1	GEN 1:1	Zaa káaku Luda musu kũ zĩtɛoo kɛ̀.
2	GEN 1:2	Gu da pãmɛ à kɛkɛnaro, gusira mɛ́ à da ísirala, akũ Luda Nini tɛn yàa kɛ í pìla.
3	GEN 1:3	Akũ Luda pì: Gupura kũ! Akũ gupura kũ̀.
6	GEN 1:6	Akũ Luda pì: Sarapura gɔ̃ kú ínɔ dagura de à í pìnɔ kɛ̃kɔ̃a.
9	GEN 1:9	Akũ Luda pì: Í kũ à kú zĩtɛ kakara gu dokɔ̃nɔ, gukori bo. Akũ à kɛ̀ lɛ.
11	GEN 1:11	Akũ Luda pì: Lánɔ bɔtɛ zĩtɛ kũ sɛ̃̀ wɛ́denɔ kũ lí nɛ́denɔ, baadi kũ a burio. Akũ à kɛ̀ lɛ,
12	GEN 1:12	lánɔ bɔ̀tɛ zĩtɛ kũ sɛ̃̀ wɛ́denɔ kũ lí nɛ́denɔ, baadi kũ a burio. Akũ Luda è à kɛ̀ mana.
14	GEN 1:14	Akũ Luda pì: Pɔ́ gupurakũrinɔ gɔ̃ kú musu ògɔ̃ fãnantɛ̃ kɛ̃kɔ̃a kũ gwãanio, ògɔ̃ wɛ̃̀ sèedanɔ kũ gɔrɔnɔ kũ wɛ̃̀nɔ mɔńnɛ.
20	GEN 1:20	Akũ Luda pì: Pɔ wɛ̃̀ndidenɔ í pa yɛ́rɛrɛ, bãnɔ dagula musu ògɔ̃ vura sarapuran.
24	GEN 1:24	Akũ Luda pì: Pɔ́ wɛ̃̀ndidenɔ bɔtɛ zĩtɛ, bɛ pɔ́kãdenɔ kũ pɔ́ kũ òdi táa o kũ kùaonɔ kũ nɔ̀bɔsɛ̃ntɛnɔ, baadi kũ a burio. Akũ à kɛ̀ lɛ.
25	GEN 1:25	Luda nɔ̀bɔsɛ̃ntɛnɔ kɛ̀ baadi kũ a burio. À bɛ pɔ́kãdenɔ kɛ̀ baadi kũ a burio. À pɔ́ kũ òdi táa o kũ kùaonɔ kɛ̀ baadi kũ a burio. Akũ à è à kɛ̀ mana.
26	GEN 1:26	Akũ Luda pì: Ò bisãsiri kɛ ó taka ũ, ògɔ̃ de lán ó bà, ògɔ̃ kí ble kpɔ̀nɔa kũ bãnɔ kũ bɛ pɔ́kãdenɔ kũ nɔ̀bɔsɛ̃ntɛnɔ kũ pɔ́ kũ òdi táa o kũ kùaonɔ pínki.
