403	GEN 17:5	Wàli onɛ Ablaũ lɔo, sema Ablahaũ, asa má n kɛ buiɔ dezi ũɛ.
407	GEN 17:9	Lua ɛ̀a ò Ablahaũɛ: Mpi ń n buiɔ, àɔ ma bàakuaánɔ yã́ kũa e á buiwa.
413	GEN 17:15	Ɔ̃ Lua ɛ̀a ò Ablahaũɛ: Ńsuli o n naɛ Salai lɔo, nìli oɛ̀ sa Sala.
415	GEN 17:17	Ɔ̃ Ablahaũ wùlɛ a gbɛɛu Lua aɛ, à yáalɔ̀ a ò a nɔ̀sɛ guu: Gbɛ̃́ pɔ́ kà wɛ̃̀ basɔo a nɛ'ie? Lá Sala kà wɛ̃̀ basiiɔ̃kwi, a nɛ'ie?
420	GEN 17:22	Kɛ́ Lua yã'ò Ablahaũɛ a làa, ɔ̃ à gòaàla à tà musu.
421	GEN 17:23	Ɔ̃ Ablahaũ a nɛ́ Isimaɛla sɛ̀ ń a bɛ gɔ̃ɛ pɔ́ wà ń í a bɛɔ ń zɔ pɔ́ wà ń lúɔ píi, ɔ̃ à tɔ̃zɔ̃̀nɛ́ zĩbeezĩ gɔ̃̀ɔ lá Lua òɛwa.
422	GEN 17:24	Ablahaũ kà wɛ̃̀ basɔo mɛ̀ndosai, ɔ̃ à gbàsa tɔ̃zɔ̃̀,
424	GEN 17:26	Zĩ́ doũ zĩ ɔ̃ Ablahaũ tɔ̃zɔ̃̀ ń a nɛ́ Isimaɛlao
426	GEN 18:1	Dii bɔ̀ mɔ̀ Ablahaũwa Mamale gbɛ̃́nɛliɔ kĩ́i. Ablahaũ zɔ̃lɛa a zwã̀akpɛ kpɛɛlɛ fãanɛ.
433	GEN 18:8	Ɔ̃ Ablahaũ vĩfãai ń vĩ'ipuo ń zu pɔ́ wa kɛ̀kɛpio sɛ̀ gɛ̀ò, a dìlɛnɛ́. Gɔɔ pɔ́ aalɛ pɔble, a kú ń saɛ azĩa lí gbáu we.
