56	GEN 2:25	Gɔ̃gbɛ̃ kũ a nanɔo kú pótompo ń pla ń pínki, wé'i sɔ̃ àdi ń kũro.
152	GEN 6:14	Ǹ gó'itɛ kɛkɛ kũ lí lɛ̀kɛtɛɛo ǹ kpɛ́nɛnɔ kɛ a gũn ǹ ɔ̀da maa a gũn kũ a kpɛo.
162	GEN 7:2	Ǹ nɔ̀bɔ kũ à de sa'opɔ ũnɔ sɛ́ ǹ gɛ̃ kũńwo da kũ a sàao mɛ̀n supplapla, ǹ nɔ̀bɔ kũ òdi sa ooronɔ sɛ́ mɛ̀n plapla da kũ a sàao.
167	GEN 7:7	À gɛ̃̀ gó'itɛ gũn kũ a nɛ́nɔ kũ a nanɔo kũ a nɛ́nɔ nɔnɔo de ò bo í pì yãn.
168	GEN 7:8	Akũ nɔ̀bɔ kũ ò de sa'opɔ ũnɔ kũ nɔ̀bɔ kũ òdi sa ooronɔ kũ bãnɔ kũ pɔ́ kũ òdi táa o kũ kùaonɔ
204	GEN 8:20	Akũ Nuhu Dikiri gbagbaki bò. À nɔ̀bɔ kũ bã kũ òdi sa oonɔ kũ̀, akũ à sa'opɔ kũ òdi ká tɛ́n à tɛ́ kũ òa.
246	GEN 10:11	Bona gwe à gɛ̀ɛ Asiria bùsun, akũ à Ninɛva kàtɛ kũ Reobo'irio kũ Kalao
314	GEN 12:15	Kũ Misilanɔ kína Firi'auna ìbanɔ a è, ò a mana gɔ̃̀gɔ̃nɛ, akũ ò a sɛ̀ ò gɛ̃̀ kãao Firi'aunanɛ a bɛa.
316	GEN 12:17	Akũ Dikiri gyã pãsĩnɔ kà Firi'aunagu kũ a bedenɔ Abramu nanɔ pì yãi.
317	GEN 12:18	Akũ Firi'auna Abramu sìsi à pìnɛ: Bɔ́ yã n kɛ̀mɛnɛ gwee? Bɔ́ yã mɛ́ à tò ńdi omɛnɛ kũ n nanɔnloo?
319	GEN 12:20	Firi'auna yã ò a gbɛ̃nɔnɛ Abramu yã musu, akũ ò gɛ̀ɛ ò zɛ̀nɛ kũ a nanɔo kũ a aruzɛkɛnɔ pínki.
323	GEN 13:4	gu kũ à sa'oki bòn yã. Akũ à Dikiri sìsi gwe.
335	GEN 13:16	Mani tó n burinɔ kɛ dasi lán bùsu'atɛ̃ bà. Tó gbɛ̃ke ni fɔ̃ à bùsu'atɛ̃ naro, de ani fɔ̃ à n burinɔ naro.
341	GEN 14:4	Wɛ̃̀ kuri awɛɛpla dagura òdigɔ̃ táfe bo Kɛdɔlaomanɛ. A wɛ̃̀ kuri awɛɛ'aakɔ̃de gũnn ò gì bonɛi.
362	GEN 15:1	Abire gbɛra Dikiri yã ò Abramunɛ wɛ́gupu'enaa gũn à pì: Abramu! Ǹsun vĩna kɛro. Makũmɛ n sɛ̃gbako ũ, n láada nigɔ̃ zɔ̃kɔ̃ manamana.
395	GEN 16:13	Akũ Hazara pì: Ma wɛ́ sì Luda kũ àdi ma elɛ. Akũ à tɔ́ kpà Dikiri kũ à yã ònɛɛnɛ Ludakũadima'e.
396	GEN 16:14	A yã mɛ́ à tò ò tɔ́ kpà lɔ̀gɔɔ pìinɛ Ludabɛ̃nɛkũadima'e lɔ̀gɔɔ. À kú Kadɛsi kũ Bɛrɛdio daguramɛ.
419	GEN 17:21	Bee kũ abireo ma bàka kunna kũnwo ni gɔ̃ Isaakuamɛ. Ziki mandara'i Sara ni a i.
423	GEN 17:25	a nɛ́ Sumaila sɔ̃ wɛ̃̀ kuri awɛɛ'aakɔ̃.
433	GEN 18:8	Akũ Ibrahĩ vĩfãani kũ vĩ'ipuo kũ zù kũ ò kɛ̀kɛɛ pìioo sɛ̀ à gɛ̀ɛ à dìtɛńnɛ. Gɔrɔ kũ òtɛn pɔ́ ble, api zɛ ń sarɛ lí gbáru gwe.
