47	GEN 2:16	Ɔ̃ à yãdìlɛɛ̀ à mɛ̀: Ńyɔ̃ fɔ̃ ǹ lupi lí píi bɛ ble,
67	GEN 3:11	Ɔ̃ Dii Lua aà là à mɛ̀: Démɛ ònɛ ń kú puiziɛi? Lí pɔ́ ma ginɛ ǹ a bɛ ble, ń blè yã̀?
73	GEN 3:17	Ɔ̃ a ò gɔ̃ɛɛ: Lá n n na yãmà, n lí pɔ́ ma ginɛ ǹ a bɛ ble blè, tɔɔlɛ a gɔ̃ láaipɔ ũ n yã́i, taasi guu ɔ̃ ńyɔ̃li blɛ eu e n wɛ̃ni lɛ́u.
75	GEN 3:19	Isimagakpaa guu ɔ̃ ńyɔ̃li blɛbleu, e ǹ ɛa ǹ gɛ̃ò tíu, asa wekĩi ma n bɔu. Bùsutin n ũ, mɛ́ ńyɔ̃ ɛa gɔ̃ bùsutipi ũɛ.
87	GEN 4:7	Tó n zɛ ń yãmaao, n oa aɔ weeao lé? Tó ni zɛ ń yãmaao sɔ̃o, duuna naalɛnɛ n kpɛɛlɛ. N ni lɛ́ aà dɛ, sema ǹ zĩblewà.
92	GEN 4:12	Tó n sɛ̃wà, tɔɔlɛ a kã́fĩakɛnɛo. Ńyɔ̃ɔ sɔ̃kĩikpakpa ǹyɔ̃ liaaliaa dṹnia guuɛ.
333	GEN 13:14	Lɔtu taa gbɛa Dii ò Ablaũɛ: Gu pɔ́ ń zɛu, wɛsɛ ǹ gugbãntoo ń gɛɔmidɔkĩio ń gukpɛo ń bɛ'aɛo gwa.
366	GEN 15:5	Ɔ̃ à bɔ̀aànɔ bàasi à mɛ̀: Musu gwa ǹ saanaɔ nao, tó ńyɔ̃ fɔ̃́. Beewa ɔ̃ n buiɔ aaɔ dasi.
376	GEN 15:15	Mpi sɔ̃ ńyɔ̃ɔ aafiaɛ e ǹ gɛ ǹ zikũò, ní gbasa ta n deziɔ kĩ́i, wi n vĩ.
473	GEN 19:15	Kɛ́ gu dɔ̀ malaikapiɔ nàɛ Lɔtuwa aa mɛ̀: Fɛlɛ ǹ n na ń n nɛnɔɛna gbɛ̃ɔn plaɛɔ sɛ́lɛ bɔlɛńnɔ la, kɛ́ ńsu ga wɛ̃́lɛpi kaalɛa guuo yã́i.
475	GEN 19:17	Kɛ́ aa bɔ̀lɛńnɔ màa, ɔ̃ malaikapiɔ do ò Lɔtuɛ: Bàalɛ ǹ nzĩa misi. Ńsu ǹ n kpɛ gwao, ńsu zɛ guzulɛpiuo. Bàalɛ mipɛ gbɛ̀sĩsĩɔwa, kɛ́ ńsu gao yã́i.
480	GEN 19:22	Bàalɛ ta we kpakpa, asa má yãe kɛ gĩao, e ǹ gɛ ǹ kaò we. Ayãmɛto wà tɔkpà wɛ̃́lɛpiɛ Zoaa.
502	GEN 20:6	Ɔ̃ Lua òɛ̀ nanapi guu: Ao, má dɔ̃ kɛ́ n yãkɛ̀ a zɛ́waɛ. Ayãmɛto ma kpanɛ ǹ duunakɛmɛɛ, mi we n ɔkã̀ nɔɛpiwao.
