1	GEN 1:1	Asĩnizĩ Lua musu ń zĩ́lɛo kɛ̀.
4	GEN 1:4	A è gupuapi maa, ɔ̃ à gupua kɛ̃̀aa ń gusiao.
7	GEN 1:7	Ɔ̃ à bàluma kɛ̀ màa, à í pɔ́ kú bàluma zíɛ kɛ̃̀kɔ̃wa ń í pɔ́ kú a musuo.
11	GEN 1:11	Ɔ̃ Lua mɛ̀: Láɔ bɔlɛ tɔɔlɛ ń sɛ̃̀ wɛdeɔ ń lí nɛdeɔ, baade ń a buio. Ɔ̃ à kɛ̀ màa,
12	GEN 1:12	láɔ bɔ̀lɛ tɔɔlɛ ń sɛ̃̀ wɛdeɔ ń lí nɛdeɔ, baade ń a buio. Ɔ̃ Lua è à kɛ̀ maa.
14	GEN 1:14	Ɔ̃ Lua mɛ̀: Pɔgupunaɔ aaɔ ku musu, aaɔ fãanɛ kɛ̃́kɔ̃wa ń gwã́o, aaɔ dikpɛɔ ń gɔɔɔ ń wɛ̃ɔ ɔlɔnɛ́.
17	GEN 1:17	À ń pɛpɛ musu aaɔ dṹnia pu,
18	GEN 1:18	aaɔ kible fãanɛ ń gwãasĩnao, aaɔ gupua kɛ̃kɔ̃wa ń gusiao. Ɔ̃ a è à kɛ̀ maa.
21	GEN 1:21	Ɔ̃ à pɔ́ wɛ̃nide pɔ́ kú íu yɔ̃̀ɛyɔ̃ɛɔ kɛ̀ ń kpɔ̀ gbɛ̃̀nɛɔ píi baade ń a buio. À bãɔ kɛ̀ píi lɔ baade ń a buio. Ɔ̃ a è à kɛ̀ maa.
22	GEN 1:22	À báaadàńgu à mɛ̀, aaɔ nɛ'i, aaiɔ kɔ̃́, kpɔɔ i ísia pa, bãɔ i kɔ̃ tɔɔlɛ.
24	GEN 1:24	Ɔ̃ Lua mɛ̀: Pɔ́ wɛ̃nideɔ aaɔ ku tɔɔlɛ, pɔtuoɔ ń pɔ́taa'onkuawaɔ ń sɛ̃̀anɔbɔɔ baade ń a buio. Ɔ̃ à kɛ̀ màa.
25	GEN 1:25	Lua sɛ̃̀anɔbɔɔ kɛ̀ baade ń a buio. À pɔtuoɔ kɛ̀ baade ń a buio. À pɔ́taa'onkuawaɔ kɛ̀ baade ń a buio. Ɔ̃ a è à kɛ̀ maa.
26	GEN 1:26	Ɔ̃ Lua mɛ̀: Wà gbɛ̃nazĩnaɔ kɛ wá taa ũ, aaiɔ dɛwáwa, aaiɔ iko vĩ kpɔɔwa ń bãɔ ń pɔtuoɔ ń sɛ̃̀anɔbɔɔ ń pɔ́taa'onkuawaɔ píi.
27	GEN 1:27	Ɔ̃ Lua gbɛ̃nazĩnaɔ kɛ̀ azĩa taa ũ. Aà zĩa taa ɔ̃ à ń kɛ́ a ũ. À ń kɛ́ gɔ̃ɛ ń nɔɛoɛ.
28	GEN 1:28	À báaadàńgu a ònɛ́: Àɔ nɛ'i, íɔ kɔ̃́, í dṹnia pa, íɔ gbãablewà. Àɔ iko vĩ kpɔɔwa ń bãɔ ń pɔ́ wɛ̃nide pɔ́ ì táa'o tɔɔlɛwaɔ píi.
29	GEN 1:29	Ɔ̃ Lua mɛ̀: Ma pɔ́ wɛ́nade pɔ́ kú tɔɔlɛwaɔ kpàwá á pɔblea ũ píiɛ ń lí nɛdeɔ píi.
30	GEN 1:30	Ma blɛ pɔ́ ì bɔlɛ tɔɔlɛwa kpà pɔ́ wɛ̃nideɔwa píi an blɛ ũɛ, nɔ̀bɔɔ ń bãɔ ń pɔ́taa'onkuawaɔ píi. Ɔ̃ à kɛ̀ màa.
