas salu kenen di banwe Galili, taman di kiten ku Filif, manan, “Magin ge deg!”
26346	JHN 6:20	Kabay manan di dale, “Agu sa ani. Nang gamu likò!”
26443	JHN 7:46	Na tmimel i dad munung, manla, “I duenan du landè fa lmen tamdò salngad i to ani!”
26449	JHN 7:52	Na tmimel i dademen ganlal, manla, “Kan ku nsenam kenen? Lê ge kè mdà di Galili? Ku toom ganbet i Tnalù Dwata, gadeam landè tugad Dwata mdà di Galili!”
26498	JHN 8:48	Na tmimel i dad Dyu, manla, “Too glut i manmi, én gumdaam di Samériya, na nun busawam!”
26507	JHN 8:57	Na man i dad Dyu di kenen, “Là gafat ge lime falò fali, na manam tateenam Abraham!”
26538	JHN 9:29	Gadèmi talù Dwata di ku Mosis, bay i to manam ani, balù i gumdaan làmi gadè!”
26543	JHN 9:34	Na manla di kenen, “Tdoam gami kè? Blaam tagnè ge to too gamsalà mdà di ksutam!” Taman falwàla kenen di gusatdòla.
26583	JHN 10:33	Na tmimel i dad Dyu, manla, “Ise ku dad fye nimò duenmi tmudà ge batu, bay du fdanaam i kdatah Dwata, du fasngadam i ktom di kenen, na blaam ge sa alò to!”
26635	JHN 11:43	Na kafngen man ani, toon falbong i taluan tamlo, manan, “E Lasarus, lamwà ge!”
26707	JHN 13:8	Kabay man Fiter, “Là sa fakay ku ge malob i blìgu!” Na tmimel Dyisas, “Ku làgu nalob i dad bliam taise ge to nfungu.”