13945	PSA 1:2	Kabay én too gaflehew kenen i flalò Amuito Dwata; saflas mduh na butang galan fandam i flaun.
13951	PSA 2:2	Sasatu nawa i dad harìla; i dad ulula, stulen ale i kibòla misan Dwata i Amu, na misan i harì mgalék Dwata magot i kdee.
13954	PSA 2:5	Na kafnge én, nngakan ale du too malbut; na too ale likò mdà di bong kalbutan dale.
13957	PSA 2:8	Man Dwata, ‘Mni ge di deg na bléta ge i kdee banwe; gfunam i kdee di tah tanà.
13959	PSA 2:10	Taman too gamu fgeye, gamu dad harì di tah tanà, ken falmo gamu i harì mgalék Dwata; fafulung gamu dad ulu di dad banwe.
13961	PSA 2:12	Tooyu fdanà i ktoyu di kenen du fye laan gamu kalbut, na fye laan gamu fles fnati; du ken mlal kel di gamu i kalbutan. Kabay i dad to fdadong di kenen, du kenen i guflidungla too nun kafyela.
13965	PSA 3:4	Kabay ge, Amugu Dwata, ge i klung di glibutgu; ge i fulê i dengeggu, na ge fulê i kgal nawagu.
13967	PSA 3:6	Taman fakay agu milè na kudang na là agu likò; mukat agu na landè gaslokgu, du i Amugu Dwata i munung deg.
13986	PSA 5:7	I dad to gal tmulen kéng falmom; toom knang nawa i to mayè mati to na i to mlimbung.
13994	PSA 6:2	E Amugu Dwata, nangam agu nngak fagu di sasè kalbutam; nangam agu fanlayam di slà too minit i kaflabeam.
13995	PSA 6:3	Kabay, Amugu Dwata, kandom agu du too agu mlungay; tangalam agu, du landè galgu.
13999	PSA 6:7	Too agu mlungay nan di kablat klidù i nawagu; klit butang tì agu msabew i lwakgu, na too fafê i gumilègu mdà di kngelgu.
14005	PSA 7:2	E Amu, ge i Dwatagu na ge i guflidunggu; kanlungam agu di kafsasè dad damlu deg, na falwaam agu di agotla,
14010	PSA 7:7	E Amugu Dwata, neyem i kagkahgu du i dad to dmuen deg too sè kalbutla deg. Fitem dale i kalbutam, na tnabengam agu; na ge mukum deg, Dwatagu, fagu di matlu kukum i knayeam.
14011	PSA 7:8	Hae, santifunam i kdee to di glibutam, na sudeng ge déén di gusudeng i too mdatah ganlal ditù di tah;
14015	PSA 7:12	Dwata, too matlu i kukuman; na klit i duh kalbutan dad to sasè.
14023	PSA 8:2	E Amumi Dwata, ge gumdatahmi, too mdengeg i kdatah dagitam di klamang banwe; magdayen i kdataham kel ditù di tah langit.
14024	PSA 8:3	Tdoam dad ngà, na balù dad too malnak ngà, dmayen i kdataham; taman landè kibò dad to dmuen ge gafdadong di ge; fafanakam dad to dmuen ge na i dad to mnang nawa ge.
14033	PSA 9:2	Amugu Dwata, too mdà di nawagu mlé fye di ge; na santulengu di dad to i kdee gamtikeng tanimoam.
14034	PSA 9:3	Too mlaan i nawagu na lehew agu ge; mlingag agu dmayen ge, Dwata Too Mdatah.
14035	PSA 9:4	Dad dmuen deg, gal ale mila di kitela ge msen di deg, na fugen ale na fles mati di kanfem;
14036	PSA 9:5	hae, du tansenam i nimògu du matlu di kitem; na tasudeng ge di gusudengam mukum na matlu i kukumam.
14037	PSA 9:6	Tanukumam i dad to là faglut di ge; na tafalmom i dad to mimò sasè; balù i dagitla taflanam di fandam dad to kel di landè sen;
14038	PSA 9:7	i dad to dmuen deg di muna, talandè nan, na balù i dad malbang syudadla tafalmom; talandè nan gufaldam dale kel di landè sen.
14039	PSA 9:8	Kabay i Amugu Dwata, landè gusen i kagotan; tasudeng kenen di gusudengan mukum.
14043	PSA 9:12	Mlingag ito dmayen i Amuito Dwata, i mnè di banwen Sion; na tnulenito i dad to di klamang banwe gablà di dad mgimoan.
