2	GEN 1:2	Gu da pãɛ, a kɛkɛao, gusia mɛ́ da ísiaa, ɔ̃ Lua Nisĩna lɛ́ yàakpa ípia.
4	GEN 1:4	A è gupuapi maa, ɔ̃ à gupua kɛ̃̀aa ń gusiao.
5	GEN 1:5	À tɔkpà gupuaɛ fãanɛ, gusia sɔ̃ gwãasĩna. Gu sì, gu dɔ̀, a gɔɔ sɛ̃́ian we.
6	GEN 1:6	Ɔ̃ Lua mɛ̀: Bàluma àɔ ku íɔ zãnguo, kɛ́ à ípiɔ kɛ̃kɔ̃wa.
7	GEN 1:7	Ɔ̃ à bàluma kɛ̀ màa, à í pɔ́ kú bàluma zíɛ kɛ̃̀kɔ̃wa ń í pɔ́ kú a musuo.
8	GEN 1:8	Ɔ̃ à tɔkpà bàlumapiɛ luabɛ. Gu sì, gu dɔ̀, a gɔɔ plaaden we.
9	GEN 1:9	Ɔ̃ Lua mɛ̀: Í pɔ́ kú zĩ́lɛ kãaa gudoũ, gugii bɔ. Ɔ̃ à kɛ̀ màa.
10	GEN 1:10	À tɔkpà gugiipiɛ tɔɔlɛ, ɔ̃ à tɔkpà í pɔ́ kã̀aaɛ ísia. Ɔ̃ a è à kɛ̀ maa.
11	GEN 1:11	Ɔ̃ Lua mɛ̀: Láɔ bɔlɛ tɔɔlɛ ń sɛ̃̀ wɛdeɔ ń lí nɛdeɔ, baade ń a buio. Ɔ̃ à kɛ̀ màa,
12	GEN 1:12	láɔ bɔ̀lɛ tɔɔlɛ ń sɛ̃̀ wɛdeɔ ń lí nɛdeɔ, baade ń a buio. Ɔ̃ Lua è à kɛ̀ maa.
13	GEN 1:13	Gu sì, gu dɔ̀, a gɔɔ àaɔ̃den we.
14	GEN 1:14	Ɔ̃ Lua mɛ̀: Pɔgupunaɔ aaɔ ku musu, aaɔ fãanɛ kɛ̃́kɔ̃wa ń gwã́o, aaɔ dikpɛɔ ń gɔɔɔ ń wɛ̃ɔ ɔlɔnɛ́.
15	GEN 1:15	Aaɔ dɛ pɔgupunaɔ ũ musu, kɛ́ aaɔ dṹnia pu. Ɔ̃ à kɛ̀ màa.
16	GEN 1:16	À pɔgupuna zɔ̃ɔɔ kɛ̀ mɛ̀n pla, a pɔ́ pɔ́ gbãa ìɔ kible fãanɛ, a pɔ́ pɔ́ busɛ ìɔ kible gwã́. À saanaɔ kɛ̀ lɔ.
17	GEN 1:17	À ń pɛpɛ musu aaɔ dṹnia pu,
18	GEN 1:18	aaɔ kible fãanɛ ń gwãasĩnao, aaɔ gupua kɛ̃kɔ̃wa ń gusiao. Ɔ̃ a è à kɛ̀ maa.
19	GEN 1:19	Gu sì, gu dɔ̀, a gɔɔ síiɔ̃den we.
20	GEN 1:20	Ɔ̃ Lua mɛ̀: Pɔ́ wɛ̃nideɔ í pa yɔ̃̀ɛyɔ̃ɛ, bãɔ ligua musu, aaɔ vua bàlumau.
22	GEN 1:22	À báaadàńgu à mɛ̀, aaɔ nɛ'i, aaiɔ kɔ̃́, kpɔɔ i ísia pa, bãɔ i kɔ̃ tɔɔlɛ.
