41	GEN 2:10	Swa kú Ɛdɛni àdigɔ̃ mɔtɔ pisi dàkoo pìia. Bona gwe à ɔnɛ kɛ̀ siikɔ̃.
69	GEN 3:13	Akũ Dikiri Luda nɔgbɛ̃ là à pì: Bɔ́yãi n kɛ̀ lɛɛ? À wèa à pì: Mlɛ̃̀ mɛ́ à ma kɛkɛ, akũ ma blè.
75	GEN 3:19	Ísimmawaranaa gũnn ĩni pɔ́ble en ari ǹ ɛra ǹ gɛ̃o bùsun, zaakũ gwen ma n bon. Bùsutitimɛ n ũ, ĩni ɛra ǹ gɔ̃ bùsutiti pìi ũmɛ.
78	GEN 3:22	Akũ à pì: Bisãsiri a mana kũ a vãnio dɔ̃̀ sà, à gɔ̃̀ lán ó bà. Óni gínɛ à lí wɛ̃̀ndide nɛ́ kɛ̃ à ble de àsungɔ̃ kun gɔrɔ sĩnda pínkiro yãi.
86	GEN 4:6	Akũ Dikiri pì Kainunɛ: Bɔ́yãi n pɔ fɛ̃̀ɛ? À kɛ̀ dera n ãnn yàkaa?
90	GEN 4:10	Akũ Dikiri pì: Bɔ́n n kɛ̀ɛ? N dakũna aru tɛn lɛ́ zumai zaa zĩtɛ gũn mà zɛ kãao.
158	GEN 6:20	Bã burinɔ kũ nɔ̀bɔ burinɔ kũ pɔ́ kũ òdi táa o kũ kùao burinɔ pínki oni su n kĩnaa mɛ̀n plapla de ògɔ̃ kun.
240	GEN 10:5	Buri pìnɔ mɛ́ ò dàgula ísira gɛrɛɛi, ò kɔ̃ kpàatɛtɛ bùsu kũ bùsuuo buri kũ burio danɛdanɛ, baadi kũ a buriyão.
245	GEN 10:10	Babilɔnia bùsu kũ à kí blèa káaku wɛ́ranɔmɛ Babɛli kũ Ɛrɛkio kũ Akadao kũ Kalanɛo ũ.
246	GEN 10:11	Bona gwe à gɛ̀ɛ Asiria bùsun, akũ à Ninɛva kàtɛ kũ Reobo'irio kũ Kalao
254	GEN 10:19	Ń bùsu lɛ́zɛkin dí. Bona zaa Sidɔ̃ gɛna Gera kũ à kú Gaza sarɛ ari Sɔdɔmu kũ Gɔmɔrao kũ Adamao kũ Zeboimu kũ à kú Lasa sarɛo.
265	GEN 10:30	Bona Mɛsa gɛna Sefa kũ kpi kũ ò kú ifãboki kpanɔ, àkũmɛ ń bùsu ũ.
269	GEN 11:2	Lákũ gbɛ̃nɔ tɛn sɔ̃sɔ̃ ifãboki kpa nà, kũ ò kà Babilɔnia bùsu gusaran, akũ ò vùtɛ gwe.
276	GEN 11:9	A yã mɛ́ à tò, ò tɔ́ kpà wɛ̃tɛ pìinɛ Babɛli, zaakũ gwen Dikiri tò andunia buri sĩnda pínki yã bòn. Zaa gwen à ń fãkɔ̃a andunia gũn pínki.
307	GEN 12:8	Kũ à fùtɛ gwe, à mìi pɛ̀ kpi kũ ò kú Bɛtɛli ifãboki kpanɔa, akũ à bùraa kàtɛ gwe, Bɛtɛli kú ifãlɛtɛ kpa, Ai kú ifãboki kpa. À Dikiri gbagbaki bò gwe dɔ, akũ à a sìsi.