14046	PSA 9:15	taman falwaam agu du fye gtulengu di kdee tom ditù di syudadam Sion, i kdee kafyem di deg; na too agu lehew di kafalwaam deg.
14047	PSA 9:16	I dad to là faglut di Dwata, salngad ale di dad to mtatek di mngalam sol nakolla du guftatekla i dad demela to; gambet mawel ale bay baling dale magfawel, du dale gumulê i kafsasèla i dad demela to.
14050	PSA 9:19	Kabay dad to nun klidùla là mnè di klidùla kel di atuan; na i fanden i dad to landè, là tì lana kel di landè sen du gafaldam ale Dwata.
14054	PSA 10:2	Mdà di bong kafdatahla, too labè i dad to sasè mlayam i dad to landè; fye moon ku mfawel ale fagu di kibòla mawel i dademe to.
14057	PSA 10:5	Too nun galan lubay di dad nimoan, na i kukum Dwata kenen kadang, mawag di fandaman; na i dee to dmuen kenen laan tatì kah di nawan.
14059	PSA 10:7	Na én gal lamwà di baan dad kaflagi, kakakéng, na kbantak; mlaan i baan talù sasè na i too gafatduk nawa i dademe to.
14060	PSA 10:8	Na salbuni kenen mdadong di dad malnak banwe du gutmagaan dad to, na fnatin i dad to landè salà ditù di gulandè to mite dun; mdà di gusalbunin neyen ku nun mdanà to gaganan kanfè.
14061	PSA 10:9	Fatan kenen di gusalbunin, salngad di malbang lmanaf liyun fatan di ilib galan gusalbuni, du neyen ku nun to landè kwè du kanfean; na di kagakfean dyolan ditù di lam i galan gusalbuni.
14063	PSA 10:11	Én fandam i sasè to ani ku tatì fbayà Dwata; man nawan ku fnidang Dwata i matan di dad sasè mgimoan.
14064	PSA 10:12	E Amu, E Dwata, tabyà fanlayamam i dad to sasè; nangam fbayà i dad to fansasè i dad demela to.
14068	PSA 10:16	I Amugu Dwata i harì, na landè gusen i kagotan; na i dad to dmuen kenen flanan kadang di banwe fakangan di dad ton.
14074	PSA 11:4	Knean ditù Amugu Dwata di kenen gumnè di langit; sudeng kenen di gusudeng i magot kdee; na toon neye dad to di tah tanà, na teenan i kdee nimòla.
14076	PSA 11:6	Too blat kadang kaflayaman i dad to sasè, du gambet gnumah ale bong ulen bala lifoh na sandawà dminè, na maflayam ale di lyof init mdà di lifoh;
14082	PSA 12:5	i gal man, “Fagu di kfulungmi talù gwèmi balù tan i knayèmi; gami mfun i bàmi na simto gmagan fafanak gami di ktalùmi?”
14090	PSA 13:4	Amugu Dwata, neyem i kagkahgu na tnabengam agu; fuléam di deg i kgalgu du fye là agu fles mati;
14095	PSA 14:3	Kabay teenan i kdee to tatlas ale di glut dalan; kdeela kulang i nimòla; landè di dale mimò fye, balù satu, landè.
14101	PSA 15:2	Dunan i to too sikof kimenan i knayeam, na matlu i nimoan di kitem; too gsalig i galan man, du i kaglut too mnè di nawan.
14102	PSA 15:3	Na laan falmo i dademen to fagu di gmanan; laan fansasè i dademen to sgalak, na laan samtugad salék gablà di dademen.
14106	PSA 16:2	Mangu di Amugu Dwata, “Ge i gumdatahgu; landè fye gfungu ku ise mdà di ge.”
14107	PSA 16:3	I dad to Dwata mnè di tah tanà ani, too ale fye; na too nun klehewgu samnagin dale.
14109	PSA 16:5	Amugu Dwata, alò ge i amu tanalékgu, na ge i gumdà kdee kanlidùgu; i ktogu déén di falelam.
14111	PSA 16:7	Dnayengu i Amugu Dwata du kenen i mngewe deg; na ku butang balù di lam i nawagu nun tamdò deg.
14113	PSA 16:9	Taman too mlaan i nawagu, Amu, na too agu lehew; na balù i lawehgu saliggu di ifatam,
14114	PSA 16:10	du balù mnè agu di agot i fati laam agu bayà; laam tnagak i to toom kando di lbang.
14115	PSA 16:11	Ge i tamdò deg i dalan mfun falami nawa; i kafdadongam, én gumdà ksikof i klehewgu, na i dad tabengam gumdà i kafye landè gusenan.