23	GEN 1:23	Gu sì, gu dɔ̀, a gɔɔ sɔoden we.
24	GEN 1:24	Ɔ̃ Lua mɛ̀: Pɔ́ wɛ̃nideɔ aaɔ ku tɔɔlɛ, pɔtuoɔ ń pɔ́taa'onkuawaɔ ń sɛ̃̀anɔbɔɔ baade ń a buio. Ɔ̃ à kɛ̀ màa.
26	GEN 1:26	Ɔ̃ Lua mɛ̀: Wà gbɛ̃nazĩnaɔ kɛ wá taa ũ, aaiɔ dɛwáwa, aaiɔ iko vĩ kpɔɔwa ń bãɔ ń pɔtuoɔ ń sɛ̃̀anɔbɔɔ ń pɔ́taa'onkuawaɔ píi.
28	GEN 1:28	À báaadàńgu a ònɛ́: Àɔ nɛ'i, íɔ kɔ̃́, í dṹnia pa, íɔ gbãablewà. Àɔ iko vĩ kpɔɔwa ń bãɔ ń pɔ́ wɛ̃nide pɔ́ ì táa'o tɔɔlɛwaɔ píi.
30	GEN 1:30	Ma blɛ pɔ́ ì bɔlɛ tɔɔlɛwa kpà pɔ́ wɛ̃nideɔwa píi an blɛ ũɛ, nɔ̀bɔɔ ń bãɔ ń pɔ́taa'onkuawaɔ píi. Ɔ̃ à kɛ̀ màa.
31	GEN 1:31	Lua pɔ́ pɔ́ á kɛ̀ɔ è píi, à kɛ̀ maa wásawasa. Gu sì, gu dɔ̀, a gɔɔ sooloden we.
33	GEN 2:2	E a gɔɔ soplade zĩ́ àɔ ká, zĩ pɔ́ àlɛ kɛpi làa. A gɔɔ sopladepi zĩ́ ɔ̃ à kã́mabò ń zĩ pɔ́ á kɛ̀o.
34	GEN 2:3	Ɔ̃ à báaadà gɔɔ sopladepiu a dìlɛ a pɔ́ ũ, kɛ́ zĩbeezĩ à kã́mabò ń zĩ pɔ́ á kɛ̀o píi yã́i.
35	GEN 2:4	Musu ń zĩ́lɛo kɛa yã́n kɛ: Gɔɔ pɔ́ Dii Lua zĩ́lɛ ń musuo kɛ̀,
36	GEN 2:5	bua pɔe i bɔlɛ tɔɔlɛwa yãao, baa sɛ̃, asa Dii Lua i to lou mào, mɛ́ gbɛ̃e ku à tɔɔlɛ zĩkɛo.
37	GEN 2:6	Sua mɛ́ ì kpa dṹniau, ɔ̃ ì mɔ̀sɛpisi tɔɔlɛwa píi.
38	GEN 2:7	Dii Lua gɔ̃ɛ ikàsa ń bùsutio. Kɛ́ à ĩ́an wɛ̃nide pɛ̀ aà níu, ɔ̃ gɔ̃ɛpi gɔ̃̀ gbɛ̃́ bɛ̃́ɛ ũ.
39	GEN 2:8	Dii Lua lu kɛ̀kɛ gukpɛ oi gu pɔ́ wì mɛ Edɛni, ɔ̃ à gɔ̃ɛ pɔ́ á kɛ̀pi dàu we.
40	GEN 2:9	Dii Lua tò lí bui píi bɔ̀lɛ tɔɔlɛ. Lípiɔ kɛfɛũ, mɛ́ an bɛ blea na. Lí wɛ̃nide ku lupi guo, mɛ́ lí pɔ́ ì dɔ̃a maa ń a vãio inɛ́ kú we lɔ.