435	GEN 18:10	Akũ Dikiri pì: Mani ɛra mà su n kĩnaa ziki mandara'i, n nanɔ Sara ni nɛ́ i gɔ̃gbɛ̃ ũ. Sara kú a kpɛ kuta kpɛ́lɛlɛa àtɛn ma.
439	GEN 18:14	Yãke dìgɔ̃ zĩ'ũmɛnɛro. Ziki mandara'i tó a gɔrɔ kà, mani su n kĩnaa, gbasa Sara nɛ́ i gɔ̃gbɛ̃ ũ.
440	GEN 18:15	Akũ Sara ledi kpà à pì ádi yáa dɔro, zaakũ vĩna a kũ̀. Akũ Dikiri pì: É'e! N yáa dɔ̀.
465	GEN 19:7	à pì: Á'a ma gbɛ̃nɔ, àsun yã bɛ̃̀nɛ kɛro.
550	GEN 22:2	Akũ Luda pìnɛ: Ǹ n nɛ́ mɛ̀n do kũ ń yei Isaaku sɛ́ ǹ gɛ́o Mɔria bùsun, ǹ sa'opɔ kũ òdi ká tɛ́n à tɛ́ kũ o kãao kpi kũ mani onnɛa.
551	GEN 22:3	Kũ à fùtɛ kɔnkɔkɔnkɔ, à gàarii yĩ̀ a zaakinɛ, akũ à a zĩkɛrinɔ sɛ̀ gbɛ̃nɔn pla kũ a nɛ́ Isaaku pìio. À sa'oyakaa pàra, akũ à dà zɛ́n, àtɛn gɛ́ gu kũ Luda ònɛn.
554	GEN 22:6	Ibrahĩ sa'oyakaa sɛ̀ à dì a nɛ́ pìinɛ, akũ à tɛ́ kũna kũ fɛ̃nɛo, òtɛn gɛ́ lɛɛlɛ.
556	GEN 22:8	Akũ Ibrahĩ pì: Ma nɛ́, Luda mɛ́ ani sa'osã kpá. Akũ ò tɛ́kɔ̃i òtɛn gɛ́.
557	GEN 22:9	Kũ ò kà gu kũ Luda ònɛn, à sa'oki bò gwe à yàkaa kpàkpaala, akũ à a nɛ́ pìi yĩ̀ à dì yàkaa pìia sa'oki musu.
561	GEN 22:13	Ibrahĩ wɛ́ sɛ̀, akũ à sãkaroo è líwaka kà a bɛ̃nɛi. Akũ à gɛ̀ɛ à a kũ̀ à sa'opɔ kũ òdi ká tɛ́n à tɛ́ kũ òo a nɛ́ gɛ̃nɛ ũ.
565	GEN 22:17	mani arubarika dangu mà n buri karannɛ lán susunɛnɔ bà, onigɔ̃ dasi lán ísiralɛ bùsu'atɛ̃ bà. N burinɔ nigɔ̃ gbãna vĩ n ibɛrɛnɔa.
654	GEN 24:62	A sù à lè Isaaku sù kũ lɔ̀gɔ kũ òdi pi Ludabɛ̃nɛkũadima'eo à vùtɛ Nɛgɛvi bùsun.
670	GEN 25:11	Ibrahĩ ganaa gbɛra Luda arubarikaa dà a nɛ́ Isaakun. À vutɛna Ludabɛ̃nɛkũadima'e lɔ̀gɔɔ sarɛ.
682	GEN 25:23	Dikiri pìnɛ: Buri mɛ̀n pla kú n nɛ́'isɔn, gbɛ̃nɔn pla kũ ò kú n gbɛrɛn pìnɔ ni kɛ̃kɔ̃a. Buri mɛ̀n do gbãna nigɔ̃ de a dola, a kũ à bò káaku nigɔ̃ nɛ́ ũ gbɛ̃ kpɛdenɛ.
