98	GEN 4:18	Ɛnɔku Irada ì, Irada Mɛuyaɛli ì, Mɛuyaɛli Mɛtusaɛli ì, Mɛtusaɛli Lamɛki ì.
250	GEN 10:15	Kanaa daudu Sidɔ̃ burinɔn dí: Itinɔ,
252	GEN 10:17	Ivinɔ, Akinɔ, Sininɔ,
296	GEN 11:29	Abramu kũ Nao nɔ sɛ̀. Abramu nanɔ tɔ́n Sarai, Nao nanɔ sɔ̃ tɔ́n Milika, Arana nɛ́. Arana pì mɛ́ à Isika ì dɔ.
381	GEN 15:20	kũ Itinɔ kũ Pɛrizinɔ kũ Rɛfaimunɔ
403	GEN 17:5	Onigɔ̃ pinnɛ Abramu doro, sé Ibrahĩ, zaakũ mani n kɛ buri dasinɔ dizi ũ.
407	GEN 17:9	Luda ɛ̀ra à pì Ibrahĩnɛ: Mɔkɔ̃n kũ n burinɔ, àgɔ̃ ma bàka kunna kãáo yã kũna ari á buria.
413	GEN 17:15	Akũ Luda ɛ̀ra à pì Ibrahĩnɛ: Ǹsun pi n nanɔnɛ Sarai doro, ǹgɔ̃ pinɛ Sara sà.
415	GEN 17:17	Akũ Ibrahĩ wùtɛ a nɛ̀sɛlɛ kutɛna Luda arɛ à yáa dɔ̀ à pì a nɛ̀sɛɛ gũn: Gbɛ̃ kũ à kà wɛ̃̀ basɔɔro ni nɛ́ i yá? Lákũ Sara kà wɛ̃̀ basiikɔ̃ akuri nà, ani nɛ́ i yá?
417	GEN 17:19	Luda pì: Yãpura n nanɔ Sara ni nɛ́ i gɔ̃gbɛ̃ ũ, ĩni tɔ́ kpánɛ Isaaku. Ma bàka nigɔ̃ kú kãao kũ a burinɔ ari gɔrɔ sĩnda pínki.
419	GEN 17:21	Bee kũ abireo ma bàka kunna kũnwo ni gɔ̃ Isaakuamɛ. Ziki mandara'i Sara ni a i.
420	GEN 17:22	Kũ Luda yã ò Ibrahĩnɛ à làka, akũ à a tò à tà musu.
421	GEN 17:23	Akũ Ibrahĩ a nɛ́ Sumaila sɛ̀ kũ a bɛ gɔ̃gbɛ̃ kũ ò ń í a bɛanɔ kũ zĩkɛri kũ ò ń lúnɔ ń pínki, akũ à tɔ̃̀ɔ zɔ̃̀ńnɛ gɔrɔ birea gɔ̃̀nɔ lákũ Luda ònɛ nà.
422	GEN 17:24	Ibrahĩ kà wɛ̃̀ basɔɔro donsari, gbasa à tɔ̃̀ɔ zɔ̃̀,
424	GEN 17:26	Gɔrɔ dokɔ̃nɔ pì zĩ Ibrahĩ tɔ̃̀ɔ zɔ̃̀ kũ a nɛ́ Sumailao
426	GEN 18:1	Dikiri bò à sù Ibrahĩa Mamare gbiri línɔ sarɛ. Ibrahĩ vutɛna a bizakuta kpɛ́lɛlɛa fãnantɛ̃.
433	GEN 18:8	Akũ Ibrahĩ vĩfãani kũ vĩ'ipuo kũ zù kũ ò kɛ̀kɛɛ pìioo sɛ̀ à gɛ̀ɛ à dìtɛńnɛ. Gɔrɔ kũ òtɛn pɔ́ ble, api zɛ ń sarɛ lí gbáru gwe.