503	GEN 20:7	Tiasa, gɔ̃ɛpi dee nɔ kpawà, asa ãnabiɛ, i wabikɛnɛ, kɛ́ ǹ e ǹ gɔ̃ ń aafiao. Tó ni aà nɔpi kpawà sɔ̃o, ǹyɔ̃ dɔ̃ kɛ́ n gaɛ, mpi ń n gbɛ̃́ɔ ápii.
532	GEN 21:18	Fɛlɛ ǹ n nɛ́pi sɛ ǹ aà kũ a ɔwa, asa má tó aà gɔ̃ bui zɔ̃ɔ ũɛ.
537	GEN 21:23	Lɛgbɛ̃mɛɛ la gɔ̃̀ɔ ǹ mɛ ń sì ń Luao, kɛ́ ńyɔ̃ bɔ ma kpɛo ge ma nɛ́ɔ ge ma buiɔ. Lá ma gbɛ̃kɛkɛ̀nɛ, kɛmɛɛ màa ń bùsu pɔ́ ń kú a guu gbɛ̃́ɔ.
550	GEN 22:2	Ɔ̃ Lua òɛ̀: Ǹ n nɛ́ mɛ̀ndona yenzide Izaaki sɛ ǹ gɛò Mɔlia bùsuu, ní sa pɔ́ wì a pɔ́ kátɛu à tɛ́kũ oò gbɛ̀sĩsĩ pɔ́ má onɛwa.
578	GEN 23:6	Mae, wá yãma. Lua gbɛ̃́ báaaden n ũ wá guu. Ǹ n gɛ vĩ gɛ̀'ɛ pɔ́ kɛ̀nɛ maa guu. Wá gbɛ̃e a ginɛ ń gɛ̀'ɛo kɛ́ ǹ gɛ vĩuo.
583	GEN 23:11	Aawo mae, ma yãma. Ma n gba buapi ń gbɛ̀'ɛ pɔ́ kú weoɛ. Ma n gba ma gbɛ̃́ɔ wáaɛ. Ma n gbaɛ ǹ gɛ vĩu.
585	GEN 23:13	ɔ̃ a ò Ɛfɔ̃nɔɛ an wáa ḿpii: Swã́kpa ǹ ma yãma. Má buapi fĩaboɛ. Ma ɔ̃a sí, mí gɛ vĩu.
595	GEN 24:3	mí tó ǹ lɛgbɛ̃ ń Dii musu ń zĩ́lɛo Lua tɔ́o, kɛ́ ńyɔ̃ Kanaa bùsu pɔ́ má kúu nɔ sɛ ma nɛ́ɛo.
643	GEN 24:51	Lɛbɛka kɛ, ǹ aà sɛ taò, i gɔ̃ n dii nɛ́ na ũ lá Dii òwa.
732	GEN 27:4	Ma pɔeã do kuu ǹ mɔomɛɛ mà ble, mí sa'olɛkɛnɛ e màɔ ga.
737	GEN 27:9	Gɛ́ bleɔ guu, blenɛ maa kũ mɛ̀n pla ǹ dɛ, ní kɛkɛ ǹ mɔò, mí n mae pɔeã do kuuɛ̀,
741	GEN 27:13	Ɔ̃ aà da òɛ̀: Lua to lɛkɛanɛ bee gɔ̃mɛɛ. Ma yãma lé! Gɛ ǹ dɛ ǹ mɔomɛɛ.
747	GEN 27:19	Yakɔbu wèwà à mɛ̀: Mámɛmaa Esau n yoa. Lá ń òmɛɛ, má kɛ̀. Fɛlɛ zɔ̃lɛ ǹ ma ɔ'i ble, ní sa'olɛkɛmɛɛ.
759	GEN 27:31	ɔ̃ à blɛkɛ̀ a maeɛ sɔ̃, à gɛ̀oɛ̀, ɔ̃ a òɛ̀: Baa! Fɛlɛ ǹ ma ɔ'i ble, ní sa'olɛkɛmɛɛ.
761	GEN 27:33	Yã́pi dì Izaakiwa, àlɛ lualua à mɛ̀: Démɛ nɔ̀ɔ dɛ̀ à mɔ̀omɛɛ yãa e ǹyɔ̃ gɛ́ mɔ́i, má sòi? Ma sa'olɛkɛ̀ adeɛ kɔ̀, mɛ́ a ɛ̀fãaipi eɛ.
