67	GEN 3:11	Na snalek Dwata kenen, manan, “Simto kè mangman flaweh ge? Kmaan ge kè bunge i kayu fnangta ge?”
86	GEN 4:6	Taman man Dwata i Amu di kenen, “Tan i duenam flabè, na too blat i baweham?
90	GEN 4:10	Man Dwata i Amu di kenen, “Kan ku mimò ge i too sasè nimò ani? I litè i flanekam sadi tamlo deg mdà di tanà, du mni i balas.
317	GEN 12:18	Taman fafngén Abram, na snalékan kenen, manan, “Kan kè duenam mimò sasè di deg? Kan i duenam là tmulen deg Saray ani i yaanam?
415	GEN 17:17	Kaklinge Abraham kdee ani, lkuad kenen na kudung di tanà na mulé di fandaman di kton, manan, “Tay, gafngà fa kè i to tamlatu fali? Na mngà fa kè Sara i tasyem falò falin?”
438	GEN 18:13	Na man Dwata i Amu di ku Abraham, “Tan dé duen Sara mulé na manan di nawan ku tan i kiboan mngà du tatoo tua nan?
439	GEN 18:14	Nun kè i làgu gagan nimò? Landè sa! Salngad ani bangan di fulé fali samfulê agu, du mngà Sara tingaan lagi.”
448	GEN 18:23	Na fdadong Abraham di Dwata na smalek, manan, “Di kafalmom i dad to sasè, fakufam kè i dad to matlu?
449	GEN 18:24	Kaflingenta dun, ku nun lime falò to i matlu ditù di Sodom, falmom fa kè i klamang syudad? Kandom kè i dad lime falò to matlu?
463	GEN 19:5	Tlola Lat, na snalekla, “Tanè i dad lagi magin ge di gumneam flabi ani? Falwaam ale dini di gami, du mimò gami i knayè i lawehmi di dale.”
467	GEN 19:9	Kabay balingla man ku Lat, “Nang ge déén, nang ge mlabet di fanmi nimò. Simto ge kè? Mnè ge dini, bay ise ge to mdà di banwe ani. Na ge baling i tamdò gami, ku tan i fakaymi nimò? Nangam banlabal i nimòmi, du fye là baling too sasè fa gaslokam di nimòmi di dale.” Na tuladla Lat, na fdadong ale di takab, du fanla lanbà.
470	GEN 19:12	Na snalek i lwe kasaligan i Dwata Lat, manla, “Nun kè dad gakedam mnè dini? Ku nun dad ngaam, dad tewem, na dademe dad tom, faginam ale na mdà gamu nan lamwà di banwe ani,
521	GEN 21:7	Léan man, “Di muna, simto kè i fakay gamtulen di ku Abraham na satu duh fantutùgu i tingà? Balù tatoo kenen tua, mngà agu fa i tingaan lagi.”
531	GEN 21:17	Na Dwata mlinge i kngel i tingaan. Na kaklingen dun, tlo kasaligan Dwata Hagar, mdà di langit, na manan, “Tan kè duenam mlidù? Nang ge likò, du talinge Dwata i klanu i tingaam na teenan i kagkahan.
597	GEN 24:5	Kabay smalek i saligan, manan, “Kaflingengu dun, ku là mayè magin dini kadang i libun teengu? Fsalugu ditù kè i tingaam di banwe i gufdum?”
615	GEN 24:23	Na snalekan kenen, “Libun, simto i maam? Tabyà tulenam deg, fakay kè ku beg gami flo mnè di gumnè maam. Sfayu gami kè i dad dademegu ani di gumnèyu, du fye fakay gami ftud kadang butang?”
1094	GEN 37:10	Di ktulenan i knan di maan, nngak kenen i maan Dyékob manan, “Tan kè i gumtatek i knam ani? Kayeam man kè ku agu, na yéam, na i dad flanekam, slame gami kadang lkuad di munam du mafè ge?”
1254	GEN 42:1	Na di kaklinge Dyékob, i mà Dyosif, nun sbung fali dnagit trigu di Idyif, manan di dad ngaan lagi, “Tan kè duenyu là mngabal i kakaanito?
1297	GEN 43:6	Tmimel Israél, dunan Dyékob, manan, “Tan kè duenyu tmulen kenen nun twaliyu? Too gamu mlé deg ksamuk nawa.”
