3	GEN 1:3	Ɔ̃ Lua mɛ̀: Gu pu! Ɔ̃ gu pù.
6	GEN 1:6	Ɔ̃ Lua mɛ̀: Bàluma àɔ ku íɔ zãnguo, kɛ́ à ípiɔ kɛ̃kɔ̃wa.
7	GEN 1:7	Ɔ̃ à bàluma kɛ̀ màa, à í pɔ́ kú bàluma zíɛ kɛ̃̀kɔ̃wa ń í pɔ́ kú a musuo.
8	GEN 1:8	Ɔ̃ à tɔkpà bàlumapiɛ luabɛ. Gu sì, gu dɔ̀, a gɔɔ plaaden we.
9	GEN 1:9	Ɔ̃ Lua mɛ̀: Í pɔ́ kú zĩ́lɛ kãaa gudoũ, gugii bɔ. Ɔ̃ à kɛ̀ màa.
10	GEN 1:10	À tɔkpà gugiipiɛ tɔɔlɛ, ɔ̃ à tɔkpà í pɔ́ kã̀aaɛ ísia. Ɔ̃ a è à kɛ̀ maa.
11	GEN 1:11	Ɔ̃ Lua mɛ̀: Láɔ bɔlɛ tɔɔlɛ ń sɛ̃̀ wɛdeɔ ń lí nɛdeɔ, baade ń a buio. Ɔ̃ à kɛ̀ màa,
12	GEN 1:12	láɔ bɔ̀lɛ tɔɔlɛ ń sɛ̃̀ wɛdeɔ ń lí nɛdeɔ, baade ń a buio. Ɔ̃ Lua è à kɛ̀ maa.
14	GEN 1:14	Ɔ̃ Lua mɛ̀: Pɔgupunaɔ aaɔ ku musu, aaɔ fãanɛ kɛ̃́kɔ̃wa ń gwã́o, aaɔ dikpɛɔ ń gɔɔɔ ń wɛ̃ɔ ɔlɔnɛ́.
15	GEN 1:15	Aaɔ dɛ pɔgupunaɔ ũ musu, kɛ́ aaɔ dṹnia pu. Ɔ̃ à kɛ̀ màa.
18	GEN 1:18	aaɔ kible fãanɛ ń gwãasĩnao, aaɔ gupua kɛ̃kɔ̃wa ń gusiao. Ɔ̃ a è à kɛ̀ maa.
20	GEN 1:20	Ɔ̃ Lua mɛ̀: Pɔ́ wɛ̃nideɔ í pa yɔ̃̀ɛyɔ̃ɛ, bãɔ ligua musu, aaɔ vua bàlumau.
21	GEN 1:21	Ɔ̃ à pɔ́ wɛ̃nide pɔ́ kú íu yɔ̃̀ɛyɔ̃ɛɔ kɛ̀ ń kpɔ̀ gbɛ̃̀nɛɔ píi baade ń a buio. À bãɔ kɛ̀ píi lɔ baade ń a buio. Ɔ̃ a è à kɛ̀ maa.
24	GEN 1:24	Ɔ̃ Lua mɛ̀: Pɔ́ wɛ̃nideɔ aaɔ ku tɔɔlɛ, pɔtuoɔ ń pɔ́taa'onkuawaɔ ń sɛ̃̀anɔbɔɔ baade ń a buio. Ɔ̃ à kɛ̀ màa.
25	GEN 1:25	Lua sɛ̃̀anɔbɔɔ kɛ̀ baade ń a buio. À pɔtuoɔ kɛ̀ baade ń a buio. À pɔ́taa'onkuawaɔ kɛ̀ baade ń a buio. Ɔ̃ a è à kɛ̀ maa.
26	GEN 1:26	Ɔ̃ Lua mɛ̀: Wà gbɛ̃nazĩnaɔ kɛ wá taa ũ, aaiɔ dɛwáwa, aaiɔ iko vĩ kpɔɔwa ń bãɔ ń pɔtuoɔ ń sɛ̃̀anɔbɔɔ ń pɔ́taa'onkuawaɔ píi.