436	GEN 18:11	Ablahaũ ń Salao aa zikũ̀, Sala lɛ́ nɔɛɔ pɔ́ kɛ lɔo. Ɔ̃ Sala yáalɔ̀ a ò a sɔ̃ guu:
438	GEN 18:13	Ɔ̃ Dii Ablahaũ là à mɛ̀: Àkɛa Sala yáalɔ̀i? À mɛ̀ a gbɛ̃́ pɔ́ a zikũ̀ á fɔ̃ nɛ'i lɔe?
441	GEN 18:16	Kɛ́ gbɛ̃́piɔ fɛ̀lɛ, Ablahaũ gɛ̀ zɛinɛ́, ɔ̃ aa Sɔdɔũ kĩ́i oi gwà.
442	GEN 18:17	Ɔ̃ Dii mɛ̀: Má yã́ pɔ́ má ye kɛ ulɛ Ablahaũɛo.
447	GEN 18:22	Kɛ́ an gbɛ̃ɔn plaɔ dàzɛu, aalɛ gɛ́ Sɔdɔũpi, ɔ̃ Dii gɔ̃̀ ń Ablahaũo we.
448	GEN 18:23	Ɔ̃ Ablahaũ sɔ̃̀aàzi à mɛ̀: Ńyɔ̃ gbɛ̃maaɔ waa sãnu ń gbɛ̃vãiɔ yã̀?
452	GEN 18:27	Ɔ̃ Ablahaũ ɛ̀a ò lɔ: Ma gbɛ̃́ pɔ́ má dɛ bùsuti ń túfuo ũ, gáafaakɛmɛɛ mà ɛa yã'onɛ, Dii.
454	GEN 18:29	Ɔ̃ Ablahaũ gì lɛ́ yã'oɛ̀ à mɛ̀: Tó gbɛ̃maaɔ kà bla sɔ̃ bɛ? Ɔ̃ Dii mɛ̀: Má yãe kɛo gbɛ̃ɔn blapiɔ yã́i.
458	GEN 18:33	Kɛ́ Dii yã'ò Ablahaũɛ a làa, à gɛ̃̀zɛa, ɔ̃ Ablahaũ ɛ̀a tà bɛ.
485	GEN 19:27	Kɛ́ gu dɔ̀, Ablahaũ fɛ̀lɛ kɔɔkɔɔ, à gɛ̀ gu pɔ́ á kúu yãa ń Diiopiu.
487	GEN 19:29	Beewa kɛ́ Lua guzulɛ pɔ́ Lɔtu kuu wɛ̃́lɛɔ kàalɛ, Ablahaũ yã́ dɔ̀aàgu, ɔ̃ à Lɔtu bɔ̀ wɛ̃́lɛ pɔ́ á kàalɛpiɔ guu.
497	GEN 20:1	Ɔ̃ Ablahaũ fɛ̀lɛ we, à gɛ̀ Nɛgɛvɛ bùsuu Kadɛsi ń Suluo zãnguo. Kɛ́ à gɛ̀ zɔ̃̀lɛ Gelaa,
505	GEN 20:9	Ɔ̃ Abimɛlɛki Ablahaũ sìsi a òɛ̀: Bɔ́ yã́ ń kɛ̀wɛ̃ɛ màai? Bɔ́ yã́ ma zãwànɛ, ɔ̃ n gbasa ń tò ma gɔ̃ duunde ũ ń ma bùsuoi? N yã́ pɔ́ dɛ wà kɛo kɛ̀mɛɛ.
