2	GEN 1:2	Gu da pãmɛ à kɛkɛnaro, gusira mɛ́ à da ísirala, akũ Luda Nini tɛn yàa kɛ í pìla.
68	GEN 3:12	À wèa à pì: Nɔgbɛ̃ kũ n kpàma àgɔ̃ kú kũmao mɛ́ à lí pì nɛ́ kpàma ma blè.
72	GEN 3:16	Akũ à pì nɔgbɛ̃nɛ: Mani n nɔ̀sinaa wari karannɛ, ĩnigɔ̃ nɛ́ i kũ wãwão. N zã ni nigɔ̃ kúmmamɛ, anigɔ̃ kí ble n musu.
87	GEN 4:7	Tó n yã mana kɛ̀, mani n síroo? Tó ńdi yã mana kɛ sɔ̃ro, durunna natɛnnɛ n kpɛ́lɛlɛa. N ni tɛni a dɛ, séde ǹ zĩ̀ blea.
90	GEN 4:10	Akũ Dikiri pì: Bɔ́n n kɛ̀ɛ? N dakũna aru tɛn lɛ́ zumai zaa zĩtɛ gũn mà zɛ kãao.
94	GEN 4:14	Ntɛn pɛ́ma zĩtɛ la gbãramɛ sà. Mani kɛ̃kɔ̃a kũnwo sà. Manigɔ̃ sɔ̃sɔ̃ gu kũ guo màgɔ̃ likara andunia gũn, gbɛ̃ kũ à kpàkũn kũmao ni ma dɛ.
96	GEN 4:16	Akũ Kainu dà zɛ́n à kɛ̃̀ Dikiria. À gɛ̀ɛ à vùtɛ Nɔdu bùsun Ɛdɛni ifãboki kpa.
102	GEN 4:22	Zila sɔ̃, akũ mɛ́ à Tubala Kainu ì. Siaamɛ a ũ. Àdi pɔ pínki pi kũ mɔ̀sio kũ mɔ̀gotɛ̃o. A dãre tɔ́n Naama.
135	GEN 5:29	À tɔ́ kpànɛ Nuhu à pì: Gbɛ̃ bire mɛ́ ani ó laakari kpátɛwɛrɛ zĩ gbãna kũ ótɛn kɛ yãi. Odì zĩ gbãna pì kɛ Dikiri láaribona zĩtɛa yãimɛ.
136	GEN 5:30	Nuhu inaa gbɛra Lamɛki kɛ̀ wɛ̃̀ wàa aakɔ̃ sɔɔrosari à nɛ́ pãndenɔ ì dɔ gɔ̃gbɛ̃nɔ kũ nɔgbɛ̃nɔo.
138	GEN 5:32	Kũ Nuhu kà wɛ̃̀ wàa pla kpɛ́ basɔɔro, à Sɛmu kũ Hamuo kũ Yafɛtio ì.
141	GEN 6:3	Akũ Dikiri pì: Ma Nini nigɔ̃ kú bisãsirinɔ gũn gɔrɔ sĩnda pínkiro, zaakũ mɛ̀barademɛ. Ń gɔrɔnɔ nigɔ̃ wɛ̃̀ basuddomɛ.
146	GEN 6:8	Ama Nuhu Dikiri pɔnna lè.
147	GEN 6:9	Nuhu burinɔ yãn dí. Nuhu bi gbɛ̃ manamɛ. Kũ à kun, a mɛ̀n do mɛ́ à taari vĩro à táa ò kũ Ludao.
148	GEN 6:10	Nuhu nɛ́gɔ̃gbɛ̃nɔ ì gbɛ̃nɔn aakɔ̃, Sɛmu kũ Hamuo kũ Yafɛtio.
151	GEN 6:13	Akũ Luda pì Nuhunɛ: Mani gbɛ̃ sĩnda pínki kakatɛ, kũ ń yãin taarikɛna dà anduniala. Mani ń kakatɛ lɛɛlɛ kũ anduniaomɛ.