27	GEN 1:27	Ɔ̃ Lua gbɛ̃nazĩnaɔ kɛ̀ azĩa taa ũ. Aà zĩa taa ɔ̃ à ń kɛ́ a ũ. À ń kɛ́ gɔ̃ɛ ń nɔɛoɛ.
29	GEN 1:29	Ɔ̃ Lua mɛ̀: Ma pɔ́ wɛ́nade pɔ́ kú tɔɔlɛwaɔ kpàwá á pɔblea ũ píiɛ ń lí nɛdeɔ píi.
30	GEN 1:30	Ma blɛ pɔ́ ì bɔlɛ tɔɔlɛwa kpà pɔ́ wɛ̃nideɔwa píi an blɛ ũɛ, nɔ̀bɔɔ ń bãɔ ń pɔ́taa'onkuawaɔ píi. Ɔ̃ à kɛ̀ màa.
34	GEN 2:3	Ɔ̃ à báaadà gɔɔ sopladepiu a dìlɛ a pɔ́ ũ, kɛ́ zĩbeezĩ à kã́mabò ń zĩ pɔ́ á kɛ̀o píi yã́i.
47	GEN 2:16	Ɔ̃ à yãdìlɛɛ̀ à mɛ̀: Ńyɔ̃ fɔ̃ ǹ lupi lí píi bɛ ble,
50	GEN 2:19	Ɔ̃ à bùsu sɛ̀ à nɔ̀bɔɔ kɛ̀ò píi ń bãɔ píi, ɔ̃ à mɔ̀ńnɔ gɔ̃ɛ kĩ́i, kɛ́ à e lá a tɔ́kpanɛ́. Tɔ́ pɔ́ gɔ̃ɛpi kpà pɔ́ wɛ̃nidepiɔnɛ píi gɔ̃̀ ń tɔ́ ũ.
52	GEN 2:21	Ɔ̃ Dii Lua tò gɔ̃ɛpi gɛ̃̀ ń io. Kɛ́ àlɛ i'o, ɔ̃ à aà gbã̀tɛ̃ɛwa mɛ̀ndo bɔ̀, ɔ̃ à aà mɛ tàta a gbɛu.
53	GEN 2:22	Ɔ̃ à gɔ̃ɛpi gbã̀tɛ̃ɛwa pɔ́ á bɔ̀pi lìlɛ nɔɛ ũ, ɔ̃ à gɛ̀aànɔ aà kĩ́i.
54	GEN 2:23	Ɔ̃ gɔ̃ɛpi mɛ̀: Gbɛ̃́ɛ bee sa, aà wá bɔ̀ ma wá guuɛ, mɛ́ aà mɛ bɔ̀ ma mɛ guuɛ. Wàli oɛ̀ nɔɛ, kɛ́ wà aà bɔ̀ gɔ̃ɛ guu yã́i.
58	GEN 3:2	Ɔ̃ nɔɛ wè mlɛ̃piwa: Wá fɔ̃ wà lupi libɛ ble,
60	GEN 3:4	Ɔ̃ mlɛ̃ òɛ̀: Á ga seo!
63	GEN 3:7	An pla ḿpii an wɛ́ kɛ̃̀, ɔ̃ aa dɔ̃̀ sa kɛ́ wa ku puizi. Ɔ̃ aa goola lá nàmi aa nàńzi.
65	GEN 3:9	Ɔ̃ Dii Lua lɛzù gɔ̃ɛzi à mɛ̀: Ń kú má ni?
67	GEN 3:11	Ɔ̃ Dii Lua aà là à mɛ̀: Démɛ ònɛ ń kú puiziɛi? Lí pɔ́ ma ginɛ ǹ a bɛ ble, ń blè yã̀?
69	GEN 3:13	Ɔ̃ Dii Lua nɔɛ là à mɛ̀: Bɔ́yãi ń kɛ̀i màai? A wèwà à mɛ̀: Mlɛ̃ mɛ́ ma sãsã, ɔ̃ má blè.
70	GEN 3:14	Ɔ̃ Dii Lua ò mlɛ̃ɛ: Lá ń kɛ̀ màa, ńyɔ̃ɔ dɛ láaipɔ ũ dɛ pɔtuoɔ ń sɛ̃̀anɔbɔɔla píi, ńyɔ̃ɔ táa'o n gbɛɛwaɛ, luutɛ̃ iɔ gɛ̃ n lɛ́u e n wɛ̃ni lɛ́u.