317	GEN 12:18	Akũ Firi'auna Abramu sìsi à pìnɛ: Bɔ́ yã n kɛ̀mɛnɛ gwee? Bɔ́ yã mɛ́ à tò ńdi omɛnɛ kũ n nanɔnloo?
322	GEN 13:3	Bona Nɛgɛvi à sɔ̃̀sɔ̃ gu kũ guo ari à gɛ̀ɛ à kào Bɛtɛli, gu kũ à bùraa kàtɛn káaku Bɛtɛli dagura kũ Aio,
338	GEN 14:1	Zĩkea Babilɔnia bùsu kína Amarafɛli kũ Ɛlasa bùsu kína Ariɔkio kũ Elamu bùsu kína Kɛdɔlaomɛɛo kũ Goimu bùsu kína Tidalao
339	GEN 14:2	tɛn zĩ̀ ká kũ Sɔdɔmu kína Bɛrao kũ Gɔmɔra kína Bisao kũ Adama kína Sinabuo kũ Zeboimu kína Sɛmɛbao kũ Bɛla kũ òdi pi tera Zoa kínao.
345	GEN 14:8	Akũ Sɔdɔmu kína kũ Gɔmɔra kínao kũ Adama kínao kũ Zeboimu kínao kũ Bɛla kũ òdi pi tera Zoa kínao fùtɛ ò gɛ̀ɛ ò zĩ̀ ká kũńwo Sidimu guvutɛn.
346	GEN 14:9	Òtɛn zĩ̀ ká kũ Elamu bùsu kínao kũ Goimu bùsu kínao kũ Babilɔnia bùsu kínao kũ Ɛlasa bùsu kínao. Kína gbɛ̃nɔn siikɔ̃ pìnɔ tɛn zĩ̀ ká kũ kína gbɛ̃nɔn sɔɔronɔ.
396	GEN 16:14	A yã mɛ́ à tò ò tɔ́ kpà lɔ̀gɔɔ pìinɛ Ludabɛ̃nɛkũadima'e lɔ̀gɔɔ. À kú Kadɛsi kũ Bɛrɛdio daguramɛ.
419	GEN 17:21	Bee kũ abireo ma bàka kunna kũnwo ni gɔ̃ Isaakuamɛ. Ziki mandara'i Sara ni a i.
489	GEN 19:31	Akũ Yɔ̃ɔ pì Bãnanɛ: Ó de zĩ kũ̀, akũ gɔ̃gbɛ̃ ke kú bùsun à wútɛ kũoo lákũ òdi kɛ nàro.
492	GEN 19:34	Kũ gu dɔ̀ Yɔ̃ɔ pì Bãnanɛ: Ma wutɛ kũ ma deo gĩa. Ò wɛ̃ kákanɛ ɔkɔsiala dɔ, ĩni gɛ́ ǹ wútɛ kãao, de ògɔ̃ ó buri le a gãi.
493	GEN 19:35	Gwãani birea dɔ ò wɛ̃ kàkanɛ, akũ Bãna gɛ̀ɛ à wùtɛ kãao. Lutu dí dɔ̃ gɔrɔ kũ à wùtɛ kãao ke gɔrɔ kũ à fùtɛro.
496	GEN 19:38	Bãna nɛ́ ì gɔ̃gbɛ̃ ũ se, akũ à tɔ́ kpànɛ Aminɛ. Àkũmɛ Amɔni buri kũ ò kun ari gbãranɔ dizi káaku ũ.
505	GEN 20:9	Akũ Abimɛlɛki Ibrahĩ sìsi à pìnɛ: Bɔ́yãi n kɛ̀wɛrɛ lɛɛ? Bɔ́ taarin ma kɛ̀nnɛ gbasa n tò ma gɔ̃ durunnade ũ kũ ma bùsuuo? N yã kũ à de ò kɛro kɛ̀mɛnɛ.
506	GEN 20:10	Bɔ́ laasun n lɛ̀ gbasa n yã pìi kɛ̀ɛ?
528	GEN 21:14	Akũ Ibrahĩ fùtɛ kɔnkɔkɔnkɔ, à pɔ́ble sɛ̀ kũ í tùruuo à kpà Hazaraa. À dìnɛ, akũ à a nɛ́ kpàa dɔ. À a gbàrɛ, akũ à gɛ̀ɛ àtɛn likara zɔ̃ Bɛsɛba gbárannan.