683	GEN 25:24	Kũ a nɛ́'igɔrɔ kà, akũ à sìkanɔ ì gɔ̃gbɛ̃nɔ ũ.
687	GEN 25:28	Isaaku ye Isaui kũ à nɔ̀bɔ lɛ́'i vĩ yãi. Rɛbɛka sɔ̃ à ye Yakubui.
718	GEN 26:25	Gwen à sa'oki bòn à Dikiri sìsi. Akũ à bùraa kàtɛ gwe à gbɛ̃nɔ tɛn lɔ̀gɔ yɔ̃.
732	GEN 27:4	Ǹ ma pɔyeina dòo kuku ǹ mɔ́omɛnɛ mà ble, mani sa'olɛ kɛnnɛ de mà kpɛ́ mà ga.
735	GEN 27:7	à gɛ́ à nɔ̀bɔ dɛarɛ à a pɔyeina dòo kukuoarɛ à ble, áni sa'olɛ kɛnɛ kũ Dikiri tɔ́o de á kpɛ́ à ga.
738	GEN 27:10	ń gɛ́onɛ à ble, ani sa'olɛ kɛnnɛ de à kpɛ́ à ga.
740	GEN 27:12	Tó ma de ɔ kɛ̀ma, tó à ma dɔ̃, ani pi matɛni a kɛ pãpãmɛ, ani lɛ́ kɛmɛnɛ sa'olɛ gɛ̃nɛ ũ.
747	GEN 27:19	Yakubu wèa à pì: Makũmɛ Isau n dauduu. Lákũ n òmɛnɛ nà, ma kɛ̀ lɛ. Ǹ futɛ ǹ vutɛ ǹ ma ɔ'i ble de ǹ sa'olɛ kɛmɛnɛ.
748	GEN 27:20	Akũ Isaaku pì a nɛ́nɛ: O'o! N lè kɔ̀ yá? À wèa à pì: Dikiri n Luda mɛ́ à ma tá kɛ̀ nna.
751	GEN 27:23	Akũ adi a dɔ̃ro, kũ a ɔnɔ kã vĩ lán Isau pɔ́ bà yãi. À ye à sa'olɛ kɛnɛ,
753	GEN 27:25	Akũ à pì: Ǹ pɔ́ kpáma mà n ɔ'i ble, mani sa'olɛ kɛnnɛ. Kũ à dìtɛnɛ, akũ à blè. À sùnɛ kũ wɛ̃o, à mì dɔ.
755	GEN 27:27	Akũ à nài à lɛ́ pɛ̀a. Kũ Isaaku a pɔ́kasanɔ gbĩ mà, akũ à sa'olɛ kɛ̀nɛ à pì: Ma nɛ́ gbĩ de lán bura kũ Dikiri arubarikaa dàn bà.
758	GEN 27:30	Kũ Isaaku sa'olɛ kɛ̀ Yakubunɛ à làka, akũ Yakubu gò a kĩnaa. Kũ a vĩ̀ni sù kũ tofekao gɔ̃̀nɔ,
759	GEN 27:31	akũ à pɔ́ble kɛ̀ a denɛ dɔ à gɛ̀ɛonɛ, akũ à pìnɛ: Baa! Ǹ futɛ ǹ ma ɔ'i ble ǹ sa'olɛ kɛmɛnɛ.
761	GEN 27:33	Yã pì Isaaku swɛ̃̀ɛ zɔ̃̀ àtɛn lukaluka à pì: Dí mɛ́ à nɔ̀bɔɔ dɛ̀ à sùomɛnɛ yã ari ǹgɔ̃ gɛ́ su ma sòo? Ma sa'olɛ kɛ̀nɛ kɔ̀, àkũ mɛ́ ani arubarika le.
762	GEN 27:34	Kũ Isau a de yã pìi mà, à pũ̀tã à ɔ́ gbãna dɔ̀ à kɛ̀ wɛ̃nda, akũ à pì: Baa! Ǹ sa'olɛ kɛmɛnɛ dɔ.
763	GEN 27:35	Akũ à pì: N dakũna sù kũ ɔ̃ndɔ̃o à n sa'olɛ sì kɔ̀.
764	GEN 27:36	Akũ Isau pì: A tɔ́n Yakuburoo? À ma kɛkɛ à kɛ̀ gɛ̃̀n plan gwe sà. À ma daudukɛzɛ sìma yã, akũ à ma sa'olɛ sìma tera dɔ. Mani sa'olɛ e doro yá?
