22	GEN 1:22	À báaadàńgu à mɛ̀, aaɔ nɛ'i, aaiɔ kɔ̃́, kpɔɔ i ísia pa, bãɔ i kɔ̃ tɔɔlɛ.
24	GEN 1:24	Ɔ̃ Lua mɛ̀: Pɔ́ wɛ̃nideɔ aaɔ ku tɔɔlɛ, pɔtuoɔ ń pɔ́taa'onkuawaɔ ń sɛ̃̀anɔbɔɔ baade ń a buio. Ɔ̃ à kɛ̀ màa.
25	GEN 1:25	Lua sɛ̃̀anɔbɔɔ kɛ̀ baade ń a buio. À pɔtuoɔ kɛ̀ baade ń a buio. À pɔ́taa'onkuawaɔ kɛ̀ baade ń a buio. Ɔ̃ a è à kɛ̀ maa.
26	GEN 1:26	Ɔ̃ Lua mɛ̀: Wà gbɛ̃nazĩnaɔ kɛ wá taa ũ, aaiɔ dɛwáwa, aaiɔ iko vĩ kpɔɔwa ń bãɔ ń pɔtuoɔ ń sɛ̃̀anɔbɔɔ ń pɔ́taa'onkuawaɔ píi.
28	GEN 1:28	À báaadàńgu a ònɛ́: Àɔ nɛ'i, íɔ kɔ̃́, í dṹnia pa, íɔ gbãablewà. Àɔ iko vĩ kpɔɔwa ń bãɔ ń pɔ́ wɛ̃nide pɔ́ ì táa'o tɔɔlɛwaɔ píi.
30	GEN 1:30	Ma blɛ pɔ́ ì bɔlɛ tɔɔlɛwa kpà pɔ́ wɛ̃nideɔwa píi an blɛ ũɛ, nɔ̀bɔɔ ń bãɔ ń pɔ́taa'onkuawaɔ píi. Ɔ̃ à kɛ̀ màa.
43	GEN 2:12	mɛ́ vuapi kɛfɛũ. Zɔ̃go'ɔ kú we lɔ ń gbɛ̀ bɛɛɛde pɔ́ wì mɛ onisio.
52	GEN 2:21	Ɔ̃ Dii Lua tò gɔ̃ɛpi gɛ̃̀ ń io. Kɛ́ àlɛ i'o, ɔ̃ à aà gbã̀tɛ̃ɛwa mɛ̀ndo bɔ̀, ɔ̃ à aà mɛ tàta a gbɛu.
70	GEN 3:14	Ɔ̃ Dii Lua ò mlɛ̃ɛ: Lá ń kɛ̀ màa, ńyɔ̃ɔ dɛ láaipɔ ũ dɛ pɔtuoɔ ń sɛ̃̀anɔbɔɔla píi, ńyɔ̃ɔ táa'o n gbɛɛwaɛ, luutɛ̃ iɔ gɛ̃ n lɛ́u e n wɛ̃ni lɛ́u.
71	GEN 3:15	Mpi ń nɔɛo, má ĩ́ida á zãnguo, n bui ń aà buio zãnguo. Aà bui a n mi wí, mɛ́ ńyɔ̃ aà gbatoe kɛ'ĩa.
72	GEN 3:16	Ɔ̃ a ò nɔɛɛ: Má n nɔsia taasi kã́fĩnɛ, níɔ nɛ'i ń wãwão. N zã́ ni aliɔ kumaɛ, mɛ́ aɔ iko vĩmaɛ.
103	GEN 4:23	Lemɛki ò a naɔnɛ: Ada ń Zilao, à ma yãma, ma naɔ, à swã́kpa ma yã́i. Gbɛ̃e ma kɛ'ĩa, ɔ̃ ma aà dɛ̀, ɛ̀waasopi ma lɛɛ, ɔ̃ ma aà kàalɛ.