41	GEN 2:10	Swa ku Edɛni, ìɔ mɔ̀sɛpisi lupiwa. Bɔa we à gɔ̃nakɛ̃̀ síiɔ̃.
42	GEN 2:11	A sɛ̃́ia tɔ́n Pisɔ̃, ɔ̃mɛ liaa Avila bùsui píi. Vua ku bùsupiu,
44	GEN 2:13	Swapi gɔ̃na plaade tɔ́n Giɔ̃, a liaa Kusi bùsui píi.
45	GEN 2:14	A gɔ̃na àaɔ̃de tɔ́n Tigilisi, a dɔ̀ɔ tà Asili bùsu gukpɛ oi. Swapi gɔ̃na síiɔ̃de tɔ́n Uflata.
46	GEN 2:15	Dii Lua gɔ̃ɛpi dìlɛ Edɛni lupi guu, aàɔ a zĩkɛ, iɔ gwa.
47	GEN 2:16	Ɔ̃ à yãdìlɛɛ̀ à mɛ̀: Ńyɔ̃ fɔ̃ ǹ lupi lí píi bɛ ble,
48	GEN 2:17	ãma ńsu lí pɔ́ ì dɔ̃a maa ń a vãio inɛ́ bɛ bleo, asa tó ń blè, n gaɛ.
50	GEN 2:19	Ɔ̃ à bùsu sɛ̀ à nɔ̀bɔɔ kɛ̀ò píi ń bãɔ píi, ɔ̃ à mɔ̀ńnɔ gɔ̃ɛ kĩ́i, kɛ́ à e lá a tɔ́kpanɛ́. Tɔ́ pɔ́ gɔ̃ɛpi kpà pɔ́ wɛ̃nidepiɔnɛ píi gɔ̃̀ ń tɔ́ ũ.
51	GEN 2:20	Gɔ̃ɛpi tɔkpà pɔtuoɔnɛ píi ń bãɔ ń sɛ̃̀anɔbɔɔ píi, ãma i dɔnlɛde e ń guu a gbɛ̃do ũo.
52	GEN 2:21	Ɔ̃ Dii Lua tò gɔ̃ɛpi gɛ̃̀ ń io. Kɛ́ àlɛ i'o, ɔ̃ à aà gbã̀tɛ̃ɛwa mɛ̀ndo bɔ̀, ɔ̃ à aà mɛ tàta a gbɛu.
53	GEN 2:22	Ɔ̃ à gɔ̃ɛpi gbã̀tɛ̃ɛwa pɔ́ á bɔ̀pi lìlɛ nɔɛ ũ, ɔ̃ à gɛ̀aànɔ aà kĩ́i.
54	GEN 2:23	Ɔ̃ gɔ̃ɛpi mɛ̀: Gbɛ̃́ɛ bee sa, aà wá bɔ̀ ma wá guuɛ, mɛ́ aà mɛ bɔ̀ ma mɛ guuɛ. Wàli oɛ̀ nɔɛ, kɛ́ wà aà bɔ̀ gɔ̃ɛ guu yã́i.
55	GEN 2:24	Ayãmɛto gɔ̃ɛ ì go a de ń a daowa, ì na a nawa, ɔ̃ aaì gɔ̃ lán sàwakula ń gbalaowa.
56	GEN 2:25	Gɔ̃ɛ ń a nao ku puizi an pla ḿpii, kási wí lí ń kũo.
57	GEN 3:1	Mlɛ̃ mɛ́ kɔ̃ni vĩ dɛ sɛ̃̀anɔbɔ pɔ́ Dii Lua kɛ̀ɔla píi, ɔ̃ à nɔɛ là à mɛ̀: Lua mɛ̀ ásu lupi líe bɛ bleoɛa?
58	GEN 3:2	Ɔ̃ nɔɛ wè mlɛ̃piwa: Wá fɔ̃ wà lupi libɛ ble,
59	GEN 3:3	ãma lí pɔ́ kú lupi guo, Lua mɛ̀ wásu wà a bɛ bleo, wásu ɔkãwà seo, kɛ́ wásu gao yã́i.
61	GEN 3:5	Lua dɔ̃ tó á blè, á wɛ́ a kɛ̃́, í gɔ̃ láawa, íɔ maa ń vãio dɔ̃.
62	GEN 3:6	Kɛ́ nɔɛ è lípi bɛ kɛfɛũ mɛ́ a blea aɔ na, a to gbɛ̃́ wɛ́ kɛ̃́, ɔ̃ à a bɛ bò a blè. A kpà a zã́wa, ɔ̃ a blè sɔ̃.
