5	GEN 1:5	À tɔ́ kpà gupuranɛ fãnantɛ̃, gusira sɔ̃ gwãani. Gu sì gu dɔ̀, a gɔrɔ káakun gwe.
14	GEN 1:14	Akũ Luda pì: Pɔ́ gupurakũrinɔ gɔ̃ kú musu ògɔ̃ fãnantɛ̃ kɛ̃kɔ̃a kũ gwãanio, ògɔ̃ wɛ̃̀ sèedanɔ kũ gɔrɔnɔ kũ wɛ̃̀nɔ mɔńnɛ.
16	GEN 1:16	À pɔ́ gupurakũri zɔ̃kɔ̃nɔ kɛ̀ mɛ̀n pla, a kũ à gbãna dìgɔ̃ kí ble fãnantɛ̃, a kũ à busɛ dìgɔ̃ kí ble gwãani. À susunɛnɔ kɛ̀ dɔ.
18	GEN 1:18	ògɔ̃ kí ble fãnantɛ̃ kũ gwãanio, ògɔ̃ gupura kɛ̃kɔ̃a kũ gusirao. Akũ à è à kɛ̀ mana.
39	GEN 2:8	Dikiri Luda swadakoo kɛ̀kɛ ifãboki kpa gu kũ òdi pi Ɛdɛni, akũ à gɔ̃gbɛ̃ kũ à kɛ̀ɛ pìi dà gwe.
45	GEN 2:14	A ɔnɛ aakɔ̃de tɔ́n Tigiri, a dɔ̀rɔɔ tà Asiria bùsu ifãboki kpa. Swa pì ɔnɛ siikɔ̃de tɔ́n Yuflati.
47	GEN 2:16	Akũ à yã dìtɛnɛ à pì: Ĩni fɔ̃ ǹ dàkoo pì lí nɛ́nɔ ble pínki,
57	GEN 3:1	Mlɛ̃̀ mɛ́ à manafiki vĩ de pɔ́ kũ Dikiri Luda kɛ̀nɔla pínki, akũ à nɔgbɛ̃ là à pì: Luda pì àsun dàkoo pì lí ke nɛ́ blenloo?
58	GEN 3:2	Akũ nɔgbɛ̃ wè mlɛ̃̀ɛ pìia à pì: Óni fɔ̃ ò dàkoo pì línɛ ble,
60	GEN 3:4	Akũ mlɛ̃̀ɛ pìnɛ: Áni garo fá!
80	GEN 3:24	Kũ Dikiri Luda pɛ̀a, akũ à kɛrubunɔ kàtɛ Ɛdɛni dàko ifãboki kpa, de ògɔ̃ lí wɛ̃̀ndide zɛ́ dãkpã kũ fɛ̃nɛda kũ àtɛn tɛ́ kɛ àtɛn litɛlitɛo.
85	GEN 4:5	Kainu sɔ̃ a yã dí kɛ Dikirinɛro, akũ adi a gba síro. Akũ Kainu pɔ fɛ̃̀ manamana a ãnn sìsi.
86	GEN 4:6	Akũ Dikiri pì Kainunɛ: Bɔ́yãi n pɔ fɛ̃̀ɛ? À kɛ̀ dera n ãnn yàkaa?
88	GEN 4:8	Akũ Kainu pì a dakũna Habilanɛ: Ò gɛ́ sɛ̃̀n. Kũ ò kà gwe, akũ à fùtɛ a dakũnai à a dɛ̀.
93	GEN 4:13	Akũ Kainu pì Dikirinɛ: Wari bire gbãna demala, mani fɔ̃ro.
96	GEN 4:16	Akũ Kainu dà zɛ́n à kɛ̃̀ Dikiria. À gɛ̀ɛ à vùtɛ Nɔdu bùsun Ɛdɛni ifãboki kpa.
103	GEN 4:23	Akũ Lamɛki pì a nɔnɔnɛ: Ada kũ Zilao, à ma yã ma, ma nɔnɔ, à sã kpá ma yãi. Gbɛ̃ke ma kĩnna, akũ ma a dɛ̀, kɛfɛnna pì ma lɛmɛ, akũ ma a wɛ̃̀ndii bò.