436	GEN 18:11	Ibrahĩ kũ Sarao zĩ kũ̀, Sara dì nɔgbɛ̃nɔ pɔ́ kɛ doro. Akũ Sara yáa dɔ̀ à pì a swɛ̃̀ɛ gũn:
438	GEN 18:13	Akũ Dikiri Ibrahĩ là à pì: À kɛ̀ dera Sara yáa dɔ̀ɔ? À pì akũ kũ a zĩ kũ̀ áni fɔ̃ à nɛ́ i dɔ yá?
441	GEN 18:16	Kũ gbɛ̃ pìnɔ fùtɛ, Ibrahĩ gɛ̀ɛ à zɛńnɛ, akũ ò Sɔdɔmu kpa gwà.
442	GEN 18:17	Akũ Dikiri pì: Mani yã kũ má ye mà kɛ utɛ Ibrahĩnɛro.
447	GEN 18:22	Kũ ń gbɛ̃nɔn pla pìnɔ dà zɛ́n òtɛn gɛ́ Sɔdɔmu, akũ Dikiri gɔ̃̀ kũ Ibrahĩo gwe.
448	GEN 18:23	Akũ Ibrahĩ nài à pì: Ĩni gbɛ̃ mananɔ wara lɛɛlɛ kũ gbɛ̃ vãninɔn yá?
452	GEN 18:27	Akũ Ibrahĩ ɛ̀ra à pì dɔ: Makũ kũ má de bùsutiti kũ túbuo ũ, ǹ gaafara kɛmɛnɛ mà yã onnɛ, Dikiri.
454	GEN 18:29	Akũ Ibrahĩ kpɛ́ àtɛn yã onɛ à pì: Tó gbɛ̃ mananɔ kà bupla sɔ̃ bi? Akũ Dikiri pì: Mani yãke kɛro gbɛ̃nɔn bupla pìnɔ yãi.
458	GEN 18:33	Kũ Dikiri yã ò Ibrahĩnɛ à làka, à gɛ̃̀ zɛ́la, akũ Ibrahĩ ɛ̀ra à tà bɛ.
485	GEN 19:27	Kũ gu dɔ̀, Ibrahĩ fùtɛ kɔnkɔkɔnkɔ, à gɛ̀ɛ gu kũ à kun yã kũ Dikirioo pìn.
487	GEN 19:29	Lɛmɛ kũ Luda guvutɛ kũ Lutu kunwa wɛ̃tɛnɔ kàkatɛ lɛ, Ibrahĩ yã dɔ̀n, akũ à Lutu bò wɛ̃tɛ kũ à kàkatɛ pìnɔ gũn.
497	GEN 20:1	Akũ Ibrahĩ fùtɛ gwe à gɛ̀ɛ Nɛgɛvi bùsun Kadɛsi kũ Suruo dagura. Kũ à gɛ̀ɛ à vùtɛ Gera,
505	GEN 20:9	Akũ Abimɛlɛki Ibrahĩ sìsi à pìnɛ: Bɔ́yãi n kɛ̀wɛrɛ lɛɛ? Bɔ́ taarin ma kɛ̀nnɛ gbasa n tò ma gɔ̃ durunnade ũ kũ ma bùsuuo? N yã kũ à de ò kɛro kɛ̀mɛnɛ.
507	GEN 20:11	Ibrahĩ wèa à pì: Matɛn da yã gbɛ̃ke Luda vĩna vĩ bùsu díkĩna gũnlo, oni ma dɛ ma nanɔ yãimɛ.
510	GEN 20:14	Akũ Abimɛlɛki sù kũ sãnɔ kũ zùnɔ kũ gɔ̃gbɛ̃ zĩkɛrinɔ kũ nɔgbɛ̃ zĩkɛrinɔ à kpà Ibrahĩa, akũ à a nanɔ ɛ̀ranɛ.