777	GEN 28:3	Lua Gbãapiide báaadangu, aà to ǹ nɛ'i maamaa, aaiɔ kã́fĩ, ní gɔ̃ buiɔ dezi ũ.
833	GEN 30:2	Yakɔbu pɔ pàaàzi à mɛ̀: Mámɛ má Lua ũa? Aàpi mɛ́ gìnɛ ǹ nɛ'i.
846	GEN 30:15	Lea òɛ̀: Kɛ́ n ma gɔ̃ sìa, bee i mɔmao, ɔ̃ ń ye ǹ ma nɛ́ yenzi ɛsɛ e lɔa? Lasɛli mɛ̀: Tó ń kpàa, ḿmɛ ńyɔ̃ iaànɔ gbã.
862	GEN 30:31	Labã aà là à mɛ̀: Bɔ́ má fĩaboonɛi? Yakɔbu wèwà à mɛ̀: Ńsu pɔe kpaao, sema ǹ yã́ɛ bee kɛmɛɛ, míɔ n pɔ́ɔ dãnɛ.
886	GEN 31:12	À mɛ̀: Wɛzu ǹ gwa. Blesana pɔ́ aalɛ kpáwa'oɔ píi blè kãyãalɛɔnɛ ń a bàebaeɔ ń a biliɔ. Ma yã́ pɔ́ Labã kɛ̀nɛ è píi.
924	GEN 31:50	Tó n ĩadà ma nɛnɔɛɔwa ge tó n nɔ pãleɔ sɛ̀ lɔ, baa tó wá kú kɔ̃ kĩ́io, ǹyɔ̃ dɔ̃ sã́asã kɛ́ Lua mɛ́ wá yã́pi seelade ũ.
926	GEN 31:52	Aɔ dɛ seela ũ kɛ́ másu a baa vĩ mà mɔma ń nɔ̀sɛ pãleoo, mɛ́ mpi ńsu ǹ a baa vĩ ǹ mɔa ń nɔ̀sɛ pãleoo.
955	GEN 32:27	Gɔ̃ɛpi mɛ̀: Ma gbaɛ, asa gu lɛ́ dɔɛ. Ɔ̃ Yakɔbu òɛ̀: Sema ǹ báaadamagu bàasio, má n gbaɛo.
970	GEN 33:9	Esau mɛ̀: Ma gbɛ̃́, ma pɔ́ɔ mɔ̀a, ǹyɔ̃ n pɔ́ɔ kũa.
1131	GEN 38:11	Ɔ̃ Yuda ò a nɛ́ gyaa Tamaaɛ: Gɛ ǹyɔ̃ gyaable n mae bɛ e ma nɛ́ Sela zɔ̃ɔkũ. Asa àlɛ e Sela a ga lá a vĩ̀iɔwaɛ. Ɔ̃ Tamaa gɛ̀ zɔ̃̀lɛ a mae bɛ.