72	GEN 3:16	Ɔ̃ a ò nɔɛɛ: Má n nɔsia taasi kã́fĩnɛ, níɔ nɛ'i ń wãwão. N zã́ ni aliɔ kumaɛ, mɛ́ aɔ iko vĩmaɛ.
73	GEN 3:17	Ɔ̃ a ò gɔ̃ɛɛ: Lá n n na yãmà, n lí pɔ́ ma ginɛ ǹ a bɛ ble blè, tɔɔlɛ a gɔ̃ láaipɔ ũ n yã́i, taasi guu ɔ̃ ńyɔ̃li blɛ eu e n wɛ̃ni lɛ́u.
78	GEN 3:22	Ɔ̃ à mɛ̀: Gbɛ̃nazĩna maa ń vãio dɔ̃̀ sa, à gɔ̃̀ láwáwa. Wà giɛ̀ aà lí wɛ̃nide bɛ bo ble, kɛ́ asu àɔ ku gɔɔpiio yã́i.
79	GEN 3:23	Ɔ̃ Dii Lua aà yà à aà bɔ̀ Edɛni lupi guu. Ɔ̃ Adamu gɛ̀ tɔɔlɛ pɔ́ Lua aà kɛ̀ò zĩkɛ̀.
81	GEN 4:1	Adamu a na Ɛva dɔ̃̀ nɔɛ ũ, ɔ̃ à nɔsì à Kainu ì. Ɔ̃ à mɛ̀: Ma gɔ̃ɛ ì ń Dii gbãao.
82	GEN 4:2	Ɔ̃ à aà dãuna Abɛli ì lɔ. Abɛli kɛ̀ sãdãna ũ mɛ́ Kainu kɛ̀ sɛ̃̀wana ũ.
85	GEN 4:5	Kainu sɔ̃, aà yã́ i ka Diiguo, ɔ̃ i aà gba sio. Ɔ̃ Kainu pɔ pà maamaa, aà oa ɔ̃̀ɔkpà.
86	GEN 4:6	Ɔ̃ Dii ò Kainuɛ: Bɔ́yãi n pɔ fɛ̃̀ii? Àkɛa n oa ɔ̃̀ɔkpài?
88	GEN 4:8	Ɔ̃ Kainu ò a dãuna Abɛliɛ: Wà gɛ́ sɛ̃u. Kɛ́ aa kà we, ɔ̃ à fɛ̀lɛ ń a dãunao à aà dɛ̀.
90	GEN 4:10	Ɔ̃ Dii mɛ̀: Bɔ́ ń kɛ̀i? N dãuna au lɛ́ lɛzumazi za tɔɔlɛ mà zɛanɔ.
93	GEN 4:13	Ɔ̃ Kainu ò Diiɛ: Ĩadamaɛ bee gbãa dɛmala, má fɔ̃o.
95	GEN 4:15	Ɔ̃ Dii òɛ̀: Màa no! Tó gbɛ̃́ n dɛ, wa n pɔ́ tɔsinɛ gɛ̃n soplaɛ. Ɔ̃ Dii wɛ̃̀sãe kɛ̃̀ Kainuwa, kɛ́ gbɛ̃́ pɔ́ kpàaũaànɔ su aà dɛo yã́i.