109	GEN 5:3	Adamu wɛ̃̀ basoolokwide (130) guu ɔ̃ à nɛ'ì láawa a taa ũ, ɔ̃ à tɔkpàɛ̀ Sɛti.
131	GEN 5:25	Mɛtusela wɛ̃̀ ɔ̀aa do kuɛ'aaɔ̃saide (187) guu ɔ̃ à Lemɛki ì.
145	GEN 6:7	ɔ̃ à mɛ̀: Má gbɛ̃nazĩna pɔ́ má kɛ̀ waa tɔɔlɛwaɛ, gbɛ̃nazĩnaɔ ń nɔ̀bɔɔ ń pɔ́taa'onkuawaɔ ń bãɔ, asa ma pɔ yà an kɛa yã́ musuɛ.
152	GEN 6:14	Gó'ilɛna kɛ ń lipɛpɛɛo, ní kɛ ń a kpɛaɔ, ní kɔtaa lɛwà a guu ń a kpɛo.
158	GEN 6:20	Bã buiɔ ń nɔ̀bɔ buiɔ ń pɔ́taa'onkuawa buiɔ píi aa mɔ n kĩ́i mɛ̀n plapla, kɛ́ aa e wàɔ ku.
162	GEN 7:2	Nɔ̀ɔ pɔ́ wì sa'oòɔ sɛ gɛ̃ò da ń sao soplapla, ní nɔ̀ɔ pɔ́ wìli sa'oòòɔ sɛ mɛ̀n plapla da ń sao.
167	GEN 7:7	À gɛ̃̀ gó'ilɛna guu ń a nɛ́ɔ ń a nao ń a nɛ́ɔ naɔ, kɛ́ aa e bɔ ípi yã́u.
168	GEN 7:8	Ɔ̃ nɔ̀ɔ pɔ́ wì sa'oòɔ ń nɔ̀ɔ pɔ́ wìli sa'oòòɔ ń bãɔ ń pɔ́taa'onkuawaɔ
174	GEN 7:14	ń sɛ̃̀anɔbɔɔ píi ń buiwa ń pɔtuoɔ píi ń buiwa ń pɔ́taa'onkuawaɔ píi ń buiwa ń pɔ́ vuaaɔ píi ń buiwa, bãɔ ń pɔ́ gã̀sĩadeɔ píi.
181	GEN 7:21	Pɔ́ wɛ̃nide pɔ́ ì táa'o tɔɔlɛwaɔ gàga píi, bãɔ ń pɔtuoɔ ń sɛ̃̀anɔbɔɔ ń pɔ́taa'onkuawaɔ ń gbɛ̃nazĩnaɔ píi.
183	GEN 7:23	Pɔ́ wɛ̃nide pɔ́ kú sĩ̀sĩaɔ mìdɛ píi. Gbɛ̃nazĩnaɔ ń nɔ̀bɔɔ ń pɔ́taa'onkuawaɔ ń bãɔ mìdɛ dṹnia guu. Nɔee mɛ́ bɔ̀ ado ń pɔ́ pɔ́ kuaànɔ gó guuɔ.
199	GEN 8:15	Ɔ̃ Lua yã'ò Nɔeeɛ à mɛ̀:
201	GEN 8:17	Pɔ́ wɛ̃nide pɔ́ kunnɔɔ bɔlɛ píi, bãɔ ń nɔ̀bɔɔ ń pɔ́taa'onkuawaɔ píi, aa fãaa tɔɔlɛ, aaiɔ nɛ'i, aaiɔ kã́fĩ dṹnia guu.