1298	GEN 43:7	Tmimel ale, “I duenmi tmulen kenen, du fnadlugan snalek gablà di gami na i dad malaymi. Snalekan, manan, ‘Mto fa kè i màyu sadni? Na nun fa dademe flanekyu?’ Tatì alò tnimelmi i dad salekan. Làmi sa fandam ku manan gami too fagin i twalimi ani samfulê di kenen.”
1318	GEN 43:27	Na snalek ale Dyosif, manan, “Tan i kagkahyu? Na di muna, i kdiniyu, tulenyu gablà di màyu. Na man, i màyu too tua, tan i kagkahan, mto fa kenen?”
1329	GEN 44:4	Di là ale fa too mawag di banwe én, man Dyosif di saligan, “Faflal ge, laloam ale. Na di kgumaham dale tulenam dale i mangu ani, manam, ‘Tan kè duenyu malas sasè di kafye mgimò i ganlal di gamu?
1330	GEN 44:5	Tan kè duenyu tmaku i tabù salafì? I tabù én galan guminum, na galan gumeye fye gadean ku tan knayè i Dwata. I nimòyu ani too sasè.’ ”
1332	GEN 44:7	Kabay tmimel ale, manla, “Tabyà, tulenam gami tan kè duenam mangman ani? Gami i dad lifanan, là gami sa mimò én, làmi sa tnaku i tabù i ganlal.
1333	GEN 44:8	Gafaldamam sa kè i kasfulêmi di banwe Kanaan, i filak teenmi di lam i dad sakumi fulêmi sa. Taman tan ku mayè gami tmaku i salafì ku demen blawen di gumnè amum?
1340	GEN 44:15	Na man Dyosif di dale, “Tan kè duenyu tmaku i tabùgu ani? Làyu kè gadè i dad ulu gambet deg gmagan gmadè i dad gbuni?”
1359	GEN 44:34	Tan i kibògu mulê di màmi ku là gagin i twalimi? Landè kibògu! Là agu mayè mite kadang i bong klidù i nawa màgu.”
1575	EXO 2:20	Smalek i màla, manan, “Na tanean sa? Kan ku tnagakyu kenen ditù? Neyeyu sa kun, na faginyu dini, du fye kmaan kenen di safédito.”
1583	EXO 3:3	Taman, manan di nawan, “Kan ku là sakuf i kayu ani? Fdadong agu sa kun, du neyegu i bong gamtikeng ani.”
1591	EXO 3:11	Kabay man Mosis di Dwata, “E, Amugu tabyà, simto agu kè, i dekam salu di ku Faraon du fye nebegu dad bel Israél lamwà di banwe Idyif? Ise agu i to fakay mebe i dad to.”
1613	EXO 4:11	Na tmimel Dwata i Amu, manan, “Simto kè mgimò bà i dad to du fye talù ale ku là talù? Simto kè mgimò dad mata na dad klinge du fye mite ale ku là mite, demen mlinge ale ku là mlinge? Agu sa, Dwata i Amu, tamimò dun!
1635	EXO 5:2	Na tmimel i harì, manan, “Simto kè Dwata i Amu manyu ani? Na kan ku nimengu kenen na falohgu i dad bel Israél salu ditù? Làgu dilè Dwata i Amu, na toogu là faloh i dad bel Israél fsalu ditù.”
1637	EXO 5:4	Kabay lêman talù i harì di dale, manan, “Simto gamu kè, du fakayyu fafanak i dad to di dad nimòla? Samfulê gamu di nimòyu!
1638	EXO 5:5	I dad toyu, i bel Israél, too dee ale fa di dad to Idyif, na kayèyu kè fatlag i nimòla? Là fakay!” Én man i harì.
1648	EXO 5:15	Na i dad to Hibru, i fagotla i dademela bel Israél, salu di ku Faraon, du fakdo ale di kenen, manla, “Gumdatahmi, kan ku tananuam i nimò i dad lifanam?
1655	EXO 5:22	Na lêman talù Mosis di Dwata i Amu, manan, “E, Amugu Dwata, kan dé ku fanlayamam dad tom ani? Na kan kè i duenam mdek deg dini ku ani kiboam dale?
1785	EXO 10:7	Di kdà Mosis, man i dad ganlal Faraon di kenen, manla, “Tan i klo Mosis kè smamuk gito? Faloham i dad bel Israél lamwà, du fye fakay ale mangamfù di Dwata i Amu, i Dwatala. Laam kè teen tamalmo i banweito ani?”