766	GEN 27:38	Isau pì a denɛ: Baa, sa'olɛ biren ń vĩ ado yá? Ǹ sa'olɛ pãnde kɛmɛnɛ dɔ Baa. Akũ Isau wiki gbãna lɛ̀.
769	GEN 27:41	Isau ibɛrɛɛ sɛ̀ kũ Yakubuo sa'olɛ kũ a de kɛ̀nɛ yãi, akũ à pì a nɛ̀sɛɛ gũn: Ma de ga zã̀ro, gbasa mani ma dakũna dɛ.
775	GEN 28:1	Akũ Isaaku Yakubu sìsi à sa'olɛ kɛ̀nɛ à yã dànɛ à pì: Ǹsun nɔ sɛ́ Kanaa nɔgbɛ̃nɔ tɛ́ro.
780	GEN 28:6	Isau mà Isaaku sa'olɛ kɛ̀ Yakubunɛ à a gbàrɛ Mɛsɔpɔtamia de à nɔ sɛ́ gwe. Kũ à sa'olɛ pìi kɛ̀nɛ, à pì àsun nɔ sɛ́ Kanaa nɔgbɛ̃nɔ tɛ́ro.
831	GEN 29:35	À ɛ̀ra à nɔ̀ɔ sì dɔ à nɛ́ ì gɔ̃gbɛ̃ ũ à pì: Adikĩna sà ma Dikiri sáabu kpà, akũ à tɔ́ kpànɛ Yuda. Akũ a nɛ́'i zɛ̀.
840	GEN 30:9	Kũ Lea è a nɛ́'i zɛ̀, akũ à a zĩkɛri Zilipa kpà Yakubua nɔ ũ dɔ.
854	GEN 30:23	À nɔ̀ɔ sì à nɛ́gɔ̃gbɛ̃ ì, akũ à pì: Luda wé'i bòmɛnɛ.
872	GEN 30:41	Tó pɔ́buri mananɔ fùtɛ kũ kpákpa'onaao, Yakubu dì lí pìnɔ pɛ́tɛpɛtɛ pɔ́nɔ arɛ gó ímibɔɔ pìnɔ gũn, de ò kpákpa o ń sarɛ.
940	GEN 32:12	Mɔkɔ̃n sɔ̃, n pì ĩni arubarika damagu ĩni ma buri kara lán ísiralɛ bùsu'atɛ̃ bà oni fɔ̃ ń naroro ń dasi yãi.
981	GEN 33:20	Gwen à sa'oki bòn, à tɔ́ kpànɛ Luda Isarailanɔ Luda.
988	GEN 34:7	Kũ Yakubu nɛ́nɔ bò sɛ̃̀n ò sù, akũ ò yã pìi mà gɔ̃̀nɔ. Ń nɛ̀sɛɛ yàka ò pɔ fɛ̃̀ manamana, kũ Sɛkɛmu wé'iyã kɛ̀ Isarailanɔnɛ yãi, à wùtɛ kũ Yakubu nɛ́nɔgbɛ̃o à yã kũ à de ò kɛro kɛ̀.
995	GEN 34:14	Ò pìńnɛ: Óni fɔ̃ ò abire kɛro, óni fɔ̃ ò ó dãre kpá gyɔfɔrɔdearo, zaakũ wé'iyãmɛ ó kĩnaa.
1008	GEN 34:27	Wɛ̃tɛdenɔ dɛdɛnaa gbɛra Yakubu nɛ́nɔ sù ò wɛ̃tɛ pɔ́nɔ nàkɔ̃a kũ ò wé'i dà ń dãrea yãi.
1019	GEN 35:7	À sa'oki bò gwe, akũ à tɔ́ kpà gu pìinɛ Bɛtɛli Luda, zaakũ gwen Luda bò à sùan gɔrɔ kũ àtɛn bàa sí a vĩ̀ninɛ.