27	GEN 1:27	Akũ Luda bisãsiri kɛ̀ a zĩda taka ũ. A zĩda takan à ń kɛ́ a ũ. À ń kɛ́ gɔ̃gbɛ̃ kũ nɔgbɛ̃o.
29	GEN 1:29	Akũ Luda pì: Pɔ́ wɛ́de kũ ò kú zĩtɛnɔn ma kpàáwa á pɔ́ble ũ pínki kũ lí nɛ́denɔ pínki.
31	GEN 1:31	Luda pɔ́ kũ à kɛ̀nɔ è pínki, à kɛ̀ mana swáswa. Gu sì gu dɔ̀, a gɔrɔ suddoden gwe.
32	GEN 2:1	Lɛn Luda musu kũ zĩtɛo kɛ̀ lɛ kũ a pɔ́nɔ pínki.
35	GEN 2:4	Musu kũ zĩtɛo naana yãn dí. Gɔrɔ kũ Dikiri Luda zĩtɛ kũ musuoo kɛ̀,
36	GEN 2:5	pɔ́wɛ ke dí butɛ zĩtɛ kɔ̀ro, bee sɛ̃̀ɛ, zaakũ Dikiri Luda dí tó legũ màro, akũsɔ̃ gbɛ̃ke kun à bura zĩ kɛro.
38	GEN 2:7	Dikiri Luda gɔ̃gbɛ̃ í kàsa kũ bùsutitio, akũ à ĩa wɛ̃̀ndide vù a yĩn, akũ gɔ̃gbɛ̃ pìi gɔ̃̀ gbɛ̃ bɛ̃nɛ ũ.
39	GEN 2:8	Dikiri Luda swadakoo kɛ̀kɛ ifãboki kpa gu kũ òdi pi Ɛdɛni, akũ à gɔ̃gbɛ̃ kũ à kɛ̀ɛ pìi dà gwe.
40	GEN 2:9	Dikiri Luda tò lí buri sĩnda pínki bùtɛ zĩtɛ. Lí pìnɔ kɛ̀ mana, akũsɔ̃ ń nɛ́ blena nna. Lí wɛ̃̀ndide kú dàkoo pìi dagura. Lí kũ àdi dɔ̃na mana kũ a vãnio ińnɛ kú gwe dɔ.
46	GEN 2:15	Dikiri Luda gɔ̃gbɛ̃ pìi dìtɛ Ɛdɛni dàkoo pìi gũn de àgɔ̃ a zĩ kɛ àgɔ̃ gwa.
49	GEN 2:18	Dikiri Luda pì: Gɔ̃gbɛ̃ kunna ado manaro. Mani kpanyĩri kɛnɛ a gbɛ̃ndo ũ.
50	GEN 2:19	Akũ Dikiri Luda bùsuu sɛ̀ à nɔ̀bɔnɔ kɛ̀o pínki kũ bãnɔ pínki, akũ à sù kũńwo gɔ̃gbɛ̃ pì kĩnaa de à e deran ani tɔ́ kpáńnɛ nà. Tɔ́ kũ gɔ̃gbɛ̃ pìi kpà pɔ́ wɛ̃̀ndide pìnɔnɛ pínki gɔ̃̀ ń tɔ́ ũ.
52	GEN 2:21	Akũ Dikiri Luda i zɔ̃kɔ̃ɔ dà gɔ̃gbɛ̃ pìla. Kũ àtɛn i o, akũ à a gbã̀ntɛrɛwa mɛ̀n do bò, akũ à a mɛ̀baasi tàta a gbɛ̀n.
54	GEN 2:23	Akũ gɔ̃gbɛ̃ pìi pì: Adikĩna wá bò ma wá gũmmɛ, a mɛ̀ sɔ̃ à bò ma mɛ̀ɛ gũmmɛ. Oni a sísi nɔgbɛ̃, kũ Luda a bò gɔ̃gbɛ̃ gũn yãi.
57	GEN 3:1	Mlɛ̃̀ mɛ́ à manafiki vĩ de pɔ́ kũ Dikiri Luda kɛ̀nɔla pínki, akũ à nɔgbɛ̃ là à pì: Luda pì àsun dàkoo pì lí ke nɛ́ blenloo?