203	GEN 8:19	Nɔ̀bɔɔ píi ń pɔ́taa'onkuawaɔ píi ń bãɔ píi ń pɔ́ pɔ́ ì táa'o tɔɔlɛwaɔ píi, aa bɔ̀lɛ gó guu bui ń buio.
204	GEN 8:20	Ɔ̃ Nɔee Dii gbagbakĩi bò. À nɔ̀bɔ ń bã pɔ́ wì sa'oòɔ kũ̀, ɔ̃ à sa pɔ́ wì a pɔ́ kátɛu à tɛ́kũ òòwà.
207	GEN 9:1	Ɔ̃ Lua báaadà Nɔeegu ń aà nɛ́ɔ, a ònɛ́: Àɔ nɛ'i àɔ kã́fĩ, í dṹnia pa.
208	GEN 9:2	Nɔ̀bɔɔ ń bãɔ ń pɔ́taa'onkuawaɔ ń kpɔɔ píi aaɔ á vĩa vĩ. Ma ń naɛ́ á ɔzĩɛ.
209	GEN 9:3	Pɔ́ pɔ́ ì táa'oɔ píi aaɔ dɛ á pɔblea ũ. Ma ń kpáwá píiɛ, lá ma blɛ pɔ́ ì bɔlɛ tɔɔlɛwaɔ kpàwá yãawa.
213	GEN 9:7	Àɔ nɛ'i àɔ kã́fĩ, í li dṹniaa, íɔ kɔ̃́.
214	GEN 9:8	Lua yã'ò Nɔeeɛ ń aà nɛ́ɔ lɔ à mɛ̀:
224	GEN 9:18	Nɔee nɛ́ pɔ́ aa bɔ̀lɛ gó guuɔ tɔ́n kɛ: Sɛũ, Haũ, Yafɛti. Haũ mɛ́ Kanaa de'ia ũ.
228	GEN 9:22	Kɛ́ Kanaa de'ia Haũ ń mae puizi è, à bɔ̀ gɛ ò Sɛũɛ ń Yafɛtio.
229	GEN 9:23	Ɔ̃ Sɛũ ń Yafɛtio ulada sɛ̀ wa kà ń gã̀u ń pla, aa táa'ò ń kpɛo, an aɛ dɔa gupãle oi kɛ́ aasu ń mae puizi eo yã́i, aa gɛ̀ ń mae puizi ùlɛò.
297	GEN 11:30	Salaiá fĩiɛ, i nɛ'io.
302	GEN 12:3	Má báaada gbɛ̃́ pɔ́ aa samaa'onɛɔgu, mí gbɛ̃́ pɔ́ aa savãi'onɛɔ ká. Dṹnia bui píi a ɛ̀fãai e n sabai.
307	GEN 12:8	Kɛ́ à fɛ̀lɛ we, à mipɛ̀ gbɛ̀sĩsĩ pɔ́ kú Bɛtɛli gukpɛɔwa, ɔ̃ à bòokpà we, Bɛtɛli ku bɛ'aɛ oi, Ai ku gukpɛ oi. À Dii gbagbakĩi bò we lɔ, ɔ̃ à aà sìsi.
315	GEN 12:16	Ɔ̃ à Ablaũ yàaekɛ̀ maamaa aà yã́i, à sãɔ kpàwà ń zuɔ ń zàa'ĩnaɔ ń zɔgɔ̃ɛɔ ń zɔnɔɛɔ ń yiongoɔ.
319	GEN 12:20	Falaɔ̃ɔ yã'ò a gbɛ̃́ɔnɛ Ablaũ yã́ musu, ɔ̃ aa gɛ̀ zɛ̀ɛ̀ ń a nao ń a àizɛɛɔ píi.
323	GEN 13:4	gu pɔ́ à sa'okĩi bòu yãa. Ɔ̃ à Dii sìsi we.
333	GEN 13:14	Lɔtu taa gbɛa Dii ò Ablaũɛ: Gu pɔ́ ń zɛu, wɛsɛ ǹ gugbãntoo ń gɛɔmidɔkĩio ń gukpɛo ń bɛ'aɛo gwa.
335	GEN 13:16	Má tó n buiɔ dasikũ lán bùsu'ũfãawa. Tó gbɛ̃e a fɔ̃ bùsu'ũfãa nao, a fɔ̃ n buiɔ nao sɔ̃ɛ.
341	GEN 14:4	Aaìɔ falubɔ Kɛdɔlaomɛɛɛ à kà wɛ̃̀ kuɛpla. A wɛ̃̀ kuɛ'aaɔ̃de ɔ̃ aa gì bɔiɛ̀.
356	GEN 14:19	Ɔ̃ à samaa'ò Ablaũɛ à mɛ̀: Lua Musude musu ń zĩ́lɛo Kɛna báaada Ablaũgu.
362	GEN 15:1	Bee gbɛa Dii yã'ò Ablaũɛ wɛ́pungu'ea guu à mɛ̀: Ablaũ! Ńsu to vĩa n kũo. Mámɛ má n sɛ̀ngbao ũ, n asea aɔ zɔ̃ɔ maamaaɛ.