531	GEN 21:17	Luda kɛfɛnna pì ɔ́ɔ dɔ mà, akũ Luda Malaika lɛ́ zù Hazarai zaa musu à pì: Bɔ́ mɛ́ à n lee Hazara? Ǹsun vĩna kɛro, zaakũ Luda nɛ́ pì ɔ́ɔ dɔ mà gu kũ à kunwa.
545	GEN 21:31	A yã mɛ́ à tò ò tɔ́ kpà gu pìinɛ Bɛsɛba, zaakũ gwen ò la dànkɔ̃nɛ.
546	GEN 21:32	Lɛn ò lɛ́dokɔ̃nɔ kɛ̀ Bɛsɛba lɛ, akũ Abimɛlɛki kũ a zĩ̀karinɔ gbɛ̃ zɔ̃kɔ̃ Fikɔluo ɛ̀ra ò tà Filisitini bùsun.
547	GEN 21:33	Ibrahĩ sãma lí tɔ̃̀ Bɛsɛba, akũ à Dikiri Luda Gɔrɔsĩndapinkide sìsi gwe.
555	GEN 22:7	Akũ Isaaku yã ò a denɛ à pì: Baa! À wèa à pì: Bɔ́mɛ nɛ́? Akũ à pìnɛ: Ó tɛ́ kũna kũ yàkaao, sãnɛ bɔ̀rɔ kũ óni ká tɛ́n à tɛ́ kũ kú mámɛɛ?
567	GEN 22:19	Kũ Ibrahĩ ɛ̀ra à sù a zĩkɛrinɔ kĩnaa, ò fùtɛ ò tà Bɛsɛba, akũ à gɔrɔ pla kɛ̀ gwe.
569	GEN 22:21	A daudu tɔ́n Uzu. A dakũnanɔ tɔ́n dí: Buzu, Aramu de Kɛmuɛli,
570	GEN 22:22	Kɛsɛdi, Azo, Pilidasa, Yidilafa kũ Bɛtuɛlio.
571	GEN 22:23	Bɛtuɛli pì mɛ́ à Rɛbɛka ì. Nɛ́gɔ̃gbɛ̃ gbɛ̃nɔn sɔraakɔ̃ kũ Milika ì kũ Ibrahĩ vĩ̀ni Naon gwe.
607	GEN 24:15	Adi yã pì o à làkaro, akũ Bɛtuɛli nɛ́ Rɛbɛka bò kũ loo dina a gã̀n. Bɛtuɛli bi Ibrahĩ vĩ̀ni Nao nɛ́ kũ à ì kũ a nanɔ Milikaomɛ.
610	GEN 24:18	Nɔgbɛ̃ pìi pì: Ǹ mi Baa! Akũ à a lo kìpa gɔ̃̀nɔ, à í kpàa à mì.
616	GEN 24:24	Akũ à wèa à pì: Bɛtuɛli nɛ́n ma ũ, Milika kũ Nao daikore.
639	GEN 24:47	Akũ ma a la, dí nɛ́n a ũu? À pì Bɛtuɛli nɛ́n a ũ, Milika kũ Nao daikore. Akũ ma tãnka dànɛ a yĩa, ma zã dànɛ a ɔnɔa.
642	GEN 24:50	Labã kũ Bɛtuɛlio wèa ò pì: Yã pìi bò Dikiri kĩnaamɛ, ó yãke ona vĩro, a mana ke a vãni.
679	GEN 25:20	Kũ Isaaku kà wɛ̃̀ bupla, akũ à Labã dãre Rɛbɛka sɛ̀. Àkũmɛ Siria bùsu gbɛ̃ Bɛtuɛli kũ à bò Mɛsɔpɔtamia bùsun nɛ́ ũ.