1895	EXO 14:5	Di kaklinge i harì di Idyif, là samfulê i dad bel Israél di banwe Idyif di kakubu tlu duh, bay fadlug ale fawag di Idyif, mguman i fandam Faraon, na i dad ganlalan gablà di dale. Hae, du manla, “Kan ku falohito lamwà i dad bel Israél? Tay, tabaling landè dad lifanito.”
1901	EXO 14:11	Na manla ku Mosis, manla, “Nebem gami kè dini, du fye mati gami di banwe gulandè to, du talandè gulambangmi di Idyif. Tulenan gami ku tan i duenam mebe gami dini lamwà di banwe Idyif?
1902	EXO 14:12	Làmi kè gman di ge di kdéénito fa di Idyif, fye ku gami fbayà flifan di dad to Idyif? Fye fa ku gami fadlug flifan di dale, di mati gami dini di banwe gulandè to.” Én ugak i dad bel Israél.
1905	EXO 14:15	Kafnge én, talù Dwata i Amu di ku Mosis, manan, “Kan ku fnim di deg tabeng? Manam di dad bel Israél fadlug magu.
1932	EXO 15:11	E, Amugu Dwata, simto dad mule i gasngad ge? Simto i salngad ge, i ktium too mdatah? Simto i salngad ge, i bong knengam too gamtikeng? Simto i salngad ge, i bong gnaganam di kimoam dad tnikeng?
1976	EXO 16:28	Kafnge én, man Dwata i Amu di ku Mosis, “Kilen kè dé katlag i dad to là mimen dad flalògu dale?
1986	EXO 17:2	Taman nugakla ku Mosis, na manla, “Banlém gami yéél.” Tmimel Mosis, manan, “Kan kè ku sanbulawyu agu? Kan kè ku tnilewyu Dwata i Amu? Neyeyu kè ku fantahaan nawan di gamu?”
1987	EXO 17:3	Du too malau i dad to, taman too ale mugak ku Mosis, manla, “Kan ku nebem gami lamwà di banwe Idyif? Nebem gami dini kè, du fye tatì mati gami, na dad ngàmi, na dad lmanafmi di kalaumi.”
1988	EXO 17:4	Na kaklinge Mosis i gman i dad to, too kenen dmasal di Dwata i Amu, manan, “E, Amugu Dwata, tan i kibògu i dad to ani? Fanla agu fnati, fagu di ktudàla deg batu.”
2451	EXO 32:12	Du ku falmom ale, tan kadang man i dad to di Idyif? Ken manla kadang, tanebem i dad bel Israél lamwà di Idyif, du kayeam sduléam ale fnati di dad bulul. Tabyà, nangam moon fnadlug i kaflabeam dale, na begam tanlas i fandamam, na nangam fnadlug falmo dale.
2490	EXO 33:16	Hae, du ku laam gami nagin, tan i kgadè i dademe dad to i kanlehewam agu na i dad tom? Na ku samnagin ge gami, dilèmi mahal gami di kdee dademe dad to.”
7142	RUT 1:13	gamfatan gamu fa kè kel di kbongla na là gamu baling mayè i dademe? Ken là gamu gamfatan. Tay, fanlayam agu Dwata i Amu, na mlidù agu du gagin gamu di kaflayamgu.”
7161	RUT 2:10	Na di kaklinge Ruth i gman Boas, lkuad na kudung di blian, du fdanaan i kton di kenen, na manan, “Tan kè duenam too fafye deg? Gadeam sa kè, ise agu to mdà di banwe ani.”
7170	RUT 2:19	Na tikeng i tewen libun i kalbong mgukun. Taman snalekan, manan, “Tanè gumukum gine na simto mfun dun? Fye ku Dwata i Amu mlé kafye di to kamdo ge.” Taman tulen Ruth di tewen i nligo gumimoan nfun i to dnagit Boas.
13950	PSA 2:1	Tan duen i dad to di sahal banwe mngabal i kfagu misan Dwata? Mngabal ale kfagu, bay landè gukelan.
13973	PSA 4:3	Gamu dad to, kel di kilen dé i kafalmoyu i fye dagitgu? Fadlug gamu dé di sasè nimòyu landè gukelan, di kbelyu i kakakéng gablà di deg?
13977	PSA 4:7	Dwata, dee to gal mni di ge, manla, “Simto dé kamdo gami? Kandom gami moon, na banlém gami, Amumi Dwata, i kafye.”