59	GEN 3:3	ama lí kũ à kú dàkoo pìi guragura, Luda pì òsun a nɛ́ blero òsun ɔ naa sero, de òsun garo yãi.
61	GEN 3:5	Zaakũ Luda dɔ̃ tó a blè, á wɛ́ ni kɛ̃ áni gɔ̃ lán a bà, ánigɔ̃ a mana dɔ̃ kũ a vãnio.
64	GEN 3:8	Kũ gɔ̃gbɛ̃ kũ a nanɔo Dikiri Luda kĩni mà àtɛn kure dàkoo pìi gũn ɔkɔsi, akũ ò ùtɛnɛ dàkoo pì lán.
65	GEN 3:9	Akũ Dikiri Luda lɛ́ zù gɔ̃gbɛ̃i à pì: Ń kú mámɛɛ?
67	GEN 3:11	Akũ Dikiri Luda a là à pì: Dí mɛ́ à ònnɛ ń kun pótompoo? Lí kũ ma ginnɛ ǹ a nɛ́ ble, n blèn yá?
69	GEN 3:13	Akũ Dikiri Luda nɔgbɛ̃ là à pì: Bɔ́yãi n kɛ̀ lɛɛ? À wèa à pì: Mlɛ̃̀ mɛ́ à ma kɛkɛ, akũ ma blè.
70	GEN 3:14	Akũ Dikiri Luda pì mlɛ̃̀ɛnɛ: Kũ n kɛ̀ lɛ, ĩnigɔ̃ láaribona pɔ́ ũ de bɛ pɔ́kãdenɔ kũ nɔ̀bɔsɛ̃ntɛnɔla pínki, ĩnigɔ̃ táa o n kùua, bùsutitin ĩnigɔ̃ ble ari n wɛ̃̀ndi lɛ́n.
73	GEN 3:17	Akũ à pì gɔ̃gbɛ̃nɛ: Lákũ n n nanɔ yã mà nà, lí kũ ma ginnɛ ǹ a nɛ́ ble n blè, ma láari bò zĩtɛa n yãi, ɔsi kũ ɔsioon ĩnigɔ̃ pɔ́ble en ari n wɛ̃̀ndi lɛ́n.
77	GEN 3:21	Dikiri Luda bára uta kɛ̀ Adamunɛ kũ a nanɔo, akũ à dàńnɛ.
79	GEN 3:23	Akũ Dikiri Luda pɛ̀a à a bò Ɛdɛni dàkoo pìi gũn. Akũ Adamu gɛ̀ɛ à zĩtɛ kũ Luda a bòn zĩ kɛ.
80	GEN 3:24	Kũ Dikiri Luda pɛ̀a, akũ à kɛrubunɔ kàtɛ Ɛdɛni dàko ifãboki kpa, de ògɔ̃ lí wɛ̃̀ndide zɛ́ dãkpã kũ fɛ̃nɛda kũ àtɛn tɛ́ kɛ àtɛn litɛlitɛo.
95	GEN 4:15	Akũ Dikiri pìnɛ: Lɛnlo! Tó gbɛ̃ n dɛ, oni mɔra káa gɛ̃̀n supplamɛ. Akũ Dikiri wãnzãn ke kɛ̃̀ Kainua, de gbɛ̃ kũ à kpàkũn kãao sún a dɛro yãi.
98	GEN 4:18	Ɛnɔku Irada ì, Irada Mɛuyaɛli ì, Mɛuyaɛli Mɛtusaɛli ì, Mɛtusaɛli Lamɛki ì.
99	GEN 4:19	Lamɛki nɔ sɛ̀ mɛ̀n pla, a do tɔ́n Ada, a do Zila.
103	GEN 4:23	Akũ Lamɛki pì a nɔnɔnɛ: Ada kũ Zilao, à ma yã ma, ma nɔnɔ, à sã kpá ma yãi. Gbɛ̃ke ma kĩnna, akũ ma a dɛ̀, kɛfɛnna pì ma lɛmɛ, akũ ma a wɛ̃̀ndii bò.
104	GEN 4:24	Tó oni Kainu fĩna bonɛ gɛ̃̀n suppla, makũ Lamɛki ma pɔ́ sɔ̃, gɛ̃̀n baaakɔ̃ akuri awɛɛsupplamɛ.
105	GEN 4:25	Adamu wùtɛ kũ a nanɔo dɔ, akũ à nɛ́gɔ̃gbɛ̃ ì. À tɔ́ kpànɛ Sɛti à pì, Luda a gba nɛ́ pãnde Habila kũ Kainu a dɛ̀ gɛ̃nɛ ũmɛ.