507	GEN 20:11	Ablahaũ wèwà à mɛ̀: Málɛ e yãa gbɛ̃e Lua vĩa vĩ bùsuɛ bee guuo, mɛ́ wasu ma dɛ ma nɔ yã́i.
510	GEN 20:14	Ɔ̃ Abimɛlɛki mɔ̀ ń sãɔ ń zuɔ ń zɔgɔ̃ɛɔ ń zɔnɔɛɔ, a kpà Ablahaũwa, ɔ̃ à aà na sɔ̀aaɛ̀.
513	GEN 20:17	Ɔ̃ Ablahaũ wabikɛ̀ Luawa, ɔ̃ Lua Abimɛlɛki gbã̀gbã ń aà nao ń aà nɔ pɔ́ i mɛ́sɛdilɛnɛ́oɔ, kɛ́ aa e nɛ'i,
514	GEN 20:18	asa Dii tò Abimɛlɛki bɛ nɔɛɔ fĩikũ̀ɛ Ablahaũ napi yã́ musu.
516	GEN 21:2	Ɔ̃ à nɔsì à nɛ'ì ń Ablahaũo gɔ̃ɛ ũ a zikũ guu gɔɔ pɔ́ Lua dìlɛɛwa.
517	GEN 21:3	Ablahaũ tɔkpà nɛ́piɛ Izaaki.
521	GEN 21:7	A ò lɔ: Wa we o Ablahaũɛ yãa má gɔ̃ nɛade ũe? Kási ma nɛgɔ̃ɛ ìaànɔ aà zikũ guu.
522	GEN 21:8	Nɛ́pi gbãakũ̀ à kɛ̃̀ yɔ̃́wa, ɔ̃ Ablahaũ aà kɛ̃a yɔ̃́wa dikpɛkɛ̀.
523	GEN 21:9	Sala è nɛ́ pɔ́ Egipi nɔɛ Hagaa ì ń Ablahaũo ìɔ Izaaki yáalɔɛ,
524	GEN 21:10	ɔ̃ a ò Ablahaũɛ: Zɔpi ya ń a nɛ́o, asa zɔ nɛ́ a e túbible ń ma nɛ́ Izaakioo.
525	GEN 21:11	Yã́pi Ablahaũ pɔ yà maamaa, asa aà nɛ́ɛ,
528	GEN 21:14	Ɔ̃ Ablahaũ fɛ̀lɛ kɔɔkɔɔ, à blɛ sɛ̀ ń ituuo, a kpà Hagaawa. A dìɛ̀, ɔ̃ à aà nɛ́ kpàwà lɔ. À aà gbàɛ, ɔ̃ à gɛ̀ lɛ́ liaaliaa Bɛɛsɛba guwaiwaiu.
536	GEN 21:22	Gɔɔ bee Abimɛlɛki ń a zĩgɔ̃ɔ gbɛ̃zɔ̃ɔ Pikɔlio gɛ̀ Ablahaũ kĩ́i aa òɛ̀: Lua kunnɔ yã́ pɔ́ ńlɛ kɛ guu píi.
538	GEN 21:24	Ɔ̃ Ablahaũ òɛ̀: Má lɛgbɛ̃nɛ.
539	GEN 21:25	Ɔ̃ Ablahaũ lɔ̀ɔ pɔ́ Abimɛlɛki zĩkɛnaɔ sìwa yã́ sɛ̀lɛ sìuɛ̀.
541	GEN 21:27	Ɔ̃ Ablahaũ sãɔ ń zuɔ kũ̀ a kpà Abimɛlɛkiwa, ɔ̃ aa lɛdoũkɛ̀ ń kɔ̃o.
542	GEN 21:28	Ɔ̃ Ablahaũ sãnunu mɛ̀n soplaɔ bɔ kàlɛ ńdoa.
547	GEN 21:33	Ablahaũ baali bà Bɛɛsɛba, ɔ̃ à Dii Lua Gɔɔpiide sìsi we.
549	GEN 22:1	Bee gbɛa Lua Ablahaũ lɛ̀ a gwà. A òɛ̀: Ablahaũ! Ɔ̃ a wèwà à mɛ̀: Má kɛ́!
554	GEN 22:6	Ablahaũ sa'oyaa sɛ dì a nɛ́piɛ, ɔ̃ a tɛ́kũa ń fɛ̃nao, aalɛ gɛ́ sãnu.
556	GEN 22:8	Ɔ̃ Ablahaũ mɛ̀: Ma nɛ́, Lua mɛ́ a sa'osã kpá. Ɔ̃ aa tɛkɔ̃i, aalɛ gɛ́.
559	GEN 22:11	ɔ̃ Dii Malaika lɛzùaàzi za musu à mɛ̀: Ablahaũ! Ablahaũ! A wèwà à mɛ̀: Má kɛ́!
561	GEN 22:13	Ablahaũ wɛzù, ɔ̃ à sãsakao è dɔa a kɔ́bawa kã́na guu. Ɔ̃ à gɛ kũ̀, à sa pɔ́ wì a pɔ́ kátɛu à tɛ́kũ òò a nɛ́ gbɛu.