13996	PSA 6:4	Too msamuk i nawagu. E Amugu Dwata, kilen dé i ktabengam deg?
14053	PSA 10:1	E Amugu Dwata, kan ku fawag ge di deg? Kan ku tatiam agu fbayà di kaflayamgu?
14065	PSA 10:13	Kan ku knagol i dad to sasè Dwata? Na kan ku manla di ktola laam fbayad dale i salàla?
14073	PSA 11:3	Tan i fye nimò i to matlu ku kel i samuk na malbà i knè dad to?
14088	PSA 13:2	Amugu Dwata, tan i klom fa mlifet deg? Kel kè di landè sen? Kel di kilen kafbayaam deg?
14089	PSA 13:3	Tan i klogu fa tmayud di klidù i nawagu? Mlidù nawagu tayud duh di kafsasè i dad to dmuen deg.
14096	PSA 14:4	Na smalek i Amuito Dwata, manan, “Landè kè kaglabat i kdee to gal mimò sasè ani? Knalamla falmo dad togu na landè fandamla dmasal di deg.”
14100	PSA 15:1	E Amugu Dwata, simto gablà mnè di Bong Gumneam? Simto gablà mnè di bulul gumneam?
14222	PSA 22:2	E Dwatagu, Dwatagu, tan duenam tmagak deg? Too agu ftabeng ge moon bay laam linge i dalonggu, na laam agu tnabeng.
14261	PSA 24:3	Tay, kdatah Dwata, simto gablà mnagad di bulul Amuito Dwata na fusuk di kenen gumnè? Simto gablà tadag di kanfen?
14266	PSA 24:8	Simto i too Mdatah Harì ani? Dunan Amuito Dwata, i nun gal matu di kasfati, na i là gfisan.
14268	PSA 24:10	Simto i too Mdatah Harì ani? Dunan Amuito Dwata, gumdatah i kdee di tah langit na tanà. Kenen sa i too Mdatah Harì!
14303	PSA 27:1	Amugu Dwata i gumdà nawagu, na kenen i falwà deg mdà di kdee sasè, taman là agu likò. I Amugu Dwata i too kamlung deg, taman simto dé kanlikògu? Landè!
14420	PSA 34:13	Mayè gamu dé ku nun fye knèyu na ku mlawil gamu? Mayè gamu dé ku nun klehewyu?
14583	PSA 42:3	Gambet too agu malau ge i too mto Dwata. Kilen kè lêman i kafdadonggu di ge du mangamfù agu?
14586	PSA 42:6	Na mangu di ktogu, “Kan ku too agu mlidù? Na kan ku too msamuk i nawagu? Én fye nimògu, smalig agu di Dwata, na lêman agu dmayen kenen du kenen i falwà deg, na kenen i Dwatagu.”
14590	PSA 42:10	Mangu di Dwata du kenen i guflidunggu, “Kan ku tanlifetam agu? Na kan ku tmayud agu fa di kafsasè i dad to dmuen deg?”
14592	PSA 42:12	Na mangu di ktogu, “Kan ku too agu mlidù? Na kan ku too msamuk i nawagu? Én fye nimògu, smalig agu di Dwata, na lêman agu dmayen kenen du kenen i falwà deg, na kenen i Dwatagu.”
14594	PSA 43:2	Alò ge, Dwata, i guflidunggu; na kan ku tnagakam agu? Kan ku tmayud agu fa di kafsasè i dad to dmuen deg?
14597	PSA 43:5	Na mangu di ktogu, “Kan ku too agu mlidù? Na kan ku too msamuk i nawagu? Én fye nimògu, smalig agu di Dwata, na lêman agu dmayen kenen du kenen i falwà deg, na kenen i Dwatagu.”
15261	PSA 80:5	E Amumi Dwata, gumdatah i kdee di tah langit na tanà, kel di kilen fa i kalbutam gami dad tom, na laam fanlinge i dad dasalmi?
15269	PSA 80:13	Kabay di bang ani salngad ku talanbaam i labat glibut di fulem, du talaam gami nan nifat. Kayeam kè ku i kdee magu mlius mifò i bunge grépam?
15397	PSA 89:7	Amugu Dwata, simto kè di klamang langit salngad ge? Landè dademe ditù di langit salngad ge,
15437	PSA 89:47	E Amugu Dwata, tan i klo tatiam fbayà i harì mgalékam? Kel di landè sen? Na kel di kilen fa i too kinit i kalbutam kenen?
15438	PSA 89:48	Amugu Dwata, fandamam i kfukal klawil i dad to. Landè dé gukmamum dad to, du tanimoam ale, bay kdeela mlal mati na landè alì fye gaganla?
