37	GEN 2:6	Sua mɛ́ ì kpa dṹniau, ɔ̃ ì mɔ̀sɛpisi tɔɔlɛwa píi.
41	GEN 2:10	Swa ku Edɛni, ìɔ mɔ̀sɛpisi lupiwa. Bɔa we à gɔ̃nakɛ̃̀ síiɔ̃.
44	GEN 2:13	Swapi gɔ̃na plaade tɔ́n Giɔ̃, a liaa Kusi bùsui píi.
45	GEN 2:14	A gɔ̃na àaɔ̃de tɔ́n Tigilisi, a dɔ̀ɔ tà Asili bùsu gukpɛ oi. Swapi gɔ̃na síiɔ̃de tɔ́n Uflata.
102	GEN 4:22	Zila sɔ̃, ɔ̃mɛ Tubali Kainu ì. Sian aà ũ. Ì pɔ́pii pí ń mɔsio ń mɔgotɛ̃o. Aà dãe tɔ́n Naama.
105	GEN 4:25	Adamu wùlɛ ń a nɔo lɔ, ɔ̃ à nɛgɔ̃ɛ ì. À tɔkpàɛ̀ Sɛti, asa à mɛ̀ Lua a gba nɛ́ pãle Abɛli pɔ́ Kainu aà dɛ̀ gɛ̃ɛ ũɛ.
106	GEN 4:26	Sɛti sɔ̃ à nɛgɔ̃ɛ ì, ɔ̃ à tɔkpàɛ̀ Ɛnɔsi. Za zĩbeezĩ ɔ̃ wà nà Dii sísiawa.
109	GEN 5:3	Adamu wɛ̃̀ basoolokwide (130) guu ɔ̃ à nɛ'ì láawa a taa ũ, ɔ̃ à tɔkpàɛ̀ Sɛti.
110	GEN 5:4	Sɛti ia gbɛa à kɛ̀ wɛ̃̀ ɔ̀aa síiɔ̃ (800), à nɛ́ pãleɔ ì lɔ gɔ̃ɛɔ ń nɔɛɔ.
112	GEN 5:6	Sɛti wɛ̃̀ basɔosɔode (105) guu ɔ̃ à Ɛnɔsi ì.
138	GEN 5:32	Nɔee wɛ̃̀ ɔ̀aa pla ń basɔoode (500) guu ɔ̃ à Sɛũ ń Haũo ń Yafɛtio ì.
148	GEN 6:10	Nɔee nɛgɔ̃ɛɔ ì gbɛ̃ɔn àaɔ̃, Sɛũ ń Haũo ń Yafɛtio.
173	GEN 7:13	Zĩbeezĩ Nɔee gɛ̃̀ gó guu ń a nɛ́ɔ Sɛũ ń Haũo ń Yafɛtio ń a nao ń a nɛ́ɔ naɔ gbɛ̃ɔn àaɔ̃,
224	GEN 9:18	Nɔee nɛ́ pɔ́ aa bɔ̀lɛ gó guuɔ tɔ́n kɛ: Sɛũ, Haũ, Yafɛti. Haũ mɛ́ Kanaa de'ia ũ.
228	GEN 9:22	Kɛ́ Kanaa de'ia Haũ ń mae puizi è, à bɔ̀ gɛ ò Sɛũɛ ń Yafɛtio.
229	GEN 9:23	Ɔ̃ Sɛũ ń Yafɛtio ulada sɛ̀ wa kà ń gã̀u ń pla, aa táa'ò ń kpɛo, an aɛ dɔa gupãle oi kɛ́ aasu ń mae puizi eo yã́i, aa gɛ̀ ń mae puizi ùlɛò.