513	GEN 20:17	Akũ Ibrahĩ wɛ́ kɛ̀ Ludaa, akũ Luda Abimɛlɛki gbà aafia kũ a nanɔo kũ a nɔ yìgisaridenɔ, de ò nɛ́ i,
514	GEN 20:18	zaakũ Dikiri tò Abimɛlɛki bɛ nɔgbɛ̃nɔ para kũ̀ yã Ibrahĩ nanɔ yã musu.
516	GEN 21:2	Akũ à nɔ̀ɔ sì à nɛ́ ì kũ Ibrahĩo gɔ̃gbɛ̃ ũ a zĩkũnaa gũn gɔrɔ kũ Luda dìtɛnɛɛa.
517	GEN 21:3	Ibrahĩ tɔ́ kpà nɛ́ pìinɛ Isaaku.
521	GEN 21:7	À pì dɔ: Oni we ò pi Ibrahĩnɛ yã mani gɔ̃ nɛ́rande ũ yá? Akũ ma nɛ́gɔ̃gbɛ̃ ì kãao a zĩkũnaa gũn.
522	GEN 21:8	Kũ nɛ́ pì zɔ̃kɔ̃ kũ̀ à kɛ̃̀ yɔ̃a, akũ Ibrahĩ a kɛ̃na yɔ̃a pɔnna kɛ̀.
523	GEN 21:9	Sara è nɛ́ kũ Misila nɔgbɛ̃ Hazara ì kũ Ibrahĩo dìgɔ̃ Isaaku yáa dɔmɛ,
524	GEN 21:10	akũ à pì Ibrahĩnɛ: Ǹ pɛ́ zɔ̀ɔ pìia kũ a nɛ́o, zaakũ zɔ̀ nɛ́ pì ni túbi ble kũ ma nɛ́ Isaakuoro.
525	GEN 21:11	Yã pìi Ibrahĩ pɔ yàka manamana, zaakũ a nɛ́mɛ,
526	GEN 21:12	akũ Luda pìnɛ: Ǹsun tó n pɔ yaka n nɛ́ kũ n zɔ̀nɔgbɛ̃ pìio yã musuro. Yã kũ Sara tɛn onnɛ pínki ǹ ma, zaakũ Isaaku burinɔn onigɔ̃ pińnɛ n burinɔ ũ.
528	GEN 21:14	Akũ Ibrahĩ fùtɛ kɔnkɔkɔnkɔ, à pɔ́ble sɛ̀ kũ í tùruuo à kpà Hazaraa. À dìnɛ, akũ à a nɛ́ kpàa dɔ. À a gbàrɛ, akũ à gɛ̀ɛ àtɛn likara zɔ̃ Bɛsɛba gbárannan.
536	GEN 21:22	Gɔrɔ birea Abimɛlɛki kũ a zĩ̀karinɔ gbɛ̃ zɔ̃kɔ̃ Fikɔluo gɛ̀ɛ Ibrahĩ kĩnaa ò pìnɛ: Luda kú kũnwo yã kũ ntɛn kɛ gũn pínki.
538	GEN 21:24	Akũ Ibrahĩ pìnɛ: Ma la dànnɛ.
539	GEN 21:25	Akũ Ibrahĩ lɔ̀gɔ kũ Abimɛlɛki gbɛ̃nɔ sìa yã sɛ̀tɛ à ònɛ.
541	GEN 21:27	Akũ Ibrahĩ sãnɔ kũ zùnɔ kũ̀ à kpà Abimɛlɛkia, akũ ò lɛ́dokɔ̃nɔ kɛ̀ kũ kɔ̃o.
542	GEN 21:28	Akũ Ibrahĩ sãnunu mɛ̀n supplanɔ bò à kàtɛ ńdona.
547	GEN 21:33	Ibrahĩ sãma lí tɔ̃̀ Bɛsɛba, akũ à Dikiri Luda Gɔrɔsĩndapinkide sìsi gwe.
549	GEN 22:1	Abire gbɛra Luda Ibrahĩ yɔ̃̀ à gwà à pìnɛ: Ibrahĩ! Akũ à wèa à pì: Makũ di!
550	GEN 22:2	Akũ Luda pìnɛ: Ǹ n nɛ́ mɛ̀n do kũ ń yei Isaaku sɛ́ ǹ gɛ́o Mɔria bùsun, ǹ sa'opɔ kũ òdi ká tɛ́n à tɛ́ kũ o kãao kpi kũ mani onnɛa.
551	GEN 22:3	Kũ à fùtɛ kɔnkɔkɔnkɔ, à gàarii yĩ̀ a zaakinɛ, akũ à a zĩkɛrinɔ sɛ̀ gbɛ̃nɔn pla kũ a nɛ́ Isaaku pìio. À sa'oyakaa pàra, akũ à dà zɛ́n, àtɛn gɛ́ gu kũ Luda ònɛn.