63	GEN 3:7	An pla ḿpii an wɛ́ kɛ̃̀, ɔ̃ aa dɔ̃̀ sa kɛ́ wa ku puizi. Ɔ̃ aa goola lá nàmi aa nàńzi.
64	GEN 3:8	Kɛ́ gɔ̃ɛ ń a nao Dii Lua kĩ́i mà, àlɛ bɛbɛ luu oosiɛlɛ, ɔ̃ aa ùlɛɛ̀ lupi láu.
66	GEN 3:10	A wèwà à mɛ̀: Kɛ́ ma n kĩ́i mà, ɔ̃ vĩa ma kũ, kɛ́ má kú puizi yã́i, ɔ̃ ma ulɛ.
67	GEN 3:11	Ɔ̃ Dii Lua aà là à mɛ̀: Démɛ ònɛ ń kú puiziɛi? Lí pɔ́ ma ginɛ ǹ a bɛ ble, ń blè yã̀?
68	GEN 3:12	A wèwà à mɛ̀: Nɔɛ pɔ́ ń kpàa àɔ kumanɔ mɛ́ lípi bɛ kpàa, ɔ̃ má blè.
69	GEN 3:13	Ɔ̃ Dii Lua nɔɛ là à mɛ̀: Bɔ́yãi ń kɛ̀i màai? A wèwà à mɛ̀: Mlɛ̃ mɛ́ ma sãsã, ɔ̃ má blè.
70	GEN 3:14	Ɔ̃ Dii Lua ò mlɛ̃ɛ: Lá ń kɛ̀ màa, ńyɔ̃ɔ dɛ láaipɔ ũ dɛ pɔtuoɔ ń sɛ̃̀anɔbɔɔla píi, ńyɔ̃ɔ táa'o n gbɛɛwaɛ, luutɛ̃ iɔ gɛ̃ n lɛ́u e n wɛ̃ni lɛ́u.
71	GEN 3:15	Mpi ń nɔɛo, má ĩ́ida á zãnguo, n bui ń aà buio zãnguo. Aà bui a n mi wí, mɛ́ ńyɔ̃ aà gbatoe kɛ'ĩa.
72	GEN 3:16	Ɔ̃ a ò nɔɛɛ: Má n nɔsia taasi kã́fĩnɛ, níɔ nɛ'i ń wãwão. N zã́ ni aliɔ kumaɛ, mɛ́ aɔ iko vĩmaɛ.
73	GEN 3:17	Ɔ̃ a ò gɔ̃ɛɛ: Lá n n na yãmà, n lí pɔ́ ma ginɛ ǹ a bɛ ble blè, tɔɔlɛ a gɔ̃ láaipɔ ũ n yã́i, taasi guu ɔ̃ ńyɔ̃li blɛ eu e n wɛ̃ni lɛ́u.
74	GEN 3:18	Bua pɔ́ɔ ɔ̃ ńyɔ̃li ble, ali lɛɔ ń lá ṹadeɔ bɔlɛnɛ.
75	GEN 3:19	Isimagakpaa guu ɔ̃ ńyɔ̃li blɛbleu, e ǹ ɛa ǹ gɛ̃ò tíu, asa wekĩi ma n bɔu. Bùsutin n ũ, mɛ́ ńyɔ̃ ɛa gɔ̃ bùsutipi ũɛ.
76	GEN 3:20	Adamu tɔkpà a naɛ Ɛva, asa gbɛ̃́pii daziɛ.
78	GEN 3:22	Ɔ̃ à mɛ̀: Gbɛ̃nazĩna maa ń vãio dɔ̃̀ sa, à gɔ̃̀ láwáwa. Wà giɛ̀ aà lí wɛ̃nide bɛ bo ble, kɛ́ asu àɔ ku gɔɔpiio yã́i.
80	GEN 3:24	Kɛ́ Dii Lua aà yà, ɔ̃ à malaika gã̀sĩadeɔ kàlɛ Edɛni lupi gukpɛ oi, aaɔ lí wɛ̃nide zɛ́ dɔ̃́a ń fɛ̃nda pɔ́ lɛ́ liasãizɔ̃, a wɛ́tɛ̃ lɛ́ tɛkɛo.