107	GEN 5:1	Adamu burinɔ yãn dí. Gɔrɔ kũ Luda bisãsirinɔ kɛ̀, à ń kɛ́ lán a bàmɛ.
128	GEN 5:22	A gbɛra à táa ò kũ Ludao ari wɛ̃̀ wàa do kpɛ́ basɔɔro à nɛ́ pãndenɔ ì dɔ gɔ̃gbɛ̃nɔ kũ nɔgbɛ̃nɔo.
130	GEN 5:24	À táa ò kũ Ludao, akũ ò kùrai, kũ Luda a sɛ̀ à bò kãao andunia gũn yãi.
131	GEN 5:25	Mɛtusela wɛ̃̀ bakɛ̃ndo awɛɛsupplade gũn à Lamɛki ì.
134	GEN 5:28	Lamɛki kɛ̀ wɛ̃̀ bakɛ̃ndo awɛɛpla, akũ à nɛ́gɔ̃gbɛ̃ ì.
136	GEN 5:30	Nuhu inaa gbɛra Lamɛki kɛ̀ wɛ̃̀ wàa aakɔ̃ sɔɔrosari à nɛ́ pãndenɔ ì dɔ gɔ̃gbɛ̃nɔ kũ nɔgbɛ̃nɔo.
140	GEN 6:2	akũ Luda nɛ́nɔ è bisãsiri nɛ́nɔgbɛ̃ pìnɔ mana, akũ òtɛni ń sɛ́ ń pɔyeinaaa.
142	GEN 6:4	Gbɛ̃ gbã̀nanɔn kú andunia gũn gɔrɔ birea kũ gɔrɔ bire gbɛrao dɔ, gɔrɔ kũ Luda nɛ́ pìnɔ bisãsiri nɛ́nɔgbɛ̃nɔ dɔ̃̀ nɔgbɛ̃nɔ ũ ò nɛ́nɔ ì kũńwo. Ń nɛ́ pìnɔmɛ gɔ̃sa gbãna kũ ń tɔ́ bò zaa káakunɔ ũ.
147	GEN 6:9	Nuhu burinɔ yãn dí. Nuhu bi gbɛ̃ manamɛ. Kũ à kun, a mɛ̀n do mɛ́ à taari vĩro à táa ò kũ Ludao.
149	GEN 6:11	Luda è andunia gbɛ̃nɔ yàka ń pínki, taarikɛna andunia pà.
150	GEN 6:12	Kũ Luda andunia gwà, à è à yàka, zaakũ gbɛ̃ sĩnda pínki zã̀ zɛ́a.
151	GEN 6:13	Akũ Luda pì Nuhunɛ: Mani gbɛ̃ sĩnda pínki kakatɛ, kũ ń yãin taarikɛna dà anduniala. Mani ń kakatɛ lɛɛlɛ kũ anduniaomɛ.
160	GEN 6:22	Akũ Nuhu kɛ̀ lɛ à yã kũ Luda ònɛɛ kɛ̀ pínki.
169	GEN 7:9	sù Nuhu kĩnaa gó gũn mɛ̀n plapla da kũ a sàao lákũ Luda ònɛɛ nà.
172	GEN 7:12	Legũ mà ari gɔrɔ bupla fãnantɛ̃ kũ gwãanio.
176	GEN 7:16	Pɔ wɛ̃̀ndidenɔ buri pínki gɛ̃̀ da kũ a sàao lákũ Luda dìtɛnɛ nà. Akũ Dikiri gbà tàtańlɛ.
177	GEN 7:17	Legũ mà ari gɔrɔ bupla. Kũ í tɛn kara, akũ à gó pìi sɛ̀ zĩtɛla.
183	GEN 7:23	Luda pɔ́ wɛ̃̀ndide kũ ò kú sĩ̀sĩanɔ kàkatɛ pínki. À bisãsirinɔ kũ nɔ̀bɔnɔ kũ pɔ́ kũ òdi táa o kũ kùaonɔ kũ bãnɔ kàkatɛ andunia gũn. Nuhu mɛ́ à bò ado kũ pɔ́ kũ ò kú kãao gó gũnnɔ.