96	GEN 4:16	Ɔ̃ Kainu dàzɛu à kɛ̃̀ Diiwa. À gɛ̀ zɔ̃̀lɛ Nɔdi bùsuu Edɛni gukpɛ oi.
100	GEN 4:20	Ada Yabali ì. Ɔ̃mɛ pɔdãna pɔ́ aaìɔ ku zwã̀akpɛuɔ dezi káau ũ.
101	GEN 4:21	Aà dãuna tɔ́n Yubali. Ɔ̃mɛ mɔɔnlɛnaɔ ń kulɛpɛnaɔ dezi káau ũ.
141	GEN 6:3	Ɔ̃ Dii mɛ̀: Ma Nisĩna aɔ ku gbɛ̃nazĩnaɔ guu gɔɔpiio, asa aa sã̀sã ń dàa yã́iɛ. Wɛ̃̀ basoolo mɛ́ gɔ̃̀nɛ́.
146	GEN 6:8	Ɔ̃ Dii Nɔee wɛgwà.
151	GEN 6:13	Ɔ̃ Lua ò Nɔeeɛ: Má è gbɛ̃́pii kà kaalɛa, asa an yã́i vãikɛa ń gbãao lì dṹniaa. Má ń kaalɛ sãnu ń dṹniaoɛ.
160	GEN 6:22	Ɔ̃ Nɔee kɛ̀ màa, à yã́ pɔ́ Lua òɛ kɛ̀ píi.
161	GEN 7:1	Ɔ̃ Dii ò Nɔeeɛ: Gɛ̃ gó guu ń n bɛdeɔ, asa má è ḿmɛ ń maamɛɛ tiadeɔ guu.
168	GEN 7:8	Ɔ̃ nɔ̀ɔ pɔ́ wì sa'oòɔ ń nɔ̀ɔ pɔ́ wìli sa'oòòɔ ń bãɔ ń pɔ́taa'onkuawaɔ
176	GEN 7:16	Pɔ́ wɛ̃nideɔ bui píi gɛ̃̀ da ń sao lá Lua dìlɛɛ̀wa. Ɔ̃ Dii gbatàńlɛ.
184	GEN 7:24	Ɔ̃ í daa dṹniaa màa e gɔɔ basoplakwi.
195	GEN 8:11	Felenapi ɛ̀a sùwà oosi, à kùla kàso kpaa a lɛ́zĩ. Ɔ̃ Nɔee dɔ̃ kɛ́ í lào tɔɔlɛwa.
199	GEN 8:15	Ɔ̃ Lua yã'ò Nɔeeɛ à mɛ̀:
202	GEN 8:18	Ɔ̃ Nɔee bɔ̀ ń a nɛ́ɔ ń a nao ń a nɛ́ɔ naɔ.
204	GEN 8:20	Ɔ̃ Nɔee Dii gbagbakĩi bò. À nɔ̀bɔ ń bã pɔ́ wì sa'oòɔ kũ̀, ɔ̃ à sa pɔ́ wì a pɔ́ kátɛu à tɛ́kũ òòwà.
207	GEN 9:1	Ɔ̃ Lua báaadà Nɔeegu ń aà nɛ́ɔ, a ònɛ́: Àɔ nɛ'i àɔ kã́fĩ, í dṹnia pa.
218	GEN 9:12	Ɔ̃ Lua ɛ̀a mɛ̀: Ma bàa aɔ kúánɔ ń pɔ́ wɛ̃nide pɔ́ kúánɔɔ e gɔɔpiiɛ. A seelan kɛ:
223	GEN 9:17	Ɔ̃ Lua ò Nɔeeɛ: Ma bàa kua ń pɔ́ wɛ̃nide pɔ́ kú dṹnia guu píio seelan we.
229	GEN 9:23	Ɔ̃ Sɛũ ń Yafɛtio ulada sɛ̀ wa kà ń gã̀u ń pla, aa táa'ò ń kpɛo, an aɛ dɔa gupãle oi kɛ́ aasu ń mae puizi eo yã́i, aa gɛ̀ ń mae puizi ùlɛò.
232	GEN 9:26	Ɔ̃ à mɛ̀: Wà Dii Sɛũ Lua sáaukpa, Kanaa buiɔ aaɔ dɛ Sɛũ buiɔ zɔɔ ũɛ.
243	GEN 10:8	Niũlodiá Etiopi buiɛ lɔ. Ɔ̃mɛ dṹnia nɛgɔ̃n tɔde sɛ̃́ia ũ.
256	GEN 10:21	Yafɛti dãuna Sɛũ buikɛ̀ lɔ. Ɔ̃mɛ Ɛbɛlu buiɔ dezi káau ũ.
271	GEN 11:4	Ɔ̃ aa mɛ̀: Wà mɛɛwia kálɛ wà kpɛdidiakɔ̃a bo, a misona zɔ̃ luabɛwa. Wà wázĩa tɔbɔ, kɛ́ wásu gɔ̃ gbándodo dṹnia guuo yã́i.
272	GEN 11:5	Ɔ̃ Dii pìla à mɛɛwiapi gwà ń kpɛ́ lɛsĩ pɔ́ gbɛ̃nazĩnaɔ bòo.
273	GEN 11:6	Ɔ̃ à mɛ̀: Ampii an bui doũɛ, yã́ doũ aaì o, ɔ̃ yã́ pɔ́ aa bɔ̀òn laa? Yã́ pɔ́ aa a làasookɛ̀, tiasa aa kɛɛ, pɔe a kpánɛ́ a guu lɔo.