160	GEN 6:22	Akũ Nuhu kɛ̀ lɛ à yã kũ Luda ònɛɛ kɛ̀ pínki.
161	GEN 7:1	Akũ Dikiri pì Nuhunɛ: Ǹ gɛ̃ gó gũn kũ n bedenɔ, zaakũ mɔkɔ̃mmɛ ma n e yãnnade ũ gbãragbɛ̃nɔ tɛ́.
165	GEN 7:5	Nuhu yã kũ Dikiri ònɛɛ kɛ̀ pínki.
166	GEN 7:6	Gɔrɔ kũ í dà anduniala, Nuhu kun wɛ̃̀ wàa aakɔ̃mɛ.
169	GEN 7:9	sù Nuhu kĩnaa gó gũn mɛ̀n plapla da kũ a sàao lákũ Luda ònɛɛ nà.
171	GEN 7:11	Nuhu wɛ̃̀ wàa aakɔ̃de gũn a mɔ plade gɔrɔ gɛ̃ro awɛɛplade zĩ, akũ í kũ à kú zĩtɛ gbárunɔ pũ̀tã pínki, akũ ludambɛ guforonɔ fɔ̃̀.
173	GEN 7:13	Gɔrɔ birea Nuhu gɛ̃̀ gó gũn kũ a nɛ́nɔ Sɛmu kũ Hamuo kũ Yafɛtio kũ api nanɔo kũ a nɛ́nɔ nɔnɔ gbɛ̃nɔn aakɔ̃,
175	GEN 7:15	Pɔ́ kũ òdi wesa bonɔ sù Nuhu kĩnaa gó gũn buri kũ burio mɛ̀n plapla.
183	GEN 7:23	Luda pɔ́ wɛ̃̀ndide kũ ò kú sĩ̀sĩanɔ kàkatɛ pínki. À bisãsirinɔ kũ nɔ̀bɔnɔ kũ pɔ́ kũ òdi táa o kũ kùaonɔ kũ bãnɔ kàkatɛ andunia gũn. Nuhu mɛ́ à bò ado kũ pɔ́ kũ ò kú kãao gó gũnnɔ.
185	GEN 8:1	Nuhu kũ nɔ̀bɔsɛ̃ntɛnɔ kũ bɛ pɔ́kãde kũ ò kú kãao gó gũnnɔ pínki yã dɔ̀ Ludan. Kũ à ĩa gbàrɛ zĩtɛa, akũ í nà babanaaa.
190	GEN 8:6	Gɔrɔ bupla gbɛra Nuhu gó wondo kũ à bòn yã wɛ̃̀,
193	GEN 8:9	Kũ potɛ̃nɛ dí diki lero, akũ a ɛ̀ra à sù Nuhu kĩnaa gó gũn, zaakũ í da anduniala pínkimɛ. Nuhu ɔ bò à a kũ̀ à gɛ̃̀o gó gũn.
195	GEN 8:11	Potɛ̃nɛ pìi ɛ̀ra à sù à kĩnaa ɔkɔsi à kù lá kɛ̃̀ à kpá a lɛ́i. Akũ Nuhu dɔ̃ kũ í làgo zĩtɛa.
197	GEN 8:13	Nuhu wɛ̃̀ wàa aakɔ̃ awɛɛdode gũn a mɔ káaku gɔrɔ káaku zĩ, í bàba zĩtɛa, akũ à gó pìi musu gò. Kũ à gu gwà, à è í làka zĩtɛa.
199	GEN 8:15	Akũ Luda yã ò Nuhunɛ à pì:
202	GEN 8:18	Akũ Nuhu bò kũ a nɛ́nɔ kũ a nanɔo kũ a nɛ́ pìnɔ nɔnɔo.
203	GEN 8:19	Nɔ̀bɔnɔ pínki kũ pɔ́ kũ òdi táa o kũ kùaonɔ pínki kũ bãnɔ pínki kũ pɔ́ kũ òdi táa o zĩtɛnɔ pínki bɔ̀tɛ gó gũn buri kũ burio.