554	GEN 22:6	Ibrahĩ sa'oyakaa sɛ̀ à dì a nɛ́ pìinɛ, akũ à tɛ́ kũna kũ fɛ̃nɛo, òtɛn gɛ́ lɛɛlɛ.
555	GEN 22:7	Akũ Isaaku yã ò a denɛ à pì: Baa! À wèa à pì: Bɔ́mɛ nɛ́? Akũ à pìnɛ: Ó tɛ́ kũna kũ yàkaao, sãnɛ bɔ̀rɔ kũ óni ká tɛ́n à tɛ́ kũ kú mámɛɛ?
556	GEN 22:8	Akũ Ibrahĩ pì: Ma nɛ́, Luda mɛ́ ani sa'osã kpá. Akũ ò tɛ́kɔ̃i òtɛn gɛ́.
559	GEN 22:11	akũ Dikiri Malaika lɛ́ zùi zaa musu à pì: Ibrahĩ! Ibrahĩ! À wèa à pì: Makũ di!
561	GEN 22:13	Ibrahĩ wɛ́ sɛ̀, akũ à sãkaroo è líwaka kà a bɛ̃nɛi. Akũ à gɛ̀ɛ à a kũ̀ à sa'opɔ kũ òdi ká tɛ́n à tɛ́ kũ òo a nɛ́ gɛ̃nɛ ũ.
563	GEN 22:15	Dikiri Malaikaa ɛ̀ra à lɛ́ zù Ibrahĩi zaa musu dɔ
567	GEN 22:19	Kũ Ibrahĩ ɛ̀ra à sù a zĩkɛrinɔ kĩnaa, ò fùtɛ ò tà Bɛsɛba, akũ à gɔrɔ pla kɛ̀ gwe.
568	GEN 22:20	Abire gbɛra ò ò Ibrahĩnɛ ò pì: N vĩ̀ni Nao nanɔ Milika nɛ́gɔ̃gbɛ̃nɔ ì.
571	GEN 22:23	Bɛtuɛli pì mɛ́ à Rɛbɛka ì. Nɛ́gɔ̃gbɛ̃ gbɛ̃nɔn sɔraakɔ̃ kũ Milika ì kũ Ibrahĩ vĩ̀ni Naon gwe.
574	GEN 23:2	gbasa à gà zaa Kiriataba kũ òdi pi tera Ɛblɔnu, Kanaanɔ bùsun. Akũ Ibrahĩ a wɛ̃nda kɛ̀ à ɔ́ɔ dɔ̀ a gana yã musu.
575	GEN 23:3	Kũ à gò a nanɔ gɛ̀ kĩnaa, à gɛ̀ɛ à pì Iti burinɔnɛ:
577	GEN 23:5	Akũ Iti burinɔ pìnɛ:
579	GEN 23:7	Akũ Ibrahĩ fùtɛ à kùtɛ bùsupidenɔnɛ
582	GEN 23:10	Ɛflɔnu vutɛna ń tɛ́ a wɛ̃tɛ bĩnilɛa gwe, akũ à ò Ibrahĩnɛ Itinɔ wára ń pínki à pì:
584	GEN 23:12	Ibrahĩ kùtɛ bùsupidenɔnɛ,
588	GEN 23:16	Ibrahĩ a yã mà, akũ à andurufu kũ à òo yɔ̃̀nɛ gbɛ̃nɔ wára lagatarinɔ zakaaa.
589	GEN 23:17	Lɛmɛ Ɛflɔnu bú kũ à kú Makpɛla, Mamare sarɛ, gɔ̃̀ Ibrahĩ pɔ́ ũ lɛ kũ gbɛ̀wɛɛ kũ à kú gweo kũ lí kũ ò kú gwenɔ zaa bú pì lɛ́i pínki.
590	GEN 23:18	À gɔ̃̀ Ibrahĩ pɔ́ ũ Iti kũ ò sù wɛ̃tɛ bĩnilɛanɔ pínki wára.
591	GEN 23:19	Abire gbɛra Ibrahĩ a nanɔ vĩ̀ Makpɛla bura gbɛ̀wɛɛ pìi gũn Mamare kũ òdi pi tera Ɛblɔnu sarɛ, Kanaanɔ bùsun.