232	GEN 9:26	Ɔ̃ à mɛ̀: Wà Dii Sɛũ Lua sáaukpa, Kanaa buiɔ aaɔ dɛ Sɛũ buiɔ zɔɔ ũɛ.
233	GEN 9:27	Lua kã́fĩakɛ Yafɛtiɛ, Yafɛti buiɔ bɛkpa ń Sɛũ buiɔ, Kanaa buiɔ aaɔ dɛ Yafɛti buiɔ zɔɔ ũɛ.
236	GEN 10:1	Nɔee nɛgɔ̃ɛɔ Sɛũ ń Haũo ń Yafɛtio ń ń nɛgɔ̃ɛ pɔ́ aa ì í daa dṹniaa gbɛaɔ yã́n kɛ:
239	GEN 10:4	Gɛlɛsi nɛgɔ̃ɛɔ tɔ́n kɛ: Ɛlisa, Taasisi, Sipi, Lodani.
242	GEN 10:7	Etiopi nɛgɔ̃ɛɔ tɔ́n kɛ: Saba, Avila, Sabata, Laama ń Sabatɛkao. Laama nɛgɔ̃ɛɔn Seba ń Dedão ũ.
250	GEN 10:15	Kanaa nɛgɔ̃ɛ sɛ̃́ia Sidɔ̃ buiɔn kɛ: Iti buiɔ,
252	GEN 10:17	Ivi buiɔ, Aaka buiɔ, Sini buiɔ,
254	GEN 10:19	an bùsu zɛlɛn kɛ: Bɔa za Sidɔ̃ gɛa Gelaa pɔ́ kú Gaza saɛ e Sɔdɔũ ń Gɔmɔɔo ń Ademao ń Zeboiũ pɔ́ kú Lasa saɛo.
256	GEN 10:21	Yafɛti dãuna Sɛũ buikɛ̀ lɔ. Ɔ̃mɛ Ɛbɛlu buiɔ dezi káau ũ.
257	GEN 10:22	Sɛũ nɛgɔ̃ɛɔ tɔ́n kɛ: Elaũ, Asili, Aapasa, Ludi, Alaũ.
259	GEN 10:24	Aapasa mɛ́ Sela ì, ɔ̃ Sela Ɛbɛlu ì.
261	GEN 10:26	Yotã nɛgɔ̃ɛɔ tɔ́n kɛ: Alɛmɔda, Sɛlɛfi, Azemavɛ, Yela,
263	GEN 10:28	Obali, Abimaɛ, Seba,
265	GEN 10:30	Bɔa Mɛsa gɛa Sefaa ń gbɛ̀sĩsĩ pɔ́ kú gukpɛ oiɔ mɛ́ ń bùsu ũ.
266	GEN 10:31	Sɛũ nɛgɔ̃ɛɔn we píi bui ń buio, bùsu ń bùsuo daɛdaɛ, baade ń a buiyão.
277	GEN 11:10	Sɛũ buiɔ yã́n kɛ: Sɛũ wɛ̃̀ basɔode guu ɔ̃ à Aapasa ì í daa dṹniaa gbɛa wɛ̃̀ pla.
279	GEN 11:12	Aapasa wɛ̃̀ bla sɔosaide guu ɔ̃ à Sela ì.
281	GEN 11:14	Sela wɛ̃̀ baakwide guu ɔ̃ à Ɛbɛlu ì.
287	GEN 11:20	Leu wɛ̃̀ baakwi ń plaode guu ɔ̃ à Selugi ì.
289	GEN 11:22	Selugi wɛ̃̀ baakwide guu ɔ̃ à Nakɔɔ ì.
296	GEN 11:29	Ablaũ ń Nakɔɔo nɔsɛ̀. Ablaũ na tɔ́n Salai, Nakɔɔ na sɔ̃ ɔ̃n Halana nɛ́ Milika ũ. Halanapi mɛ́ Isika ì lɔ.
297	GEN 11:30	Salaiá fĩiɛ, i nɛ'io.
298	GEN 11:31	Ɔ̃ Tela a nɛ́ Ablaũ ń a tɔũna Lɔtuo ń Ablaũ na Salaio sɛ̀ bɔ̀lɛńnɔ Ulu, Babiloni bùsuu, aalɛ gɛ́ Kanaa bùsuu. Kɛ́ aa kà Halana, aa zɔ̃̀lɛ we.