681	GEN 25:22	Sìkanɔ tɛn ɔsi ká a gbɛrɛn, akũ à pì: Bɔ́ yã mɛ́ à tò yã bire taka ma lee? Akũ à gɛ̀ɛ à Dikiri là.
682	GEN 25:23	Dikiri pìnɛ: Buri mɛ̀n pla kú n nɛ́'isɔn, gbɛ̃nɔn pla kũ ò kú n gbɛrɛn pìnɔ ni kɛ̃kɔ̃a. Buri mɛ̀n do gbãna nigɔ̃ de a dola, a kũ à bò káaku nigɔ̃ nɛ́ ũ gbɛ̃ kpɛdenɛ.
697	GEN 26:4	Mani n buri kara lán susunɛnɔ bà, mani bùsu díkĩna kpáḿma pínki. Buri kũ à kú zĩtɛnɔ ni arubarika le n buri gãi ń pínki
703	GEN 26:10	Abimɛlɛki pì: Bɔ́ yã n kɛ̀wɛrɛ lɛɛ? Fíti mɛ́ à gɔ̃̀ kũ ó gbɛ̃ke ni wútɛ kũ n nɔ pìio, de ǹ ó da taarin.
716	GEN 26:23	Abire gbɛra à gɛ̀ɛ Bɛsɛba.
726	GEN 26:33	Akũ à tɔ́ kpànɛ Sɛba. A yã mɛ́ à tò òdi wɛ̃tɛ pì sísi Bɛsɛba ari kũ a gbãrao.
727	GEN 26:34	Kũ Isau kà wɛ̃̀ bupla, à Iti nɔ sɛ̀ mɛ̀n pla, Beri nɛ́ Yudi kũ Ɛlɔni nɛ́ Basɛmao.
746	GEN 27:18	Yakubu gɛ̀ɛ a de kĩnaa à pì: Baa! Akũ a de pì: Makũ di! Ma nɛ́ kpatemɛɛ?
759	GEN 27:31	akũ à pɔ́ble kɛ̀ a denɛ dɔ à gɛ̀ɛonɛ, akũ à pìnɛ: Baa! Ǹ futɛ ǹ ma ɔ'i ble ǹ sa'olɛ kɛmɛnɛ.
762	GEN 27:34	Kũ Isau a de yã pìi mà, à pũ̀tã à ɔ́ gbãna dɔ̀ à kɛ̀ wɛ̃nda, akũ à pì: Baa! Ǹ sa'olɛ kɛmɛnɛ dɔ.
765	GEN 27:37	Isaaku wèa à pì: Ma a dìtɛ n dikiri ũ, ma a danɛnɔ kɛ̀ a zĩkɛrinɔ ũ ń pínki, ma pɔ́blewɛ kũ sèwɛ̃o kpàa. Bɔ́n mani le mà kɛnnɛ dɔɔ?
766	GEN 27:38	Isau pì a denɛ: Baa, sa'olɛ biren ń vĩ ado yá? Ǹ sa'olɛ pãnde kɛmɛnɛ dɔ Baa. Akũ Isau wiki gbãna lɛ̀.
776	GEN 28:2	Ǹ futɛ ǹ gɛ́ Mɛsɔpɔtamia bùsun n da de Bɛtuɛli bɛa, ǹ nɔ sɛ́ gwe n disɛ̃ Labã nɛ́nɔ tɛ́.
779	GEN 28:5	Akũ Isaaku Yakubu gbàrɛ à gɛ́ Labã kĩnaa Mɛsɔpɔtamia bùsun. Labã bi Siria bùsu gbɛ̃ Bɛtuɛli nɛ́mɛ, Yakubu kũ Isauo disɛ̃mɛ.
784	GEN 28:10	Yakubu bò Bɛsɛba à dà Arana zɛ́n.
793	GEN 28:19	Akũ à tɔ́ kpà gu pìinɛ Bɛtɛli, ama wɛ̃tɛ kũ ò kàtɛ gwe tɔ́ káakun Luzu.
812	GEN 29:16	Labã sɔ̃ à nɛ́nɔgbɛ̃nɔ vĩ gbɛ̃nɔn pla. Yɔ̃ɔ tɔ́n Lea, Bãna sɔ̃ Rahila.
821	GEN 29:25	Kũ gu dɔ̀ Yakubu è Leamɛ, akũ à pì Labãnɛ: Bɔ́yãi n kɛ̀mɛnɛ lɛɛ? Rahila yãin ma zĩ kɛ̀nnɛroo? Bɔ́ mɛ́ à tò n ma kɛkɛɛ?