1137	GEN 38:17	A wèwà à mɛ̀: Má a blenɛɔ do kpã́sãnɛ. Ɔ̃ à mɛ̀: Tɔ̀ɔmadilɛmɛɛ e ǹyɔ̃ gɛ́ kpã́sãi.
1186	GEN 40:13	Gɔɔ àaɔ̃ gbɛa Falaɔ̃ɔ a n misi. A ɛa n da n zĩ guu, ní ɛa ǹyɔ̃ vɛ̃ɛbɔlɛɛ̀, lá niɔ kɛ yãawa.
1187	GEN 40:14	Tó yã́ bɔ̀nnɔ na, to ma yã́ àɔ dɔngu. Gbɛ̃kɛkɛmɛɛ, ní ma yã'o Falaɔ̃ɔɛ, kɛ́ ǹ e ǹ ma bɔ kpɛ́ɛ bee guu.
1211	GEN 41:15	Ɔ̃ Falaɔ̃ɔ òɛ̀: Ma nana'ò, kási gbɛ̃e i fɔ̃ a àsi'òmɛɛo. Má mà wà mɛ̀, tó wa ònɛ, ni fɔ̃ ǹ a àsi'onɛ́ɛ.
1229	GEN 41:33	Tiasa kí, ɔ̃nɔde wɛzɛ̃na wɛɛlɛ ǹ dilɛ aàɔ dɛ gbãade ũ Egipi.
1307	GEN 43:16	Kɛ́ Yosɛfu Bɛ̃yãmɛɛ è ń guu, a ò a bɛ ziiaɛ: Gɛ́ ń gbɛ̃́ɛ beeɔ ma bɛ. Nɔ̀ɔ dɛ ǹ kɛkɛ, asa gbɛ̃́piɔ pɔblemanɔ fãanɛaɛ.
1327	GEN 44:2	ní ma ã́nusu imibɔ sɛ ǹ da an dãuna sakiliu ń aà pɔ́wɛna ɔ̃ao. Ɔ̃ a kɛ̀ lá Yosɛfu òɛwa.
1329	GEN 44:4	E aaɔ gɛ́ kái zã̀, ɔ̃ Yosɛfu ò a ziiaɛ: Fɛlɛ pɛ́lɛńzi. Tó ń ń lé, ǹ ń la bɔ́yãi aa maa fĩabò ń vãioi?
1346	GEN 44:21	Ń ò wápiɔ n zɔ̀blenaɔnɛ wà aà sɛ mɔonɛ, kɛ́ ǹ e ǹ wɛsiaàlɛ.
1427	GEN 47:6	ǹ ń kálɛ Egipi gumaau. Aa zɔ̃lɛ Gosɛ̃ bùsuu. Tó laaideɔ kú ń guu, ní ma pɔ́ɔ nanɛ́ ń ɔzĩ.
1472	GEN 48:20	Zĩbeezĩ ɔ̃ à sa'olɛkɛ̀nɛ́ à mɛ̀: Isailiɔ samaa'okɔ̃ɛ ń á tɔ́o aa mɛ Lua to ǹ gɔ̃ lán Ɛflaiũ ń Manaseowa. Màa à Ɛflaiũ dɔ̀aa Manaseɛ.
1492	GEN 49:18	Dii, ma wɛ́ dɔnzi ǹ ma suaba.
1513	GEN 50:6	Ɔ̃ Falaɔ̃ɔ òɛ̀: Gɛ ǹ n mae vĩ lá n a lɛgbɛ̃̀ɛ̀wa.
1524	GEN 50:17	wà onɛ ǹ sùuukɛwanɔ ń wá tàaeo ń wá duunao, asa wa vãikɛ̀nɛɛ. N yã́ na! Sùuukɛwanɔ ń wá tàaeɔ. N mae Lua zɔ̀blenaɔn wá ũ. Kɛ́ Yosɛfu yã́pi mà, à ɔ́ɔlɔ̀.
1569	EXO 2:14	A wèwà à mɛ̀: Démɛ n dilɛ wá kía ũ kɛ́ n gbasa ńlɛ yã́kpalɛkɛwanɔi? Ń ye ǹ ma dɛ lá n Egipi gbɛ̃́pi dɛ̀wa yã̀? Ɔ̃ vĩa Mɔizi kũ̀ à mɛ̀: Wà yã́ɛ dɔ̃̀ɛ fá!