275	GEN 11:8	Ɔ̃ Dii ń fãaa we gbándodo dṹnia guu píi, ɔ̃ aa ń mɛɛwia kálɛa tò.
298	GEN 11:31	Ɔ̃ Tela a nɛ́ Ablaũ ń a tɔũna Lɔtuo ń Ablaũ na Salaio sɛ̀ bɔ̀lɛńnɔ Ulu, Babiloni bùsuu, aalɛ gɛ́ Kanaa bùsuu. Kɛ́ aa kà Halana, aa zɔ̃̀lɛ we.
303	GEN 12:4	Ɔ̃ Ablaũ dàzɛu lá Dii òɛwa. Lɔtu gɛ̀aànɔ. Aà wɛ̃̀ basiiɔ̃ sɔosaideu ɔ̃ à bɔ̀ Halana
306	GEN 12:7	Ɔ̃ Dii bɔ̀ mɔ̀ Ablaũwa à mɛ̀: Má bùsuɛ bee kpa n buiɔwaɛ. Ɔ̃ à Diipi gbagbakĩi kɛ̀ we.
308	GEN 12:9	Ɔ̃ à dàzɛu lɔ, à mipɛ̀ Nɛgɛvɛwa.
315	GEN 12:16	Ɔ̃ à Ablaũ yàaekɛ̀ maamaa aà yã́i, à sãɔ kpàwà ń zuɔ ń zàa'ĩnaɔ ń zɔgɔ̃ɛɔ ń zɔnɔɛɔ ń yiongoɔ.
316	GEN 12:17	Ɔ̃ Dii gyã pãsĩɔ kà Falaɔ̃ɔgu ń a bɛdeɔ Ablaũ napi yã́i.
317	GEN 12:18	Ɔ̃ Falaɔ̃ɔ Ablaũ sìsi a òɛ̀: Bɔ́ yã́ ń kɛ̀mɛɛ màai? Bɔ́yãi ni oimɛɛ n naɛo ni?
320	GEN 13:1	Ɔ̃ Ablaũ bɔ̀ Egipi à sù Nɛgɛvɛ ń a nao ń a àizɛɛɔ píi ń Lɔtuo.
323	GEN 13:4	gu pɔ́ à sa'okĩi bòu yãa. Ɔ̃ à Dii sìsi we.
326	GEN 13:7	Ɔ̃ lɛkpaa gɛ̃̀ Ablaũ pɔdãnaɔ ń Lɔtu pɔdãnaɔ guu. Zĩbeezĩ sɔ̃ Kanaaɔ ń Pɛliziɔ ku bùsupiu.
327	GEN 13:8	Ɔ̃ Ablaũ ò Lɔtuɛ: A maa lɛkpaa àɔ kú wá zãnguoo, ge ma pɔdãnaɔ ń n pɔdãnaɔ zãnguoo, asa wá daɛ doũɛ.
330	GEN 13:11	Ɔ̃ Lɔtu Yuudɛ̃ guzulɛ sɛ̀ píi. Aa kɛ̃̀kɔ̃wa, ɔ̃ Lɔtu dàzɛu gukpɛ oi.
340	GEN 14:3	Kía gbɛ̃ɔn sɔopiɔ kɔ̃ kã̀aa píi Sidiũ guzulɛu. Ɔ̃mɛ Ísida Wiside ũ tia.
342	GEN 14:5	A wɛ̃̀ gɛ̃o mɛ̀ndosaide ɔ̃ Kɛdɔlaomɛɛ ń kía pɔ́ kuaànɔɔ mɔ̀. Ɔ̃ aa zĩblè Lefaiɔwa Asalo Kaanaiũ. Aa zĩblè Zuziɔwa Haũ. Aa zĩblè Ɛmiɔwa Save Kiliataiũ.
344	GEN 14:7	Ɔ̃ aa ɛ̀a sù Misipa nibɔnai, ɔ̃ wì mɛ tia Kadɛsi. Aa zĩblè Amalɛki bùsuwa píi ń Amɔle bui pɔ́ kú Asasɔ̃ Tamaaɔwa lɔ.