822	GEN 29:26	Labã pì: Ó kĩnaa òdi Bãna kpá gɔ̃a Yɔ̃ɔ ãro.
825	GEN 29:29	Labã a nɔgbɛ̃ zĩkɛri Bila kpà Rahilaa zĩkɛri ũ.
834	GEN 30:3	Akũ Rahila pì: Ma zĩkɛri Bilan dí. Ǹ gɛ́ i kãao à nɛ́nɔ imɛnɛ, mani buri le se a gãi.
835	GEN 30:4	Akũ à a zĩkɛri Bila kpàa nɔ ũ. Yakubu wùtɛ kãao,
861	GEN 30:30	zaakũ a fíti kũ ń vĩ zaade mádi suro kàra manamana. Dikiri arubarikaa dàngu gu kũ ma gɛn n bɛa pínki. Bɔrɛn mani ma zĩda bɛ zĩ kɛ sɔ̃ɔ?
862	GEN 30:31	Labã à là à pì: Bɔ́n mani fĩna boonnɛɛ? Yakubu wèa à pì: Ǹsun pɔ́ke kpámaro, ama ǹ yã dí kɛmɛnɛ, manigɔ̃ n pɔ́nɔ dãnnɛ.
864	GEN 30:33	Tó n ma làadaa gwà gɛna gɔrɔ arɛ, ĩni dɔ̃ tó má yãpura vĩ. Blè kũ à kun bakibakiro akũ à totontotonlo, ke sãnɛ bɔ̀rɔ kũ à siraro, ɛ̃hɛ̃ ma kpãni òmɛ.
879	GEN 31:5	À pìńnɛ: Ma dɔ̃̀ á de wɛ́a kũ ma yã kú a nɛ̀sɛn lán yã bà doro. Bee kũ abireo ma de Luda kú kũmao.
886	GEN 31:12	À pì: Ǹ wɛ́ sɛ́ ǹ gwa. Blèkofĩni kũ òtɛn kpákpa onɔ pínki blè wãnzãndenɔmɛ kũ a bakibakinɔ kũ a totontotonnɔo, zaakũ ma yã kũ Labã kɛ̀nnɛ è pínki.
887	GEN 31:13	Makũmɛ Luda kũ à bò à sùnyĩ Bɛtɛli ũ, gu kũ n gbɛ̀ɛ pɛ̀tɛn n nísi kùa n lɛ́ kɛ̀ma. Tera sà ǹ futɛ ǹ bo bùsu dín ǹ tá n bùsun.
900	GEN 31:26	Akũ Labã gɛ̀ɛ à pì Yakubunɛ: Bɔ́yãi n ɔ̃ndɔ̃ kɛ̀mɛnɛ n ma nɛ́nɔ sɛ̀tɛ n ta kũńwo lán zĩ̀zɔnɔ bàa?
901	GEN 31:27	Bɔ́yãi n ɔ̃ndɔ̃ kɛ̀mɛnɛ n woto kpãni ńdi lɛ́ zamaro, de ma gɛ zɛnnɛ kũ pɔnnakɛnaao kũ lɛ̀sinaao kũ gã̀gãao kũ mɔrɔɔo.
909	GEN 31:35	Rahila pì a denɛ: Baa, ǹsun pɔ fɛ̃mairo, zaakũ mádi le mà futɛro kũ má ɔ kũna yãi. Lɛmɛ Labã a tãnanɔ wɛ̀tɛ lɛ adi lero.
910	GEN 31:36	Akũ Yakubu pɔ pà à lɛ́fɔtɔ kà Labãi à pì: Bɔ́ dàan ma kɛ̀ɛ? Bɔ́ durunnan ma kɛ̀ akũ n pɛtɛmai wãnawãna lán dí bàa?