81	GEN 4:1	Adamu a na Ɛva dɔ̃̀ nɔɛ ũ, ɔ̃ à nɔsì à Kainu ì. Ɔ̃ à mɛ̀: Ma gɔ̃ɛ ì ń Dii gbãao.
84	GEN 4:4	Abɛli sɔ̃ à mɔ̀ ń a sãnɛ sɛ̃́ia mɛkpaao. Abɛli yã́ kà Diigu, ɔ̃ à aà gba sì.
85	GEN 4:5	Kainu sɔ̃, aà yã́ i ka Diiguo, ɔ̃ i aà gba sio. Ɔ̃ Kainu pɔ pà maamaa, aà oa ɔ̃̀ɔkpà.
87	GEN 4:7	Tó n zɛ ń yãmaao, n oa aɔ weeao lé? Tó ni zɛ ń yãmaao sɔ̃o, duuna naalɛnɛ n kpɛɛlɛ. N ni lɛ́ aà dɛ, sema ǹ zĩblewà.
88	GEN 4:8	Ɔ̃ Kainu ò a dãuna Abɛliɛ: Wà gɛ́ sɛ̃u. Kɛ́ aa kà we, ɔ̃ à fɛ̀lɛ ń a dãunao à aà dɛ̀.
91	GEN 4:11	Tiasa ńyɔ̃ gɔ̃ láaipɔ ũɛ, ní zãkũ ń tɔɔlɛ pɔ́ n dãuna au mì n ɔzĩo.
92	GEN 4:12	Tó n sɛ̃wà, tɔɔlɛ a kã́fĩakɛnɛo. Ńyɔ̃ɔ sɔ̃kĩikpakpa ǹyɔ̃ liaaliaa dṹnia guuɛ.
93	GEN 4:13	Ɔ̃ Kainu ò Diiɛ: Ĩadamaɛ bee gbãa dɛmala, má fɔ̃o.
94	GEN 4:14	Ńlɛ ma ya tɔɔlɛu la gbãɛ sa. Máɔ kɛ̃amaɛ sa. Máɔ sɔ̃kĩikpakpaɛ, míɔ liaaliaa dṹnia guu, gbɛ̃́ pɔ́ kpàaũmanɔ i ma dɛ.
95	GEN 4:15	Ɔ̃ Dii òɛ̀: Màa no! Tó gbɛ̃́ n dɛ, wa n pɔ́ tɔsinɛ gɛ̃n soplaɛ. Ɔ̃ Dii wɛ̃̀sãe kɛ̃̀ Kainuwa, kɛ́ gbɛ̃́ pɔ́ kpàaũaànɔ su aà dɛo yã́i.
97	GEN 4:17	Kainu wùlɛ ń a nɔo, ɔ̃ à nɔsì à Ɛnɔki ì. A gbɛa Kainu wɛ̃́lɛ kàlɛ, ɔ̃ à a nɛ́pi tɔ́ kpàɛ̀.
98	GEN 4:18	Ɛnɔki Iladi ì, Iladi Mɛuyaɛ ì, Mɛuyaɛ Mɛtusaɛ ì, Mɛtusaɛ Lemɛki ì.
99	GEN 4:19	Lemɛki nɔsɛ̀ mɛ̀n pla, ado tɔ́n Ada, ado Zila.
102	GEN 4:22	Zila sɔ̃, ɔ̃mɛ Tubali Kainu ì. Sian aà ũ. Ì pɔ́pii pí ń mɔsio ń mɔgotɛ̃o. Aà dãe tɔ́n Naama.
103	GEN 4:23	Lemɛki ò a naɔnɛ: Ada ń Zilao, à ma yãma, ma naɔ, à swã́kpa ma yã́i. Gbɛ̃e ma kɛ'ĩa, ɔ̃ ma aà dɛ̀, ɛ̀waasopi ma lɛɛ, ɔ̃ ma aà kàalɛ.