304	GEN 12:5	ń a na Salaio ń a vĩ̀i nɛ́ Lɔtuo ń ń àizɛɛ pɔ́ aa vĩɔ ń gbɛ̃́ pɔ́ aa è Halanaɔ. Màa aa bɔ̀ Halana aa dà Kanaa zɛ́u. Kɛ́ aa kà we,
305	GEN 12:6	aa pã̀ bùsupia e aa kà Mɔle gbɛ̃́nɛli kĩ́i Sikɛũ. Kanaaɔ ku bùsupiu gɔɔ bee.
329	GEN 13:10	Kɛ́ Lɔtu gugwà, a è Yuudɛ̃ guzulɛ píi mɔ̀sɛ vĩ maamaaɛ. E Dii àɔ gɛ́ Sɔdɔũ ń Gɔmɔɔo kaalɛi, guzulɛpi dɛ lán Dii luwa, lán Egipi bùsuwa, e à gɛ̀ pɛ̀ Zoaawa.
331	GEN 13:12	Ablaũ gɔ̃̀ Kanaa bùsuu, mɛ́ Lɔtu ku Yuudɛ̃ guzulɛ wɛ̃́lɛɔ zãnguo. À bòokpà Sɔdɔũ saɛ.
332	GEN 13:13	Sɔdɔũdeɔ sɔ̃ aa vãiɛ, duunkɛn saɔn ń ũ Diiɛ.
339	GEN 14:2	aalɛ zĩka ń Sɔdɔũ kí Belao ń Gɔmɔɔ kí Biisao ń Adema kí Sinabio ń Zeboiũ kí Semɛbɛɛo ń Bela pɔ́ wì mɛ tia Zoaa kíao.
340	GEN 14:3	Kía gbɛ̃ɔn sɔopiɔ kɔ̃ kã̀aa píi Sidiũ guzulɛu. Ɔ̃mɛ Ísida Wiside ũ tia.
342	GEN 14:5	A wɛ̃̀ gɛ̃o mɛ̀ndosaide ɔ̃ Kɛdɔlaomɛɛ ń kía pɔ́ kuaànɔɔ mɔ̀. Ɔ̃ aa zĩblè Lefaiɔwa Asalo Kaanaiũ. Aa zĩblè Zuziɔwa Haũ. Aa zĩblè Ɛmiɔwa Save Kiliataiũ.
343	GEN 14:6	Aa zĩblè Oliɔwa an gbɛ̀sĩsĩ pɔ́ wì mɛ Seiwa e à gɛ̀ pɛ̀ Ɛlipalana guwaiwaiwa.
345	GEN 14:8	Ɔ̃ Sɔdɔũ kía ń Gɔmɔɔ kíao ń Adema kíao ń Zeboiũ kíao ń Bela pɔ́ wì mɛ tia Zoaa kíao fɛ̀lɛ gɛ̀ zĩkaińnɔ Sidiũ guzulɛu.
347	GEN 14:10	Sidiũ guzulɛ kɔtaa ɛ vĩ dasi. Kɛ́ Sɔdɔũ kía ń Gɔmɔɔ kíao lɛ́ bàalɛ, ɔ̃ aa kwɛ̀ a guu, ɔ̃ an gbɛ̃́ kĩniɔ bàalɛ̀ gɛ̀ gusĩsĩdeu.
348	GEN 14:11	Zĩ̀blenaɔ Sɔdɔũ ń Gɔmɔɔo àizɛɛɔ ń ń pɔbleaɔ sɛ̀lɛ píi aa tàò.
349	GEN 14:12	À mɔ lè Ablaũ vĩ̀i nɛ́ Lɔtu ku Sɔdɔũ, ɔ̃ aa aà kũ̀ wà tàò ń aà àizɛɛɔ lɔ.
354	GEN 14:17	Kɛ́ Ablaũ zĩblè Kɛdɔlaomɛɛwa ń kía pɔ́ kuaànɔɔ, àlɛ su, ɔ̃ Sɔdɔũ kí bɔ̀ dàaàlɛ Save guzulɛ pɔ́ wì mɛ tia Kía Guzulɛu.