1028	GEN 35:16	Akũ ò fùtɛ Bɛtɛli ò dà zɛ́n. Kũ ò kà kãni kũ Ɛflatao, Rahila nɛ́'igɔrɔ kà, akũ nɛ́'i kɛ̀a zĩ'ũ.
1029	GEN 35:17	Nɛ́'iwãwã a kũ̀ gbãna, akũ nɔgbɛ̃ nɛ́sɛtɛrii pìnɛ: Ǹsun vĩna kɛro, n nɛ́gɔ̃gbɛ̃ ì dɔ.
1103	GEN 37:19	Ò pìkɔ̃nɛ: À gwa, nana'ori tɛn su zã̀ dire.
1109	GEN 37:25	Akũ ò vùtɛ òtɛn pɔ́ ble. Kũ ò wɛ́ sɛ̀, ò Sumaila buri lagatarinɔ è, ò bò Giliada bùsun òtɛn gɛ́ Misila. Ń lakuminɔn do pɔ́nɔ kũ lí'ɔ ɛzɛo kũ lí'ɔ gbĩ nnao sɛna.
1120	GEN 37:36	Midiã pìnɔ sɔ̃ ò Yusufu yìa Pɔtifaa Misila. Firi'auna ìba kemɛ, àkũmɛ a dogarinɔ gbɛ̃ zɔ̃kɔ̃ ũ.
1147	GEN 38:27	Kũ à kà nɛ́'ina, à sù à lè sìkanɔ mɛ́ ò kú a gbɛrɛ gũn.
1151	GEN 39:1	Kũ Sumaila burinɔ kà kũ Yusufuo Misila, akũ Misila gbɛ̃ Pɔtifa a lùḿma. Firi'auna ìba kemɛ, àkũmɛ a dogarinɔ gbɛ̃ zɔ̃kɔ̃ ũ.
1152	GEN 39:2	Dikiri kú kũ Yusufuo, akũ à sa'a kũ̀. À kú a dikiri Misila gbɛ̃ pì bɛa.
1153	GEN 39:3	Kũ a dikiri pìi è Dikiri kú kãao àdigɔ̃ a dakarɛ kũ sa'ao yã kũ àtɛn kɛnɔ gũn pínki,
1173	GEN 39:23	Purusunanɔ dãkpãrii pìi bàka dìgɔ̃ kú Yusufu yãoro, kũ Dikiri kú kãao yãi, akũ àdigɔ̃ a dakarɛ kũ sa'ao yã kũ àtɛn kɛ gũn pínki.
1174	GEN 40:1	Abire gbɛra Misila kína Firi'auna wɛ̃kpaatɛri kũ a burodikɛriio taari kɛ̀nɛ.
1184	GEN 40:11	Má Firi'auna toko kũna, akũ ma geepi nɛ́ pìnɔ sɛ̀ ma fɛ̃̀ a toko pìi gũn ma kpàa.
1185	GEN 40:12	Yusufu pìnɛ: Nana pìi bɔkɔtɛnan dí. Lí'ɔnɛ aakɔ̃ pìnɔ bi gɔrɔ aakɔ̃mɛ.
1186	GEN 40:13	Gɔrɔ aakɔ̃ gbɛra Firi'auna ni n mì sí. Ani ɛra à n da n zĩ gũn, ĩni ɛra ǹgɔ̃ wɛ̃ bonɛ lákũ ndìgɔ̃ kɛ nà yã.
1187	GEN 40:14	Tó yã bò kũnwo nna, ǹ tó ma yã gɔ̃ dɔngu. Ǹ gbɛ̃kɛ kɛmɛnɛ ǹ ma yã o Firi'aunanɛ de à ma bo kpɛ́sira dí gũn.
1189	GEN 40:16	Kũ burodikɛriki è Yusufu nana pìi àlesi'onaa bò kũ wɛ̃kpaatɛriio nna, akũ à pìnɛ: Ma nana gũn sɔ̃ ma è má burodi sɛna tãnko aakɔ̃ dikɔ̃ana.