104	GEN 4:24	Tó oni Kainu fĩna bonɛ gɛ̃̀n suppla, makũ Lamɛki ma pɔ́ sɔ̃, gɛ̃̀n baaakɔ̃ akuri awɛɛsupplamɛ.
138	GEN 5:32	Kũ Nuhu kà wɛ̃̀ wàa pla kpɛ́ basɔɔro, à Sɛmu kũ Hamuo kũ Yafɛtio ì.
148	GEN 6:10	Nuhu nɛ́gɔ̃gbɛ̃nɔ ì gbɛ̃nɔn aakɔ̃, Sɛmu kũ Hamuo kũ Yafɛtio.
154	GEN 6:16	Ǹ gó pìi musu pápa, gbasa ǹ guforo tó a dagura gwe gã̀sãkuru do zaa a musu kpa. Ǹ gbà da gó pì kpado ǹ gó pì kɛ didikɔ̃ana lɛu aakɔ̃.
164	GEN 7:4	Zaakũ gɔrɔ suppla gbɛra mani tó legũ ma zĩtɛ ari gɔrɔ bupla fãnantɛ̃ kũ gwãanio, de mà pɔ́ wɛ̃̀ndide kũ ma kɛ̀nɔ wara zĩtɛ pínki.
171	GEN 7:11	Nuhu wɛ̃̀ wàa aakɔ̃de gũn a mɔ plade gɔrɔ gɛ̃ro awɛɛplade zĩ, akũ í kũ à kú zĩtɛ gbárunɔ pũ̀tã pínki, akũ ludambɛ guforonɔ fɔ̃̀.
172	GEN 7:12	Legũ mà ari gɔrɔ bupla fãnantɛ̃ kũ gwãanio.
173	GEN 7:13	Gɔrɔ birea Nuhu gɛ̃̀ gó gũn kũ a nɛ́nɔ Sɛmu kũ Hamuo kũ Yafɛtio kũ api nanɔo kũ a nɛ́nɔ nɔnɔ gbɛ̃nɔn aakɔ̃,
178	GEN 7:18	Í fùtɛ à kàra manamana à dà zĩtɛla, akũ gó pì fù íla.
180	GEN 7:20	Í fùtɛ à dà kpi pìnɔla ari gã̀sãkuru gɛ̃ro.
186	GEN 8:2	Í kũ ò kú zĩtɛ gbárunɔ kũ ludambɛ guforonɔ tàta, akũ legũ kɛ̃̀.
201	GEN 8:17	Ǹ pɔ́ wɛ̃̀ndide kũ ò kú kũnwonɔ bɔtɛ pínki, bãnɔ kũ nɔ̀bɔnɔ kũ pɔ́ kũ òdi táa o kũ kùaonɔ pínki, de ò fãkɔ̃a zĩtɛ ògɔ̃ nɛ́ i ògɔ̃ kara andunia gũn.
205	GEN 8:21	Kũ Dikiri a gbĩ mà, à kɛ̀nɛ nna, akũ à laasun lɛ̀ à pì: Mani ɛra mà láari bo zĩtɛa bisãsiri yãi doro, zaakũ bisãsiri laasun dìgɔ̃ vãni zaa a kɛfɛnnakɛgɔrɔamɛ. Mani ɛra mà pɔ́ wɛ̃̀ndidenɔ kakatɛ lákũ ma kɛ̀ nà doro.
206	GEN 8:22	Ari andunia gɛ́ àgɔ̃ kunwo pɔ́tɔ̃na kũ pɔ́kɛkɛnaao, ĩa kũ guwãnao, bunsirɛ kũ sakareo, fãnantɛ̃ kũ gwãanio, ń ke ni lákaro.