383	GEN 16:1	Ablaũ na Salai i nɛ'io. A zɔnɔɛ vĩ Egipi gbɛ̃́ ũ, wì mɛ Hagaa.
393	GEN 16:11	Ń nɔsia, ńyɔ̃ nɛ'i gɔ̃ɛ ũ, ní tɔ́kpaɛ̀ Isimaɛla, asa Dii n yãmà n taasikɛa guu.
394	GEN 16:12	Aɔ dɛ lán sɛ̃̀a zàa'ĩnawa, a íbɛlɛsɛ ń gbɛ̃́piio, gbɛ̃́pii i íbɛlɛsɛaànɔ sɔ̃. Aɔ ku kɔ̃ yã́i ń a gbɛ̃́piɔ gbɛ̃eoo.
395	GEN 16:13	Ɔ̃ Hagaa mɛ̀: Lakĩi ma wɛsì Lua pɔ́ ì ma elɛ. Ɔ̃ à tɔkpà Dii pɔ́ yã'òɛɛ Luapɔima'e.
396	GEN 16:14	Ayãmɛto wà tɔkpà lɔ̀ɔpiɛ Luabɛ̃ɛpɔima'elɔɔ. A ku Kadɛsi ń Bɛlɛdio zãnguoɛ.
414	GEN 17:16	Má báaadaaàgu, mí tó aà nɛ'i gɔ̃ɛ ũ, i gɔ̃ buiɔ dazi ũ. Bùsu kíaɔ bɔ aà kĩ́iɛ.
415	GEN 17:17	Ɔ̃ Ablahaũ wùlɛ a gbɛɛu Lua aɛ, à yáalɔ̀ a ò a nɔ̀sɛ guu: Gbɛ̃́ pɔ́ kà wɛ̃̀ basɔo a nɛ'ie? Lá Sala kà wɛ̃̀ basiiɔ̃kwi, a nɛ'ie?
417	GEN 17:19	Lua mɛ̀: Sĩana guu n na Sala a nɛ'i gɔ̃ɛ ũ, ní tɔ́kpaɛ̀ Izaaki. Ma bàa aɔ kuaànɔ ń aà buiɔ e gɔɔpiiɛ.
418	GEN 17:20	Isimaɛla yã́ musu, ma n yãmà. Má báaadaaàgu, a nɛ'i, i kã́fĩ maamaa. A nɛgɔ̃ɛɔ i gbɛ̃ɔn kuɛpla, mɛ́ aa gɔ̃ kíaɔ ũ, aà bui i dasikũ.
419	GEN 17:21	Ń beeo ma bàakuannɔ a gɔ̃ Izaakiɛɛ. Zii maa'i ɔ̃ Sala a aà i.
420	GEN 17:22	Kɛ́ Lua yã'ò Ablahaũɛ a làa, ɔ̃ à gòaàla à tà musu.
423	GEN 17:25	aà nɛ́ Isimaɛla sɔ̃ wɛ̃̀ kuɛ'aaɔ̃.
433	GEN 18:8	Ɔ̃ Ablahaũ vĩfãai ń vĩ'ipuo ń zu pɔ́ wa kɛ̀kɛpio sɛ̀ gɛ̀ò, a dìlɛnɛ́. Gɔɔ pɔ́ aalɛ pɔble, a kú ń saɛ azĩa lí gbáu we.