563	GEN 22:15	Dii Malaika ɛ̀a lɛzù Ablahaũzi za musu lɔ
567	GEN 22:19	Kɛ́ Ablahaũ ɛ̀a sù a zĩkɛnaɔwa, aa fɛ̀lɛ tà Bɛɛsɛba, ɔ̃ à gɔɔplakɛ̀ we.
568	GEN 22:20	Bee gbɛa wa ò Ablahaũɛ wà mɛ̀: N vĩ̀i Nakɔɔ na Milika nɛgɔ̃ɛɔ ì.
571	GEN 22:23	Bɛtuɛpi mɛ́ Lɛbɛka ì. Nɛgɔ̃ɛ gbɛ̃ɔn swaaɔ̃ pɔ́ Milika ì ń Ablahaũ vĩ̀i Nakɔɔoɔn we.
574	GEN 23:2	ɔ̃ à gbàsa gà Kiliataaba pɔ́ wì mɛ tia Hɛblɔ̃, Kanaa bùsuu. Ɔ̃ Ablahaũ aà bɛɛkɛ̀, à ɔ́ɔlɔ̀ aà gaa yã́ musu.
579	GEN 23:7	Ɔ̃ Ablahaũ fɛ̀lɛ kùlɛ bùsupideɔnɛ,
580	GEN 23:8	a ònɛ́: À ma yãma, tó a we mà gɛ vĩ la. À wabikɛmɛɛ Zohaa nɛ́ Ɛfɔ̃nɔwa,
582	GEN 23:10	Ɛfɔ̃nɔ zɔ̃lɛa ń guu a wɛ̃́lɛ bĩ́ibɔlɛu we, ɔ̃ a ò Ablahaũɛ Itiɔ wáa píi à mɛ̀:
584	GEN 23:12	Ablahaũ kùlɛ bùsupideɔnɛ,
588	GEN 23:16	Ablahaũ aà yãmà, ɔ̃ à ã́nusu pɔ́ a ò yɔ̃̀ɛ̀ gbɛ̃́ɔ wáa laatanaɔ zaau.
589	GEN 23:17	Beewa ɔ̃ Ɛfɔ̃nɔ bú pɔ́ kú Mapela, Mamale saɛ, gɔ̃̀ Ablahaũ pɔ́ ũ ń gbɛ̀'ɛ pɔ́ kúuo ń lí pɔ́ kú we e búpi lɛ́waɔ píi.
590	GEN 23:18	À gɔ̃̀ Ablahaũ pɔ́ ũ Iti pɔ́ mɔ̀ wɛ̃́lɛ bĩ́ibɔlɛu weɔ wáa píi.
591	GEN 23:19	Bee gbɛa Ablahaũ a na vĩ̀ Mapela bua gbɛ̀'ɛpi guu Mamale pɔ́ wì mɛ tia Hɛblɔ̃ saɛ, Kanaa bùsuu.
592	GEN 23:20	Màa bú ń gbɛ̀'ɛ pɔ́ dɛ yãa Itiɔ pɔ́ ũo gɔ̃̀ Ablahaũɛ gɛvĩkĩi ũ.
593	GEN 24:1	Ablahaũ zikũ̀ à kà zã̀, mɛ́ Dii ɛ̀fãaikɛ̀ɛ̀ yã́pii guu.
598	GEN 24:6	Ablahaũ òɛ̀: Laaika! Ńsu gɛ́ ń ma nɛ́o weo.
604	GEN 24:12	ɔ̃ à wabikɛ̀ Luawa à mɛ̀: Dii, ma dii Ablahaũ Lua, gbɛ̃kɛkɛ ma diiɛ. To ma tá kɛ na oosia.
607	GEN 24:15	I yã́pi o a làao, ɔ̃ Bɛtuɛ nɛ́ Lɛbɛka bɔ̀ ń loo dia a gã̀u. Bɛtuɛá Ablahaũ vĩ̀i Nakɔɔ nɛ́ pɔ́ a ì ń a na Milikaoɛ.
619	GEN 24:27	Wà Dii ma dii Ablahaũ Lua sáaukpa, kɛ́ i gí gbɛ̃kɛ ń náaio yãkɛiɛ̀o yã́i. Mapi sɔ̃, Dii dɔ̀aamɛɛ ma dii daɛɔ bɛ.