185	GEN 8:1	Nuhu kũ nɔ̀bɔsɛ̃ntɛnɔ kũ bɛ pɔ́kãde kũ ò kú kãao gó gũnnɔ pínki yã dɔ̀ Ludan. Kũ à ĩa gbàrɛ zĩtɛa, akũ í nà babanaaa.
199	GEN 8:15	Akũ Luda yã ò Nuhunɛ à pì:
207	GEN 9:1	Akũ Luda arubarikaa dà Nuhugu kũ a nɛ́nɔ à pìńnɛ: Àgɔ̃ nɛ́ i àgɔ̃ kara à andunia pa.
214	GEN 9:8	Luda pì Nuhunɛ kũ a nɛ́nɔ dɔ:
218	GEN 9:12	Akũ Luda ɛ̀ra à pì: Ma bàka nigɔ̃ kú kãáo kũ pɔ́ wɛ̃̀ndide kũ ò kú kãáonɔ ari gɔrɔ sĩnda pínkimɛ. A sèedaan dí.
223	GEN 9:17	Akũ Luda pì Nuhunɛ: Ma bàka kunna kũ pɔ́ wɛ̃̀ndide kũ ò kú andunia gũnnɔ pínki sèedaan gwe.
232	GEN 9:26	Akũ à pì: Arubarikademɛ Dikiri, Sɛmu Luda ũ, Kanaa nigɔ̃ de Sɛmu zɔ̀ ũ.
233	GEN 9:27	Luda karana kɛ Yafɛtinɛ, a burinɔ ń baka le Sɛmu burinɔ arubarikaa gũn, Kanaa nigɔ̃ de Yafɛti zɔ̀ ũ.
241	GEN 10:6	Hamu nɛ́gɔ̃gbɛ̃nɔ tɔ́n dí: Etiopia, Misila, Libia kũ Kanaao.
244	GEN 10:9	Tofe sàamɛ Dikiri kĩnaa. A yã mɛ́ à tò òdi pi: Lákũ Nimlɔdu de tofe sà ũ Dikiri kĩnaa nà.
248	GEN 10:13	Misila burinɔn dí: Ludunɔ, Anamunɔ, Lɛabanɔ, Nafatunɔ,
254	GEN 10:19	Ń bùsu lɛ́zɛkin dí. Bona zaa Sidɔ̃ gɛna Gera kũ à kú Gaza sarɛ ari Sɔdɔmu kũ Gɔmɔrao kũ Adamao kũ Zeboimu kũ à kú Lasa sarɛo.
257	GEN 10:22	Sɛmu nɛ́gɔ̃gbɛ̃nɔ tɔ́n dí: Elamu, Asiria, Apasada, Ludu kũ Aramuo.
269	GEN 11:2	Lákũ gbɛ̃nɔ tɛn sɔ̃sɔ̃ ifãboki kpa nà, kũ ò kà Babilɔnia bùsu gusaran, akũ ò vùtɛ gwe.
294	GEN 11:27	Tera burinɔ yãn dí. Tera Abramu kũ Nao kũ Aranao ì, akũ Arana Lutu ì.
298	GEN 11:31	Akũ Tera a nɛ́ Abramu kũ a daikore Lutuo kũ Abramu nanɔ Saraio sɛ̀ bona Uru, Kaladia bùsun, òtɛn gɛ́ Kanaanɔ bùsun. Kũ ò kà Arana, ò vùtɛ gwe.