1590	EXO 3:10	Gɛ́ sa, ma n zĩ Falaɔ̃ɔwa, kɛ́ ǹ ma gbɛ̃́ Isailiɔ bɔlɛ Egipi.
1595	EXO 3:15	Lua òɛ̀ lɔ: O Isailiɔnɛ ǹ mɛ ma Dii an deziɔ Ablahaũ ń Izaakio ń Yakɔbuo Lua mɛ́ n zĩmá. Ma tɔ́n we gɔɔpii. Àɔ ma sisi màa e á buiwa.
1596	EXO 3:16	Gɛ ǹ Isaili gbɛ̃zɔ̃ɔɔ kãaa, ní onɛ́ ma Dii an deziɔ Ablahaũ ń Izaakio ń Yakɔbuo Lua mɛ́ bɔ̀ mɔ̀ma. Onɛ́ málɛ ń e, ma yã́ pɔ́ wàlɛ kɛnɛ́ Egipi è.
1606	EXO 4:4	Ɔ̃ Dii òɛ̀: Ɔbɔ ǹ kũ a vlã́wa. Kɛ́ a kũ̀, ɔ̃ à ɛ̀a gɔ̃̀ go ũ aà ɔzĩ.
1609	EXO 4:7	Dii òɛ̀: Ɛa ǹ ɔsɔlɔ n ulau. À ɛ̀a sɔ̀lɔu. Kɛ́ a bɔ̀, a è à sù a gbɛu.
1611	EXO 4:9	Tó aai seela plaapiɔ si aa n yãmà sɔ̃o, Niili í tɔ́ ǹ kɔ́lɛ tɔɔlɛ, a li au ũɛ.
1619	EXO 4:17	Goɛ sɛ́ ǹyɔ̃ kũa, ní seelaɔ kɛò.
1621	EXO 4:19	À mɔ lè Dii ò Mɔiziɛ Madiã bùsuu à mɛ̀: Fɛlɛ ǹ ta Egipi, asa gbɛ̃́ pɔ́ aalɛ n wɛ yãaɔ gàga píi.
1634	EXO 5:1	Bee gbɛa Mɔizi ń Aalonao gɛ̀ Falaɔ̃ɔ lè aa òɛ̀: Yã́ pɔ́ Dii Isailiɔ Lua òn kɛ: À mɛ̀ ǹ a gbɛ̃́ɔ gbaɛ aa gɛ dikpɛkɛɛ guwaiwaiu.
1662	EXO 6:6	Ayãmɛto o Isailiɔnɛ ǹ mɛ: Mámɛmaa Dii, má á bɔ zĩ gbãa pɔ́ Egipiɔ dàɛ́ guu, mí á bo. Má yã́kpalɛkɛńnɔ, mí á bo ń ma gã̀sa gbãao.
1667	EXO 6:11	Gɛ ǹ o Egipiɔ kí Falaɔ̃ɔɛ aà Isailiɔ gbaɛ aa bɔlɛ a bùsuu.
1701	EXO 7:15	Gɛ ǹ aà le zia kɔɔ, gɔɔ pɔ́ àlɛ gɛ́ swai, níɔ aà dã Niili saɛ we. Ǹyɔ̃ n go pɔ́ lì mlɛ̃ ũpi kũa,
1702	EXO 7:16	ní oɛ̀ ǹ mɛ, ma Dii Ɛbɛluɔ Lua mámɛ ma n zĩwà ǹ oɛ̀ aà ma gbɛ̃́ɔ gbaɛ aa gɛ́ ma sísii guwaiwaiu, kási e tia i mao.