204	GEN 8:20	Akũ Nuhu Dikiri gbagbaki bò. À nɔ̀bɔ kũ bã kũ òdi sa oonɔ kũ̀, akũ à sa'opɔ kũ òdi ká tɛ́n à tɛ́ kũ òa.
207	GEN 9:1	Akũ Luda arubarikaa dà Nuhugu kũ a nɛ́nɔ à pìńnɛ: Àgɔ̃ nɛ́ i àgɔ̃ kara à andunia pa.
208	GEN 9:2	Nɔ̀bɔnɔ kũ bãnɔ kũ pɔ́ kũ òdi táa o kũ kùaonɔ kũ kpɔ̀nɔ nigɔ̃ á vĩna vĩ pínki. Ma ń náárɛ á ɔĩ.
214	GEN 9:8	Luda pì Nuhunɛ kũ a nɛ́nɔ dɔ:
223	GEN 9:17	Akũ Luda pì Nuhunɛ: Ma bàka kunna kũ pɔ́ wɛ̃̀ndide kũ ò kú andunia gũnnɔ pínki sèedaan gwe.
224	GEN 9:18	Nuhu nɛ́ kũ ò bɔ̀tɛ gó gũnnɔ tɔ́n dí: Sɛmu, Hamu, Yafɛti. Hamumɛ Kanaa de ũ.
225	GEN 9:19	Nuhu nɛ́nɔn gwe gbɛ̃nɔn aakɔ̃. Ń burinɔ mɛ́ ò dàgula andunia gũn pínki.
226	GEN 9:20	Nuhu bi búbariimɛ, akũ à geepi líkpɛ bà.
230	GEN 9:24	Kũ wɛ̃ wère Nuhua à vù, à mà lákũ a nɛ́ kpɛde kɛ̀arɛ nà,
234	GEN 9:28	Í dana anduniala gbɛra Nuhu kɛ̀ wɛ̃̀ wàa do kpɛ́ basuppla akuri.
236	GEN 10:1	Nuhu nɛ́gɔ̃gbɛ̃nɔ Sɛmu kũ Hamuo kũ Yafɛtio kũ ń nɛ́gɔ̃gbɛ̃ kũ ò ì í dana anduniala gbɛranɔ yãn dí.
243	GEN 10:8	Nimlɔdu bi Etiopia burimɛ dɔ. Àkũmɛ andunia gbãnazɔ̃kɔ̃de tɔ́de káaku ũ.
244	GEN 10:9	Tofe sàamɛ Dikiri kĩnaa. A yã mɛ́ à tò òdi pi: Lákũ Nimlɔdu de tofe sà ũ Dikiri kĩnaa nà.
246	GEN 10:11	Bona gwe à gɛ̀ɛ Asiria bùsun, akũ à Ninɛva kàtɛ kũ Reobo'irio kũ Kalao
247	GEN 10:12	kũ Rɛsɛ̃ kũ à kú Ninɛva dagura kũ Kalao. Ninɛvamɛ wɛ́ra zɔ̃kɔ̃ ũ.
248	GEN 10:13	Misila burinɔn dí: Ludunɔ, Anamunɔ, Lɛabanɔ, Nafatunɔ,
267	GEN 10:32	Nuhu nɛ́gɔ̃gbɛ̃nɔ burinɔn gwe danɛdanɛ bùsu kũ bùsuuo. Ń kĩnaan andunia buri sĩnda pínki bòn ò dàgula í dana anduniala gbɛra.
289	GEN 11:22	Serugu wɛ̃̀ baraakuride gũn à Nao ì.
291	GEN 11:24	Nao wɛ̃̀ baraakuri donsaride gũn à Tera ì.
293	GEN 11:26	Tera kɛ̀ wɛ̃̀ baaakɔ̃ akuri, akũ à Abramu kũ Nao kũ Aranao ì.
294	GEN 11:27	Tera burinɔ yãn dí. Tera Abramu kũ Nao kũ Aranao ì, akũ Arana Lutu ì.
296	GEN 11:29	Abramu kũ Nao nɔ sɛ̀. Abramu nanɔ tɔ́n Sarai, Nao nanɔ sɔ̃ tɔ́n Milika, Arana nɛ́. Arana pì mɛ́ à Isika ì dɔ.
308	GEN 12:9	Akũ à dà zɛ́n dɔ à mìi pɛ̀ Nɛgɛvia.
318	GEN 12:19	À kɛ̀ dera n pì n dãremɛ, akũ ma a sɛ̀ nɔ ũu? N nɔn di! Ǹ n pɔ́ sɛ́ ǹ táo.
320	GEN 13:1	Akũ Abramu bò Misila à sù Nɛgɛvi kũ a nanɔo kũ a aruzɛkɛnɔ pínki kũ Lutuo.
322	GEN 13:3	Bona Nɛgɛvi à sɔ̃̀sɔ̃ gu kũ guo ari à gɛ̀ɛ à kào Bɛtɛli, gu kũ à bùraa kàtɛn káaku Bɛtɛli dagura kũ Aio,
365	GEN 15:4	Akũ Dikiri pìnɛ: Àpi mɛ́ anigɔ̃ de n túbibleri ũro. Nɛ́ kũ ani bo n wóplɛn mɛ́ anigɔ̃ de n túbibleri ũ.
377	GEN 15:16	N nasionɔ mɛ́ oni ɛra ò su la, zaakũ Amɔrinɔ durunna dí papa kɔ̀ro.
388	GEN 16:6	Akũ Abramu wèa à pì: N zĩkɛri kun n pɔ́ ũmɛ. Ǹ kɛnɛ lákũ ń yei nà. Kũ Sarai wari dɔ̀a, akũ à bàa lɛ̀nɛ.
390	GEN 16:8	Akũ à a là à pì: Sarai zĩkɛri Hazara, n bo mámɛɛ? Ntɛn gɛ́ mámɛɛ? Akũ à wèa à pì: Matɛn bàa lɛ́ ma dikiri Sarainɛmɛ.