435	GEN 18:10	Ɔ̃ Dii mɛ̀: Má ɛa mɔ n kĩ́i zii maa'i, n na Sala i nɛ'i gɔ̃ɛ ũ. Sala kú kpɛɛlɛ aà kpɛ, àlɛ ma.
438	GEN 18:13	Ɔ̃ Dii Ablahaũ là à mɛ̀: Àkɛa Sala yáalɔ̀i? À mɛ̀ a gbɛ̃́ pɔ́ a zikũ̀ á fɔ̃ nɛ'i lɔe?
439	GEN 18:14	Yãe líɔ zĩ'ũmɛɛo. Zii maa'i tó a gɔɔ kà, má mɔ́ n kĩ́i, Sala i gbasa nɛ'i gɔ̃ɛ ũ.
440	GEN 18:15	Ɔ̃ Sala lelekpà à mɛ̀ i yáalɔo, asa vĩa aà kũ̀ɛ. Ɔ̃ Dii mɛ̀: É'e, n yáalɔ̀ se.
452	GEN 18:27	Ɔ̃ Ablahaũ ɛ̀a ò lɔ: Ma gbɛ̃́ pɔ́ má dɛ bùsuti ń túfuo ũ, gáafaakɛmɛɛ mà ɛa yã'onɛ, Dii.
454	GEN 18:29	Ɔ̃ Ablahaũ gì lɛ́ yã'oɛ̀ à mɛ̀: Tó gbɛ̃maaɔ kà bla sɔ̃ bɛ? Ɔ̃ Dii mɛ̀: Má yãe kɛo gbɛ̃ɔn blapiɔ yã́i.
455	GEN 18:30	Ɔ̃ à mɛ̀: Dii, n yã́ na! Ńsu to n pɔ pao, má ye yã'o lɔ. Tó gbɛ̃maaɔ kà baakwi sɔ̃ bɛ? A wèwà à mɛ̀: Tó ma gbɛ̃maaɔ è gbɛ̃ɔn baakwi, má yãe kɛo.
456	GEN 18:31	Ɔ̃ à mɛ̀: Gáafaakɛmɛɛ lɔ Dii, mà yã'onɛ. Tó gbɛ̃maaɔ kà gbɛ̃ɔn bao sɔ̃ bɛ? A wèwà à mɛ̀: Má wɛ̃́lɛpi kaalɛo gbɛ̃ɔn baopiɔ yã́i.
457	GEN 18:32	Ɔ̃ à mɛ̀: Dii, ńsu to n pɔ pao, yã́ɛ bee bàasio má yã'o lɔo. Tó gbɛ̃maaɔ kà kwi sɔ̃ bɛ? A wèwà à mɛ̀: Má wɛ̃́lɛpi kaalɛo gbɛ̃ɔn kwipiɔ yã́i.
458	GEN 18:33	Kɛ́ Dii yã'ò Ablahaũɛ a làa, à gɛ̃̀zɛa, ɔ̃ Ablahaũ ɛ̀a tà bɛ.
460	GEN 19:2	à mɛ̀: Ma diiɔ, á yã́ na! À mɔ gɛ pilai mapi á zɔ̀blena bɛ, í zu'o, í i la, zia kɔɔ káaukaau í dazɛu. Aa mɛ̀: Aawo, wá i gãaɛɛ.
488	GEN 19:30	Kɛ́ Lɔtu bɔ̀ Zoaa, à gɛ̀ zɔ̃̀lɛ gusĩsĩdeu ń a nɛnɔɛna plaaɔ, kɛ́ a kua Zoaa vĩa vĩ yã́i. Ɔ̃ à gɛ̀ ku gbɛ̀'ɛu ń a nɛnɔɛnapiɔ.