211	GEN 9:5	Mani á aru kũ à de á wɛ̃̀ndi ũ fĩna boárɛ. Tó nɔ̀bɔ gbɛ̃ dɛ̀ ke tó gbɛ̃ a gbɛ̃dake dɛ̀, mani a aru fĩna bonɛ. Mani fĩna bo gbɛ̃ kũ à a gbɛ̃dake dɛ̀ɛa.
219	GEN 9:13	Mani ludambɛfɛ̃nɛda bo legũa ma bàka kunna kũ anduniao sèeda ũ.
220	GEN 9:14	Tó ma tò legũ sìsi ludambɛfɛ̃nɛda bòa,
222	GEN 9:16	Tó ma ludambɛfɛ̃nɛda è legũa, ma bàka kunna kũ pɔ́ wɛ̃̀ndide buri sĩnda pínkio ari gɔrɔ sĩnda pínki yã ni dɔmagu.
224	GEN 9:18	Nuhu nɛ́ kũ ò bɔ̀tɛ gó gũnnɔ tɔ́n dí: Sɛmu, Hamu, Yafɛti. Hamumɛ Kanaa de ũ.
228	GEN 9:22	Kũ Kanaa de Hamu a de pótompo è, à bò à gɛ̀ɛ à ò Sɛmunɛ kũ Yafɛtio.
229	GEN 9:23	Akũ Sɛmu kũ Yafɛtio uta zɔ̃kɔ̃ɔ sɛ̀ ò dì ń gã̀aa ń pla ò táa ò kũ kpɛo. Ń arɛ dɔna gu pãndea de òsun ń de pótompo ero yãi, ò gɛ̀ɛ ò kù ń de pótompola.
233	GEN 9:27	Luda karana kɛ Yafɛtinɛ, a burinɔ ń baka le Sɛmu burinɔ arubarikaa gũn, Kanaa nigɔ̃ de Yafɛti zɔ̀ ũ.
236	GEN 10:1	Nuhu nɛ́gɔ̃gbɛ̃nɔ Sɛmu kũ Hamuo kũ Yafɛtio kũ ń nɛ́gɔ̃gbɛ̃ kũ ò ì í dana anduniala gbɛranɔ yãn dí.
237	GEN 10:2	Yafɛti nɛ́gɔ̃gbɛ̃nɔ tɔ́n dí: Goma, Magɔgu, Midiã, Girisi, Tubala, Mɛsɛki kũ Tirasao.
238	GEN 10:3	Goma nɛ́gɔ̃gbɛ̃nɔ tɔ́n dí: Asakɛnaza, Rifa, Tɔgama.
244	GEN 10:9	Tofe sàamɛ Dikiri kĩnaa. A yã mɛ́ à tò òdi pi: Lákũ Nimlɔdu de tofe sà ũ Dikiri kĩnaa nà.
248	GEN 10:13	Misila burinɔn dí: Ludunɔ, Anamunɔ, Lɛabanɔ, Nafatunɔ,
256	GEN 10:21	Yafɛti dakũna Sɛmu buri kɛ̀ dɔ. Àkũmɛ Eberunɔ dizi káaku ũ.
261	GEN 10:26	Yɔkɔtã nɛ́gɔ̃gbɛ̃nɔ tɔ́n dí: Alamɔdada, Sɛlɛfi, Azamavɛ, Yera,
264	GEN 10:29	Ofi, Avila kũ Yobabuo. Yɔkɔtã nɛ́gɔ̃gbɛ̃nɔn gwe pínki.
265	GEN 10:30	Bona Mɛsa gɛna Sefa kũ kpi kũ ò kú ifãboki kpanɔ, àkũmɛ ń bùsu ũ.
269	GEN 11:2	Lákũ gbɛ̃nɔ tɛn sɔ̃sɔ̃ ifãboki kpa nà, kũ ò kà Babilɔnia bùsu gusaran, akũ ò vùtɛ gwe.
271	GEN 11:4	Akũ ò pì: Ò wɛ́ra kátɛ ò kpɛ́didikɔ̃ana bo a mìsɔ̃ntɛ zɔ̃ ludambɛa. Ò ó zĩda tɔ́ bo de òsungɔ̃ fãkɔ̃ana dodo andunia gũnlo yãi.