14183	PSA 19:2	I langit là tlag fite i kdatah Dwata; toon fgamal fite i kafye mgimoan.
14188	PSA 19:7	Mdà magu i duh di gumsutan na là fanak kel di gusdafan; na landè di tah tanà ani i là gnumah i initan.
14195	PSA 19:14	Na fawagam i saligam di dad nimò tagadègu sasè, fye là agu mgebe i salà; du fye landè gukulanggu di kitem, na fye landè salàgu du landè nimògu sasè.
14225	PSA 22:5	Ge i gusmalig dad gutambulmi; smalig ale di ge na falwaam ale di kaflayamla.
14226	PSA 22:6	Tamlo ale di ge na galwà ale; smalig ale di ge na landè gugdanà nawala.
14237	PSA 22:17	I kibòla deg salngad i dad labè ayem samtlaban falmo deg, du nun dee to mimò sasè samlibut deg; na tatanbakla i dad kmalgu na dad blìgu.
14239	PSA 22:19	Sansalella i klawehgu; na fagu di kasbunut neyela ku simto gamfun dun.
14241	PSA 22:21	Falwaam agu di fati; falwaam i ktogu di agot dad to gambet i labè ayem mayè falmo deg,
14242	PSA 22:22	falwaam agu mdà di dad to gambet i labè liyun na i dad mlayal lagi baka; falwaam agu du landè kibògu falwà i ktogu.
14244	PSA 22:24	Mangu di dale, “Kdeeyu nun klikò di Amuito Dwata, dnayenyu kenen. Fdatahyu kenen, gamu bel Dyékob; nafèyu kenen, gamu bel Israél.
14247	PSA 22:27	Na di duh én, i dad to landè, gamkaan ale gusen i nawala; na i dad to fdadong di Amuito Dwata, dnayenla kenen. Kayègu ku banlé gamu Dwata fye knè na klehew i kdeeyu dad to landè na dad to maflayam,
14248	PSA 22:28	Na di duh én, gafaldam kdee to di klamang banwe i Amuito Dwata, na samfulê ale di kenen; i kdee to lkuad ale du mangamfù di kenen,
14251	PSA 22:31	Na i belito fa mamu ale kadang di Dwata; i dad tuala samtugad i tulen di dad ngàla i kafye mgimoan.
14257	PSA 23:5	I dad dmuen deg mite i kdawatam deg du ludukam di munagu bong knaan; i kdawatam gambet i to too mgafè. Landè gukulanggu na lambés i basugu di afeam deg.
14259	PSA 24:1	I Amuito Dwata mfun i klamang banwe na i kdee mnè déén; i tanà ani na i kdee mto di tah tanà slame nfun Dwata.
14260	PSA 24:2	Kenen i fdak i tanà déén di gumngalam yéél; na toon fangagid i gufdakan dun déén di mahin.
14304	PSA 27:2	Du di kafngayu i dad to mimò sasè du fanla agu fnati, baling ale gsindul; na fugen i dad mnang nawa na dmuen deg.
14305	PSA 27:3	Taman balù fa maglibut agu i bong dee sundalu, knean là agu likò; balù ditù agu di gutngà i kasfati too agu smalig di Dwata.
14306	PSA 27:4	Satu fnigu di Amugu Dwata i toogu knayè, dunan toogu kayè mnè di Gumnè Dwata di klogu mto; na di klogu mnè ditù kayègu ku toogu fandam i bong kafye Amugu Dwata, na fnigu moon ku nalakan agu.
14307	PSA 27:5	Du ku nkel agu i samuk, kenen i kamlung deg, too fye kbunin deg di lam i Bong Gumnean; gambet fnean agu di bong mdatah batu du fye landè gamgagot di deg.
14308	PSA 27:6	Fdatahan agu na là gnumah agu i dad to dmuen samlibut di deg, én duengu too mkit di klehewgu; na blégu i dsùgu di Amugu Dwata di Bong Gumnean, na mlingag agu dmayen kenen.
14309	PSA 27:7	Amugu Dwata, fanlingem agu di katlogu ge du mni agu tabeng; kandom agu na tnabengam.
14316	PSA 27:14	Smalig gamu di Amuito Dwata na fatanyu i kafalwaan gamu; fangalyu nawayu na faglut gamu di kenen; hae, smalig gamu di Dwata na fatanyu i kafalwaan gamu.