303	GEN 12:4	Akũ Abramu dà zɛ́n lákũ Dikiri ònɛ nà. Lutu gɛ̀ɛ kãao. A wɛ̃̀ baaakɔ̃ akuri awɛɛsɔɔrode gũn à bò Arana
304	GEN 12:5	kũ a nanɔ Saraio kũ a vĩ̀ni nɛ́ Lutuo kũ ń aruzɛkɛ kũ ò vĩnɔ kũ gbɛ̃ kũ ò sɛ̀ gwenɔ. Lɛn ò bò Arana lɛ ò dà Kanaa zɛ́n. Kũ ò kà gwe,
312	GEN 12:13	Ǹ pińnɛ ma dãremɛ n ũ de ò ma sí ɔplapla n yãi. Lákũ ĩni ma mì sí nàn gwe.
320	GEN 13:1	Akũ Abramu bò Misila à sù Nɛgɛvi kũ a nanɔo kũ a aruzɛkɛnɔ pínki kũ Lutuo.
324	GEN 13:5	Lutu dìgɔ̃ tɛ́ kũ Abramuo lɛɛlɛ. À sãnɔ kũ zùnɔ kũ bizakutanɔ vĩ se.
326	GEN 13:7	Akũ lɛ́kpakɔ̃a gɛ̃̀ Abramu pɔ́dãrinɔ kũ Lutu pɔ́dãrinɔ dagura. Zĩ kũ̀a sɔ̃ Kanaanɔ kũ Pɛrizinɔn kú bùsuu pìn.
327	GEN 13:8	Akũ Abramu pì Lutunɛ: À mana lɛ́kpakɔ̃a gɔ̃ kú ó daguraro, ke ma pɔ́dãrinɔ kũ n pɔ́dãrinɔ dagura, zaakũ danɛnɔn ó ũ.
329	GEN 13:10	Kũ Lutu gu gwà, à è Yoda guvutɛ pínki mɔtɔ vĩ manamana. Ari Dikiri gɔ̃ gɛ́ Sɔdɔmu kũ Gɔmɔrao kakatɛ, guvutɛ pì de lán Dikiri swadakoo bà, lán Misila bùsuu bà, ari à gɛ̀ɛ pɛ́ Zoaa.
330	GEN 13:11	Akũ Lutu Yoda guvutɛ sɛ̀ pínki. Ò kɛ̃̀kɔ̃a, akũ Lutu dà zɛ́n à tà ifãboki kpa.
331	GEN 13:12	Abramu gɔ̃̀ Kanaanɔ bùsun, Lutu sɔ̃ à kú Yoda guvutɛ wɛ̃tɛnɔ dagura. À bùraa kàtɛ Sɔdɔmu sarɛ.
333	GEN 13:14	Lutu tanaa gbɛra Dikiri pì Abramunɛ: Gu kũ ń zɛ́n ǹ wɛ́ sɛ́ ǹ gugbãnduru kũ gɛ̀nɔmidɔkio kũ ifãbokio kũ ifãlɛtɛo gwa.
349	GEN 14:12	Gɔrɔ kũ̀a Abramu vĩ̀ni nɛ́ Lutu kú Sɔdɔmu, akũ ò a kũ̀ ò tà kãao kũ a aruzɛkɛnɔ.
353	GEN 14:16	À ɛ̀ra à sù kũ aruzɛkɛ pìnɔ pínki kũ a vĩ̀ni nɛ́ Lutuo kũ a aruzɛkɛnɔ. À sù kũ nɔgbɛ̃nɔo kũ gbɛ̃ pãndenɔ dɔ.
355	GEN 14:18	Akũ Salɛmu kína Mɛlɛkizɛdɛki sù kũ burodiio kũ sèwɛ̃o. Àpi bi Luda Musude gbàgbariimɛ.
356	GEN 14:19	Akũ à sa mana ò Abramunɛ à pì: Luda Musude musu kũ zĩtɛo Kɛ̀ri arubarika da Abramun.