275	GEN 11:8	Akũ Dikiri ń fãkɔ̃a gwe dodo andunia gũn pínki, akũ ò ń wɛ́ra katɛnaa tò.
276	GEN 11:9	A yã mɛ́ à tò, ò tɔ́ kpà wɛ̃tɛ pìinɛ Babɛli, zaakũ gwen Dikiri tò andunia buri sĩnda pínki yã bòn. Zaa gwen à ń fãkɔ̃a andunia gũn pínki.
307	GEN 12:8	Kũ à fùtɛ gwe, à mìi pɛ̀ kpi kũ ò kú Bɛtɛli ifãboki kpanɔa, akũ à bùraa kàtɛ gwe, Bɛtɛli kú ifãlɛtɛ kpa, Ai kú ifãboki kpa. À Dikiri gbagbaki bò gwe dɔ, akũ à a sìsi.
321	GEN 13:2	Abramu bi aruzɛkɛdemɛ, à pɔ́kãdenɔ vĩ dasi kũ andurufuuo kũ wuraao.
325	GEN 13:6	Ń pɔ́kãdenɔn dasi, gu pìi sɛ̃̀ dí mɔ́ḿma ń pínkiro. A yã mɛ́ à tò oni fɔ̃ ògɔ̃ kú gu dokɔ̃nɔ lɛɛlɛ doro.
330	GEN 13:11	Akũ Lutu Yoda guvutɛ sɛ̀ pínki. Ò kɛ̃̀kɔ̃a, akũ Lutu dà zɛ́n à tà ifãboki kpa.
333	GEN 13:14	Lutu tanaa gbɛra Dikiri pì Abramunɛ: Gu kũ ń zɛ́n ǹ wɛ́ sɛ́ ǹ gugbãnduru kũ gɛ̀nɔmidɔkio kũ ifãbokio kũ ifãlɛtɛo gwa.
335	GEN 13:16	Mani tó n burinɔ kɛ dasi lán bùsu'atɛ̃ bà. Tó gbɛ̃ke ni fɔ̃ à bùsu'atɛ̃ naro, de ani fɔ̃ à n burinɔ naro.
336	GEN 13:17	Ǹ futɛ ǹ gɛ̃ bùsuu pìn ǹ a gbã̀na kũ a yàasaao gwa, zaakũ ma kpàmmamɛ.
337	GEN 13:18	Abramu fùtɛ à gɛ̀ɛ à vùtɛ Mamare gbiri lí kũ ò kú Ɛblɔnunɔ sarɛ, akũ à Dikiri gbagbaki bò gwe.
338	GEN 14:1	Zĩkea Babilɔnia bùsu kína Amarafɛli kũ Ɛlasa bùsu kína Ariɔkio kũ Elamu bùsu kína Kɛdɔlaomɛɛo kũ Goimu bùsu kína Tidalao
341	GEN 14:4	Wɛ̃̀ kuri awɛɛpla dagura òdigɔ̃ táfe bo Kɛdɔlaomanɛ. A wɛ̃̀ kuri awɛɛ'aakɔ̃de gũnn ò gì bonɛi.
342	GEN 14:5	A wɛ̃̀ gɛ̃ro donsaride gũnn Kɛdɔlaoma kũ kína kũ ò kú kãaonɔ sù ò zĩ̀i blè Rɛfaimunɔa zaa Asɛtɛro Kanaimu, ò zĩ̀i blè Zuzinɔa zaa Hamu, ò zĩ̀i blè Ɛminɔa zaa Save Kiriataimu,
345	GEN 14:8	Akũ Sɔdɔmu kína kũ Gɔmɔra kínao kũ Adama kínao kũ Zeboimu kínao kũ Bɛla kũ òdi pi tera Zoa kínao fùtɛ ò gɛ̀ɛ ò zĩ̀ ká kũńwo Sidimu guvutɛn.