1712	EXO 7:26	Ɔ̃ Dii ò Mɔiziɛ: Gɛ ǹ o Falaɔ̃ɔɛ, ma Dii ma mɛ̀ aà ma gbɛ̃́ɔ gbaɛ aa gɛ́ ma sísii.
1721	EXO 8:6	Falaɔ̃ɔ mɛ̀: Zia. Ɔ̃ Mɔizi mɛ̀: A kɛ lá ń òwa kɛ́ ǹ e ǹ dɔ̃ gbɛ̃e muaa ń Dii wá Luaoo.
1740	EXO 8:25	Mɔizi òɛ̀: Tó ma ta, má awakpaɛ̀, i ũsĩnaɔ kɛ̃ma zia ń n ìwaɔ ń n gbɛ̃́ɔ. Ãma ńsu mɔafilikɛ ǹ gí gbɛ̃́ɔnɛ aa gɛ́ sa'oi Diiwa lɔo.
1744	EXO 9:1	Dii ò Mɔiziɛ: Gɛ ǹ Falaɔ̃ɔ le, ní oɛ̀ Dii á Ɛbɛluɔ Lua mɛ̀, aà ma gbɛ̃́ɔ gbaɛ aa gɛ́ ma sísii.
1772	EXO 9:29	Mɔizi òɛ̀: Tó ma bɔ wɛ̃́nkpɛ, mɛ́ ma a ɔɔ dɔ̀ Dii kĩ́i oi, loupũnaa a zɛ, lougbɛ i láa, kɛ́ ǹ e ǹ dɔ̃ tɔɔlɛá Dii pɔ́ɛ.
1780	EXO 10:2	kɛ ǹ e ǹ o n nɛ́ɔnɛ ń n tɔũnaɔ lá ma Egipiɔ wɛtã̀ ń dabudabu pɔ́ má kɛ̀ ń guuo, í dɔ̃ kɛ́ mámɛmaa Dii.
1814	EXO 11:7	Kási Isailiɔ guu baa gbɛ̃ a gbodɔ gbɛ̃nazĩna ge pɔtuowao, kɛ́ ǹ e ǹ dɔ̃ Dii Egipiɔ dɔ̃kɔ̃ɛ ń Isailiɔ yã́i.
1987	EXO 17:3	Kɛ́ imi lɛ́ ń dɛ, ɔ̃ aa zɔadɔ̀ Mɔiziwa aa mɛ̀: Bɔ́yãi n wá bɔ́lɛ Egipii? Ń ye ǹ wá dɛdɛ ń imio ń wá nɛ́ɔ ń wá pɔtuoɔ yã̀?
2048	EXO 19:21	Dii òɛ̀: Pila ǹ gbɛ̃́piɔ gba laai, aasu gu baa vĩ aa mɔ ma gwaio, kɛ́ an daside su gagao yã́i.
2051	EXO 19:24	Ɔ̃ Dii òɛ̀: Pila ǹ Aalona sɛ mɔò, ãma sa'onaɔ ń gbɛ̃́ kĩniɔ su gu baa vĩ wà mɔ ma kĩ́io, kɛ́ másu ń dɛdɛo yã́i.
2149	EXO 23:4	Tó n ibɛɛ zu ge aà zàa'ĩna sã̀sã, mɛ́ n kpaaũò, kũ ǹ suoɛ̀ bɛ.
2190	EXO 24:12	Dii ò Mɔiziɛ: Dɛdɛ gbɛwa ǹ mɔ ma kĩ́i, níɔ ku we. Má gbɛ̀ pɛ̀pɛɛ pɔ́ ma ikoyã pɔ́ má dìlɛ kɛ̃̀máɔ kpama, kɛ́ ǹ e danɛ́.