495	GEN 19:37	Yɔ̃ nɛ'ì gɔ̃ɛ ũ, ɔ̃ à tɔkpàɛ̀ Mɔabu. Aàpi mɛ́ Mɔabu bui pɔ́ kú e gbãɔ dezi sɛ̃́ia ũ.
496	GEN 19:38	Bãa nɛ'ì gɔ̃ɛ ũ sɔ̃, ɔ̃ à tɔkpàɛ̀ Bɛ̃nami. Aàpi mɛ́ Amɔni bui pɔ́ kú e gbãɔ dezi sɛ̃́ia ũ.
513	GEN 20:17	Ɔ̃ Ablahaũ wabikɛ̀ Luawa, ɔ̃ Lua Abimɛlɛki gbã̀gbã ń aà nao ń aà nɔ pɔ́ i mɛ́sɛdilɛnɛ́oɔ, kɛ́ aa e nɛ'i,
516	GEN 21:2	Ɔ̃ à nɔsì à nɛ'ì ń Ablahaũo gɔ̃ɛ ũ a zikũ guu gɔɔ pɔ́ Lua dìlɛɛwa.
551	GEN 22:3	Kɛ́ à fɛ̀lɛ kɔɔkɔɔ, à káoyè a zàa'ĩnaɛ, ɔ̃ à a zĩkɛna gbɛ̃ɔn plaɔ sɛ̀ ń a nɛ́ Izaakipio. À sa'oyaa pàa, ɔ̃ à dàzɛu, àlɛ gɛ́ gu pɔ́ Lua òɛu.
553	GEN 22:5	Ɔ̃ a ò a zĩkɛnapiɔnɛ: À gɔ̃ ń zàa'ĩnao la. Mapi ń ɛ̀waasonaɛ beeo wá gɛ́ aɛ kúlɛi Luaɛ, wí ɛa su wà á le la.
554	GEN 22:6	Ablahaũ sa'oyaa sɛ dì a nɛ́piɛ, ɔ̃ a tɛ́kũa ń fɛ̃nao, aalɛ gɛ́ sãnu.
555	GEN 22:7	Ɔ̃ Izaaki ò a maeɛ à mɛ̀: Baa! Ɔ̃ a wèwà à mɛ̀: Bɔ́ ni nɛ́? Ɔ̃ nɛ́pi òɛ̀: Wá tɛ́ kũa ń yàao, sã pɔ́ wá sa'oò ku má ni?
556	GEN 22:8	Ɔ̃ Ablahaũ mɛ̀: Ma nɛ́, Lua mɛ́ a sa'osã kpá. Ɔ̃ aa tɛkɔ̃i, aalɛ gɛ́.
557	GEN 22:9	Kɛ́ aa kà gu pɔ́ Lua òɛ̀u, à sa'okĩi bò we, à yàakàa. Ɔ̃ à a nɛ́pi yè a dà yàapila sa'okĩi musu.
569	GEN 22:21	Aà nɛgɔ̃ɛ sɛ̃́ia tɔ́n Uzu. Aà dãunaɔ tɔ́n kɛ: Buzu, Alaũ de'ia Kɛmuɛ,
578	GEN 23:6	Mae, wá yãma. Lua gbɛ̃́ báaaden n ũ wá guu. Ǹ n gɛ vĩ gɛ̀'ɛ pɔ́ kɛ̀nɛ maa guu. Wá gbɛ̃e a ginɛ ń gɛ̀'ɛo kɛ́ ǹ gɛ vĩuo.
581	GEN 23:9	aà Mapela gbɛ̀'ɛ pɔ́ kú aà bú lɛ́ yíaa a ɔ̃awa, i gɔ̃ ma gɛvĩkĩi ũ á bùsuu la.
583	GEN 23:11	Aawo mae, ma yãma. Ma n gba buapi ń gbɛ̀'ɛ pɔ́ kú weoɛ. Ma n gba ma gbɛ̃́ɔ wáaɛ. Ma n gbaɛ ǹ gɛ vĩu.
589	GEN 23:17	Beewa ɔ̃ Ɛfɔ̃nɔ bú pɔ́ kú Mapela, Mamale saɛ, gɔ̃̀ Ablahaũ pɔ́ ũ ń gbɛ̀'ɛ pɔ́ kúuo ń lí pɔ́ kú we e búpi lɛ́waɔ píi.