104	GEN 4:24	Wa Kainu pɔ́ tɔsiɛ̀ gɛ̃n soplaɛ, ma Lemɛki ma pɔ́ sɔ̃, gɛ̃n bàaɔ̃kwi ń soplao.
105	GEN 4:25	Adamu wùlɛ ń a nɔo lɔ, ɔ̃ à nɛgɔ̃ɛ ì. À tɔkpàɛ̀ Sɛti, asa à mɛ̀ Lua a gba nɛ́ pãle Abɛli pɔ́ Kainu aà dɛ̀ gɛ̃ɛ ũɛ.
106	GEN 4:26	Sɛti sɔ̃ à nɛgɔ̃ɛ ì, ɔ̃ à tɔkpàɛ̀ Ɛnɔsi. Za zĩbeezĩ ɔ̃ wà nà Dii sísiawa.
107	GEN 5:1	Adamu buiɔ yã́n kɛ: Gɔɔ pɔ́ Lua gbɛ̃nazĩnaɔ kɛ̀, à ń kɛ́ láawaɛ.
108	GEN 5:2	À gɔ̃ɛ kɛ̀ ń nɔɛo, ɔ̃ à báaadàńgu. À tɔkpànɛ́ Gbɛ̃nazĩna.
109	GEN 5:3	Adamu wɛ̃̀ basoolokwide (130) guu ɔ̃ à nɛ'ì láawa a taa ũ, ɔ̃ à tɔkpàɛ̀ Sɛti.
110	GEN 5:4	Sɛti ia gbɛa à kɛ̀ wɛ̃̀ ɔ̀aa síiɔ̃ (800), à nɛ́ pãleɔ ì lɔ gɔ̃ɛɔ ń nɔɛɔ.
111	GEN 5:5	Kɛ́ à kà wɛ̃̀ ɔ̀aa síiɔ̃ ń basoolokwio (930), ɔ̃ à gà.
113	GEN 5:7	A gbɛa à kɛ̀ wɛ̃̀ ɔ̀aa síiɔ̃ ń soplao (807), à nɛ́ pãleɔ ì lɔ gɔ̃ɛɔ ń nɔɛɔ.
114	GEN 5:8	Kɛ́ à kà wɛ̃̀ ɔ̀aa síiɔ̃ ń basɔokwi ń plao (912), ɔ̃ à gà.
116	GEN 5:10	A gbɛa à kɛ̀ wɛ̃̀ ɔ̀aa síiɔ̃ ń gɛ̃oo (815), à nɛ́ pãleɔ ì lɔ gɔ̃ɛɔ ń nɔɛɔ.
117	GEN 5:11	Kɛ́ à kà wɛ̃̀ ɔ̀aa síiɔ̃ ń basɔosɔoo (905), ɔ̃ à gà.
119	GEN 5:13	A gbɛa à kɛ̀ wɛ̃̀ ɔ̀aa síiɔ̃ ń blao (840), à nɛ́ pãleɔ ì lɔ gɔ̃ɛɔ ń nɔɛɔ.
120	GEN 5:14	Kɛ́ à kà wɛ̃̀ ɔ̀aa síiɔ̃ ń basɔokwio (910), ɔ̃ à gà.
122	GEN 5:16	A gbɛa à kɛ̀ wɛ̃̀ ɔ̀aa síiɔ̃ ń baakwio (830), à nɛ́ pãleɔ ì lɔ gɔ̃ɛɔ ń nɔɛɔ.
123	GEN 5:17	Kɛ́ à kà wɛ̃̀ ɔ̀aa síiɔ̃ ń basɔo sɔosaio (895), ɔ̃ à gà.
125	GEN 5:19	A gbɛa à kɛ̀ wɛ̃̀ ɔ̀aa síiɔ̃ (800), à nɛ́ pãleɔ ì lɔ gɔ̃ɛɔ ń nɔɛɔ.
126	GEN 5:20	Kɛ́ à kà wɛ̃̀ ɔ̀aa síiɔ̃ ń baswaaɔ̃ ń plao (962), ɔ̃ à gà.