626	GEN 24:34	Ɔ̃ à mɛ̀: Ablahaũ zɔ̀blenan ma ũ.
634	GEN 24:42	Kɛ́ ma ka lɔ̀ɔi gbã ma mɛ̀: Dii, ma dii Ablahaũ Lua, tó n wei, to ma tá kɛ na.
640	GEN 24:48	Ɔ̃ ma mipɛ̀lɛ ma kulɛ Dii ma dii Ablahaũ Luaɛ, ma aà sáaukpà, asa à dɔ̀aamɛɛ zɛ́ súsu guu, kɛ́ mà a dii vĩ̀i tɔũna sɛ́ aà nɛ́ɛ.
644	GEN 24:52	Kɛ́ Ablahaũ zɔ̀blenapi ń yãmà, à wùlɛ tɔɔlɛ Diiɛ.
651	GEN 24:59	Ɔ̃ aa Lɛbɛka gbàɛ ń zɔ pɔ́ à aà gwà za aà nɛ́zĩo, aalɛ tá ń Ablahaũ zɔ̀blenao ń aà gbɛ̃́ɔ.
660	GEN 25:1	Ablahaũ nɔ pãle sɛ̀ lɔ, aà tɔ́n Kɛtula.
664	GEN 25:5	Ablahaũ a àizɛɛ kpà Izaakiwa píi,
666	GEN 25:7	Ablahaũ kɛ̀ wɛ̃̀ baswaaɔ̃kwi ń sɔoo,
668	GEN 25:9	Aà nɛ́ɔ Izaaki ń Isimaɛlao aà vĩ̀ Mapela gbɛ̀'ɛ guu, Mamale gukpɛ, bua pɔ́ dɛ Iti bui Zohaa nɛ́ Ɛfɔ̃nɔ pɔ́ ũ yãa,
669	GEN 25:10	ɔ̃ Ablahaũpi lù Itiɔwa. Wekĩi ɔ̃ wà aà vĩ̀u ń a na Salao.
670	GEN 25:11	Ablahaũ gaa gbɛa Lua báaadà aà nɛ́ Izaakigu. A zɔ̃lɛa Luabɛ̃ɛpɔima'e lɔ̀ɔ saɛ.
671	GEN 25:12	Ablahaũ nɛ́ Isimaɛla buiɔ yã́n kɛ: Sala zɔnɔɛ Hagaa, Egipi nɔɛ ɔ̃ à nɛ́pi ìaànɔ.
677	GEN 25:18	Aà buiɔ zɔ̃̀lɛ za Avila e à gɛ̀ pɛ̀ò Suluwa Egipi bùsu lɛ́i taa Asili bùsu oi. Aali kɔ̃tɛsi ń Ablahaũ bui kĩniɔo.
678	GEN 25:19	Ablahaũ nɛ́ Izaaki buiɔ yã́n kɛ: Ablahaũ Izaaki ì.
694	GEN 26:1	Imina kà bùsupiu, a sɛ̃́ia pɔ́ kà Ablahaũ gɔɔ bàasi, ɔ̃ Izaaki fɛ̀lɛ gɛ̀ Filitɛ̃ɔ kí Abimɛlɛki kĩ́i Gelaa.
698	GEN 26:5	kɛ́ Ablahaũ ma yãmà yã́i. À ma ɔtondɔkĩi gwà, mɛ́ a yã́ pɔ́ má dìlɛɔ kũa ń ma yãdilɛnɛɔ ń ma ikoyãɔ.
708	GEN 26:15	Ɔ̃ aa lɔ̀ɔ pɔ́ aà mae Ablahaũ zĩkɛnaɔ yɔ̃̀ a gɔɔɔ kàka ń bùsuo píi.
711	GEN 26:18	Lɔ̀ɔ pɔ́ wa yɔ̃̀ aà mae Ablahaũ gɔɔ mɛ́ Filitɛ̃ɔ kàka aà gaa gbɛaɔ ɔ̃ à ɛ̀a bɔ̀bɔ, à tɔ́ doũ pɔ́ a mae kpànɛ́ yãaɔ kpànɛ́ lɔ.