591	GEN 23:19	Bee gbɛa Ablahaũ a na vĩ̀ Mapela bua gbɛ̀'ɛpi guu Mamale pɔ́ wì mɛ tia Hɛblɔ̃ saɛ, Kanaa bùsuu.
592	GEN 23:20	Màa bú ń gbɛ̀'ɛ pɔ́ dɛ yãa Itiɔ pɔ́ ũo gɔ̃̀ Ablahaũɛ gɛvĩkĩi ũ.
599	GEN 24:7	Dii Lua Musude ma bɔ ma mae bɛ ma daɛɔ bùsuu, ɔ̃ à yã'òmɛɛ, à lɛgbɛ̃̀ à mɛ̀ á bùsuɛ bee kpa ma buiɔwaɛ. Aàpi mɛ́ a a Malaika zĩ aà dɔaanɛ. Wekĩi ɔ̃ ńyɔ̃ nɔsɛu ma nɛ́ɛ.
614	GEN 24:22	Kɛ́ yiongoɔ imì aa làa, ɔ̃ gɔ̃ɛpi vua tãana maa dà nɔpiɛ a níu, à vua zã'ɔana dàɛ̀ mɛ̀n pla. Tãanapi gbia kà galaũ sɔo, zã'ɔanapiɔ sɔ̃ galaũ basɔobasɔo.
621	GEN 24:29	Lɛbɛkapi dãɔ vĩ, wì mɛɛ̀ Labã. À bɔ̀ wɛ̃́nkpɛ ń bao, à gɛ̀ gɔ̃ɛpi lè lɔ̀ɔ'ɛa,
622	GEN 24:30	asa a è a dãe tãana ń zão daa, mɛ́ à yã́ pɔ́ gɔ̃ɛpi òɛ̀ mà. Kɛ́ à gɛ̀ aà lè ń yiongoɔ lɔ̀ɔ'ɛa,
627	GEN 24:35	Dii ɛ̀fãaikɛ̀ ma diiɛ maamaa, ɔ̃ à gɔ̃̀ ɔde ũ. À aà gbà sãɔ ń zuɔ ń ã́nusuo ń vuao ń zɔgɔ̃ɛɔ ń zɔnɔɛɔ ń yiongoɔ ń zàa'ĩnaɔ.
628	GEN 24:36	Ma diipi na Sala nɛ'ì gɔ̃ɛ ũ a zikũ guu, ɔ̃ ma dii pɔ́ pɔ́ á vĩ kpà nɛ́piwa píi.
635	GEN 24:43	Má kú lɔ̀ɔ'ɛa. Wɛ̃́ndia pɔ́ mɔ̀ ítɔi, mɛ́ má òɛ̀ aà ma gba í yɔɔ mà mi,
637	GEN 24:45	E màɔ yã́pi o ma nɔ̀sɛ guu màɔ láa, ɔ̃ Lɛbɛka bɔ̀ ń loo dia a gã̀u, à mɔ̀ lɔ̀ɔ'ɛa à itɔ̀. Ɔ̃ má òɛ̀ aà ma gba í mà mi.
652	GEN 24:60	Aa samaa'ò Lɛbɛkaɛ aa òɛ̀: Nɛ́, ńyɔ̃ gɔ̃ gbɛ̃́ dasidasiɔ dazi ũ, n buiɔ iɔ iko vĩ ń zangudeɔwa.
654	GEN 24:62	À mɔ lè Izaaki sù ń lɔ̀ɔ pɔ́ wì mɛ Luabɛ̃ɛpɔima'eo, à zɔ̃̀lɛ Nɛgɛvɛ bùsuu.
668	GEN 25:9	Aà nɛ́ɔ Izaaki ń Isimaɛlao aà vĩ̀ Mapela gbɛ̀'ɛ guu, Mamale gukpɛ, bua pɔ́ dɛ Iti bui Zohaa nɛ́ Ɛfɔ̃nɔ pɔ́ ũ yãa,
670	GEN 25:11	Ablahaũ gaa gbɛa Lua báaadà aà nɛ́ Izaakigu. A zɔ̃lɛa Luabɛ̃ɛpɔima'e lɔ̀ɔ saɛ.