32	GEN 2:1	Màa Lua musu ń zĩ́lɛo kɛ̀ ń ń pɔ́ɔ píi.
33	GEN 2:2	E a gɔɔ soplade zĩ́ àɔ ká, zĩ pɔ́ àlɛ kɛpi làa. A gɔɔ sopladepi zĩ́ ɔ̃ à kã́mabò ń zĩ pɔ́ á kɛ̀o.
34	GEN 2:3	Ɔ̃ à báaadà gɔɔ sopladepiu a dìlɛ a pɔ́ ũ, kɛ́ zĩbeezĩ à kã́mabò ń zĩ pɔ́ á kɛ̀o píi yã́i.
35	GEN 2:4	Musu ń zĩ́lɛo kɛa yã́n kɛ: Gɔɔ pɔ́ Dii Lua zĩ́lɛ ń musuo kɛ̀,
38	GEN 2:7	Dii Lua gɔ̃ɛ ikàsa ń bùsutio. Kɛ́ à ĩ́an wɛ̃nide pɛ̀ aà níu, ɔ̃ gɔ̃ɛpi gɔ̃̀ gbɛ̃́ bɛ̃́ɛ ũ.
40	GEN 2:9	Dii Lua tò lí bui píi bɔ̀lɛ tɔɔlɛ. Lípiɔ kɛfɛũ, mɛ́ an bɛ blea na. Lí wɛ̃nide ku lupi guo, mɛ́ lí pɔ́ ì dɔ̃a maa ń a vãio inɛ́ kú we lɔ.
43	GEN 2:12	mɛ́ vuapi kɛfɛũ. Zɔ̃go'ɔ kú we lɔ ń gbɛ̀ bɛɛɛde pɔ́ wì mɛ onisio.
48	GEN 2:17	ãma ńsu lí pɔ́ ì dɔ̃a maa ń a vãio inɛ́ bɛ bleo, asa tó ń blè, n gaɛ.
50	GEN 2:19	Ɔ̃ à bùsu sɛ̀ à nɔ̀bɔɔ kɛ̀ò píi ń bãɔ píi, ɔ̃ à mɔ̀ńnɔ gɔ̃ɛ kĩ́i, kɛ́ à e lá a tɔ́kpanɛ́. Tɔ́ pɔ́ gɔ̃ɛpi kpà pɔ́ wɛ̃nidepiɔnɛ píi gɔ̃̀ ń tɔ́ ũ.
51	GEN 2:20	Gɔ̃ɛpi tɔkpà pɔtuoɔnɛ píi ń bãɔ ń sɛ̃̀anɔbɔɔ píi, ãma i dɔnlɛde e ń guu a gbɛ̃do ũo.
52	GEN 2:21	Ɔ̃ Dii Lua tò gɔ̃ɛpi gɛ̃̀ ń io. Kɛ́ àlɛ i'o, ɔ̃ à aà gbã̀tɛ̃ɛwa mɛ̀ndo bɔ̀, ɔ̃ à aà mɛ tàta a gbɛu.
55	GEN 2:24	Ayãmɛto gɔ̃ɛ ì go a de ń a daowa, ì na a nawa, ɔ̃ aaì gɔ̃ lán sàwakula ń gbalaowa.
56	GEN 2:25	Gɔ̃ɛ ń a nao ku puizi an pla ḿpii, kási wí lí ń kũo.
61	GEN 3:5	Lua dɔ̃ tó á blè, á wɛ́ a kɛ̃́, í gɔ̃ láawa, íɔ maa ń vãio dɔ̃.
63	GEN 3:7	An pla ḿpii an wɛ́ kɛ̃̀, ɔ̃ aa dɔ̃̀ sa kɛ́ wa ku puizi. Ɔ̃ aa goola lá nàmi aa nàńzi.
64	GEN 3:8	Kɛ́ gɔ̃ɛ ń a nao Dii Lua kĩ́i mà, àlɛ bɛbɛ luu oosiɛlɛ, ɔ̃ aa ùlɛɛ̀ lupi láu.
67	GEN 3:11	Ɔ̃ Dii Lua aà là à mɛ̀: Démɛ ònɛ ń kú puiziɛi? Lí pɔ́ ma ginɛ ǹ a bɛ ble, ń blè yã̀?
68	GEN 3:12	A wèwà à mɛ̀: Nɔɛ pɔ́ ń kpàa àɔ kumanɔ mɛ́ lípi bɛ kpàa, ɔ̃ má blè.
69	GEN 3:13	Ɔ̃ Dii Lua nɔɛ là à mɛ̀: Bɔ́yãi ń kɛ̀i màai? A wèwà à mɛ̀: Mlɛ̃ mɛ́ ma sãsã, ɔ̃ má blè.
70	GEN 3:14	Ɔ̃ Dii Lua ò mlɛ̃ɛ: Lá ń kɛ̀ màa, ńyɔ̃ɔ dɛ láaipɔ ũ dɛ pɔtuoɔ ń sɛ̃̀anɔbɔɔla píi, ńyɔ̃ɔ táa'o n gbɛɛwaɛ, luutɛ̃ iɔ gɛ̃ n lɛ́u e n wɛ̃ni lɛ́u.