355	GEN 14:18	Ɔ̃ Salɛma kí Mɛkizɛdɛ mɔ̀ ń pɛ̃ɛo ń vɛ̃ɛo. Aàpiá Lua Musude gbàgbanaɛ.
358	GEN 14:21	Sɔdɔũ kía ò Ablaũɛ: Ma gbɛ̃́ɔ kpaa, níɔ àizɛɛ kũa n pɔ́ ũ.
383	GEN 16:1	Ablaũ na Salai i nɛ'io. A zɔnɔɛ vĩ Egipi gbɛ̃́ ũ, wì mɛ Hagaa.
384	GEN 16:2	Ɔ̃ Salai ò Ablaũɛ: Lá Dii ma kɛ fĩi ũɛ, wúlɛ ń ma zɔnɔɛo. Má gí nɛ́ɔ ei aà sabaia? Ɔ̃ Ablaũ Salai yãmà.
385	GEN 16:3	Ablaũ wɛ̃̀ kwi kɛa Kanaa bùsuu gbɛa ɔ̃ Salai a zɔ Hagaa kpàwà nɔ ũ.
387	GEN 16:5	Ɔ̃ Salai ò Ablaũɛ: Tàae pɔ́ wa kɛ̀mɛɛ gɔ̃̀ n yã́ ũɛ. Ma a zɔ kpàma. Kɛ́ a è á nɔsia, ɔ̃ ìɔ dɔ́ɛa. Mpi ń mapio, Dii mɛ́ a yã́gɔ̃gɔ̃wɛ̃ɛ.
388	GEN 16:6	Ɔ̃ Ablaũ wèwà à mɛ̀: N zɔ ku n pɔ́ ũɛ. Kɛɛ̀ lá ń yeiwa. Kɛ́ Salai ĩadàwà, ɔ̃ à bàalɛ̀ɛ̀.
389	GEN 16:7	Dii Malaika aà è nibɔna kĩ́i gbáau, nibɔnapi ku Sulu zɛ́ saɛɛ.
390	GEN 16:8	Ɔ̃ à aà là à mɛ̀: Salai zɔnɔɛ Hagaa, n bɔ má ni? Ńlɛ gɛ́ má ni? Ɔ̃ a wèwà à mɛ̀: Málɛ bàalɛ ma dii Salaiɛɛ.
408	GEN 17:10	Mpi ń n buiɔ, yã́ pɔ́ málɛ dilɛɛ́ àɔ kũan kɛ: Sema á gɔ̃ɛ píi lí tɔ̃zɔ̃.
410	GEN 17:12	Sema n bui nɛgɔ̃ɛɔ lí tɔ̃zɔ̃ an gɔɔ swaaɔ̃de zĩ́ e an buiwa, nɛ́ pɔ́ wà ń í n bɛɔ ń zɔ pɔ́ wa lù buipãleɔwaɔ píi.
412	GEN 17:14	Sema àli gyafɔɔde bɔ á guu, asa gbɛ̃́ pɔ́ i tɔ̃zɔ̃o i ma bàakuaánɔ yãdaoɛ.
413	GEN 17:15	Ɔ̃ Lua ɛ̀a ò Ablahaũɛ: Ńsuli o n naɛ Salai lɔo, nìli oɛ̀ sa Sala.
415	GEN 17:17	Ɔ̃ Ablahaũ wùlɛ a gbɛɛu Lua aɛ, à yáalɔ̀ a ò a nɔ̀sɛ guu: Gbɛ̃́ pɔ́ kà wɛ̃̀ basɔo a nɛ'ie? Lá Sala kà wɛ̃̀ basiiɔ̃kwi, a nɛ'ie?