717	GEN 26:24	Dii bɔ̀ mɔ̀wà gwãasĩna bee à mɛ̀: Mámɛ má n mae Ablahaũ Lua ũ, ńsu vĩakɛo, asa má kunnɔ. Má ɛ̀fãaikɛnɛ, mí n bui kã́fĩ ma zɔ̀blena Ablahaũ yã́i.
719	GEN 26:26	Ɔ̃ Abimɛlɛki bɔ̀ Gelaa à mɔ̀ Izaaki kĩ́i ń a kwàasi Ahuzao ń a zĩgɔ̃ɔ gbɛ̃zɔ̃ɔ Pikɔlio.
778	GEN 28:4	Lua báaa pɔ́ a dà Ablahaũgu dangu ń n buiɔ píi, kɛ́ bùsu pɔ́ ńlɛ nibɔbleu gɔ̃nɛ, bùsu pɔ́ a kpà Ablahaũwaɛ bee.
783	GEN 28:9	Ɔ̃ à gɛ̀ Ablahaũ nɛ́ Isimaɛla kĩ́i, à aà nɛ́ Maalata sɛ dà a nɔ sɛ̃́iaɔ guu. Maalataá Nɛbaio dãeɛ.
787	GEN 28:13	A è Dii zɛaala à mɛ̀: Mámɛmaa Dii n dezi Ablahaũ ń n mae Izaakio Lua. Má tɔɔlɛ pɔ́ ń wúlɛwàɛ bee kpamaɛ, mpi ń n buiɔ.
916	GEN 31:42	Mɛ́ i kɛ ma dezi Ablahaũ Lua pɔ́ ma mae Izaaki aà vĩa vĩ zɛ̀manɔ bàasio, dɔ̃ n ma gbaɛ ɔgii. Lua zĩ pɔ́ má kɛ̀ ń taasio è, ɔ̃ à zɛ̀manɔ gĩa gwã́.
927	GEN 31:53	Ablahaũ ń Nakɔɔo ń n maeo Lua mɛ́ a yã́gɔ̃gɔ̃wɛ̃ɛ. Ɔ̃ Yakɔbu lɛgbɛ̃̀ ń Lua pɔ́ a mae Izaaki aà vĩa vĩ tɔ́o.
938	GEN 32:10	Ɔ̃ à wabikɛ̀ Luawa à mɛ̀: Dii, ma dezi Ablahaũ ń ma mae Izaakio Lua, ń òmɛɛ mà su ma bɛ bùsuu ma daɛɔ kĩ́i, ní ɛ̀fãaikɛmɛɛ.
1024	GEN 35:12	Má bùsu pɔ́ má kpà Ablahaũ ń Izaakiowa kpama ń n buiɔ n kpɛ.
1039	GEN 35:27	Ɔ̃ Yakɔbu kà a mae Izaaki kĩ́i Mamale. A ku Kiliataaba pɔ́ wì mɛ tia Hɛblɔ̃ saɛ, gu pɔ́ Ablahaũ ń Izaakio zɔ̃̀lɛu.
1043	GEN 36:2	Esau Kanaa nɔɛɔ sɛ̀, Iti bui Eloni nɛ́ Ada ń Ivi bui Ana nɛ́ Ɔhɔlibama, Zibɛɔ̃ tɔũnao.
1046	GEN 36:5	Ɔhɔlibama Yeusi ń Yalaũo ń Kolao ì. Esau nɛgɔ̃ɛ pɔ́ wà ń í Kanaa bùsuuɔn we.
1055	GEN 36:14	Esau na Ɔhɔlibama nɛgɔ̃ɛɔ tɔ́n kɛ: Yeusi, Yalaũ, Kola.
1059	GEN 36:18	Esau na Ɔhɔlibama bui dezi káauɔ tɔ́n kɛ: Yeusi, Yalaũ, Kola. Ana nɛ́ Ɔhɔlibama tɔũnaɔn we.