434	GEN 18:9	Akũ ò a là ò pì: N nanɔ Sara kú mámɛɛ? À pì: À kú kutan gwe.
440	GEN 18:15	Akũ Sara ledi kpà à pì ádi yáa dɔro, zaakũ vĩna a kũ̀. Akũ Dikiri pì: É'e! N yáa dɔ̀.
470	GEN 19:12	Gbɛ̃nɔn pla pìnɔ pì Lutunɛ: Dí ń vĩ la dɔɔ? Nɛ́gɔ̃gbɛ̃nɔ, nɛ́nɔgbɛ̃nɔ, n nɛ́ anzurenɔ kũ gbɛ̃ kũ ò de n gbɛ̃ ũnɔ wɛ̃tɛ gũn ń pínki. Ǹ bɔtɛ kũńwo,
476	GEN 19:18	Akũ à pìńnɛ: Oi ma dikiri! N yã nna!
497	GEN 20:1	Akũ Ibrahĩ fùtɛ gwe à gɛ̀ɛ Nɛgɛvi bùsun Kadɛsi kũ Suruo dagura. Kũ à gɛ̀ɛ à vùtɛ Gera,
501	GEN 20:5	Àkũ mɛ́ à pìmɛnɛ a dãrenloo? Nɔgbɛ̃ pì sɔ̃ à pì a dãgɔ̃mɛ. Ma yã kɛ̀ a zɛ́amɛ, má taari vĩro.
505	GEN 20:9	Akũ Abimɛlɛki Ibrahĩ sìsi à pìnɛ: Bɔ́yãi n kɛ̀wɛrɛ lɛɛ? Bɔ́ taarin ma kɛ̀nnɛ gbasa n tò ma gɔ̃ durunnade ũ kũ ma bùsuuo? N yã kũ à de ò kɛro kɛ̀mɛnɛ.
565	GEN 22:17	mani arubarika dangu mà n buri karannɛ lán susunɛnɔ bà, onigɔ̃ dasi lán ísiralɛ bùsu'atɛ̃ bà. N burinɔ nigɔ̃ gbãna vĩ n ibɛrɛnɔa.
568	GEN 22:20	Abire gbɛra ò ò Ibrahĩnɛ ò pì: N vĩ̀ni Nao nanɔ Milika nɛ́gɔ̃gbɛ̃nɔ ì.
571	GEN 22:23	Bɛtuɛli pì mɛ́ à Rɛbɛka ì. Nɛ́gɔ̃gbɛ̃ gbɛ̃nɔn sɔraakɔ̃ kũ Milika ì kũ Ibrahĩ vĩ̀ni Naon gwe.
576	GEN 23:4	Nibɔ kũ gbɛ̃ zĩ̀tɔɔon ma ũ á tɛ́. À zĩtɛ yíama ma gɛ̀vĩki ũ mà gɛ̀ vĩn.
602	GEN 24:10	Zĩkɛrii pì a dikiri lakuminɔ sɛ̀ mɛ̀n kuri kũ a dikiri aruzɛkɛ buri pínkio, akũ à fùtɛ à gɛ̀ɛ Nao bɛ wɛ̃tɛn zaa Siria Mɛsɔpɔtamia bùsun.
607	GEN 24:15	Adi yã pì o à làkaro, akũ Bɛtuɛli nɛ́ Rɛbɛka bò kũ loo dina a gã̀n. Bɛtuɛli bi Ibrahĩ vĩ̀ni Nao nɛ́ kũ à ì kũ a nanɔ Milikaomɛ.
608	GEN 24:16	Nɛ́ pì mana akũsɔ̃ à bũnumɛ, gɔ̃gbɛ̃ ke dí wutɛ kãao zikiro. À sù lɔ̀gɔ kĩnaa, à í tɔ̀ à a lo pà, akũ à ɛ̀ra àtɛn tá.