345	GEN 14:8	Ɔ̃ Sɔdɔũ kía ń Gɔmɔɔ kíao ń Adema kíao ń Zeboiũ kíao ń Bela pɔ́ wì mɛ tia Zoaa kíao fɛ̀lɛ gɛ̀ zĩkaińnɔ Sidiũ guzulɛu.
350	GEN 14:13	Ɔ̃ gbɛ̃́ pɔ́ pìlimá gɛ ò Ɛbɛlu bui Ablaũɛ Mamale gbɛ̃́nɛliɔ kĩ́i. Mamale ń a dãunaɔ Ɛsikɔli ń Anɛɛoá Amɔle buiɔnɛ, an lɛ́ doũ ń Ablaũo.
352	GEN 14:15	Ɔ̃ à a gbɛ̃́ɔ kpaalɛ̀, ɔ̃ aa sìńgu gwãasĩna. Aa zĩblèmá aa pɛ̀má e Hoba, Damasi gugbãntoo oi.
355	GEN 14:18	Ɔ̃ Salɛma kí Mɛkizɛdɛ mɔ̀ ń pɛ̃ɛo ń vɛ̃ɛo. Aàpiá Lua Musude gbàgbanaɛ.
356	GEN 14:19	Ɔ̃ à samaa'ò Ablaũɛ à mɛ̀: Lua Musude musu ń zĩ́lɛo Kɛna báaada Ablaũgu.
357	GEN 14:20	Wà Lua Musude sáaukpa! À n ibɛɛɔ nànɛ n ɔzĩ. Ɔ̃ Ablaũ pɔ́ pɔ́ a èɔ kwide kpàwà píi.
359	GEN 14:22	Ɔ̃ Ablaũ òɛ̀: Má sì ń Dii Lua Musude musu ń zĩ́lɛo Kɛnao,
363	GEN 15:2	Ɔ̃ Ablaũ mɛ̀: Dii Lua, bɔ́ ńyɔ̃ ma gbai? Má nɛ́ vĩo. Damasi gbɛ̃́ Ɛliɛzɛɛ mɛ́ aɔ dɛ ma bɛ túbiblena ũ.
365	GEN 15:4	Ɔ̃ Dii òɛ̀: Aàpi mɛ́ aɔ dɛ n túbiblena ũo. Nɛ́ pɔ́ a bɔ n plɛu mɛ́ aɔ dɛ n túbiblena ũ.
366	GEN 15:5	Ɔ̃ à bɔ̀aànɔ bàasi à mɛ̀: Musu gwa ǹ saanaɔ nao, tó ńyɔ̃ fɔ̃́. Beewa ɔ̃ n buiɔ aaɔ dasi.
369	GEN 15:8	Ɔ̃ Ablaũ mɛ̀: Dii Lua, kpelewa máɔ dɔ̃ kɛ́ aɔ dɛ ma pɔ́ ũi?
371	GEN 15:10	Ɔ̃ à pɔ́piɔ sɛ̀ píi à ń paapaa à ń goaa, ɔ̃ à ń kálɛ à ń aɛdɔ̀dɔkɔ̃wa, ãma i bãɔ paapaao.
374	GEN 15:13	Ɔ̃ Dii òɛ̀: Ǹyɔ̃ dɔ̃ kɛ́ n buiɔ aaɔ dɛ nibɔɔ ũ bùsu pɔ́ dɛ ń pɔ́ ũo guu, aaiɔ zɔble we, wiɔ ĩadamá e wɛ̃̀ ɔ̀aa pla.
384	GEN 16:2	Ɔ̃ Salai ò Ablaũɛ: Lá Dii ma kɛ fĩi ũɛ, wúlɛ ń ma zɔnɔɛo. Má gí nɛ́ɔ ei aà sabaia? Ɔ̃ Ablaũ Salai yãmà.
387	GEN 16:5	Ɔ̃ Salai ò Ablaũɛ: Tàae pɔ́ wa kɛ̀mɛɛ gɔ̃̀ n yã́ ũɛ. Ma a zɔ kpàma. Kɛ́ a è á nɔsia, ɔ̃ ìɔ dɔ́ɛa. Mpi ń mapio, Dii mɛ́ a yã́gɔ̃gɔ̃wɛ̃ɛ.