366	GEN 15:5	Akũ à bò kãao bàai à pì: Ǹ musu gwa ǹ susunɛnɔ naro, tó ĩni fɔ̃. Lɛmɛ n burinɔ nigɔ̃ de lɛ.
373	GEN 15:12	Kũ ifãntɛ̃ tɛn gɛ̃ kpɛ́n, i zɔ̃kɔ̃ Abramu kũ̀, akũ gusira zɔ̃kɔ̃ vĩnade dàala.
376	GEN 15:15	Mɔkɔ̃n sɔ̃, ĩnigɔ̃ aafiamɛ ari ǹ gɛ́ zĩ kũo, gbasa ǹ ká n dizinɔla oni n vĩ.
378	GEN 15:17	Kũ ifãntɛ̃ gɛ̃̀ kpɛ́n, gu sì, akũ Abramu è kĩni kũ àtɛn túsukpɛ bo kũ sɛ̃̀tɛo tɛn gɛ̃ nɔ̀bɔ kũ à pàrapara pìnɔ dagura.
379	GEN 15:18	Zĩ birea Dikiri pì a bàka nigɔ̃ kú kũ Abramuo à pì: Mani bùsu díkĩna kpá n burinɔa zaa Misila bùsu lɛ́zɛki swai ari swada kũ òdi pi Yuflati,
381	GEN 15:20	kũ Itinɔ kũ Pɛrizinɔ kũ Rɛfaimunɔ
392	GEN 16:10	Mani n buri kara ògɔ̃ dasi, oni fɔ̃ ò ń lɛ́ dɔ̃ro.
412	GEN 17:14	Oni gyɔfɔrɔde bo a gbɛ̃nɔ tɛ́, zaakũ gbɛ̃ kũ adi tɔ̃̀ zɔ̃ro yã kũ ma dìtɛárɛ kũnaro.
426	GEN 18:1	Dikiri bò à sù Ibrahĩa Mamare gbiri línɔ sarɛ. Ibrahĩ vutɛna a bizakuta kpɛ́lɛlɛa fãnantɛ̃.
427	GEN 18:2	Kũ à wɛ́ sɛ̀ musu, à gbɛ̃nɔn aakɔ̃ è zɛna. Kũ à ń é lɛ, akũ à fùtɛ kpɛ́lɛlɛa kũ bàao à gɛ̀ɛ à dàńlɛ à wùtɛ a nɛ̀sɛlɛ kutɛna
430	GEN 18:5	Lákũ a bɔtɛ ma bɛ kpa nà, mani suárɛ kũ pɔ́bleo fíti de à gbãna le gbasa à da zɛ́n. Akũ ò pì: Tɔ̀, ǹ kɛ lákũ n ò nà.
431	GEN 18:6	Akũ à gɛ̀ɛ Sara kĩnaa kutan à pì: Ǹ flawa dã zaka lɛ́ aakɔ̃ ǹ burodi kɛ likalika.
433	GEN 18:8	Akũ Ibrahĩ vĩfãani kũ vĩ'ipuo kũ zù kũ ò kɛ̀kɛɛ pìioo sɛ̀ à gɛ̀ɛ à dìtɛńnɛ. Gɔrɔ kũ òtɛn pɔ́ ble, api zɛ ń sarɛ lí gbáru gwe.