71	GEN 3:15	Mpi ń nɔɛo, má ĩ́ida á zãnguo, n bui ń aà buio zãnguo. Aà bui a n mi wí, mɛ́ ńyɔ̃ aà gbatoe kɛ'ĩa.
72	GEN 3:16	Ɔ̃ a ò nɔɛɛ: Má n nɔsia taasi kã́fĩnɛ, níɔ nɛ'i ń wãwão. N zã́ ni aliɔ kumaɛ, mɛ́ aɔ iko vĩmaɛ.
73	GEN 3:17	Ɔ̃ a ò gɔ̃ɛɛ: Lá n n na yãmà, n lí pɔ́ ma ginɛ ǹ a bɛ ble blè, tɔɔlɛ a gɔ̃ láaipɔ ũ n yã́i, taasi guu ɔ̃ ńyɔ̃li blɛ eu e n wɛ̃ni lɛ́u.
74	GEN 3:18	Bua pɔ́ɔ ɔ̃ ńyɔ̃li ble, ali lɛɔ ń lá ṹadeɔ bɔlɛnɛ.
75	GEN 3:19	Isimagakpaa guu ɔ̃ ńyɔ̃li blɛbleu, e ǹ ɛa ǹ gɛ̃ò tíu, asa wekĩi ma n bɔu. Bùsutin n ũ, mɛ́ ńyɔ̃ ɛa gɔ̃ bùsutipi ũɛ.
77	GEN 3:21	Dii Lua báa ula kɛ̀ Adamuɛ ń a nao a dànɛ́.
78	GEN 3:22	Ɔ̃ à mɛ̀: Gbɛ̃nazĩna maa ń vãio dɔ̃̀ sa, à gɔ̃̀ láwáwa. Wà giɛ̀ aà lí wɛ̃nide bɛ bo ble, kɛ́ asu àɔ ku gɔɔpiio yã́i.
80	GEN 3:24	Kɛ́ Dii Lua aà yà, ɔ̃ à malaika gã̀sĩadeɔ kàlɛ Edɛni lupi gukpɛ oi, aaɔ lí wɛ̃nide zɛ́ dɔ̃́a ń fɛ̃nda pɔ́ lɛ́ liasãizɔ̃, a wɛ́tɛ̃ lɛ́ tɛkɛo.
81	GEN 4:1	Adamu a na Ɛva dɔ̃̀ nɔɛ ũ, ɔ̃ à nɔsì à Kainu ì. Ɔ̃ à mɛ̀: Ma gɔ̃ɛ ì ń Dii gbãao.
83	GEN 4:3	Gɔɔewa Kainu mɔ̀ ń a buapɔ́ɔ à Dii gbà.
84	GEN 4:4	Abɛli sɔ̃ à mɔ̀ ń a sãnɛ sɛ̃́ia mɛkpaao. Abɛli yã́ kà Diigu, ɔ̃ à aà gba sì.
87	GEN 4:7	Tó n zɛ ń yãmaao, n oa aɔ weeao lé? Tó ni zɛ ń yãmaao sɔ̃o, duuna naalɛnɛ n kpɛɛlɛ. N ni lɛ́ aà dɛ, sema ǹ zĩblewà.