1190	GEN 40:17	Tãnko kũ à kú musu, burodi buri dasi kũ ma kɛ̀ Firi'aunanɛ ká a gũn, akũ bãnɔ tɛn ble ma musu.
1192	GEN 40:19	Gɔrɔ aakɔ̃ gbɛra Firi'auna ni n mì zɔ̃ à n loko lía, bãnɔ ni n ble.
1193	GEN 40:20	A gɔrɔ aakɔ̃de sɔ̃ Firi'auna igɔrɔ là kɔ̃kɔ̃mɛ, akũ à pɔ́ble kɛ̀ a ìbanɔnɛ. À wɛ̃kpaatɛriki kũ burodikɛrikio bɔ̀tɛ kpɛ́n a ìbanɔ wára.
1197	GEN 41:1	Wɛ̃̀ pla papanaa gbɛra Firi'auna nana ò, à è á zɛna Nili lɛ́a.
1200	GEN 41:4	Akũ zù fɛ̃fɛ̃na wɔkɔwɔkɔ pìnɔ zù mana mɛ̀kpana pìnɔ mɔ̀mɔ, akũ Firi'auna vù.
1202	GEN 41:6	Akũ à ése sáko wɛ́ kɔgɔkɔgɔ kũ legũ'i kĩ̀aḿmanɔ è, à pìa ń gbɛra dɔ sáko suppla.
1203	GEN 41:7	Akũ ése sáko wɛ́ kɔgɔkɔgɔ pìnɔ ése sáko mana wɛ́de pìnɔ mɔ̀mɔ. Kũ Firi'auna vù, à è nanan a ò.
1205	GEN 41:9	Akũ wɛ̃kpaatɛriki fùtɛ à yã ò Firi'aunanɛ à pì: Taari kũ ma kɛ̀ yã dɔ̀magu gbãra.
1210	GEN 41:14	Akũ Firi'auna gbɛ̃ zĩ̀ ò Yusufu sísi, akũ ò gɛ̀ɛ ò a bò wɛ̀ɛn likalika. À mìi bò à a pɔ́kasanɔ lìtɛ, akũ à gɛ̀ɛ Firi'auna kĩnaa.
1211	GEN 41:15	Akũ Firi'auna pìnɛ: Ma nana ò, gbɛ̃ke dí fɔ̃ à a bɔkɔtɛnaa òmɛnɛro. Ma mà ò pì, tó ò ònnɛ, ndì fɔ̃ ǹ a àlesi ońnɛ.
1213	GEN 41:17	Akũ Firi'auna pìnɛ: Ma nana gũn ma è má zɛna Nili lɛ́a.
1219	GEN 41:23	Akũ ma è ése sáko térere wɛ́ kɔgɔkɔgɔ kũ legũ'i kĩ̀aḿmanɔ pìa ń gbɛra dɔ sáko suppla.
1223	GEN 41:27	Zù fɛ̃fɛ̃na wɔkɔwɔkɔ mɛ̀n suppla kũ ò bɔ̀tɛ ò tɛ̀ a káakupɔnɔ kpɛ pìnɔ bi wɛ̃̀ supplamɛ. Lɛmɛ ése sáko wɛ́ kɔgɔkɔgɔ kũ legũ'i kĩ̀aḿma sáko suppla pìnɔ de lɛ dɔ. Abirekũnɔmɛ wɛ̃̀ suppla kũ nà ni ká ũ.
1233	GEN 41:37	Yã pìi kà Firi'aunagu kũ a ìbanɔ ń pínki,
1239	GEN 41:43	À a sɔ̃go plade kpàa táa'obɔ ũ, akũ gbɛ̃ kũ ò donɛ arɛnɔ dìgɔ̃ pata: À kútɛ! À kútɛ! Lɛmɛ Firi'auna tò Yusufu gbãna vĩ Misila bùsun lɛ.
1240	GEN 41:44	À pìnɛ dɔ: Makũ Firi'auna, gbɛ̃ke ni fɔ̃ à yãke kɛ Misila la n lɛ́ sariro.
1241	GEN 41:45	À tɔ́ kpànɛ Zafɛna Panɛa, akũ à Ɛliɔpɔli wɛ̃tɛ sa'ori Potifɛra nɛ́nɔgbɛ̃ Asɛna kpàa nɔ ũ.
1242	GEN 41:46	Gɔrɔ kũ Yusufu zĩ lè Misila kína Firi'auna bɛa, a wɛ̃̀ baraakurimɛ. Akũ à bò Firi'auna kĩnaa à gɛ̀ɛ à kurè Misila gu sĩnda pínkia.