592	GEN 23:20	Lɛn bú kũ gbɛ̀wɛɛ kũ à de Itinɔ pɔ́ ũ yãoo gɔ̃̀ Ibrahĩnɛ gɛ̀vĩki ũ lɛ.
593	GEN 24:1	Ibrahĩ zĩ kũ̀ a gɔrɔnɔ kà zã̀, akũ Dikiri arubarikaa dàagu yã sĩnda pínki gũn.
598	GEN 24:6	Ibrahĩ pìnɛ: Ǹ laakari kɛ! Ǹsun gɛ́ kũ ma nɛ́o gwero.
604	GEN 24:12	akũ à adua kɛ̀ à pì: Dikiri, ma dikiri Ibrahĩ Luda, ǹ gbɛ̃kɛ kɛ ma dikiriinɛ ǹ tó ma tá kɛ nna ɔkɔsiala.
606	GEN 24:14	nɔkpare kũ ma ònɛ à a lo kipa à í tɔ́mɛnɛ mà mi, tó à pìmɛnɛ mà mi, akũ à kpà ma lakuminɔa dɔ, de mani dɔ̃ kũ n gbɛ̃kɛ kɛ̀ ma dikiriinɛ, nɔgbɛ̃ kũ n dìtɛ n zɔ̀bleri Isaaku pɔ́ ũn gwe.
607	GEN 24:15	Adi yã pì o à làkaro, akũ Bɛtuɛli nɛ́ Rɛbɛka bò kũ loo dina a gã̀n. Bɛtuɛli bi Ibrahĩ vĩ̀ni Nao nɛ́ kũ à ì kũ a nanɔ Milikaomɛ.
619	GEN 24:27	Dikiri ma dikiri Ibrahĩ Luda arubarika vĩ kũ adi gí gbɛ̃kɛ kũ náanio yã kɛnɛro yãi. Makũ sɔ̃, Dikiri dòmɛnɛ arɛ ma dikiri danɛnɔ bɛa.
626	GEN 24:34	Akũ à pì: Ibrahĩ zĩkɛriimɛ ma ũ.
634	GEN 24:42	Kũ ma ka lɔ̀gɔ kĩnaa gbãra ma pì: Dikiri, ma dikiri Ibrahĩ Luda, tó n we, ǹ tó ma tá kɛ nna.
640	GEN 24:48	Akũ ma kutɛ ma donyĩ kɛ̀ Dikiri ma dikiri Ibrahĩ Ludanɛ ma sáabu kpàa, zaakũ à dòmɛnɛ arɛ zɛ́ súsu gũn, de mà a dikiri vĩ̀ni daikore sɛ́ a nɛ́nɛ.
644	GEN 24:52	Kũ Ibrahĩ zĩkɛrii pì ń yã mà, à wùtɛ zĩtɛ Dikirinɛ.
651	GEN 24:59	Akũ ò Rɛbɛka gbàrɛ kũ a gwàri kũ à a gwà zaa a fítinna zĩo, òtɛn tá kũ Ibrahĩ zĩkɛriio kũ a gbɛ̃nɔ.
654	GEN 24:62	A sù à lè Isaaku sù kũ lɔ̀gɔ kũ òdi pi Ludabɛ̃nɛkũadima'eo à vùtɛ Nɛgɛvi bùsun.
656	GEN 24:64	Rɛbɛka wɛ́ sɛ̀ à Isaaku è se, akũ à kìpa a lakumi kpɛ likalika
658	GEN 24:66	Kũ ò kà Isaaku kĩnaa, zĩkɛrii pì yã kũ à kɛ̀ɛ bàbanɛ pínki.
659	GEN 24:67	Isaaku gɛ̃̀ kũ Rɛbɛkao a da Sara bizakutan, akũ à a sɛ̀ à gɔ̃̀ a nɔ ũ. À ye nɔ pìii, akũ a laakari kpatɛna a da ga gbɛra.
660	GEN 25:1	Ibrahĩ nɔ pãnde sɛ̀ dɔ a tɔ́n Kɛtura.
661	GEN 25:2	Nɛ́ kũ à ì kãaonɔ tɔ́n dí: Zimlã, Yɔkɔsã, Mɛdã, Midiã, Isibaki, Sua.
664	GEN 25:5	Ibrahĩ a aruzɛkɛ kpà Isaakua pínki,
665	GEN 25:6	akũ à gba dà a nɔ yìgisaride nɛ́nɔnɛ à ń gbárɛ ifãboki kpa de à kpɛ́ à ga, de òsungɔ̃ kú kũ Isaakuoro yãi.