88	GEN 4:8	Ɔ̃ Kainu ò a dãuna Abɛliɛ: Wà gɛ́ sɛ̃u. Kɛ́ aa kà we, ɔ̃ à fɛ̀lɛ ń a dãunao à aà dɛ̀.
90	GEN 4:10	Ɔ̃ Dii mɛ̀: Bɔ́ ń kɛ̀i? N dãuna au lɛ́ lɛzumazi za tɔɔlɛ mà zɛanɔ.
91	GEN 4:11	Tiasa ńyɔ̃ gɔ̃ láaipɔ ũɛ, ní zãkũ ń tɔɔlɛ pɔ́ n dãuna au mì n ɔzĩo.
97	GEN 4:17	Kainu wùlɛ ń a nɔo, ɔ̃ à nɔsì à Ɛnɔki ì. A gbɛa Kainu wɛ̃́lɛ kàlɛ, ɔ̃ à a nɛ́pi tɔ́ kpàɛ̀.
101	GEN 4:21	Aà dãuna tɔ́n Yubali. Ɔ̃mɛ mɔɔnlɛnaɔ ń kulɛpɛnaɔ dezi káau ũ.
102	GEN 4:22	Zila sɔ̃, ɔ̃mɛ Tubali Kainu ì. Sian aà ũ. Ì pɔ́pii pí ń mɔsio ń mɔgotɛ̃o. Aà dãe tɔ́n Naama.
103	GEN 4:23	Lemɛki ò a naɔnɛ: Ada ń Zilao, à ma yãma, ma naɔ, à swã́kpa ma yã́i. Gbɛ̃e ma kɛ'ĩa, ɔ̃ ma aà dɛ̀, ɛ̀waasopi ma lɛɛ, ɔ̃ ma aà kàalɛ.
104	GEN 4:24	Wa Kainu pɔ́ tɔsiɛ̀ gɛ̃n soplaɛ, ma Lemɛki ma pɔ́ sɔ̃, gɛ̃n bàaɔ̃kwi ń soplao.
105	GEN 4:25	Adamu wùlɛ ń a nɔo lɔ, ɔ̃ à nɛgɔ̃ɛ ì. À tɔkpàɛ̀ Sɛti, asa à mɛ̀ Lua a gba nɛ́ pãle Abɛli pɔ́ Kainu aà dɛ̀ gɛ̃ɛ ũɛ.