15439	PSA 89:49	Simto to mto na landè kfatin? Landè to gmadè i kiboan fye laan mati.
15440	PSA 89:50	E Amugu, tanè i kakdom landè kgilin tafitem di muna, i kakdom tafakangam di ku Dabid fagu di katlum?
15456	PSA 90:13	E Amugu Dwata, kilen dé gusen i kalbutam gami? Kandom gami dad saligam!
16171	PSA 124:1	Ku talà msen gito i Amuito Dwata, tan dé i gukelito? Tmimel gamu, bel Israél!
16211	PSA 130:3	Amugu, ku galam too neye i kdee gugsalàmi, na laam nlifet, simto galwà di kukumam? Landè sa!
16314	PSA 139:7	Nun kè gusalugu i là ge déén, ge i mnè di balù nean? Nun kè gusalbunigu gawag di ge?
16492	PRO 1:22	na manan, “Gamu dad kulang kfulung faldam, kan ku fadlug gamu di làyu kfulung? Gamu dad madoy, kilen i katlagyu madoy? Gamu dad là fulung faldam, tan i kloyu mnang i glut kfulung?
16607	PRO 5:20	Taman dad ngàgu, kan ku kandoyu i satu libun ise yaanyu? Na kan ku dnawatyu i kakdo mdà di libun yaan i dademe?
16619	PRO 6:9	Kabay ge, i là mayè mimò, tan i klom kudang? Na kilen i kukatam?
16637	PRO 6:27	Tan i fandamam, fakay ku lamkaf ge lifoh na là sakuf i klaweham?
16638	PRO 6:28	Na fakay ku mdà ge di minit bala, na là myu i bliam?
17033	PRO 20:9	Simto to fakayan man too mlaneb i fandaman na landè salaan?
17325	PRO 30:4	Nun kè to lmen magket salu di langit di gumnè Dwata, na samfulêdini fdu ditù? Nun kè to lmen samtifun i nus na nagotan di falelan? Nun kè to lmen mungas i klamang yéél na i klamang mahin di saulan? Nun kè to lmen mimò i klamang banwe na i dad gusablengla? Simto lmen mimò kdee ani, tan i dagitan na dagit i tingaan? Tulenam deg ku gadeam.
22608	JON 1:8	Taman snalekla Dyona, manla, “Tulenam gami tan i nimoam duen nun kaflayammi ani? Tan i duenam dini? Tan i banwe gumdaam? Na tan bung to ge?”
23240	MAT 2:2	“Tanè gumnè i tingà falami sut, én mgimò kadang harì i dad Dyu? Tateenmi di gusut i duh i blatik ilè kakelan. Taman salu gami dini du mangamfù di kenen.”
23268	MAT 3:7	Kabay di kiten nun dee dad to mdà di lwe bung fnaglut i dad Dyu dnagit Farisi na Sadusi fdadong di kenen du fan fbunyag, manan di dale, “Tay gamu! Salngad gamu i dad ulad mila mdà di lifoh. Simto kè tmulen gamu galwà gamu di flayam blé Dwata ku alò gamu fbunyag?
23376	MAT 6:25	“Taman ani mangu di gamu, nangyu fsamuk i nawayu gablà di knèyu dini di tah tanà, i galyu knaan na ninum, na gablà di lawehyu ku tan klaweh galyu lsak. Mabtas fa i nawata di knaan, na i lawehta di klaweh. Na ku gablé Dwata di gamu i lawehyu na nawayu, kan ku fsamukyu nawayu gablà di knaan na klaweh?
23378	MAT 6:27	Nun kè di gamu tmugad i klawilan balù tukay fagu di kafsamuk i nawan gablà di kliduan? Landè sa.
23379	MAT 6:28	Na tan fa ku fsamukyu nawayu gablà di klawehyu? Fandamyu dad bulek di bnas, ku tan kibò ktabòla. Là ale faflayam meye klidùla na là ale mimò klawehla.
23381	MAT 6:30	Na fandamyu, landè kabtas dad bulek di bnas mto duh ani bay fayah mlanas na bat di lifoh. Ku kanlaweh Dwata i dad bulek di kafye én, laan gamu kè kanlaweh du too gamu mabtas? Tay, too tukay i ksaligyu!
23382	MAT 6:31	Taman nangyu fsamuk nawayu, na nangyu man, ‘Tanè gumwèmi i knaanmi? Tanè gumwèmi ninummi? Tanè gumwèmi klawehmi?’