438	GEN 18:13	Akũ Dikiri Ibrahĩ là à pì: À kɛ̀ dera Sara yáa dɔ̀ɔ? À pì akũ kũ a zĩ kũ̀ áni fɔ̃ à nɛ́ i dɔ yá?
441	GEN 18:16	Kũ gbɛ̃ pìnɔ fùtɛ, Ibrahĩ gɛ̀ɛ à zɛńnɛ, akũ ò Sɔdɔmu kpa gwà.
452	GEN 18:27	Akũ Ibrahĩ ɛ̀ra à pì dɔ: Makũ kũ má de bùsutiti kũ túbuo ũ, ǹ gaafara kɛmɛnɛ mà yã onnɛ, Dikiri.
455	GEN 18:30	Akũ à pì: Dikiri, n yã nna! Ǹsun pɔ fɛ̃ro, má ye mà yã o dɔ. Tó gbɛ̃ mananɔ kà baraakuri sɔ̃ bi? À wèa à pì: Tó ma gbɛ̃ mananɔ è ò kà gbɛ̃nɔn baraakuri, mani yãke kɛro.
456	GEN 18:31	Akũ à pì: Ǹ gaafara kɛmɛnɛ dɔ Dikiri, mà yã onnɛ. Tó gbɛ̃ mananɔ kà gbɛ̃nɔn baro sɔ̃ bi? À wèa à pì: Mani wɛ̃tɛ pì kakatɛro gbɛ̃nɔn baro pìnɔ yãi.
457	GEN 18:32	Akũ à pì: Dikiri, ǹsun pɔ fɛ̃ro, yã díkĩna baasi mani yã o doro. Tó gbɛ̃ mananɔ kà gbɛ̃nɔn kuri sɔ̃ bi? À wèa à pì: Mani wɛ̃tɛ pì kakatɛro gbɛ̃nɔn kurii pìnɔ yãi.
459	GEN 19:1	Kũ malaika gbɛ̃nɔn pla pìnɔ kà Sɔdɔmu ɔkɔsi, Lutu vutɛna Sɔdɔmu bĩni kpɛ́lɛlɛa. Kũ à ń é, à fùtɛ à gɛ̀ɛ à dàńlɛ à kùtɛńnɛ à wùtɛ a nɛ̀sɛlɛ kutɛna
462	GEN 19:4	Ari ògɔ̃ gɛ́ wútɛ, Sɔdɔmudenɔ lìka Lutu kpɛ́i. Wɛ̃tɛ pì gɔ̃gbɛ̃nɔ kàkara gwe mámmam, kɛfɛnnanɔ kũ gbɛ̃ zɔ̃kɔ̃nɔ ń pínki.
469	GEN 19:11	Ò tò vĩ̀na gbɛ̃ kũ ò kú kpɛ arɛnɔ kũ̀ ń pínki nɛ́ fíti gbɛ̃ zɔ̃kɔ̃, akũ òtɛn kpɛ́ gbà wɛtɛ ari ò kpàsa.
472	GEN 19:14	Lutu bò à gɛ̀ɛ à ò a nɛ́nɔ anzurenɔnɛ à pì: À futɛ ò bɔtɛ, zaakũ Dikiri ni wɛ̃tɛ dí pì kakatɛ teramɛ. Akũ òtɛn da àtɛn fàai bomɛ.
473	GEN 19:15	Kũ gu dɔ̀ malaikaa pìnɔ nàkara Lutua ò pì: Ǹ futɛ ǹ n nanɔ kũ n nɛ́nɔgbɛ̃ gbɛ̃nɔn pla dínɔ sɛ́tɛ ǹ bɔtɛ kũńwo la, de ǹsun ga wɛ̃tɛ pì kakatɛnaa gũnlo yãi.
477	GEN 19:19	Makũ n zɔ̀bleri ma n pɔnna lè, n gbɛ̃kɛ kɛ̀mɛnɛ manamana n ma mìi sì. Ama mani fɔ̃ mà bàa lɛ́ mà kpi pìnɔ kĩnaa lero. Ari màgɔ̃ gɛ́ ká gwe, kakatɛnaa pì ni ma le mà ga.