107	GEN 5:1	Adamu buiɔ yã́n kɛ: Gɔɔ pɔ́ Lua gbɛ̃nazĩnaɔ kɛ̀, à ń kɛ́ láawaɛ.
108	GEN 5:2	À gɔ̃ɛ kɛ̀ ń nɔɛo, ɔ̃ à báaadàńgu. À tɔkpànɛ́ Gbɛ̃nazĩna.
110	GEN 5:4	Sɛti ia gbɛa à kɛ̀ wɛ̃̀ ɔ̀aa síiɔ̃ (800), à nɛ́ pãleɔ ì lɔ gɔ̃ɛɔ ń nɔɛɔ.
111	GEN 5:5	Kɛ́ à kà wɛ̃̀ ɔ̀aa síiɔ̃ ń basoolokwio (930), ɔ̃ à gà.
113	GEN 5:7	A gbɛa à kɛ̀ wɛ̃̀ ɔ̀aa síiɔ̃ ń soplao (807), à nɛ́ pãleɔ ì lɔ gɔ̃ɛɔ ń nɔɛɔ.
114	GEN 5:8	Kɛ́ à kà wɛ̃̀ ɔ̀aa síiɔ̃ ń basɔokwi ń plao (912), ɔ̃ à gà.
116	GEN 5:10	A gbɛa à kɛ̀ wɛ̃̀ ɔ̀aa síiɔ̃ ń gɛ̃oo (815), à nɛ́ pãleɔ ì lɔ gɔ̃ɛɔ ń nɔɛɔ.
117	GEN 5:11	Kɛ́ à kà wɛ̃̀ ɔ̀aa síiɔ̃ ń basɔosɔoo (905), ɔ̃ à gà.
119	GEN 5:13	A gbɛa à kɛ̀ wɛ̃̀ ɔ̀aa síiɔ̃ ń blao (840), à nɛ́ pãleɔ ì lɔ gɔ̃ɛɔ ń nɔɛɔ.
120	GEN 5:14	Kɛ́ à kà wɛ̃̀ ɔ̀aa síiɔ̃ ń basɔokwio (910), ɔ̃ à gà.
122	GEN 5:16	A gbɛa à kɛ̀ wɛ̃̀ ɔ̀aa síiɔ̃ ń baakwio (830), à nɛ́ pãleɔ ì lɔ gɔ̃ɛɔ ń nɔɛɔ.
123	GEN 5:17	Kɛ́ à kà wɛ̃̀ ɔ̀aa síiɔ̃ ń basɔo sɔosaio (895), ɔ̃ à gà.
124	GEN 5:18	Yɛlɛdi wɛ̃̀ baswaaɔ̃ ń plaode (162) guu ɔ̃ à Ɛnɔki ì.
125	GEN 5:19	A gbɛa à kɛ̀ wɛ̃̀ ɔ̀aa síiɔ̃ (800), à nɛ́ pãleɔ ì lɔ gɔ̃ɛɔ ń nɔɛɔ.
126	GEN 5:20	Kɛ́ à kà wɛ̃̀ ɔ̀aa síiɔ̃ ń baswaaɔ̃ ń plao (962), ɔ̃ à gà.
128	GEN 5:22	A gbɛa à tɛ̀ Luazi e wɛ̃̀ ɔ̀aa do ń basɔoo (300), à nɛ́ pãleɔ ì lɔ gɔ̃ɛɔ ń nɔɛɔ.
129	GEN 5:23	Kɛ́ à kà wɛ̃̀ ɔ̀aa do ń baswaaɔ̃sɔoo (365),
132	GEN 5:26	A gbɛa à kɛ̀ wɛ̃̀ ɔ̀aa síiɔ̃, bao plasai mɛ́ kuo (782), à nɛ́ pãleɔ ì lɔ gɔ̃ɛɔ ń nɔɛɔ.
133	GEN 5:27	Kɛ́ à kà wɛ̃̀ ɔ̀aa síiɔ̃ ń baswaaɔ̃kwi dosaio (969), ɔ̃ à gà.
136	GEN 5:30	Nɔee ia gbɛa Lemɛki kɛ̀ wɛ̃̀ ɔ̀aa àaɔ̃ sɔosai (595), à nɛ́ pãleɔ ì lɔ gɔ̃ɛɔ ń nɔɛɔ.
137	GEN 5:31	Kɛ́ à kà wɛ̃̀ ɔ̀aa àaɔ̃ ń baswaaɔ̃kwi ń soplao (777), ɔ̃ à gà.
138	GEN 5:32	Nɔee wɛ̃̀ ɔ̀aa pla ń basɔoode (500) guu ɔ̃ à Sɛũ ń Haũo ń Yafɛtio ì.
140	GEN 6:2	ɔ̃ Lua nɛ́ɔ è gbɛ̃nazĩn nɛnɔɛpiɔ kɛfɛũ, ɔ̃ aa ń sɛ́ ń pɔeãwa.
141	GEN 6:3	Ɔ̃ Dii mɛ̀: Ma Nisĩna aɔ ku gbɛ̃nazĩnaɔ guu gɔɔpiio, asa aa sã̀sã ń dàa yã́iɛ. Wɛ̃̀ basoolo mɛ́ gɔ̃̀nɛ́.
142	GEN 6:4	Gbɛ̃́ gbã̀aɔ ku dṹnia guu gɔɔ bee ń gɔɔ bee gbɛao lɔ, gɔɔ pɔ́ Lua nɛ́piɔ gbɛ̃nazĩn nɛnɔɛɔ dɔ̃̀ nɔɛɔ ũ, mɛ́ aa nɛ́ɔ ìńnɔ. An nɛ́piɔ mɛ́ nɛgɔ̃na pɔ́ aa tɔbɔ̀ za káauɔ ũ.
145	GEN 6:7	ɔ̃ à mɛ̀: Má gbɛ̃nazĩna pɔ́ má kɛ̀ waa tɔɔlɛwaɛ, gbɛ̃nazĩnaɔ ń nɔ̀bɔɔ ń pɔ́taa'onkuawaɔ ń bãɔ, asa ma pɔ yà an kɛa yã́ musuɛ.
148	GEN 6:10	Nɔee nɛgɔ̃ɛɔ ì gbɛ̃ɔn àaɔ̃, Sɛũ ń Haũo ń Yafɛtio.
149	GEN 6:11	Gbɛ̃́pii ɔ̃̀ɔkpaa Luaɛ, vãikɛa ń gbãao dṹnia pà.
151	GEN 6:13	Ɔ̃ Lua ò Nɔeeɛ: Má è gbɛ̃́pii kà kaalɛa, asa an yã́i vãikɛa ń gbãao lì dṹniaa. Má ń kaalɛ sãnu ń dṹniaoɛ.
152	GEN 6:14	Gó'ilɛna kɛ ń lipɛpɛɛo, ní kɛ ń a kpɛaɔ, ní kɔtaa lɛwà a guu ń a kpɛo.
153	GEN 6:15	Lá ńyɔ̃ gópi kɛn kɛ: A gbã̀a àɔ gã̀sĩsuu ɔ̀aa do ń basɔooɛ, a yàasa gã̀sĩsuu blakwi, a lɛsĩ sɔ̃ gã̀sĩsuu baakwi.