416	GEN 17:18	Ɔ̃ à ɛ̀a ò Luaɛ: Suɛ! Ǹyɔ̃ Isimaɛla gwa.
417	GEN 17:19	Lua mɛ̀: Sĩana guu n na Sala a nɛ'i gɔ̃ɛ ũ, ní tɔ́kpaɛ̀ Izaaki. Ma bàa aɔ kuaànɔ ń aà buiɔ e gɔɔpiiɛ.
419	GEN 17:21	Ń beeo ma bàakuannɔ a gɔ̃ Izaakiɛɛ. Zii maa'i ɔ̃ Sala a aà i.
431	GEN 18:6	Ɔ̃ à gɛ̀ Sala kĩ́i kpɛ́u à mɛ̀: Pɛ̃ɛti dã zaa lɛ àaɔ̃, pɛ̃ɛkɛ kpakpa.
434	GEN 18:9	Ɔ̃ aa aà là aa mɛ̀: N na Sala kú má ni? À mɛ̀: A ku kpɛ́u we.
435	GEN 18:10	Ɔ̃ Dii mɛ̀: Má ɛa mɔ n kĩ́i zii maa'i, n na Sala i nɛ'i gɔ̃ɛ ũ. Sala kú kpɛɛlɛ aà kpɛ, àlɛ ma.
436	GEN 18:11	Ablahaũ ń Salao aa zikũ̀, Sala lɛ́ nɔɛɔ pɔ́ kɛ lɔo. Ɔ̃ Sala yáalɔ̀ a ò a sɔ̃ guu:
438	GEN 18:13	Ɔ̃ Dii Ablahaũ là à mɛ̀: Àkɛa Sala yáalɔ̀i? À mɛ̀ a gbɛ̃́ pɔ́ a zikũ̀ á fɔ̃ nɛ'i lɔe?
439	GEN 18:14	Yãe líɔ zĩ'ũmɛɛo. Zii maa'i tó a gɔɔ kà, má mɔ́ n kĩ́i, Sala i gbasa nɛ'i gɔ̃ɛ ũ.
440	GEN 18:15	Ɔ̃ Sala lelekpà à mɛ̀ i yáalɔo, asa vĩa aà kũ̀ɛ. Ɔ̃ Dii mɛ̀: É'e, n yáalɔ̀ se.
441	GEN 18:16	Kɛ́ gbɛ̃́piɔ fɛ̀lɛ, Ablahaũ gɛ̀ zɛinɛ́, ɔ̃ aa Sɔdɔũ kĩ́i oi gwà.
445	GEN 18:20	Ɔ̃ Dii ɛ̀a mɛ̀: Yã́ pɔ́ wàlɛ o Sɔdɔũ ń Gɔmɔɔo musu dasikũ̀, an duuna zɔ̃ɔkũ̀ maamaaɛ.
447	GEN 18:22	Kɛ́ an gbɛ̃ɔn plaɔ dàzɛu, aalɛ gɛ́ Sɔdɔũpi, ɔ̃ Dii gɔ̃̀ ń Ablahaũo we.
450	GEN 18:25	Sùuukɛ! Ńsu kɛ màao, ńsu gbɛ̃maaɔ dɛdɛ sãnu ń gbɛ̃vãiɔ lá aa doũwaɛo. Sùuukɛ! Ńsu kɛ màao. N gbɛ̃́ pɔ́ ń dɛ dṹnia bṹu yã́kpalɛkɛna ũ, ńyɔ̃ yãkɛ a zɛ́wao lé?
451	GEN 18:26	Ɔ̃ Dii mɛ̀: Tó ma gbɛ̃maaɔ è Sɔdɔũ gbɛ̃ɔn blakwi, má sùuukɛ ń wɛ̃́lɛpio an yã́i.
459	GEN 19:1	Kɛ́ malaika gbɛ̃ɔn plapiɔ kà Sɔdɔũ oosi, Lɔtu zɔ̃lɛa Sɔdɔũ bĩ́i bɔlɛu. Kɛ́ à ń é, à fɛ̀lɛ gɛ̀ dàńlɛ à kùlɛnɛ́, à wùlɛ a gbɛɛu
462	GEN 19:4	E aaɔ wúlɛ, Sɔdɔũdeɔ lìa Lɔtu kpɛ́i. Wɛ̃́lɛpi gɔ̃ɛɔ kã̀aa we míɔmiɔɛ, ɛ̀waasoɔ ń gbɛ̃zɔ̃ɔɔ píi.
482	GEN 19:24	ɔ̃ Dii tò tɛ́ ń ĩatɛ̃gbɔ̃o bɔ̀ musu à kà Sɔdɔũ ń Gɔmɔɔogu.
486	GEN 19:28	Kɛ́ à Sɔdɔũ ń Gɔmɔɔo kĩ́i oi gwà ń guzulɛpio píi, a è tɛlu lɛ́ fɛlɛ tɔɔlɛ lán mua tɛluwa.
497	GEN 20:1	Ɔ̃ Ablahaũ fɛ̀lɛ we, à gɛ̀ Nɛgɛvɛ bùsuu Kadɛsi ń Suluo zãnguo. Kɛ́ à gɛ̀ zɔ̃̀lɛ Gelaa,