2207	EXO 25:11	Vua tɛ̃ɛtɛ̃ɛ kúlɛwà a guu ń a kpɛo píi, ní zãble a lɛ́wa ń vuao ǹ liai.
2220	EXO 25:24	Vua tɛ̃ɛtɛ̃ɛ kúlɛwà, ní zãble a lɛ́wa ń vuao ǹ liai.
2221	EXO 25:25	Lipɛpɛɛ dai ǹ liai, a lɛsĩ iɔ ɔtã do, ní zãble a lɛ́wa ń vuao ǹ liai.
2233	EXO 25:37	Ǹ a filiaɔ kɛ mɛ̀n sopla ǹ didi a musu, kɛ́ aaɔ gupu aɛ.
2240	EXO 26:4	Babuuna lɛtãnkɛ ǹ dɔdɔ zwãapiɔ lɛ́ gbɛzãɔwa
2246	EXO 26:10	Bà lɛtãnkɛ ǹ dɔdɔ zwãapiɔ lɛ́ gbɛzãɔwa blakwikwi.
2253	EXO 26:17	Lipɛpɛɛpiɔ swã́ bɔ ǹ kpaaĩ mɛ̀n plapla. Zwã̀akpɛ lípiɔ kɛ màa píi.
2260	EXO 26:24	Gola lí mɛ̀n plapiɔ paa ǹ nakɔ̃wa za zĩ́lɛ e musu, zã mɛ̀ndo aɔ vĩ.
2267	EXO 26:31	Zwãatã ǹ pɛ́lɛ suuna ũ, ní gɔ̃inakɛwà lán malaika gã̀sĩadeɔwa ń babuunao ń bà gàaluladeo ń wɔ̃ɔtɛ̃nao ń bataɛao.
2271	EXO 26:35	ní táabũnu dilɛ suunapi saɛ kpɛɛlɛ oi zwã̀akpɛ gugbãntoo oi, ní dau dilɛ ǹ a aɛ dɔ táabũnupiwa zwã̀akpɛ gɛɔmidɔkĩi oi.
2295	EXO 28:1	Isailiɔ guu ǹ n vĩ̀i Aalona ń a nɛgɔ̃ɛɔ Nadabu ń Abiuo ń Ɛleazaao ń Itamaao sísi, aaliɔ ma gbagba.
2327	EXO 28:33	Gɔ̃inakɛ sa'o'ulapi lɛ́wa lán gbɛafu bɛwa ǹ liai ń babuunao ń bà gàaluladeo ń wɔ̃ɔtɛ̃nao, ní vua ã́nanaɔ looloo gbɛafu bɛpiɔ zãnguo.
2335	EXO 28:41	Pɔkasapiɔ da n vĩ̀i Aalonaɛ ń aà nɛgɔ̃ɛɔ, ní nísikamá ǹ ń dazĩu. Ǹ ń dilɛ ńdoa, aaliɔ ma gbagba.
2344	EXO 29:7	Nísi pɔ́ wì ma pɔ́ dilɛò sɛ ka aà miwa ǹ aà dazĩu.
2353	EXO 29:16	ní sãpi kòlokpa, ní a au sí ǹ lɛ sa'okĩiwa ǹ liai.
2357	EXO 29:20	ní a kòlokpa, ní a au sí, ní máma Aalona ń a nɛ́ɔ ɔplaa swã́lɛbawa ń ń ɔplaa ɔnɛmio ń ń ɔplaa gbánɛmio, ní aupi kĩni lɛ́ sa'okĩiwa ǹ liai.
2368	EXO 29:31	Sa'ona daazĩu sãsakao nɔ̀ɔ sɛ ǹ a fùukɛ kpaaũkpɛ ua,
2384	EXO 30:1	Lɛpusiali ã́ ǹ tulaletikatɛakĩi kɛò.
2386	EXO 30:3	Vua tɛ̃ɛtɛ̃ɛ kúlɛ a kpɛɔwa ǹ liai ń a musuo ń a kɔ́baɔ, ní zãble a bèewa ń vuao ǹ liai.
2418	EXO 30:35	Pɔ́piɔ yãalɛ ǹ zɔ̃ tulaleti pɔ́ wì kátɛa ũ lá tulaletizɔ̃na ì kɛwa, ní wisikau, iɔ dɛ ma pɔ́ ũ a zɛ́i.
2419	EXO 30:36	Ǹ a kĩni lɔ́ ǹ a tibo, ní dilɛ ikoyã kpagolo aɛ kpaaũkpɛu, gu pɔ́ máli kpaaũnnɔ.