14375	PSA 32:1	Too nun kafye i to ku tamaglifet i dad salaan; too nun klehewan di ksafang Dwata i dad salaan én.
14377	PSA 32:3	Di làgu fa tulen i dad salàgu too msamuk i nawagu, na baling mten i lawehgu; tì agu dmalong landè gumanakan;
14379	PSA 32:5	Kafnge én, dnawatgu i dad salàgu; talàgu nan buni i dad gugasyatgu di knayeam. Gmangu, “Tulengu i salàgu di Amugu Dwata.” Na mdà én tanlifetam i kdee sasè mgimògu.
14381	PSA 32:7	E Dwata, ge i gusalbunigu; ge i smafang deg di dad sasè, taman too agu mlingag i kafalwaam deg mdà di salà.
14382	PSA 32:8	Na man Dwata, “Tdòta ge i dalan fye gumagum; fanngeweta ge na toota ge neye fye là ge gasyat.
14385	PSA 32:11	Taman gamu dad to matlu, too gamu flehew mdà di kdee mgimò Dwata di gamu; na mkit gamu di bong klehewyu gamu dad mimen kenen.
14388	PSA 33:3	Lingagyu i falami lingag dmayen Dwata; na tooyu fanse i kagafyu faginyu di klingag dmayen di kenen; na mkit gamu di klehew,
14394	PSA 33:9	du fagu alò di tnaluan mgimoan i banwe; alò fagu di kdekan tanun kdee mgimoan.
14395	PSA 33:10	I Amuito Dwata gmagan falmo i fan nimò dad to là faglut di kenen; snamukan i knayèla nimò na landè gukel i nimòla.
14396	PSA 33:11	Kabay i kenen fan nimò dnohoan, na là matlas i fandaman kel di landè sen; na là mili i knayean di dad to kel di landè gusenan.
14405	PSA 33:20	Alò Amuito Dwata i gusmaligito; kenen i tmabeng na kamlung gito.
14411	PSA 34:4	Magin gamu deg di kafdatahgu i Amuito Dwata; sasatu ito dmayen i dagitan.
14419	PSA 34:12	Taman fdadong gamu dini na flinge gamu dad ngàgu; na tdòta gamu smalig na likò di Amuito Dwata.
14421	PSA 34:14	Ani kibòyu, too fgeye du fye là gamu talù sasè; na nang gamu tmulen kéng.
14422	PSA 34:15	Tnagakyu dad sasè nimòyu na nimòyu i fye; na tooyu lalò i dalan kasaglabat na i ksasatu nawa.
14429	PSA 34:22	I nimò i dad to sasè, én i gamfati dale; na nukum kadang di salà i dad to mnang nawa i dad to matlu.
14472	PSA 37:1	Nangyu fsamuk i nawayu gablà di dad to sasè, na nang mingà nawayu i dee gwè i dad to mimò sasè;
14473	PSA 37:2	hae, du mlal ale lana di mata salngad i bnas mlal kafag; na mlal mati salngad di dad fule mlanas.
14476	PSA 37:5	Fagotyu i ktoyu na kdee nimòyu di Amuito Dwata; smalig gamu di kenen na tnabengan gamu.
14477	PSA 37:6	Na ku én nimòyu, fite Dwata i katluyu di kdee to; na i kfiten i klandè salàyu salngad i kfiten kneng i duh di kaltu i duh.
14478	PSA 37:7	Fanak gamu na fantahàyu i nawayu fatan i ktabeng Amuito Dwata gamu; na nangyu fsamuk i nawayu gablà di bong gwè i dad to sasè, na gablà di to too fulung dmohò i sasè fandaman.
14481	PSA 37:10	Di là mlo ani, i dad to sasè, là ale teen dini di tah tanà ani; balù ku tooyu ale fanngabal, làyu teen.
14483	PSA 37:12	I dad to sasè galla fandam ku tan i kibòla mlayam i dad to matlu; nkabla i beengla mdà di knang nawala dale.
14485	PSA 37:14	Nsò i dad to sasè i dad faisla, na bantulla i boholla du fye fnatila i dad to landè na i dad to matlu;
14491	PSA 37:20	Kabay dad to sasè mati ale; i dad dmuen Amuito Dwata mlal mati salngad i dad bulek di bnas, na mlal ale lana gambet i buk.
14493	PSA 37:22	Du dad to gumlé Dwata i kafye, dale gamfun i banwe fakang Dwata dale; bay i dad to knangan nawa, falwaan ale di banwe én.