610	GEN 24:18	Nɔgbɛ̃ pìi pì: Ǹ mi Baa! Akũ à a lo kìpa gɔ̃̀nɔ, à í kpàa à mì.
616	GEN 24:24	Akũ à wèa à pì: Bɛtuɛli nɛ́n ma ũ, Milika kũ Nao daikore.
635	GEN 24:43	Má kú lɔ̀gɔ lɛ́a. Nɔkpare kũ à sù í tɔ́, akũ ma pìnɛ à ma gba í fíti mà mi,
639	GEN 24:47	Akũ ma a la, dí nɛ́n a ũu? À pì Bɛtuɛli nɛ́n a ũ, Milika kũ Nao daikore. Akũ ma tãnka dànɛ a yĩa, ma zã dànɛ a ɔnɔa.
647	GEN 24:55	Nɔ vĩ̀ni kũ a dao pì: Ǹ tó nɛ́ pì gɔ̃ kũoo bee gɔrɔ kuri, á gbasa à tá.
652	GEN 24:60	Ò sa mana ò Rɛbɛkanɛ ò pì: Nɛ́, Luda tó ǹ gɔ̃ gbɛ̃ dasinɔ dai ũ, n burinɔ gɔ̃ gbãna vĩ ń zãngurinɔa.
654	GEN 24:62	A sù à lè Isaaku sù kũ lɔ̀gɔ kũ òdi pi Ludabɛ̃nɛkũadima'eo à vùtɛ Nɛgɛvi bùsun.
661	GEN 25:2	Nɛ́ kũ à ì kãaonɔ tɔ́n dí: Zimlã, Yɔkɔsã, Mɛdã, Midiã, Isibaki, Sua.
672	GEN 25:13	Sumaila nɛ́gɔ̃gbɛ̃nɔ tɔ́n dí lákũ ò ń í nà. A daudu tɔ́n Nɛbayo. A dakũnanɔ tɔ́n dí: Keda, Adabɛli, Mibisamu,
674	GEN 25:15	Adada, Tema, Yetu, Nafisi kũ Kedemao.
686	GEN 25:27	Nɛ́ pìnɔ zɔ̃kɔ̃ kũ̀. Isau kɛ̀ tofekari gbãna kũ àdi kɛ̃ sɛ̃̀ntɛaro ũ. Yakubu sɔ̃ bɛgwariimɛ.
689	GEN 25:30	Akũ à pì Yakubunɛ: N yã nna! Ǹ tó mà dò tɛ̃ra bire ble, zaakũ nà tɛni ma dɛmɛ. A yã mɛ́ à tò, ò tɔ́ kpà Isaunɛ Ɛdɔmu.
694	GEN 26:1	Nàa kà bùsuu pìn a káakupɔ kũ à kà Ibrahĩ gɔrɔa baasi, akũ Isaaku fùtɛ à gɛ̀ɛ Filisitininɔ kína Abimɛlɛki kĩnaa Gera.
729	GEN 27:1	Isaaku zĩ kũ̀ a wɛ́ gbãna doro, àtɛn gu e manaro. Akũ à a dauduu sìsi à pì: Nɛ́! Akũ à wèa à pì: Makũ dí.
748	GEN 27:20	Akũ Isaaku pì a nɛ́nɛ: O'o! N lè kɔ̀ yá? À wèa à pì: Dikiri n Luda mɛ́ à ma tá kɛ̀ nna.
763	GEN 27:35	Akũ à pì: N dakũna sù kũ ɔ̃ndɔ̃o à n sa'olɛ sì kɔ̀.
783	GEN 28:9	Akũ à gɛ̀ɛ Ibrahĩ nɛ́ Sumaila kĩnaa à a nɛ́ Maala sɛ̀ à nà a nɔ káakunɔa. Maala bi Nɛbayo dãremɛ.
788	GEN 28:14	N burinɔ nigɔ̃ dasi lán bùsutiti bà, oni dagula ifãboki kpa kũ ifãlɛtɛo kũ gugbãnduru kũ gɛ̀nɔmidɔkio. Andunia buri sĩnda pínki ni arubarika le mɔkɔ̃n kũ n burio gãi.
801	GEN 29:5	Akũ à ń lá à pì: Á Nao daikore Labã dɔ̃ yá? Ò wèa ò pì: Ó a dɔ̃.
839	GEN 30:8	akũ Rahila pì: Ma ɔsi zɔ̃kɔ̃ɔ kà kũ ma vĩ̀nio ma ɔsi nɛ̀. Akũ à tɔ́ kpànɛ Nafatali.