917	GEN 31:43	Akũ Labã wè Yakubua: Nɔgbɛ̃ díkĩnanɔ bi ma nɛ́nɔmɛ. Nɛ́ díkĩnanɔ sɔ̃ ma daikorenɔmɛ. Pɔ́kãde díkĩnanɔ sɔ̃ ma pɔ́kãdenɔmɛ. Pɔ́ kũ n è la pínki ma pɔ́mɛ. Bɔ́n mani kɛ ma nɛ́nɔgbɛ̃nɔ kũ nɛ́ kũ ò ìnɔnɛ gbãraa?
942	GEN 32:14	Blèda mɛ̀n wàa do, a kofĩni mɛ̀n baro, sãda mɛ̀n wàa do, a karo mɛ̀n baro,
957	GEN 32:29	Yakubu pìnɛ: Ǹ n tɔ́ omɛnɛ se. A wèa à pì: Bɔ́yãi ntɛni ma tɔ́ gbɛkaa? Akũ à arubarikaa dàn gwe.
1013	GEN 35:1	Luda pì Yakubunɛ: Ǹ futɛ ǹ tá Bɛtɛli ǹ vutɛ gwe. Ǹ ma gbagbaki bo gwe, zaakũ ma bo ma summa gwe gɔrɔ kũ ntɛn bàa lɛ́ n vĩ̀ninɛ.
1015	GEN 35:3	Óni futɛ ò tá Bɛtɛli. Mani Luda gbagbaki bo gwe, zaakũ à kpàmai ma warikɛgɔrɔ zĩ, àdigɔ̃ kú kũmao gu kũ ma gɛn pínki.
1018	GEN 35:6	Akũ Yakubu kũ gbɛ̃ kũ ò kú kãaonɔ ń pínki kà Luzu kũ òdi pi tera Bɛtɛli, Kanaanɔ bùsun.
1019	GEN 35:7	À sa'oki bò gwe, akũ à tɔ́ kpà gu pìinɛ Bɛtɛli Luda, zaakũ gwen Luda bò à sùan gɔrɔ kũ àtɛn bàa sí a vĩ̀ninɛ.
1020	GEN 35:8	Debora kũ à de Rɛbɛka gwàri ũ yã gà gwe, akũ ò a vĩ̀ gbiri lí gbáru Bɛtɛli sarɛ. Akũ ò tɔ́ kpà lí pìinɛ Ɔ́ɔdɔlii.
1023	GEN 35:11	Luda pìnɛ dɔ: Luda Gbãnasĩndapinkidemɛ ma ũ. Àgɔ̃ nɛ́ i àgɔ̃ kara. Buri ni bo n kĩnaa kũ buri dasinɔ dɔ, n buri kenɔ nigɔ̃ de kínanɔ ũ.
1027	GEN 35:15	Akũ Yakubu tɔ́ kpà gu kũ Luda yã ònɛn pìinɛ Bɛtɛli.
1028	GEN 35:16	Akũ ò fùtɛ Bɛtɛli ò dà zɛ́n. Kũ ò kà kãni kũ Ɛflatao, Rahila nɛ́'igɔrɔ kà, akũ nɛ́'i kɛ̀a zĩ'ũ.
1030	GEN 35:18	Rahila gbãna vĩ doro àtɛn ga, akũ à tɔ́ kpà a nɛ́ pìinɛ Bɛnɔni, akũ a de tɔ́ kpànɛ Biliaminu.
1031	GEN 35:19	Kũ Rahila gà, ò a vĩ̀ Ɛflata kũ òdi pi tera Bɛtilihamu zɛ́n.
1034	GEN 35:22	Gɔrɔ kũ à kú bùsuu pìn Rubɛni gɛ̀ɛ à wùtɛ kũ Bilao, Yakubu nɔ yìgisaride, akũ Yakubu yã pìi mà. Yakubu nɛ́gɔ̃gbɛ̃nɔ ì mɛ̀n kuri awɛɛpla.